البص النهري مشروع نقل خاص بولاية الخرطوم كيف ومن قام بشراء هذه البصات و هل تصلح للملاحه النهريه فنيا واين يمكن صيانتها بعد زوال النقل النهري
حسب ماهو مشاهد من الصوره فهناك عيوب قاتله في التصميم
الغاطس عميق نسبيا للنيل الوزن ايضا كبير
مداخل ومخارج الطوارئ غير واضحه بالجانب وهل القارب مكيف واذا كان مكيف فان الصيانه وتكلفة التشغيل سوف تكون عاليه جدا
في انتظار مزيد من المعلومات حتي نقول المفيد
نأمل ان يمدنا احد الاشخاص باسم الشركه المصنعه والمواصفات الفنيه عبر هذا البوست حتي نعرف حقيقة هذا البص النهرى وهل هو مثل بصات الوالى ..؟؟؟ المحركات يبدو عليها عدم التوفيق ايضا وده ظاهر من الجربوكس الخلفي
طارق عبد المجيد عمر متخصص في الشئون البحريه والقوارب واليخوت
01-08-2015, 02:55 PM
طارق عبد المجيد عمر طارق عبد المجيد عمر
تاريخ التسجيل: 04-11-2014
مجموع المشاركات: 192
الناحية الفنية أنا لست فقيهاً فيها .. ولكن هل الماكينة المصنوعة للبحار تصلح للانهار .. وحسب معرفتي المتواضعة عن العاصمة .. إذا أنا ماشي الدروشاب أو الحاج اليوسف ( أين المرسى ) ؟ يعني لازم تاني حافلة من المشرع للحلة .. يا أخي كان يرسلوها لينا في جزيرتنا هناك أرتقاشا .. عشان الرحلات والسيرة .. لأنها لا تصلح معدية ليس فيها أمكان البهائم ( حمير وغنم .. الخ ) ..
بعدين وسائل السلامة كيف ؟ والحمولة ؟ وتلافي الغرق لأن البحر ما مضمون إلا لمن يعرف العوم ( على قول أهلنا )
التحية يا حبيب ..
01-08-2015, 04:53 PM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
والله الفكرة دي وحسب رأي المتواضع ولدت ميتة ... وكفاية طرق الموت المال ليها حد في البر ... دايرين يزيدوا الطين بله ؟؟؟ والله البركب في الاشياء المسماة يخوت دي الا يكون قناعان من روحه ... تحياتي لصاحب البوست ...
تحياتي ياطارق نشكركم على الأهتمام بالأمر ومناقشة أمور أتوقع أنها لم تكن في حسابات من قاموا بتنفيذ هذه الفكرة (طبعا شيوخ هذه الملة يجيدون السمسرة والمضاربات في أموال الشعب ) نأمل مواصلة الجوانب الفنية (الميكانيكية) والهندسية ، ألخ ... ولا ننسى كلنا أن الأنهر عندنا (طالع نازل) ويصعب التحكم في المراسي والمراسي التي تتطلب قدرا عاليا من الدقة والهندسة والعمار .. ولا أحد يستطيع أن يقول أن الولاية جهزت المراسي والمرابط والورش ووو منتظرين الشفيع
01-08-2015, 05:56 PM
عثمان احمد شرف الدين عثمان احمد شرف الدين
تاريخ التسجيل: 03-04-2014
مجموع المشاركات: 36
تحياتي ياعثمان مشكلة الأمان دي عند أهل الولاية محلولة .. بدل محركين .. محرك واحد ويربطوه بحل يكون معاه عمال لزوم الإنقاذ وكده - ولو غرق ولا قدر الله - الوالي والمعتمد بمشوا بشيلوا الفاتحة وينتهي العزاء بالدفن لا سائل ولا مسؤول .. غايتو أبالسة ما لحقوهم الشفيع
01-11-2015, 07:45 AM
طارق عبد المجيد عمر طارق عبد المجيد عمر
تاريخ التسجيل: 04-11-2014
مجموع المشاركات: 192
الناحية الفنية أنا لست فقيهاً فيها .. ولكن هل الماكينة المصنوعة للبحار تصلح للانهار .. وحسب معرفتي المتواضعة عن العاصمة .. إذا أنا ماشي الدروشاب أو الحاج اليوسف ( أين المرسى ) ؟ يعني لازم تاني حافلة من المشرع للحلة .. يا أخي كان يرسلوها لينا في جزيرتنا هناك أرتقاشا .. عشان الرحلات والسيرة .. لأنها لا تصلح معدية ليس فيها أمكان البهائم ( حمير وغنم .. الخ ) ..
بعدين وسائل السلامة كيف ؟ والحمولة ؟ وتلافي الغرق لأن البحر ما مضمون إلا لمن يعرف العوم ( على قول أهلنا )
التحية يا حبيب ..
اخي الاستاذ/ على عبد الوهاب ياخى سلام فقدناك يوم الاربعاء ... موضع الملاحه النهريه في السودان موضوع قديم منذ زمن بيعد وانت سيد العارفين لسكنكم بالقرب من النيل فتره طويله .. فى الجزر ايضا هذا البص يحمل فقط 30 شخص حسب الصوره الموضحه وهذا عدد قليل جدا بالنسبهلواسطه بحريه تعمل في نقل الركاب بحسبه بسيط كم سوف تكون ثمن الذكره وكم سوف تستفرق الرحله وكم جالون بنزين سوف يستهلك القارب ذهاب واياب صدقني لن تزيد عن 10 رحالات في اليوم يعني 300 ركاب بسعر 5 او عشره جنيه للتذكره الدخل لن يغطي تكلفة التشغيل و الصيانه والرواتب صدقنى اخى علي عبد الوهاب اكبر الصنادل التى كانت تعمل في النيل لحمل البضائع لم يكن لديها غاطس حتي ولا 20 سم لطبيعة الانهر التى تختلف عن البحار والامواج .. هذا القارب سوف يكون بطئ جدا ولا يستطيع الابحار في كثير من الامكان لوجود الجزر الرمليه .. اين هو اليخت الرئاسي ولماذا لم يبحر ولماذ اصبح مهجورا الان ..؟ لانه لايصلح للملاحه النهريه النقل النهري كانت له تجربه سابقه وبعدد 2 بص نهري وفشلت التجربه اين هو هذا البص .. مشكلة المراسى هي مشكله كبرى علي النيل الازرق لسرعة الجريان ثم التكلفه العاليه لانشاء هذه المراسي تخيل الحريم نازلين من هذا البص النهري ولا يوجد مرسي .. الموضع كبير وانا في انتظار معلومات من صديق قريبا من الخرطوم ..
تحياتي
01-11-2015, 08:45 AM
عبد الوهاب المليك عبد الوهاب المليك
تاريخ التسجيل: 01-24-2013
مجموع المشاركات: 2108
باشمهندس طارق عبد المجيد صباحات مشرقة بالأمل شكلك استلمت جواز الوالدة وحولت للتخصص هذه الوسيلة وسيلة ترفيهية بحته وغير مقنعة كوسيلة مواصلات البتة إلا يستفيدوا منها الناس القريبين من النيل (الموردة أبوروف أبو سعد ... الخ وشكلها كدا لتغطية فشل بصات الوالي وشغل الناس عنها .. يا مثبت العقل والدين ..
01-11-2015, 09:17 AM
طارق عبد المجيد عمر طارق عبد المجيد عمر
تاريخ التسجيل: 04-11-2014
مجموع المشاركات: 192
عبد الوهاب المليك باشمهندس طارق عبد المجيد صباحات مشرقة بالأمل شكلك استلمت جواز الوالدة وحولت للتخصص هذه الوسيلة وسيلة ترفيهية بحته وغير مقنعة كوسيلة مواصلات البتة إلا يستفيدوا منها الناس القريبين من النيل (الموردة أبوروف أبو سعد ... الخ
وشكلها كدا لتغطية فشل بصات الوالي وشغل الناس عنها .. يا مثبت العقل والدين ..
مرحب بالحبيب المليك
البحر ده ما شغلى لكن وهناك المزيد المعلومات فى الطريق
جواز الولده اليوم انشاء الله
اما البوست اياهو فقد هجرناه وانت تعرف معنى ...الهجر
لانتهاء الصلاحيه ...
تحياتي
01-11-2015, 10:43 AM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
المواعين النهرية العاملة على نهر التايمز في لندن على سبيل المثال ذات تصميم يحمل حوالي ال 150 راكب في الرحلة وبوسائل سلامة عالية المستوى .. لماذا لم تأخذ ولاية الخرطوم بمثل هذه التصاميم ؟؟؟
01-11-2015, 11:32 AM
أحمد ابن عوف أحمد ابن عوف
تاريخ التسجيل: 04-26-2010
مجموع المشاركات: 7610
انا زاتي اندهشت لمن الخبر جاني في الواتساب، ودقيت جرس شديد، دا طبعا قبل ما اعرف باقي القصة باقي القصة يا سيدي جابوها لي لمن سالت ذات سؤالك المنطقي دا، قالوا جابو كراكتين نهريتين عشان يجهزو المراسي، كان معاي خريطة لكن للاسف فقدتها.
ردي كان بسيط، اليوم تجيب كراكة تجهز مرسى، بكرة بجيك الفيضان يخم الغاطس بتاعك دا ويدفنوا ليك زي الترتيب وتضطر تجي تاني وتحفر وهكذا دواليك،....... ياخي دي قصة بايظة
المهم، بتوقع ان الفيلم دا بعد ما الشعب السوداني ولعى حسابه يجهز الغاطس والمراسي ويدفع تمن المراكب دي بكرة يحرشوا ليهم صحفي ماجور ينتقد المشروع والوالي ومعاهو السمسار بكونوا بقروا في الجريدة وهم بضحكوا ويدقوا فيهم الجرس بتراب القروش، ويبقى مشروع سياحي يدر على صاحبة الملايين بتاجيرها للنزهات العائلية والخاصة.
مرحبا بكم في دولة كوزسيستان تحت ادارة صاحبة ابليستان
01-11-2015, 11:58 AM
طارق عبد المجيد عمر طارق عبد المجيد عمر
تاريخ التسجيل: 04-11-2014
مجموع المشاركات: 192
Quote: المهم، بتوقع ان الفيلم دا بعد ما الشعب السوداني ولعى حسابه يجهز الغاطس والمراسي ويدفع تمن المراكب دي بكرة يحرشوا ليهم صحفي ماجور ينتقد المشروع والوالي ومعاهو السمسار بكونوا بقروا في الجريدة وهم بضحكوا ويدقوا فيهم الجرس بتراب القروش، ويبقى مشروع سياحي يدر على صاحبة الملايين بتاجيرها للنزهات العائلية والخاصة.
ابو حميد سلام
انت قلته المفيد
الجماعه ديل برمو .... قدام
لكن اقول ليك حاجه فنيه سياحه برضو مابنفع عشان ده مصصم بكراسي تعوق الحركه داخله
في حاجه طويله كده من الخلف زياده من اللزوم كده اسمها البلاتفورم Platform لو في حبل شبك في المروحه من الخلف لازم ......ا يجى غواص ... يفكها هي تصلح للبحار فقط وخصوصا كمنصة قفز للسباحه
بعدين الصوره ما واضحه كويس عشان اقيم ليكم الشئ الفوق السقف ده شنو
برجع ليكم بالمفيد سلام
01-11-2015, 01:40 PM
أحمد ابن عوف أحمد ابن عوف
تاريخ التسجيل: 04-26-2010
مجموع المشاركات: 7610
لكن برجع لكلامك عن التصميم، خبرتي ليست كبيرة شديد، انا شخصيا اخدت رفاس من الخرطوم ومعي ابن خالتي ووصلنا بيهو كوستي بالنيل، الرفاسات اتباعن في مزاد من مخلفات النقل النهري وكانت في جبل اولياء، ابن خالتي صاحب الرفاسات قال لي اننا اهتمينا بشراءها لانها مصممة خصيصا لمشروع مكافحة اعشاب النيل جنوب خزان جبل اولياء لحد مسافات بعيدة في الجنوب، المهم، شكلها الغاطس مختلف تماما عن المركب الاشتروهو دا، اول هام ارضية المركب almost مسطحة من تحت، والمروحة غير مكشوفة، المروحة موجودة في تجويف في حدود المركب نفسه يعني غير بارزة لكن تصدق بعد كده تورطنا بليل في منطقة الجاسر قريب من الجزيرة ابا، واضطريت شخصيا اغوص تحت المركب ثلاثة مرات عشان افك الاعشاب من المروحة خلي بالك دا مركب مصمم اساسا عشان يتفادى الحتة دي. واوكد على كلامك، في نص متر المركب ممكن يمشي عادي في الموية.
لكن قول الابحار في النيل الازرق مافيهو مشكلة اعشاب كثيرة، فبرجع لكلامي، ولاية الخرطوم ح تدفع تكلفة انشاء المراسي وتمن المراكب وبعد بكرة تسمع بشركة اسمها نازهون للملاحة والسياحة النهرية وايجار الساعة بنص مليون او مليون.
Quote: ولاية الخرطوم ح تدفع تكلفة انشاء المراسي وتمن المراكب وبعد بكرة تسمع بشركة اسمها نازهون للملاحة والسياحة النهرية وايجار الساعة بنص مليون او مليون.
قراءة فاحصـة وواقعيـة .. شكرا أخ أحمـد
01-11-2015, 03:58 PM
طارق عبد المجيد عمر طارق عبد المجيد عمر
تاريخ التسجيل: 04-11-2014
مجموع المشاركات: 192
المواعين النهرية العاملة على نهر التايمز في لندن على سبيل المثال ذات تصميم يحمل حوالي ال 150 راكب في الرحلة وبوسائل سلامة عالية المستوى .. لماذا لم تأخذ ولاية الخرطوم بمثل هذه التصاميم ؟؟؟
الحبيب احمد الشايقى
تعرف الجماعه ديل معظمهم درسو او سافرو لندن اكثر من مره وعارفين
كيف تسير الامور واين هى الجوده واين النص نص من البضائع
لكن نقول شنو التحلل كتر وخليها متسوره اصبحت سنه من سسن الشراء الحكومى
واضف اليك معلومه هذا البص لو حدث فيه اي خلل بسيط في الجربوكس السلفى ولو فرضنا تغير مورحه وهذا شئ طبيعي في اي لحظه
تعرف لابد من رفع القارب بالكامل للتغير او الصيانه
قولى بس الناس ديل حا يرفعوا القارب ده وين ووبى شنو ومين الذي سوف يقوم بالصيانه لهذا النوع من المحركات
ربك يستر
01-13-2015, 09:21 AM
النعمان خوجلى النعمان خوجلى
تاريخ التسجيل: 01-28-2013
مجموع المشاركات: 375
انا بدعو ربنا يكضب الشينة ويطلع كلامكم كلو غلط ويطلعو لينا ناس خج الموتمر اسف خليج المؤتمر ،،،،،،،،ياخى مالك نسيتنا الاسم المهم يطلعوا لينا بشركة استثمارية كبيره ويعبو النيل بالباصات النهرية
المهم فى الموضوع لما النيل يتعبأ بالباصات حتكون فى مشكله فى تنظيم حركة السير شرطى المرور حيقيف وين عشان ينظم الحركة وهل حتكون فى اشارات مرور ولا كيف يحلو مشكلة التقاطعات واولوية السير.
وثانيا فى الشوارع كانت بتكون فى حوادث دهس وموت ولكن فى النيل حتكون مشكلتنا مع التماسيح بكره تسمع واحد خطفو تمساح وواحد التمساح قطع رجله دى نحلها كيف.
قال بصات نهريه قال،،،،،،،، ياخى مشكلة المواصلات فى الخرطوم هى مشكلة كل السودان الفساد الفساد وهذه فرصه جديده للنهب.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق عبد المجيد عمر
علي عبدالوهاب عثمان
قسم الفضيل مضوي محمد
عثمان احمد شرف الدين
عبد الوهاب المليك
أحمد الشايقي
أحمد ابن عوف
فيس بوك
تويتر
انستقرام
يوتيوب
بنتيريست