|
Re: صديقي هشام ادم .. هنا سوف يكون الاحتفال بك .. مع خالص التهاني واصدقها . (Re: مني بت نفيسة)
|
الأخت الحبيبة منى بت عمسيب ..
شكراً لقيامك بالإحتفال بالأخ الحبيب هشام آدم .. وأنا حضرت خصيصاً لحضور الإحتفال .. وبعدين .. جبت معاى كلمات .. عشان ما أقولا فى هذه المناسبة .. ولو أن الكلمات قد قيلت مع الأخ حامد .. لاكين مافى مانع نقولا هنا برضو .. لو ما كان عندك مانع ..
Quote: الأخ الحبيب هشام ..
ألف ألف مبروك .. قد نلت المرام .. للمرة التانية .. والتالتة .. ولى قدام .. وسيبك .. من الناس .. وكلام الناس .. الغاوية كلام .. مرة تالتة.. مرة رابعة .. الى الأمام .. يا هشام .. يارب نجاح .. وعافية .. تمام .. .. لا ملاريا .. لا زكام .. نجاح فى كل مكان .. أكان فى السودان .. أكان فى بورسودان .. أكان فى برام .. أكان بره .. فى هولندا .. فى امستردام .. كله .. تمام فى تمام .. بكرة .. كتاباتك .. يعملو منها .. أفلام .. يا سلام .. يا سلام .. يا هشام .. أها .. أخليك بالعافية .. والوئام .. مرة تانية .. ألف .. ألف مبروك يا هشام ..
الرب يبارك حياتك .. أخوك وعمك العجوز .. ارنست +++ |
أها خلاص .. بس عندى ملاحظة صغيرونه كدا .. ليه غيرتِ اسمك من منى عمسيب لِ منى بت نفيسة .. مش منى عمسيب أخير .. غايتة .. أنا حأناديك بإسم " منى عمسيب " .. بس خلاص .. أها .. أقوليك .. تصبحى على خير .. الساعة 12 منتصف الليل .. ونقول .. " يا عنقريب جاك زول .. "
الله يبارك حياتك .. عمك العجوز .. ارنست +++
| |
|
|
|
|
|
|
Re: صديقي هشام ادم .. هنا سوف يكون الاحتفال بك .. مع خالص التهاني واصدقها . (Re: osama elkhawad)
|
حبيب قلبي سوداني الكلك شباااااااااب .
والله منور لما جاهرنا ومشكور علي الزيارة الممتعة والاضافة المجيهة زيك وان شاء الله تعيش وتتحفنا بروعة حضورك المميز الزاهي .
Quote: شكراً لقيامك بالإحتفال بالأخ الحبيب هشام آدم .. وأنا حضرت خصيصاً لحضور الإحتفال .. |
اما بخصوص تغيير الاسم يا الحبيب مافي مناسبة هههههه بس زي ما تقول كدا نوع من التغيير هههههه . اما بخصوص تناديني نادي كما تشاء يا عظمة حتي لو قلت لي مني سوداني عجوز لايزيدني الا فخرا وحبا .. وتسلم واكرر شكري وتقديري . ولاقدام ..
| |
|
|
|
|
|
|
Re: صديقي هشام ادم .. هنا سوف يكون الاحتفال بك .. مع خالص التهاني واصدقها . (Re: مني بت نفيسة)
|
من كل قلبي أهنيء الروائي هشام آدم على فوز روايته بجائزة الطيب صالح للإبداع الكتابي.كنت حاضرا بالقاعة كمستمع حين أعلن اسمه فائزاً زسعدت بذلك .كنت بالصفوف الخلفية وعندما وصلت للامام لم احظ بمقابلة هشام لتهنئته لكنني وجدت وصافحت مهنئاً الكاتب يوصف العطا الفائز بجائزة القصة القصيرة يسعدني فوز كتاب سودانيين ضمن هذه التظاهرة الأدبية التي اصبحت تتخذ لها مكاناً بين الفعاليات الأدبية في دول المنطقة. ويامنى لأنني كنت بالسودان وقت فتح هذا البوست وادخل على المنبر بصورة متقطعة فاعذريني على المشاركة المتاخرة . هي خطوة مقدرة منكم في الاحتفال بكتابنا..
| |
|
|
|
|
|
|
Re: صديقي هشام ادم .. هنا سوف يكون الاحتفال بك .. مع خالص التهاني واصدقها . (Re: Sudany Agouz)
|
استاذي الفاضل \ بشري الفاضل ..
لك تحياتي المعطرة .. وتقديري واحترماتي ,, وشكري الوفير لمرورك المفرح ..
Quote: ويامنى لأنني كنت بالسودان وقت فتح هذا البوست وادخل على المنبر بصورة متقطعة فاعذريني على المشاركة المتاخرة . هي خطوة مقدرة منكم في الاحتفال بكتابنا.. |
ما بيناتنا يا استاذي الحبيب اهو جيت واضفت .. وزيدتني فرحا وسرورا .. ونتمني استضافتك في في المرات الجاية . ودمت ..
ومهداة اليك هذه اللوحة من بلد الزهور ..
| |
|
|
|
|
|
|
Re: صديقي هشام ادم .. هنا سوف يكون الاحتفال بك .. مع خالص التهاني واصدقها . (Re: مني بت نفيسة)
|
منك واليك السلام \ سوداني الحبيب ..
Quote: أنا أتشرف بأنك تكونى بتى .. وعشان كده .. و أنا شايفك بتحبى الزهور .. أهديك أغنية الراحل .. زيدان ابراهيم .. أغنية .. " وسط الزهور .. متصور " ..
|
وانا لي وافر الشرف ان اكون بنتك واختك هههههه انا اكيد اختك يا سوداني الحبيب بس نحن ما زيكم بنحب الكبر هههههههه احسن نعمل فيها رايحين من الكبر ههههه تسلم يا الحبيب ومشكور علي الاعنية الرقيقة ... ودمت ..
وبهدي ليك لوحة الزهور والكيف معآ ..
| |
|
|
|
|
|
|
Re: صديقي هشام ادم .. هنا سوف يكون الاحتفال بك .. مع خالص التهاني واصدقها . (Re: الصادق اسماعيل)
|
أيها الناس .. كونوا شهداء عليَّ .. أنا هنا الآن لأقدم اعتذاري الشديد جدًا لكلٍ من الأخوية: العزيز ملهم كردفان والعزيز عبدالعزيز عثمان اللذان تجاوزت مداخلتهما عن غير قصد فأنا مدين ليهما باعتذار بالغ وأرجو أن يغفرا لي ذلك، وإن لم يفعلا، فأنا على استعداد كامل لفتح بوست لكل منهما على حدة لأقدم فيهما اعتذاري الواضح والصريح علَّ وعسى أن يرضيا ويطيب خاطرهما .. فهم لم يفعلا شيئًا أن جادا بمشاعرهما الرقيقة والتي لا تستحق مني إلا كل احترام وتقدير
هذه مقدمة لاعتذاري المستحق لهما .. مع كامل شكري وتقديري المعلن لهما
| |
|
|
|
|
|
|
|