سؤال لكتاب الاسافير خارج الوطن

مرحبا Guest
اخر زيارك لك: 05-13-2024, 02:31 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثانى للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-03-2014, 01:10 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
سؤال لكتاب الاسافير خارج الوطن

    بعض كتاب الاسافير يؤججون نيران العنصرية ,, ويدعمون كل فكرة تقود للحرب ,, وينثرون الغبار
    وهم يعيشون آمنين في منافيهم الاختيارية
    ف بسأل
    يا ربي الناس دي دايرة تدمر السودان حتي لا يضطروا للعودة له ,, ويجدون مبررا لدي الدول التي هم فيها بالاستقرار
    اعلم
    سذاجة الفكرة ولكنها اكثر فكرة معقولة مرت برأسي
    نحن هنا مرتعبين من سيناريوهات المليشيات ,, وانفراط الامن ,,, ونهب الدولة لقليل مدخراتنا ,,, وتعرضنا اليومي للنهب الحكومي ,,, وسيف القانون الظالم المسلط علي رؤوسنا
    مرتعبين من مستقبل الوطن
    خائفين علي اطفالنا
    وبعض الكتاب يكتبون دون حس او ضمير انساني
    اعتذر
                  

06-03-2014, 03:25 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    بعضهم لا يكتب لإستجلاء الحقيقة
    او
    البحث عن مخرج آمن لوطن صار نهبا مقسما
    به اكبر شحنة مخدرات في تاريخ العالم ,, ودخلت بالميناء دون تهريب !
    فساد لا تكاد تسمعه حتي تسمع بغيره
    تضارب التصريحات الحكومية
    تم تكذيب وزير الخارجية علنا وبالإثبات
    الخارجية تصرح بديلا للقضاء

    وو
    وبعضنا يكتب مغالطا
    ويكتب مكاواة
    ويكتب مستلذا من فيه جرح الوطن الفاغر فمه ألما
                  

06-03-2014, 03:43 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 39330

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    سلام الاخ عبدالحفيظ

    Quote: بعض كتاب الاسافير يؤججون نيران العنصرية ,, ويدعمون كل فكرة تقود للحرب ,, وينثرون الغبار
    وهم يعيشون آمنين في منافيهم الاختيارية


    انت قايل نحن طلعونا كيزان و امنجية ليه ... ؟؟؟؟
    عشان قلنا زي كلامك دا زماااااااان ....
    قلنا ليهم فرقوا بين اسقاط الحكومة و اسقاط الوطن
    فرقو بين اضعاف الحكومة. و اضعاف الوطن

    طلعونا كيزان و امنجية و اخيرا اسوا من ديل الاتنين
    قول يا لطيف الطف بالشعب السوداني المغلوب على امره

    تحياتي و احترامي
                  

06-03-2014, 04:59 PM

cantona_1
<acantona_1
تاريخ التسجيل: 01-04-2003
مجموع المشاركات: 6837

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: ABUHUSSEIN)


    الأخ ود أبسن بعد السلام
    أنت عقلاني ومعقول أكثر من اللازم. تفكر بعقلك وتعرف تلت التلاتة كم. ولكنك يؤسفني أن اقول لك أنك عملت للعنابر قنابر وللقطية سبلوقة. كيف؟
    هل تعتقد أن كل من إمتلك كيبورد وسكرين وطاولة كرسي يكون زول يرجى منه لصالح الوطن؟
    هل تعتقد أن هؤلاء الذين تتحدث عنهم يعرفون الفرق بين الحكومة والحيكومة والوطن؟
    هل تعتقد أنهم يعرفون المعنى العربي الفصيح لكلمة المعارضة؟
    هل تعتقد أنهم يؤمنون بالرأي والرأي الآخر؟
    هل تعتقد أنهم ناجحون في أعمالهم في ديار الغربة وأنهم يخططون للرجوع للوطن بمشروع أو فكرة تصب في صالح الوطن ومصلحة المواطن والشخص نفسه؟
    لو أردت أن أكتب لك 100 سؤال وسؤال عن هؤلاء الرايح ليهم الدرب في الموية..
    هؤلاء لن يعودوا للسودان حتى ولو صار الدولار بربع جنيه (طرّادة). هؤلاء لا حيلة لهم للعيش من كدهم وعرقهم في السودان. يرمون الحكومة بأنها السبب على كل ما أصابهم ولا يعملون على اسقاط الحكومة لتحل مكانها حكومة تغيِّر وجه الوطن!!
    هل تعتقد أن من يبخل بدفع 10 دولارات لقيام محطة فضائية معارضة للنظام يُرجى منه خير للوطن. أخشى أن أقول لك أنه لا يعرف الخير من عدمه وتجده مستنكحه الشك .. يشك حتى في ظله ولهذا فلا تجده يتقدم ولا يُقدِّم ولا يُؤخِّر يعني بالعربي كدا ما ناقض وضوء وما ترجي منه سالفة.


    قناتي في اليوتيوب
    http://www.youtube.com/user/KabbashiSudan
    تحياتي


    كبـّاشي الصافي

    (العوج راي والعديل راي)
    قناتي في اليوتيوب
    http://www.youtube.com/user/KabbashiSudan
                  

06-03-2014, 05:16 PM

عاطف عمر
<aعاطف عمر
تاريخ التسجيل: 11-26-2004
مجموع المشاركات: 11152

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    تحياتي وسلامات عزيزنا عبدالحفيظ

    شكراً جزيلاً
    ليت الناس تفرق بين معارضة الحكومة - أى حكومة - وبين الترصد للوطن
    الحكومات إلى ذهاب .. والوطن هو الباقي

    بعضهم يستعدي ( الخارج ) ليدمر له الحكومة التي يعارضها
    وما دروا أن هذا الخارح لو أتى مدمراً فلن يدمر بأجندة وخيارات الطالب بل سوف يأتي مدمراً بأجندته وخياراته ...
    وربما لا يبقى له بعد التدمير ( الكامل ) لا يبقي له أرضاً أو بشراً ليحكمهم
                  

06-03-2014, 05:47 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عاطف عمر)

    مرحبا ابوحسين
    وحبابك
    هذه السلطة لعبت علي التناقض القبلي من اجل ترسيخ سطوتها ,, قربت و ابعدت بأسم القبيلة ,, واوغرت صدورهم بأسم القبيلة ,, واستفادت هي
    كما قال دكتور حيدر بما معناه اننا رفعنا المعارضة فوق النقد
    ولكن
    يجب ان نفرق بين نقد المعارضة وهدمها
    وبين النضال ضد السلطة وهدم المؤسسات والقيم الوطنية
    كامل الود
                  

06-03-2014, 05:48 PM

عبد الله شم
<aعبد الله شم
تاريخ التسجيل: 05-03-2013
مجموع المشاركات: 2212

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عاطف عمر)

    ود ابسن
    تحياتي يا صديق
    ان عبرت عني فيما ذهبت اليه
    الشارع السوداني لازال بخير ولا يعيش حالة القبلية والجهوية التي عشعشت وبيضت في هذا البورد
    ساعطيك نموذجيين شخصين احداهما خارج المنبر والاخر يتعلق بالكتابة من خارج الوطن
    انا درست الجامعة خمس سنوات وكنا اقل من عشرون عند التخرج
    كنا نتدارس سوياً ونسكن ايام الامتحانات نظام المعسكرات في منازل بعض الزملاء وبالطبع في منزلي
    عشارنا اسر زملائنا وعرفنا اسرهم فرداً فرداً لم نعرف قبيلة احد ولم نعرف لاي قبيلة ينتمي زيد او عبيد
    نعم نعرف الجهة التي ينتمي اليها البعض بسبب لهجته فقط واحياناً في المعاودة الاجتماعية
    هنا اغلب الاعضاء يعرفون القبيلة التي انتمي اليها يا للعجب .
    حينما كان الاعتداء على هجليج كنت خارج الوطن وشيلك يا بوستات واغاني وطنية في منتدى المنطقة ووو
    احد الاصدقاء قال ( شفت كيف لمن تكون خارج الوطن بتبقى وطني كيـــــــــــــف قديتنا زمان بالثورة خيار الشعب والحرية وغيرها
    كما قال ابو حسين انت تنتقد معارضاً اذاص انت كوز وكان المعارض لا يخطي !!
                  

06-03-2014, 06:11 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبد الله شم)

    مرحبا كباشي
    وحبابك
    هؤلاء البعض لا اعرف عنهم إلا بما اقرأه لهم
    واتعجب
    كيف لك وانت تعيش في بلد اوربي يرفض العنصرية وبعتمد حرية الاديان ,, وهو يجعلك آمنا في سربك آمن جانبك ,,كيف وانت رأيت فائدة ذلك فلا تتمناه لوطنك وتدعو للعنصرية مستغلا كل ذخريتك اللغوية من الامثال التي تمتهن الآخر ,, وتمتهن المرأة ,,
    كن نأمل من عاشوا تجربة دولة المؤسسات والدولة المدنية الحديثة ان يدعوا ويبشروا بها للوطن ,, ويضربون لنا الامثال بعظمة ان نرفض العنصرية والتطرف الديني
    سنقول كلمتنا ثم نمضي ولن نسلم من الاتهام , ولكن تكفيني عزة انني اقول وافعل مثلما اقول
    اكيد الود
                  

06-03-2014, 06:29 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    مرحبا عاطف عمر
    وحبابك
    المجد للآلاف تعبر في الشوارع كالسيول
    لا بديل للعمل الجماهيري سوي العمل الجماهيري
    فلتؤدي الاحزاب واجبها وتنزل للشارع تحريضا وتوعية , والتحية لشباب قرفنا
    يجب تضافر كل جهود المعارضة
    وقيل
    ما حك جلدك مثل ظفرك
                  

06-03-2014, 09:08 PM

نجم الدين سعدابى
<aنجم الدين سعدابى
تاريخ التسجيل: 05-18-2014
مجموع المشاركات: 168

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    ود أب سن تحياتى

    ربنا يسترك من الرماديين يقوموا يطلعوك كوز

    وتقوم أن تاخد خدمات من كتاباتك الجميلة دى ونقوم نحنا نكون فقدنا قلم يضاجع الحقيقة لتولد الشرف والعزة والوطنية

    تحياتى المُكان
                  

06-03-2014, 09:32 PM

الصادق اسماعيل
<aالصادق اسماعيل
تاريخ التسجيل: 01-14-2005
مجموع المشاركات: 8620

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    الاخ عبد الحفيظ

    البشر هم البشر في اي مكان وفي اي زمان تعتمل دواخلهم بكل النزعات الطيبة والشريرة وتنعكس في مجمل تفاعلهم مع الآخر، وهذا ليس له علاقة بمكان تواجدهم، والذين يدمرون الوطن اكثرهم في الداخل، والعنصرية مترسخة في السودان (وفايتة اضان كل الناس) وكذلك القبلية (وما جهاز مباحث الزواج) الا واحد من التجليات اليومية لهذه القبلية.

    كلما تقدم شخص لفتاة يكون السؤال عن أنه (ود ناس منو) فمن كانت له قبيلة تزوج (ومن كان به عِرِق) طُرِدَ لتطاوله على الأسياد ففي السودان (القبليون للقبليات) ولا عزاء للانسانية.

    انت من كوستي وتصنيفات كوستي معروفة ( ومعروف العبيد والخدم منو) ومعروف (اولاد الناس منو)، وفي سنوات الشباب كان البعض يتكلم عن ان (بنات الناس) شغالات (عاهرات).
    الشتائم والنكات العنصرية تملا السودان والناس تضحك منها بملء فمها، بل وتدفع الأموال لاقتنائها، والعنصرية مترسخة في الإعلام والذي لا يسمح لمن (عنده لكنة وعجمة في لسانه) أن يعمل مذيعاً (حتى لو مذيع ربط)، وقديماً كان الذي (يرطن) بالحلفاوية خلال اليوم الدراسي يتم جلده آخر اليوم (والطريقة أن هناك ورقة تعطيها لكل من يتكلم بالنوبية ومن تنتهي عنده هذه الورقة يتم جلده).

    ما علينا هذه العنصرية والقبلية عميقة الجذور في تربتنا، من إنكارها بخطاب (عاطفي) من شاكلة (والله في حينا عشنا جنباً إلا جنب مع النوبة ومع الجعليين ومع الربطاب ومع الشلك وما كان في أي مشكلة)، هذه المشكلة الآن واضحة في أعظم تجلياتها (إنفصال الجنوب)، واضحة في أصغر تجلياتها (الكتابات الإسفيرية).

    البعض يريد أن (يفرتق) السودان، نعم بالحيل، فوطن لا يمثلني ليس هناك أي داع أن أعيش فيه (وطن له زيه القومي ولغته القومية) والتى لا ألبس ثيابها ولا أتكلم لغتها (أعني لغتي الأم) فلماذا يتم فرض زيها القومي علي ولغتها أيضاً (الناس يتعلمون العربية في السودان بعد لغتهم الأم للذين لا يتحدثونها).

    هل أتاك حديث (مؤتمر البجا وحركة سوني وغيرها) بعد اكتوبر. أم سمعت بحديث (القوميون العرب وتعريبهم للسودان).

    لا أدعو لأفريقية ولا لعربية (أنا الصادق بن اسماعيل)، بل أدعو لعلمانية الله ورسوله الواحدة دي، ولا ألوم من يريد فرتقة السودان لأنه لا يمثله، ولم يرى منه سوى طائرات الأنتنوف ومليشيات حميدتي (ولو كنت مكانه لاستعجلت قيام دولتي الوطنية) بعيداً عن هذا القتل المجاني.

    يتربى أبنائي في المعسكرات، يعيش الأطفال من حربٍ إلى حربٍ جديدة (يستطيع الطفل منه أن يفرق بين صوت الأنتنوف وصوت الميج والهيلكوبتر ولا يستطيع التفريق بين صوت السين وصوت الثاء فتأمل).

    هذا سودانك يا عبدو، يتخلق بعد عهود من العنصرية (الرسمية)، بعد عصور من (الظلم في توزيع الفرص) بعد عهود من (فرض الآحادية الثقافية).

    أنظر خلفك واقرأ تاريخك، وأخليك مع بعض من أجمل ما كُتب عن هذه الحالة

    رسالة محسن لدكين (ودكين زول زين وبرضه بحب بلده، ومحسن كمان زين وشواف) أها الكلام دا بعد الإتنين السموهو (أسود) داك يوم مات النبي قرنق رضي الله عنه وأرضاه:

    Quote: دكين وحضارة دراكولا




    أها يا صاحبي دكين إزيّك وماك طيّب،...
    تراكا عارف كلامي السمح داك "بتاع اللذاذة" ومتذكرو من وين ووين، وكتابتي السمحة ديك بتكون ماك ضهبان من حلاتها، لكن إن ما بقيتلك دنقلاوي آود عمي ما بتجي تقول: عوافي!؟

    عجبتني زرّتك لبشاشا كمشاجرة وعلى عادة "كُتّاب وحتّى زوّار البورد هذه الأيام"، ولكن كموضوع أعتقد بأنَّها ليست مفيدة إطلاقاً كأفكار مضادة لأفكار بشاشا، و"كحُوشة مناسبة له"، عارف لماذا صدَقَت معك كمشاجرة؟ لأنك كنت بصدد طرح لمعلومات - دون أن يوافقك محسن على صحتها أو خطأها- حول شخص تظن فيه كيت وكيت، "دنقلاوي وما دنقلاوي"، ولذا لم تكن بحاجة للتفكير أثناء الكتابة أو وضع ما أُسّميه بالإسكيلتون للنص "عضم ضهر النص"، والهُويّة الفكرية الواحدة مش الدموية للنص، فنجحتَ في المشاجرة، ولكنك لم تنجح في الذي نويت التفكير فيه، إذ لم يعجبني ردّك على محسن خالد، أبداً، وذلك للأسباب الآتية:

    أولاً دعني أوضِّح بعض النقاط كي لا أبدو مراغماً لأفكار أخينا بشاشا، أنا أجهل ما يدعو إليه بشاشا بالضبط، كشيءٍ متماسك وكمادة مكتوبة كتابةً متكاملة يمكننا أن نعود إليها في شكل منفستو ثقافي - سياسي، كتلك التي وضعها المفكّرون اللينينيون، أو البعثيون، "جماعة حق" أو.. أو.... إلخ، لكي نقول إنَّ بشاشا يُريد كذا وكذا، لأنني لا أستطيع أن أفهم أي دعوة تنطلق من تسميات تتحدّر من مفردة مثل "كوش" بعيداً عن النوبة، أي أنتم، وأعتقد بأننا من الواجب علينا إعادة قراءة التاريخ بالفعل، ولكن ليس إعادة تأليفه كما يجنح أخونا بشاشا في بعض الأحايين،..
    وهذا الكلام كله كوم، والعنصرية التي يحاربها بشاشا -كمناضلٍ جسور أحترمه وأشد من أزره- والتي تتبَدَّى في عَلَنٍ سافرٍ وهمجيٍّ ومخزٍ.. كوم آخر "خالص"،...
    دا أوَّل هام،...

    تاني هام:
    لماذا رددتُ عليك أنا يا دكين؟ هل -بالأساس- لأنك أتيت على ذكر نكتة "المَجَرِّي"؟ أبداً، فالمفردة هذه أنا لم أقلها إلا كطُرْفة، وليس كنظرية، وإن جاءتْ طرفةً أصيلة وموفّقة في دعوتها للتسامي فوق عوارت الأرض -لحد المتحاربين، كما تريد لها أنت، وللإيمان أكثر بعورات الأرض-الأنثى، التي يمكن فلاحتها بالحب، كما أُريد أنا، فليس بالضرورة أن نجلب لها مقاولي الإعمار من عصر ما قبل هابيل وقابيل، ما قبل آدم، إنسان إفريقيا الأول، النياندرسال مان، والكروماجنون وإنسان جاوة وبكين،الذي جَعَل الملائكة يقولون "الروووب" وبِدَع بِدَع -تمحّناً- كنسائنا في الشمال، (قالوا أتجعل فيها من يفسد فيها ويسفك الدماء، ونحن نسبّح بحمدك ونقدّس لك؟)، الإنسانية جاءت من هناك يا صاحبي دكين كما نتفق، تقيف وتمش، تقع وتقوم، عبر ملايين السنين، كي تصل لمبة الكيروسين، ثم تتجاوزها للمبة النيون، فما مقترحك يا عزيزي؟ الرُّجعى بها إلى هناك؟ هذه ردّة مكلّفة يا رجل، فإن كنت بنفسك تقرّ بأنَّ هذا الدرب، ما مشوهو كدّاري، بل مشوهوا دم"، فهل يكون الاستنتاج الفكري والعقلي والمنطقي بعد ذلك ومن قِبَلك، وتحت لمبة النيون وأمامك الكمبيوتر، تجريب تلك الملايين من السنين تقهقراً وجكّةً إلى الوراء، أهذه كانت ستكون خلاصة مقبولة لقراءتك إن كان بوسعك القراءة حقّاً!؟

    لماذا رددتُ عليك إذن؟ أولاً لأقول هذه النقطة التي كتبتها بالأحمر، لأنّ المُسْرِع قد يراها قصيرة، ولكنّا نراها أمداً من التأمّل والتفكير في تاريخ الإنسان وتاريخ حضارته وعلومه وآدابه وفنونه، ومجمل سيرته، والخلاصة:

    Quote: الدنيا دي كلها ماشه تتصاغ للغاشي والماشي، لأنو طبيعتها كدا، موت-ميلاد، أوعوا كلكم،...



    "وعلى نحو تنبيهي" لأجل هذه الفقرة:

    Quote: شايف يا صاحبي دكين، "ساقية جحا"؟ الفصاحة تنشال من لسان وتنكب في أضان، يخرص هذا اللسان ويبادلو لسان سيد الأضان ديك الدور، ودوري يا دوارة، ونوع الكلام دا ساااهل، بس دا كلام ما بقدر يأسّس لهُويَّة بلد، ولا حوار ولا نقاش ولا جدال، بل "حَمِيَّة" بُكْرَة بتهدم قدر الشيء الاسمو بلدكم مع البلدان دا، وبتشوفو، والحرب يكسبها الموت فقط،..



    أي ما إنَّ "خلاصته" بوسعك أن تقول لي كلاماً بلاغياً رائعاً، يدعم رؤياك، وأنا أيضاً بوسعي فعل ذلك، "تقول لي وأقولّك، تقول لي وأقولّك" إلى يوم الدين، وحتى يختلط الأمر على أختنا "القلب النابض"، ولا يصبح بوسعها النظر إلى الأمر برمّته إلا كنصوص أدبية، تُسبّب الحَيْرة والإلغاز فحسب، لعامل بلاغتها السياسية التراثي، ولخداعها الجمالي المؤسّس على نظرية الرد الأفحم والأذكى، وليس المنطقي –وأنا ذكرتُ لك ذلك في مداخلتي السابقة، ولكن السؤال هو –وبعيداً عن البلاغة- أين هي الحقيقة، وأنا لا أتهمك بجهلٍ أو عدم فهم لما قلته لك حول الحوار "ساقية جحا"، بل أتهمك بالاستهبال، وبأنّك أردت أن تقول لي، بالله يا محسن خالد، يعني إنت داير تدينا دلو من "ساقية جحا" دي وتزوغ بسماحتك، طيّب ما هاك كمان دلو من "إندينا"، وهذا هو محسوس الحال في معظم "مناقرات" البورد هذا، دعنا نقف ونسأل، أين هي الحقيقة؟ وأين هم طلابها، بالحوار الحقيقي وليس بنظام الرد الأذكى والأبلغ؟ عشان ما تااااني "ساقية جحا"،...
    عليه يا دكين صاحبي، وبما أنّك كاتب لذيذ وقد تعبت فيما كتبته، أنا سأردّ عليك هذه المرة، وبتمهّل، فأنت قد تمهّلت وأعطيتني آخرك بما كتبته، وأنا فهمتك جيداً، ولكنني لن أسعى مستقبلاً لمجاراتك في "ساقية جُحا" التي نبّهتك إليها، وأيضاً لأنني في النهاية روائي وأكره البلاغة السياسية، فقد مضى زمنها ونزلت السياسة والفلسفة وكل شيء إلى حارة العلوم والأكاديميا -بناءً على العصر الذي نحن فيه، عصر التكنلوجيا والاقتصاد والفلسفة العلمية "مش الغلاطية القديمة ديك"، ففلسفة اليوم يقلُّ فيها الغلاط وترتفع فيها منسوبات "الاتفاق والاصطلاح" بمعونة التوسّع في المعارف التطبيقية، وبمعونة طبيعتها الجديدة نفسها، ما سمح لها بالتطور وبدك الخرافة والغلاط واعتبار البرهان وتكريمه،...
    سأُجيبك يا صديقي دكين لمرّة خاتمة لأنَّ البلاغة السياسية أصبحت لا تُصادَف إلا في تراثيات الأدب حين نقرأ عن أنطونيو وبروتس لدى شكسبير، وقال للحشود... وقال للجموع... وهفهف صوته من على الشرفة، وفارت الحشود، وهتف الشعب، هذه أصبحت من الأمور المضحكة الآن، ولا يتمسك بها إلا العقيد ماكبث البشير وشعبه ومعارضوه،..
    قلنا لمرة خاتمة لأنَّ الأمور كلها "في الأصل" بنوها لأجل الحب، ولأجل العمران، أوَ ليس ذلكم الشاعر قد قال أبياته هذه لأجل الحب فاقتناء الحبيبة فالولد؟
    ليت هنداً أنجزتنا ما تعد ... وشَفَت أنفسنا مما تجد
    واستبدّت ساعةً.... إنما العاجز من لا يستبد
    ووعدها المُطَالَب به هذا كان "بوسة" فَجَّة النَفَس للحب والكينونة مش العدم ولفظ الأنفاس، البوسة تملأ رئتك شهيق وعمر يا صاحبي، والسيف يملاها دود، ولكن ماذا فعلت "البلاغة السياسية" بالذي هو في الأصل "للحب والبوسان فالتعمير"، يجلس الرشيد في حديقة بيته ليلاً، ورأسه سماءٌ من الغضب على جعفر وأخيه وأتباعه "انقلابيو البرامكة"، أيقتلهم أم يعفو عنهم، فدّس له "بتوع لاب Lab " –البلاغة السياسية، مغنّياً اندس في أشجار حديقته وببطن العتمة أخذ يغني:
    واستبدّت ساعةً.... إنما العاجز من لا يستبد
    فنهض الرشيد، وهو يقسم بأنّ قلبه ليس بقلب العاجز وسيفه سيف الملك الهمام، فما أشرقت الشمس وإلا والبرامكة في أشهر مذبحة من مذابح التاريخ، وهو جالسٌ على تخته يردّد: إنما العاجز من لا يستبد،..

    وهاك الورقة "في الأصل"، كانت بت شيريا حلوة، جُرلّك بوسة، أحسن من تجرلّك سيف، واقطَعْ حظَّك عَرَق فِلاحة ومونة بنيان وملاواة كتب، أحسن من تفتكر إنك ممكن تقطعو صهيل حصان نص معركة،...


    أنا لا أفهم ما هو الرابط بين عنصريتك النوبية "المحلية جداً" وبين إقحام أمريكا كدفوعات ومبرّرات واستنتاجات كثيرة خرجت بها، "دي حركات كيزان بالمناسبة، كل ما تقول ليهو حاجة يجر لحجج أمريكا، الله ينعل دين أمريكا البقت حجة لكل شيء دي" هل أبناء غرب وجنوب السودان هم أمريكا؟ أم هم عملاء ووكلاء لها؟ أم هو نخب بعانخى منذ القِدَم، لامن قشّاها من البجراوية دي لاحدي نينوى وطيبة، ومداقشات في بلاد الأشوريين والفينيقيين؟
    أم هي نظرة دونكشوتية لم يسبقك عليها إلا الكيزان وأفغانستان وأنت تدري خواتيم هذه الآية وما حَلّ بالفريقين، أنا مثلك، لي عداء مع ثقافة الاستعمار الغربية في إجمالها وليس أمريكا فحسب، ولكنني لا أتحدّث أبداً من خلال لغة "أمريكا روسيا قد دنى عذابها"، لأنو عادي ممكن تمشي وتدق الباب كما سبقك بها كثيرون، والموضوع ببساطة "صراع الما قدرك بفك صدرك"، يا زول قول بسم الله، هسّع إنت العنصرية الداشرة في عرقوك دي كلها، وتجاه مواطنيك، يعني سببها أمريكا، أم هي كما أسلفت لك خطة لبعانخى أو وصية سريّة خصّك بها دون أحفاده؟
    وإن كنت قد أتيتَ على ذكر أمريكا بمفهوم أنّها لا توافق ولا تُقر "المَجَرّية"، فأنا لم أقل بذلك، وأنت وأمريكا مدعواّن بنفس بطاقة الأعراس المذهّبَة، وبنفس آية الأفراح وتعمير الأرض المُنزلة خصّيصاً لتصلك يوم الأربعاء ("يا أيها الناس إنّا خلقناكم من ذكرٍ وأنثى، وجعلناكم شعوباً وقبائلَ لتعارفوا، إنَّ أكرمكم عند الله أتقاكم"... يدعوكم آل فلان ابن فلان، لحضور دعوتهم الكريمة، بمناسبة عقد زواج ابنتهم "الدنقلاوية" على ابن خالتنا "الجعلي"، بتاريخ كيت وكيت، والعاقبة عندكم في المسرّات)، قلنا أمس كان "أربعاء الرماد" كدا يطلع يوم بُكرة "الخميس صفقة ورقيص"، ودا ياهو عضم الحفل الساهر ونربّها للصباح، رأيك شنو؟ يازول كدي لِفْ الآية الحلوة دي عِمّة وشوفها تبقيك سوداني نضيف كيف! وألا داير تفرز عيشتك يا صاحبي، أنا قايل الكلام دا إخير ليك من حاج "عصمان" البوّاب وال######ان في المسلسلات المصرية داك، والكلام دا قاصدنّك بيهو إنت بس، لا جلابة الشمال التانين، ولا أولاد الغرب، لا الشرق، لا الجنوب، يا زول إن بقيت على دعوة الخميس دي ما بتجيك عوجة، وبيطلع بعانخى -الما برضى يعطش حتى حصان- جدّك صحي صحي، زول بعطف علي الخيل، فما بالك بالإنسان،...
    بأي حال أنا لا أستكثر عليك أن تكون بطلاً، وتأتي بما لم يأتِ به الروس والصينيون والألمان واليابانيون، غيبوا علي بلاد الكفر دي وإن شاء الله ضراعكم أخضر، وتجوا سالمين وغانمين ومالين المجروسات خواجيات بيض، أنا اليوم داك ببقه زغراته ساي مع النسوان، وخليهو حسي ينقرش ويروح بندق في بحر، تب ما تدوني "جارية رومية" معاكم،..
    يا خوي دكين، أمريكا لا دخل لها بحديثك العنصري المبين والمدعّم حتى بعنصرية الطبيعة والنخل، إن شئت عدم سياسة العلم والحكمة مع الغرب اليوم فاسمع عني، الغرب الآن حَوّل المعرفة إلى عضلات وعكاكيز جنسها براهو، وإنت داير تكاتل بالخوسة، كتال زولاً أشتر ساي، لعمري أراك خاسراً كبيراً لـ"الدواس" كما تتمنّى، وما تفتكر إنو جندي الحضارة الغربية سيركض إلى "مخازن السلاح" تحت مطر الدلوكة، وهو يردّد جلالات جدّك الآخر ومن يشاركك الرؤيا "الزبير باشا"، و"ها هيييي يا ميري، والسونكي ركب فذّيتو"، ما تفتكر إنكم بتشبعوا هوشان وتقولوا كدي يا يمّة تقدلوا فيهم كتل، أبداً وحاتك، هم بمشوا راسن عدييييل، متاحف السلاح، مش "مخازن السلاح"، المخازن سيوفّرونها لعدو متنوّر، أبيض مثلهم ومحترم وتعبان علي حضارتو، وإنتو يطلعوا لدواسكم picnic وسفاري، وصيد كلاب ضهلانة وعبيد سعرانين وجاهلين، يعبّوا البندقية للواحد منكم، وهي ماسورتها في خشمو، داقّي حديدها إنت؟ وألا هم الدقوها وإنت ما بتنفع مريسيل يجيب شاكوش لي دقّها، ثم يأتونك بسلاح المتاحف هذا، وأنت لا تكلف أكثر من ذلك، وما ياها غريزة البقاء –عندك- تعادل العنصرية من الجهة الثانية، ودي أحلى تقليعة وألذّ فكرة في كلامك الفوق دا كلو، ما سبقك عليها لا فرويد لا يونغ ولا أدلر ولا بعشر ولا التيجاني الماحي، وما ياهو الإنسان –عندك- هو الواقع على الدوام كضحية للقدر والوجود والجَبر، بمعنى إنو حتمية العيش هنا هي المبرّر، يا أخوي الناس الجابوا الكلام دا ذاتو، زي "غيلان الدمشقي" الكتلو الحجّاج بن يوسف داك، ما جابوهو لتبرير المنهج الخاطئ والأخلاق المربوبة في الدنيا، -حتمية وجبرية وقدرية- العيش العنصري، أبداً، بل جابوها عشان يفحّطوا من دخول النار، بهناك يعني –الآخرة ناصية ومربع كدا وكدا، أها أفتح عِبّك لنظريتك العجيبة دي لو صحيحة وأرجل، لأنو الله بتاع من حلفا لنمولي دا، ياهو ذاتو الخلق من لندن لواشنطون، توما هوك وتوم كروز وكاسينجر بجوا بدقوا ليك الباب وبفوتوا، بس بكتبولك بالموت الأحمر، حضرنا ولم نجدكم،...
    بعدين الناس ديل زماانك، نحن ما ضايقين طعم قنايتن، أها عمر البشير كانت حيلتو وقدرتو شنو؟ لمّا جاء لقى الناس متلمين قدّام الإذاعة ومصنع الشفاء، الفاتحة.. الفاتحة.. الفاتحة... "الللله أكبر، في سبيل الله قمنا"، الله بالتفتّح روسيكم ديل، "لواء" بتاع شنو وبدر وأحد بتاعات سنة كم، ما عارفين ناشوكم بشنو ذاتو،...
    وقادرين يا صاحبي دكين يصيدوك من جديد صيد الما بختم بشهادة محمد، إنت وجدّك سيد الزرايب، ما أي زول زرايبو قدر قدرتو وبعدد صناديق جبخانتو، كما تقترح أنت الدواس، وفي مصر "بينما أنت في طريقك" إلى غسل لباسات ماري وديفيد وتوصيل روبرت إلى المدرسة، سيُتلى عليك ما يتلوه شركاؤك في الدعوة إلى العنصرية،..
    من عَلَّم الأسودَ المخصيَّ مكرمةً ... آباؤه البيضُ أم قومُه الصيدُ
    أم أذنُه في يدِ النخّاس داميةً ... أم قدرُه وهو بالفلسين مردودُ

    وما تقدر تقول بغم، ما ياها دعوتك العنصرية؟ والسونكي يكسب، ما ياها رؤيتك في آخر الزمان إنو القوي يأكل الضعيف؟ ما داير تصيد بقّال إنت؟ أها ما في بحراً خِلِق بلا تمساح، ويا تسليح "دَقْ أب زرطة" ودا طراز بنادق قديمة اسمو كدي، ياما أبِّين عيوناً خضر عندهم بلاوي كيمياء وعابرات قارات وما لا تعلمون، ما لاقين ليها فُرّاس ومداوسين زيك يجربوها فيهم، يمكن الإنسانية ما اتغيّرت بالمعنى الجذري والصادق والعميق، ودا كلام صحيح وما عليهو اختلاف، بس بقى عندها اختشى كتير ما شوية، وما بتعلن العنصرية إلا في زلّة لسان فايحة من الداخل الملوّث، زي ما اتكلّمت إنت عن عنصرية بُش أم دبلوماسية تلك، وكمان أذكّرك بزلّة لسانو وقوله "حرب صليبية"، ودي بناقشها معاك في حتّتها،...

    قلنا الروح العنصرية المستخفية للحضارة الغربية، والعُنجهية التكنولوجية والتجارية للغرب، التي نشاطرك العداء تجاهها، هي بالأساس ليست موضوعنا، وهي في الأساس معرفة استحالت إلى عضلات، يعني شحم بالفعل مش ورم، وتُواجه بالصبر على المعرفة والتحصيل في المقابل، وبالكد والجد علمياً، وببناء التكنلوجيا المضادة، هذا إن كنت حالف إلا "تكاتل"، وتضوقهم إيدك، ويحصل ما يحصل بعد داك، من ردّة واستعادة لمفاهيم "صراع الحضارات" الذي يكتبه ذلك الصحفي السطحي والمأجور، ليبرّر الهجوم على الحضارة اللاتينية بعد فطاس الإسلام كعدو غير كوميدي،..
    أما إن كنت تُريد القضاء على مفاهيم "صراع الحضارات" لصالح مفاهيم "تكامل الحضارات" والمصطلح الأخير من عندي، لتسود روح التثاقف والتوادد والتراحم والاتجار بمعروف، كما هي سياسة الصين وآخرين الآن، هكذا ستصبح مضطّراً لتكون ضليعاً في رؤيا وفكر وتيار الـ"postcolonial"، أي عليك أن تحارب العُنجهية الغربية بفكر، ما عُكّاز، كي تصل الإنسانية إلى بر، لأنو كوكابن تقيل حتى علي الصينيين والروس يا ود أبوي، الناس ديل عُمَد دنيا بتمامها، ما عُمَد المسيكتاب والتراجمة وضواحي دنقلا وأم كدّادة، يعني يا دكين إنت مفتكر ناس الدنيا ديل كلهم، الما قادرين يبلعوا قِلّة أدب أمريكا دي، ما فَكّروها ولا حسبوها ولا رتّبوها قبلك، ومن زمااان، مما كان الاستغراب ومستغربوه هم ضنوب الغرب وسط حضارات الشرق كلها، وإلى أن انعكست الآية بصورة تخدم نفس الخط، وأصبح مستشرقو الغرب هم "ضنوب السداد" وسط حضارات الشرق كلها، دي حرب الفكر ال######، أرجو أن تنظر إليها أيضاً، أما حرب البندقية فهي مجرّد دشوة لحرب المفَكّرين السطحيين والمأجورين وغير الإنسانيين، ولذلك نشأ علم "المراجعات" للفكر والفلسفة والدين وكل شيء، وشوية شوية لامن تبقه الدنيا فيلم هندي وألا عربي، يعني ما ضروري أو غير مفهوم إنك تصل لخلاصة عجيبة بتقول الحرب تستمر دي ضرورة وجود، وخصوصاً داخل بلدك، ومع أبناء وطنك، مش أمريكا الما بعرف من وين حشرتها لينا في الموضوع:


    Quote: وستظل لأنو العالم لم يخلق لأن يكون مثالياً وتنتهي أحداثه زي الأفلام العربية والهندية.



    القاليك منو؟ وشوف الخلاصات الساهلة دي ساي "عندك"، ما الأفلام الهندية والعربية والمتفائلة وإن بسذاجة في العموم، هي فكرة الإنسان عمّا يجب أن يكون عليه الوجود، يعني هي حلمه الدائم بالسلام وشعوره –بل تأكده- من عبثية الصراع، طيّب الكلام دا –فيلم هندي وعربي- نحن ما شرط ننتظر إنو يتحقق، أبداً، بس كمان نتّفق إنو الشر شر، وإنو الحرامي والعنصري غلطانين وسراريق الاتنين، واحد بسرق حاجات الناس، والتاني بسرق الناس بي حاجاتم، إذن لا بدّ من بوليس يسكّهم الاتنين، ولا بدّ من قانون وعدالة تردعم معاً، ياخي ما تاوق إنت جوّه بئر الفكرة وكتين جابك الدرب، وألا إنت بتحب المغامرات وخائف من الملل بتاع فيلم (Demolition Man) وحاتك الفيلم دا بالضبط "سيلفستر ستالوني" في دور دكين، أو العكس، ودي فكرة ذاتها في الأدب قديييمة، من زمن حواء وآدم، الزهجو من أكل التفاح والنوم والمباوسة، قالوا يعملوا فيها تفاتيح ومغامرين، وأنا أرشّح أن تكون تلك الشجرة المحرمة "شجرة بنقو" وقاموا بعد داك صطلوا تمام واتمولصوا عريانين، بس كشّوهم للأرض الإنت متمسّك بيها دي عشان يلدوا ليك هابيل وقابيل لتستفتح بهما دعوتك للدم، وهذا تقصير منك في العودة إلى دراسات الحداثة فحسب، المسألة كلها أدب يا صاحبي، وفكرة يحملها ابن آدم في دماغه، يا تكون سمحة يا كعبة وبوسع الإنسان تحقيقها بأقل تقدير –كفرد- أياً تكن، وأنا زول بتاع فلسفة بقوليك فكرة الجَبْر والقَدَر لا تتناسب فلسفياً مع رؤيتك وطرحك، لأنو رؤيتك هي بالضبط رؤيا "السوبرمان" –العنصري- الذي لا يتحكّم في مصيره فحسب، بل أيضاً يرشّح نفسه للتحَكُّم حتى في مصائر الآخرين واستعبادهم، ومن البداية أخبرتك بأنّ نصك في "البلاغة السياسية" ضعيف، لأنه يفتقر للإسكيلتون والترابط الفكري، لقد أنجزته بدون عضم ضهر، ولذلك فهو نص عنكبوتي ومن الرخويات، كل فكرة تطقش فكرة، وكل واحدة تفرم التانية، قُبّال ما يجيها محسن خالد يطقشها وألا يفرمها، إيّاك تفتكر إنو الواحد ممكن ينجز نص في البلاغة السياسية وبتماسك بدون خبرات مهولة في إنتاج النصوص الأدبية الطويلة، يمكنك أن تشاغب بسطر أو سطرين كأصدقاء كثر يكتبون هنا، أما مسألة جَرّ النصوص الطويلة هذه فتحتاج لدربة وشفتنة كبيرة، عشان الكلام ما يفرق هنا وهناك محتاج لنفس طويييل زي حق أسامة الخوّاض داك، وإلا وقعت فيما وقعت فيه.. وكل سطر عندك طلع عندو تار لدى أخيه،...
    قلنا الحداثة تخالفك –مادام الموضوع كلو أدب- بقراءة الحياة منذ نوح وليس هابيل وقابيل، لماذا؟ كي لا يستسلم الإنسان لرومانسية الجبر والقدر، وخصوصاً أنت السوبرمان، استخدامك –الجبر والقدر- كان شتره منك كبيرة، وكلام مطلوق ساي بنيت عليهو جهجهة كلامك، كلامك جاني متبرّد ومتكفّن وحتى الفاتحة شايلها علي روحو ومنتهي، فياخي لا تستخدم الجبر والقدر "كمشجب لتعليق المشاكل" وكعذر يواصل في ارتكاب الذنب، السوبرمان –العنصري أول ما يكفر به هو الجَبر والقدر، ويقول أنا مالك قدري ومصيري، وبرضو أقدار ومصائر الآخرين، ما قريت قصة نوح إنت كانت أحسن ليك من فكرة قابيل، وبالمختصر بتعني أهو خرجنا من الطوفان، وأهي الأرض أمامنا من جديد وبدون غمر، "وكلنا جابتنا مركب واحدة" لا إنت لولتك حبوبتك مرة ترهاقا ولا أي حفيد للمك نمر القريييب دا اتعشّى معاهو، كلها قصص في قصص، إذن بوسعنا أن نكون ما نريد، وبوسعنا أن نتحرّر من كل الآلهة، الإله داعي الحرب من باب الدين، مثلاً "مارس" لدى الإغريق، أو داعي الحرب من باب القبيلة والنوع والجنس، لأنّ التصنيفات الشرعية وغير الشرعية معاً لم تصنّف الإنسان بعد آدم –أبو البشر كلهم، إلا كبشر "مان" أو "مان كايند"، أو حتى من باب الثقافة نفسها، كالآلهة المختصين بالحِرَف لدى الإغريق، وهؤلاء لا يحصون ولا يعدّون، يقول أدونيس:
    ولجئتُ في فُلْكي
    معي شاعر وثائر حر
    نفتح للطوفان أعماقنا
    ونزيح الحصى عن محاجر الغرقى
    ..
    ولو نادى فيّ الإله
    لرحتُ ولم أحفل بذاك الإله
    ولتقتُ لرب جديد سواه

    –من الذاكرة دي، متذكرها طشاش،-

    أو "سيناريو اليابسة" لعاطف خيري، أديهو قرية علي الموجة دي وشوف تطلع منو بشنو؟
    بهدوء كدا، كلامي مش ليك إنت بس، بل للجميع، نظام بَدُق أولاد الحِلّة كلهن دا، خليك منو، وخليك جميل ومش دموي، وأبدأ الدنيا من هنا، بدون إله حرب أو قبيلة مصنقر في رأسك، أنا ما عارف اسم دكين دا اسمك فعلاً، وألا متسمّي علي دكين بتاع المسلسل السوداني، كَتّال الناس داك، لو ما اسمك خليهو وخت ترهاقا بدلو، أو بالضبط بدل قابيل، ودي الفكرة الملاحقها أنا، لأنو شبتاكا أخو ترهاقا قام رسّلو بجيش لغزو مصر، ترهاقا أخد الملف في خلا البركل داك وجاهو قالب، لحّقو الصح، وبرضك نحن في الدنيا التي تريد ابتداءها من الدم، وهاك شعر معبدي:
    يا أبناء آمون الإله
    ترهاقا يقول
    الدماء ماء
    والأخ المتمرّس
    يطعن ويطعن...
    دون أن يسمع صرخة أخيه
    أو صوتَ دمِه يقع على الأرض
    مثيراً الغبار
    وكلامي دا ما يغضبك، داير أوريك قبح القتل، وخصوصاً للأخ، يعني ما داير أدافع عن جدود بشاشا العربان –كما تزعم، ناس الزير سالم، البحارب في دم أخوهو 40 سنة وإنت دافر، ما بقوليك يا سلالالام فالح ويا حلاتها محنّتو،...، لأنو كان بحارب في أولاد أعمو، وكان زيك كدي، لا داير تار ولا داير ديّة، بس يكمّل الناس ديل من وش الأرض دي، في النهاية طبعاً هو بموت، وأي قائد مزاجو حرب برضو بموت، وتمشي وتاااني تجي للفقرة الكتبناها ليك دي ذاتها:


    Quote: أها بعد الناس تشبع حرب تمام وموت وجوع وجروح واغتصاب، بتجي أجيال تكره الحرب مرة تانية، زي ما كرهنا كلنا حرب الجنوب، ويقولوا ياخي منعول أبوها حرب، بلا نوبي بلا جعلي بلا فور بلا نيليين بلا زفت وخرافات وتفاهات فارغة، نحن كائنات مجَرّية ذاتو، خليناها الـواطـة أم جذور دي، نحن مخلوقات أسمى منها ولا نستحق أن نُخَزَّن فيها كبترول،..



    مداخلتي الفاتت دي قصيره، أيوه صاح، لكن مضغوطة ضغط اللذين بتعوا، فلا تستهن بها، لو قعدت تكتب شهر لقدام بوصّفك بنفس الشلوخ الفيها، القطعة دي –مبروكة، صَمَّة، وليلة قدر، إن فكّيتها تغنيك لا جنى الجنى، وإن آمنت بيها كمان تعيش سعيد ومرتاح بال وتدخل الجنّة ودا وعد،..


    Quote: أحسن برضو من جدي (خيري) .. كان لا يقبل أصلا التفاهم مع غير السادة، ويعتقد أن الحوار بين الصفوة وعامة الناس هو محض عبث..
    كان بزرب الناس في زرايب زرايب..
    على الأقل أنا بتفاهم ..




    أهو بنفسك بتقول، إنت بتتفاهم وما زي جدّك سيد الزرائب، طيّب بالميّت كدي خلي وليد دكين، يطلع بتفاهم وكمان بخجل من إعلان عنصريتو زيك وبالواضح كدي، بس ممكن بالدس يونّسبها أصحابو بالرطانة، أها يا حولين حُووولن، ويا دهرين جُووولن، و"ليد" و"ليد" دكين، يعني و"ليد" دكين تربيع، يطلع بالنجيض ما بالميِّت، ما فاضي ذاتو لجنس الكلام العنصري الفارغ والعوير دا، ونمشي طوالي لاحدي حفيد جدّك سيد الزرائب داك "تكعيب"، بالحساب دا باقيلك ما بنلم في الجنيات والبنيّات المجرّيين؟ كدي إنت بس أتفاءل وألا كمان أعمل حسابك وخليك حريف أوعَ تموت.. علي كيفك غايتو، أهلي النوبة إن ما كمّلتهن بحرب تألّفها ليهم في صَمَّة خشومن، ما بتنفعن بجنس كلامك دا، - المبرّر بغريزة البقاء، والجبر والقَدَر،..
    أنا هسّع نايم قفا تب، وعَويني المجرّيين البلدهم من ضهري وصيّة موتي ليهم يكوسوا تَرَبَك وين ووين، وياخدوا منّو أحلى نوبيّة مجرّية جدها كان زمااان دكين، وكان زمااااانك سيد الزرائب، عا########ي نكتة جدنا الحلفاوي القالولو "الدنيا قهنوبة، ورمضان السنة دي بجي حارّاً نار، قال ببساطة فاتكة: ما في مصلحتو الكلام دا"، لو قلنالك أحسب كم نوبي بشاركك العنصرية الفجّة دي، بل كم نوبي لا هسّع محرّق الرطانة، وعارف دنقلا العجوز من الشابّة، وأهو الناس القاعدين فيها بتغالطوا، أها جيشك بطلع شوييية يا أخوي، وما تنسى إنت داير تركبها عكاز من أبو حمد لنمولي، ومن كسلا لنيالا، ما سيد بلد عاد، طيّب عِد جيشك العنصري والمخلص والمتذكرك كقضية منفصلة عن الإنسانية، أها، يجاوبك جدّك، "الكلام دا بطلع ما في مصلحتك"،.. فيا محارب خلّي عندك وجهة نظر استراتيجية، كدي والله بتنغلب بالنعلات وما تحوّج لبصطونة، ولامن الناس الماشي تكاتلن ديل، يشوفوك إنت وجيشك الما يملى بص سيرة، يفقعوها ضحكة، وتشيلن نومة، كابوس شنو دا، الما جادي بتعريفة،..
    ولماذا في ظنّك تجد أمثالي وأمثال صديقي أبّكر ود سماعين ندعوا لمجرّد –السلام والاحترام في التعامل الحالي- الروقة وطولة البال، لأنّ الواقع يقول بأنّ الخرطوم –غصباً عنها- في طريقها لدفن القبيلة، كما فعلت من قبل كافّة مدن الدنيا وعواصمها، أي "كما يجب أن تفعل المدنية" بعدين جذر المسألة النساء، كما أكتب دائماً، وكما سأموت وأنا أكتب ذلك، العنصرية في الدنيا سببها الأنثى، ولو بشاشا يعتبر السوداني جلابياً ما لم يُثبت العكس، وما لم يأتِ بتقرير من الطبيب حول خلو اللاوعي أيضاً، فأنا أعتبر بشاشا جلابياً ما لم يزوّج طوعاً أو –يقر- يشجّع، يمارس تثقيفاً يقود إلى العملية بشكل من الأشكال، زواج إحدى قريباته ممن تُمَارس ضدهم العنصرية، ويا حبّذا لو كانت من شيعته المقرّبين، قلت طوعاً وتحبيباً وتثقيفاً عشان ما يجيني عبقري مطفّر، وهذا هو الأسيد الوحيد الذي سيفكك هذه القبليات ويذوّبها في بشري محترم يُحَقّق له فكرة الهويّة على النحو الشمولي الذي يحلم به، لأنّ العنصرية الانترنيتية هذه "ال######ة –بمعنى المُشْهَرة" أنا نفسي أندهش منها، لأنَّها في الواقع غير موجودة كمواجهة لغوية بتاتاً، بل كمظالم اجتماعية عامة وإقليمية، أما كمسألة شخصية "شتيمة في الوش" فهي أبداً غير معلنة، ولا يمكنك أن تستنتجها إلا لو شاء أحد أبناء المكان الفلاني، الزواج ببنت من أبناء المكان الفلاني، يعني لو جاك جنوبي وألا غَرّابي شين-دي مصطلحاتكم، لبتّك وألا أختك، ما بتعرسها ليهو، وبتطردوا بنفس العذر البتطرد بيهو ود خالتها أو عمتها غير المقرّش، دايرة تقرأ وفيها كلمة وهلمّ محاحاة، يعني ما بتقول ليهو: دينك يا عب، لأنو دينو دينك في الغالب، وكمان جاران تتغديان معاً، تلموا عدّة الغداء من هنا وتتوجهوا قِبْلة صدق الغرابي، ونفاق الجلابي نفسها- ودي ياها مغصة النفاق الإسلامي المقطّعة حشاي، تتسامران معاً وتقتسمان الجنيه معاً، والحاضر منكما يعرّس ابنة الغائب منكما، ولكن لابن عمّها وليس لابنه، يعني بلغة الدس دس، كلو شيء نسويهو معاً، وما يفرقنا إلا الموت، والحي مننا يدفن البموت أوّل، بس لو طلب بنتك لولدو، بتعملوا شنو؟ "بتمرقولوا الهنيهنّة"، من خلال الرفض الأبدي والمُبيَّت، والحتة دي البجة ذاتن معاكم فيها،..
    يعني يا عنصريين أكان بقيتوا نوبة وألا قرشيين، بحصل إنو يلاقيك ود غرب من النوع الشين كيف كيف داك، وفي وشو كدي إنتو متعوّدين وعادي خاالص تقولولوا يا عب، أبقوا لاقوني في المقابر، هو في أفرس وألا أشطر من أولاد الغرب والجنوبيين؟ ما تعملوا فيها جدّكم أركماني وألا العبّاس وألا حبوبتكم مهيرة،... والله الناس ديل صُبْرٌ في اللقاء ومرافعين في الحرابة، بطّلوا استرجال كضّاب واستخفاف ما عندكم ليهو العكاكيز البسندنو،...
    قلنا العنصرية ال######ة دي، كلام بتاع انترنت ساكت، وفصاحة زول خارج مدى العصا والبندقية، وقلنا فوق المظالم الاجتماعية المعمّمة، هناك قضية النساء والتزاوج الماشة تنحل، بأحفادي وأحفاد دكين المجرّيين، بعدين الشناه المفتراة دي، أو بالأحرى المقصود بها بعض القبائل غير المتخالطة في جنوب وغرب السودان، مش المختلطة بل المتخالطة، لكي لا نوحي بأنّ هناك عرب خُلَّص في السودان، أو نوبة خُلّص، كلنا "لحم رأس" وكلنا عبيد أولاد عبيد والتلاسن دا كلّو دلالةٌ على الأمة غير المنتجة وهو مكرّسٌ لعدم إنتاجيتها هذه وإلى الأبد، إن لم نعالجه،..
    وعقدة النساء المحومرات وألا كمان المغبّشات –ويجلبقن من الصباح للمساء زي الحوت في الكريمات- دي مفاهيم ثقافية خاصة برؤية مجتمع عنصري للجمال، مفاهيم مستلفة من ماضي الرجل الأبيض في السودان، مستعارة من الدخلاء السابقين، والآن هي في حيّز الاستعارة والمجاز الذهني المستلب، ولا وجود عملي لها على أرضكم يا زُرُق، أو لنفترض سخفاً وليس جدلاً أنّ هذا الأبيض "حليوني وقطع"، هل ذلك يجعلنا نطالبه بجمال الأخلاق أيضاً، أم جماله هذا يستوجب عبيداً يخدمونه؟ السمح سمح لرقبتو، والشين ما فيهو شيتاً ناقص ولا شناتو مقدّمات "حمار" عشان تركب فوق ضهرو، وألا "جاموس" تربطلو محرات تخدمبو جرفك، خليهو "بدون قِلّة أدب الجلابة" علي مشاكل شناتو، وكتين ما دايرين تعرّسوا ليهم بناتكم،..
    وعارفين براكم البورة ماشه مدفّقة وديان وكعب كسر العين الشغّال هسع في الخرطوم دا، أنا متأكد أحسن منو كسرة عين الصهر الأزيرق كان الحلال والشرع فيهو كسرة عين، كعب البنات يلولن شفّع ما معروف أبواتن من وين ذاتو،..
    والناس الشينة دي ذاتها يا صاحب "النخلة العنصرية" كلها قدّت روسيا وأوروبا وأمريكا وأستراليا وهاك يا عرس في بنات أسيادك أولاً وأسيادن تانياً وهسّع شافعن من حلاتو ما يشتري بتّكم بمشاغلة رسالة sms مجاناً،...


    الحل يا دكين، بالنسبة لك، وأيضاً بالنسبة لدعاة "الهُويّة" من خلال وصفة بعينها، "عدا كلمة السودان التي تستخدم للوطن، وعدا كلمة السودانيين التي تُستخدم لوصف ساكني السودان"، يعني الكلام العمومي خالص دا، فبالمختصر كدا ما من وصفة ناجعة أبداً، وما تضيعوا زمنكم وأعماركم في فارغة، معظم الناس البتكتب دي عايشين في الغرب، هسّع لو ما مجانين، لو أنا عائش في الغرب زيّكم، بجي بحرس الانترنت دا، ونبّزني وأنبّزك، وألا بمشي بستفيد من إمكانات الغرب ومعارف الغرب الوافرة دي، عشان أتطور وأطوّر غيري، أنا شغلتي المعاكم دي كلها زهج بتاع زول قاعد في الخليج، وتاني توبة من أي "بلاغة سياسية" لا تحسم شيئاً، أو كما قال أبو ذر بابكر، "حروب الانترنت الما سمعنابها كتلت ليها زول دي"، المفيد أكتر والحل هو بناء دولة ديمقراطية علمانية، يحكمها القانون العادل، المتّفق عليه من الجميع، دا الملخّص بتاع الحضارة الإنسانية وقراءاتها، يا دكين، مش العودة بالإنسان للغابة ولكهوف تملأها الجماجم، بل الحل في منتهى البساطة، لا إنت أحسن مني ولا أنا أحسن منك، كان دينّا كان قبيلتنا، نحشرم في دولابنا أو سحّارتنا، بالليل بالنهار علي كيفك، تقيف قدّام مرايتن وتشوف نفسك نبي الله الخضر، ما في زول ساعلك، تتسبّب علي زول أو تعتدي انطلاقاً من مرايتك الخاصة دي، يفتلك القانون لاحدّي ما ترعوي وتنضبط وتعرف حاجة، هذا هو موجز الحضارة وملخّصها، وهذا هو الاستنتاج المنطقي –مش الإنساني الرومانسي- يعني المنفعي البحت، الذي كان عليك الخلوص إليه، والخروج به بعد انطلاقك من قابيل وهابيل، ولا حدّي وصولك ليوم الليلة لناس أمريكا وأستراليا وبريطانيا وفرنسا، الشبعوا حرب لامن قالوا بس وفي النهاية حلّوها بالطريقة دي، دي أمريكا، ودا الحي اللاتيني، ودا الإيرلندي، جنبك السود، الإيطالي، اللاتيني، اليهودي، الباكستاني، العربي، تعمل جريدة بلغتك مخيّر، تلفزيون بلغتك مخيّر، مسابقة جمال لنسوان قبيلتك بس على مستوى الدولة وباسمها، لأنو ما بتؤمن في مره أجمل منهن ماك مخيّر، تعمل سوق ما تبيع فيهو إلا للمحس أو الجعليين بس مش مخيّر، أها البشرية دي كلها الفي أمريكا القارة دي، باقيلك لو دايرين يختبروا منو أرجل من منو؟ ومنو سيد منو؟ بعرفو نتيجة البُطَان دا متين؟ وبعد كمين موت، وفوق كم من تلال الجثث والدمار؟ والأهم من دا كلو فوق كم؟
    تقول لي شح الموارد بجيب الدواس، ومالتس قال الحرب والكوارث والمرض بحلوا مشكلة الإنسانية بموت الإنسانية، الكلام دا برغم ركاكته الأخلاقية، كان زمن مالتس يا دكين، أيام كان المرض زَرقة لباس لا تمهلك قليلاً حتى تصل المستراح، هسع الكوليرا دي ذاتها -الكمّلت القاهرة زماانك، والجدري الكمّل السودانيين زمااانك، أقرب شافعة طب وألا شافع ينتلك حقنة، تسمع جراثيم الكوليرا دي تكورك في الأدبخانة، وما في جدري اليوم، بس في أمراض ممكن تفني الجنس البشري، مش تعمل توازن بكتل واحد في شقّة عشان يجي يسكنها غيرو، ونقول ويييك الإيدز حَلّ أزمة الموارد في إفريقيا، إفريقيا –الإنسان- حسب إحصاءات وتقديرات المنظمات المختصة، في طريقها إلى الزوال إيدزاً، والكوارث بقت قطعو كبيير زي "تسونامي" وبرضك دي ما الكوارث المشكلة، زي التسونامي وحادث الباكستان الأخير، دي ياها ذاتها الكوارث المسكينة وبت الناس، الفنجرية حلالة المشاكل وفرّاجة ضيق المعايش، هسّع يا صاحبي في كوارث التلويث والأوزون، وبققق انفقع مفاعل دا شار نوبل، أما لو دوّرت الحرب الكايسنها إنت وصاحبك مالتس تحل ليكم مشاكل "خرتاية الدقيق" البحلوها بالطورية ما بالبنادق، فإنت عارف الروس عندهم كم رأس نووي اتنشل، والما اتنشل داك ما بنحسب، والطاغية الأمريكان، وفرنسا وبريطانيا و"نمل الصين الما بنحسب" والكوريين "المزازيين" وإلحاحهم العجيب، وناس منو وناس منو، وناس عندهم وما مخبورين، تعرفهم مع شلعة دووو و"الفِطْر الهلامي"، يا دكين هوووي، الكلام دا إنت وصاحبك مالتس المات زمااانك داك، أخدو آخرو، دي الحرب المشلّخة سلّم، والتانية المرهه ديك، القاصدنها إنت وصاحبك مالتس، ديك بت جدّاً بعيد ليها رقد التُرَب، ودي ما الحرب البتكتل مليون ومليون ونص، دي "كش القيامة"،..
    بعدين لعامل كرهنا للتأكدية غير الذكيّة دعنا نقل بأنّ هذه الحرب جَلّت تكون القيامة، وعملوها بالحساب الدقيق، كي تُناسب خشوم الناس مع كيلات الخرتاية بالهين، بس وحاة الله ما بتجليك إنت تكون –البايظ- بتاع اللعبة كلها، يعني بشكّوها وبجدعوك بايظ، وفيتريتّك الخواجات يغسّلوها من دمك ويدققوها، وإنت مرمي بااايظ، وفي طقاطيق الأرض السابعة، لا تعوّل على مالتس في توسيع الموارد، فذاك رجل "دَقّة قديمة"،...
    فيا أخوانا كلكم، روقوا، وما تصدّعونا ساي، عرب شنو؟ ونوبة شنو؟ وكوش شنو؟ صراعات الهُويَّة دي ذاتها الناس يا هسّع بنطقوها الهَويّة، بالفتح مش الضم، الفتح من -فتح عليه النار، والضم من –ضَمّ أخاه إليه، ولأنها هي ذاتها وهم، وإنتو لحم رأس، بتنطقوها علي وزنة –فتح عليه النار، لأنو في لا وعيكم عارفنّها بتغطّس حجركم،..
    أنسوا الموضوع وأعملوا دولة حقوق مدنية، يعني أنا لو كنت سيد دكّان فوراوي مثلاً، وإنت جعلي وألا نوبي، بتجي تخمش وتملأ خشمك حلاوة لبان بلوشي سااكت وألا كيف؟ الناس دي الله خلقها جنس كدا وجنس كدا وجنس كدا، قاااصد، وما يرعاهم إلا القانون والضمير ونشدان الحق وكراهة الظلم،...
    الإنسانية نفسها كمفاهيم فكرية تجاوزت فكرة الفستان الواحد، البتلبسو من الصباح وبالغصب، كلّ الطلبة والطالبات والموظفّين عشان ينجزوا الفكرة الوهمية والفكاهية-ما يدعى الحكومة –الهُويّة- الشمولية- التأكدية، الناس تمشي محل ترزيها البريحها، وتختار ألوانها البتناسبها، المهم هو إنجاز العمل المتفق عليه والمقترح بالتراضي، وفي سلام،..

    يعني الداير يقعد في السودان على أساس إنو ترهاقا ذات نفسو، مش حفيد ليهو، يقعد.. ولا حد يكلمو.. بس بأدبو وباحترام قوانين الجماعة فيما يتقاطع مع الآخرين ومصالحهم أيضاً، وكذلك البجاوي والشايف روحو عربي والفوراوي والجنوبي وكل أحد.. يقعد علي كيفو وعلي مزاجو.. "الهُويّة بالنسبة لإنسان حُر ومخيّر هي هذا الإمكان في الحُلُم، مثلها مثل ما أفضّله من أغاني الحقيبة أو الحداثة، يعني حكاية مزاج"، بس مزاج سلمي و-ضمير وعدالة- كي لا تُضَار أمزجة الناس الآخرين، وبنفس الشروط أعلاه...
    وتظل المحاكم مفتوحة يا دكين، لأنو أنا ما رومانسي ولا طوباوي طيبان، بس الناس بتعالج مسألة "احتفال الأجداد" وإيدية "الراسخون في الجدود" و"المتراسخون في العروبة" بالقانون، ومهما كان حقك دا، بتشيلو بالمحكمة، مش المعركة، ولو ما عجبك احتاط للأمر وأبقه قاضي عنصري، وبهناك بتحوشك النقابة، والقانون المنظّم للمهنة، والله هسع أنا بكتب في الكلام دا وخجلان منو وروحي مارقة من الزهج، البشر انتهوا منو زمااااان يا دكين ويا غير دكين،...


    Quote: جدي وبوش نفس التفكير بيد أنّ بوش أكثر دبلوماسية لأنو جلس واستمع لآراء مفكرين وأكاديميين في سمسترات طويلة بجامعات عريقة..




    موافقينك في حد قال لا، بس جدك وبوش ديل قدوتنا يعني وألا كيف؟،..

    هما بالفعل يركبان ريالاً واحداً، واحد الطرّة-جدّك والتاني الكتابة -بوش، وإنت شخبطة صغيرة، في جيهة الكتابة، وعشم طفيلي ومتطلّع لوراثة الطرّة، بالطبع الأكثر سوءاً هو بوش، لأنّ زرايبه بسعة الكون كله، وتشمل جدّك كعنصري صغير، مربوط بزرائبه داخل زريبة بوش العالمية، وأنت تنتظر دورك لترث تلك الزريبة الصغيرة والمزروبة بزريبة أكبر منها، والسؤال إليك هل سوء بوش يبرّر سوء جدك يبرّر سوءك، وهل تريدنا أن نستخلص بما أنَّه بوش هو السيء الانترناشنال، فيجب أن نركّز عليه هو، ونتغاضى عن السيئين الهواة والمحليين، وهل بذلك وجب إعفاء جدّك من المحاسبة على كونه سيئاً صغيراً، وهل هذا يحلّل الطريق أمامك لترث تلك الزريبة وتكون امتداداً للسوء في المستقبل؟

    وهل يعنينا بوش من أساسه في مسألة عنصريتك المُشهرة تجاه الآخرين، خلينا في الفَرَقة دي، بوش خليهو لبتوع المسيسبي، الشباب الضد كلمة (.........) بهناك، خلينا نحن فيك إنت بتاع "فرخ" و"عب" دا، وكمان عازم نخلتك تشيل وش القباحة معاك،..
    لأنو بإدخال بوش لحوارنا، الموضوع سيصبح فَكهِاً، ويقود إلى الفكاهة والمسرح اليوجين يونسكوي،...


    Quote: لا بُدّ لكي ينبلج صبح إنسانك المجري من ليلٍ دامس يا محسن..




    قلتُ لك أنت بمداخلتك تلك، حاولت الشعر ولستَ بشاعر، ولم تبلّغ فكرة واحدة منتهاها دون أن تقتلع في طريقها فكرةً أخرى، وممكن كلامي دا يكون حركات زول حاسد ساي، كما قال ذلك الرجل الواشي عن شعر أبي العلاء المعرّي: إنّ أعمى المعرّة خَلَط الشعر بالفلسفة، فأهلك الفلسفة وما سَلِم منه الشعر،..
    ورغم ذلك سأدلّك، عليك أن تختار أخلاقك بناءً على عدم الاعتداء تجاه الإنسان في الإجمال، وبالمبدأ، وأن لا تنتظر ما تسميه حركة الأشياء تلك لتقرّر لك أخلاقك، الرجل الذي لا يسرق، هو رجلٌ لن يسرق وإن سَرق كل من حوله، والرجل الذي لا يقتل هو لا يقتل وإن ولَغَ كلُّ من حوله في الدماء، الأخلاق اختيار فكري ونفسي وثقافي، ولا علاقة لها بردود الأفعال، وتُحسب بمدى قربها من النقطة "أ" وهي الضمير، وببعدها من الطرف الثاني "ب" وهو الإضرار بآخر، وهذا ليس من باب الطوباوية، بل من باب الحفاظ على الموارد المذكورة أعلاه بقلمكم، ومن باب الحفاظ على قوانين المصلحة والتنافع دون ضرر،...
    فأبداً لا يمكنك إنجاز الأخلاق باختيارك لموقع تخندق عشوائي بين النقطة "أ" جورج بوش، وبين الطرف "ب" جدّك سيد الزرائب،...
    "فما تكون داقس أخلاقياً، وشَرّار أعذار على الحبل المشدود بين جدّك وبوش"،..
    ولعلمك، لم يرتكب أحد مجزرة على مرّ التاريخ وكان عذره أنه يجهل ما يفعله، لا بش ولا جدّك ولا السبقوهم، أبداً، دي زوغانيات إنت حايشة بنفسك وبقلمك، ألم تبدأ الموضوع بقابيل الذي قتل هابيل، الذي كان يجهله قابيل هو كيفية دفن جريمته، أما الجريمة نفسها فكان يعرفها وواعياً لها تماماً، ولأرباحها "البنيّة الشرط"، قلنالك أفكارك يرفس بعضها بعضاً، فتدرّب على التفكير لإنجاح أكثر من فقرة في آن واحد، ولا أظنّك ستعثر على أغلاط في تسلسل كلامي وبناء أفكاري، ليس لكوني عبقرياً وغول كتابة، أبداً، بل فقط لأنني أسير مع الناموس والفطرة والإنسانية السليمة، مع الأبجديات يعني، الذي يريد أن يشرعن الحروب والعنصرية والظلم والقتل ثم الفرار من تلقّي العقاب، أتحدّاه إن كان بوسعه إنجاز سطر واحد غير ميّت، فكيف له أن يسير عكس الناموس والضمير والفطرة والإنسانية السليمة وعكس كل ما هو استاطيقي ومنطقي، وأنَّى له ذلك،...


    Quote: تغير المجرية على غيرها غير المجرية لفرض ثقافتها اللامجرية ..




    ُ
    يا عزيزي الثقافة تحمل في بنيتها "اللا فَرْض -واللا قَسْر -واللا إرغام"، في عضمها دا، مش مضروبة جير أو شغّالين عليها تبييض، هذا افتراض فكاهي أنت تناولته من مانفستوهاتك للعالم القديم، دي شفقة منّك بس لامن تقوم بعقليتك المش "مجَرّية" دي تسرح من مكانك الحالي وبعقليتك الحالية، تسرح مش تخترع التايم مشين، ومن عصور قابيل وهابيل ديك تقعد تنظّر وتتوقع حروب مجرّية وملء جيوبك مفاتيح الزرائب، ياخي تلّب من التايم مشين حقّتي دي، عشان تقع جيهة أخينا حميدة ويقوليك عبارتو الحلوة والمأثورة "تلّب من ركشتي"،..
    الآن ما هي أسباب التناحر في العالم عبر التاريخ،..
    ابن خلدون أول راجل خلقو الله يقوم بدراسة التاريخ من خلال نمو وتطور الأوضاع الاقتصادية للمجتمع البشري في صوره البدوية والحضرية والمدنية. يعني بشارع قاطعو من رأسو العبقري لأنّو اليونانيين وغيرهم، كانوا بفكّكوا التاريخ وبقروهوا من خلال تطور النظم السياسية وحدها، يعني ملوك وما ملوك والعوارات الزي دي. ورثوها منهم المؤرخون الأوائل قبل ابن خلدون،..
    أها جاء عمك ماركس فتل حبل الموضوع دا كويس وقعّدوا في علبو البتناسب زمان ومكان ماركس، طيّب دا حقك ما نظلمك فيهو، مرقناهو ليك، في إرجاعك وردّك للصراع كله إلى عوامل الاقتصاد، أو ما أسميته بالموارد،..
    وبدون ما أستشهد أنا بهيجل كفكرة مضادة، مع إنو هيجل هو صاحب الجلد والرأس في فكرة "الديالكتيك" نفسها، جاء بها هيجل مش ماركس، يعني ابن خلدون خلاصتو إنو الصراع عبر التاريخ اقتصادي، ثم أعقبه هيجل، ليبتدع فكرة "الديالكتيك" لأنّ أيام ابن خلدون كانت قديمة، أيام ما يسمّى "الممالك، الملل والنحل، مثالب المدن، محاسن المدن، تاريخ البلدان"،..
    ثم جاء الديالكتيك بواسطة هيجل الذي قرأ التاريخ وردّه باختصار لـ"الروح" وليس المادة، يعني الصراع في حالة كهذه يكون تجلياتٍ للأديان والثقافات وحتى للخلل النفسي والعُته والمزاج، يا زول ما بيناتنا كلام هيجل "العبقري" دا نرميهو بعيد، لأنو رومانسي وبتاع أفلام هندية زي محسن خالد، نودّيك الفيلم المخرجو ألماني برضو، وأنتجوهو في روسيا، نزيدلك دربك تأكيداً بماركس،..
    إذ جاء ماركس ليستكمل ما اخترعه ابن خلدون، وبعد إدخال مفاهيم الطبقات انتهى إلى أنَّ الصراع كله أسبابه "شرتيت، وموارد كما تقول، وما أدراك ما "الشيلة"،..
    طيّب ناس ماركوس ديل كفروا بالدين، وقالوا كلها آخرها كوم شرتيت، ومارسيدس سنينة تيت تيت،..
    لكن كدا بكونوا لغوا الدين من هنا واستبدلوه بالأيدولوجيا –الدين الألعن، من هنا، وأصبحت الماركسية نفسها فكرة دينية روحانية، أنبياؤها ناس لينين وجيفارا وتروتسكي وعبد الخالق محجوب،...
    يعني مختصر كلامي، ما عندك طريقة تطفّر فوق الكلام دا كلو وتقول ما عندو علاقة بالصراع، وتتفّه كل الفكر الاشتراكي الإنساني وتقول الحياة دي ما فيها غير القُبح والقبحاء،..
    طيّب ليه ما بتقدر تعمل كدا؟ لأنو الناس ديل باختصار بوافقوك الرأي، لكن بخالفوك في الخلاصات والوصول إلى النتائج، إنت خلاصاتك "إذكاء جمرة صراع الموارد إلى الأبد" وزي ما بقول عاطف خيري: دم... دم.. دم... مشتّت في الأبد، يتصنّتك كل الجراد الفيني، ومسغبة الرتيلة"،..
    أما خلاصاتهم هم "بالله رووق يا دكين، الحرب فوق كم؟ الناس يقعدوا في الـواطـة ويتقسموا الموارد"،...
    بعدين ما هي المقدّرات من الموارد قياساً بتعداد البشر في الدنيا كلها، خليهو السودان القاعد كلو بور، والمدفّن كلو معادن وبترول، وعشرات الأنهر العاطلة والمزنبعة بالخلاء دون أن تشاغلها أرض، وما تبسوها إلا شمساً تبخّرها بدد بدد،..
    أها موارد الدنيا كااافية، وعلي ضمانة مئات الجامعات في الدنيا وعلي ضمانة الأساتذة الدرسوني كلهم ودرّسوا غيري في كليات الاقتصاد،..
    يعني حروب العالم القديم كان الدينُ فيها أكثر نشاطٍ في استيلادات الصراع، ويفوق غيره من العوامل، وربما تليه حروب النعرات الجهوية العنصرية أو حتّى تتقدّمه، إنتو منو؟ نحن الروم... عاملين فيها شنو؟.. عاملين فيها الفرس.. يلا جيبوا عكاكيزكم وطالعونا الخلاء،..
    بس مااا تهَمّل كلام أبونا "هيجل" فما يزال الدين –الروحانية- يلعب دوراً واضحاً ومستخفياً، فبوسع بوش أن يقول هي "حرب صليبية"، من لا وعيه الجمعي البائت والكاسد، وبوسع "ابن لادن" أن يرد عليه تفجيراً وتقتيلاً استلهاماً للأحزاب والخندق، وبوسع إسرائيل أن تضرب دا بدا، ويقولوا للمسيحي والمسلم معاً، كدي أمسكوا لينا حربنا دي نبول ونجيكم "ما نحن شعب الله المختار"،... ياخي الشغلانية دي كلها افتقار للأخلاق الإنسانية والضمير وحسن التربية فحسب، مع شوية توم وشمار –بس حادقين وريحتهم ضاربة مش هينين- من طبيعة الأديان السماوية الثلاثة نفسها، اليهودية والمسيحية والإسلام، ومن شعوب هذه الأديان ومفاخرهم المفجعة هذه، فهم بصراحة بصراحة كدي أساطين الشر في الدنيا، ولو نزعوها وألا نزعوهم الإنسانية ماشة ترتاح، والناس بُكرة بدقوا في ميس المَجَرّية الواعدك بيها،..
    ياخي "ناس السماء" ديل ما يتعلموا الأدب وبَرْكَة البوذي المأدّبة ديك من الصباح للمساء، مساككةً للنيرفانا، لحظة السلام العليا وما هنا ولا قريب من ساقية دكين،..
    لأنهم –شعوب هذه الأديان السماوية الثلاثة- جميعاً يعانون من ثلاثة أمراض مشتركة بعدد أديانهم، تحتاج لمعالجات نفسية وتربوية وإعادة صياغة لهذه المجتمعات، ألا وهي:
    1- "نحن صاح والباقين حطب النار، إذن عادي ممكن نكتلم وبالمرة نقبض بطاقة دخولنا الجنّة"،..
    2- "العنصرية، نحن أسياد والباقين عبيدنا، إذن عادي ممكن نستغلّهم"،..
    وبرغم إنو الفرضية الأولى، فرضية "الله جندي نفر في صفّنا" كان يُتوقّع لها أن تقود نحو الخير، فالذي يمثّل الله والخير ويسير بهديه وهدي شريعته، بالضرورة يُفترض فيه أن لا يطلع في النهاية "دين حجر" أكتر من إبليس وقابيل،...
    3 - والعلَّة الثالثة دي حدّث ولا حرج: "الكذب وعدم الضمير، كنتيجة حتمية لعقلية مشوّشة، هاربة من تبكيت ضميرها المغموت بصخرة سيزيف، صخرة وجبل وضراع نص الليل، وسيدها يرفع لفوق بدون أي منطق أو تفاهم مع الجاذبية، والجبل يدردق لتحت لأنو حافظ دورو،..
    عارف ليه القصة بايظة كدا؟ لأنو الهروب من المحاسبة، الذي هو بالأصل توسّع في الطمع، يعني تأكل أكلتك وتجر جريتك بدون عقاب، أها دا بفرض عليك الدويتو الصخري الفوق داك، تبقه تدق خلف وتدق نمرة واحد، وبرضك نص الوحل، قلنا الافتقار إلى حسن قراءة التاريخ وخِفّة الأخلاق المبنيّة على رد الفعل، والقصور في مفاهيم العدالة، وليس غريزة البقاء كما تقترح"،..
    لأنك يا دكين لم تدرس سُلَّم الاحتياجات الحقيقية، أتدري ما هي الحاجة الأولى الحقيقية مش المزوّرة؟ هي الأمن وليس البطن، الفيتريتة والزبادي والساردين لن تصبح شاغلك الأهم والناس مدّرعه حرابها وناهرة خيلها عليك،...
    وتاني ما تقول لي:


    Quote: دي الدنيا يا محسن



    دا إنت وبوش وجدّك وجدّي، لأنو الدنيا قُبّال ما تكون واقع، كانت فكرة، سِمِّح الفكرة دي ودنيتك بتسمح، وإن فيها آخرة برضو بتسمح، ما في قانون برخّص ليك كاتربلر وألا غريدر تخمّبو زول عشان إنت ساكناك فكرة إنك أحسن منو، وفهمك فهم سادة لا يجلس في مجالسهم ويبادلهم الفهم إلا من هو سيّد، وبرضو سيّد وَفْقاً لنظريتك،...

    أوفى ما قال محجوب شريف عليه السلام:
    جاي وجاي وجاي
    مافي حاجة ساي
    كلو عندو دين
    كلو عندو رأي


    Quote: الاثنين الدامي كان بيان بالعمل لحركة التاريخ الإنساني في السودان.. إرهاصات إبادة أمة..




    طيّب دي أحداث الخرطوم، طبعاً،..
    وأنا لن أُبدّد يومي، في مناقشة التهويل الصحفي الفائح نسّامها من هذا السطر المتّهم، وخلال ردودي عليك، تساءلت
    وبالله عليكم شوفوا كلمة "أمّة" العجيبة دي، هسّع يا دكين بقيت أمّة؟ من متين يعني، ما قلت نوبة يا رسول الله، وبس! أها شفت دا جنس الكلام البوجعني، خليك واضح وأركب فوق السرج الختيت لبدتو بيدّك قبيييل، إنت بالنسبة ليك الناس من أبو حمد وألا من فوق شوية، وإنت داخل لاجوّة تب حتى النهاية، ديل كلهم بالنسبة ليك المنزّلاهو ناقة منزّلاهو، والعب داك كمان عب وقصتو منتهية، وأنا كتبت لك الجملة دي من المَرّة الفاتت –عطبرة-الدامر- شندي- الجيلي- وإنت جيت قلت: صاااح، أها يا أخوي "الأمّة" دي شنو؟ يعني إنت من قبيل القفز بتاعك البشبه الأفكار وما أفكار في الواقع دا، أنا مسمّيهو "القفز بالكوندوم"، فياخي "أمّة" الحرام دي ولدتها من وين، وكيف؟...
    ندّيك استراحة قصة، ود خالتي باللفة، حَبَّ بنيّة نوبية من أهلك الدناقلة، بتوع عطبرة، ساكنين بالإيجار بالمناسبة، بلا ترهاقا بلا الله أدّاني حِلّة، وترهاقا وأركماني وبعانخى العظماء ديل كلهم، والبريدم أكتر من جدودي، لو قلّعوا من قبورن الليلة، وجوا عطبرة، برضو يسكنوا بالإيجار، وألا كمان يرجعوا الأهرام تاني ويواصلوا نومن،..
    كلامي دا معناتو إنو دا عالم جديد دايرك تشقى وتتعب، مش تقص للناس قصص، هم برضو قادرين يعملوا قصص أحلى منها، أنا روائي، والدنيا دي كلها شايفة مجرّد قصص غير مهمّة،..
    يعني هل مهم إنك تكون ود السلطان هاشم المسبّعاوي مثلاً، وتجي لناس جعليين وألا نوبيين ساكنين في الأُبَيّض من سنة دو، وتقول ليهم أنا بسكن في بيتكم الملكم دا، مجّان كدي،..
    أها ليه يا الفالح؟ لأنو جدّي هاشم المسبعاوي، غلبكم وألا عجبكم، الكل السودان بعرفو وسيد المدينة دي الما فيهو غلاط،...
    أها دا منطق في القرن الواحد وعشرين ما بهبّلو كانون؟ ولا بطلّع منو ناراً تشدّلها شاي،...
    المهم إنو أهلنا الكبار قالوا لود خالتي دا، قايلين روحنا تعبانين عليك وبنصرف عليك، كان نمرقك زول، كيف الله يقدّرك وتمشي تبحت لينا رطّانية من الحيّاها الله وتقول داير أعَرّسها، إنت يا زول مطروش وألا عقلك دا مو فيك؟ كان ماك شديد بنطبّك، وكان بناتنا الهنا ديل ما عاجباتنّك بنوديك لي أهلنا المسيكتاب جنوب –السبلوقة، لكن عرس الرطّانية دا ما تجيبو تب فوق خشمك، باقي نحن ناس أشراف وأهل قرآن، شوف أهل قرآن ال########ة دي، أتقول النوبة أهل توراة وزبور،...
    أها يا صاحبي الزول دا ركب رأسو، وقال لهم هي ذاتها ما بتعرف ترطن، بنيّة بالله العظيم هي ذاتها كتيرة في ودا خالتي دا، وهي شني هي، يعني السودانيين ديل كلهم، من سيكا لي ميكا، مختلفين عن بعض؟ أبداً، والله كأنها بالكربون من بنات خالةً لينا تانية غير أم العريس دا، حتّى روح الكلام نفسو وروح الروح ذاتها، المهم الموقف من هنا بعد جوديات وكلام علماء وفقراء دايرين يتعشوا كويس يوم العرس، وفيها كمان ود خالتي دا يكون رشاهم، باقي مسخوط، الجماعة وافقوا وقالولو أمشي إنت أول حاجة شوف أهل البت،..
    مش يشوفن يوافقوا وألا يرفضوا، أبداً، يشوفن هل هم أنفسهم حقّين نسب أم دلاهات ساي، يعني هم جعليين والله راضي عنّهم، ولو في طابور تفتيش يحوم علي الغير،....
    زولك مشى، وما تفتحلوا الباب إلا حبّوبة البت، ودي مش رطّانيّة ساي، بل من النوع الكان لَمّت في الشخبيط العلي أهرام مصر داك بتطقطقو زي الجريدة، بلا حجر رشيد، بلا ديلسبيوس أو عساكر لقوا الشفرة،..
    حبابك يا ولدي أدخل، أها الكرم الأشتر، المبتوت عن الإنسانية في نواحي أخرى وكثيرة، هو جعلي آي وبالحيل، لكن الدناقلة ديل مستعدّين لو ما لقولوا عتود يضبحهو، يضبحولوا البت دي ذاتها يعشوهو بيها، لكن عرس ما بعرّسوها ليهو، شوف صياغة الذهنيات دي كيف وحكايتها؟
    وكذلك الأمر مع الغرّابي والجنوبي والشرّاقي وأي ضيف، فشُذّاذ الانترنت هؤلاء بأمانة لم يقابلوني على الواقع؟ الواقع مغطغط ولا يفضحه إلا الزواج، أما العنصرية ال######ة هذه "اللغوية الشتائمية"، "وشك في وشي" أو بالأحرى كيبوردك في وش كيبوردي، النوع دا من العنصرية ولدوهوا هنا، على هذا الهواء مباشرة،..
    بالمفيد، البنيّة تأشّر لود خالتي ما تفتح أي موضوع، هو فهم العكس، إنو دوِّر.. الطريق سالك والمطره وقفت من أمس، أبوها راجل شبه عاقل، اعتذر بلطف إنو ما داير بتو تبعد منو بعيد، وتبقى في شندي ويبقى هو بعد داك في سافرنا وحملنا وولدنا ودي فاتحة ودا عرس ودوشانة رأس،..
    تعالي إنت يا الحبّوبة مطفّرة من جوة، وقالبة عيونك شرار ومرفعين، وصوتها يصل السماء بالرطانة يحت قَرَضها المر، فيما معناهو زي العريبي ال######## دا، بناسب الآلهة، قصدها حفيدتها بت "رع" -الله بتاع سنة دو،..
    وبعد شوية بقوا يحجزوا فيها منو حجز، دايرة تديهو كم أم كُع فوق رأسو، عربي مطرطش، وعديم اللباقة والحياء، قوم تقوم قومة جدّك الشرّاد من شندي، دي جدّها بعانخى العطّش جنود ومدنيين مصر كلها في شان عطش الخيل،...
    قريبي قال يتحوّا في القرآن، يا حبوبة علي سنّة الله ورسولو، وما عارف شنو، الكلام داك البتقولوا عليهو "كلام جوامع ساي" –في نكاتكم وأحاجيكم، لمّا يجي منو "الفرخ" يخطب منكم، والحبّوبة يزيد جنّها: إنت يروح بره بيت.. عربية كضابية وشنو وشنو، يطقطق كلاش الرطانة من جديد،...
    وترجع علي بت ولدها تديها دقّة الياباني في الدنيا، ود خالتي دا بزازي في الحبّوبة دي سنة كاملة عشان توافق، والبنيّة خريجة بيطرة، وهو خرّيج هندسة بترول، شوف محن الدنيا كيف؟ أم البت وأبوها حنّوا عليهو عديييل كدي، في كل كبد رطبة أجر، وبرضو عجبن حُبّو للبنية وتمسّكو بيها تمسّك الغريق بكل ما يشبه ذكرياته عن الشاطئ، لو كان جعلياً آخر، لفَقَه لتلك العجوز رقبتها، وناولها ليها في يدها من باب التخلّف والتخلّف المضاد، مش دليلاً على وجودهما معاً في الزمن الخطأ، وبرضو عشان قِلّة أدبها علي أولاد عبد الله ود سعد الما شَرّاد، لكن قلنالك الحب الحب يا دكين البسويهو كتير، مش دَق بيبان المعركة يا صاحبي،..
    غايتو داوروا الحبوبة دي يمين وشمال، فوق تحت، قوم وأقعد، زح وباصر، ولم توافق لهم تُج، ولكن أعجزوها حيلةً وانفردوا هم بارتكاب تلك الجريمة في حق التاريخ والجيناتولجي، يوم العرس والسيرة زحّت بعيييد، ولم تسلّم على أحد من أشراف بني العبّاس، عنقريب تحت نيمة، وتنضم براها زي الراكبنّها أولاد ماما، وأنا كنت هناك، سألت شاب لميض في الرطانة وكافرٌ بالقبيلة مثلي، فاستحى وهو بهذه المواصفات عن ترجمة ما تقوله، بالإجمال هي تشتم الجعليين من الصُرَّة ولا تحت وتتمنى موتها زمااان لعدم شهدان يوم كهذا، ولو كان ملك الموت بيدها لأطلقته ليشوف شغله مع تلك السيرة من العريب والرعاع،...
    وبرضو بهنا أم العريس وأبوهو مبوّزين، وينقنقوا، بالله شوف قِلّة أدب الولد دا، رطّانية عديييل يا ولدي فلان، دا بعد ما سمعوا اللكنة المرويّة بأضانن طبعاً، ومسخت عليهم الشربات، وقال كمان حبّوبتها ما موافقة، هلا هلا يا ود الزبير باشا، والله كان ما آخر زمن كان حبوبتها دي ذاتها نرفعها في رف دكّان للبيع والشراء زيها زي السكر والشاي، وألا كمان نوديها جبال تَقَلي ونبيعها لزول ذاتو مصنقر في رف وبالدين، قِلّة أدب رطانة وتطاول آخر زمن علي الأشراف،...
    دي ياها "الأمّة" يا صاحبي دكين؟ الله ينعل دينها ودين تاريخها من أمّة،...
    قريبي وقريبتك، عندهم تلاتة شُفّع ولا هسّع بنوموا قالدين بعض، يعني حُبّهم زي غناء وردي، لا بقدم ولا بمسخ، با قيلك ديل ما مجرّيين؟ المجرّية دي بالأساس هي "حب"، مش "قبيلة" تهجم على "قبيلة" مجريّة أخرى كما أردت أنت تشويه التصور، لصالح الطورية تحفر قبراً مش لشتلة، أها يا دراكولا تعال أكتل "الحبيبين" ديل عليك الله، وخلّي الطفلين وبنت ديل، يجضوا من الصباح واي عايزين يمّة وواي عايزين يابا، وين فاتوا؟
    نقوليهم فاتوا وما برجعوا تاني،...


    Quote: عشان نعرف إنو الحياة منحة لا بُدّ من مذاق الموت ..




    إن عرفت مذاق الموت فقد خسرت فوراً وإلى الأبد، وإلا ستصبح الحياة تمويناً وليست منحة،...

    واي عايزين يمّة وواي عايزين يابا، وليه فاتوا؟
    لأنو خالكم دكين دا خرمان لدواس، يغني عليهو -الزير سالم- الما داير صلح لا تار لا ديّة، وبرضك دواس زي غناء وردي، لا يقدم ولا يمسخ،....

    والله ود خالتي دا لو شاف القصة دي هنا إلا يكتلني ويكتلك، بس ضامنو ما بشوفها، لأنو هو ما ظريف زي "محمد البشرى" ود خالتي المعانا في البورد دا، داك زول زهجي بشكل، لكن أظنو بعرف يحب، وألا كيف صَبَر علي حبّوبتك اللايوقة دي سنة كاملة ما عارف، غايتو حكمة الحب، نقول شنو، أحبّوا يفتح اللهُ عليكم،....

    أها القصة من زواية تانية، وضد العنصرية، هَسّع وكيلك الله، في الخرطوم يعرسوا سااي، وأنا فرحان خلاص، خصوصاً الطاقّاها شَنَه، وألا الأهلها تعبانين مادّياً رضي الله عن ماركس، أنا حَرّفتُ مقولته لتصبح، نعم سوء الأحوال الاقتصادية يدمّر الأخلاق، ولكن أيضاً يساهم في كسر قانون الطبقات والقبائل،..
    والإنسان بطبيعتو يا صاحبي دكين وبطبيعة الموت والزوال البهدّدوه.. بنلقاه ما كائن بطولي ولا فدائي ولا حربي، كما تزعم، لطبيعتو دي ولاعتبارات متعلّقة بفوبيا الفناء و"غريزة البقاء –تبعكم- ولكن في موقعها الصحيح هنا" نجده إثر كل ذلك يميل إلى القاعدة العسكرية "دفن دقن" أكتر من ميله إلى القاعدة البطولية "يموت كالأشجار واقفاً"، الإنسان ليس بطلاً كما تُريدُ أن تَثكل والثكلي في هذا الاتجاه، ولن يكون بطلاً من خلال أشياء هو يحتقرها في أعماقه، ألا تحتقر العنصرية في أعماق أعماقك لأنّك فانٍ؟ الإنسان مخلوق خوّاف من الموت وهَرّار و"دافن دقن" من طراز أوّل، وتعال نحجّيك،....

    نرجع تاني لخرطوم الاثنين الشهيرة، بدون ما نراجعك عن أي "مذبحة" اتنين أو خميس –أيام يستحب فيها الصيام- ارتكبها العسكر بما فيهم الغرّابة أيضاً هذه المرّة والشرّاقة، ديك أكثر من أن تُؤرَّخ وتُحصى، كانت قوافل الهينو والجرّرات الكبيرة بتقوم بالليل تردم بحر "قِيل" في مدينة "واو" بالجثث، وأنا على ذلكم من الشاهدين، وهذا مشروع كتاب لن ألعب به معك ولا مع غيرك، إنت ما جاك الاسمو مذبحة، ولا جاك البزعّل بالصّح، إنت ما في زول كتلك ولا أبادك، إنت كنت ملك من آلاف السنين، وشكلك تاني مشتاق ترجع ملك لآلاف السنين من جديد، طَيّب ياخي بسم الله وبسم توت عنخ آمون، لو العقيد ماكبث البشير دا متهم بشندي، وأنا عندي فيهو رأي، زي ما عندك في بشاشا بتاع دنقلا داك رأي، وأخدلوا سحبة كدا بتاعة 16 سنة، برضها درون، لأنو نميري علّقها في التمانيات برضو 16 سنة، يعني كقيادات وكعسكر –بالتالي- وكشماليين عموماً، ياما صرفتو رواتب وذخيرة وأخدتو بدلات كتل، ناس الجنوب والغرب والشرق ديل هَسّع دايرين مجرّد يعيشوا، وإنتو دايرين صولجان ومباريات زمنها يقارب العشرين سنة، حقيقي الفاضي يعمل فيها ملك حردان،...

    هو قبيييل يا دكين، الجنوبيين ديل ذاتم، الكان تارسم منّكم ومن خرطوم الاستكرات دي شنو، ما ياهم أولاد الغرب الشينين ديل نفسهم، والله لو خلوكم عليهم إنتو وعَرّوب الجزيرة، كان هسّع كلكم فارشين في ضللة القاهرة، ومادّين إيدينكم "لجوء" يا محسنين، زيكم وزي المساكين المشرّدنهم ديل، وكان بقت عليكم إنتو ما عليهم هم، وهسّع الجنوب والغرب والشرق صحيوا، وطاولة الليدو بقت تانية، والنرد برضو تاني، وحتى شنقلوتيتو لا يمكن توقّعها ولا تخمينها،..


    Quote: الاثنين الدامي كان بيان بالعمل لحركة التاريخ الإنساني في السودان.. إرهاصات إبادة أمة..




    بقيتو "أمّة" مَرَّة واحدة، وفي فت "اتنين"، قلت لي؟
    طَيّب الشوايقة والرباطاب والجعليين وكلّ باقي العرّوب شمال ولامن تجي الجزيرة والبطانة، النافذين علي الواقع أكتر منك، والقلعوا منك البجراوية والنقعة والمصورات، وركّبوك الناقة، ومنها جاءت ركّبوك التونسية، ومعبد الأسد، أبوا لي بي.. أبوا لي بي يا الأسد، أبوا لي بي،..
    أها الرباطاب والشوايقة والجعليين، جيرانك القبيلة بالقبيلة، والعنصرية بالعنصرية، وحمرة العين بحمرة العين، والسكّين في كوع السكّين، ولمدى عشرات القرون، وبعد دا كلو ناكرين بعض لدرجة اشتهاء الدم، وداخرين بعض لكتلة، ولدرجة ما أصهار وما تقبلوا نسب بعض حتّى، بقيتوا "أمّة" تُلُّب كدا، وفي فت يوم "اتنين" واحدة؟
    يا زول أنا قلتلك خواطرك الكتبتها فوق دي سمّيتها "القفز بالكوندوم"،..
    جدّنا ترهاقا راح جعبة في دلكة يعني؟ قبيل ما كنتو قبائل، ود ترهاقا دا ود شموس وآلهة، وود العباس القرشي خليهو ساي، وود مهيرة وود عبد القادر ود حبّوبة، وود التعايشي دا أصلو "فريخ" ساكت، يملا ليكم الأبريق موية ويرجاكم تقضوا غرضكم وتجوا تشوفولوا مرسال تاني علي حرب الشرق المرة دي،..
    إيييك، قلنا الهواء لمّا قَلَب يا صاحبي، قلبتو "أمَّة" مَرَّة واحدة، وفي فت "اتنين"، دايرين تشوتوا أطول وأحرف وبعمر شوط جديد، مش كدي، ما قلنالكم الدنيا مباصرة وما عكّاز مضبّب، وهكذا بالضبط تنغ، تنغ، تنغ، تمام "الواحدة" ساعة "الموارد" التي تقترحها، بتوقيت السودان للسودانيين بدون فرز،...
    وما شرحنالكم الإنسانية والأدب، وألا إنتو أضانكم تقيلة، وكان ما عَوَت الجبخانة ما بتسمعوا، الجبخانة بتاعتكم وبتاعة الجعليين دي، إنتو أبطل رجال فيها، وود الغرب الشين دا، والله بقطع الخيط بالرصاصّة نص الليل –شوف عين ما قِصَص، والجنوبي بنشّن علي لمعة عين الغزال -وينتل في القلب- بحساب طول رقبة السماح، إنتو شفتو حرب آفسوكات، ما ياها كلها جدي فلان وحبوبتي فلانة، متفلهمين بأوهام "حلاوة نيّة" وغريبة، بالله أتقول راجلكم راسل كراو وألا مرتكم تيموليلت، وألا هو الحليو بكاتل، الكتال حق الشينين ديل، هَسّع إنتو ذاتكم لما تمرقوا برّه وتلقوا روحكم شينين بتوقيت برّه، ما كاتالين ومشهورين بالدق، ودي ما نكات مني، دا تحليل عميق ورصين وبسيط من عبقري اسمو محسن خالد لسيرة العنف السوداني جوّه وبرّه،..
    بعدين يا صاحبي –بقيتوا ناس خراتيم شايفكم- و-بتسعلوا من الخرتوم- وين مشت مفاهيم الساقية الكانت وحدها المخوّلة بإعطاء شهادة للإنسان أنّه الإنسان، وكأنّما الأصل في الوجود هو الساقية، وليس الإنسان؟ أين ذهبت الهلاويس الدوّارة تلك وأم ########يس؟ وألا وقع ليكم ما هو منطقي الآن، من إنو الزول هو البدّي الساقية معنى غير إنها تكون العدم العريض وأب شدوق، لو ما الإنسان هو الختّ فيها يَدّو وقال ليها: كوني، فماذا ستعني؟...
    الإنسان هو ربّ الساقية وهي ما ربّتو، يا أخوانا الأشياء دي مهما اتفلهمت ودَخَّلت أرادب محاصيل، برضو في فرق بين الإنسان وبينها، وكمان فضل للإنسان وتكريم علي كل شيء، مش علي الساقية بس اللهي "البوم" و"الخراب" من غيرو، بل تكريم علي الملائكة والجن في ذات تولاهم، هي أشياء في المبتدى والمنتهى، وهو من نفخ فيه اللهُ من روحه، وحتى الناس أبّين شدوق ومناخير ديل، برضو المنفوخة فيهم روح الله ما فساء وطاويط،..

    يا دكين، إنت زول شديد يبقالي وراشد، وأنا هسّع أعاين ديل أكتر من عشرين صفحة ويرد، يعني فصلين في تيموليلت، ينفعونا وما يخسّرونا قراء "عروبيين أو نوبيين"، ودي للمزحة، أنا داير يحبني مظلوم واحد و"مضمون"، مش "أمّة" مُنجزة في فت يوم "اتنين" دي أمّة "شيك طائر"،..
    فياخي نشرح ليك شنو يعني، ما إنت شفت والحال من بعضيها، وبتعرف نيكوس كازانتزاكيس وكافكا ومنو ومنو، ويمكن واحدين أنا ذاتي ما بعرفن، طيّب ياخي قول للبشر الما بعرفوا ديل، ملّكهم المعرفة ودعهم يختاروا، لا تملّكهم كتاباً مكتوباً في "البلاغة السياسية"، وإنما ستكافأ حتماً لو ملّكتهم سطراً واحداً عن الجمال، عن الحب وليس المذابح، قُل لهم الضراع رهن إشارة القلب وليس العكس، وما تنطق به من حماسيات غريرة هنا، لن يجعلَ منهم فرساناً دمويين، وإنما فقط سيشوِّه فيهم موهبة أن لا يكونوا محبّين للسلام والأمن فحسب، وحدّثهم أيضاً عن (إيفو أندريتش) بدل كافكا، وحدّثهم لماذا أحبّه اليوغسلافيون سابقاً، الرجل الذي حصل على "نوبل" لقاء رؤياه –كان كتابه ذاك رؤيا ولم يكن كتابةً بلاغية ككتابتك وككتابتي هذه، نحن نتصارع بالأقلام عن "السياسة" فحسب، أما هو فكان كاتب السماء الغامضة التي أوحت له برؤيا Most Na Drina، بالصربو كرواتيان، ودي اللغة الرسمية في يوغسلافيا، بالعربي معناها: "جسر على نهر درينا"، مكتوب باللغة –الرسمية زمان، قبل الانهيار- والتي هي مزيج من لغة الصرب والكروات، ودي كانت اللغة الرسمية في يوغسلافيا، يعني حتّى المجتمعات البدأت تنصهر لدرجة صهر اللغات، نسفها كلام الفروسية، الذي في النهاية يوقر الصدور ويخلق خطراً وهمياً من العدم ويشكّله،...
    أما "كافكا" دا ما تضيّع معاهو وكتك ساكت، لأنو "أبيض" زي ما بقولوا ناس الكورة، وما عندو حاجة، والكلام عن أدبو زي الكلام عن الكورة أيام الدحيش الأول، دا ما لأنو يهودي، أبداً، معظم عباقرة الدنيا يهود، لكن لأنّك ذكرت نيكوس العظيم، فكان من الأجدر بك استخدام راءٍ آخر، عشان ما تبقى جملتك اتعشّينا سمك وفطير بلبن،...
    بأي حال دي أوهامي أنا الثقافية، ولا أريد أن آخذك تجاه مقابرها أو حدائقها، ولكن كان (إيفو أندريتش) سيناسبك أكثر في إنتاج وإخراج الفيلم الدموي الذي تريد تصديره عن السودان، أندريتش كات (التحذير) كما هو حال محسن الآن،...
    للجميع أقول إنّ هذا الرجل روائي يوغسلافي حاصل على جائزة نوبل، عن عمله "جسر على نهر درينا" وفيه كَتَب سيناريو انهيار يوغسلافيا العنصري، وكأنّه يراه في شريط سينما يدور أمامه، "الخوجا علي" يتبدّد في المشهد الخاتم والمدفعية يطلقها الأخ على أخيه، وتنتهي حكاية يوغسلافيا كدولة، لتبدأ حكاية يوغسلافيا كجبّانة كبيرة ومعسكرات للإغاثة، وهذا ما تنادي به أنت وتدعو إليه وإلى مناطحة أمريكا، فهل أنت أبو زيد هلالي زمانك، أم أنّ بعانخى هازم الأرض مبيِّت في رأسك كونياك،...
    لكم هي الظروف متشابهة الآن،...
    لأنو بتوع البوسنة ديل برضهم كانوا مؤتمر شعبي ومؤتمر وطني، كيزان أوربا البيض يعني، سبب الكارثة دي كلها، وسبب المقابر الجماعية البلا حد،...
    والتطرّف لا بد من علاقة ما له بالدين، هذا موضوع يتعلّق بالرؤيا في جلابيته الأوسع، وأنا جرّبتُ ذلك من ذي قبل، عشان كدي سبحان من يستهبل عليّ، ولكن كان ذلك في سن طفولية عشرينية -غريرة- ويسهل التلاعب بها، الواحد بعدها أنضجه الله كعجل إبراهيم الحنيذ وأصبح عارف كويس "الله حاطّو وين" كما يقول الشوام، فلا تغازل عقول الصغار يا صديقي، من خلالي، ومن خلال عنصرية لا يمكنها أبداً أن تساير مجرّد الفطرة الإنسانية، ودعها الحضارة وما نحن فيه من زمن المنجزات، الإنسان هو مالك يومه وغده، وليس منتكلاً على قوانين الكسل والتهرُّب الجبري والقدري، وكافّة مانشيتات المصير،...

    وكاعتذار لكم جميعاً، عن بعض الكلمات الخشنة، أقول،..
    أنتم مجتمع شقي، ومنحوس، ومنذ دهور،....
    أهلنا بقولوا الشقي تعتّر ليهو شنو؟ الرجال يتموّها براهم من سروايلن، والنساء يتمنّها من أقرب سروال رجل مجاور، أنتم مجتمع أنا منه برئ، يقول بالشيء ويفعل ضده، يَصِم الناس والبشر بالعبودية دون خجل، ويشرعن العنصرية والتناحر القبلي علناً، فيالكم من مجتمع ###### وبدائي، ويجب مواجهتكم بالوقاحة نفسها وذات عيون البدائية، وسوء الأدب جاء منكم مسَبّقاً، ويجب فضحكم وإحراجكم أمام القبلة التي تصلّون إليها ويصلّي معكم مسلم آخر، وتخونونها بعد السلام مباشرة، بينما يبقى هو من الصادقين الأبرار راكعاً نحوها وهو مخدوع، إنها صلاة الملعبة والنفاق الفاضية، والما بتصيب حسنة مهما دَوْ، دَوْ، دَوْ... فكّت رصاص الحمدو، إنها صلاة من يثق في الدنيا ويتشَكّك في الآخرة، وإن كان يعجبني موقفٌ فهو موقف الرسول حينما زوّج ابنة عمّته لزيد بن محمد كما كان يقال، "مولاه وعبده" فما شاء الله، وما رأيكم أيها القرشيون؟ وإن كنتُ أبغضُ موقفاً فهو كره تلك السيدة لزيد وتطلّقها منه، لتعود وتتزوج الرسول الذي كان يُسَمّى زيدٌ بابنه "زيدٌ ابن محمّد" ويقول ربنا (وتُخفي في نفسك ما اللهُ مُبديه)، إنتو جوطتكم وربكتكم دي قديييمة، فجوطوا وارتبكوا ما شاء اللهُ لكم، أوَ يضرط الميّتُ في قبره بما يدلُّ على الحياة!؟....




    إصلاح بلاغي:


    Quote: لامن يوجعك موت الإنجليزي والجعلي بنفس المقدار بعد داك بتكون أقرب لي المجرية على حد فهمي بها من خلال حديثك عنها..





    أبداً.. أنا قرأت قصة دون كيشوت والمسيح معاً، كي أتعظ بشكل كافٍ ومتكامل، كي لا أُحارب طواحين الهواء، وكي لا أحب المسامير مدقوقة في جسدي، الإنجليزي والجعلي دعاة الحرب بشوليبة واحدة يتجدعوا الاتنين قبر البحر، والإنجليزي والجعلي دعاة الإخاء والحرية والمساواة هيلاااهوب يقروها بصوت واحد، ما تعرفو عربي وألا إنجليزي، ويرتلوها في قِبْلَة إله واحد، ما تعرفو بتاع القرآن وألا الإنجيل.... (وحدة الإنسان من وحدة الوجود)،..


    Quote: في حين أنّ جدي كان واضحاً جداً وبدائياً.. وما جالس غير الخمر والسراريات..





    لو جالس جدّك تيموليلت، لزال ما به، فماذا عنك وأنت في عصور مجالسة تيموليلت؟ العولمة، أم النوبنة والجعلنة؟


    Quote: انتا قرايتك الكتيرة البتقولها، سفرك، انفتاحك على عوالم غير، و تفكيرك الكتير ..
    دي كلها حاجات تصنع آدمي فليكسبل (مرن) قابل لي التعامل مع أنماط حية وحياتية متنوعة و بي مرونة كبيرة ..





    ولا تهم، لو بقت مسألة كتب وسفر، بكرة بنحلها، ونكسبك في الصفوف المرنة أولاً، والأجر والحسنات مسائل ما ضرورية،..


    Quote: أنا بقى بقيت ما بحب أقرأ كتير ... اكتفيت بما قرأت على ِقلّته .. ما سافرت كتير.. بطلتا أصاحب رجال مؤخرا..
    بقيت أكَتِّر من معرفة النساء.. وانتا عارف الحريم لا يضفن إليك سوى مزيدا من الشجون ..
    يعني بقيت منغلق وذو شجون..






    طيّب دي حالها تطلّع شاعر من طراز أوّل ومتصوّف ومتسامح زي ويليم بليك، حبيب الكل، والذي لم يسافر إلى مكان ولم يعرف عدا النساء، والمؤمن بمشاعة كل شيء، لأنه ما من شيء يساوي شيئاً، تمام المجانية وسقوط كل دوال المعنى والحرص الوهمية، أم تُخرج إلينا إسكندراً مقدونياً آخر، وهتلر من سراب العتمور، يا صاحبي دا كلام ميّت، وحالة زي دي جمالية شديد، مهما تطرّفت في الشجون، فليست بأكثر إشجانٍ من الحالة التي مَرّ بها رابندرانات طاغور، الذي داقره الموت في أعمار أهله، وفي فنّه ووسطه فعاف الشرور أكثر، أنا سأقول لك يا صديقي، قم بمراجعة رواية اسمها "الجزيرة" لألدوس هكسلي، فهناك ستجد هتلر وأمثاله نوع موسليني ومنو ومنو ودكين، هذه روح جانحة نحو الدم بعوامل أخرى تبعد كثيراً عن عوامل الشجون، مزاجية- تاريخية –نفسية- جنونية- لا يهم، ما يهمنا أنه يقترح على أمثالك من المحاربين "نقل الشجيرات نحو مواطن غرسها وردم الترع ونقل المونة التقيلة في الحر"، العمل المنهك من أجل تفريغ طاقات مضرّة وسالبة،....


    Quote: أنا يا صديقي لا يكفيني وجود آدميين مثقفين موضوعيين غير محاربين زي صاحبي بوش أو أبكر آدم إسماعيل أو جوزيف قبريال (صديق جامعي) أو نيوكلاس كازانتزاكيس أو كافكا أو أي خواجة أغلف من غرب أوروبا أو شرق أمريكا لكي أستكين..






    وما الذي سيكفيك؟ فالدم لم يكفِ أحداً قبلك، الدم حين نسيّحه يجري صوب مفاحته، ولا يصعد لعروقنا نحن كمكسب إلا إن كنّا دراكولات،..
    أبّكر ود سماعين، قول واحد مطهّر، نيكوس كازانتزاكيس وكافكا وصديقك جوزيف قبريال أهو الحسبة تطلع مطهّر واحد وثلاثة غُلف كلهم إنسانيون، أها ما تبقه فيك بركة إنت وتقول خير ونعدّك ونعد محسن خالد، نعمل درون "عِدَّة" إنسانية، ونبدأ نلد إنسانيين ومجرّيين، بلغات وأديان مختلفة ومتصالحة، وكمان نتعرّف علي غيرنا، وكدا وكدا من لوازم الدعاية وطرح النشاط وقيام رابطة، وألا أحسن نقطّع ما معنا من آلات إخصاب إنسانية وندق الدلجة قرون بقر في روث الزرائب،..




    وهرجتي دي كلها يا دكين إن بقيت نوبي جد جد، زي حبّوبة مرة قريبي داك، ما خسارة فيك والله أبداً، باقي بريدكم –وأمان الله من قلبي- وبريد بنيّاتكم الحليوات ديلك وعديلات، لكن إن بقيت نوبياً "مجوبك ساي" ناجرنّو في وِرَش الخرطوم تلاتة، ومن العينة الجات من وين ديك وألا من متين ما بعرفها –علي حد نظريتك، أها رأسها انقطع وبقت لا تمر لا رطانة قبيلة لا ساقية، يعني زي ما داير تطلّع صاحبي بشاشا دا، فأوعاك تكون ياء اللين من الواو الضكر في الرطانة ما بتعرفها، أها لو طلعت ما بتعرف ترطن أسويلك شنو؟ غايتو مغصتي عليك يا صاحبي دكين ما بفكّها دواس قلم، وإلاً كان أأتّرك وين ما تكون، وأجيك معاي شرايط خلف الله حَمَد أم دلوكةً بتحوّم الجِلِد كرعين جراد منشارية ديك، وبالصفحة التانية الجركانة المدمدمة والمخبورة،.. وشنو؟...
    والعنجاوي شخصياً، وبعد ما تكرمني تمااام بالشيّة الما خمج، ونكمّل العرضة والتبّة والبشرية نوبي وجعلي، وبعد ما ينقسم نصّ الليل من فوقنا جعبات ضلاماً غلاد، والنجم دا يرتع خلاااص ويغوّص ويودّر، ويبقى عيون نمور في السماء، أجدعلك الجدوة وأقوليك دُق، قدر ما تقدر والله يدّيك، أنفش تب -ظاهر وباطن، وناولني الجدوة جاي،...

    يا أخوانا كلّكم أهل، وكلّكم عبيد و"لحم رأس"، والمغبّشين منكم مغبّشين عشان "استحلبوا" أو "تتركنوا" أو "تمصرنوا"، أو "تمغربوا"، ما يثبت أنّكم بالفعل "لحم رأس" و"فروخ" عديمين الحياء والإيمان بالله، والسود هؤلاء أكثر أصالةٍ منكم، ولهم أجداد يصلوهم دغري أسود ود أسود ود أسود، كعب الجدودن تذكرة خطوط تجرّها من مصر لتركيا،...
    تروّقوا المنقة كدا وتبنوا بلاد "الإنسان" فقط؟ وألا تثبتوا بالفعل إنكم عبيد مقاطيع و"لحم رأس" متفلهم علي بعض، العين ما عاجباها الأضان، والخشم ما عاجباوهو النخرة، وأب خشماً ملوي ما عاجبو أب خشماً عريض، أنتم بذلك تُثبتون فعلاً أنّكم تستحقون عقاب من يأتي من الخارج ويبيعكم جميعاً، بناءً على نظرياتكم "العنصرية" هذه نفسها، لأنكم تُتعبون الأمم المتحدة ومجلس الأمن، ومنظمات العون الإنساني، ودول الجوار، والأجاويد من كل شاكلة ولون، و"لجوء" يا محسنين،...



    الصمتُ سعةُ الكلام،...


    ..

    التعديل الأول تمّ لإجراء تصحيح الآية الكريمة،...
    التعديل الثاني تمّ لتصحيح كلامي عن نيكوس وبعض الإسبيلنغ لحكم السرعة فالدربكة قمنا بخلطه مع"إيفو أندريتش"،..

    فاغفر لنا هذا الزلل يا صديقي،
    المهم هو المعنى المراد،..
                  

06-03-2014, 09:48 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: الصادق اسماعيل)

    إنهم لا يحاربون الحكومه بل هم عتاة حرب للوطن وبجهالة بائنه


    منصور
                  

06-04-2014, 01:46 AM

هاشم احمد ادم
<aهاشم احمد ادم
تاريخ التسجيل: 02-28-2014
مجموع المشاركات: 260

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عاطف عمر)

    تقبلت اعتذارك بالانابة عن ( ناس الشتات ) والذين ينتمون هذا (الوطن الافتراض) كتابة وقراءة ومتابعة ، والذى يحكم (باقتصاد الكلكات) ، وحق (المواطنة ) فية
    فى يد (سيد الحوش ) الذى فتح بابه لكل من يرغب بشروط ( الحوش) . اما (mothership) التى اجُبرنا لتركها،
    فلم نبخل عليها ولم ننكرها ( واحصاءات
    بنك السودان ، والبنك الدولى بالاسافير تثبت ذلك ).
    واعلاة ( لوم ) من ( مواطنى الشتات ) المشاركين والمتصفحين للاسافير بكل الالوان وكل الاغراض والنوايا، تجمعهم
    ورقة (خضرة) ويفرقهم رقم ( وطنى) .
    وختاما لك التحية واهلنا قالوا ( الما لامك ما دارك ) .ً


    اضافة اخيرة نقلاً من لقاء بتاريخ 2013-04-21 مع عميد الصحافة محجوب محمد صالح :

    Quote: : هل تعتقد ان ذلك كان جزءاً من مخطط لشغل الإعلام عن القضية الأساسية باقناع الجنوبيين بالوحدة ؟
    A: ( أنا شخصياً ضد نظرية المؤامرة ، ولا اعتقد ان الخارج سيحدد لنا اجندتنا ، فالخارج يحدد اجندته استفادة من اخطائنا ونقاط ضعفنا ويتدخل في شؤونا بصيغة لا نقبلها ليس لانه خطط لها ولكن نتيجة لانه وجد من ممارستنا مايشجعه على ذلك .).
    المصدر:
    http://www.pnaarabafrica.com/2/مواجهات/عميد-الصحافة
                  

06-04-2014, 06:22 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: هاشم احمد ادم)

    مرحبا شم
    وحبابك
    واحد من اشكاليات نقد سلوك المعارضة انها بتلم محاسيب السلطة ,, قد يكون ذلك لإلقاء الشبهة علي الكاتب ,, شبهة دعم النظام ,, وبدلا من السير في خطه يسعي مدافعا عن نفسه
    وإطلاق التهم المنفرة عليه كرمادي او غيرها
    رغما عن الحديث عن النقد الذاتي , إلا أن مفهوم النقد كأنه يعني الانتقاص او الاساءة ما زال سائدا
    كقناعة لدي
    لا يمكن حل مشكلة السودان إلا بزوال الطغمة الحاكمة وتفكيك مؤسساتها ,, ويجب ان يكون التغيير من الجماهير وبها وليس بديلا عنها ايا كانمرحبا شم
    وحبابك
    واحد من اشكاليات نقد سلوك المعارضة انها بتلم محاسيب السلطة ,, قد يكون ذلك لإلقاء الشبهة علي الكاتب ,, شبهة دعم النظام ,, وبدلا من السير في خطه يسعي مدافعا عن نفسه
    وإطلاق التهم المنفرة عليه كرمادي او غيرها
    رغما عن الحديث عن النقد الذاتي , إلا أن مفهوم النقد كأنه يعني الانتقاص او الاساءة ما زال سائدا
    كقناعة لدي
    لا يمكن حل مشكلة السودان إلا بزوال الطغمة الحاكمة وتفكيك مؤسساتها ,, ويجب ان يكون التغيير من الجماهير وبها وليس بديلا عنها ايا كانمرحبا شم
    وحبابك
    واحد من اشكاليات نقد سلوك المعارضة انها بتلم محاسيب السلطة ,, قد يكون ذلك لإلقاء الشبهة علي الكاتب ,, شبهة دعم النظام ,, وبدلا من السير في خطه يسعي مدافعا عن نفسه
    وإطلاق التهم المنفرة عليه كرمادي او غيرها
    رغما عن الحديث عن النقد الذاتي , إلا أن مفهوم النقد كأنه يعني الانتقاص او الاساءة ما زال سائدا
    كقناعة لدي
    لا يمكن حل مشكلة السودان إلا بزوال الطغمة الحاكمة وتفكيك مؤسساتها ,, ويجب ان يكون التغيير من الجماهير وبها وليس بديلا عنها ايا كان
                  

06-04-2014, 07:05 AM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    يا ابو سن سلام

    وحياتك نحن بتصدمنا الاجيال الجديده في عنصريتها.

    وكله مبزول بهذا الموقع و كلام عبد الله شم ده كلنا ان عشناهو لكنه لم يعد حقيقه و هو يعلم ذلك.

    يا اخي ايدك مثال يحكي لنا بعض من يسافر اجازة انه شراء قطع الاراضي بقي بالاعراق

    قالوا بعض السماسره لما يشوفوك خاطف لونين يسالك : ( الا الاخو من وين)؟! اه قالوا لو قلت ليه شايقي او جعلي او رباطابي…الخ

    بعدها يرد عليك بارتياح و يوقول لك اصلا ناس المنطقه دي حذروني ما اجيب لهم فروخ بيناتهم!! تخيل!!

    هذا ما يرويه لنا بعض العائدين من الاجازات وهم مصدومين! عن اقربائهم و اهلهم و لكن يرونهم تخلفوا و صاروا اكثر عنصريه.

    اطفالنا حينما يعودون للسودان وبعد ان هم خبروا العنصريه هنا باعتبارهم سود او افارقه يكادوا يموتوا غيظا وهم يرون السودانين يفروقن بين بعضهم البعض بدرجات اللون التي هي كلها بعقولهم تصنهم (سود) في النهايه و (افارقه)!!


    العنصريه راقده يا ود ابو سن
    ان كنت في الواقع بتخاط ناس باختيارك
    بهذه المواقع تخالط كل اشكال البشر لذا تستغرب من مستويات و نوع الطرح فلا تحزن.

    وبرجع لك بمزيد من القصص لو عندي زمن تحيرك و ما حتصدقها!!
                  

06-04-2014, 07:18 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    مرحبا الصادق اسماعيل
    وحبابك
    الوطن ليس حالة ذهنية , بل هو واقع مادي غصبا عن وعينا , وليس لأحد الحق انتزاع انتمائي له ,, فهو ملكي ومن حقي الدفاع عن ما املك , انظر بإعجاب نحو امريكا لحلها مشكلة القوميات التي عجز عنها ستالين بتوفر كامل السلطة الفردية له ,, امريكا حلت مشكلة القوميات بالديمقراطية والنضال المدني ,, فلم يطالب الزنوج والهنود الحمر بمقاطعات عرقية , بل طالبوا بحقهم في وطنهم كله
    السودان ملك لكل مواطن سوداني ,, ومن حقه كامل الوطن
    اقول لا توجد عنصريه داخل الوطن , ورغما عن سخريتك حول السكن والمعايشة فهي حقيقة في كل مدن السودان , لا توجد اماكن معزولة او محرمة وفقا للقبيلة ,, وحول الزواج الامر عام ,, فمعظم القبائل السودانية يحرم بعضها الزواج من خارج القبيلة كتقليد قبلي , دون اعتبار لنوع القبيلة
    لايوجد زي قومي ممنوع ولا لغة ممنوعة ,, الناس احرار فيما يلبسون
    من حق اي واحد منا عق وطنه والتنكر له ,, لكننا سنقف بقوة ضد تكسيره ونحلم بعودة الجنوب
    نجحت الانقاذ وللأسف في مسعاها مع المثقفين في غرس العنصرية وعجزت عنها مع البسطاء
    الدم السوداني واحد وحرمته واحده
    اكيد الودمرحبا الصادق اسماعيل
    وحبابك
    الوطن ليس حالة ذهنية , بل هو واقع مادي غصبا عن وعينا , وليس لأحد الحق انتزاع انتمائي له ,, فهو ملكي ومن حقي الدفاع عن ما املك , انظر بإعجاب نحو امريكا لحلها مشكلة القوميات التي عجز عنها ستالين بتوفر كامل السلطة الفردية له ,, امريكا حلت مشكلة القوميات بالديمقراطية والنضال المدني ,, فلم يطالب الزنوج والهنود الحمر بمقاطعات عرقية , بل طالبوا بحقهم في وطنهم كله
    السودان ملك لكل مواطن سوداني ,, ومن حقه كامل الوطن
    اقول لا توجد عنصريه داخل الوطن , ورغما عن سخريتك حول السكن والمعايشة فهي حقيقة في كل مدن السودان , لا توجد اماكن معزولة او محرمة وفقا للقبيلة ,, وحول الزواج الامر عام ,, فمعظم القبائل السودانية يحرم بعضها الزواج من خارج القبيلة كتقليد قبلي , دون اعتبار لنوع القبيلة
    لايوجد زي قومي ممنوع ولا لغة ممنوعة ,, الناس احرار فيما يلبسون
    من حق اي واحد منا عق وطنه والتنكر له ,, لكننا سنقف بقوة ضد تكسيره ونحلم بعودة الجنوب
    نجحت الانقاذ وللأسف في مسعاها مع المثقفين في غرس العنصرية وعجزت عنها مع البسطاء
    الدم السوداني واحد وحرمته واحده
    اكيد الودمرحبا الصادق اسماعيل
    وحبابك
    الوطن ليس حالة ذهنية , بل هو واقع مادي غصبا عن وعينا , وليس لأحد الحق انتزاع انتمائي له ,, فهو ملكي ومن حقي الدفاع عن ما املك , انظر بإعجاب نحو امريكا لحلها مشكلة القوميات التي عجز عنها ستالين بتوفر كامل السلطة الفردية له ,, امريكا حلت مشكلة القوميات بالديمقراطية والنضال المدني ,, فلم يطالب الزنوج والهنود الحمر بمقاطعات عرقية , بل طالبوا بحقهم في وطنهم كله
    السودان ملك لكل مواطن سوداني ,, ومن حقه كامل الوطن
    اقول لا توجد عنصريه داخل الوطن , ورغما عن سخريتك حول السكن والمعايشة فهي حقيقة في كل مدن السودان , لا توجد اماكن معزولة او محرمة وفقا للقبيلة ,, وحول الزواج الامر عام ,, فمعظم القبائل السودانية يحرم بعضها الزواج من خارج القبيلة كتقليد قبلي , دون اعتبار لنوع القبيلة
    لايوجد زي قومي ممنوع ولا لغة ممنوعة ,, الناس احرار فيما يلبسون
    من حق اي واحد منا عق وطنه والتنكر له ,, لكننا سنقف بقوة ضد تكسيره ونحلم بعودة الجنوب
    نجحت الانقاذ وللأسف في مسعاها مع المثقفين في غرس العنصرية وعجزت عنها مع البسطاء
    الدم السوداني واحد وحرمته واحده
    اكيد الودمرحبا الصادق اسماعيل
    وحبابك
    الوطن ليس حالة ذهنية , بل هو واقع مادي غصبا عن وعينا , وليس لأحد الحق انتزاع انتمائي له ,, فهو ملكي ومن حقي الدفاع عن ما املك , انظر بإعجاب نحو امريكا لحلها مشكلة القوميات التي عجز عنها ستالين بتوفر كامل السلطة الفردية له ,, امريكا حلت مشكلة القوميات بالديمقراطية والنضال المدني ,, فلم يطالب الزنوج والهنود الحمر بمقاطعات عرقية , بل طالبوا بحقهم في وطنهم كله
    السودان ملك لكل مواطن سوداني ,, ومن حقه كامل الوطن
    اقول لا توجد عنصريه داخل الوطن , ورغما عن سخريتك حول السكن والمعايشة فهي حقيقة في كل مدن السودان , لا توجد اماكن معزولة او محرمة وفقا للقبيلة ,, وحول الزواج الامر عام ,, فمعظم القبائل السودانية يحرم بعضها الزواج من خارج القبيلة كتقليد قبلي , دون اعتبار لنوع القبيلة
    لايوجد زي قومي ممنوع ولا لغة ممنوعة ,, الناس احرار فيما يلبسون
    من حق اي واحد منا عق وطنه والتنكر له ,, لكننا سنقف بقوة ضد تكسيره ونحلم بعودة الجنوب
    نجحت الانقاذ وللأسف في مسعاها مع المثقفين في غرس العنصرية وعجزت عنها مع البسطاء
    الدم السوداني واحد وحرمته واحده
    اكيد الودمرحبا الصادق اسماعيل
    وحبابك
    الوطن ليس حالة ذهنية , بل هو واقع مادي غصبا عن وعينا , وليس لأحد الحق انتزاع انتمائي له ,, فهو ملكي ومن حقي الدفاع عن ما املك , انظر بإعجاب نحو امريكا لحلها مشكلة القوميات التي عجز عنها ستالين بتوفر كامل السلطة الفردية له ,, امريكا حلت مشكلة القوميات بالديمقراطية والنضال المدني ,, فلم يطالب الزنوج والهنود الحمر بمقاطعات عرقية , بل طالبوا بحقهم في وطنهم كله
    السودان ملك لكل مواطن سوداني ,, ومن حقه كامل الوطن
    اقول لا توجد عنصريه داخل الوطن , ورغما عن سخريتك حول السكن والمعايشة فهي حقيقة في كل مدن السودان , لا توجد اماكن معزولة او محرمة وفقا للقبيلة ,, وحول الزواج الامر عام ,, فمعظم القبائل السودانية يحرم بعضها الزواج من خارج القبيلة كتقليد قبلي , دون اعتبار لنوع القبيلة
    لايوجد زي قومي ممنوع ولا لغة ممنوعة ,, الناس احرار فيما يلبسون
    من حق اي واحد منا عق وطنه والتنكر له ,, لكننا سنقف بقوة ضد تكسيره ونحلم بعودة الجنوب
    نجحت الانقاذ وللأسف في مسعاها مع المثقفين في غرس العنصرية وعجزت عنها مع البسطاء
    الدم السوداني واحد وحرمته واحده
    اكيد الود
                  

06-04-2014, 07:45 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    مرحبا منصور
    وحبابك
    النفوس مليانه مغايس وغبينه دي حقيقه ,, في عنصرية بدأت في التلاشي , اججتها السلطة ,, وزاد الغبن
    الكتابات مفهومه فهي كتابات غاضبه مليئه بالمرارات
    ولكنمرحبا منصور
    وحبابك
    النفوس مليانه مغايس وغبينه دي حقيقه ,, في عنصرية بدأت في التلاشي , اججتها السلطة ,, وزاد الغبن
    الكتابات مفهومه فهي كتابات غاضبه مليئه بالمرارات
    ولكن
                  

06-04-2014, 08:34 AM

Mohamed Suleiman
<aMohamed Suleiman
تاريخ التسجيل: 11-28-2004
مجموع المشاركات: 20453

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    الأخ عبدالحفيظ أبو سن
    لك التحية و الإحترام
    Quote:

    ف بسأل
    يا ربي الناس دي دايرة تدمر السودان حتي لا يضطروا للعودة له ,, ويجدون مبررا لدي الدول التي هم فيها بالاستقرار
    اعلم
    سذاجة الفكرة ولكنها اكثر فكرة معقولة مرت برأسي
    نحن هنا مرتعبين من سيناريوهات المليشيات ,, وانفراط الامن ,,, ونهب الدولة لقليل مدخراتنا ,,, وتعرضنا اليومي للنهب الحكومي ,,, وسيف القانون الظالم المسلط علي رؤوسنا
    مرتعبين من مستقبل الوطن
    خائفين علي اطفالنا
    وبعض الكتاب يكتبون دون حس او ضمير انساني


    شايف إنت ترتيب أولوياتك لمشاكل "الوطن"؟
    و شايف إنت كيف تغاضيت عن أكبر مشكلة تواجه "الوطن" بتعريفك: القتل الجماعي لمواطنين هم لهم أبسط الحقوق و علي رأسها حق الحياة ... و كيف "الوطن" بتعريفك فقد تلتو و إنت اولوياتك حاجات هبشتك إنت فقط في أنانية فاضحة؟

    إنت لما تكتب كلام عايم .. كلام وعظ ... عن الفساد و المليشيات الدخلت الخرطوم و كأنك فجأة إكتشفت إنو هناك في مليشيات مسلحة فإرتعبت ... حيجوك الفاسدين و الناس الشرعنو إغتصاب مواطنات في بلادك ... و يصفقوا ليك و إنو العايشين برّة كتّاب الأسافير الخونة الدايرين يحطموا "الوطن" ديل هم لا يفرقوا بين الوطن و المعارضة و و و ... غبار تقيل لتغطية سكاكينهم الضبحوا بيها "الوطن" .

    قل لي ... من أنتم لتضعوا أنفسكم أوصياء للآخرين و تعظوهم عن "الوطن" الذي فقط أرتعبتم أخيراً لأن راس السوط لحقكم في خرطوكم و مركزكم؟

    هؤلاء: أبوحسين .. كانتونا 1 ... عاطف عمر ... عبدالله عمر .. عبدالله شم ... منصور المفتاح .. و أنت يا عبدالحفيظ ... ماذا تعريفكم للوطن و للمواطن؟؟

    هناك دول لم تنصلح أحوالها إلّا بعد أن خاضت حروب أهلية طاحنة ... فتم تغيير الوضع المألوف Status quo ....

    ما هو الوطن في تعريفكم .. يا ... سادة؟
                  

06-04-2014, 08:50 AM

Mohamed Suleiman
<aMohamed Suleiman
تاريخ التسجيل: 11-28-2004
مجموع المشاركات: 20453

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: Mohamed Suleiman)

    عبدالحفيظ أبوسن:
    Quote:

    امريكا حلت مشكلة القوميات بالديمقراطية والنضال المدني ,, فلم يطالب الزنوج والهنود الحمر بمقاطعات عرقية , بل طالبوا بحقهم في وطنهم كله


    أهو إنت سقطت من أول إجابة في إمتحان تعريف الوطن و المواطن.
    يا أخي الهنود الحمر ديل (إسمهم الآن السكان الأصليين لأمريكا ... لأن إسم الهنود الحمر إسم إقصائي عنصري أطلقه البيض من فرط جهلهم أنهم وصلوا الهند و ليست أراضي نائية عنهم ... و أكيد إنت ثقافتك أنو كولمبس إكتشف أمريكا .. كيف إنسان يكتشف أرض بها سكان أصلاً قبله)... أها الهنود الحمر ديل بتسميتك لهم ... فقدوا معظم ذويهم في حرب إبادية .... و الزنزج ديل كانوا لا يُعدون أناس .. بل أملاك .. Property .... و حكاية الديموقراطية و النضال المدني ... دي نتائج لحروب أهلية دامية بين البيض أنفسهم .. لإلغاء الرق و بعد مية سنة لإلغاء العنصرية المقننة .... و التمن مات فيه بيض و سود (زنوج بحسب تعريفك) و ملونين و سكان أصليين ... و مات رئيس لأمريكا ....
    الوطن الذي تبكي من أجله اليوم لأن حميدتي دخل الخرطوم فإرتعبت ... ينتظره تضحيات جسام ليصلوا مرتبة أمريكا في الحرية و المساواة و الديموقراطية التي أتت برئيس أسود في البيت الأبيض و كان لا أهله لم يدخلوه غير خدم و بوابين و طباخين لوقت قريب.

    أنت هنا ببوستك هذا تلغي حتي أبسط حقوقي في المناداة بأن إمّا نتساوي جميعاً في وطن واحد ... أو ... ليكون لأي زول "وطن" يشعر فيه بأنه إنسان له كامل الحقوق و الحرية و الكرامة...

    أنتم .. يا تيم " تجريم الآخر الذي ينادي بحقوقه" ... تريدون أن يكون الوطن لكم ... و تريدون الحرية و الديموقراطية و السلام ... لكنكم من فرط أنانيتكم ... لا تريدون دفع إستحقاقات ذلك الوطن .. كما دفع إستحقاقاته الأمريكان ... بيض و سود و سكان أصليين.
                  

06-04-2014, 09:08 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: Mohamed Suleiman)

    مرحبا هاشم احمد
    وعذرا
    قلت البعض من يدعون للعنصرية ,, والعنصرية المضادة
    ان اتفقنا علي سؤ العنصرية
    واتفقنا علي ان بعض الكتابات تدعو للعنصرية
    وإلا
    اعتذر عن هذا البوست
                  

06-04-2014, 09:25 AM

محمد صديق الفكي
<aمحمد صديق الفكي
تاريخ التسجيل: 11-27-2008
مجموع المشاركات: 49

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    Quote: مرحبا هاشم احمد
    وعذرا
    قلت البعض من يدعون للعنصرية ,, والعنصرية المضادة
    ان اتفقنا علي سؤ العنصرية
    واتفقنا علي ان بعض الكتابات تدعو للعنصرية
    وإلا
    اعتذر عن هذا البوست



    العزيز ابوسن

    انت طرحت موضوع جيد للنقاش من حق البعض ان يعترض ويبرر اعتراضه ويقدم مرافعته

    الموضوع برمته قابل للاثبات والضد والحوار المفتوح

    وقد تكون مخرجات هذا الحديث مراجعة لكيفية النضال من خارج او الكتابة هذا اذا وضعنا في الحسبان ان من بالخارج امنون من بطش الحاكم

    وهل يقتضي الأمر عمل منسق ام لابد ان يكون هنالك ميثاق شرف للتعبير على الاسافير

    ضف الى ذلك الى اي مدى يؤثر فعل البورد وكتاباته على الحراك الداخلي او الخارجي

    والحديث دا بقودنا الى حديث تاني ..

    هل الافكار المطروحة والكتابات ذات بعد جماعي ام هي فرديه وهل هنالك فكر جمعي لقيادة عمل منظم على الاسافير ام كلها اجتهادات فردية

    النقاش الذي يدار حول ما يكتب بين من هم بالخارج والداخل والمواضيع المطروحه ورد فعل كل منهم

    فعلا الموضوع كبير وكبير جدا

    لاتعتذر واصل في الكتابة والاخرون حتى نصل الى نهايات مرضية لما طرح


    تحياتي ..
                  

06-04-2014, 09:28 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    مرحبا تراجي
    حبابك يا خية
    صار يحكمنا التجار يا خية ,, تجارة في كلو
    السماسرة تجار جشعين يستغلون كل فرصة لكسب ود الزبون ,, يعرضو ليك المكان حسب قبيلتك ,, الناس هناك كلها اهلك
    لا انكر حالات العنصرية وايضا لا انكر حالات ضد العنصرية
    فالتحية ل مريم المرأة التي وقفت وحدها متحدية اسرتها وكل آلة الدولة العنصرية ,, ومتحدية سيف الموت المسلط فوق رأسها
    وبحالات اقل حدة يوجد غيرها ,, من تزوجت ضد رغبات اهلها ,, ومن تزوج ضد رغبات اهله
    العنصرية موجودة كحالات كما ذكر محسن خالد اعلاه وبالتجربة المباشرة
    وجودها لا يعني القبول بها
    كامل الود
                  

06-04-2014, 12:09 PM

هاشم احمد ادم
<aهاشم احمد ادم
تاريخ التسجيل: 02-28-2014
مجموع المشاركات: 260

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    تحية عبد الحفيظ
    نعم اتفق معك عن موضوع العنصرية، لكن هذا عرض من الاعراض ،
    وان (الوطن ) الان يمر بمرحلة ( اثبات مشروعية الفكرة الوطن ) .
    والتى لم تكن ولن تكون ابدا جزء من (المشروع ) .
    وخليتك بعافية ومشكور لتفهمك لتعليقى

    وبين ناس جوة والشتات ارمو الملامه على .

    البرلمان يهاجم الإعلام ويتهمه بالتسبب في أزمات البلاد
                  

06-04-2014, 09:31 AM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 22434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: Mohamed Suleiman)

    Quote: و حكاية الديموقراطية و النضال المدني ... دي نتائج لحروب أهلية دامية بين البيض أنفسهم .. لإلغاء الرق و بعد مية سنة لإلغاء العنصرية المقننة .... و التمن مات فيه بيض و سود (زنوج بحسب تعريفك) و ملونين و سكان أصليين ... و مات رئيس لأمريكا .....


    الزويل دا شايف انه السودانيين لسع ما دفعوا التضحيات والموت المستحق والا شنو؟
    لسع اوان انهم يفكروا في الديمقراطية والمساواة ما جاء لانهم ما وصلوا حد التشبع من الموت والدمار البيؤهلهم للتنعم بوطن والا شنو؟
    ويتفلسف عن الاوطان ..عنصري عاوز وطن يمارس فيهو اقصاءه وعنصريتو ضد الاخر..

    Quote: الوطن الذي تبكي من أجله اليوم لأن حميدتي دخل الخرطوم فإرتعبت ... ينتظره تضحيات جسام ليصلوا مرتبة أمريكا في الحرية و المساواة و الديموقراطية التي أتت برئيس أسود في البيت الأبيض و كان لا أهله لم يدخلوه غير خدم و بوابين و طباخين لوقت قريب


    تاجر الحروب والمآسي الكوز العنصري .. يهدد الوطن حيناً بالانفصال وحيناً بحمامات الدماء .. شئ متوقع ممن هو في موقفه مجرد تاجر سياسة دارفوري ..



    Quote: . لا تريدون دفع إستحقاقات ذلك الوطن .. كما دفع إستحقاقاته الأمريكان ... بيض و سود و سكان أصليين.


    ولسع ما شبعو تجارة دم .. الـtarget بتاع المبيعات شكلو ما اتحقق .. :)
    المفروض الاستحقاق كم يا فلسفة عشان حمدتي وبقية قطاع الطرق وحركات النهب السياسي المسلح يسرعوا في عملهم يخلوا الوطن يخلص حقه واهله يستقروا يزرعوا ويرعوا بسلام ...
                  

06-04-2014, 09:33 AM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 22434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: HAIDER ALZAIN)

    التحايا والتقدير لصاحب البوست الاخ عبد الحفيظ ابو سن ..
                  

06-04-2014, 10:23 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: HAIDER ALZAIN)

    مرحبا محمد سليمان
    وحبابك
    لا انكر انني خائف علي اسرتي وامنها ,, ولا يعني هذا منطق جحا ! وبالضرورة والآخرين ,, ولا يعني هذا انني لم اتحدث عن مجازر بالدم غربا وشرقا وشمالا وقبلها جنوبا , ولا يعني هذا انني لم اكتب عن التصفيات العرقية ولم ادنها ,, لا اقول ماذا كتبت سابقا ,,, ولكن فلنتفرض جدلا ان الصراع الحادث جعلني اتخذ موقفا ضد العنصرية ومن خلال مخاوف شخصية فما الضير في ذلك , يتخذ الناس مواقفهم من الحياة بالتجربة الشخصية او السعة المعرفية الانسانية
    لم اشر لحميدتي او غيره تحدثت عن الكتابات العنصرية بالاسافير وتشمل غير هنا ايضا
    التجربة الانسانية مبذولة للجميع للتعلم والاقتداء ,, فالحرب الاهلية الامريكية بين الشمال والجنوب التي قامت لأسباب اقتصادية بخصوص اعلان تحرير العبيد وتجربة رواندا والعدالة الانتقالية بجنوب افريقيا كلها تجارب تطوي عجلة التاريخ دون قفز مراحل ,, فليس حتمية ان يكون النعل حذو النعل
    الوطن عندي ما احيا فيه الآن رغم المعاناة , ولن اتركه ,, سأقاتل فيه ومن اجله ,,
    كامل الود
                  

06-04-2014, 11:14 AM

اسماعيل عبد الله محمد
<aاسماعيل عبد الله محمد
تاريخ التسجيل: 08-26-2007
مجموع المشاركات: 2820

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    تحياتي وسلامي يا ود أب سن

    Quote: أنتم .. يا تيم " تجريم الآخر الذي ينادي بحقوقه" ... تريدون أن يكون الوطن لكم ... و تريدون الحرية و الديموقراطية و السلام ... لكنكم من فرط أنانيتكم ... لا تريدون دفع إستحقاقات ذلك الوطن .. كما دفع إستحقاقاته الأمريكان ... بيض و سود و سكان أصليين.

    شكرا يا باشمهندس على هذه الديباجة المعبرة.

    لا حل لمسألة العنصرية الا بمزيد من دق القصدير.

    وجهة نظر

    وزي ما بقول المثل : اللعوج راي و العديل راي
                  

06-04-2014, 11:28 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    مرحبا محمد سليمان
    وحبابك
    لا ياخ !
    هذه ليس كتابة نصح او موعظة
    بل
    ملاحظة و رأي
    فالوعظ إستعلاء سلوكي واخلاقي
                  

06-04-2014, 12:15 PM

د.محمد حسن
<aد.محمد حسن
تاريخ التسجيل: 09-06-2006
مجموع المشاركات: 15194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    اخونا ودنا اب سن

    نعرف رايك ده قلتو قبل 10 سنوات في مركز عبك الكريم ميرغني حيث ساقتني الصدفة لاحضر تدشين كتاب وكان موجود احد المتاب النقاد عليه رحمة وتكلم عن المسالة الدارفورية
    فطرحت نفس وجهة نظرك عن فسيفساء الحالة الامريكية وعن كيف انها تجاوزت النعرات بالعمل والديمقراطية واعمال الفكر بدلا من اذكاء المشاعر بل ان المشاعر تم تزيينها بالفن الراقي ابتداءا من والت ديزني وانتهاء بهاري بوتلر
    واقرب مثال افريقي ناضح بانهاء العنصرية جنوب افريقيا
    مرة مشيت مزرعة البان الصافي لقيت خواجة عيونو خضر سلمت عليه وسالتو اها يا الخواجة من وين في الاهل
    قال لي من جنوب افريقيا
    قلت ليه اصلك قعرك
    قال لي جنوب افريقيا
    احترمته
    نحن لسة في البحث عن معايب بعضنا
                  

06-04-2014, 01:05 PM

عبد الله شم
<aعبد الله شم
تاريخ التسجيل: 05-03-2013
مجموع المشاركات: 2212

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: د.محمد حسن)

    Quote: كلما تقدم شخص لفتاة يكون السؤال عن أنه (ود ناس منو) فمن كانت له قبيلة تزوج (ومن كان به عِرِق) طُرِدَ لتطاوله على الأسياد ففي السودان (القبليون للقبليات) ولا عزاء للانسانية.

    هو بالله دي القضية يعني ؟؟؟؟؟؟
    الواحد من بت عمو شقيقو وبنفس الوقت بت خالتو بطردوهو
    دا برضو فيهو عرق يعني ؟؟
    مثل هذا حق اصيل لا علاقة له بعنصرية ولا هم يهرولون
                  

06-04-2014, 01:48 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبد الله شم)

    مرحبا محمد صديق
    وحبابك
    كتر خيرك
    ايوه ده الهدف
    نتفق نحن دايرين شنو ?
    مطالب شخصية ولا وطن
    الوطن يحتاج لإزالة كامل السيستم الحاكم وعقليته دون النظر للاسماء
    نحتاج ان نؤسس لقيم انسانية تتوافق وتطور الانسان وحاجياته
                  

06-04-2014, 02:37 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    مرحبا حيدر الزين
    وحبابك
    ياخ دفعنا نصف الوطن
    وآلاف الرجال والنساء والاطفال
    اكيد المودة
                  

06-04-2014, 03:32 PM

اسماعيل عبد الله محمد
<aاسماعيل عبد الله محمد
تاريخ التسجيل: 08-26-2007
مجموع المشاركات: 2820

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    ما عرفتو انو السودان في خطر الا بعد ما الموت قرّب من مقرن النيلين.

    لابد ان يتوزع الموت المجاني في كل انحاء السودان . شرقاً وغرباً, شمالاً وجنوباً جديداً ,ووسطاً.

    ما في زول بكون قاعد في الضل البارد و التاني بموت. على قول شيخ حميدتي.
                  

06-04-2014, 03:49 PM

اسماعيل عبد الله محمد
<aاسماعيل عبد الله محمد
تاريخ التسجيل: 08-26-2007
مجموع المشاركات: 2820

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: اسماعيل عبد الله محمد)

    الكتابة في الاسافير مضيعة للوقت يا ود اب سن

    امشي لي اهلك الشكرية كوّن ليك مليشيا احسن ليك.

    لو قعدت لي للمنظرين ديل بجي يوم بتلقى نفسك في السهلة.

    شئنا ام ابينا نحن نشهد زمان سطوة القبيلة في سودان اليوم.

    من كانت له عصبة مدججة بالسلاح فذلك هو الذي يكون له نصيب من المحاصصة الدستورية.

    هذا هو الواقع.

    واهلنا ضربو مثل حكيم جداً : البي رجاله في الحله في الخلا ما في زول بقدر بسأله.

    و هاك مثل اخر : العندو ضهر ما بنضرب في بطنه.

    لو قعدت تمسك لي في انا ود بانت وانا ود العباسية و انا ود الديم .عيييييييييييييييييييييييك ليك العوض وعليك العوض.
                  

06-04-2014, 04:41 PM

الصادق اسماعيل
<aالصادق اسماعيل
تاريخ التسجيل: 01-14-2005
مجموع المشاركات: 8620

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: اسماعيل عبد الله محمد)

    Quote: الوطن ليس حالة ذهنية , بل هو واقع مادي غصبا عن وعينا , وليس لأحد الحق انتزاع انتمائي له ,, فهو ملكي ومن حقي الدفاع عن ما املك , انظر بإعجاب نحو امريكا لحلها مشكلة القوميات التي عجز عنها ستالين بتوفر كامل السلطة الفردية له ,, امريكا حلت مشكلة القوميات بالديمقراطية والنضال المدني ,, فلم يطالب الزنوج والهنود الحمر بمقاطعات عرقية , بل طالبوا بحقهم في وطنهم كله
    السودان ملك لكل مواطن سوداني ,, ومن حقه كامل الوطن
    اقول لا توجد عنصريه داخل الوطن , ورغما عن سخريتك حول السكن والمعايشة فهي حقيقة في كل مدن السودان , لا توجد اماكن معزولة او محرمة وفقا للقبيلة ,, وحول الزواج الامر عام ,, فمعظم القبائل السودانية يحرم بعضها الزواج من خارج القبيلة كتقليد قبلي , دون اعتبار لنوع القبيلة
    لايوجد زي قومي ممنوع ولا لغة ممنوعة ,, الناس احرار فيما يلبسون
    من حق اي واحد منا عق وطنه والتنكر له ,, لكننا سنقف بقوة ضد تكسيره ونحلم بعودة الجنوب
    نجحت الانقاذ وللأسف في مسعاها مع المثقفين في غرس العنصرية وعجزت عنها مع البسطاء
    الدم السوداني واحد وحرمته واحده
    اكيد الود


    عبد الحفيظ
    حبابك

    طبعاً من السهل انكار أن هناك عنصرية داخل الوطن، لسبب بسيط أنك تجهل ما يدور داخل الوطن:

    سأعطيك مثال واحد وأسأل منه أي واحد (عسكري أو ضابط) بتعرفه من أهلك؟



    قول ليه كنتوا بتعملوا شنو في الأسرى البتقبضوهم في حرب الجنوب، ووديتوهم وين؟

    الإجابة دي حتوريك وش من العنصرية إنت ما بتعرفه ولا سمعت بيه

    Quote: لايوجد زي قومي ممنوع ولا لغة ممنوعة ,, الناس احرار فيما يلبسون


    برضه بنقول ليك المشكلة مش إنه في زي ممنوع أو لغة ممنوعة

    المشكلة يا عبد الحفيظ أخوي إنه في زي مفروض ولغة مفروضة ودي المشكلة.

    لمن نقدم الجلابية والعمة ونقول دا الزي القومي (لاحظ معاي كلمة القومي دي) معناها الزي الأنا بلبسوا كشلكاوي دا ما زي قومي، طيب الجلابية والعمة دي ومعاها اللغة الخلاهم شنو يبقوا الزي القومي وحقاتي ما يبقوا؟

    عشان كده إنت بسهولة جداً ممكن تحلم وتظل تحلم بالجنوب، لسبب بسيط أن هذا الوطن هو عبارة (عن حلم) لكن الواقع يا هوندا قدامك (نص وطنك الحلم دا بقي مافي) عشان كدا عبارتك الفوق دي دايرة تعديل

    الحالة الذهنية هي ما تحلم به، والواقع بيقول إنه نص الوطن حارب النص التاني من سنة 55 وانتهى بإنه انفصل (يعني ما قدروا يعيشوا مع بعض).

    مسألة الزوج يا عبد الحفيظ أخوي ما بالسهولة دي، أنا اتكلمت عن المعاييير، وجبت ليك قصة قريب محسن الفوق دي، لأنه الزواج لمن يكون عنصري وقايم على العنصرية بيوريك التفكير كيف، المسألة خاصة بالإختلاط والتمازج والحرية الفردية، أها دا الواقع. والمعايشة دي أنا أكتر زول شفتها وبرضه شفت (العنصرية الفيها).

    أنا عشت في مصنع سكر سنار (لحم رأس بالدرب العديل) وبرضه ما خِلت من عنصرية.

    السودانيين عايشين في (حاة إنكار) للعنصرية المستوطنة، والمصيبة الكبيرة حالة الوهم الكبير (السودان دا مدور حرب) حرب بالدرب العديل، حرب أهلية ليها قريب الخمسين سنة، يعنى خمسين سنة من عمر السودان بعد الإستقلال في حرب بين مكوناته، تفتكر يا عبد الحفيظ أخوي الناس دي (غاوية حروب)؟

    لكن ارجع وأقول ليك إنه الحرب المدورة دي ما في زول حاسي بيها لسبب بسيط (أي زول حاضن وطنه الحلم) وبيفتكر الأمور ماشة.

    أطفال ونساء وشيوخ وأرامل ووووووووو معسكرات وغيره، حكومة بتجيب قبيلة عشان تحمي الخرطوم، أنا ما مشكلتي في القبيلة، أنا مشكلتي في الماشايفين غير كتابة الأسافير.


    نيوتن رضي الله عنه هو القال انه الفعل عنده رد فعل، يا خي اعتبرها رد فعل:


    خليك من دا كله النقول ليك القصة دي:

    زول استاذ بتاع ابتدائي في جبال النوبة، لأنه قال إنه ناس الإستخبارات كتلوا ود خالتو يجوا ناس الإستخبارات يسوقوهوا من قدام أخوه، ويسوقوا أخوه معاه، ويمشوا يضبحوا (أي الضبح الواحد دا) أخوه قدام عيونه ويقول ليه دا مصير (العبيد كلهم)، الضابح للأسف لابس (لبس الجيش القومي).

    الأخو الشاف اخوه بيضبحوا فيه قداموا دا، دايروا يدافع عن ياتو وطن.

    الوطن الواقعي البيضبح أخوه، ولا الوطن الحلم الفي ذهنك وذهن الكتيرين هنا.

    وأنا شفت شوف عين وما حكوا لي لمن كنت بحارب النظام من ارتريا، وعارف كيف كانوا بعاملوا الأسرى من الهامش وكيف بيقتلوهم قدام عيونا لمن يقبضوهم


    فيا عبد الحفيظ أخوي

    الدفاع الوحيد الأنا بقيت أعرفوا هو الإعتراف بالعنصرية والإقصائية البتقوم بيها الدولة السودانية الحديثة ضد مواطنيها.

    والوطن دا ببقى وطن لمن السودتنيين ديل يفتحوا حملة تبرع شاملة وكاملة عشان الناس الفي المعسكرات دي تاكل وتشرب وتتعلم، لمن نشوف المظاهرات مالية البلد عشان في مستشفى في جبال النوبة ضربته الطيارات، ولمن نشوف مظاهرات ضد تجنيد القبائل وتهميش الجيش، ولمن إنت وأنا وغيرنا نعمل حاجة للمتأثرين بالحرب ونعمل عمل أقوى عشان المساعدات الإنسانية تصل للناس الإتضرروا من الحرب (بصرف النظر نحنا مع الحكوكة ولا ضدها) لأنه النازح دا ما عنده ذنب غير إنه اتواجد في المنطقة بتاعة الحرب.
                  

06-04-2014, 05:46 PM

عادل البراري
<aعادل البراري
تاريخ التسجيل: 01-07-2013
مجموع المشاركات: 4051

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: الصادق اسماعيل)
                  

06-04-2014, 04:46 PM

محمد عبد الله حرسم
<aمحمد عبد الله حرسم
تاريخ التسجيل: 01-25-2013
مجموع المشاركات: 4492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: اسماعيل عبد الله محمد)

    صديقى الاجمل هنا
    ود اب سن
    كما دوما تأتى من شقوق الخوازيق كما دوما نزاعاتنا واشكالات تناولنا
    وكما دوما اقول
    كل واحد مركب مايكروفناته ولابس نظاراته
    ولا احد يسمع احد
    انما كل واحد يصرخ فى وجه الآخر
    كل صراخ تحس وراءه صوت مغبون منتقم
    كل جرح يتحول بقدرة قادر من جرح فردى الى صوت جرح للزطن
    احس كلمتك
    واحس سؤالك
    واعرف المغزى
    والبحث عن منطقة نستطيع من خلالها ان نقف ليس بحياد كما يعتقد البعض انما بوعى وايجابية نحو انقاذ الوطن/البلد
    ان ما يدور حولنا مخيف
    لان اعادة انتاج الدول واعادة انتاج الجغرافيا هى هرولة نحو الانتهاء
    والجغارفيا هنا تصنع القيم لا القيم والعقائد
    من هنا
    سؤالكيظهر عورات صراخ كثير مشحون فردى مدهون بكذبة الجماعية
    وخلط كثير واضح بين الخاص والعام
    ومحاولة قنص اى شىء لرسم اى شىء يبرر الهدم


    شكرا اب سن
    لهذه المخاطرة الفخمة
    وتأكد بان البحث عن مثل هذه المناطق لا اقول لك مستحيلة ولكن
    بنتفاء الغرض واعتقاد المحدودية على انها الاكمل
    وتداخل الوطن والحيكومة والدين والعلم والاعتقاد والوعى واختلاط المصطلحات
    واعود
    ان الصراخ وحالة الهلع والطرش التى تصيب البعض من اصوات المايكروفونات والنظارات هى حالة طبيعية لمن لا يريد الا ان يسمع نفسه فقط
    ولكن
    يوم نجلس لنسمع بعصنا حتى فى مجرد الونسة فاننا نكون قد فتحنا بابا الى الصعود الى الضؤ


    ويوم نوقع على عقد يجعل (لزوم الجابرة) ممكنا والتحديق فى قلوبنا لا فى صورنا
    لا فى اعتقادات خاطئة نمتها اصوات المايكروفونات
    يوم نجد الوسيلة لللاعتقاد باننا يجب ان

    يومها ستجد الاسافير كلها تغنى بحب الوطن
    وتبحث عن الاخ
    فى صورة
    فى اى لون
    فى غناء
                  

06-04-2014, 04:46 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: اسماعيل عبد الله محمد)

    مرحبا محمد صديق
    وحبابك
    نعم القول قولك
    لا احد فينا يحمل سلاحا سوي الكلمة ,, والكلمة تخاطب العقل والوجدان ,, والعقول هي من تبني عالم اليوم لا السلاح ,, حتي الاسلحة صارت ذكية
    و
    لك الود
                  

06-04-2014, 05:54 PM

عادل البراري
<aعادل البراري
تاريخ التسجيل: 01-07-2013
مجموع المشاركات: 4051

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)


    نتمسك بهذا بلا تراجع هو قيمة ما نصبه أليه

    تحياتي أبو سن
    ( الصورة تحتاج لضوء لتنتقل لواقع الورق لتوضح كل معالمها )
    كل من يريد أن يعبر فله الحق في ذلك مثل ما لنا الحق في دحض ما يطرحه فخيراً لنا أن يأتي بطرحه فالأشياء لا تكتمل إلا حين تبلغ نصابها عندها نناظرها بوضوح تام ليس فيه رجعة
    لهم ما يريدون في اختيار انتماءاتهم الفكرية وأن يتخذوا في هذه المساحة الشاسعة أي موقف لا يضر ذلك قليلاً من الأبيض مع بعض الأسود لا يضرنا بل يجعل ما يحيط بمنكبيهم أن يسقط أرضاً بكل سهولة دون عناء يذكر

    الخيارات السياسية واضحة وكذلك الشعب بدرك من معه

    (عدل بواسطة عادل البراري on 06-05-2014, 08:46 AM)

                  

06-04-2014, 06:53 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 07-02-2008
مجموع المشاركات: 8199

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عادل البراري)

    Quote: اعلم
    سذاجة الفكرة ولكنها اكثر فكرة معقولة مرت برأسي

    ابداً ياود ابوسن ـ حاشاك السذاجة ـ كلامك ده ياهو عين العقل.
    دي زي ماقال اخونا محمد عبدالماجد الصايم (انجض نجيضة في المنبر ده)
    لإنو الزول بلا وطن لايجد للحياة طعماً.
    وزي ما قال ليك الكلس ابوحسين :
    البقول زي كلامك ده كل عِبَر الدنيا يرموه بيها.
    الناس اللي بتقصدم ديل ياخوي لو السودان ده اصبح
    جنة عدن هم يدخلوا نار الإغتراب لأن بعض الأوروبيين والأمريكان
    فَهَّموهم انهم مظلومين اكتر من الظلم العارفِنُّو هم وصدقوهم.
    ديل ياخوي ماجايبين خبر لي كلام المتنبي:
    ومن يجعل الضِّرغام للصيد بازِهِ
    تَصَيَّده الضرغام فيما تَصَيَّدا
                  

06-05-2014, 06:00 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالعزيز الفاضلابى)

    مرحبا دكتور محمد حسن
    وحبابك
    شاكرا لك
    التجربة الامريكية تجربة نموذجية في تقديري , حرب أهلية طاحنة وولايات متحدة , ثم منظمات مجتمع مدني بدأت بمواقف شخصية وتنامت
    واعتقد ان عيبنا كل واحد منا عينه علي باب الخروج , الخروج من الوطن او الانفصال من الوطن ,, ساهمت السلطة منذ الاستقلال في ترسيخ مفهوم الملكية لا المواطنة ,, فكانت من الشعارات الحزبية لحزب الأمة
    البلد بلدنا ونحن اسيادها
    حتي تبلورت حديثا في مخاطبة لوالي الخرطوم قبل سنوات , حين ضج الناس بالشكوي
    الخرطوم دي الما عاجبو يمرق منها
    دون ان يمر بذهنه ان الخرطوم ليست بيتا يملكه مؤجرا للناس
    فلا السلطة الحالية ولا السابقات تمتلك فهما حول حق المواطنة , فالمواطن عندهم اجيرا ,, اجير سخرة
    اري بصيص امل يشلع ثم يطفأ حول التضامن المدني ,, ويحتاج لعمل جاد ليصبح ثقافة وارث ,
                  

06-05-2014, 06:42 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    مرحبا اسماعيل
    وحبابك
    احكي ليك
    حكي لي صديق شقيقي احمد وهو مهندس خريج الخرطوم منتصف السبعينات ,, قال لي ضاحكا
    ود عمي مختلف مع ابوهو ,, ومشي هو وعم آخر ليهو ,, للأصلاح
    عمو قال للراجل
    ياخ ده ابوك ومفروض تحترمو وووو
    رد ليهو
    ابوي ده كــــــــــلب
    فقال له عمه
    لو عربي زاتو ابوك خلي لو كــــــــــلب
    وخد في بالك النكات عن اهل العوض
    وعن الشوايقة والجعليين ووو
    فالمسألة ليست بتلك الحدة
                  

06-05-2014, 07:58 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    فوق
                  

06-05-2014, 08:46 AM

Mohamed E. Seliaman
<aMohamed E. Seliaman
تاريخ التسجيل: 08-15-2005
مجموع المشاركات: 17863

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    السلام عليكم ورحمة الله
    موضوع مميز وطرح شجاع وردود موضوعية
    رغم شطحات المخالفين ومغالاتهم !
    ----------------------------------

    (((ود عمي مختلف مع ابوهو ,, ومشي هو وعم آخر ليهو ,, للأصلاح
    عمو قال للراجل
    ياخ ده ابوك ومفروض تحترمو وووو
    رد ليهو
    ابوي ده كــــــــــلب
    فقال له عمه
    لو (((عربي))) زاتو ابوك خلي لو كــــــــــلب )))))
    ---------------------
    وقعت في المحظور يا ابن أبي سن !
                  

06-05-2014, 09:07 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: Mohamed E. Seliaman)

    واعتذر عنها يا محمد سليمان
    رغما انني حكيتها كطرفة حقيقية
    وما ضرنا سوي تداولنا النكات العنصرية
    حقيقي آسف جدا
    ولا يعني تأسفي ان اعف من العقاب
    شكرا للتنبيه
                  

06-05-2014, 09:22 AM

Mohamed E. Seliaman
<aMohamed E. Seliaman
تاريخ التسجيل: 08-15-2005
مجموع المشاركات: 17863

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    يا أخي أمازحك فقط !
    فالعنصرية ضد العرب ليست عنصرية (:
    ولو عاوز شواهد قل عووك (:
                  

06-05-2014, 10:27 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: Mohamed E. Seliaman)

    مرحبا عادل
    وحبابك
    وينك ياخ
    قال الصادق الرضي
    اختر مكانك
    واحترق حيث انتهيت
    ف شنو
    لا طريق سوي الوضوح في طرح الآراء وتحمل تبعاتها ,, تلك الآراء التي تحرق يد حامليها
    قال القدال
    النعمة بتعرف عاطيها
    والجمرة بتحرق واطيها
    وبالكيلة عطانا وما لقينا
                  

06-05-2014, 10:42 AM

عبد الله شم
<aعبد الله شم
تاريخ التسجيل: 05-03-2013
مجموع المشاركات: 2212

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    Quote: فالعنصرية ضد العرب ليست عنصرية (:
    ولو عاوز شواهد قل عووك (:

    كلام مظبوط وحقيقي
    العرب في السودان اكثر الناس تعرضاً للعنصرية ولكن لا تعتبر عنصرية هذه عصية الفهم اعتقد
    دا زول عربي ساهي ما فاهم اي حاجة
    اليك امثله
    اهل العوض
    عرب الجزيرة
    عرب متخلفيين
    عرب الخلا
    عرب الضهاري
    النكات التي تستفز العربي
    الاغاني حتى
    ( يا صندل الشقيقة الناس دي عرب ما بتعرف الحقيقة )
    ووووووو
                  

06-05-2014, 12:01 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبد الله شم)

    اووووووو يا صاحب
    وينك حرسم
    طولت ما طليت علينا
    تعرف
    لا انكر ان الموضوع شائك وخطير , ولكن معشرق لي ,, واقف لي في العزيزة ,, وهو تربة خصبة للاتهام
    لكن النتفن في الجابرة دي ونجر الحساب ,,, ونجرد
    25‏ سنة حسوما ولم نغادر مجلسنا ,, قاعدين نتهم في بعض , ونساكك في بعض ونلجأ لقدراتنا الحوارية لننتصر لحظيا ,, تلك النشوي الزائفة
    احمد للماركسية تعبير الانتهازية اليسارية وتعريفها
    دون ابتذال وحسب فهمي
    الانتهازي اليساري هو ما يعجز عن أداء واجب ملح الآن ,, فيهرب لتنفيذ واجب يتخطي المرحلة التاريخية ,, فيعجز عنه ويتحجج بتقاعس الآخرين وانه ناضل ,,, وهو ايضا مرض اليسار الطفولي
    ف شنو
    خلونا ننجض كترة بين دي والهرووب الواقعين فيهو طوالي ,, اول خطوة كما قلت ال نصيخ السمع ل بعضنا ,, نشغل اضنينا ديل ونريح خشمنا شوية ,, مرات بنكون متفقين دون ان ندري
    مافي خلاف في عنصرية ,, وعنصرية مضادة ,, والعنصرية مرض اجتماعي فلنناقش كيفية إستئصال شافته ,,
    كامل الود
                  

06-05-2014, 12:03 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبد الله شم)

    اووووووو يا صاحب
    وينك حرسم
    طولت ما طليت علينا
    تعرف
    لا انكر ان الموضوع شائك وخطير , ولكن معشرق لي ,, واقف لي في العزيزة ,, وهو تربة خصبة للاتهام
    لكن النتفن في الجابرة دي ونجر الحساب ,,, ونجرد
    25‏ سنة حسوما ولم نغادر مجلسنا ,, قاعدين نتهم في بعض , ونساكك في بعض ونلجأ لقدراتنا الحوارية لننتصر لحظيا ,, تلك النشوي الزائفة
    احمد للماركسية تعبير الانتهازية اليسارية وتعريفها
    دون ابتذال وحسب فهمي
    الانتهازي اليساري هو ما يعجز عن أداء واجب ملح الآن ,, فيهرب لتنفيذ واجب يتخطي المرحلة التاريخية ,, فيعجز عنه ويتحجج بتقاعس الآخرين وانه ناضل ,,, وهو ايضا مرض اليسار الطفولي
    ف شنو
    خلونا ننجض كترة بين دي والهرووب الواقعين فيهو طوالي ,, اول خطوة كما قلت ال نصيخ السمع ل بعضنا ,, نشغل اضنينا ديل ونريح خشمنا شوية ,, مرات بنكون متفقين دون ان ندري
    مافي خلاف في عنصرية ,, وعنصرية مضادة ,, والعنصرية مرض اجتماعي فلنناقش كيفية إستئصال شافته ,,
    كامل الود
                  

06-05-2014, 01:20 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    بدلا من تمني ان يسود القتل كل ,, وماهي إلا محض اماني
    اتمني ان يسود الامن والاستقرار كل دار
                  

06-05-2014, 04:55 PM

الصادق اسماعيل
<aالصادق اسماعيل
تاريخ التسجيل: 01-14-2005
مجموع المشاركات: 8620

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    Quote: بدلا من تمني ان يسود القتل كل ,, وماهي إلا محض اماني
    اتمني ان يسود الامن والاستقرار كل دار


    عبد الحفيظ

    حبابك

    الأماني نفسها يمكن أن تصبح واقعاً، ودونك الهند التى بدأت استقلالها بالإنفصال، ولكنها حافظت على ما تبقى من وطن فيه دلشمية لغة وخرطمية دين وطرشمية إله، وهي تجربة جديرة بالدراسة، الآباء المؤسسين أخذوا الإسم (المؤتمر) من الهند، ولم يأخذوا الأفكار، وكانوا في قرارة أنفسهم عنصريين (مثال المحجوب وموقفه من أولاد عشري)، وآثار (مذكرة كرام المواطنين)، وإنعكاس تلك الأفكار على كافة المؤسسات والتشريعات.

    بالطبع العنصرية مرفوضة بنوعيها (الفعل ورد الفعل)، ولكن الغير مقبول هو (حالة الإنكار)، يعنى أمريكا حقتنا الهسع دي قضت على العنصرية (قانونياً)، ولكنها لم تستطع القضاء عليها في النفوس، رغم مرور كل تلك السنوات منذ (تحرير العبيد)، وهندنا الضربنا بيها مثال ما زالت الكتير من الأحداث الطائيفية تندلع فيها، ولكن في المثالين (أمريكا والهند) نجد أن المواجهة مع العنصرية تتم يومياً، والأهم أن الدولة كدولة لا تمارس العنصرية.

    في السودان نحتاج لدولة (غير عنصرية) على المستوي (القانوني) والدستوري، يعني مؤسسات الدولة يجب أن تكون صارمة تجاه العنصرية، وتعمل تلك المؤسسات من خلال قوانينها وتشريعاتها على تحقيق المساواة بين مكونات الوطن المختلفة، بعد ذلك (ما في النفوس في النفوس) يعني (الغرباوي لو افتكر نفسه أحسن زول ما في مشكلة)، لكن لو طالب بإنه مفروض يكون رئيس السودان (غرباوي بنص الدستور) هنا القانون مفروض يوقفه عند حده، لأنه تعديل الدستور دا يجب ألا يكون في الأساسيسيات (وهي غدم التفرقة بين المواطنين بأي سبب من الأسباب).

    وعندك المناهج التى يتم تدريسها في المدارس، يعني ما ممكن الطالب السوداني يكون (عارف سبب شكلة عمرو بن هند وعمرو بن كلثوم) وما يكون عارف إنو في سودانيين (إسمهم الأجانق)، وما يدرس التاريخ بتاع (السلطان بحر الدين ونضالاته) وما يعرف عن عادات (القمز) ودي مكونات سودانية.

    الإعلام يجب أن يعكس كل هذه الثقافات وتتاح الفرصة لها (يعني ما ممكن كل الغناء البيجيبوهو في التلفزيون يكون غناء الحقيبة وامدرمان والغناء الحديث وشوية طنبور) السودان دا فيهو ملايين الأغاني وبكل لغات السودان (الدولة مفروض تعمل ليهم إذاعات وتلفزيونات بلغاتم وتعكس في التلفزيون الرسمي هذه اللغات) طبعاً مككن تكون في لغة (بتاعة حكومة) لكن ما اللغة الرسمية.

    يعني أديك مثال المكاتبات الحكومية ممكن تكون باللغة العربية، لكن الحكومة ملزمة إنها توفر لي مترجم محترف يترجم لي لي (لغتي السودانية) لو أنا ما بتكلم عربي (في أمريكا من حق أي زول يتكلم بلغته وعلى الحكومة أنها تجيب المترجم باللغة المطلوبة) يعنى هسع عندنا في أمريكا مترجمين للغات سودانية شغالين مع الحكومة عشان يترجموا (من البداويت للانجليزي) يعنى في كم زول بيتكلم بداويت في أمريكا. لكن ما دام البداويتي دا بقى مواطن أمريكي فمن حقه على الحكومة أن توفر له شخص يترجم له.

    عبد الحفيظ

    ليس لدي أدني شك في أنك تريد وطناً معافي يساوي بين مواطنيه، ولكن مرحلة الأماني هذه لن تؤدي بنا إلا لمزيد من سفك الدماء، نحتاج حقاً لمزيد من العمل الجاد تجاه (كشف اللمارسات العنصرية والإستعلائية والظالمة) للدولة السودانية، والعمل على كشف كل أنواع التمييز المؤسسي ضد مكونات السودان المُمَارس ضد شعوب السودان المختلفة من قِبَل الدولة السودانية وريثة الإستعمار البريطاني.

    من غير هذا العمل الضخم سنظل في حروب طويلة تنتهي بإنفصلات وتقسيم وهذا هو الدرس الأول للحرب الأهلية السودانية ونتائجه الماثلة أمامنا (انفصال الجنوب)، يعنى ما محتاجين لي (وداعيّة) عشان نعرف مآلات الحرب الحالية، أو حتى المستقبلية.

    وفي النهاية شكراً ليك على إثارة هذه الظاهرة لأن القراءة لكل ظاهرة يجب أن تتناول المسكوت عنه لأن الظاهرة هي نتيجة تجليات لأشياء كثيرة تكون مخفية لو أخدنا الظاهرة كتجلي نهائي فقط مبتور من سياقه.

    وكخلاصة لكل ما تقدم: نقول:

    أن ما يكتبه كتاب الأسافير ويبدو في ظاهره (عنصرية ودعوات للحرب والتشرذم) إنما هو إنعكاس لمشكلة فشل الدولة السودانية في إقامة وطن يعكس التنوع السوداني، وإصرار الدولة لتبني سياسات تؤدي لتهميش وتحيز واضح ضد هذا التعدد، ولكي يتوقف هؤلاء الكتاب من كتاباتهم التى يُشْتَمّ منها هذه العنصرية والدعوة للحروب، نحتاج لإعادة بناء الدولة السودانية على أسس جديدة قائمة على المساواة والتقاسم العادل للثروة والسلطة، وهذا البناء يحتاج منا للإعتراف أولاً بالطابع الإستعلائي للدولة السودانية والنقاش المفتوح حول التغيير المقبول والمنصف لكل المواطنين.
                  

06-05-2014, 06:55 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: الصادق اسماعيل)

    الصادق اسماعيل ياخي طيب مافي خلاف بينا ,, متفقين تماما
    نريد ان نخرج من هذه المحرقة
    هذه الدائرة الجهنمية
    لن ينتهي الامر بغمضة عين وانتباهتها
    كثيرا من المرارة عالقة بالنفوس ,, مرارة حقيقية وليست بلاغية
    اسر آمنة مطمئنة في سربها غشتها طائرات الجشع البشري والاطماع الزائفة ,, فتفرق شملها ,, موتا او فقرا وجوعا ومسغبة
    للفقر والجوع هناك رائحة وللخوف نصلا لا يفارق الضحية ,, ما اسوأ الاحساس بالظلم والمهانة
    انا ب كوستي وشاهدت ,, قدمت ما بوسعي وكتبت ما تيسر لي
    واغضبني سير الحياة العادية رغم المأساة
    ولكن
    لندفن موتانا وننهض
    الحسرة لا تبني وطنا
    لكن يبنيه الغضب
    الغضب النبيل
    الغضب الموضوعي النبيل
    نحتاج لكامل عقلنا
    وياخي
    خلينا نحلم
    هذا العالم بناه الحالمون لا التجار
                  

06-05-2014, 09:51 PM

الصادق اسماعيل
<aالصادق اسماعيل
تاريخ التسجيل: 01-14-2005
مجموع المشاركات: 8620

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    Quote: الصادق اسماعيل ياخي طيب مافي خلاف بينا ,, متفقين تماما
    نريد ان نخرج من هذه المحرقة
    هذه الدائرة الجهنمية
    لن ينتهي الامر بغمضة عين وانتباهتها

    عبد الحفيظ

    منذ أو تداخل لي معك في هذا الموضوع وأنا أعرف أنه ليس هناك خلاف على الهدف النهائي، لأنه ببساطة هدفنا النهائي بتاع وطن معافى دا بيتماشي مع "الفطرة"، وكل هذا العصف الذهني نحتاجه "مني ومنك" لتنزيل الأحلام والأماني لواقع، والحوار هدفه النهائي المعرفة المتبادلة. وأنت نبهّت لنوعية الكتابات الإسفيرية دي، ونحن ورينا الأسباب بتاعة الكتابات دي، والحوار كان بالكلمة ودا مفيد للنتيجة النهائية وأقل تكلفة من السلاح:

    وأهديك هذا المقطع من فلم (المناظرة الكبرى)







    ودي محاولة ترجمة للمقطع أعلاه نرجو ألا تُخِل بالمعنى



    في تكساس بيشنقوا الزنوج (العبيد) من غير محاكمة، وأنا ومجموعتي (الموجودين في المناظرة دي معاي)، شفنا زنجي معلق من رقبتو ومولعين فيه النار، كنا راكبين في عربية مارين وسط منطقة بتاعة (بيض بيشنقوا الزنوج لمجرد إنهم زنوج)، كل العملناهو إننا إدسينا في أرضية العربية عشان ما يشوفونا، في اللحظة ديك عاينت في عيون جماعتي شفتهم خايفين، والأسوا من كدا شفتهم خجلانين.
    الزنجي دا عمل ياتو جريمة عشان يتشنق ويتحرق وهو حي من غير محاكمة في غابة مضلمة ومليانة ضباب، هل هو حرامي مثلاً؟ ولّا كتل ليه زول؟ ولّا بس عشان هو زنجي (عب)؟ ولّا عشان هو مزراع أو قسيس؟ وسؤال تاني، الزنجي دا عنده شفع منتظرينه يرجع ليهم؟ والسؤال الأهم منو نحنا ديل القاعدين نشوف في الحاصل من غير ما نعمل أي حاجة؟
    لكن مهما كانت الحاجة العملها الزنجي دا، ما ممكن يكون هو المجرم، لكن الأكيدة إنه الناس الحرقوه بدون محاكمة ديل هم المجرمين. والمشكلة إنه القانون ما حاسبهم، وما في حاجة ما أخلاقية أكتر من إنه القانون ما ياخد مجراه الطبيعي. لكن كمان أنا ما شايف إنه القانون الهسع دا، القانون العنصري بتاع (جم كرو*) دا أصلاً ما قانون عشان يتطبق. دا ما قانون ما دام بيحرم على الزنوج إنه يمتلكوا بيوت، وما قانون لأنه بيحرّم على الزنوج إنهم يمشوا المدارس وإنهم يتعالجوا في المستشفيات. وفوق لي دا كله هو ما قانون لأنه بيسمح للبيض إنهم ممكن يشنقوا أي زنجي حتى من غير محاكمة.
    شيخنا أوغستين مرة قال "القانون البيكون غير عادل ومتحيز دا ما قانون من أساسه"، وكلام شيخنا اوغستين دا أنا بيعني لي حاجة واحدة، إنه أنا عندي الحق، ومش الحق وبس، بل من واجبي إنه أقاوم قانون زي دا بأي طريقة كانت لو بالعنف ولّا بالإحتجاج السلمي.
    عشان كدا إنتو مفروض تشكروا الله إني إخترت طريق النضال المدني مش طريق العنف.



    ____________________________
    * قوانين (جم كرو) هي مجموعة القوانين الإتعملت في الولايات الجنوبية الأمريكية في الفترة بين عامي 1877 وحتى بداية العام 1960، وخلاصة هذه القوانين هي أن الزنوج هم مواطنين من الدرجة التانية وأن الأبيض هو السيد، وهذه القوانين أدت للتفرقة العنصرية وأدت لهضم حقوق السود وقتلهم حتى دون محاكمة ومنعهم من كل الخدمات الأساسية من تعليم وصحة وخلافه، وقد انتهت هذه القوانين بعد نجاح حركة الحقوق المدنية واجبار المحكمة الدستورية على الغاء كل القوانين العنصرية في أمريكا
                  

06-06-2014, 05:43 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: الصادق اسماعيل)

    فوق
                  

06-06-2014, 06:31 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    مرحبا محمد سليمان
    وحبابك
    في تقديري
    ساهمت النكات العنصرية في تفاقم مشكلات العنصرية ,, وكنت شاهدا علي فشل زيجة اثناء حفل الزواج ,, تعليق من اهل العروس بأهل العوض من واحدة , وسمعتها واحدة اثناء سير الحفل , اشتبكن النسوان , وتوسعت الدايرة ,, وفي شنو ,,, شنو ,,, خشو الرجال ,,, كلمة منك وكلمة مني ,, وجا العريس لقا الدواس فوق ,, والنبذ واصل اعلي سقف له ,, والمتشاجرين اهلو ,, اخوهو ,,, اختو ,,, ود خالو ,ووووو
    ف طلق العروس انفعالا
    واتخمخمو ركبو عرباتهم سافروا وساقو عريسهم
    اها دي عنصرية داخل نفس الاثنية ,, كلهم عرب ,,, عرب مدينة وعرب خلا ,,,
    ف شنو
    العنصرية ياها العنصرية
    يغذي فيها شباب خالين من الابداع والموهبة بإلقاء النكات الغبية الساذجة ,, وتدعمهم آلة الاعلام الحكومي بفتح ابواب القنوات والحفلات الجماهيرية ,, والنكتة سلاح سهل الانتشار وسريع
                  

06-06-2014, 08:35 AM

mekki
<amekki
تاريخ التسجيل: 06-15-2003
مجموع المشاركات: 3433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    http://www.sudaneseonline.com/msg/board/350/msg/1322597903/rn/1.html
                  

06-06-2014, 08:38 AM

mekki
<amekki
تاريخ التسجيل: 06-15-2003
مجموع المشاركات: 3433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: mekki)

    صاحب البوست وضيوفه الكرام،،كتبت هذا الموضوع قبل فتدة واظنه مناسب مع طرح البوست
    Quote:

    أكتب بعد أن صرت جزءاً من المغتربين عن بلادهم،رد الله غربتنا وغربتهم. وحيث أننا نحملُ هموم الوطن ونتوق لتغيير مدني ديمقراطي يؤدي للحياة الكريمة الحرة لشعبنا العظيم، فلابد من وضع مسودة نضالية تنيرُ لنا الطريق وتشبع تطلعاتنا السياسية دونما مبالغة أو تطفيف.
    يجب علينا ان نعرف ،بالضبط، حدود عملنا النضالي والسياسي،،وان نحدد واجباتنا دونما زيادة أو نقصان!
    أولاً ،ومن باب التصالح مع النفس، يجب ان نقر جميعاً، نحن معشر المغتربين، أننا قد قدمنا مصالحنا الذاتية والأسرية علي قضايا الوطن والقضايا العامة. ولا أظن أن في ذلك عيباً، فالبحثُ عن الحياة الكريمة والسُترة هو حق مشروع للجميع. وبعد أن بدأ للعيان فشل الحكومات (الوطنية) ،منذ سبعينات القرن الماضي، في توفير الحياة الكريمة للمواطن، صار الإغتراب حلاً مقبولاً ،بل، ومطلوباً من المجتمع السوداني.
    شكل الإغتراب عامل أساسي في ستر عورة البلاد،،وحمل المغتربون علي عاتقهم عبء القوت -الكسوة والعلاج،،فرُتق النسيج الإجتماعي لعشرات الملايين من الشعب السوداني،،،بعد أن صارت الحكومات مجرد أدوات نهب وسلب وابواق إعلامية لمجموعة من اللصوص والمارقين عن القانون..!
    قلت يجب أن نعرف حدودنا النضالية جيداً،،وأن نحدد ماهي واجباتنا،،وما هو خارج حدود هذه الواجبات،،ولنبدأ من هذا الأخير!
    فليس من واجبات مناضلي الخارج الدعوة لأي شكل من أشكال العمل السياسي ينفذه الشارع السوداني ومناضلي الداخل. يجب أن يترك هذا القرار جملةً وتفصيلاً لمناضلي الداخل،،فهم الأدري بالتوازنات السياسية وهم الأقرب لنبض الشارع وقياس هبوطه وإرتفاعه.
    أي دعوة للخروج والمجابهة تأتي من الخارج لن تكون مقبولة أو مسموعة في الشارع السوداني،، بل قد تعتبر شكل من أشكال الجُبن النضالي الرخيص.
    طالما قد قررنا، نحن معشر المغتربين، اللجوء الي الحلول الباردة لحل مشاكلنا الخاصة، فلا ينبغي، علينا، باي حال من الأحوال، حث الآخرين علي سلك الطرق الوعرة المليئة بالدماء والمحفوفة بالتشريد وأحكام الإعدام...
    وأتمني أن يكون ذلك واضحاً وجلياً لنا جميعاً...!
    إذاً ما هو الدور المنوط بنا؟؟؟
    الحقيقة انه تنتظرنا أدوار جسام وكبيرة لدعم النضال المثابر لإسقاط هذه لنظام المتجبر والأتيان ببديل ديمقراطي يكفل حقوق الإنسان ويقر سيادة حكم القانون والمدنية.
    أولاً: فضح ومحاصرة الإنتهاكات المستمرة لحقوق الإنسان وإستغلال كل النفوذ الذي وصل اليه الكثيرين من مناضلي الخارج. ويجب أن نقر ان العمل في هذا الصدد ضعيف للغاية فيجب تكثيف الحملات وجعلها دائمة ومستمرة وأن تتنوع أشكالها. يجب أن يجبر هذا النظام المتعفن ،بكل الحزم والقوة والمثابرة، علي إيقاف كافة أشكال القمع وإنتهاكات حقوق الإنسان. فإن وضعنا هذا الهدف نصب أعيننا وشحذنا له الهِمم الكافية لا شك سيكون النجاح،في النهاية، حليفنا. إيقاف التعذيب في سجون النظام سيكون أكبر طفرة نضالية يقدمها مناضلي الخارج لمناضلي الداخل.
    ثانياً: يجب فضح الفساد والمحسوبية واللصوصية التي يقوم بها منتسبي النظام. يأخذ هذا الواجب أهميته من حقيقة فرض القوانين المتزايدة لتكميم أفواه الصحفيين، وتضييق الخناق علي العمل الصحفي،بالداخل، ومصادرة الصحف. وأثمن، غالياً، في هذا الصدد، الأدوار التي يقوم بها المناضل "بكري الصايغ" ومن لف لفيفه. فقط يجب أن ننتبه الي أهمية تحري الدقة والصدق في كل الأخبار التي تتعلق بفساد منتسبي النظام. وأن نتحرّز بشده من أي تسريب لمعلومات خاطئة قد تؤدي الي فقدان المعارضة لمصداقيتها.
    ثالثاً: يجب مجابهة أركان النظام في كل زياراتهم الخارجية ومحاصرتهم وفضحهم ومجابهتهم بأقصي درجات العنف الممكنه المسموحة بقوانين البلد المعني.
    رابعاً والأهم: يجب أن نعلمُ جميعاً ان مناضلي الداخل يعملون في ظروف حياتية صعبة للغاية ومنهم من لا يجد قوت يومه وكسوة وتعليم أطفاله. فيجب توفير صناديق الدعم المادي وتكوين اللجان لرصد حالات مناضلي الداخل لتوفير إحتياجاتهم المعيشية. هناك تقصير شديد في هذا الصدد ويجب أن تنتبه المعارضة الخارجية لهذه النقطة الحساسة والمفصلية. هناك عشرات الآلاف من المعارضين بالخارج ممن ينعمون بدخل معقول،،فيُحتَم علينا التحرك في هذا الصدد. ويجب أن يكون هذا التحرك منظماً وعاجلاً.
    خامساً: يمكن للمعارضة الخارجية التركيز علي العمل الفكري والتنظيري،،فالظرف في الخارج ملائم للتفكير الهادئ. فلنشحذ الهمم لإنتاج فكر إنساني متوازن يؤدي الي إنشاء بنية تحتية عميقة للمجتمع المدني المنشود.

    من الضروري أن نعرف،وأن نطمئن، جميعاً أن الإنترنت هو وسيلة في مصلحة المعارضة وهو وسيلة ناجعة وفعاله ستسهل ،حتما، في دحر هذا النظام وهزيمته. وليعلم منسوبي النظام أن هذا الفتح الإنساني العظيم لا يصبُ في مصلحتهم علي الإطلاق
    ،،فهو من أجل الحقيقة والمستقبل...
    وهُم من سقطات الماضي والظلام....
    (عدل بواسطة mekki on 29-11-2011, 09:24 PM)
                  

06-06-2014, 02:57 PM

Bushra Elfadil
<aBushra Elfadil
تاريخ التسجيل: 06-05-2002
مجموع المشاركات: 5252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: mekki)

    فوق
    مع التحيات لعبدالحفيظ وضيوف المشاركين الكرام
                  

06-06-2014, 05:04 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: Bushra Elfadil)

    مرحبا شم
    وحبابك
    صدقت
    العنصرية اياها العنصرية
    حتي التمييز بين ذكر وانثي داخل المنزل عنصرية
                  

06-06-2014, 07:04 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    تعرف يا الصادق ياهو ده الكلام البقصدو
    عشة كلمينا
    ميري ذكرينا
    أي سونكي احسن يبقي مسطرينا
    كما قال محجوب ,, او قصيدة القدال الجنوب ,, او النور عثمان او بعض قصايد سند
    الفن يدعم الانسانية ويبشر بقيم راقية , وليس الاحتفاء بنكات عنصرية او بعض الغناء الهابط انسانيا
    شاهدت كثيرا من الافلام الاجنبية التي تؤسس للمساواة او سردا لتاريخ كفاح الحركات الحقوقية المدنية , بالعقل والفكر وليس السلاح , تمليك المعرفة للجماهير والإرتقاء بهم
    محاربة اللامبالاة الشعبية تجاه قضايا الوطن
    امر محزن يوم انفصال الجنوب , صحيت كئيب ومدبرس ووجدت كوستي آخر حدود السودان الشمالي واقربها للجنوب تسير حياتها طبيعيا ,, بل حتي معظم من سألتهم لا يعرفون ,, وحين عرفوا لم ينفعلوا
    المواطن صار سلبيا لامباليا يلهث يوميا لسد رمق اطفاله ,, ارهقته السلطة بغلاء الاسعار والخدمات والجبايات ,, وصادرت منه حق التعليم والعلاج المجاني وتضع كل يوم متراسا جديدا
                  

06-07-2014, 06:13 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    تعرف يا الصادق قاعد اقول في تطرف دون تروي
    مأساة السودان ان الاستقلال اتي استلام وتسلم , فأقيمت حفلات الوداع للمستعمر وتم شكره , وساهم هذا في عدم تبلور الحس الوطني الحقيقي ,, كان الانتماء للطائفية والبيوتات الدينية , وساهم الرعيل الاول بإنتهازية في ذلك , فمعظم تلك الاسماء اللامعة تأخذ مباركتها من الزعيم الروحي وتلجأ له ساعة الخلاف
    وانه لأمر مخزئ ان تحدث اول مجزرة في السودان في ظل اول حكومة وطنية لم تكمل العام ,, وكانت قضيتهم مطلبية من اجل حقوقهم , وهي مجزرة عنبر جودة بكوستي , فتم ادخال مئات الناس في جملون حديدي وتم سد منافذ الهواء في حر قائظ فمات منهم اكثر من 240 شخصا ولم يحاسب احد وكانت بعلم الحكومة المركزية
    ملحوظة
    قلت عالية
    اقول بتطرف دون تروي سوي العاطفة
                  

06-07-2014, 06:25 AM

الصادق اسماعيل
<aالصادق اسماعيل
تاريخ التسجيل: 01-14-2005
مجموع المشاركات: 8620

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    عبد الحفيظ
    كيفك
    صدقني القصة مش في التسليم والتسلم، ما ياها الهند برضه كان فيها تسليم وتسلم لحد ما، القصة في الاستعلاء الكامن في احشاء النخبة الحكمت وما دايرا تعترف بي كدا، وقصة عنبر جودة جزء من هذا الاستعلاء، والمجازر التم ارتكابها في الجنوب انت ما ممكن تتخليها (كدي اسال ليك زول من مجزرة واو)، اها مجزرة واو دي تمت بتعليمات اللواء ابو قرون عبد الله ابو قرون، وتم فيها قتل الجنوبين في واو بدون فرز وبدون رحمة، لمن جيش البلد ذاتو يرتكب القتل الممنهج دا وما تكون في محاسبة تفتكر دا من شنو?

    انا عكسك تماما كنت فرحان بانه الجنوب اخد تقرير مصيره، على الاقل احسن ليهم من يعيشوا في دولة بتتحيز ضدهم وبتقتلهم قتل ممنهج، يا خي لحد ما نتهت الحرب في الجنوب ما في اسير واحد من الحركة الشعبية دي كان حي
                  

06-07-2014, 08:06 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: الصادق اسماعيل)

    مرحبا ميكي _ هل الاسم صحيح
    وحبابك
    صدقت
    رغم خصوصية قرار الاغتراب
    إلا انني كثيرا ما رددت
    يحمد للمغتربين رغم سهولة معاشهم ورغد حياتهم إلا ان قلوبهم معلقة بالوطن
    وكم طلبنا منهم العون فلم يتوانو , فدفعوا الملايين ثقة دون ريبة لأناس لا يعرفونهم
    والمغترب جعل حياة الداخل اقل صعوبة
    ساهموا في العرس
    والبكاء
    والمرض
    والولادة
    والحيطة الواقعة
    ومصاريف المدارس
                  

06-08-2014, 06:51 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    ل حين
    ميسرة
                  

06-08-2014, 01:32 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    اسوأ ما فعلته هذه السلطة في مسيرة الحركة الوطنية , انها جعلت الخيار العسكري والعنف حلا مقبولا , وله مناصرين ومنطرين ,, وبل تخلي من كانوا يقفون ضده ومناداتهم به
    ‏ فقد مارست عنفا غير مسبوق ,,وساهمت في تكسير المعارضة وتقسيمها ,, وافسدت منظمات العمل المدني والنقابات ,, ونقلت للناس شعورا طاغيا ان لا قضاء عليها إلا بالبندقية وتبجح بعض قادتها بذلك ,,
    فحمل الناس السلاح
    حملته القبائل وحملته المناطق الجغرافيا ,, وهذا يعد تراجعا في مسيرة الحركة الوطنية , فبدل تحرير الوطن صار الهم الانقسام ,,
                  

06-09-2014, 06:41 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    حين ميسره
                  

08-04-2014, 06:25 PM

محمد عبد الله حرسم
<aمحمد عبد الله حرسم
تاريخ التسجيل: 01-25-2013
مجموع المشاركات: 4492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    Quote: اول خطوة كما قلت ال نصيخ السمع ل بعضنا ,, نشغل اضنينا ديل ونريح خشمنا شوية ,, مرات بنكون متفقين دون ان ندري
    مافي خلاف في عنصرية ,, وعنصرية مضادة ,, والعنصرية مرض اجتماعي فلنناقش كيفية إستئصال شافته ,,



    ولا يزال السؤال قائما

    ولا ازال انتظر ان لا يمر كما مر الكثير من بيننا
                  

08-04-2014, 07:31 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: محمد عبد الله حرسم)

    حرسم
    اقول ليك شنو
    ياخ عقدتنا
    فأنت رجل استثنائي
    ل
    حين
    ميسره
                  

08-05-2014, 06:23 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: محمد عبد الله حرسم)

    لا يخلو صراع الاسافير الحالي من تفلتات تصل حد الشتيمة الاسرية والشخصية , بل ويتم التوثيق لها ليعاد انتاجها كل فترة , وتلك طاقات مهدرة
    كشف النظام ? لقد بانت سؤة النظام لكل شخص داخل الوطن ,
    فما هو الواجب الملح الآن
                  

08-08-2014, 05:47 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    ولم نراوح مكاننا
                  

08-09-2014, 04:02 PM

محمد عبد الله حرسم
<aمحمد عبد الله حرسم
تاريخ التسجيل: 01-25-2013
مجموع المشاركات: 4492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: عبدالحفيظ ابوسن)

    Quote: صديقى الاجمل هنا
    ود اب سن
    كما دوما تأتى من شقوق الخوازيق كما دوما نزاعاتنا واشكالات تناولنا
    وكما دوما اقول
    كل واحد مركب مايكروفناته ولابس نظاراته
    ولا احد يسمع احد
    انما كل واحد يصرخ فى وجه الآخر
    كل صراخ تحس وراءه صوت مغبون منتقم
    كل جرح يتحول بقدرة قادر من جرح فردى الى صوت جرح للزطن
    احس كلمتك
    واحس سؤالك
    واعرف المغزى
    والبحث عن منطقة نستطيع من خلالها ان نقف ليس بحياد كما يعتقد البعض انما بوعى وايجابية نحو انقاذ الوطن/البلد
    ان ما يدور حولنا مخيف
    لان اعادة انتاج الدول واعادة انتاج الجغرافيا هى هرولة نحو الانتهاء
    والجغارفيا هنا تصنع القيم لا القيم والعقائد
    من هنا
    سؤالكيظهر عورات صراخ كثير مشحون فردى مدهون بكذبة الجماعية
    وخلط كثير واضح بين الخاص والعام
    ومحاولة قنص اى شىء لرسم اى شىء يبرر الهدم


    شكرا اب سن
    لهذه المخاطرة الفخمة
    وتأكد بان البحث عن مثل هذه المناطق لا اقول لك مستحيلة ولكن
    بنتفاء الغرض واعتقاد المحدودية على انها الاكمل
    وتداخل الوطن والحيكومة والدين والعلم والاعتقاد والوعى واختلاط المصطلحات
    واعود
    ان الصراخ وحالة الهلع والطرش التى تصيب البعض من اصوات المايكروفونات والنظارات هى حالة طبيعية لمن لا يريد الا ان يسمع نفسه فقط
    ولكن
    يوم نجلس لنسمع بعصنا حتى فى مجرد الونسة فاننا نكون قد فتحنا بابا الى الصعود الى الضؤ


    ويوم نوقع على عقد يجعل (لزوم الجابرة) ممكنا والتحديق فى قلوبنا لا فى صورنا
    لا فى اعتقادات خاطئة نمتها اصوات المايكروفونات
    يوم نجد الوسيلة لللاعتقاد باننا يجب ان

    يومها ستجد الاسافير كلها تغنى بحب الوطن
    وتبحث عن الاخ
    فى صورة
    فى اى لون
    فى غناء


    الم اقل لك يا صديقى
                  

08-09-2014, 05:59 PM

د.محمد بابكر
<aد.محمد بابكر
تاريخ التسجيل: 07-16-2009
مجموع المشاركات: 6614

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: محمد عبد الله حرسم)

    Quote: البعض يريد أن (يفرتق) السودان، نعم بالحيل، فوطن لا يمثلني ليس هناك أي داع أن أعيش فيه (وطن له زيه القومي ولغته القومية) والتى لا ألبس ثيابها ولا أتكلم لغتها (أعني لغتي الأم) فلماذا يتم فرض زيها القومي علي ولغتها أيضاً (الناس يتعلمون العربية في السودان بعد لغتهم الأم للذين لا يتحدثونها).


    هذا يعيش فى كاليفورنيا وبداهة لن يتضرر من(فرتقة) السودان ولاسباب ########ه يبرر لرغبته هذى..وجوده فى الارض الجديده لم يعلمه تميُّز الخلاس .. هؤلاء قدوتهم نيرون يا صديقى ..لم اقرأ لهم ما يغنى وبعضهم يتسمى بصفة الخبراء وحينما تقرأ ما يتقيا توقن بان الرجل هالك لا محاله فالجهل كذلك من اسباب الهلاك.. السودان هو البلد الوحيد الذى تختبر فيه درجة عنصرية الفرد بمدى قبوله بتزويج ابنته او اخته لفرد من هذه القبيله او تلك وكانما احدى شروط العيش تحت سماء واحد هى التصاهر.. دعاة العنصريه يخدمون المشروع الاسلامى والذى نكل بالكل وحتى بعض المنتمين اليه وبعض الجهلة والمرضى من القوميات المختلفه وبدلا من التوحد وهزيمة هذا المشروع البائس انشغلوا بهذه المعارك الصغيره فصار الكل لقمة سائغه لعصابات الاسلاميين ومما يدمى القلب ان هؤلاء سيكونون وقودا للحماقات القادمه وما درى امثال صاحبنا انه وبطبائع نافخ الكير انما يشارك فى تسعير نيران ستحرق حتى اؤلئك الذين يتوهم انه يدافع عنهم.. ليحفظ الله بلادى وليخسأ دعاة العنصريه ومن كافة الاعراق والمكونات وقلبى على وطنى..
                  

08-15-2014, 05:59 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال لكتاب الاسافير خارج الوطن (Re: د.محمد بابكر)

    نعم يا حرسم
    قاعدين محلك سرك
    شاطرين بس في الحجج الممجوجه والغلاط
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de