علي الطلاق بالتلاتة كنتا عايز أعملو قبل ما أشوف كلام جلالدونا في بوست ود المدير .. عشان ما في كائن يجىء يعمل لي إكروبات واللا يقلب هوبة ( المهم ) منير أكوس زول في المنبر دا ( وجهة نظري الخاصة) .. فاااااااشنو دعك يا يا منير من سلسلة المناير الأخري و ( قو أهيد) .. من جهة أخري أي زول يقول لي أو سبق وقال لي ( سفيه ) واللا( ذبابة ) خليتو لي الله الخالقو خصوصا المخلوقات الما قاعد اشتغل بيها ولا بدخل بوستاتا الما فيها أي موضوع دي. يتبع .
والله البيقول انو ممكن يخت راي سلوكي أو اخلاقي في منير بناءًا على مشاركاتو هنا ... كذاب!!!
لاكين - بناءًا على مشاركاتو هنا - ممكن نقول انو مشكلة منير في ذهنيتو الدوغمائية المتحجّرة ... ورفضو القاطع لسيادة منطق العقل على منطق التطرف الديني ... واستخفافو بالمنهجية العلمية عندما تتعارض مع اللا منهجية الفقهية الإسلاموية بتعديل فقه الضرورة ...
دا حالتو عندو دكتوراة في هندسة الشرائح الإلكترونية ... ومن المانيا كمان ...
يعني ناس قريعتي راحت يتصرفوا كيف؟
... المهم .....
11-10-2015, 07:40 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
اتا يا تبارك ختيت رأي بناء على مشاركاتو الهنا دي وأنا ختيت رأي مضاد بناء على مشاركاتو الهنا دي فيا الاتنين كضابين يا واحد فينا صادق .. أنا غايتو صادق اتا ما بعرفك ..
Quote: ذهنيتو الدوغمائية المتحجّرة
ثم اتا ذاتو البقعدك معانا في المنبر دا شنو ؟؟ اتا بتقول حاجات غريبة المفروض تمش تقول الكلام دا للجماعة الهناك المش عارفينو ؟ .
11-10-2015, 07:55 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
كدى - وانت قلت البوست دا جادي - قول رايك المضاد بالتفصيل ... في سب كبر للدين ... وموقف منير المتعسف وتعليقو إنو كبر سب الدين ليدلل على انو ما كوز (يعني لا عشان سخط من الاربعة المذكورين أعلاه، لا عشان موقف من الدين)
إتا رايك شنو في ازدواجية المعايير والإنتهازية والإبتزاز الديني دا؟
... المهم ....
11-10-2015, 08:00 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
يا تبارك ياخ علي الدين كلامي دا ما بتعارض مع شعاراتك الرافعة دي البسب الدين ربنا بحاسبو دا رأي مكفول زيو وزي بقية الأراء المكفولة .. اتا كنكش في حرية الأراء والتعابير دي قوي ما في زول منعك أظن لكن بالمقابل ما تكورك لما غيرك يكنكش في معتقداتو ويغير عليها ويعبر عنها .. يعني باختصار من حقك تقول من باب حرية التعبير انو سب الدين حرية تعبير ومن حقي أقول من باب حرية التعبير انو سبب الدين ربنا بحاسب عليهو والبكب الشطة في الحتات الحساسة لجسم زول تاني ربنا بحاسبو أنا معاااااااااااك .
Quote: البسب الدين ربنا بحاسبو دا رأي مكفول زيو وزي بقية الأراء المكفولة ..
ولو قلت "البسب الدين داير يثبت انو ما كوز" ... في نص كلام عن سب الأمهات وشجب ومطالبة بالإعتذار وابتزازات أخرى تتعلق بالتعسف والحجر على حرية الرأي ... دي مش انتهازية في إدارة الخلاف السياسي والفكري؟
دا مش تصريح بامتلاك ناصية الحقيقة المطلقة؟
طيب انت قلت انو رايك في منير مضاد لى رايي دا .. قول رايك دا عشان نفهم انت قاصد شنو ...
عشان البوست دا يكون جادي ما هايف ...
... المهم ....
11-10-2015, 09:17 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
يا حامد (بدوي ) تبارك جاط لينا الموية متعمد عشان السمك يطفش أنا فوق قلت ( أي زول ) بل وقلتا ليهم خت خطين تحت أي زول دي ومع ذلك جاء تبارك سباب الدين وقال لي يعني ما منير .. والله أنا بعد كدا ما باقي لي إلا أستغرب في تبارك دا .. حزين
11-10-2015, 09:25 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
تبارك قلنا شيل لأنو الحكاية جرت باقي ليها واحد وتكون قدر أصابع اليد الواحدة .. دا من جهة ومن جهة تانية ياخ قبل ما تطالبني برأيي في من يسب الدين كان منير أو كبر أو أي زول كويس تاني قلتو فوق ( البسب الدين ربنا بحاسبو ) .. غايتو إلا كان أنا فاهم سؤالك غلت .
11-10-2015, 09:49 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
أيوة كويس عشان ما بسب الدين وعشان حاجات كتيرة بعرفا أنا .. لكن برضو اتا زول كويس ( من وجهة نظري ) .. ربنا بحاسبك عشان سبيت الدين ما عايز اتا وغيرك تتفق معاي دي حاجة بتخصك والغيرك وعليه : أوع تقول لي جيب المصدر ...
11-10-2015, 10:04 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
يا اللمين ود إبراهيم تبارك هو القاعد يتمتم والسلوك عندو متلخبطة مع بعض أنا قلتا كلامي في كواسة منير وتبارك عايز المصادر والصور والأدلة ... مع انو الكلام ما بستاهل لأنو رأي شخصي .. أنا على كيفي في مشاعري ياخ إن شاء الله أشرب جبنة مع الشيطان هيم سليف .. دا مش ياهو ذاتو القاعد يطالب بيهو تبارك هنا ؟؟ وتيييييييب .
واللاي يا نبيل الواحد فينا بقي (محتاس ) تقبل كدا يلصقوا ليك ذبابة .. تقبل جاي يدوك واحد سفاهة، تمش هناك يطلعوك هايف .. تجىء هنا يلففوك لامن رأسك يسخن .. غايتو أنا مفكر جاد أدخل أية أقرب غابة قريبة .. خلاص زهجنا واخلاقنا نزلت واطة .
11-10-2015, 11:19 AM
بدرالدين الطائف بدرالدين الطائف
تاريخ التسجيل: 01-09-2013
مجموع المشاركات: 1747
جارنا فى الحي جنو سب دين . النوع البسب ليك الدين سريع ومكرر وبيرصو حسب الزعلة .
وأحدة جارتنا برضو متلقية حجج يوم سمعتو بيتشاكل مع واحد وقام سب ليهو الدين المكرر وسريع داك. قامت قالت ليهو عرفناك كافر وبتسب الدين ، بتكرر مالك فيهو قايل ربنا من أول مره ما بيسمعك ولا شنو . قام قال ليها وكت ربنا بيسمعني من أول مرة ويحاسبني إنتي الدخلك شنو .
المهم هسع الزول ده أديهو لقب مستنير بأثر رجعي يا تبارك وبكور ولا أعمل شنو
11-10-2015, 11:05 AM
Munir Munir
تاريخ التسجيل: 02-11-2002
مجموع المشاركات: 10496
Quote: دا حالتو عندو دكتوراة في هندسة الشرائح الإلكترونية ... ومن المانيا كمان ...
الزول ده طبعاً كضاب .. يدَّعي المعرفة .. ومعلومة ألمانيا دي قبل كده أنا صححتها ليهو في بوست خدعة أبولو١ المردغوا ليهو فيهو نخرتو في التراب .. إنه يكضب دون أن يطرف له جفن ..
كمان هندسة الشرائح الإلكترونية دي جديدة .. الظاهر عليها آخر تقليعة في دنيا السيليكون
ههه يا أنور ده مش زئبقي بس ، ده خلاس إتضح إنه شخصية كرتونية زي صورة بروفايله بالظبط .. إنت شفت البوست بتاع خدعة أبولو١ بتاع حاتم إبراهيم؟ الزبون كان اراقوز البوست .. استمتعنا شديد بالعرض .. :)
11-10-2015, 11:43 AM
Munir Munir
تاريخ التسجيل: 02-11-2002
مجموع المشاركات: 10496
بدر الدين الطائف .. ياخي نحن مستنير دي فتناها بفراسخ نحن منير زاتو .. ههههه ..
باقيلك لو تبارك ده سب الدين اليوم كله في زول بيشتغل بيهو؟؟ نحن بنشتغل بالزوول المقامو عندنا عالي وعندو قيمة ونحترمه ولا نحب له الإنزلاق لمستوي اليسوي والمايسواش :)..
11-10-2015, 11:46 AM
بدرالدين الطائف بدرالدين الطائف
تاريخ التسجيل: 01-09-2013
مجموع المشاركات: 1747
Quote: يا بدر الدين الطائف جاركم دا ما سمع بى (وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ) ولا (رحم الله امرئٍ أهدى إلى عيوبي)
جارنا ده معرفتة وثقافتة محدودة يا طلحة ويمكن أمي كمان . لكن أنا شايف كلامو بيتسق مع الطرح والفكرة بتاعت الحريات المدورة هنا . فشنو ما تحرم الزول من لقب الإستناره الجاهو فى صمة خشمو ده .
11-10-2015, 11:51 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
سلام للصديق منير، كدي خلونا نستفيد من البوستات المنيرات الكتيرة دي ونفترع محور نقاش حول منير إذا سمح بذلك.
المتابع يا منير، لمشاركاتك لا تخفى عليه الصبغة الدينية، خليني أبني على هذه الملاحظة عدة أسئلة: منير كعالم وسط الميديا العلمية الأوربية المادية، كيف قادر يتعايش مع منير المتدين المُسلّم نفسه لتصاريف القدر؟ هل أعاد منير صياغة إيمانه الوراثي عبر العلم؟
11-10-2015, 12:36 PM
Munir Munir
تاريخ التسجيل: 02-11-2002
مجموع المشاركات: 10496
مرحبتين سلام أبوبكر عباس .. أول شئ أحب أنفي أني متدين .. وزي ماشايف ماقاعد أتداخل في نقاش ديني .. مشغول أنا بنفسي التعبانة ..
وبمناسبة الإستنارة - زي ما قلت لودالطائف مستنير يعني طالب تكون منير ، وأنا أولريدي منير هههه JK .. -
زمان زمن الصبينة قرأت كتابين للإمام الفيلسوف الغزالي واحد إسمه المنقذ من الضلال والتاني إسمه ميزان العمل .. دي كتب رغم إنها كتيبات صغيرة ولكنها فلسفية عميقة تتناول أسلوب التفكُّر والوصول للسعادة الأبدية بدون ما يدخل ليك آيات وأحاديث .. يعني كأنما موجه للزول الأساساً ما مؤمن .. المهم بالنسبة لسؤالك عن الميديا وأوروبا المادية أنا عندي بوست فكري فقط لسه في بدايته عن أنواع العلوم بناقش فيهو نفسي لأني عاوز أخت أساس منهجي لطريقة التفكير للوصول للحقائق ، عشان أناقش بيهو أولادي لمن يكبروا في خضم هذا الزخم المادي - إن حِيِينا لامن يكبروا - .. نعم يمكنني أسميه زخم لأنو كفقاعة صابون .. والبوست كلما أقول أواصل فيهو ألقاني عاجز بسبب ضيق الزمن وعدم تفرغ الذهن - فأنا بكتب تلك الخواطر مباشرة علي الشاشة بدون تنقيح .. والبوست هو:
يا منير بوست ابولو داك ما تجيب سيرتو ... ياخي انت وصاحبك دايرين تضربوا بالعلم عرض الحائط ... وتقنعونا انو الإنسان ما وصل القمر ... لأنو مقدرتكم على الغلات عالية ... وبتستدلوا بعجز "ناسا" في الرد مغالطاتكم الساذجة ...
يعني الموضوع ما "المنقذ من الضلال" ... لأنك الآن في مركز متاهة الضلال بكل ما تحمل الكلمة من معنى ...
الموضوع عداء متجذّر مع العلم والإبداع العقلي ... لدرجة المغالطة في واحد من أكبر الإسهامات العلمية في تاريخ البشرية ... أثّرت في مأكلك ومشربك ومسكنك وملبسك بحوث رحلة القمر .. وإنت بعقلية دوغمائية ساذجة داير تبقّي أمريكا دي بلد المليون مؤامرة ونحن عندنا صدمة حضارية ساي ... ما عارفين الكفار المساخيت ديل كذابين ...
بالله بى موقفك دا من العلم ... يفيد بى شنو إنو اعرفك قريت شرائح ول أوصال الكترونية في ألمانيا ول في واغ الواغ التي تزعم انك صححتها لي ... انت قاولتني على المانيا عشان تصححها لى في نيواتيرا أيراباب؟ كتر خير مشروع ابولو الأنتج الكمبيوتر البيجيب خبرك حسب درجة مصداقيتك في التعاطي التكنولوجي ... لو ألمانيا مصدرها انت ... لو غيرها - لى هسي ما عندي علم - برضو مصدرها انت ...
بعدين الموضوع هنا في كلام قالوا كبر في حوار ما معاك انت ... وعصرو جورج بوك لغاية ما اعتذر ... انت الشوبير ليك والوصاية الزائفة على الاخلاق الحميدة لزومها شنو؟
إلاّ كان داير تشتهر على حساب كبر زي ما قلت ...
لأنو تعاملك مع الموضوع بهذه الإنتهازية لا يخدم خطك الكيزاني (المنقذ من الضلال) بتاتًا ...
(أتاريك من مدرسة "تهافت التهافت" - كما أسماه ابن رشد - بتاعة الغزالي ... أمانة ما وقع راجل )
والله اضحكتني كما لم اضحك من قبل ... انت راسك دا فيهو سوء تهافت كبير خلاس
... المهم .....
11-10-2015, 07:25 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
طلحة ولا يهمك ياخ .. الأراقوز ده دواهو التسفيه والتحقير .. لأني عرفت إنه عنده غبينة بايتة لسبب مجهول .. ومن جبنه غالبه يصف جورج بوك بالإنتهازي الذي يدعي أنه عصر كبر لامن إعتذر ..
تسفيه .. هيع تحقير .. هيع
11-10-2015, 11:05 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
انا بديت الشغلة دي بالإعتراف بأني ود قلبا ... من أكارم أكرم قبيلة ومن أعالي العايلة النبيلة ... ابن نخبة فاشلة في صياغة مشروع قومي ... في مركز شائه يخدم أفشل المحاور الدولية وأكثرها تخلفًا ... يعني شلليات المركز البيصارع في الكيزان على السلطة ديل انا غسلت يدي ومخي منهم زمااااان ... مش لهزيمة مشروعهم الهش الورثوهو من الإستعمار ... وإنما لتضارب مشروعهم الإستعماري الهش مع مصالح المواطن في أمسودان ... يعني لو نجحت ثورة بقيادة النخبة في "إسقاط النظام" حا نبدا معركة جديدة - قديمة ضدهم باسم مواطن امسودان ... حليل زمن الحركة الشعبية كانت بقيادة دكتور قرنق ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
تبارك شيخ الدين جبريل
معاوية المدير
حامد بدري
Munir
بدرالدين الطائف
أبوبكر عباس
أيمن محمود
فيس بوك
تويتر
انستقرام
يوتيوب
بنتيريست