|
|
 جاءني زائر في المنام وقال:( ليه ما يكون السودان الولاية 52)!!
|
((ما دام يا وليدي من الاستقلال 56 بلدنا السودان دي ما شافت عافية تب وهي من فشل لفشل من انقلاب لانقلاب ومن دكتاتور لدكتاتور والحروب كترت والموت كتر عشان حركتكم السياسية يا وليدي حركة سجمانة وخربانة باحزاب وطوائف وقبائل متخلفة وده كلو بسبب التخلف والطمع والانانية وجشع الحكام وانتهازية المتعلمين ..عشان كده يا وليدي والله والله لا ضرر ولاضرار انا ما شايف ليها خيرا في مستقبلا جاااي والجاااي اكعب وامكن ما تلقوا البلد ذاتها .. اها عشان كده انا بقول ليك يا ولدي الكلام الدغري البزعلكم بس احسن ليكم كلكم قبل ما تقع الندامة والحسرات اخير ليكم تتفقوا كلكم من هسه ومن غير خجل وما يهمكم عشان خيركم ومصلحتكم وسيبكم من وهم وطنيتكم الخربانة الخربت البلد وفرتقتها ونصكم بقيتوا الليلة مهاجرين ومتجنسين وفرحانين كمان بجنسياتكم الجديدة والبقية برضوا اتمنوا حالكم ابقوا مهاجرين ومواطنين في بلدان تانية عشان كده سيبونا من وهم الوطنية ده واخدوها من قصيره قبل ما تقع الطامة ...اخير ليكم ولوليداتكم من هسه دي تفكروا جد جد تتفقوا وتقوموا تسلموا البلد دي من غير تردد لاقوي دولة في الدنيا لامريكا دي باقتصادها القوي وعلمها القوي وصناعتها القوية وزراعتها القوية ودستورها القوي وجيشها القوي عشان الجوع اقيف والفقر اقيف والمرض اقيف والجهل اقيف والحرب الاهلية تقيف وكمان حتبقوا امريكان بجنسية كاملة من غير لوتري ومكنات لجوء .. وحتتمتعوا كلكم بامتيازاتها وتسافروا لامريكا من غير تاشيرات وفرص عمل مجانية في كل ولايات امريكا زيكم زي ناس واشنطون وكالفورنيا وتكساس وكمان اولادكم حيقروا في كل ولايات امريكا وتتعالجوا في مستشفيات امريكا تحت دستور امريكاني عادل وتحت حماية جيش امريكي قوي مستعد اوقف ليكم هسه دي حرب دارفور وكردفان واحسم ليكم اي مشكلة في ولاية ( السودان) ال52 الجديدة....و طبعا يا وليدي التعليم حيتطور والزراعة حتفرهد والمشاريع الصناعية حتقوم والسياحة حتزدهر والحلم الامريكي حيتحقق من غير تعب وان لي الحكم ما في مشكلة اتنافسوا في حكم الولاية بس حنضمن تنافس شريف تحت دستور نضيف لا كيزان ولا ضبان ولا سيدي ولا حيران ولا انقلاب ولا بمبان!!)) انتهي
|
|
  
|
|
|
|
|
|
|
|
Re: جاءني زائر في المنام وقال:( ليه ما يكون السودان الولاية 52)!! (Re: هشام هباني)
|
حينما تأملت دعوة زائرالمنام بعقل وقلب مفتوحين وجدتها دعوة واقعية جدا لن تنقص من كرامتنا الوطنية شيئا لانها ليست دعوة لعودة مستعمر قديم كي يعاود استعمارنا من جديد لتنتقص من سيادتنا بل هي دعوة مثل كثير من الدعوات التي تنادي بها كثير من الدول بعضها البعض الي اقامة وحدات وهي وحدة اندماجية بين دولتين مستقلتين ذات سيادتين وبلا شك ستحقق هذه الوحدة مصالح الشعبين في البلدين حيث الشعب في اميريكا في حوجة لموارد وثروات السودان وموقعه وايضا شعب السودان في حوجة لاميريكا بعلمها واقتصادها وزراعتها وصناعتها وقوانينها وامنها وعدلها وديموقراطيتها ولحسن الحظ تضم اميريكا الان في قلبها الافا من الخبرات السودانية المستوطنة فيها وهي خبرات علمية وعملية وسياسية وفكرية سودانية صارت من مواطني اميريكا و لم تتحسس من من كونها استوطنت في بلاد اجنبية ولذلك لا يحرجها الامر في شيء ولن يضيرها بل من مصلحتها ان تنجز مثل هذه الوحدة الاندماجية التي ستسهل بشكل تلقائي التنقل السلس لها الي بلادها الاصلية اي الولاية الامريكية 52 من غير تعقيدات وايضا ستمكن اهاليهم من التواصل المباشر معهم كمواطنين اميريكان بكامل الحقوق والامتيازات الامريكية بحكم قانون يحمي هذه المواطنة في علاقة مقدسة ليست علاقة مستعمر ومستعمرات..................( ده بس لو الامريكان بوافقوا)!!
| |
|
|
|
|
|
|
| |
هشام هباني
Mohammed Awad
فيس بوك
تويتر
انستقرام
يوتيوب
بنتيريست