|
|
|
 Re: باركوا لي أخدت الجواز الأمريكي (Re: مني عمسيب)
|
يا منتصر، في شبحين من الفيسبوك قاعدين يرشوني رش شديد، واحد اسمو صالح عادل صالح و نبيل علي، باقي لي صالح دا عرفت شخصيتو الحقيقية، قبل الجواز ما كنت بقدر امشي اشتكيهم محل اقامتم، لانو كان عادي ممكن المسألة تنقلب علي وممكن يتهموني بالردة، وما بحتاروا في دليل، لكن بعد الجواز بمشي ليهم في عشهم وبشتكيهم على الاهانة الشخصية ولا يستطيعون اتهامي بالردة ولا الملّة!!
امال ايه؟!
أمريكان في كل مكان
امريكان مالين الدنيا
يا ست الدار
| |
 
|
|
|
|
|
|
|
|
Re: باركوا لي أخدت الجواز الأمريكي (Re: مني عمسيب)
|
الامريكان ديل اولاد لذينا ...
عرفوك مستنير عشان كدة جنسوك...
انا من ناحيتي ما عارف ابارك ليك ولا اتحسر على حالنا ...
لكن لو انت مبسوط الف مبروك...
ولو انت ما عندك خيار تاني ومجبر على الجنسية الامريكية فجنسيتك لما تجنست اليه ... برضو مبروك..
| |
|
|
|
|
|
|
|
|
|
Re: باركوا لي أخدت الجواز الأمريكي (Re: علي دفع الله)
|
يباركوا ليك الخير يا منى،
لازم أشكر السيد وزير الداخلية، نحن برضو العشرة ما بتهونش علينا، صحي عذبونا بالضرائب وحرية الحركة، تصدقي بدفع بدل تجنيد لحدي ما وصلت سبعة واربعين سنة، بعدين الوزير خجل، قال ديل خلاص وصلوا سن لواء معاش، شينة شينة...
لكن المهم بشكرو وح اخصص مبلغ خمسمية دولار سنوية لكل مدرسة درست فيها بالاضافة للجامعة لحدي ما سيد الأمانة يشيل امانتو.
مشكلتي الحالية في كيفية تحويل المبلغ مع المقاطعة دي!!
برسل للنائب حقنا هنا وبشرح ليهو يشوف لي مخرج للايفاء بهذا القرض.
كل شيء بدربو يا منى
| |
|
|
|
|
|
|
|
|
|
Re: باركوا لي أخدت الجواز الأمريكي (Re: أبوبكر عباس)
|
يا نواي، قمنا باللازم، وحاليا نحنا كلنا اسرة امريكية مهاجرة، احتفلنا قبل ايام بعيد الاضحى، والليلة اشترينا الاشباح وقرعة البلاستيك البرتقالية للاطفال، لتجميع الكانديس من الجيران للاحتفال بالهلاوين.
مهاجرين انترناشونال!!
| |
|
|
|
|
|
|
|
|
|
Re: باركوا لي أخدت الجواز الأمريكي (Re: أبوبكر عباس)
|
Quote: إنا لله و إنا إليه راجعون
|
ًواحد من اصحابنا لقى ليهو واحد جنب البركس يا مامون وقال ليهو: جيب سفة يا ماخ
الزول طلع من الافارقة البدرسو العربي بالمركز الافريقي، رد ليهو: أني لا أفهمك يا أخي؟
صاحبنا دردم يدو في التانية درديم سفّة وقال ليهو: هل لديك خبزٌ يا أخي؟
| |
|
|
|
|
|
|
|
|
|
Re: باركوا لي أخدت الجواز الأمريكي (Re: أبوبكر عباس)
|
الإمبريالى أبوبكرعباس
Hi
لا تتنازل عن جنسيتك السودانية.. أمريكا والسودان الإتنين يسمحوا بإزدواجية الجنسية.. وكون ولاؤك الان لأمريكا لا يعنى عدم العمل من اجل وطنك الأصلى.
بعدين انت متجنس.. يعنى لسـه في الكفر، ما زى اطفالك اليانكى.. ولو حصلت اى حاجة لا قدر الله الموضوع ممكن يختلف. العالم صار مؤامرات وبلاك ميلنق.
| |
|
|
|
|
|
|
|
|
|
Re: باركوا لي أخدت الجواز الأمريكي (Re: أبوبكر عباس)
|
| Quote: على احترام الدستور واحقاق الحقوق، قمت بالتنازل شفاهة عن نصيبي من بيتنا بمدني لصالح اولاد اختي " الفطيسة" المتوفية قبل أبي |
ههههه الكلام دا مالو جاني ذي التكنك من دربك ماشي مكتب صاحبك ود الخليفة ..
تخت الجنسية ومعاها التنازل لاختك قدامو وإتا بتقولو شفت الرجالا كيف؟
أخير ليك اتصلح مع حبيبنا دا ..
إتا طفس ولازما يوم بتنهنضب زيما تنبأ ود البشرى ..
ؤ ما بتلقى زول مروة ؤ فهم يمرقك غيرو ..
أنا كلمتك ..
:
المحبة والاحترام في محلهن يا ود الخليفة .
| |
|
|
|
|
|
|
|
|
|
Re: باركوا لي أخدت الجواز الأمريكي (Re: سيف اليزل سعد عمر)
|
Quote: Sanaa Alsabag
كدا يا بكور انت ونيكول كيدمان بقيتوا في سرج وااحد ،اي حاملين نفس الجنسية شوف الدنيا دي وتصاريفها، لكن بمناسبة الامركة دي حقه ترجع لي قروشي الدخلت بيها السينما زمان لما شكرت لي فيلم نيكول الاسمه الساعة والفيلم طلع ماسورة وانت اتاريك مكسر في نيكول في عضمها وانا المسكينة صدقت ودخلت الفيلم خسرت قروشي ودخلت اولادي فيلم اطفال في القاعة التانية. المهم القروش دي عاوزاها بالدولار وبا ارباحها
منذ 2 دقيقتين
|
أهلا بحبيبتنا سناء الصباغ
يا سناء فيلم hours في الزمن داك وبع كلامي أخد عدة أوسكارات، المشكلة الزمن داك كنتي جاية من حواريي ام درمان ما بقع ليك، كدي شوفي الفلم بعد قعاد لندن
| |
|
|
|
|
|
|
|
|
|
Re: باركوا لي أخدت الجواز الأمريكي (Re: يحي قباني)
|
ألف مبروك يا ول أبا أبوبكر ..
نحن أصلاً أحفاد شعب ماهجر .. فقد هاجر أجدادنا إلي بلاد السودان من أجل رسالة سامية .. وها نحن نهاجر أيضاً .. ولكن فى ظرف مختلف وزمن مختلف.
وتذكر "ليس كل من يأتى به المهاجر بقجعة أغراض بالية .. إن العالم إينشتاين كان مهاجراً". رسالتنا السامية تتواصل فى أي بقعة كنا فيها.
والله والموفق ..
بريمة
| |
|
|
|
|
|
|
|
|
Re: باركوا لي أخدت الجواز الأمريكي (Re: يحي قباني)
|
أخيراً يا بكور بقيت أمريكي...؟
مبروكـ.. وعقبال ما تبقى يانكي أسوداني...
والتنازل عن الجنسية السودانية غير مطلوب منك إلا في حالة واحدة...
وهي إنك تشتغل في وظيفة حساسة بالدولة عشان ما يحصل تضارب!
وطبعاً إتا حر لو عاوز تتنازل لو كانت دي رغبتك أو كنتا عاوز تبعث برسالة!
وصية أبوالريش ليك مهمة.. وأظنك ما فهمتها كويس. هو قال ليك أعمل حساب لأنك
لسع مكتوب بقلم الرصاص.. والقانون بيتيح سحب الجنسية دي منك لو خالفت
قانون الأمن الوطني في جرايم كبيرة ومتعلقة بالإرهاب أو الولاء لوحدة الإتحاد.
غير كده.. أنت مواطن أمريكي من الدرجة الأولى... لأنو ما عندهم درجة تانية!
أصل مفهوم منح الجنسية هو أنك تكون Person with good moral character
ومؤكد إنك أثبت لوزارة العدل ذلك خلال الفترة العشتها بأمريكا بعد حصولك الإقامة!
أما وصيتي ليك بسيطة.. وهي أوعك تصور شهادة الجنسية. وهل بتصدق إنو عمل
نسخة كربونية من الوريقة دي فيهو مخالفة قانونية.. وناسنا من الفرحة والخوف من
إنها تضيع يقوم يعمل منها كوبي بدون معرفة. الحكومة الفيدرالية هي الجهة الوحيدة
الممكن تعمل منها نسخة لو عاوزينك تشتغل معاهم. بس ممكن توريها لوطلبت منك!
الإلتزام بالقسم والدستور الأمريكي ساهل ومهم في نفس الوكت.. ومحتاج إستنارة!
مبروك مرة تانية ليك وللأسرة الكريمة.
-----------------------
وتسلم يا ملك.. بس تصدق إنو ما عندي مكتب في البلد دي؟
ياخي أنا في الشارع طول الوكت.... وليبقى الود بينا كامل بإذن الكريم!
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Mohamed Yassin Khalifa)
|
Quote: أبوبكر عباس-الإمارات
مكتبتى فى سودانيزاونلاين
في احتفال صغير بمدينة رالي بنورث كارولاينا تم تسليمي الجنسية الامريكية بعد مراسيم اداء القسم باحترام الدستور الامريكي، وجاني بعد كم يوم خطاب ترحيب موقع من الرئيس الأمريكي باراك أوباما. |
ألف مبروك الأخ أبوبكر عباس الجنسيه الأمريكيه .
أهم شئ التسجيل للإنتخابات فى أقرب مكتب DMV
وفى أقرب مكتب بوسته التقديم للباسبورت .
التسجيل للإنتخابات مهم وطبعاً أنت عارف ولاية كارولاينا الشماليه ولايه جمهوريه
والجمهوريين مركزين عليها شديد فى إنتخابات 2016 .
| |
|
|
|
|
|
|
|
|
|
Re: باركوا لي أخدت الجواز الأمريكي (Re: ABDALLAH ABDALLAH)
|
الأخ الحبيب أبو بكر عباس
ألف مبروك .. أخدت الكاس
شفت .. جنى الثمار بعد حفر الفاس
يارب بركات .. مع الفضة والدهب والماس
وكمان .. زيادة فى المعلومات .. مع كتابات فى الكراس ..
كتابات .. فى الكراس .. وحفظ فى الراس ..
.. الف .. ألف مبروك .. وباذن الله .. نكون على اتصال ..
الرب يبارك حياتكم ..
أخوكم وعمكم العجوز ..
ارنست
+++
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Sudany Agouz)
|
Quote: التسجيل للإنتخابات مهم وطبعاً أنت عارف ولاية كارولاينا الشماليه ولايه جمهوريه
والجمهوريين مركزين عليها شديد فى إنتخابات 2016 . |
أها بدينا يا مولانا...؟
يا دكتور خم وصر... بقيت صوت معتمد وعليك الأنظار!
رآيي خليك من الجمهوريين والديمقراط ديل.. إتا زول مستنير
وتعال لينا في حزب "البهجة" أو أمشي لجماعة رالف نادر بتاع الخدر!
طبعاً في أمريكا ممكن تسأل أي راجل أو إمرأة عن عمره أو عمرها كم؟
بس إياك تسألهم رشحتوا منو في الإنتخابات.. بيدوك عين بتحرقكـ..
وصدقني.. صوتك ليهو قيمة في البلد دي!
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Mohamed Yassin Khalifa)
|
Quote: أما وصيتي ليك بسيطة.. وهي أوعك تصور شهادة الجنسية. وهل بتصدق إنو عمل
نسخة كربونية من الوريقة دي فيهو مخالفة قانونية |
الاخ المحامي ..
Mohamed Yassin Khalifa
قبل فترة بحثت في هذا الامر ووجدت انه من الممكن عمل صوره نسخه كربونيه من الشهاده الاصل وفي هذا الامر ليس مخالفه للقانون .. ..
في الحقيقه هنالك تشجيه لعمل صوره في البدايه .. الشئ الممنوع هو محاوله التزيف .. هل جد جديد ؟ .. هنا بعض المعلومات التي وجدتها ..
علي حسب موقع
http://www.newcitizen.us/after.htmlhttp://www.newcitizen.us/after.html
Quote: Step 2. Make Backup Copies
We recommend that you make at least one backup copy of your Certificate of Naturalization and store it in a secure and different place than your original.
The bottom left hand corner of your Certificate of Naturalization reads, "IT IS PUNISHABLE BY U.S. LAW TO COPY, PRINT, OR PHOTOGRAPH THIS CERTIFICATE, WITHOUT LAWFUL AUTHORITY."
You have lawful authority to make backup copies of your certificate in case it is lost, damaged, or stolen. For example, should you lose your original Certificate of Naturalization, the U.S. Citizenship and Immigration Services (USCIS or CIS) will ask you to attach a copy of your certificate when you apply for a new one. The CIS will also ask for a copy of your Certificate of Naturalization if you petition to bring other family members into the US, so make at least two copies.
Unlawful copying of a Certificate of Naturalization includes such things as copying for the purposes of falsifying or altering the photograph, falsifying information on the certificate, copying so others may use the certificate, and copying for the proposes of counterfeiting or other criminal activity.
|
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Muhib)
|
خليك من نصائح الجماعة ديل واخد النجيضة مني عشان النقاطة وكده امريكا ما فيها بل ومطايا أقع كدايس وكلاب وان نويت ترجع الخليج بالجواز الأمريكي عندي ليك وصيتين ظبط الشنب وأعمل ليهم أصلي سوداني بس مولود في أمريكا وعربي ما في معلوم شوي شوي والتانية ما في عليك منها خوف وهي صلاةًالجماعة عشان الراتب وكده ما تقعد تعمل ليهم فيها غترة وشماغ بقصوا راتبك النص
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Muhib)
|
| Quote: في الحقيقه هنالك تشجيع لعمل صوره في البدايه .. الشئ الممنوع هو محاوله التزيف .. هل جد جديد ؟ |
مُحب يا زول يا سمح ...
اخوك قباني ( او عمك ) ما بعرف عنده حالة احتاروا فيها الأطباء ...
لما اسمع جملة او اقرا كلمة ... بتقوم تذكرني واقعة حصلت زمان و بصراحة بتحبك معاي و لازم اقولها ...
لانو لو ما قلتها حسي ... الا تحصل حاجة مشابهة عشان اتذكرها ...
تقدر تقول تصلب شرايين مشوب بالعُجُز كده ...
اها كلمتك حقة ( هل جد جديد ) ذكرتني زمان أيام شرايط الفيديو طلعت و ملت الدنيا في السبعينات ...
جا واحد صاحب صاحبنا من الخارج و كان قندف شوية كده ...
جاي فرجان و قال لازم الشباب كلهم يتجمعوا عنده لأنو جايب معاهو شريط فيديو آآآآآآآآخر حاجة طلعت في أفلام السكس !!!!
قام واحد صاحبنا كان متكي كده على طرف عنقريب ... رفع راسه و قال ليهو ... آخر حاجة كيف يعني ... في شي ( جد جديد ) في الموضوع ده ؟
___________________________________________________________________________________________
تحياتي يا زول يا جميل .... و سامحنا ... حبكت بس ... :)
| |
|
|
|
|
|
|
|
|
|
Re: باركوا لي أخدت الجواز الأمريكي (Re: معاوية الزبير)
|
الحبيب محب.. تحياتي
يا سيدي أنا والله ما محامي.. وعلاقتي بالقانون هي دراسة القانون الدولي العام ودراسة الوساطة القانونية وممارستها مرة مرة.. وممارسة الترجمة القانونية زمان داخل المحاكم وأقسام الشرطة والنيابة ومكاتب المحامات وبعض المصالح الحكومية. يعني تقدر تقول أخوك علم نفسوا شوية شوية.. وأهو الرزق في بلدنا دي تلاقيط في سوق الترجمة. وبالمناسبة القانون الأمريكي معقد لدرجة شديدة ومحتاج زول محترف ومفرغ وبيمنع الفتاوي القانونية خارج المحاكم!
أما بخصوص معلومة تصوير شهادة الجنسية،، فالنص المكتوب في الجنسية نفسها يمنع تصويرها ويوضح عقوبة إجراء نسخة كربونية لهذة الشهادة. وطبعاً النت مليان بالمعلومات الخطأ... والتي تأتي من مصادر غير حكومية أو بلا توثيق رسمي!
تصوير الشهادة دي ممنوع بالمرة.. ومرة طُلب مني تصوير شهادة الجنسية لزول لمصلحة حكومية مسموح ليها أخذ صورة من الشهادة دي رفضتا لغاية ما قريت القانون البيعطي المصلحة دي الحق في تصوير شهادة الزول داك وبموافقة تامة منو. والكل يا سيدي بيقول المنع ده منع للتزوير... ولكني بظن إنو هناك أسباب أخرى... نجهلها!!
مع خالص مودتي،،،
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Mohamed Yassin Khalifa)
|
مبروك يا دكتور
لكن ليه راجع السودان
انت زول (كافر) والبلد مليانة (مجاهدين )
شي دواعش
شي صحوة
اخوان وغيرهم من المجادهين
والحكومة حكومة (مجاهدين)
اميركا روسيا قد دنا عذابها من 1989م
ولا لدنيا قد عملوا من 29 يونيو 89
وكانو بيغبرو ارجلهم ساعة في سبيل الله
الان شوت تو كل
سيف يقطع من الوريد للوريد يا كافر على اصوات التهليل والتكبير
(ذكر فن الذكر تنفع الملحدين)
اوصيك يا ابني خليك في بلدك وتحت حماية حكومتك
حدك دبي الشيوخ الله يخليهم لك ولنا ويطول عمرهم
والا يجاهدو فيك وتكون جسر سكران جنة للفردوس
انت ما حذروك هنا قبل يومين
نسيت
تحياتي مع صادق الاماني لك بالصحة والسعادة
مبروك مجددا
| |
|
|
|
|
|
|
|
|
|
Re: باركوا لي أخدت الجواز الأمريكي (Re: علاء الدين صلاح محمد)
|
أبوبكر محمّد أحمد عباس- الأمريكي
Quote: في احتفال صغير بمدينة رالي بنورث كارولاينا تم تسليمي الجنسية الامريكية بعد مراسيم اداء القسم باحترام الدستور الامريكي،
وجاني بعد كم يوم خطاب ترحيب موقع من الرئيس الأمريكي باراك أوباما. |
مبروك.
لم يتوقف القراء عدا مامون المعتصم أحمد وبتعليقه (إنا لله و إنا إليه راجعون).علي قولك:
| Quote: لصالح اولاد اختي " الفطيسة" المتوفية قبل أبي |
ما هكذا نصف أمواتنا بالسودان، بل نترحم عليهم اللهم أغفر لموتانا وموتى المسلمين، وما أظن من متطلبات تثبيت حصولك على الجواز
الأمريكي أن تورد ذلك فلفظتك إن لم تكن إساءة لك أو لأختك فهي إساءة لمليارات المسلمين الذين لا يعتقدون بأن الناس يموتون (فطايس).
وإنما (الفطايس ) هي البهايم التى تموت بلا تزكية أو ذبح شرعي أيها الطبيب البيطري......
| |
|
|
|
|
|
|
|
|
|
Re: باركوا لي أخدت الجواز الأمريكي (Re: حماد الطاهر عبدالله)
|
| Quote: لصالح اولاد اختي " الفطيسة" المتوفية قبل أبي |
حبيبنا حماد بعد السلام والمعايدة عايز أوضح ليك قصد الحبيب بكور بالإنابة لانو أصلا الجملة دي عجبتني
وغيرت راي في بكور كنت قايلو حنكوش لكن طلع بلدي خالص هههههههههههه
عندنا في الجزيرة الزول البموت قبل مورثه بنسميهو مات فطيسة بدون ورثة واولادو وبناتو بنقول عليهم أولاد الفطيسة يعني ما برثوا
من مورث ابوهم ول امهم المات ول الماتت قبل ابوها ول أمها البترث منو وموقف بكور عجبني والله النصيحة
ان شا ء الله تكون المعلومة وصلت ليك
.
.
ما بدري يا خليفة هههههههههه اسع في الحالة دي لو كنت داير اطالعك الخلا ما صعبتها علي
دبي كانت فركة رجل
.
.
الله اعدلها عليك محل ما تقبل يا الحبيب والعفو والعافية
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Muhib)
|
عزيزي الفاضل ابوبكر
اولا مبروك جواز السفر الامريكي
ثانيا لازم تعرف ان الحصول على جواز السفر الامريكي
له فوائد عديدة ولكن في نفس الوقت مضار..وعلى الرغم من
الفوائد اكثر من المضار ..لكن في واحدة من المضار كعبة شديد
وبتضرك ضرر كبير...
واذا عندك رغبة تعرف التفاصيل ..ما عندي مانع نوريك عشان تكون على
معرفة بها وتكون حريص...
ودمت بالف خير وصحة وعافية
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Hani Arabi Mohamed)
|
Quote: ما هكذا نصف أمواتنا بالسودان، بل نترحم عليهم اللهم أغفر لموتانا وموتى المسلمين، وما أظن من متطلبات تثبيت حصولك على الجواز
الأمريكي أن تورد ذلك فلفظتك إن لم تكن إساءة لك أو لأختك فهي إساءة لمليارات المسلمين الذين لا يعتقدون بأن الناس يموتون (فطايس).
وإنما (الفطايس ) هي البهايم التى تموت بلا تزكية أو ذبح شرعي أيها الطبيب البيطري |
أخونا حماد
سلام مطبوق أبوبكر قاصد فطيسة لانها توفت قبل أبوها ولا يحق لها في الميراث معي البقية
والله أعلم
| |
|
|
|
|
|
|
|
|
|
Re: باركوا لي أخدت الجواز الأمريكي (Re: عبدالكريم الاحمر)
|
أيوة يا ملك، التقديم للجواز والتنازل عن الآخر بعتبرو جزء من مشروعي الاستناري، وتسليم الجواز السوداني للسيد وزير الداخلية في يدو في رسالتين بتاعات احتجاج.
المهم، امسودان بنجيها زي كبر اجانب وسواح وبعد نسجل في شؤون الأجانب بنمشي مدني ونجي نحكي ليكم عن قبة الشيخ وفريقنا، والزونيا، والحمامات تبرجن، ومقاهي السوق الجديد ذات المقاعد الخشبية الأرجل.
المهم تاني: أهم حاجة في موضوع المباركا دي داير الملم الجوازات السودانية كلها من الناس المعانا هنا وبغشى أوربا اشيل الباقيات وبرجعن لأهلن في الخرطوم، الدغمسة دي ما بتنفع
البوست دا اكون زي معاوية الزبير برد علي كل المداخلات بما فيها الفيس بوك وبعد داك بلم الكراسي.
بمناسبة الفيس بوك، إتّا يا الرفاعي بتاع الفيس بوك، متين سناء قالت دخلت السينما معاي؟ اتعلم أقرأ كويس يا كيشة، وبعدين أعمل حسابك اتا ماشي في طريق تشاكل ليك امريكي وانجليزي
الغريبة حافظ الامام قريبي زمان ما ظهر؟!
| |
|
|
|
|
|
|
|
|
|
Re: باركوا لي أخدت الجواز الأمريكي (Re: عبدالكريم الاحمر)
|
Quote: عندنا في الجزيرة الزول البموت قبل مورثه بنسميهو مات فطيسة بدون ورثة واولادو وبناتو بنقول عليهم أولاد الفطيسة يعني ما برثوا
من مورث ابوهم ول امهم المات ول الماتت قبل ابوها ول أمها البترث منو |
أجل أولا - شكرا لك يا صاحبي ودالبوش على الشرح الوافي ( لثقافة) ما كنت أعلمها.
وثانيا - معذرة لك يا صاحب الخيط فلك العتبى حتى ترضي.
| |
|
|
|
|
|
|
|
|
|
Re: باركوا لي أخدت الجواز الأمريكي (Re: أبوبكر عباس)
|
الاخ ابوبكر ... سلام .. وكل سنه وانت طيب ,,,
ومبروك حصولك على الجنسيه الامريكيه .. وان شاء الله تقطعها بعرق العافيه ...
بس اتذكر كلامي دا ....
مهما وصلت لاي مكان في العالم .... ومهما تحصلت على اي جنسية كانت
فلابد يوما من الايام طال الزمن ام قصر ان ترجع لتراب الوطن الام ...( دا لو امدّ الله في ايامك .. وارجو ذلك )
يااخ السودان دا بلد فريد من نوعو .... نرجو من الله ان يفك زنقتو .... ونرجع كلنا ...
وأتمنى لك التوفيق والسداد ...
وما تنسانا من صالح الدعاء ( دعاء الامريكان مستجاب )
تحياتي ,,
| |
|
|
|
|
|
|
|
|
|
Re: باركوا لي أخدت الجواز الأمريكي (Re: محمد مجيدو)
|
يا صحابي .. صباحكم زين ..
والله يا ابكرونا انا ما خاتية أكان متابعة بوستاتك البتشبه كلام اصحابي هههههه .
ودا الدليل :
Quote: بتاعت ناس منتصر الرجرجة البتحتاج تنوير،
|
عندي صديق عزيز علي هنا بعض مرات بضرب ليه عشان اسالو من أحوال البلد اها
اول ما اضرب ليه بسالو بقول ليهو انت اسه وين ؟ فتحت خشمو بقول لي انا مع الرجرجة
والدهماء تصدق بكون قاصد اسياد البلد الاحترمو وقدرو هههههه في القطر ماشي ليه محل تاني
شفت الزول جراتو هههههههه مسمي ناس البلد المهذبين ورايقين بالرجرجة والدهماء . مع اصدق التهاني .
وسلمتم جميع يا اسمح صحاب .
| |
|
|
|
|
|
|
|
|
|
Re: باركوا لي أخدت الجواز الأمريكي (Re: محمد مجيدو)
|
سيبك من حجة جواز وجنسية واقع نصيحة منتصر ..
منتصر دا اول مرة يمرق ليهو نصيحة نافعة ..
الكلالالالاب والكدايس بس البل ما بتاكل هناك ..
قالو دكاترة الكلاب هناك سوقم تش..
بعدين ما قلت لينا المكسيكية الصفيرا الكنت دافس روحك جنبها ديك تطلع منو ؟
اوع تكون داخل عليها بمكناتك المخستكة ديك بتاعت جوندير ولوري شنو ما عارف .
| |
|
|
|
|
|
|
|
|
|
Re: باركوا لي أخدت الجواز الأمريكي (Re: محمد على طه الملك)
|
أنا واقف وين؟
أيوة
ود المشرف
يا ود المشرف أنا مستغرب إتا كيف صاحبك بابكر الخطيب المستنير وراقي؟!
المريخ العظيم؟!
عشرة نقاط؟!
تتحاور لي مع ود البشرى ويقول كلمات نحن حضرناها زمان كانت تعتبر غير محترمة، ويقولوا لينا: لا هسع بقت محترمة
إتّا المفروض تكون صاحب أخو بابكر البطري داك ناسي اسمو هسع
لكن بابكر يبرى ويستبرى من صداقتك يا مريخابي يا تعبان
| |
|
|
|
|
|
|
|
|
|
Re: باركوا لي أخدت الجواز الأمريكي (Re: أبوبكر عباس)
|
.
واحد سوداني سافر إلى بريطانيا بعد أربعين سنة لم يغادر خلالها السودان قط،
قالواعند وصوله وهو نازل في سلم الطائرة لفحه هواء مطار هيثرو، ضرب الرجل كفاً بكف قائلا: والله فعلا الواحد غربتو طولت!!
.
| |
|
|
|
|
|
|
|
|
|
Re: باركوا لي أخدت الجواز الأمريكي (Re: سيف اليزل الماحي)
|
هسع يا سيف الماحي، قاعد في فناء استاربكس الخارجي والنسيم بارد والطلبة اتنين اتنين وحلوين بذاكروا بلابتوباتم، حاسدم واقول ما جينا بدري، لكن الحمد لله شفنا
البركة في الشوفة
ما بين نيافة الدباغة واستاربكس بشارع فرينلي، زمن طويل وحكايات!
| |
|
|
|
|
|
|
|
|
|
Re: باركوا لي أخدت الجواز الأمريكي (Re: HAIDER ALZAIN)
|
| Quote: تتحاور لي مع ود البشرى ويقول كلمات نحن حضرناها زمان كانت تعتبر غير محترمة، ويقولوا لينا: لا هسع بقت محترمة |
يا بكّور ياخي ما ممكن كل ما ليك تفجعنا فيك وفي استنارتك (المدعّاة) زيادة
انت يا سيدي بقيت امريكي كامل الدسم محل الأفلام ترجمتها بين كل تبّا لك و تبّا لك بتلقى يا وغد , ديل حسب قاموس انيس عبيد الاف وورد و الماذر شنو ما عارف وورد, تقول لي زوووط و بتاع
ثم أنا ما قلت انها محترمة انا قلت المعنى في اذن السامع او ذهن القارئ او نحوهن
بكّور انت شكلك في امريكا النوع الح يقيف ضد زواج المثليين, و تدفع تبرعات لحملات منع الإجهاض, محافظ كامل الدسم :)
ما وريتني كتاب الحليفة ياتو كان :)
| |
|
|
|
|
|
|
|
|
|
Re: باركوا لي أخدت الجواز الأمريكي (Re: محمد البشرى الخضر)
|
.
قيل ان الشاعر محمد عثمان كجراي، كان قد شد الرحال إلى دولة أريتريا بعيد إستقلالها، قائلاً: خير لنا أن نبدأ بناء دولة جديدة ، من أن ننتظر أستعدال الأوضاع في السودان!
ذهب الرجل فور إستقلال أرتريا، والتحق بوزارة التربية واضعا مع غيره اللبنات الأولى لحقول التعليم العام في الدولة الوليدة، لكن لم تسعفه صحته، مرض فعاد مستشفياً وسط أسرته بشرق السودان، حتى توفى لم يشهد نهضة أرتريا الفتية، ولم يرى شيئا من إستعدال حال السودان!!
أها انت يا أبوبكر المستنير، حق لك ان تتسربل في نعيم أكبر دولة جاهزة من مجاميعه، وتخلف رجل فوق رجل!
.
| |
|
|
|
|
|
|
|
|
|
Re: باركوا لي أخدت الجواز الأمريكي (Re: سيف اليزل الماحي)
|
بمناسبة تخلف رجل على رجل
هوساوي عايش في مكة اربعين سنة مقيم ولما ما يكون شايل الاقامة يجري من ناس الشرطة من زقاق لزقاق
بعد اربعين سنة اخد الجنسية "التابعية" السعودية
يومه الاخدها طلع كرسي جمب الباب وخلف رجل على رجل ويعاين في الناس قال : والله جنب دا ضيقا بلد
| |
|
|
|
|
|
|
|
|
|
Re: باركوا لي أخدت الجواز الأمريكي (Re: محمد حيدر المشرف)
|
صادق التعازى للرءيس اوباما ....
كامل التضامن والمؤازرة للشعب الامريكى الصديق ...
ما عجبتنا للامريكان والله ..
فاول ظااااااهر ....
لكن بنقول للاخوة الاميركان اللهم لا نسالك رد القضاء
ولكنا نسالك اللطف فيهم ..
اما للاخوة السودانيين نقول ليهم انكسر الشر ...
وربنا بحبكم ياخ ... انتم الان اجمل وابرك واخير ..
وكل اول وليهو اخر يعنى لمتين كان ح نصبر عليه ...
-------------
اها قول سلمت الجواز الاولاد والتبعات والصور والجوابات
والدباغة ح تعمل فيهم شنو ... 😢
طبعا اكيد الخطوة دى تمت بدون مشاورة الامريكان ولا حتى
الاسبنش والهنود والبلاك .. تمت كدا سااااى دون تدبر للعقبات
الله هونينى ..،
الله فرجينى ..
| |
|
|
|
|
|
|
|
|
|
Re: باركوا لي أخدت الجواز الأمريكي (Re: دينا خالد)
|
غايتو يا بكور دينا وحيدر وأحمدونا ديل كلامهم ده يدل على حقد دفين لكل ما هو أمريكي
في الظاهر... وفي الباطن القرين كارت واللوتري بقوا حفيانين من الجري وراهو!
يا حيدر الكافر في بلدنا دي مواطن من الدرجة الأولى وكذلك المؤمن الموحد..
ويا أحمدونا ود اللحد هنا ممكن تشتريهو بقروشك وبمواصفات خاصة...
أي نعم الموت حق علينا... لكن تموت أمريكاني موحد تبقى عليك جنة دنيا وآخرة!
يا دينا أمريكا بتستقبل كل سنة 55 ألف مهاجر و50 ألف لاجئ فيهم الصالح والطالح..
وبكور ده فريد من نوعو.. زول طالح وصالح في نفس الوكت.. وحـ يكون محل دراسة...
بس هو زول فالح.... وحبابو ألف ومية كيتاً في العوازل!
--------------------------
يا زول ألحق الضرايب السنة دي قربت تخلص!
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Mohamed Yassin Khalifa)
|
مبروك ياابوبكر الجنسية الاميركية. انت بقيت من التار هل ناس ولايتنا كارولاينا الشمالية. يعنى بعد كدة مافى اهلى و اتحاد مدنى ياتكون معانا مشجع UNC ياتمشى لDuke.
Quote:
"لتسجيل للإنتخابات مهم وطبعاً أنت عارف ولاية كارولاينا الشماليه ولايه جمهوريه
والجمهوريين مركزين عليها شديد فى إنتخابات 2016 "
مولانا عبدالله دايريمقلبك ساكت. الولاية دى Toss Up يابكور, اوباما فاز بيها عام 2008, والتغيرات السكانية فى صالح تيار الاستنارة. مرحب بيك فى صفوفنا نحن يسار الحزب الديمقراطى.
الدعوة لك لزيارة جنةاشفييل وجبال الدخان
مع ودى
| |
|
|
|
|
|
|
|
|
 Re: باركوا لي أخدت الجواز الأمريكي (Re: Mohamed Yassin Khalifa)
|
نبيل،
Quote: Nabeel Ali · الخرطوم التجارية
انتا والمستشار ودينق وعبد الله عبدالله وسيف مين وطبارك وبريمة الجهني كان عملو شنو وشنو برضو مواطنين درجة تالتة وده لو رابعة _ فاكرين عشان خلوكم تصوتو وترشحو بقيتو سيم سيم مع اولاد اونكل سام هههه _ بالمناسبة اخر مظاهرات في امريكا كان بي مناسبة شنو |
إلّا وبريمة الجهنى .. دا كاوبوي والكاوبويات برفعوا ليه الطاقية ..
الخيول البرية .. سكيتها معاهم الصيف الماضي .. وتانى راجعين فى الكريسماس .. رياضة رهيبة.
بريمة
| |
|
|
|
|
|
|
|
|
|
Re: باركوا لي أخدت الجواز الأمريكي (Re: أبوبكر عباس)
|
أخونا عبد الله عبد الله دا نسيج لوحدة!
هو رجل مسلم متزن الاسلام، اختار الجمهوريين لتحقيق دينو هنا، ( الجمهوريين الامريكان ما الجمهوريين بتاعين الفكرة الذين يتبعهم
دينيا أو علي الأقل في النقاش، يتبعهم الشيوعيين الامريكان الكانوا زمان سودانيين) قوس كبير معليش!
استاذ عبد الله دا لو كان جاء قبل مية سنة وكون اسرة ممتدة، احفادو كانو تحولوا للمسيحية وفعلا كانوا بقوا جمهوريين
الغريبة الكيزان هنا بعادوا الجمهوريين وبتفقوا مع الشيوعيين في ميلهم للدمقراطيين!!
أشهد انو عبد الله دا لا كورز لا شيوعي
| |
|
|
|
|
|
|
|
|
|
Re: باركوا لي أخدت الجواز الأمريكي (Re: عمر عثمان عبد الوهاب)
|
البنعرفو الناس الاخدت الجواز الامريكي في السبعينات وبدايه التمينات
هم الاستفادو من الجنسيه الامريكيه ولقو وضعهم
وكان ليهم شنه ورنه
امش زيما نصحوك سجل في الانتخابات واقعد ساكك
لامن كرعينك يتشققن
اهنديل جوازاتوم الامريكانيه في جيبوم ومالين علينا الجمعيات
لاشغل لامشغله ياهو الصعوط ده يسفو ويتفو
وحرم وصلتك مطار الخرتوم تنزل فارد سدرك و تتفوصح وماسكاك اوم فريحانه
يطقطوك زي السلام عليكم
| |
|
|
|
|
|
|
|
|
|
Re: باركوا لي أخدت الجواز الأمريكي (Re: عمر عثمان عبد الوهاب)
|
Quote:
مولانا عبدالله دايريمقلبك ساكت. الولاية دى Toss Up يابكور, اوباما فاز بيها عام 2008, والتغيرات السكانية فى صالح تيار
الاستنارة. مرحب بيك فى صفوفنا نحن يسار الحزب الديمقراطى.
الدعوة لك لزيارة جنةاشفييل وجبال الدخان
مع ودى |
أخى العزيز د. أبونوره
تحياتى لك يا حبيب , ومشتاقين
التصويت لأُباما حاله إستثنائيه خاصةً فى دورته الأولى
شخصياً ورغم أننى جمهورى صوت له فى الدوره الأولى لإعتبارات كثيره وأهم إعتبار
لإبراز وجه أميركا المتحضر والمشرق فى محاربتها للعنصريه واقعاً وليس قولاً لذلك
كنت أتمنى أن لو كان باراك أوباما جمهورياً.
فوز أوباما فى كارولاينا الشماليه هو أشبه بفوز كارتر الديمقراطى فى أطلانطا وفوز
ريقان الكاسح فى دورته الثانيه فى ولايتى ألينوى وميريلاند .
د. أبونوره
طبعاً دى منافسه فى التجنيد لصاحبنا بكرى .
عموماً حبابو معانا مواطن فى بلاد العم سام بلد الحريه والعداله والقانون ,
| |
|
|
|
|
|
|
|
|
|
Re: باركوا لي أخدت الجواز الأمريكي (Re: MAHJOOP ALI)
|
مبروك ياابوبكر .. بس في حكاية التخلي عن الجواز السوداني دي هل معناها التخلي عن الجنسية السودانية؟؟
لو كده أحسن تخلي الحماقة وفكِّر في أبنائك .. ما تتخذ قرار يؤثر فيهم وهم قاصرين .. فالمصير ليس مصيرك وحدك ..
| |
|
|
|
|
|
|
|
|
|
Re: باركوا لي أخدت الجواز الأمريكي (Re: Munir)
|
Quote: ديل كلامهم ده يدل على حقد دفين لكل ما هو أمريكي
في الظاهر... وفي الباطن القرين كارت واللوتري بقوا حفيانين من الجري وراهو! |
يا زول قول بسم الله --- أمريكا كان رحلة أمبدة --- أنا زاهر عنها....
هسا كان هبشوا أي واحد فيكم تلقاهو---
غرقان ديون السكن -- سيارة -- دراسة يدفع فيها طول العمر..
الدين هم ...
قال حقد قال ...
| |
|
|
|
|
|
|
|
|
|
Re: باركوا لي أخدت الجواز الأمريكي (Re: ahmedona)
|
بسم الله الرحمن الرحيم!
أها يا أحمدونا كده كويس معاك؟
نعم الدين حار.. ويعلم الله الديون كاتلا مننا ناس كتار.. وكمان عندنا ناس مرتاحين
وربنا فتحا عليهم في أرض الأحلام دي. وأهو أجمل حاجة في أمريكا الكل مرتب!
بس أمريكا الديون فيها مداها طويل والسيستم بيسمح ليك تعيش بديونك بدون
هم... لأنك ممكن تواصل في الدفع للديانة بطريقة أوتوماتيكية كل شهر بدون ما تحس!
الناس طالما هي شغالة فبتقدر تدفع ديونها شوية شوية من غير ما تتأثر حياتهم.. والديون
دي ما حاجة سلبية.. بل هي وسيلة مفيدة للتوفير وكنز بعض المال أو إستخدامه للفائدة
الخاصة أو لمصلحة الأهل في السودان أو لعمل إستثمارات في أي مكان من العالم!
يعني هي ما قضية ديون لازم تندفع بين يوم وليلة...
وإن عجزتا عن دفع الديون لظروف قاهرة... فالسيستم بيجد ليك ألف حل... وهم ما أغبياء
عشان يدينوك بدون ضمانات شخصية أو حكومية... وعارفين إنو قروشهم حـ ترجع ليهم!
بعد ده كلو.. ربنا يسألك.. كم مرة قدمتا للوتري يا أحمدونا؟
| |
|
|
|
|
|
|
|
|
|
Re: باركوا لي أخدت الجواز الأمريكي (Re: عمر دهب)
|
بكور او بابكر او بكري او ابوبكر محمد احمد
كلها اسماء في حياتي
واوعي من جهجهت التساب في الاسماء المركبه والمشقلبه ؟؟؟
مبروك وامريكا تسعد بان يصبح احد علماء الانسانية منها وانت التواضع سمة لك ومن تواضع لله رفعه؟؟
ده كلو كسير تلج لشكولاته ابل ولبن ابل بودرة هههههههههههه
اها الحصول علي الجنسية خلق لنا مشكلة مع صاحبنا مهدي حسن احمد افندي وطالبني ان اكتب بوست ردا علي بوستك
زي المتابة بين محمد عابد الجابري وجورج طرابشي
او سميح القاسم ومحمود درويش في رسائلهم ؟؟؟؟
المهم هذا المهدي افندي قال لك
بلادك حلوة ارجع ليها
وهو عندو مزرعة معروضه للبيع وغالبا تطق شبكه وانتاج حيواني وزراعة محمية وغير محميه هههههه
المهم البوست سيكون تعقيبا عليك بس الله يدينا زمن من الممحوق ده وما بحوق
وحقيقة فخرا للشعب السوداني والطبقه العلمية انك تنال هذا الجواز وهي بلاد ستحسن استقبالك والعطاء لك ولاسرتك
| |
|
|
|
|
|
|
| |
أبوبكر عباس
Muhib
محمد البشرى الخضر
محمد على طه الملك
مامون المعتصم أحمد
أيمن نواى على
مني عمسيب
علي دفع الله
Abureesh
سيف اليزل سعد عمر
محمد حيدر المشرف
يحي قباني
بريمة محمد
Mohamed Yassin Khalifa
ABDALLAH ABDALLAH
Sudany Agouz
محمد المسلمي
saidahmed shami
معاوية الزبير
علاء الدين صلاح محمد
عبدالله ود البوش
Mohd Ibrahim
Hani Arabi Mohamed
عبدالكريم الاحمر
علي محمد الفكي
محمد مجيدو
علاء سيداحمد
نصر الدين عثمان
HAIDER ALZAIN
ahmedona
احمد الشيخ
بشرى محمد حامد الفكي
دينا خالد
Elmoiz Abunura
النذير حجازي
محمد أبوالعزائم أبوالريش
معاوية المدير
بله محمد الفاضل
عبدالحفيظ ابوسن
MAHJOOP ALI
Munir
Deng
فيس بوك
تويتر
انستقرام
يوتيوب
بنتيريست