|
|
|
 Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: محمد حيدر المشرف)
|
ياااا عبدالمجيد ..
بإمدرمان تنزل الوحي باشراقة على التجاني يوسف البشير .. وكتب خليل فرح ماهو عارف قدمو المفارق .. وأبدع شعراء الحقيبة حقيبتهم من لدن ابوصلاح "يا بدور القلعة" لي الغصن الرطيب للبنا .. وبعيدا عنها كتب العبادي يا عازة الفراق بي ..وفي حواريها أنشد كرومة يا جوهر صدر المحافل ... والى آخر تلك المشاهد العظيمة .. لينتقي حسين خوجلي من دون ذلك الجمال الإنساني النادر عبارة ( أتكلم على قدر قروشك)!!
شفت ليك فداحة كهذه يا مجيد ؟!!
مودتي
| |
  
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: محمد حيدر المشرف)
|
يا ود المشرف
سلام وتحية طيبة
صدقت في ما قلت بأن أم درمان رغم أنف الكثيرين والزمن تمثل لوحة جميلة لسودان خالي من الجهوية والقبلية السالبة لما عاشته وتعيشه أحياءها التي نشأنا وترعرعنا فيها وسمعنا حكاويها من كبارنا.
وبالذات حكاية مثل التي أوردها حسين خوجلي كحكمة أم درمانية، حاشا وكلا أن تكون كذلك، والشواهد على مجانبتها الحقيقة كثيرة ولا تعد ومن واقع معاش ومشاهد.
فلك التحية والاحترام
وأنا كنت في البدء مثل الأخ نصر الدين عثمان (مخموم) في ود خوجلي دا و (حسبتها) وثبة منه يداري بها سوءاته القديمة (انتصاره للإنقاذ في اغتصابها للسلطة وكونه شيطاناً أخرس عن قول الحق طوال حكمها الجائر للبلد)، ولكن شيئاً فشيئاً تبين لي أن برنامجه هذا ينطوي على حيلة شيطانية أخرى يراد بها إيصال رسائل كثيرة بغطاء المكاشفة وهو ليس كذلك وإنما دس للسم في الدسم كما يقال، وبالذات في شهاداته للتاريخ تجده يسرد الكثير من الحقائق ولكن يورد في وسطها أكاذيب مضللة ورسائل سامة قد لا ينتبه لها الكثيرون.
عذراً للإطالة ولكن الموضوع (حارقني) شديد
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: ismeil abbas)
|
محمد الحسن السلام لك ولجميع المتداخلين تجربة الاخوان في الحكم فشلت في مصر والسودان وكان لا بد من محاولة = اصلاح للمواصله في حكم البقرة الحلوب = وما دروا ان الخطأ في الفكر والمنهاج ويكفي ما فاله المرحوم يس عمر الامام . المشكلة هي غياب الاليات اللازمه لازالة حكمهم = النقابات كسروها واقاموا اجسام موازيه الخدمة المدنيه كلها عملوا لها احلال وابدال المجتمع المدني حتي الهلال والمريخ استولوا عليه = وبقي نحن وشطارتنا في الكفاح وانجاح الثورة ولم البلد علي اسس جديدة
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: اخلاص عبدالرحمن المشرف)
|
هو السودان ده كلو ما امدرمان ، اذا كانت الحكايه تباين و اعراق
لاخمننا ام درمان ام درمان
بعدين هي ام درمان دي بت متين كلها مسميه علي ناس المهديه و البقيه ثوره اكتوبر و ثوره مايو
تصدق لما اشوف ناس بتكلمو عن ام درمان في التلفزيون ، طوالي بحول القناه ، و بالع لي حبه ضغط
بلا ام درمان بلا وهم معاكم
هي بتنتج قطن وله صمغ عربي و له بلح و مواشي
ما طمباره مع الصعاليك و المغنوتيه
فكونا من وهم ام درمان
| |
|
|
|
|
|
|
|
|
ألأخ/الزبير السلام عليكم........أنا غايتو بصدقك طوالى ما دام قلت أم درمان وهم.......
ألأماكن تشكل فينا الكثير وحبها مربوط بالعزة والفخر وكل يعتز بمكانه...إحترامى وتقديرى
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: ismeil abbas)
|
سلام
| Quote: لم ينتزع حسين خوجلى من الإرث العظيم من حكاوي امدرمان الا حكاية تتبدى فيها الغلظة والكبر والجبروت لاحد التجار وهو ينتهر رجلا فقيرا بأن (يتكلم قدر قروشو) !! أي والله ؟!! |
القصة دي حدثت في احد (اجتماع مجلس ادارة شركة .......) التي تحدث (احد المساهمين بعدد قليل من الاسهم في اجتماع مجلس الادارة) حديث طويل و لم يترك لكبار المساهمين فرصة للحديث
فانتفض احدهم و قال ( كل زول يتكلم قدر قروشوا) يقصد عدد الاسهم ......و بعد دالك بقت القصة تقال في اغلب الجمعيات العمومية للمساهمين .....
فنسب حسين القصة بهذا الشكل عبار عن نجر ساي ...و من زول راحت ليهوا اصل القصة فاخذ ينجر و يخيط .....
| |
|
|
|
|
|
|
|
|
 Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: ياسر منصور عثمان)
|
يادكتور حسين خوجلي ..... ما بتزعل من كلاموا ولامن أعتقادوا
لانوا بنتمي لثقافة مختلفة من أى ثقافة انتمي ليها اهل السودان في بوتقه انصهارهم في أم درمان
ودي قيمه وحاجاته فحتزعل من شنوا !!!!!!!!!!
ما في شي يزعل
وانا امدرمان ....... ويا سلام لو سمعتها بصوت عركي
Quote: انا امدرمان انا السودان
انا الدر البزبن بلدي
وانا البرعاك سلام وامان
انا البفداك ياولدي
انا امدرمان لسان حالك واريتك
تدري بحالي
انا القدرت احوالك
وحبك بدري اوحالي
اقوم باعظم الادوار
واكون الساحة للثوار
وابقي البقعة للاحر وامثل عزة السودان
انا امدرمان سليلة السيل
قسمت الليل وبنت صباح
انا الولدوني بالتهليل
وهلت فوقي غابة رماح
اناالطابية المقابلة النيل
وانا العافية البشد الحيل
انا القبة البتضوي الليل
وتهدي الناس
سلام وامان
انا امدرمان نصرت الدين
وكنت فداية للاسلام
وروحوحولي ناس صادقين
فناهم في حياتي غرام
وزانو المبدا ء والفكرة
وخلدو اعظم الذكري
ودخلو المدرسة الكبر ونالو شهادة الايمان
انا امدرمان انا الامة
وصوت الامة واحساسه
انا التاسئسه بي تم
وانا اللميت شتات ناسا
مزجت شمالا بجنوبا
وسكبت شروقا في غروبه
وزرعت الطيبة في دروبا
وطابت عزة للاوطان
انا امدرمان سقاني النيل
رحيف العزة من كاسو
انااللي مجدو كنت دليل
واية وحدة لناسو
انا الفي الشاطئ
الغربي
سقوط غردون مهر حربي
انالنيل الطلب قربي ومزج بين
كافة الالوان
انا امدرمان انا الواحة وري البسقي والعطشان
بروقي تضوي لواحة وتهدي الساري والضهبان
وردو وشد و فوقي الناس
زونادوبقية الاجناس
وللتعمير بقيت مقياس
للتقدير بقيت ميزان
انا امدرمان مهيرة الميس
اصيلة ومرسوني رجال
قلادتي القدرة والتقديس
وارادتي تسابق الاجال
اجلب فوق ربوع داري
ونفس تنافس اقداري
اريتم مسداري ويخلو زمامي للفرسان
انا امدرمان دا ميلادي
وتيلادي البشيل اسمي
انا القدمت اولادي
شرافة وسيف علي وسمي
وكنت القوة والحولة
وحزت وفزت بالجولة
وشلت الراية والدولة
وفي التاريخ
بقيت عنوان
انا امدرمان
|
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: محمد حيدر المشرف)
|
اسمحوا لي بالرد على الزبير أولا ..
يا عزيزي نحنا عارفين كويس انو في سيندروم اسمو كراهية امدرمان ..
ولا باس في ذلك مطلقا ..
ولا اطلبه او انشد حتى تقييمو في البوست ..
الموضوع ببساطة ان امدرمان مدينتي التي اعتز بها جدا ..
وسائني أن يتحدث حسين خوجلي حولها هذا الحديث الشفتو مفارق لما نعتقده حول هذه المدينة ...
ويسوئني جدا أن يتخذها الرجل منصة ينطلق منها ..
واري ان هذا الامر يغذي كراهية بعض الناس كحالك في هذه المدينة..
فهدئ من روعك يا عزيزي .. ما عرفناك رجلا يجاهر بالكراهية في مقامنا هذا ..
واحتسبنا عند الله مما تغالب فيه نفسك من المكاره, فتصبر عليها وتحتسب وتتجمل بالصبر والاحتمال وسعة الصدر ..
ذلك أكثر فربا من ذاتك الصوفية واجدر بها على اية حال ..
مودتي
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: محمد حيدر المشرف)
|
الأعزاء ..
1- إبراهيم النعمة .... يااااا عنكبة الوعى الدغري و واضح ..
Quote: ثفافة راس المال يا صديقي اكثر تاثيراً علي خوجلي ........فلا بد ان يستدعي من باطن الجمال ما يناسب ثقافة الاستعلاء المالي وتغليب قدر اتحدث قدر قروشك .......الومك علي حسن الظن علي اناس يفوقون سوء الظن ........
|
الامر كما أوجزته وأحكمت العبارة ..
فقط .. لاشيء يعدل سوء ظنى بهم يا صديقي ..
ود البشري !!
ما اتيت لحوار :) ..
| Quote: يا دكتور ما تليّسها في كوزنته, دا كود أولاد قلبها :) |
التجاهل ..
التجاهل ..
ثم سانيا انت ان كده آآآ بتعرف امدرمان !!
أخوي الكاشف نصر الدين عثمان ..
حسين خوجلي ده وكما ذكرت أنا أعلاه ثالث ثلاثة لا يفوقهم في السوء الا هم ذاتم .. اسحق والطيب وحسين .. على الأقل في المجال الإعلامي ..
سيف اليزل يا صديقي ..
كدى قبل موضوع الخرطوم حقتي شخصيا دي ..
ده شنو القلتو لي في بوست "برنامج مع حسين يستحق المتابعة "
تعرف قعدت اراجع في البوست داك قبل شوية بعد إشارة نصرالدين ليهو ..
لقيتك كاتب لى "اتلهي" ..
تصور !!!
:)
سنيرنا في الحلة ياسر عثمان منصور ..
مشتاقون يا عزيزي .
Quote: امثال حسين خوجلي يمكنهم تشويه كل جميل وجعله قبيحا فما بالك بحبيبتنا امدرمان.؟؟
لم اسمع هذا الحسين يستدل بشخص حي او معلوم..
فهو دائماً ما يستدل بالموتى او بحدثني (واحد صاحبنا)
دعك منه ودعه يتمرغ في وحل ادعاءاته..
|
هو كذلك يا صديقي .. هو كذلك ..
صلاح موسى يا عزيزي ويا زميل ..
Quote: أمثال حسين خوجلي هذا لا يستحق ان تهدر فيهو مداد قلمك فهو زول موهوم عليك الله شفت ليك زول امدرماني كوز لا وكلا
لك ودي |
هي لامدرمان والله يا صلاح ..
فقد تغول الرجل عليها كثيرا ..
مودتي ليكم واحد واحد ..
وعفوا للرد الجماعي ولكن ..
ياكم ناس البيت !!
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: ياسر منصور عثمان)
|
ثم أنه
ما هي أم درمان هذه؟
أين تقع في خارطة أم رمشاً طويل؟
ما هي قبلتها؟
لماذا سميت بأم وليست بأب حتى يمكن القول أنها أب سايد داون؟
كيف تقهقر الليل عن أطرافها وأنارها النهار في وسطها فأمست منيرة مظلمة؟
ما هي الحلول التي تراها أمكم هذه للحلول التي نراها في واقع نراه ولا يرانا وهلم روروة؟
الأسئلة كثيرة
والهلم جرجرة
وهيك قبيل
ولكن نختصر كل هذا السيل في القطرة التالية:
أم درمان يا اخي
ثم كذلك يعني:
يا مشرف والله ليك وحشة مكدسة...
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: ismeil abbas)
|
اخي و استاذي إسماعيل عباس
تحية طيبة ..
لم الحظ تواجد هذا البوست في الصفحة الأولى الا الآن ..
فلك العتبى حتى ترضى ثم ترضى ..
امدرمان فكرة عصية جدا لمن لا يعرفونها ..
اشياؤها الداكنة تشبه كثيرا تفاصيل زقاقاتها الخافية والداكنة الحنان ..
في البال الفيتوري ..
لن تعرفنا .. ما لم نجذبك فتعرفنا !!
ذلك ياقوت العرش وهذه امدرمان ..
جوهر المعاني الملتفة جيدا في دهاليز الشوارع !!
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: خالد العبيد)
|
حقصة يا قريبي
زمن من شوفتك و مشتاقين يا غالي
امدرمان و كالعهد بها دوماً بتضيف جمالا على الأفراد
و ان كانت بعض الاحيان بتسجل سوءات "شذاذ" الآفاق
امدرمان قآآآآآعدة و الجمل ماشي و الداير ينبح كلوا خلا امدرمان ببلع نبيحوا ..
Quote: بلا ام درمان بلا وهم معاكم
هي بتنتج قطن وله صمغ عربي و له بلح و مواشي
ما طمباره مع الصعاليك و المغنوتيه
فكونا من وهم ام درمان |
أجمل وهم أخي الكريم لو تدري !!
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: طاهر قرشي)
|
.
Quote: ده شنو القلتو لي في بوست "برنامج مع حسين يستحق المتابعة "
تعرف قعدت اراجع في البوست داك قبل شوية بعد إشارة نصرالدين ليهو ..
لقيتك كاتب لى "اتلهي" ..
تصور !!! |
والله يا دكتور لو كتبت ليك "اتلهي" أكون اتلومت معاك، لوم الجبال،
ده كلو من حسين خوجلي ، وفي رواية أخرى ده كلو من بوست د. محمد حسن عن حسين خوجلي
فالمهم ..
حتى اعود للبوست المعني: سامحني يارجل.
.
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: سيف اليزل الماحي)
|
Quote: امدرمان فكرة عصية جدا لمن لا يعرفونها ..
اشياؤها الداكنة تشبه كثيرا تفاصيل زقاقاتها الخافية والداكنة الحنان ..
في البال الفيتوري ..
لن تعرفنا .. ما لم نجذبك فتعرفنا !!
ذلك ياقوت العرش وهذه امدرمان ..
جوهر المعاني الملتفة جيدا في دهاليز الشوارع !! |
يا سلام على الكلام الجميل....لا عليك أخى محمد المشرف......وفعلاً أخى طاهر قرشى .أم درمان وهم جميل يسرى فينا يدغدغنا يبعث فينا الموهبة وألأبداع...أجمل عشق محبوبتى أم درمان..
تقديرى وإحترامى للجميع.......
| |
|
|
|
|
|
|
|
|
 Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: د.محمد بابكر)
|
حباب الكبير المشرف وضيوفه الكرام
هذا الخوجلي برغم اختلافي الكامل معه سياسيا , الا انه للامانه بحر وعلامه ومثقف كامل الدسم
الحضور اليومي يا مشرف صعب , والسرد الطويل بنظام الون مان شو متعب ومرهق ,
فطبيعي ان تاتي بعض الغلطات , الاصل في الحسين محبه امدرمان , اذن هو محب
نتقبل منه الغلطات .. ولامانع اطلاقا في ان نصححه ..
هذا عن الرجل وبرنامجه ..
اما عن ام درمان .. فهلا هلا
وتاني واحد جاييك يغني يا ام درمان
ياملتقى بحرين ونون وعين
وعين وعين يا ابومرين
امدرمان اهزوجة حضارة وتاريخ وثقافة وتجارة ورقي ونباهه واكثر ..
من راها بعين الجمال , فهو منا اهلها .. بدون تعصب حتى اذا لم يولد بها ..
زمن راها بغير ذلك , فليس الكل محظوظ بدخول الجنان !!
تحياتي ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: شهادة إبراء ذمة لأمدرمان .. او اتكلم قدر كوزنتك يا حسين خوجلي !! (Re: امجد الجميعابى)
|
Quote: بالله واحد فيكم يا اهل امدرمان يخط رجلوا ويدخل سوق امدرمان الان ويرفع صورة مباشرة من هناك عشان تشوفوا مدينتكم كيف عايمة في كمية قاذورات
واي واحد فيكم يقول الكلام المسيخ بتاع بوتقة وتعايش اهل السودان في مدينة امدرمان نفس الكلام ده ينطبق علي بقية مدن السودان مثل عطبرة والابيض وبورتسودان وخاصة بورتسودان لان بعض القبائل الموجودة وعايشة ومتجانسة في بورتسودان لا توجد حتي في امدرمان = انتو بصراحة عايشين وهم كبير |
ها يا أخونا عماد ميرغني من الفيس بوك ! ياخوي سلامات ولعلك طيب ..
ثانياً الوهم ده خشم بيوت ! وممكن أي زول يكون موهوم وما عارف أنو موهوم ! أها دي أكبر مصيبة أن تكون موهوم وإنت ما عارف !
بعدين ياخوي كمية القاذورات الفي السوق دي ،، وساخة ما عندها أي علاقة بامدرمان ولا أهل أمدرمان ! ... لأنو ناس أمدرمان زاتم مرقوا خلوها يا ابوي ! ... الحاجة التانية يا عمدة ، هي إسمها ( عاصمة وطنية ) يعني ما حقتنا برانا ! يلا تعال إنت والمعاك اجبروا السلطات وخلوها تنضفا! ما هي برضها عاصمتكم إنتو برضو ! وكمان ينوبكم ثواب تجو تعملوا نفير ! إمكن تقدروا ترفعوها لمصاف المدن ! ... قال نفير قال ! ... إنت يازول قايلها مدرسة ابتدائية واللا شنو ؟!!! ....
يازول أمدرمان المفترى عليها دي ، عشان تعود أمدرمان كما كانت ، ويعود معاها السودان كما كان ، حيموتوا ناس ويحيوا ناس !
أخونا عماد ياخي عيب عليك توصف أهل أمدرمان بالواهمين ( وعايشين وهم كبير كمان ! ) ... ياخوي إنت فاكر المدينة هي نظافة وشوارع زلط وبيوت مخططة وما عارف أيه ؟! ..... ياخوي النظافة والبنيات التحتية والإزدهار العمراني والمدني هو بالضبط ماكان يسعى إليه أهل أمدرمان طوال حياتهم وعراكهم مع الحياة ! لمدينتهم و لكل مدن السودان وضواحيها ! ولأجل هذا عملوا ولا زالوا يعملون ! .. كان هذا ديدنهم وأمانيهم العراض ! ...ولكن للأسف لم يمهلهم الدهر ،، لسؤ الحظ وسؤ الطالع وتسلط من تسلطوا على حياة هذا الشعب العملاق ، بغيرما معرفة أو دراية أو علم ، وبما كان يحتاجه هذا البلد المنكوب ، المغلوب على أمره !
ياعمدة : يكفى أمدرمان فخراَ ما كان بها من مفكرين وعلماء ومناضلين وكتاب وفنانين ( عارفم واللا أقولم ليك واحد واحد ) ... ده الواحد فيهم لو وضعت كتب الدنيا كلها ، لا توفيه حقه !
ياخوي ماحقو تورط نفسك ورطة زي دي ! .... لأنو أمدرمان دي فضلها كبير على كل السودان والسودانيين ! .... لا ينكر ذلك إلا مكابر !
ياخي ( برعي محمد دفع الله بس لوحدو ) يكفى لأن تُمجّد أمدرمان ! خلي عنك ( الحقيبة ) وأهلها ! وخلي عنك ذلك الكم المهول ،، وما لا يعدوا ولا يحصوا من مبدعي هذا البلد في كل المجالات !
نقطة أخيرة يا عمدة :
موقفك غريب جداً من أهل أمدرمان وتمجيد أهلها لها !!!! ...... يا صديقي تمجيد الأمكنة غريزة بشرية تنم عن علاقة وطيدة بالمكان ،، ووفاء ومحبة وعشق إنساني راقي وراسخ في النقس البشرية ! ... خلي الناس تمّجِد أمكنتها ،، وإنت من حقك تمّجِد مكانك الأصيل فيك ،، ولا غبار عليك ! ..... تكلم يا أخي عن بورتسودان كما تشاء ، ودعنا نشاركك احتفاءك بها ..... ودعنا نتكلم عن محبوبتنا أمدرمان كما نشاء !
عيب يا صديقي تنعتنا بالوهم في عشق أمنا الرؤوم !
مامون أحد إبراهيم
( العباسية أمدرمان )
تحياتي ومودتي الأبدية
| |
|
|
|
|
|
|
|
محمد حيدر المشرف
عبد المجيد محمد
ibrahim alnimma
محمد البشرى الخضر
نصر الدين عثمان
ياسر منصور عثمان
El-Saddig Abdalla Abbas
ismeil abbas
الزبير بشير
مدثر صديق
بله محمد الفاضل
د.محمد بابكر
خالد العبيد
طاهر قرشي
شهاب الفاتح عثمان
امجد الجميعابى
مامون أحمد إبراهيم
فيس بوك
تويتر
انستقرام
يوتيوب
بنتيريست