|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: عماد كرار)
|
لحضرة جلالك يطيب الجلوس مهذب امامك يكون الكلام ... وعشان كده نحن جايين يا ود الصايم لنحتفي بلجنة البورداب الجديده اولا وباستقلال السودان الحبيب ثانيا مع خالص تمنياتي بان يكون هذا العام عام خير ونماء وبركه لسوداننا الحبيب ولنا جميعا نفر نفر .. والموعد يجمعنا باذن واحد احد .. التحية لكل من شارك وسيشارك في هذا العمل الكبير ومعكم ونشد من ازركم .. وحمد لله الف على السلامه يا ود الصايم ..
تحياتي : ياسر العيلفون .
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: طارق ابراهيم ابوالفضل)
|
عوداً حميداً ود الصايم بهذه الطلة والضحكة من الأعماق الأخ يوسف خير خلف لخير سلف الريس أبوجهينة والجميع ينصهرون في بوتقة واحدة تسمى الوطن لابد أن 23 يناير 2015م سوف يشهد وطناً في الغربة يجعلك تحس وكأنك في أمدرمان أو حلفا أو كادقلي أو الكرمك أو تنقسي أو هيا او طويشة أو رفاعة أو رهيد البردي أو الخوي كل السودان جوا القاعدة في مدينة الرياض. مرحباً بالجميع، رجالاً ونساءً وأطفالاً وضيوفاً حبابكم عشرة بدون كشرة ... تعالوا واحكموا في يوم استقلالنا في يوم عيدنا ببــــــــــــــو
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: محمد عبد الماجد الصايم)
|
النجيضة .. بالنسبة لـ (المحتارين): لجنة بورداب الرياض تم اختيارها عن طريق الجمعية العمومية الثانية بعد عدم اكتمال النصاب في العمومية الأولى .. احترم تماما قرارها باختيار الزميل يوسف السماني رئيسا واللجنة هي الأقـدر على إدارة أمورها في هذه الدورة .. والملعب قدامهم مفتوح .. بورداب الرياض كيان متكامل .. كل فرد فيه هو الرئيس .. وكل رئيس فيه هو فرد في المجموعة .. والجميع يعمل لخدمة الكيان ..
شعار اللجنة الحالية هو (لم الشمل) .. شعار جميل ومسؤول ويحتاج إلى عمل مكثّف وأسعد تماما بالمساهمة فيه ..
.. وكـدا ..
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: محمد عبد الماجد الصايم)
|
Quote: لجنة بورداب الرياض تم اختيارها عن طريق الجمعية العمومية الثانية بعد عدم اكتمال النصاب في العمومية الأولى .. |
ود الصايم يا حبوب .. وهل الجمعية العمومية التانية إكتمل فيها النصاب ؟؟؟ الإجابة لأ أكييد.. وهو النصاب زاااتو كم ؟؟ بتعرفوهو كيف إكتمل ؟؟ وهل في لوائح واضحة بتقول إنو في حال عدم إكتمال النصاب في الجمعية العمومية الأولى عليه يتم عقد جمعية عمومية تانية بأي عدد حضر ؟؟
صدقني يا حبوب وقبل ما ترد على الأسئلة الفوق دي انا متأكد إنو إجابتك حتكون يا عمر بورداب الرياض ليست جمعية أو رابطة مسجلة ومنظمة وليس لها دستور تجمعنا المحبة والإخاء والغربة وال وال وال الخ الخ الخ .. أها عشان لو دي حتكون إجابة الناس الحتجي مارة من هنا فعلييكم الله تاني ما تجيبو سيرة لجنة وجمعية عمومية وتضفو نوع من الشرعية لي لجانكم لأنو انا مصصصر إنو ده كلللو كلام فاضي مع الإحترام للجميع ..خلونا نتلاقا بدون مسميات ورسميات وبوستات بتاعت إكتساب شرعية زائفة وعمل قومة وقعدة في شي ما بيستاهل ..وإلا فأنا زييي ما قلت ليكم عند وعدي ورأيي انا بي لجنتي وح أتلكم بي لسان البورداب في التجمعات طارحاً نفسي مفوض من قبل الكيان الإسمو بورداب الرياض والكلام بي لسانهم ..
عن نفسي لا أحترم قرار أن يكون يوسف السماني رئيس بورداب الرياض ولا يمثلني خصوصاً بعد عرفنا مهزلة كيفية إختياره ...
تخريمة : كااايس ليك لي زمن عشان اقول ليك تقريرك بتاع تأجيل كورة هلال إتحاد أيام كركبة كوزمين والمنتخب أثبت إنك هلالي يا جباااان :) :)
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: عمر الفاروق)
|
Quote: خلونا نتلاقا بدون مسميات ورسميات وبوستات بتاعت إكتساب شرعية زائفة وعمل قومة وقعدة في شي ما بيستاهل ..وإلا فأنا زييي ما قلت ليكم عند وعدي ورأيي انا بي لجنتي وح أتلكم بي لسان البورداب في التجمعات طارحاً نفسي مفوض من قبل الكيان الإسمو بورداب الرياض والكلام بي لسانهم .. |
يا عمر الفاروق.. التلاقي ده عايز ليهو ترتيب.. وجمع مساهمات.. وحجز استراحات.. وتحديد البرنامج حيكون شنو وكيف.. لو القصة بقت مطلوقة ساي الناس ما بتلتزم.. وأنت أولهم في عدم الالتزام.. كنت عضو في اللجنة الفاتت وما شفناك ولا مرة واحدة لا بتقدم مبادرة.. ولا بتشارك برأيك.. المجال كان مفتوح ليك.. ولسه مفتوح.. بصفتك عضو أصيل وقديم في بورداب الرياض.. من الصعب إرضاء الجميع.. لأن الجميع مزاجاتهم مختلفة وتفكيرهم ليس في مستوى واحد.. والكل ينظر بمنظاره الخاص لأمور لا تحتاج كل هذا الزخم والانفعال و(المكاجرة).. و(الفوران)..
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: أيمن دياب)
|
تعرف يا عمر .. قصة بورداب الرياض واللجنة والكلام دا كلو خليط عجيب بين القوانين والإخوانيات ساي .. بالنسبة لقصة النصاب الأول والتاني دي ماف زول ختا ليهو نقطة قانونية .. لكن أغلب الجمعيات الفي السعودية دي بتشتغل بالنظام دا .. الجمعية العمومية الأولى ما اكتمل فيها النصاب يبقى العمومية التانية بمن حضر .. لو جو اتنين واحد يقول أنا الرئيس والتاني يقول أنا النائب وانتهينا:) النقطة التانية .. بتاعت رئاسة أخينا يوسف السماني .. ما ح أكضب عليكـ ولا على نفسي .. لو كنت حاضر الجمعية العمومية ما كنت ح أدي صوتي ليوسف ليس لأسباب محددة أو خلافات شخصية والحمد لله لكن وجهة نظري إنو المنصب يحتاج لشخصية توافقية أكثر من شخصية أخونا يوسف .. ويوسف في النهاية ما زولا شين للدرجة دي .. عندو سلبيات؟ أي نعم، وكلنا عندنا سلبيات! لكن في النهاية في ناس فضت نفسها وساقت عرباتها لحدي الدائري الجنوبي مخرج 18 وقالوا نحن دايرين يوسف السماني رئيس .. طيب يعني أنا القاعد في مكتبي ما داير يوسف رئيس .. وإنت خاتي شاشتكـ أم خرطمية وخمسين بوصة قدامكـ وما داير يوسف السماني .. وفلان وفلان وفلان .. بتخيل لي ما بتجي إنو نحن نفرض رأينا عليهم ونقول ليهم لا .. ولو خشيت في قصة دساتير وقوانين وحاجات زي دي .. فأمورنا كووولها مقدودة!! النجيضة: ياخ مني ليكـ كـدا .. نخلي يوسف دا يستمر في فترتو دي .. يا كمان قدّم الشغل اليخلينا نغيّر رأينا .. يا كمان قلنا ليهم بعدين: مش عمر الفاروق دقا ليكم جرس .. ليه ما سمعتو كلامو
بالمناسبة للتقرير إياه .. جبان شديد واتفشيت كويييس لمن رشينا الجماعة في ستادهم
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: د.محمد حسن)
|
Quote: شعار اللجنة الحالية هو (لم الشمل) .. شعار جميل ومسؤول ويحتاج إلى عمل مكثّف وأسعد تماما بالمساهمة فيه .. |
يجب أن نتجاوز الخلافات ونترفع عن الصغائر، مسؤولية لم الشمل مسؤولية جماعية، الانتصار لهوى النفس هزيمة والعمل في روح الجماعة عزيمة فأن لم تجمعنا المحبة ويوحدنا الوطن ستمتد مساحات الفرقة والشقاق
وكما قال نزار قباني: لم يدخل اليهود من حدودنا ولكن تسربوا كالنمل من عيوبنا.
أسال الله أن يجمع شملنا على الحق ويوحد صفوفنا، وأن يؤلف بين قلوبنا وينصرنا على أنفسنا ويكفينا شر أعداء الفرقة والشقاق
يارب
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: Zomrawi Alweli)
|
أيمن دياب .. شايفك للمرة التانية كررت قصة إنت ما ملتزم دي وإنت كنت في اللجنة ووو .. علماً بأنو كلامك الفوق ده انا قلتو قبل ما إنت إحتمال تكون عارفو ..انا شخص ملتزم جدا جدا تجاه الحاجات البكون مقتنع بيها وما بوافق على مسئولية شي انا ما قدرو فعليه أحب أوضح ليك نقطة إنو لمن تم تكليفي بالمنصب ده انا كنت واضح إني ما زول جية وإلتزام تجاه عمل ما معروف ليو راس من قعر سوى إنو شكليات ومسميات ليس إلا ..لا تسنده قواعد ولا أسس ..والناس شغالة فيو بي مزاجا ..بمعنى إنو من جهة يقلوبهو ليك رسميات وجمعية عمومية وإنتخابات و ترشيح و و و ..لمن تزنقهم وتطالب بي أمور واضحة يقولوا ليك ده شكليات ساي نحن بنشتغل كلنا كأسرة واحدة وماف شي رسمي ولاااا نحن جمعية أو منظمة مسجلة .. أها انا من وقتها قلت انا ما بقدر على جنس ده وفييي لحظتها وريتهم إنو تعييني كان مجاملة ساي لأنه وقتها كنت في خلاف مع أشخاص حول الفكرة وكانت في جوطة وشكلة وكعادتنا كسودانيين الزول البيجوط ده بيرضوهو عشان يسكت عشان كده انا ما حبيت أخش في الدور ده أو أقبل إني استمر بالطريقة دي ووريتهم فييي لحظتها .. وقع ليك ؟؟؟ عشان ما تجيني كل دقيقتين ناطي بي مداخلتك دي وتشبكني ما ملتزم والباب مفتوح وما جيت و و و .. يا أيمن دياب ..خليها قاعدة ثابتة وحاجة فييي جيناتنا نحن السودانيين ديل ..شوفت الحاجة تكون ماشة إسموووز ورااايقة وعفويية وفل الفل ..أها مننن تدخل فيهو قروش و إشتراك ولمة وإلتزام طوااالي عولقتها وفرتقتها وشتت الناس وبديت تدخل في نفسك في ده دفع وده ما دفع ونحن ما عندنا قروش وتماها فلان وفرتكان ما قصر وفلان شرد ما بيدفع ووو .. فعلييك الله قصة قروش ناقصة واستراحة دي ما تعزفا برضو لأنو البتسويهو بي إيدك بيغلب أجاويدك ..
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: يوسف السماني يوسف)
|
Quote: الجمعية العمومية الأولى ما اكتمل فيها النصاب يبقى العمومية التانية بمن حضر .. |
حماده صايم ديمة يا ليل..
ما ده سؤالي زاااتو اللو لقيت ليو إجابة بسكت .. النصاب كم؟؟ وفي الجمعية الأولى عرفو كيف النصاب ما أكتمل وقاموا بناء عليه قررو الإعادة !!؟؟ مفروض فيييي جمعيتهم الأولى ديك يعملو اللجنة بمن حضر لأنو انا متأكد ماف حصر عضوية ولااا حتقدر تحصر عضوية لأنو ببساطة ما عندك إشتراكات عضوية وتسجيل عضوية .. بورداب الرياض تسمية كنكش وسيطر عليها مجموعة معيينة واسماء معروفة هي القررت إنها لو جات وحضرت فالنصاب مكتمل ولو ما جات وحضرت معناها النصاب ما أكتمل .. المجموعة دي ما فايتة ال15 نفر صدقني .. أها ال15 ديل لو إختلفو مع بعض أو واااحد بس منهم إختلف معاهم وما جا بيقولوا ليك النصاب ما اكتمل وعشان يكسبو القانونية يدوهو فرصة يا فلان تعال المرة الجاية ولو ما جيت فبعد ده نحن سوينا العلينا ..
تخريمة : بالمناسبة برنامج مانشيت ده الأوووول ..بس عليك الله عندي ليك إقتراح قولو ليهو .. خليهو يعلن عن الضيفين وتعريفهم من البداية قبل يقول العناوين لأنو هو زي عاملا تشويق كده لكن لمن يدي فرصة للضيف الأول يرحب على المستمعين بيقوم الضيف الأول بيرحب بي الضيف التاني وبيقول إسمو وبالتالي حرق للمزيع كرت إعلان الشخصية التانية ..
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: معتز زيزي)
|
Quote: ما ده سؤالي زاااتو اللو لقيت ليو إجابة بسكت .. النصاب كم؟؟ وفي الجمعية الأولى عرفو كيف النصاب ما أكتمل وقاموا بناء عليه قررو الإعادة !!؟؟ مفروض فيييي جمعيتهم الأولى ديك يعملو اللجنة بمن حضر لأنو انا متأكد ماف حصر عضوية ولااا حتقدر تحصر عضوية لأنو ببساطة ما عندك إشتراكات عضوية وتسجيل عضوية .. |
أيووون .. كـدا وصلنا لنقطة كويسة يا معلم .. بورداب الرياض وبحسب إحصائية سيد البكان دا بكري أبو بكر قرابة 500 عضو .. نتفرض 450 الجمعية العمومية الأولى كانت في رمضان الفات وحضرتها وكان العدد لا يتجاوز 50 أو قول 60 يعني دا نصاب غير قانوني .. وحتى الناس اتكلمت عن ابتعاد الناس عن مناسبات البورداب والعزوف والأسباب ونقاشات كتيرة .. وأنا عن نفسي قلت ليهم واحدة من الأسباب النقة الكتيرة البقت تحصل في المناسبات والمايكات البتخش في خشم زول تاني ما بتمرق والحاجات الإضافية الما ليها داعي!! المهم في اللمة ديكـ الناس قررت إنو اللجنة دي تمشي زي ما هي .. ولو ما خانتني الذاكرة الكلام دا كان من الخال حمزاوي والناس وافقت عليهو .. اللجنة ـ أو بعض الموجودين فيها ـ أصروا على الاستقالة واستقرّ الرأي على الاستمرار لفترة مؤقتة حتى الإعلان عن جمعية عمومية جديدة .. وكما تم الاتفاق أعلنت اللجنة قبل فترة عن عقد الجمعية العمومية .. وجات الناس وصوّتت واختارت اللجنة الجديدة!
يا عمر ياااا فاروق .. قلت ليكـ فوق من ناحية شخصية أنا برضو ما كنت ح أختار يوسف السماني كرئيس .. ولا عندي معاهو خلافات ولا أي حاجة بل بالعكس قاعد أقدم ليهو كل الدعم الممكن عشان يتم الفترة القانونية بتاعتو .. ودا ما على يوسف بس بل لو اختار الناس أي واحد تاني .. أنا عندي رأي وإنت عندكـ رأي وفلان عندو رأي .. لكن كلنا ما مشينا الاجتماع العملو ليهو الدعوة .. يبقى واجب علي وعليكـ نقبل باختيار الناس دي!! ولا كيف؟
_ زولكـ بتاع مانشيت دا أنا ولا مقتنع بيهو برضو .. وساعي لإني أطيّر حنانو .. لكن بلكزو ليكـ .. ^_^
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: حسين ديقول)
|
Quote: أنا عندي رأي وإنت عندكـ رأي وفلان عندو رأي .. لكن كلنا ما مشينا الاجتماع العملو ليهو الدعوة .. يبقى واجب علي وعليكـ نقبل باختيار الناس دي!! ولا كيف؟ |
صايم ديمة يا حبوب.. لسة ما إتفقنا لأنو إنت لسة مصصر على كلمة جمعية عمومية دي والبتحاول تخلي الأمور وكأنها مستمدة من تنظيم شرعي ..وانا مصصصر إلحاحاً إنو الحاجات تمشي بي البركة من قولة تيت وبدون إعلانات رسمية وقيام جمعية ولم يكتمل النصاب فأعدناها بمن حضر ووو .. يا حبيب إنت قلت الاعضاء عددهم 500 تقريباً .. إنت سميتهم أعضاء على ياتو أساس؟؟ على أساس بيكتبو في سودانيز وساكنين الرياض؟؟ طيب تعال أقيسا ليك بي شي من الواقع ..جمهور الهلال السوداني أكتر من 25 مليون مشجع ..كم عدد عضوية نادي الهلال؟؟؟ هل هم 25 مليون؟؟ عضوية الهلال لا تتجاوز ال 12 الف فقط!! أها عضوية بورداب الرياض أكيد ما 500 ..ال 500 ديل بتنطبق عليهم الشروط صاح لكن ما بقو اعضاء لأنو ماف رسوم إشتراك أو تسجيل أو أو .. عليه لمن تنظم عضويتك وتسجيلاتك حينها تحدث عن جمعية عمومية ونصاب وإكتمال وعدم إكتمال .. كنت ح أكون سعيد جداً لو في أول لمة بتاعت رمضان دي تميتو اللجنة بدون شغل الرسميات ده وإضفاء شرعية مزيفة بي قصة الناس تمارس القانون والديموقراطية و و و..الموضوع لا يعدو كون أنه لمة ووناسة وقرقراب فعااادي في لحظة الونسة دي الناس تنتخب وترشح بدون قصة جمعية عمومية دي.. قصة اللي جا ليهو الحق واللي ما جا ما ليهو الحق دي ما صحيحة يا حبوب ..لأنو ال500 ديل لو فيهم 200 تانيين إتلمو في إستراحة تانية وعملو جمعيتهم فهم برضو لجنتهم شرعية ..وبي المفهوم ده أي 20 يأجرو إستراحة فليهم كااامل الحرية في إنشاء لجنتهم ..لأنو ماااف شروط ولا دستور بتلزم الناس تكون تحت لواء واحد إسمو بورداب الرياض بقيادة ناس فلان .. النقطة الأهم والأخطر إنو يوسف السماني ما إختاروهو الناس الجات ..يوسف السماني إختاروهو بي طلاق ..إختارو تحدييداً أبو جهينة ..علماً أنو يوسف السماني ذات نفسه قال ما عايز ..للتأتي الطامة الكبرى وتتفاجأ بي إنو زول يقول ليك ما عايز تقوم لمن تدخلو اللجنة يوافق يبقا رئيس !!! ده الحالة ما عايز !!!..؟؟؟ صدقني يا ود الصايم انا معارضتي للبيحصل المرة دي تحديييداً ولأول مرة أخش في معترك زي ده فقط بسبب إنو البيحصل ده تمثيلية بايخة الإخراج فيها طرفين صراع نحن ما لينا فيها لا ناقة ولا جمل لكن بيتم إستخدامنا بي طريقة " الطيرة المبارية السيرة" وسواء انا جيت ولا ما جيت كان حيحصل الذي دبّر بي ليل وكما خطط له .. بصراااحة ومن الأخر كده انا لا أفترض حسن النية في الحصل ده وشايفو شغل بتاع شيلني واشيلك وحبيبي اكتب لي لي وانا اكتب ليك...
تخريمة : نوف بتاعت 6 الصبح سمحة ولا ناكل باسطة ؟
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: محمد ابراهيم الامام)
|
معرفة الرجال كنوز .. سنوات طويلة ونحن نمضي فيها معاً بحلوها ومرها بعد أن جمعنا هذا المنبر .. عرفنا فيها أخوان وأصدقاء كثيرين .. رغم إختلاف توجهاتنا وأعمارنا وثقافاتنا ولكن كان يجمعنا شئ واحد وهو الوطن والحب والإخاء .. نختلف كثيراً نتعارك ونتشاكل ولكن كنا نترك كل ذلك في المنبر .. تجدنا نتسابق في الملمات لنقف مع بعضنا البعض ونتشارك الحياة بكل طعمها .. لقد كانت اللجان التي تدير العمل هي المنظم الأول لكل فعالياتنا وكان خط الدعم الأول جميع البورداب .. رغم الأعباء الكثيرة والمسؤليات الخاصة لم نجدهم يشتكون أو مقصرين فهو تكليف يقومون به بكل رحابة صدر .. الشكر لمن ترجل والتحية لمن يمسكون مقاليد الأمور الآن .. فالعمل العام ضريبته كبيرة ومسؤلياته أكبر .. نتمنى لكم التوفيق وأن يعينكم الله على لم الشمل وجمع الناس ..
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: معتصم دفع الله)
|
Quote: معرفة الرجال كنوز .. سنوات طويلة ونحن نمضي فيها معاً بحلوها ومرها بعد أن جمعنا هذا المنبر .. عرفنا فيها أخوان وأصدقاء كثيرين .. رغم إختلاف توجهاتنا وأعمارنا وثقافاتنا ولكن كان يجمعنا شئ واحد وهو الوطن والحب والإخاء .. نختلف كثيراً نتعارك ونتشاكل ولكن كنا نترك كل ذلك في المنبر .. تجدنا نتسابق في الملمات لنقف مع بعضنا البعض ونتشارك الحياة بكل طعمها .. لقد كانت اللجان التي تدير العمل هي المنظم الأول لكل فعالياتنا وكان خط الدعم الأول جميع البورداب .. رغم الأعباء الكثيرة والمسؤليات الخاصة لم نجدهم يشتكون أو مقصرين فهو تكليف يقومون به بكل رحابة صدر .. الشكر لمن ترجل والتحية لمن يمسكون مقاليد الأمور الآن .. فالعمل العام ضريبته كبيرة ومسؤلياته أكبر .. نتمنى لكم التوفيق وأن يعينكم الله على لم الشمل وجمع الناس .. |
Quote: معرفة الرجال كنوز .. سنوات طويلة ونحن نمضي فيها معاً بحلوها ومرها بعد أن جمعنا هذا المنبر .. عرفنا فيها أخوان وأصدقاء كثيرين .. رغم إختلاف توجهاتنا وأعمارنا وثقافاتنا ولكن كان يجمعنا شئ واحد وهو الوطن والحب والإخاء .. نختلف كثيراً نتعارك ونتشاكل ولكن كنا نترك كل ذلك في المنبر .. تجدنا نتسابق في الملمات لنقف مع بعضنا البعض ونتشارك الحياة بكل طعمها .. لقد كانت اللجان التي تدير العمل هي المنظم الأول لكل فعالياتنا وكان خط الدعم الأول جميع البورداب .. رغم الأعباء الكثيرة والمسؤليات الخاصة لم نجدهم يشتكون أو مقصرين فهو تكليف يقومون به بكل رحابة صدر .. الشكر لمن ترجل والتحية لمن يمسكون مقاليد الأمور الآن .. فالعمل العام ضريبته كبيرة ومسؤلياته أكبر .. نتمنى لكم التوفيق وأن يعينكم الله على لم الشمل وجمع الناس .. |
Quote: معرفة الرجال كنوز .. سنوات طويلة ونحن نمضي فيها معاً بحلوها ومرها بعد أن جمعنا هذا المنبر .. عرفنا فيها أخوان وأصدقاء كثيرين .. رغم إختلاف توجهاتنا وأعمارنا وثقافاتنا ولكن كان يجمعنا شئ واحد وهو الوطن والحب والإخاء .. نختلف كثيراً نتعارك ونتشاكل ولكن كنا نترك كل ذلك في المنبر .. تجدنا نتسابق في الملمات لنقف مع بعضنا البعض ونتشارك الحياة بكل طعمها .. لقد كانت اللجان التي تدير العمل هي المنظم الأول لكل فعالياتنا وكان خط الدعم الأول جميع البورداب .. رغم الأعباء الكثيرة والمسؤليات الخاصة لم نجدهم يشتكون أو مقصرين فهو تكليف يقومون به بكل رحابة صدر .. الشكر لمن ترجل والتحية لمن يمسكون مقاليد الأمور الآن .. فالعمل العام ضريبته كبيرة ومسؤلياته أكبر .. نتمنى لكم التوفيق وأن يعينكم الله على لم الشمل وجمع الناس .. |
Quote: معرفة الرجال كنوز .. سنوات طويلة ونحن نمضي فيها معاً بحلوها ومرها بعد أن جمعنا هذا المنبر .. عرفنا فيها أخوان وأصدقاء كثيرين .. رغم إختلاف توجهاتنا وأعمارنا وثقافاتنا ولكن كان يجمعنا شئ واحد وهو الوطن والحب والإخاء .. نختلف كثيراً نتعارك ونتشاكل ولكن كنا نترك كل ذلك في المنبر .. تجدنا نتسابق في الملمات لنقف مع بعضنا البعض ونتشارك الحياة بكل طعمها .. لقد كانت اللجان التي تدير العمل هي المنظم الأول لكل فعالياتنا وكان خط الدعم الأول جميع البورداب .. رغم الأعباء الكثيرة والمسؤليات الخاصة لم نجدهم يشتكون أو مقصرين فهو تكليف يقومون به بكل رحابة صدر .. الشكر لمن ترجل والتحية لمن يمسكون مقاليد الأمور الآن .. فالعمل العام ضريبته كبيرة ومسؤلياته أكبر .. نتمنى لكم التوفيق وأن يعينكم الله على لم الشمل وجمع الناس .. |
انتهى
| |
|
|
|
|
|
|
Re: بورداب الرياض وحفل الاستقلال: تجمعنا المحبّة ويوحدنا الوطن! (Re: ود الباوقة)
|
الأخ العزيز ود الصايم سلامي وتحياتي ،،،
عاد ود الصائم .. فأهدى لكل قلب سلاما .. أهدى العيون بريقا .. أهدى الثغور ابتساما .. و .. ألف مرحب بـ ( عودة ديجانقو ) .. وعقبال لبقية الأحباب من أصحاب ديجانقو !!
و .. و طن حدادي مدادي .. و .. حا نبنيهو البنحلم بيهو يوماتي ..
وأنا اقول : يجمعنا الوطن .. وتوحدنا المحبة .. رغم مناوشات ومشاكسات ود الفاروق ، والتي قد نتفق معه في بعضها وربما نختلف معه في بعضها الآخر .. وهكذا هي الحياة ..
و .. شكراً معتصم يا ود دفع الله .. فقد كفيت و وفيت .. وسال مداد يراعك رائعا كما صقرية ود الباوقة وعرضة الأرباب ..
مودتي ،،،
( ليمو )
| |
|
|
|
|
|
|
|