|
|
|
 Re: اجمل عشرة اماكن عشرة اماكن ينصح بزيارتها فى السودان (Re: ود الباوقة)
|
سلام و تحية ،،،
باو - النيل الأزرق ،،،
يمكن أن تكون منتج سياحي عالمي ،،،
زرتها في التسعينيات و كان بها مجموعة من القطاطي + مدرسة لمنظمة الدعوة الإسلامية ،،،
رأيت فيها لأول و اخر مرة في حياتي قوس قزح بثلاث طبقات ،،،
و رأيت فيها قوس قزح ينعكس علي الجبل كأنه قد لون الجبل بالوانه ،،،
أجمل منطقة طبيعية في السودان و أكثر منطقة مهملة ،،،،
الطريق البري إليها غير معبد ! ! !
| |
 
|
|
|
|
|
|
|
|
Re: اجمل عشرة اماكن عشرة اماكن ينصح بزيارتها فى السودان (Re: mwahib idriss)
|
مواهب
ما تنسي مدينة بركات، بالقرب من مدينة مدني .. هذه المدينة في الخريف وعند الغروب بها مناطر خلابة بأنوارها الزرقاء والحمراء وتعكس اشعتها على مياه الأمطار وتعيشي في جو اوروبي ..( والحاجة الغريبة نحن نقول جو اوروبي وجو اوروبا اسوأ
جو في العالم .. برد شديد او سخانة شديدة وجليد متواصل وضباب زي الغبار) وبرضه نقول جو اوروبي..
وطبعا كلامك عن كسلا صحي..وخاصة بالقرب من جبل التاكا.. ورايت هذه المنطقة قبل سنتين وكانت روعة .. وسمعنا واحد عنده مسجل قاعد تحت شجرة وبيسمع اغنية : حبيت عشان كسلا...
في واحد فيكم عنده معرفة بالتكنلوجيا ينزل لينا هنا اغنية/: حبيت عشان كسلا..
والله يديك العافية
| |
|
|
|
|
|
|
|
|
|
Re: اجمل عشرة اماكن عشرة اماكن ينصح بزيارتها فى السودان (Re: أحمد ابن عوف)
|
اعزائي الأفاضل اسامة ود بابكر وخالد ود المنسي
يا اخوانا ما بالغتو في دي...
اتيتتنا يا اسامة بصوت ملائكي صوت التاج مكي في اغنية كسلا... فعلا صوته صوت ملائكي يتدفق بالحنين والمحنة
ويا ود المنسي اتيتنا بصوت محبب إلى نفسي .. صوت الكابلي ....
يا اخوانا ان شاء الله الله يدخلكم الجنة.. فقد ازلتم التوتر النفسي الذي نعيش في بحوره في الغربة القساية
والله يديكم العافية يا سمحين يا زينين..
| |
|
|
|
|
|
|
|
|
|
Re: اجمل عشرة اماكن عشرة اماكن ينصح بزيارتها فى السودان (Re: اميرة السيد)
|
Quote: يا اخوانا ما بالغتو في دي...
اتيتتنا يا اسامة بصوت ملائكي صوت التاج مكي في اغنية كسلا... فعلا صوته صوت ملائكي يتدفق بالحنين والمحنة
ويا ود المنسي اتيتنا بصوت محبب إلى نفسي .. صوت الكابلي ....
يا اخوانا ان شاء الله الله يدخلكم الجنة.. فقد ازلتم التوتر النفسي الذي نعيش في بحوره في الغربة القساية
والله يديكم العافية يا سمحين يا زينين.. |
كسلا أسيرة القاش وهي سعيدة بأسرها
يحرسها جبل توتيل وجبل مكران ( جبال التاكا ) كجنود مرابطين
وفي حضرة كسلا والحلنقي وياسر إبراهيم يحلو النغم لكسلا وفي كيلا
مع صوت السواقي الحاني ( في السواقي الجنوبية )
ذكرني ماض بعيد
وعلى الرمال أثارك
طرتني ليلة عيد
ألمني قلب إنسى
يرخص غلاوة الريد
باقي الطريق بمشيهو
خليني فيهو وحيد
| |
|
|
|
|
|
|
|
|
Re: اجمل عشرة اماكن عشرة اماكن ينصح بزيارتها فى السودان (Re: Dr.Elsadig Abdalla)
|
سلام مواهب وضيوفها
إنتي فعلاً مجموعة مواهب ولاعجب ما إنت صفوة
ولدي مشي السودان ـ نزل مع اخواله في بحري
نَمَّات جا صاد ـ(معليش اتأثرنا بي بوستات ودالبوش وودابسن)
واحد من اصحابي سعلو قالُّو ياخالد كان الواحد عاوز يتفسح في الخرتوم
يمشي وين؟ خالد قالّو ـ ميدان عقرب.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اقترح كل زول يرشح منطقة يدلل علي ترشيحو بالصور والفيديو ان امكن.
| |
|
|
|
|
|
|
|
|
|
Re: اجمل عشرة اماكن عشرة اماكن ينصح بزيارتها فى السودان (Re: صلاح الدين موسى)
|
دائما كانت كسلا في الخاطر و انا اتجول بين مطارات العالم و الموانئ
لا يزال عبق السواقي لا يكاد يفارق ذاكرة انفي حينما يستنشق كل جميل
و لا تزال صورة التاكا متزينا بعمامته البيضاء المطرزة من السحاب اروع مارأت عيناي
عشرون عاما او يزيد مذ فارقتها و هي بلد الميلاد و المنشأ و الطفولة و الصبا
وفصل اخر من الرواية لا يخضع لعوامل الزمان و المكان ، و عوالم أًخَر عبر الخيال و ذكريات تسكن جنبيَ عشرون عاما او يزيد ، عشرون عاما احتملتها ، و اجدني اليوم لا اقوى الاحتمال و يهزمني شوق يسري في اعضائي يفت الاباء فيها ذرات ذرات
اعلم انني ان عدت فلن اجد تلك السوح و لا تلك الدروب التي طالما سلكناها في طريقنا الى المدرسة التي لا تبعد كثيرا عن بيتنا و لن اجد اصدقاء طفولتي فقد تغير الزمان و المكان و لا عدت انتِ كما كنتِ و لم اعد انا كما كنت لكنه الحنين الى الماضي ، فكم هو قاسِ حاضرنا ..
دارُ أحلامي وحبّي لقيتْنا في جمود مثلما تلقى الجديدْ
أنكرتْنا وهْي كانتْ إن رأتْنا يضحك النورُ إلينا من بعيدْ
رفْرَفَ القلبُ بجنبي كالذبيحْ وأنا أهتف: يا قلبُ اتّئدْ
فيجيب الدمعُ والماضي الجريحْ لِمَ عُدنا؟ ليت أنّا لم نعد !
كسرة:
أحب مكان وطني السودان
| |
|
|
|
|
|
|
|
|
|
Re: اجمل عشرة اماكن ينصح بزيارتها فى السودان (Re: محمد مجيدو)
|
السلام عليكم
كل المناطق الذكرتوها دي مناطق فيها مقومات سياحية مقبولة
والحقيقة السياحة في السودان ممكن تكون مصدر دخل مؤثر
بل ربما تكون مصدر الدخل الأول
فقط يتحاشى السواح الشهور الحارة من السنة 4 - 7
وحتى هذه الشهور الحارة يمكن العمل خلالها، هناك مناطق سياحية حارة في العالم، مثل دبي
المشكلة الأساسية في ثقافة الناس ونظرتهم للسياحة والسياح واعتقادهم بأن الأمر كله فساد وانحلال
السياحة تحتاج لمقومات كثيرة لا نملك منها 10%
الاستقرار أهم شي، ثم البنية التحتية، الخدمات التي يتوقعها السائح
كسلا وجبل مرة والنيل الأزرق دي مناطق يمكن أن تكون من أكثر المناطق جذباً للسياحة في أفريقيا
الشغلانة دي دايرالا زي تلاتة أربعة مليار دولار وبعدين بتدر البقرة وتحلب
تحياتي مثنى وثلاث ورباع
| |
|
|
|
|
|
|
|
|
|
Re: اجمل عشرة اماكن ينصح بزيارتها فى السودان (Re: Bushra Elfadil)
|
بالطبع كسلا الجمال
نضر الله وجه ذاك الساقي………….. إنه بالرحيق حل وساقي
فترائى الجمال مزدوج الإشراق………….. يحكي معدد الآفاقِ
و أبنة القاش إن سرى الطيف وهناً…. و أعتلى هائماً فكيف لحاقِ
و المنى بين خصرها ويديها……….. و السنى في إبتسامها البراق
كسلا أشرقت بها شمس وجدي.......... فهي للحق جنة الإشراقِ
كان صبحا طلق المحيا نديا............... إذ حللنا حديقة العشاقِ
نغم الساقيات حرك أشجاني........... وهاج الهوى أنين السواقي
بين صب في حبه متلاش............. و حبيب مستغرق في عناقِ
ظلت الغيد و القوارير صرعى.......... و الأباريق بتن في إطراقِ
إئتني بالصبوح يا بهجة الروح ترحني...... إن كان في الدن باقي
| |
|
|
|
|
|
|
| |
سليمان القرشي
عبد الله شم
صديق الموج
سفيان عثمان قرضيه
اسامة محمد ابوبكر
خالد علي محجوب المنسي
أحمد ابن عوف
Dr.Elsadig Abdalla
عبدالعزيز الفاضلابى
مصطفى البشارى
خالد المبارك
معاوية المدير
عبدالعزيز عثمان
عبد المنعم سيد احمد
Abureesh
محمد مجيدو
بدرالدين بابكر مصطفى
محمد العامري
Bushra Elfadil
حسن مهدي
فيس بوك
تويتر
انستقرام
يوتيوب
بنتيريست