|
|
|
 Re: فيديو كليب جديد.... (Re: مبيوع)
|
بنحب من بلدنا ما برّا البلد
سودانيّة تهوَى عاشق ود بلد
في عيونها المفاتن شئ ما ليهُ حد
التّوب المهبهب فوق أم الضّفائر
والخد المعطّر زي أحلى الأزاهر
والخطوة الأنيقة ترنيمة مشاعر
أنا بيك كل عمري بمشيلها وبسافر
مين في الدّنيا ديَّ أجمل من بناتنا
الليهن قلوبنا والفيهن صفاتنا
الكامنات بروحنا والعايشات في ذاتنا
| |
 
|
|
|
|
|
|
|
 Re: فيديو كليب جديد.... (Re: وضاحة)
|
ممتن لك يا وضاحه على نقل الفيديو الى هنا...
عدم الاستعانه بسودانيه فى التصوير يعود لاسباب اجتماعيه وفنيه معروفه... لك شكرى وتقديرى
| |
|
|
|
|
|
|
|
|
|
Re: فيديو كليب جديد.... (Re: مبيوع)
|
| Quote: and#223;ساكون بطرفكم خلال هذا الصيف ان شاء الله |
وطرفنا وين يا دكتور ياسر؟
هذا الصوت التريان المعتق الشجي افتقدناه طويلاً
طولت علينا الغيبة يا دكتور
ولكن عذرناك .. كون هذا الإبداع لابد أن يُعذر صاحبه
تمنياتي لك بموفور الصحة .. ومزيد من الإبداع
كُل المحبة
| |
|
|
|
|
|
|
|
|
 Re: فيديو كليب جديد.... (Re: مبيوع)
|
Quote:
عذرتَك يوم رحلتَ بعيد
عشان قلتَ الظروف صعبة
وكتَمتَك سِر فِى جوف الليل
يضوي معالم الغربة
وأبيت أحكيكْ..حكاية شوق
بيكتب نفسو في التربة
تقوم ريح الشمال تمسح
ملامحَك عن أرض خصبة
تطوف أفكاري ديمة بعيد
وترجع ليِّ مكتئبة
لقيت ما عندي غير أعذِر
عذرتَك آخر المشوار
عذرتَك يا حلم غدار
عذرتَك رغم انو النار
بتحرِق في الصميم وصفَك
بتدمِن في الطريق رصفَك
وتزرَع فيني ميدانَك
وتحصُد في الحروب قصفَك
وتهرُب من رياح الشوق
وتلقى الشوق وسط عصفَك
ولما عيوني بتْغَمِض
عشان تهرُب من آلامها
بتلقى رؤاكْ فِى أحلامها
بتلقى صباكْ فِى أيامها
بتلقى مداكْ فِى أوهامها
تضيفَك للعمُر كُربة
بتزيد أحزاني بي ذكراكْ
أحبَك؟..ولا أتناساكْ؟
أكونَكْ
ولا أحيا بلاكْ؟
أعيدَك..ولا ألغي هواكْ؟
وأَجَّدِد بالصدام جواي
مواجع تحضن الرغبة |
مشكور يا دكتور على سرعة الاستجابة
نص بديع ومدهش ونابع من إحساس عميق وصادق
وعبرك اسجي عاطر التحايا للشاعرة الجميلة سلافة محمد
| |
|
|
|
|
|
|
|
|
Re: فيديو كليب جديد.... (Re: مبيوع)
|
Quote:
عدم الاستعانه بسودانيه فى التصوير يعود لاسباب اجتماعيه وفنيه معروفه... لك شكرى وتقديرى |
..... عمل جميل .... حدثني المبدع حاتم ابراهيم حول ظروف تواجدك في جاكرتا ...وانو ما كان في تخطيط مسبق للشغل .. وانو التصوير تم زمن قياسي ,,, الخ
رغم ذلك طلع جميل جدا .... حقيقي الاخ حاتم ابراهيم اجتهد شديد لك وله كل الاحترام
| |
|
|
|
|
|
|
|
|
|
Re: فيديو كليب جديد.... (Re: ناصر جبريل)
|
اخى ناصر .. مساء الخير
نعم ماذكرت صحيح... ولكن كنا قد قمنا بتصوير كليب لاغنية اخرى فى الاول ... واظهر فيه متجولا فى مختلف الاماكن
ثم قمنا بتصوير هذا الكليب بطلب من حاتم لاعجابه بالاغنيه... ولكن فى جميع الاحوال هذا النوع من الطرح الجريء
لا يناسب السودانيات... لك ودى واحترامى
| |
|
|
|
|
|
|
|
|
|
Re: فيديو كليب جديد.... (Re: مبيوع)
|
ياااا الله على الكلمات و اللحن و الاداء
و ياله من صوت
حقيقة اضافة جااامدة للاغنية السودانية
لاول مره استمع لك .. و تذكرني هذه الاغنية بالاستاذ احمد شاويش
الان انا مطمئن لان حواء الغناء السودان لا تزال تنجب
| |
|
|
|
|
|
|
|
|
|
Re: فيديو كليب جديد.... (Re: خالد المبارك)
|
لك منى كل التحايا والامنيات الطيبه اخى حالد
هذه الاغنيه وعشرات الاغنيات الخاصه كانت حصيلة تجربة لم يسلط عليها الضوء
بسبب موقفى بمقاطعة الفنوات السودانية و لسنوات....
اشكرك جدا ودمت
| |
|
|
|
|
|
|
|
|
|
Re: فيديو كليب جديد.... (Re: مبيوع)
|
سلام يامبيوع
قبل يومين تلاتة وانا سايق في الشارع، سمعتا ليك لقاء جميل مع قناة البي بي سي
والحق يقال، كنتا بارعا في حوارك..منمق الكلمات، اجدت اختيار الاغاني واجدت الردود المناسبة..
ادارة حوار مع قناة ذي البي بي سي في زمن زي زمنك داك ، كان ليفشل فيه كثيرين..
بس قدرتا تقدم صورة جميلة عن السودان وعن الغناء..حتى الممبو السوداني عندك كانت جميلة..
اللقاء كان موفقا جدا يامبيوع..وانتا حريف كلام ومهذب..
| |
|
|
|
|
|
|
|
|
|
Re: فيديو كليب جديد.... (Re: DKEEN)
|
مبيوع يا ياسر ....
كالعادة جميل ومبدع.
زي دكين الفوق ده، سمعت لقاء البي بي سي و ........................... يملا العين.
بس ما تغيب علينا كتير.
| |
|
|
|
|
|
|
|
|
|
Re: فيديو كليب جديد.... (Re: محمد أبوالعزائم أبوالريش)
|
ابيييييييييت مافي اي عذر هههههه .
حبيبنا ودكتورنا الجميل ياسر .. سلام خاص جدآ وشوووووق مطر
والله متابعة حاجاتك كلها ومعاي الشباب باهنا ولو سمحت لو مريت
باهناك ما تنسانا من حضورك وبركاتك . ونحن في الانتظار . تسسسسلم .
ولي قدام ...
| |
|
|
|
|
|
|
|
|
|
Re: فيديو كليب جديد.... (Re: DKEEN)
|
دكين يا صديقى الجميل,,,,
لك الود والشوق رسول....
نحاول قدر جهدنا اعادة السودانى الى مكانته الرفيعة التى كان عليها
وهو جهد المقل.... سلامى ان نلتقى
| |
|
|
|
|
|
|
|
|
|
Re: فيديو كليب جديد.... (Re: مبيوع)
|
جميل ورائع ومدهش كالعادة !
مشتاقين عزيزي ياسر
كيف أحوالك ياخي
مشتاقين كتير والله ، ولسة ما قنعانين تكون معانا بي جاي
تلفوني مع عمر سعد
تحياتي
| |
|
|
|
|
|
|
| |
مبيوع
Sulaiman Adam
وضاحة
osama fadlalla
أحمد التجانى حمودى
محمد فضل الله المكى
هاشم أحمد خلف الله
Mohamed Foto7li
يحي قباني
Elmosley
ناصر جبريل
خالد المبارك
محمد أبوالعزائم أبوالريش
مني عمسيب
مامون أحمد إبراهيم
فيس بوك
تويتر
انستقرام
يوتيوب
بنتيريست