|
|
 الصائمون في العالم الغربي..مشاعركم كيف لما تشوفوا الناس الفاطرين؟؟
|
في الدول العربية و معظم الدول الاسلامية و مع بداية شهر الصوم تتكاثف جهود الناس
و الاجهزة الرسمية في مراقبة الناس و التأكد من التزامهم بالصوم فتغلق المطاعم و محلات
المشروبات و يتعرض من يجاهر بالافطار للويل و الثبور و ربما الاعتقال و المحاكمة.
و من المعروف أن الله سبحانه و تعالى عندما فرض الصوم منح غير القادرين من المرضى
و كبار السن و كل من لا يطيق الصوم رخصة بالافطار ، و من المعلوم أن هناك الملايين من غير
المسلمين يعيشون في كنف الدول ذات الاغلبية المسلمة و هم مجبرون على ترك الأكل و الشرب
في نهار رمضان علنا على الأقل فاذا ما اراد الواحد منهم أن يأكل أو يشرب فليس امامه
إلا أن يفعل ذلك خفية هذا إن وجد ما ياكله أو يشربه اصلا.
الحجة الاساسية في هذا السلوك هي الا يؤذي المفطرون مشاعر الصائمين ، طيب يا ناس امريكا
و كندا و هولندا و بريطانيا و هلمجرا كيف تحسون عندما ترون الناس من حولكم بين آكل و شارب؟
و هل منظر الناس و هم مفطرين يؤذي مشاعركم؟؟
و ما هو هذا الأذى الذي يلحق بالمشاعر المرهفة؟؟
افيدونا حتى نعلم إن كانت حجة الناس هنا valid or not.
|
|
 
|
|
|
|
|
|
|
 Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: قلقو)
|
سلم فومك أخي قلقو
ــــ
وكثيراً ما تضمنا معهم إجتماعات أو تنويرات وبجانبنا مساحة خُصصت لما ألز الز الز من الفطائر
والمعجنات والكوكي وبالسكويتات وشرائح البيتزاء المشكلة الجاهزة للماكرويف والعصائر بأنواعها ،
والكوفي وفتلات الشاي الأخضر منه والأحمر والشكولاته واللبن
وعند الإقبال عليها
تجد نفسك بفخر
تقول sorry I'm fasting
شعور جميل يتحول بعده {البِرك} لأسئلة كثيرة
تتخللها الـ WOOOWات
وانت تحدثهم عن بداية يوم الصيام
وحتى الأفطار والحرمان من{ كلو} حتى من قهوة ساخنة وسجارة
تخفف عليك عزابات الشتاء والبرودة الداخل في العضم دي !
والـ WOOOWات مستمرة ..
وإنت لسة مدورة ..
وينتهي {البِرك} لينتصف اليوم
شعور لذيذ غايتو ..
ورمضان كريم للجميع
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: خضر حسين خليل)
|
سيف ياصحبي
ازيك ورمضان كريم
ياخ بالنسبة لسؤال البوست افتكر انو ما بشملنا كسودانيين وانا ماعارفك ليه بس جريت علي
العالم الغربي ـ وحياتك ياسيف انا ده واحد من الناس التعبان تعب شديد جداً مع الناس الفاطرين
في العالم الشرقي ده ـ يعني ريحة الشية دي تجي تغتالك الساعة 10 ونص الساعة 11 تشم في ريحة الجبنة
لامن الله يغفر ليك أها من النهار يجي تدور الخلاطات بتاعت البرتكان والمنقة والجوافة والناس داخلة بي
كورة وطالعة بي فورة ـ يخ والله انا بالطريقة دي حأستشهد عديل
ـــــــ
أكتب الان والروائح مالية الفجة
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: خضر حسين خليل)
|
دكتور سيف سلامات
كل سنه وانت والاسره بخير وعافيه
يااخوى انت رجعت من هنا ولا شنو؟
طبعا الاخ قلقو ما خلى لينا تعليق الا اود ان اضيف بان هنا مسلمون يعملون فى مطاعم
يوزعون الاكل لهؤلاء بايديهم وهم صيام وطبعا انت عارف انواع الاكل هنا ،كل ما لز وطاب
انا شخصيا ما بتحرك فينى شعره والعقيده بتلعب دور كبير جدا ،،وغير الاكل هنا فى شباب مسلمين
غير متزوجين يعملون فى مجالات عده يتعاملون مباشرة مع الكاسيات العاريات ولا حتى يرفعو عيونهم
عليهن
تحياتى
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: خيرى بخيت خيرى)
|
رمضان كريم للجميع
الحتة التحت دى
Quote: يتعاملون مباشرة مع الكاسيات العاريات ولا حتى يرفعو عيونهم
عليهن
|
دى ياها زاتة المجننه بوبى ياخى مرات كدة ظروف الشغل توديك محلات واللة لو غمضت عيونك ما بينفع عارف مرات الواحد يمشى زى
الشايلو حمار النوم مغمض ويطس فى الخلق دى كلها وبرضوا ما نافع
عشان كدة يا زول تانى نهى صيام بره السودان يا دكتور سيف الناس دى ما بتختشى تب
اما الاكل والشراب صدقنى ما مشكلة كبيرة لانو الجو زاتو بارد والناس متعودة على الاكل بعد الرجوع للبيت فى المساء علا السجائر
بيجيب كثافة الزول تب
ربنا يعودا علينا وعليكم بالصحة والعافية ِ
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: خيرى بخيت خيرى)
|
د سيف ازيك
| Quote: الصائمون في العالم الغربي |
في العالم الشرقي كيف ؟؟؟
ايام الدراسة ونحن في عز رمضان جايين من الدراسة ومعاي زميلة سودانية جالدة الشهر كلو وبتاكل في ايسكريم
المهم الدنيا كانت حر والروس ديل في الحر لبسهم صعب خلاص المهم اخوك مرات بجر نور طويل وبستغفر
اها هي لمن شافتني كدة قالت لي امشي جيب ليك ايسكريم وتعال صيامك ده من حتتو دي ما قايم
تقول لي غير المسلمين
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: حسن النعمان)
|
| Quote: اما الذين يأخذون من الدين قشوره والذين يبصقون فى الشارع بكل جلافة وبلا ادنى احساس او مراعاة لشعور الآخرين واولئك الذين يلوكون المساويك بكل قرف فى المواصلات العامة وفى الشارع ولسان حالهم يقول (شوفونى انا صايم) فللأسف ان امثال هولاء واولئك هم من يقبضون على الأمور فى هذا البلد وهم الذين حولوا شهر رمضان من شهر للرحمة والتراحم الى شهر بغيض وذلك بتضييقهم على من اباح الله سبحانه وتعالى له الفطر فى رممضان من مريض ومسافر وطفل وشيخ كبير (ولى تجربة مؤلمة فى هذا الصدد) وذلك بأقفالهم لمحلات الأكل والشرب بأدعائهم بأن فتح المطاعم والكافتريات يوذى مشاعر الصائمين , ويعلم الله ما هو كذلك لمن صام رمضان ايمانا واحتسابا. |
شكرا جزيلا يا قلقو فقد نجحت في تصوير الأمر كما هو بالضبط .
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: سيف النصر محي الدين محمد أحمد)
|
يا هدر هسين..الشكلوتة دي على ايامنا كانت حاجة بخوفوا بيها الشفع .
Quote: يعني ريحة الشية دي تجي تغتالك الساعة 10 ونص الساعة 11 تشم في ريحة الجبنة
لامن الله يغفر ليك أها من النهار يجي تدور الخلاطات بتاعت البرتكان والمنقة والجوافة والناس داخلة بي
كورة وطالعة بي فورة |
انت في السودان ده سكنت وين يا خضر؟
يبدو أن حلتكم تعج بالمنافقين يا اخا النوبة ، اوصيكم بتشكيل هيئة للأمر بالمعروف و النهي عن المنكر لتأخذوا على ايدي هؤلاء الفسقة.
شية و جبنة في نهار رمضان !! و الله يا خضر أنت ناس العالم الغربي بالنسبة ليك في نعيم عديل كده .
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: سيف النصر محي الدين محمد أحمد)
|
الحجة الاساسية في هذا السلوك هي الا يؤذي المفطرون مشاعر الصائمين ، طيب يا ناس امريكا
و كندا و هولندا و بريطانيا و هلمجرا كيف تحسون عندما ترون الناس من حولكم بين آكل و شارب؟
و هل منظر الناس و هم مفطرين يؤذي مشاعركم؟؟
و ما هو هذا الأذى الذي يلحق بالمشاعر المرهفة؟؟
افيدونا حتى نعلم إن كانت حجة الناس هنا valid or no
__________________________________________________
أخونا سيف النصر حبابك ورمضان كريم .... يا أخي الناس في الغرب محترمين جداً لكنهم يعتبرون الأمور الدينية أمور شخصية ... بس هم بيستغربوا جداً كيف الإنسان يصوم ساعات طويلة عن شرب الماء. الأكل بالنسبة لهم ليس ضرورياً ويعتبرون التقليل منه يؤدي إلى فقدان كثير من الشحوم وهذا امر مستحب جدا عندهم/هن.
غايتو أنا بتفادى دائماً الإقتراب من محلات المشاوي والشاورما والحاجات البتخلي اللعاب يسيل .... الأيام الأولى دائماً صعبة لكن بعد كم يوم كدا النفس بتتوطن ... الأكل والشراب ما مشكلة (الكلام غض البصر) ...
تحياتي ورمضان كريم
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: Abdelrahim Elamin)
|
سلام يا دكتـور سيف وضيوفك..
نفس الشعــور لما نشوف الناس اللابسين.. ناس يفطروا ويتغدوا ويتعشـوا، المشكلـة شنو؟
بعدين ياخى عند المهووسين الأمور مشقلبـة، لأنهم بالذات أكتر ناس يأكلوا فى رمضان الذى شـرع من
أجل تضييق مجارى الدم.. يعنى شنو الواحد يأكل الليل كلو من اللحوم الدسمـة أضعاف أضعاف ما يأكله
فى غير رمضان، ثم ينوم النهار مثل المرفعين.. وبذلك يكون وسـع مجارى الدم ليجرى من خلالها الشيطان..
ولو رأى مريضا أو مسافرا يأكل القليل فى النهار يشتط ومشـاعره تستفـز لأنه يذكره بنهم الليل الذى
تبقى له عدة ساعات.. فهو لا يتوجه لله بصـومـه ثم يقوم بعمله ويترك بقية عباد الله لحالها، بل يظل
طول النهار يعانى من الشعـور بالحرمان لأنه غير مقتنع بأسباب تركه للطعام، ولو كان مقتنعـا لتفرغ
للعبادة ولما أستفزته رؤية من يأكل أو يشرب أو حتى يعمل أى شئ اخـر.
مثل هؤلاء ليس لهم من صيامهم غير الجوع والعطش. وليسألوا أنفسهم: هل بعض رمضان مجارى دمهم ضاقت أم توسعت؟
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: jini)
|
الأخ سيف تحية طيبة ورمضان كريم ...
تعودت ان اقدم لجزء من اجازتي السنوية من يوم 15 رمضان وانت ماشي ... اذ يصبح الامر صعبا من ناحية الزمن وكدة .. الطريف في الامر هذه السنة سألتني زميلة في العمل ( كم حورية ستقدم لك جزاء لهذا الصوم ؟) فكانت المفاجأة ان ردت عليها زميلة اخرى - يهودية - وشرحت لها ان الصيام ليس الهدف منه الحوريات ولكنه يساوي ما بين الفقير والغني ويعود النفس على التحكم في الرغبات ويقوي الارادة... لم استغرب من شرح اليهودية فلقد مررت بعدة تجارب مع اليهود عرفت بانهم يعرفون الكثير عن الدين الاسلامي من ناحية اخرى يوفر مرور شهر رمضان بيئة جميلة لشرح الدين الاسلامي على حقيقته اذ يكون معظم غير المسلمين مندهشين من عدم شربك للمياه او الاكل طوال اليوم ... ويبدأؤن في طرح اسئلة يكون معظمها عن اشياء يتم اجترارها في الاعلام لكن والحق يقال اجد كل التعاون من زملائي وزميلاتي في المؤسسة التي اعمل بها وهم خليط ما بين مسيحين ويهود ولا دينيين يحترمون كل ذي عقيدة ما دام يحترمهم ....
الا غايتو غض البصر يا دكتور محمد هارون في مدينة زي برايتون دي ياهو ( المجرح صيامنا ) يعني لو غضيت بصرك لازم لازم في مرة من المرات يصيبك رشاش لكن بي الواحد ( بحتسب ) ..... وطبعا المثل ( العيار الما يصبش يدوش ) ما نجروه المصريين من راسهم ...
لكم جميعا التحية والتجلة
اسامة
| |
|
|
|
|
|
|
|
|
|
Re: الصائمون في العالم الغربي..مشاعركم كيف لما تشوفوا الناس الفاطرين؟؟ (Re: Osama Mohammed)
|
سلام يا دكتور سيف
وتحياتي
طيب انتو شعوركم شنو لمن تشوفونا نصوم ونفطر
دون حلو مر او بليلة وكركدي وآري ابيض ؟!
الاسترال وباقي القوميات الفاطرين هنا بالجد ناس ودودين جدا
وبيحترموا صيامنا وممكن يغيرو ليك جدول شغلك لتجد مساحة وقت للفطور في البيت
لكن معظمهم لايفهم معنى الصيام الطويل وبدون ماء !
دون ماء دي بتحيرهم جدا
لكم كل الاشواق يا ناس جدة
والله لسه طعم فطوركم ما راح !
| |
|
|
|
|
|
|
|
|
|
Re: المرشحون الديمقراطيون والليبراليون لن ينسحبوا من أرض المعركة ولن يمارسوا العبث . (Re: أمير عثمان)
|
العزيز دكتور سيف تحياتي :
اليس من حكمة الصيام هي تأهيل المسلم وتدريبه علي الصبر؟أعتقد ان وجود الصائم بجانب الفاطرين
هي إمتحان وفي نفس الوقت تقيم لمدي قدرته علي الصمود ، وامتثال أوامر المولي ، ولكن الثابت ان
الكثير منا ينظر الي الصيام بمنطق الرجالة ومحاربة الملزات اكثر منه فرض وطاعة واجبة التطبيق،اذ
نجد الكثيرين يتعسفون في تطبيق الرخص.....فتسمع احدهم يقول لك "والله انا لو اموت ما أفطر ياخي
سفر شنو ومرض شنو دي البفطر؟"ثم تجد الكثيرين يوصومون الفاطر بانه بطيني ، او ضعيف لا يقوي
علي الجوع.......والاخير طعن في الرجالة اكثر من هو طعن في الدين ،شخص بهذا التصور اعتقد انه
يمكن ان يتأثر وربما يذهب الي اكثر من ذلك من المغالاة في تتبع الناس وترصدهم.
هذا مع استثنائي لبعض الامور الغير مقبولة كالتدخين علي سبيل المثال، وذلك لانه يؤذي الجميع
صائم وفاطر ، ولانه يتسبب ربما مباشرة في افطار الصائم.
ولك شكري
| |
|
|
|
|
|
|
| |
معاوية عبيد الصائم
قلقو
محمد الجزولي
خضر حسين خليل
جمال الباقر
saif massad ali
الطيب بشير
النذير حجازي
Mohammed Haroun
Zakaria Joseph
Abdelrahim Elamin
Abureesh
jini
Osama Mohammed
خالد العبيد
عبد المنعم سليمان
أمير عثمان
ibrahim alnimma
فيس بوك
تويتر
انستقرام
يوتيوب
بنتيريست