|
|
 سلمي الشيخ سلامة
|
Salma Salama · الأكثر تعليقا · Cedar Crest College
ود ابسن ، المنبر دا "كان " بالنسبة لى شخصيا محل اقامة دائمة ومن القدماء فى عضويته ، لكن ، لمن زول فى صمة خشمك يطلعك حاجة انت ما عندك بيها ادنى علاقة ببقى مكان منفر وغير قابل للقعاد فيه ، واحسن تتخارج وتحترم نفسك ، بالجد ، اعتز جدا بما كتبته فى هذا المنبر، وعلى فكرة ما جيت للمنبر دا وكنت غاوية شهرة ولا مبتدئة كتابة ، ساحتفل هذا العام بمرور ربع قرن على اول قصة قصيرة نشرتها فى الصحافة ، واربعين سنة على اول كتابة نشرتها وكنت طالبة فى المرحلة الثانوية ، لهذا وغيره قررت ان احترم نفسى وما اكتب هنا نهائى الامن خلال هذه النافذة
رد · 6 · إلغاء إعجابي · متابعة المنشور · 6
يناير، الساعة 08:21 صباحاً
|
|
 
|
|
|
|
|
|
|
 Re: سلمي الشيخ سلامة (Re: عبدالحفيظ ابوسن)
|
أنا ما بتفق مع أختنا الكبيرة سلمى فى انو ده سبب كافي لأنو الواحد يسيب البورد،
سودانيزاونلاين وطن افتراضي كما ندعي والحقيقة هو اقرب لمرآة للمجتمع السوداني في الواقع (بشينينو وزينينو)، الافتراء والبهتان يمكن ان يتعرض لها الانسان في اي مكان وعلى الانسان ان يدافع عن نفسه
كتار اتعرضوا لما تعرضت له الاخت سلمى وربما أكثر، ولكنهم لم يرحلوا، والبعض رحل طبعاً أو بين بين !
سلمى انت حرة في ان تترفعي عن الوجود في مكان مليئ بالسفهاء، او ان تختاري التضحية من اجل القيام بواجبك كمثقفة سودانية في زيادة الوعي عند العامة وتحمل العواقب
| |
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
Salma Salama · الأكثر تعليقا · Cedar Crest College
ايمن ازيك ود اب سن كيف حالكما ،؟ عساكم طيبين ، يا ايمن القصة ما هروب ولا خوف لكن احترام الزول لنفسه ، عارف صلاح عبد الصبور اغتالته كلمة لم يحتملها من شاعر اخر زميل له ، لكن المؤسف ان من تعرض لى بالسباب شخص لا استطيع ان اكون واقفة معاهو فى صف واحد ، اربأ بنفسى عن تحقيرها فهى"نفسى " التى لم يتبق لى سواها تلك او ما يسمى باحترام الزول لنفسه وهذه خصلة لن اتراجع عنها لاى سبب وشكرا لاهتمامك
رد · 3 · أعجبني · متابعة المنشور · منذ
حوالي ساعةSalma Salama · الأكثر تعليقا · Cedar Crest College
ايمن ازيك ود اب سن كيف حالكما ،؟ عساكم طيبين ، يا ايمن القصة ما هروب ولا خوف لكن احترام الزول لنفسه ، عارف صلاح عبد الصبور اغتالته كلمة لم يحتملها من شاعر اخر زميل له ، لكن المؤسف ان من تعرض لى بالسباب شخص لا استطيع ان اكون واقفة معاهو فى صف واحد ، اربأ بنفسى عن تحقيرها فهى"نفسى " التى لم يتبق لى سواها تلك او ما يسمى باحترام الزول لنفسه وهذه خصلة لن اتراجع عنها لاى سبب وشكرا لاهتمامك
رد · 3 · أعجبني · متابعة المنشور · منذ
حوالي ساعة
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
حفيظ ياصاحب
قول ليها ياخ بلاش الحركات دى
...
غايتو انا برد لى مكنتك التحت دى يابت الشيخ
وبقول
احترامك لنفسك يابت الشيخ يتوجب عليه ان يجعل الآخر يحترمك
فما من خلاف واحد
تهربى
وتتحججى بى حكاية احترامى لى نفسى
مكانتك محفوظه
عند البورداب جلهم ....ماكلهم نعم
لكن حجتك واهيه يابت الشيخ ,,, تعالى وانا ببقى ليكى سند والله وده
وعد منى انا اخو البنات المابيرضى فيهن تب ...
ه انا بحترمك عشان تاريخك الجميل وحاضرك الأجمل وحبنا للعميرى ياخ 
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
سلمي سلامة
من اوائل المؤسسين لهذا الموقع
مؤسسين بعضويتهم ومثابرتهم
وهي ككاتبة ,, معروفة
وكمساهمة في الثورة الثقافية معروفة ولها مساهماتها
في الثمانينات كانت سلمي من الذين ساهمت مع غيرها من خريجي معهد الموسيقي والمسرح في إثراء العمل المسرحي , ومن الذين اقتحموا الاذأعة ووضعوا بصماتهم المضيئة
فيبقي
ان رأيها ليس رأيا عابرا ولا موقفها ,
فيجب النظر إليه بجدية , هذا ان كنا نريد تطويرا لهذا الموقع
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
مرحبا ملهم يا صاحب
قولك جيد
وهو قول محب ,,, فسلمي تستحق الحب والاحترام لكتابتها
ولها خصلة قل ان توجد اليوم , وهي الوفاء رغم تقدم السنوات علي فقد العميري
شوكران يا صاحب
ومعا من اجل عودة سلمي وآخرون غيرها يجب ان يكتبوا الآن
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
سأل الصحفي بشري الفاضل ان هنالك ركودا ثقافيا
رد بشري وانا لا اقتبسه بل اقول مجمل فكرته اعتمادا علي الذاكرة
ليس هنالك ركودا بل احجاما , فالحكومة ضيقت علي المبدعين وحاربتهم , ومنعت بعضهم ,, فحدث الاحجام , والاحجام موقف ضد السلطة
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
اتهمت زوجة صلاح عبدالصبور الشاعر حجازي بأنه تسبب في موت زوجها , وكان حجازي قد هاجم صلاح بأنه قبل بالتوظيف الحكومي للمصلحة المادية وانه هادن السلطة ولم يكتب كتابة تفيد حركة التحرر الوطني والقضايا العربية
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
الأمر ببساطة غير مخلة ووفقا لما فهمته من مداخلة سلمي ,, انها تعرضت لاساءة مباشرة وشخصية من عضو ,, وهي تربأ بنفسها ان ترد , فإحترامها لنفسها يمنعها من ان تسلك سلوكا ترفضه
طيب
كلنا معرضين وبل تعرضنا لإساءات مستترة او مباشرة , فهل الحل في الرد ام التجاهل ام تعرية المسئ وإدانة مسلكه ,, وتوضيح ان الاساءة تمثل العجز والتهافت
وهل يكفي فقط لمن يخالفنا ان يسئ لنا لننسحب
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
ثقافة التعدي علي الآخرين وتحويل النقاش للأمور الشخصية , هل صار هو الأصل
فها نحن نري عدد المشاهدات والردود لصراعات منقولة من خارج المنبر ,, كمشادات الهندي و فاطمة شاش و حسن موسي والبطل ومحمد عثمان ,, فكأننا نشاهد حلقة للمصارعة , نستمتع بمشاهدة مخالفة القوانين والتعدي ونصفق للمنتصر ,,, دون يكون لنا رأي في مشاهد العنف التي اخرجت المصارعة من الرياضة للإثارة
وغير ذلك كثير ,,
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
والسؤال المفصلي الأهم دون تقعر او عن(.........)ة
لماذا نكتب ? في سودانيز أو في غيرها
هل نكتب عبثا وللمكاجرة أم ان لنا هدفا أسمي ,,,
أسمي لا تعني الوطن فقط ?
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
تحية
شكرا عبد الحفيظ لابتدار هذا الخيط عن الاستاذة سلمي الشيخ سلامة....واضم صوتي الي صوتك في اهمية وجود الاستاذة وامثالها...وانا من المتابعين لها منذ وقت طويل ولسيرتها الادبية والثقافية وتمددها الانساني الشفيف فعلا وقولا ..
انسحابها من المنبر وتوقفها عن ا الاثراء والحوار والمشاركة والاضافة الموجبة كعادتها هو خصم للاستنارة والحميمية والمشاركة في حلتها الحضارية الباهرة...مواصلة الحراك المنبري يساهم بلا شك في تمتين مفهوم الحوار نفسه كقاعدة ومنصة انطلاق الي ما نرومه من ممارسة فاعلة في مختلف الاصعدة الاجتماعية والثقافية والسياسية ايضا..
نحن في انتظار القطار وعلي متنه صديقتنا الاثيرة نمد اليها قلوبنا قبل الايادي...
| |
|
|
|
|
|
|
|
|
|
Re: سلمي الشيخ سلامة (Re: محمد الكامل عبد الحليم)
|
الكاتبة المبدعة سلمى الشيخ سلامة عضو اللجنة التنفيذية لإتحاد الكتاب السودانيين في فترة حله
النجاح في مصادرة داره قبل عام 1989 لا ينبغي لقلمها أن يكف عن الصرير لأن أحدهم تطاول عليها بغير وجه حق واذكر هنا ما قاله احدهم عن بوست له.
هو نحن عندنا كم كاتبة ياسلمى؟أولاً اكتبي لا فض فوك إن لم يكن في هذا المنبر ففي منابر اخرىسودانفوراوول وسودانيات وغيرها. وكما قال لايمن هنا فالمنابر مرآة لمجتمعنا بشينها وسمحه. وكما قال ملهم هنا يجب القيام بالمواجهة.وفي نظري أن الغالبية هنا ستساندك وتساند المرأة الوسدانية وكما هناك هجمات ضدها في داخل المجتمع السوداني فهناك هجمات ضدها في المنابر لكن ذلك يقوم به نفر قليل ومن عجب انه من الرجال بأغلبية ساحقة لكن من النساء أيضاً. الرجاء يا أستاذة ان تستمعي لما قاله الجميع هنا: ايمن محمود، عبدالحفيظ ابو سن، ملهم كردفان، ومحمد الكامل وتعودي ومعك الأخريات ممن كابدن الافتراءات نفسها قبل سنوات.
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
اعشق القراءة واكره الكتابة .
تعرفت عليها من خلال اجراس الحرية ( اتمني عودتها ) وعشقت كتاباتها .
تعرضت لهجوم واتهامات خطيرة لم تغير صورتها في ذهني ولا في ذهن اي من عشاق حروفها .
اتمني ان تقراء ماكتبة ملهم كردفان .
قبل فترة قالت ان هناك مشكلة في الباسويرد في انتظار الحل .
| |
|
|
|
|
|
|
|
|
|
Re: سلمي الشيخ سلامة (Re: ملهم كردفان)
|
سلمي .. امممممممممح .
ما أجمل المعارك الفكرية ... حتي لو اتخللها بعض الكلام الما مسوؤل .
في النهاية ليك ولا عليك .
مشتاقووووووووووووووون قدر الوطن يا سلومة . الرجاء العودة للحوجة الماسة .
| |
|
|
|
|
|
|
|
|
|
Re: سلمي الشيخ سلامة (Re: ملهم كردفان)
|
مساكم نور وحبور وفرير دمور
هسع الفرق بين الكتابة فوق وتحت شنو الموقف ده مذبذب اختنا سلمى مادام عندك وجود في السايبر اكتبي في اي مكان ونحن من خلال كتابتك نراك
| |
|
|
|
|
|
|
|
|
|
Re: سلمي الشيخ سلامة (Re: حامد بدري)
|
سلمى الشيخ سلامة اسم محفور في الدواخل من اثير الاذاعة السودانية ايام كانت سودنية ،،يمكن تداخلت معاها قبل اكثر من ستة شهور وطلبت منها التواجد لأحساسنا بالشرف ان نتواجد في مكان وهي فيه ، ولكنها بلطف اعتذرت وقالت هي مكتفية من تواجدها بالمتواقة من نفاج البورد ، اتمنى ان طل علينا وتملاء المساحات الشاغرة لنها قلم يجبرك على المتابعة والاحترام ،،
شكرا عبد الحفيظ على هذا الألق وتفقد الناس السمحين
| |
|
|
|
|
|
|
|
|
|
Re: سلمي الشيخ سلامة (Re: حامد بدري)
|
/تحية لكل المتداخلين الذين سأعود لهم قطعا لازما
من يكتبون كأعضاء او من خلال نافذة الفيس
لم اشاء نقاش الاراء بحسبها تمس شخصا له إمكانية الرد عليها
الهدف الثانوي عودة الحبيبة عودة سلمي
الهدف الأساسي مناقشة كيف يمكن لنا ان نحيا داخل سودانيز رغم خلافاتنا بإحترام
وهل ما حدث لسلمي إستثناء ام له صفة العموم
ماهو موقفنا بشكل فردي مما يحدث من تراشق بالاتهامات الاخلاقية والسلوكية
هل نحن قادرون علي التأسيس لميثاق غير مكتوب ضد التعدي علي الآخرين والضرب خارج المباح
وهل نحن كموقع قادرون علي التنوير ونشر المعرفة
سلمي الشيخ سلامة انحاز نحوها محبة واعجاب , وحفظا لرموز نضالتنا
سلمي وصحابها شكلوا وجداننا ذات يوم سحيق
محبة للجميع
و الكتابة حرية فردية ,, فللكاتب حقه في الصمت ولنا الحق كقراء في رفض قراره ,, رفض ان لا تنطفئ جذوة اشتعاله ,,, فحين تخمد يجعلنا في الظلام
فوق
من اجل عودة سلمي
لمثلها يعذب الحديث
| |
|
|
|
|
|
|
|
|
|
Re: سلمي الشيخ سلامة (Re: حامد بدري)
|
| Quote: هسع الفرق بين الكتابة فوق وتحت شنو الموقف ده مذبذب اختنا سلمى مادام عندك وجود في السايبر اكتبي في اي مكان ونحن من خلال كتابتك نراك |
الفرق انو مافي زول بكتب بوست ب تحت، يعني بتتناول بوستات الغير فقط.
| |
|
|
|
|
|
|
|
|
|
Re: سلمي الشيخ سلامة (Re: حامد بدري)
|
سلمى العزيزه
بت بتملى العين ودفق
انسانة تحمل كل الجمال في دواخلها النقية
انسانة صادقة مع نفسها ومتصارحة لا تعرف النفاق و لا تلبس اقنعة حين تكتب
حرفها صادق يتغلغل في الدواخل
ليتك تعودى ولا تكونى انهزامية يا سلمى
فنحن من نفتقدك ونشتاق لى حرفك
للاسف كل الاقلام الجميلة رحلت لنها قبلت بالهزيمة من اصحاب النفوس المريضة
الذين هم سعوا لذلك فمكنوهم من هذه الفرصة
عودى سلمى فانحن فى الانتظار
ولا تخزلينا ابدا
ولا تحققى لهم غرضهم المريض بابعادك واساكت قلمك
الذى نشر احرفك الجميلة فى هذا المنتدى الذى سادة العبوس والسواد
بعد ان هجره الكثير من اصحاب الاقلام الجميلة المفيدة الذين تعلمنا منهم الكثير
في انتظارك سلمى
كما رايتى الكل ينظرك فلا تخزلينا
وسوف نتصبر لحين عودتك والبحب الناس البحبوا بصبر واتحمل علشان خاضر الحبايب والبحبوك يا بت الشيخ
| |
|
|
|
|
|
|
|
|
|
Re: سلمي الشيخ سلامة (Re: وضاحة)
|
سامر كوكو مساك خير
| Quote: الفرق انو مافي زول بكتب بوست ب تحت، يعني بتتناول بوستات الغير فقط. |
سلمى معلقة تحت انو مابشرفا تكون موجودة مع الشخص الوجه ليها الاساءة والكتابه فعل حر اكتب محل يعجبني عشان كده قلنا الفرق شنو حاليا موجوده مع نفس الشخص وبتكتب معاو نفس المكان ودي الذبذبه القصدناها
| |
|
|
|
|
|
|
|
|
|
Re: سلمي الشيخ سلامة (Re: omer abdelsalam)
|
شكرا لدعمكم
إحتجاب شخصية مثل سلمي وغيرها يجعلنا نطرق ناقوس الخطر
الحبيبة الغالية سلمي
لا أظن خذلتي من يحبونك سابقا , ولا أظنك ستبدأين الآن ,, أري كثيرا من الحب الصادق نحوك ,,, وأري الأمل يداعبهم ان يروا أسمك يعلو البوستات من جديد
لا أظنك ستخذليهم ,,
مثلك لا يخذل
لا يخذل من يحبونهم
لا يخذل ذكرياتهم
ارجو صادقا ان تراجعي نفسك ,,, راجعيها بأسم الحب
عشان خاطر احبابك
فإن لم يغفر الحب فماذا يغفر ?!
الحب يسمح لنا
ارجو ذلك
وانتي اهلا لإجابة من يتوسل لك
| |
|
|
|
|
|
|
|
|
|
Re: سلمي الشيخ سلامة (Re: Abdelmoniem ALHAJ)
|
يا سلمى..
تحيآتى وكآمل أحترآمى..
.........
عصرتى علىّ فى حّته..
وعصرت عليك أكتر..
فى موضوع ما يسوى...
لآنه من حق النآس تتشكك فى أى زول..
وتقول أنه بقى حكومة..
العبرة بالنتآئج...
لكين أنا والله يلعن ابليس..
أّديتك على رآسك...
و يا ريتنى ما فعلت..
ضميرى وجعنى شديد...
وكل ما أشوفك بى تحت..
ضميرى يتآورنى..
...
لآنى فى لحظة غير موّفقة....
نسيت سلمى الشيخ العرفتها أيام المعآرضة فى القآهرة...
وابدآعآتها المتعددة..
وضحكتها المجلجلة لّما كل زول فينا غآلبه الضحك..
وثقتك الغير محدودة..
فى نهآية ليل الظلم...
وما شفت مّنك غير كل جميل..
...
دحين يا أختى..
قد أكون وآحدة من النآس الزّعلوك..
وخلوكى تطفشى من المنبر..
بس زى ما قآل ليك ملهم كردفآن..
سلمى البتخّلى حّقها وتمشى...
دى ما أنتى..
....
بالطريقة دى حرمتى قراء كتاااار...
وأحترآمك لنفسك..
ما معناه أنك تدينا ضهرك وتمشى..
أحترامك فى محله...
ومآفى قوة..
ممكن تزحزحه..
.....
ولو كل زول زعل....
من الكلام البتكتب عّنه فى المنبر دا..
ومشى..
يبقى المنبر حيقفل...
......
فدحين يا أختى..
ألعنى أبليس..
وتعآلى رآجعة..
..
على فكرة أنا من زمآااان بفّتش لى فى فرصة...
عشان أعتذر ليك...
وكتر خير سيد البوست..
وبما أنى عآرفة أنه قلبك كبييير..
فعندى عشم كبير أنك تجى رآجعة...
...
قلتى شنو؟
| |
|
|
|
|
|
|
|
|
|
Re: سلمي الشيخ سلامة (Re: nour tawir)
|
تحية
كلام زي الشهد يا استاذه نور....وبصفة عامة ثقافة الاعتذار لا تتوفر كثيرا في ثقافتنا الجمعية... حروفك تمثل رافع لتمتين او تدشين ثقافة الاعتذار لاسيما ان التسامح وارد في تعاملنا ونحتاج ان نغذيه دوما لخلق نوافذ للخير ولتبادل الافكار والمعاني..وننظر الي الاختلاف كامر طبيعي ونسعي الي ايجاد ثقافة للأختلاف كجسر تقوم عليه امالنا نحو سودان ديمقراطي ووطن معافي او علي الاقل علاقات صحية يحكمها الصدق في جميع الاحوال...
من ناحية اخري يجب تفعيل شروط المنبر وايقاع الجزاءات اللازمة في حالة التنابذ ورمي الناس بالباطل والخروج عن المالوف في الادب ....يجوز الاختلاف ولكن لايجوز سوء الادب لاعضاء يربطهم رابط وتحكمهم ضوابط ...
لكم الحب والاحترام ونحن في انتظار سلمي وانا محيوك يا سلمي فحيينا..
| |
|
|
|
|
|
|
|
|
|
Re: سلمي الشيخ سلامة (Re: Abdelmoniem ALHAJ)
|
الأستاذ عبد الحفيظ وضيوفه
لكم التحية
يزعجني كثيرا أن يحجم الأعضاء عن الكتابة في البورد ، بسبب أو بغير سبب
كنت في الرياض دائما أحض البورداب على الكتابة .. واقول إذا لم يعجبكم ما يكتب فهاتوا أنتم الأجمل.
والكثير منهم لديهم المقدرة على الإبداع والطرح الإيجابي
هناك كثيرون توقفوا عن الكتابة ، بالرغم من أن بعضهم ما يزال يعد نفسه من البورداب
وهذا ينطبق على كثير من تجمعات السودانيين للأسف .. كثير من عضوية الأحزاب السياسية عاطلون عن أي إسهام
كثير من عضوية المنظمات والجمعيات عاطلون عن التفاعل
كثير من لاعبي الفرق الرياضية يطلون عاجزين عمدا عن المشاركة
وهكذا
لكن أمر سلمى مختلف فعي تكتب بشكل يومي ربما في بيتها ، لدى الصحف ، بالفيس بوك ، أو اي مواقع أخرى ..
أنا شخصيا اقرأها يوميا بالفيس بوك ، وقبل ايام تحاورت معي في موضوع كتبته هنا ، وقلت لها يمكنك مراجعة الموضوع تفصيليا بسودانيزاونلاين
لكنها أفادتني بأنها لا تدخل هذا الموقع ..
يا سلمى هذا الموقع ضخم للغاية .. يدخله أناس غير متخصصين في الكتابة ، وربما ان بعضهم ذو تجربة ضعيفة في الحوار
لكن لا يجب أن نقيس الناس بفهمنا ، أو أن نضع لهم معايير محددة ونصر على عدم خروجهم عنها
خدني على أد عقلي .. مثل مصري
العوج راي والعديل راي ... مثل وتوقيع لأخونا كانتونا
النشر مسئولية والتثاقف مسئولية ووسيلتهما الكتابة عبر وسائط التواصل المختلفة ، والبورد واحد من أهمها ..
عودي فكلنا تحبك .. ولا يجرمنك شنئآن قوم أن لا تكتبي معنا ..
وشكرا عبد الحفيظ وصحبه
| |
|
|
|
|
|
|
|
|
|
Re: سلمي الشيخ سلامة (Re: ودقاسم)
|
Quote: وبما أنى عآرفة أنه قلبك كبييير..
فعندى عشم كبير أنك تجى رآجعة... |
كلام زي الدهب
أنا منك ياسلمى ولابرجع بالباب, بنط الحيطة.
تعالي ياخ, هي الدنيا دي فيها شنو غير لمة الأصحاب
| |
|
|
|
|
|
|
|
|
|
Re: سلمي الشيخ سلامة (Re: ودقاسم)
|
Quote: وبما أنى عآرفة أنه قلبك كبييير..
فعندى عشم كبير أنك تجى رآجعة... |
كلام زي الدهب
أنا منك ياسلمى ولابرجع بالباب, بنط الحيطة.
تعالي ياخ, هي الدنيا دي فيها شنو غير لمة الأصحاب
| |
|
|
|
|
|
|
|
|
|
Re: سلمي الشيخ سلامة (Re: Kostawi)
|
مرة طربان شلت صوتك
شان اغني
انتي اول
وانتي تاني
وانتي تالت
وانتي
رابع
و
تحية بعمق الألفة لكم جميعا
وانحناءة ل
نور تاور
فهذا اعتذار واضح دون تبرير زائف او مخادع
وليس كالأعتذارات التي تمجد الذات
اعتذار فيه الحب وطيب الخاطر
وفيه الندم
وياليت
شوكران نور تاور
ويا سلمي سلامة
لا تجعلي الآخرين يبذلون مهج ذواتهم لعودتك
وقالوا في المثل
العشرة بين اللئام اربعون عام
وبين الكرام مدي الدوام
و
انتي كريمة وبنت كرماء
والعودة للاحباب يشبهك
فقري معنا موفورة الكرامة و غير مهيضة الجناح
و
التحية لكم فهذا القول يشبهكم , يشبه السودان ,, يشبه النفاج ولمة العصرية وونسة خشم الباب
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
تحية...
وضاحة.....وكيف لا تكونين وضاحة....حروف تحمل الخاطر منديلا شفيفا معطرا في قائظ الحر اللافح...مثلما تحمل رؤي فجر المشارق...مسنود ذلك بثقافة التسامح كظل يستريح من هجيره المتعبون والمحبطون...
معا لمداوة اهات الخذلان .....معا لهندسة الصبر .....نحو نوافذ الضياء... أن لا نقول متي..
| |
|
|
|
|
|
|
|
|
|
Re: سلمي الشيخ سلامة (Re: الجنيد حمد)
|
الجيد في الامر
انو سلمى سلامة
لسه عندها نفاج بتطل منه على الناس
من هنا انا بضم صوتي للشباب يا ريت يا سلمى
تتجاوزي كل ما هو مبتذل وفاضي
وفي تصوري الحاجات دي بتم اصلاً وضمن اهدافه الابعاد او اسكات
صوت الحقيقة
من هنا ياريت ترتبي اوراقك وتجينا ناطة من تاني
مع خالص التقدير والاحترام
| |
|
|
|
|
|
|
|
|
|
Re: سلمي الشيخ سلامة (Re: الجنيد حمد)
|
زعلان منك يا سلمى
زعلان بحق
وأحملك المسئولية التامة
عن كثير من البعث
كان ليكون متاحاً
في وجودك
أنتِ مسؤولة مسئولية تامة
أمام أي حرفٍ غاب
في غياهب عطاءات الأرواح
التي تغزل على مناولاتك
أبعاداً تضاف
أنه بلاغ مفتوح ضدك
إليكِ
فأحكمي بإيابك
أو قتل الأفق
تحياتي، محبتي واحترامي
وامتناني لك عُبد
| |
|
|
|
|
|
|
|
|
|
Re: سلمي الشيخ سلامة (Re: بله محمد الفاضل)
|
شكري للجميع
الظاهر اتورطت في حكاية الردود الفردية ,فساءت الشبكة واختفت مني تعليقات الفيس بوك
كامل الامتنان لكم
ومما يبدو جليا للعيان وقرت محبة سلمي في القلوب
ويا سلمي اهلنا قالو
كان حبيت ما تكمل
وكان عاديت ما تكمل
ختي محبة الناس في كفة وعداوات الناس في كفه , وشوفي الكفه المرجحه ياتا
ماأظن الحب يعادل الكره
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
Quote: ومما يبدو جليا للعيان وقرت محبة سلمي في القلوب
ويا سلمي اهلنا قالو
كان حبيت ما تكمل
وكان عاديت ما تكمل
ختي محبة الناس في كفة وعداوات الناس في كفه , وشوفي الكفه المرجحه ياتا
ماأظن الحب يعادل الكره
|
سلمى الشيخ سلامة
لك الود والتحايا الطيبات
واحد/واحدة فقط أساء/اساءت إليك
ياترى كم هم محبيك؟
ياترى كم هم معجبيك؟
أم كم هم عدد العاشقيك؟
عودي ياسلمى .. كلهم في الإنتظار....
| |
|
|
|
|
|
|
|
|
|
Re: سلمي الشيخ سلامة (Re: nour tawir)
|
شكرا لكم جميعا
وفي إحجامنا عن المشارك دعم للخط المناوئ لنا , فقد اخرجنا من الصراع , فالسباب والشتائم تكتيك في الحوار حين يعوز احدهم المنطق والموضوعية
لا تتعارك مع الخنازير فتتسخ والخنازير يعجبها ذلك
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
امد بدري · Riyadh, Saudi Arabia
مسا الخير الفرق شنو بين الكتابه تحت او فوق لانو شايف مشاركاتك بشكل يومي من نافذة الفيس عموما متمني اشوف كتاباتك وادي طلب صداقه في الفيس وفي مجموعتك تسلمي اختي
رد · 1 · أعجبني · 10 يناير، الساعة 06:55 مساءً
Salma Salama · الأكثر تعليقا · Cedar Crest College
الكتابة فعل حر ، حريته تقتضى ان يحدد الكاتب موقع حريته ولانى احب حريتى فاكتب " محل ما يعجبنى " وخاصة الفيس بوك وعندى "فسحة كبيرة
https://www.facebook.com/groups/Salmasalama/ اهلا بالكل وشكرا للاهتمام ياشباب ويا ملهم مانى خوافة ولا بخاف لكن بحبنى جدا ، اتعلمت احبنى ، لانه لو ما حبيتنى ما بحب زول ولك المحبة ولكل من احبنى فى هذا العالم الفانى كل المحبة
رد · 3 · أعجبني · متابعة المنشور · 10 يناير، الساعة 02:36 مساءً
بدرالدين مصطفى · Sudan University of Science and Technology
أستاذة سلمى أتمنى أن تعودي للداخل .. ولتبقي مشاركاتك في حدود، مثلما يحدث هنا (ما بتهبشي أي بوست) لكن وجودك في داخل الحوش يعطيه شيء من الجمال .. تحياتي مثنى وثلاث ورباع
رد · 1 · أعجبني · منذ 20 ساعة
Aati Badri · كلية الهندسة جامعة عين شمس
سلمى تعرضت لاهانة من بريمة واتهامات بالمثلية لانه لم يفهم احدى كتاباتها
وانى له ذلك فذكوريته وعنصريته تشكلان حاجب كثيف لفهم هكذا ابداع
وبعد ان تخلص منها تفرغ للاخ سمير كوكو في حربه السرمدية ضد النابهين
تحت راية مثل لا يابه بها هو نفسه
ولكن ذلك لا يمنع ان نقول ان الحبيبة سلمى هربت ورغم ذلك حبها للمكان واحترامها له وتقيرها جعلاها تاتي من الشباك
اضم صوتي للمنادين بالعودة
رد · 2 · أعجبني · متابعة المنشور · 10 يناير، الساعة 02:13 مساءً
رحمة الله المصطفى
وبصراحة للأعضاء ال عندهم باسوردات. كان المفروض تلقموا هذا البريمه حجرا وبصوره جماعيه وعنيفة تردعه ، ( وبالجمبه يا سلمي عجبني تعبيرك بحبني وانا برضو بحبك معاك )
رد · 2 · أعجبني · متابعة المنشور · 10 يناير، الساعة 10:24 مساءً
رحمة الله المصطفى
أضم صوتي للآخرين ، معقول تغيبي انتي ويقعدوا عاطلي الموهبة والأخلاق ؟ نحن نحتاجك وبشدة
رد · 1 · أعجبني · متابعة المنشور · 10 يناير، الساعة 10:01 مساءً
Ali Ahmed · متابعة · الأكثر تعليقا
بتذكرنى دائما بالكاتبة الرائعة نادية عابد فى مجاة صباح الخير المصرية الآسبوعية أيام زمان ...
رد · 1 · أعجبني · متابعة المنشور · 10 يناير، الساعة 11:59 مساءً
Ekhlas Elmusharaf
سلمي الشيخ سلامة يا رائعة اكتبي كان فوق كان تحت
رد · 2 · أعجبني · متابعة المنشور · 10 يناير، الساعة 08:59 صباحاً
Galal Eissa Omar
استاذنا حامد بدوي .. الفرق انو استاذة سلمي بتتواصل < كقارئة > لما هو مطروح من مواضيع لزملاء لها تظن ان رأيها يهمهم و.. <هو كذلك> .. من نافذة الفيس,,, و ليس ككاتبة لهل رؤاها و افكارها والتي هي محل احترام و تقدير قراءها .. و يا استاذة سلمي .. الاساءة نعم كانت مؤلمة و جارحة و لكنها لاتحط من فدر من يعرف قدر نفسه بل اساءت لقائلها في المقام الاول والغريبة اعاد ترديدها لزميل له في بوست عن النكرة عبد المنعم سليمان معيدا انتاج الازمة بصورة غير كريمة . ف شنو .. المطلوب عودتك لساحة المنبر حتي لا يسرح و يمرح فينا مستجدي الاستنارة
رد · 2 · أعجبني · متابعة المنشور · 10 يناير، الساعة 06:36 مساءً
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
الود والمحبة للاستاذة سلمي سلامة..
وشكرا للاخ عبد الحفيظ ابو سن لهذا البوست..
الاستاذة سلمي تعرضت لافتراء و " قلة ادب " شديدة من العاهــــة بريمة محمد آدم .. ورغم انه اغلب الاعضاء ادانو تصرفه الغبي وغير مؤدب ويدل على عدم فهم وعلى زول نفسه جربــــــانة .. لكن الشئ المحير كان هو موقف بكري ابوبكر الغير مفهوم بالمرة ..
وسكاته على هذا التطاول وعلى الافتراء في حق الناس وسمعتهم وسيرتهم وأخلاقهم..
بكري بتصرفه بعدم مسئولية تجاه سلوك وكتابات بعض العاهـــات مثل بريمة محمد آدم هو البيدفع اقلام جميلة مثل سلمى سلامة وابوبكر سيد احمد لهجر هذا المنبر..
كنت قبلك انوي ان ادعو الاستاذة سلمي للعودة وخاطبتها بالفيس بوك لكن تاني فكرت ندعوها بياتو وشي ونحن اساساً ضيوف عند رب دار بخيــل يضام عنده الشريف ويهان الكريم ويتطاول الاقزام ويرفع قدر الســفلة والارزال..
رب دار يهان ضيفه ويحقّر ولا يحرك ساكناً ولا يستحي..
ولسلمي سلامة كامل الحق في ان تتمثل بقول الامام الشافعي رحمه الله :/
ارْحَلْ بِنَفْسِكَ مِنْ أَرْضٍ تُضَامُ بِهَا *** وَلاَ تَكُنْ مِنْ فِرَاقِ الأَهْلِ فِي حُرَقِ
فالعنبرُ الخامُ روثٌ في مواطنهِ *** وَفِي التَّغَرُّبِ مَحْمُولٌ عَلَى الْعُنُقِ
والكحلُ نوعٌ منَ الأحجارِ تنظرهُ *** فِي أرضِهِ وَهْوَ مَرْمِيٌّ عَلَى الطُّرُقِ
لمَّا تغرَّبَ حازَ الفضلَ أجمعهُ *** فَصَارَ يُحْمَلُ بَيْنَ الْجَفْنِ وَالْحَدَقِ
وسلمى سلامة بزكاوة العنبر ومحمولة في الاحداق..
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
مرحبا بريمة
وحبابك
وضد اعاده انتاج المشكله
ذلك صراع سابق ومحض ماضي
فهل نحن مستعدون للتسامي فوق تقيماتنا الشخصية
ان كنا نقف ضد الاشخاص المعارضين في تناولهم الشخصي للسلطة , فبالضروري ضد التناول الشخصي للزملاء
كامل الود لك
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
Quote: الاستاذة سلمي تعرضت لافتراء و " قلة ادب " شديدة من العاهــــة بريمة محمد آدم .. ورغم انه اغلب الاعضاء ادانو تصرفه الغبي وغير مؤدب ويدل على عدم فهم وعلى زول نفسه جربــــــانة .. لكن الشئ المحير كان هو موقف بكري ابوبكر الغير مفهوم بالمرة ..
وسكاته على هذا التطاول وعلى الافتراء في حق الناس وسمعتهم وسيرتهم وأخلاقهم..
بكري بتصرفه بعدم مسئولية تجاه سلوك وكتابات بعض العاهـــات مثل بريمة محمد آدم هو البيدفع اقلام جميلة مثل سلمى سلامة وابوبكر سيد احمد لهجر هذا المنبر.. |
زمانك يا مهازل فأمرحى!
بريمة
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
مرحبا حيدر الزين
وحبابك
نحن محضر خير للاصلاح
والهدف استعادة الاعضاء المميزين
وسلمي كاتبه محترمه ومميزه
فدعنا لا نفتق جراحات الخلاف
ونحول بوستا لرأب الصدع لبوست خلافي
كامل
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
بريمة محمد
| Quote: ليس من أخلاقنا .. وكان هذا كل أعتراضى! |
لا يا بريمة، كلامك كان واضح وفيهو تلميح صريح لم ولن يخفى على أحد
انا لو مكانك ولو ما زلت مقتنع بكلامي بعيدو تاني (رجالة)،،، ولو غيرت رايي بعتذر بكل شجاعة (رجالة برضو) للاخت سلمى !
| |
|
|
|
|
|
|
|
|
|
Re: سلمي الشيخ سلامة (Re: أيمن محمود)
|
يا جماعه طولوا بالكم
دون حده
ودون انتهازيه لتصفيه الخلافات
الاخ بريمة كان عندو راي وقالو , والراي ده سبب خلاف ,, وهو راي شخصي وشخصي جدا
فدعونا نعطيه الفرصه ليس للتراجع عنه بل الاعتذار عنو
وضد التقيمات الاخلاقيه والسلوكيه وبالضروره الاتهامات
| |
|
|
|
|
|
|
|
|
 Re: سلمي الشيخ سلامة (Re: عبدالحفيظ ابوسن)
|
| Quote: بريمة ما تتراقص لينا هنا زي كبشور ! |
أنا لو دقيتك لما رقدتك عيش يا غجرى .. برضو خلافنا ما بنحل .. مينو القال فى حق الكاتب منعم سليمان:
| Quote: يا اللوووووووووووووووطى تعال هنا أفشخك |
هل لما قلت هذا الكلام كنت تحت التأثير أم أنك مثلى حقيقة؟
أحسن لى نرفع وكيلى إلى الله .. ونتركك فى حضيضك.
بريمة
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
يا بريمة زعلت ولا شنو يا زول
كبشور دا برضو مش حازمي زيك ولا أنا غلطان
كان غلطان قول لي من غير زعل
ومنعم دا هو القال الرجال في الشمال عندهم (عـــنة ) وقال حريم الشمال (عندهن شبق) ولا أنا غلطان
باقي لي زي دا أخليهو كدا يقل ادبه على كيفو عشان إنت تكون مبسوط
يا برمة يا وهم إتعدل قبل ما أجي أعدلك
| |
|
|
|
|
|
|
|
|
|
Re: سلمي الشيخ سلامة (Re: Asim Fageary)
|
عاصم و بريمة
كدي يا حبان ختو الكوره واطه
وكل شوكه بسلوها بي دربها
بوست للم الشمل نقوم نخلق فيهو خلاف يزعل واحد تاني
انا غايتو علي قناعه تامه مافي زول بغلط مع زول ما براجع نفسو ويندم
فكدي ادو الناس فرصه للتراجع والاعتذار كما فعلت نور
و
اخوك كان رميتو قوم منو
و
اخوك كان كتلك بجرك الضل
سلمي
يا سلامه
في انتظارك وفي شرايني بدمدم حس قطارك
| |
|
|
|
|
|
|
|
|
 Re: سلمي الشيخ سلامة (Re: Asim Fageary)
|
غايتو بريمه ده مفروض يدوهو طلقه او كرسي كهربائي لامن راسو ده يجي معقوله يابريمه ات عايش في امريكا قريت البوسطي المعني كلامك ده مامقبول نهائي وماف شئ واحد كتبتو او لمحت بيو سلمى غير انو اشارت لظاهرة موجوده في كل الدول وعايزه تشرحا بي شتارتك ومداخلتك الواحده ده قلبتا الدنيا مجنون اتا وحجرك الواحد الرميتو ده اربعين رجل مابرفعو ياخي حتى لو فرضنا كلامك صح لزومو شنو العوج لو عندك نصيحه او مساعده قدمها او اصمت
مفروض سلمى تغير الموضوع بتاع الشذوذ ده وتكتب لينا عن التبول اللا ارادي كان رشانا بريمه بي بولو المالح ده ملا الوطه كلها العجب كان ضارب ليو كورية بقنيه 
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
عبد الحفيظ،
سلامات ..
Quote: مرحبا بريمة
وحبابك
وضد اعاده انتاج المشكله
ذلك صراع سابق ومحض ماضي
فهل نحن مستعدون للتسامي فوق تقيماتنا الشخصية
ان كنا نقف ضد الاشخاص المعارضين في تناولهم الشخصي للسلطة , فبالضروري ضد التناول الشخصي للزملاء
كامل الود لك |
أنا لم أفعل شيئ حتى أعتذر منه .. أو عليه.
أنظر وأعيد الكرة فى تعليقى .. أنا رديت على شخص يتساءل عن كثرة قراء البوست .. ورددت إليه بقولى:
Quote: يا أخ كل الناس جايين شمار ساكت .. ليعرفوا هل البوح يخص صاحبة البوست أم لا .. لكنها كبت الزوغة ومرقتها فى جهة أخرى .. وأظن فى النفس شيئ من حتى!
بريمة |
وهل الناس يعلمون الغيب حينما يقول شخص "أنا مثلى".. هذا بوح خطير .. والناس جايين الأعمى شايل المكسر .. وكل زول يرجع و حمده فى بطنه. ما كتبه شرح لهذه الحالة .. وأخرجت سلمى الجملة من سياقها .. وظلت تبكى وتنوح .. هل أعتذر لأنها ظنت أننى أسأت لها؟ ..
تعالوا أقنعونى أن سبب مداخلتى من الأساس كان بسبب الأساءة؟
راجع بوست سلمى تعرضت فيه للأساءة والملاسنة والتهديد .. لكن لم تكن هنا حجة واحدة مقنعة للرد على مداخلتى.
وسوف تظل جذوة ضميرنا السودانى الحيى متقده .. ويقظة.
وهذه أخر لى مداخلة .. ولن أتداخل إلا إذا وجد حجة وليس ملاسنة
بريمة
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
حبابك بريمة
لم اكن متابعا جيدا لسودانيز , ولا أعرف اصل المشكلة ولم أقرأ إلا ما كتب هنا
شاكرا لك موقفك في عدم التلاسن ,, وانت مرحب بك جدا هنا من اجل منبر يسع الجميع , إن عجزنا عن قبول الآخر في منبر فكيف بنا في وطن تتناوشه الاطماع ويحف به الفساد ونحن ندعو لوطن حدادي مدادي ولا بنبيهو فرادي
في تقيمي الشخصي اخي بريمة انا مستعد للإعتذار لإي عضو ان ظن انني اسأت له , وقد فعلتها هنا سابقا في بوستي الامريكي , قد تعجز بلاغتنا احيانا عن تبيان غرضنا ,,
كامل الود والتقدير لشخصك
| |
|
|
|
|
|
|
|
|
|
Re: سلمي الشيخ سلامة (Re: عبدالحفيظ ابوسن)
|
حبابك حامد بدري
كدي خليك محضر خير ياخ
خلينا نصفي النفوس
وبريمه وعد بعدم التلاسن
ليس مقبولا من اي احد وصف شخص بصفه لا يحبها , ولا ان نتتبع عثرات اللسان [ الكي بورد ]
غياب سلمي من البورد خسارة ,, خسارة لحركة التوعية والتنوير ,, وخسارة للتاريخ الحديث فهي احد الشهود والصانعين له كما ألمح العزيز بشري الفاضل
وقالو
كلام الخطوبة يوم الطلاق ما بتلقي
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
Quote: ومنعم دا هو القال الرجال في الشمال عندهم (عـــنة ) وقال حريم الشمال (عندهن شبق) ولا أنا غلطان
باقي لي زي دا أخليهو كدا يقل ادبه على كيفو عشان إنت تكون مبسوط |
منعم قال ما قال .. وأدانه قراء المنبر ..
لكن يا الغجرى أنت جيت وصرحت تصريح خطير ..
| Quote: تعال ياللووووووووووووطى أفشخك |
.. غير أنك رميت منعم باللوووواطة من غير وجه حق .. وهذا فى الأسلام يسمى قذف .. وله حد .. أنت ممكن تحاسب بحد القذف ..
لكن المشكلة .. الوقعت فيها أنت .. لو قلت أمشى ليك لزول أفشخك .. ما كان وقفت فى حلقك بمثل أنا خانقك الأن .. فأنت أستعملت حرف الألف فى "أفشخك" .. وهذا يدخلك فى واحد من أثنين إما أنت مثلى .. وإما كنت تحت التأثير .. وما لم تعترف بواحدة منهن لن أتركك ..
أنظر لسلمى قالت I'm Gay .. أنظر حرف "I" .. مثل ما قلت أنت فى حق منعم تماماً ..
فهل أعتذر أنا .. أم تعتذر أنت وسلمى الذين أستخدمتم حرف "I" فى موضع يخل بكل موروثنا السودانى ..
بالله كفكف جراحك وما تجيبنى تانى راجع ..
ولو أصريت لأستعدالى بالقوة .. شيل عكازك وتعال فرجينيا ..
--------------
كبشور ليس بقارى ..
بريمة
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
ههههههههههههههههههههههههههههه
وريني البخليك تدافع عن منعم سليمان وهو يسيء للناس وتقيف ضدي وأنا أسيء لمنعم سليمان رداً على فعلته شنو ظ
عندك مكيالين للحق ؟
| |
|
|
|
|
|
|
|
|
|
Re: سلمي الشيخ سلامة (Re: Asim Fageary)
|
طولو بالكم
وليس كل ما يعرف يقال
والظن أكذب الحديث
وحق المسلم علي المسلم ان تحسن به الظن
تعودنا في شجارنا الحامي ان نطلق تلك النعوت ولا نقصدها حرفيا ولا يفهم سامعها حرفيتها
فكدي ما نجيب واحد تاني ونوسع الخلاف
ومعا من اجل عودة سلمي وكل من له موقف
وضغطا لبكري بمنع المنفعل من الرد ولو ليوم وليس حظره فلا نخطي إلا سجالا ومنفعلين
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
أول حاجة يا بريمة وضاحة كلامها دا كان موجه لعبد الرازق الطالب
وكلامها الأول عن لو نزلت صورتها كان مجرد مزاح مع ناس هي متنعودة تمزح معاهم
يعني إنت فقط متلقي حجج وعاوز تتصدر لأي كلام
بعدين إنت قلة الأدب البتقولها هنا في المنبر شوية
اجيب موسي واطهرك لكم واحدة قلت الكلام دا هنا
إنت لو كنت مهذب في شخصك من حقك ترفض أي أسلوب غير مهذب
لكن إنت زي قلة الأدب القاعد تقولها راكبه معهاك في نفس السرج
وسيبك من اللف والدوران بتاعك
أنا شخصياً ما عندي اي عداوة تجاهك لو تعلم
ولكني أرفض أسلوبك في الحوار
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
| Quote: وانت عارفانا نحنا اقلية ومحتاجين للمزيد وليست النقصان في هذا الحوش العامر!!! |
دي فهمت منها شنو يابريمة ؟؟؟ ياخي دي الواضح مقصود بيها الجندر وفعلا هم اقلية .... انت ياخوي مشيت بعيد ...
| |
|
|
|
|
|
|
|
|
|
Re: سلمي الشيخ سلامة (Re: usama Babiker)
|
| Quote: أنا شخصياً ما عندي اي عداوة تجاهك لو تعلم |
أها لما تحدثنا معك بلغة عكازى وعكازك .. جابت ليها رخيان ..
يا زول هووى، أنا عكازى المضبب فى أمريكا دى ضابى فى أباطى وماشى بيهو .. ولما الأمريكان يسألونى عنه أقول لهم كما قال سيدنا موسى .. هذه هى عصاى أتوكأ عليها وأهش بها على غنمى .. وتحت تحت لى فيها مآرب أخرى لأمثالك.
أبقى راجل وأثبت على موقفك .. والحكم بينا هم القراء.
بريمة
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
يا بريمة أنا موقفي ما غيرته لكن شايفك إنت ماخد الموضوع وكأنما بينا تار
وأنا يا لا بخاف منك ولا من 100 زيك
إنت ما بتعرفني أنا الزيك دا وبعكازه كان لميت فيه بخليهو يجري قدامي
بس ما عاوزك تاخد الأمور بعداوة شخصية ودي الحقيقة مافي أي شيء يستدعي ذلك
لكن أسلوبك في الحوار حاول إنك تهذبه
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
أسامة،
سلامات ..
| Quote: دي فهمت منها شنو يابريمة ؟؟؟ ياخي دي الواضح مقصود بيها الجندر وفعلا هم اقلية .... انت ياخوي مشيت بعيد ... |
أنت كده وضعت يدك فى محل الوجع .. وبدأت تشرح .. لكنى غير ملزم بشرحك أنت .. الكلام أصلاً مكتوب ليتم تأويله بأى إنسان .. كلام مبهم.
وبهذا الموقف البسيط يتم شوطنة بريمة بأنه خبيث وشرير .. غير أنى لم أفعل إلا مثل هذا التساؤل البرئ الذى يتم تأويله بخلاف ما بطن.
بريمة
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
Quote: يا بريمة أنا موقفي ما غيرته لكن شايفك إنت ماخد الموضوع وكأنما بينا تار
وأنا يا لا بخاف منك ولا من 100 زيك
إنت ما بتعرفني أنا الزيك دا وبعكازه كان لميت فيه بخليهو يجري قدامي
بس ما عاوزك تاخد الأمور بعداوة شخصية ودي الحقيقة مافي أي شيء يستدعي ذلك
لكن أسلوبك في الحوار حاول إنك تهذبه |
أنت ليك خياراتك .. تلم فينى ولا تخلينى لا دخل لى بها ..
أما عكازى فهو حقى أنا وأنا مخير في أى موضع أضعه .. فى الوطاة أو رأس زول .. دا خيار يخصنى أنا.
وأحتفظ بنصيحتك لنفسك ..
بريمة
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
الاح بريمة سلام ..
ياخ ما كان يكلفك شئ لو قلت يا اخوان انتو فهمتوني خطأ وانا أسف يا اخت سلمى ما قصدت اي اساءة ؟؟.. أكيد ما كان حد راح يرجع وينبش أصل المشكلة .. ولايوجد انسان معصوم من الخطأ .. لكن بالطريقة دي بوست المصالحة نفسه تحول لبؤرة صراع جديدة
واصبح هو مصدر خلاف وتأذيم للمشكلة بدلا عن حلها ..
ياخ العن الشيطان استغفر واعتذر ... او حتى تأسف لفهم الحضور الخاطئ لمداخلتك على الاقل ..
لان حتى الجدال في هذا الاتجاه الكاسب فيه خسران دون شك ..
| |
|
|
|
|
|
|
|
|
|
Re: سلمي الشيخ سلامة (Re: درديري كباشي)
|
بكده يا عاصم ..
أنتزعنا منك شيئ .. أنك أعترفت بإساءتك لمنعم سلميان
| Quote: وأنا أسيء لمنعم سليمان رداً على فعلته |
again you dropped the ball .. فأنت ملزم بأعتذار لمنعم سلميان .. ولنفسك أولاً لأنك أخطأت وأعترفت بالخطأ وإلا تكون مكابر إن لم تعتذر ..
وإعتذار منعم من عدمه للشماليات لا يعفيك عن الأعتذار له .. لأنه لدينا نص قرآنى:
لا تز وازرة وزر أخرى ..
أى كل شوكة بسلوها بدربها ..
بريمة
| |
|
|
|
|
|
|
|
|
 Re: سلمي الشيخ سلامة (Re: بريمة محمد)
|
Quote: نت كده وضعت يدك فى محل الوجع .. وبدأت تشرح .. لكنى غير ملزم بشرحك أنت .. الكلام أصلاً مكتوب ليتم تأويله بأى إنسان .. كلام مبهم.
وبهذا الموقف البسيط يتم شوطنة بريمة بأنه خبيث وشرير .. غير أنى لم أفعل إلا مثل هذا التساؤل البرئ الذى يتم تأويله بخلاف ما بطن.
بريمة |
يعلم الله يا معتصم كنت داير اقول كلام قريب من دة
وحقيقة قصة شيطنة الآخر دي اظن هنا شغالة بشكل مؤسس وعندها عصابات
وليهم ازرعة خفية وباينة
ما في شك انو الناس لمن تلقي مساحة وعي
تساهم مع بعض فيها
وتمارس احسان الظن في الحولها
قصة اننا ما نغلط في بعض دي ما واردة
وقصة ان الكلام البنقولو لي بعض
ما اتحور وتكون فيه بعض المطاعنات والاشارات الموجبة اوالسالبة .
دة حا يكون لغة اشارة ما كلام
والناس كلها ما زي بعض
الاخت الكريمة سلمي الشيخ سلامة
من الاقلام الجرئة وافكارها ما قاعد تجامل فيها وعندها مخزون ثقافي ما ساهل ربنا اديها العافية وتمام التوفيق
اهة .....الكلام دة عندو تمن
لمن الزول يطرح قضية او قصة او اقول اي كلام لازم يتحمل مسؤليته وخصوصا حملة المشاعل
اي صاح ما بكون ملزم انو الناس تفهم بطريقته هو .
بس علي الاقل انو موقفوا يكون واضح واتحمل تبعات كلامه
اما قضية تحرم الناس عن طرحها
لموقها من لياقة بريمة ( دة تفسير من عندي )
واصطفاف البعض معاها من اجل شيطنة بريمة او تصفية حساب معاه
اظن الكلام دة فيه لينا ظلم نحن المتابعين ومع الاستمتاع لكتاباتها
بالنسبة لاخونا بريمة شايف انو هو ما غلط معاها
ومن حقو يستفسر ويستفهم واعترض طال مالموضوع مطروح وفي منتدي بتاع حوار
ودة الفهمتو من كلامه ومن متابعاتي للحوار في موضوع المشكلة
احيانا كتيرة بعض الذين يعترضون علي بريمة هم اشد من بريمة (بمفهومهم هم )
وعاملين من نفسهم فتوة البورت واخوان البنات
وحقيقة يا اخونا فقيري مداخلاتك مع بريمة ان لم تزيد لا تنقص
وما اخفيك مرات كتيرة ليك مواقف لا تتناسق مع طرحك هنا
نرجو من الاخ بريمة زي ما قال ليك العزيز درديري
(( ياخ ما كان يكلفك شئ لو قلت يا اخوان انتو فهمتوني خطأ وانا أسف يا اخت سلمى ما قصدت اي اساءة ))
ونتمني من الاستاذة سلمي تشرفنا وتلبي رغبة الجمهور
بي فوق
وحقيقة مشتاقين لدواسك فوق يا بت الشيخ
وربنا اديك العافية والسداد
| |
|
|
|
|
|
|
|
|
|
Re: سلمي الشيخ سلامة (Re: الصادق الخالدى)
|
Quote: هذه المداخلة كتبتها منى عمسيب ..
وتشير فيها بكلمة "نحن" أقلية .. وكلمة نحن بمثابة حرف الألف .. ضمير متكلم ..
أنا عايز أعرف موقع هذا ال "نحن" من بوست I'm Gay وين من الأعراب؟ وعايز أعرف كلمة أقلية أى أقلية هذه؟
يبدو أنا ح أموت كمد ساكت وأسوى لى وجع قلب .. |
لا اله الا الله
يا خى ده سوء ظن فايت الحد
| |
|
|
|
|
|
|
|
|
|
Re: سلمي الشيخ سلامة (Re: وضاح عبدالرحمن جابر)
|
الصادق ماعصرتا علينا شديد
بريمه بلا اي بلا واي شوف رب العالمين جعل الحتة دي تحديدا بي اقرار او بي شهادة شهود وسيلتين اتنين فقط لاغير فلو التزمت بالكلام ده مافي شي بجيك اتا مكابر ولايوق بس وصدقني البترمي بيو الناس ده حيجيك في خشم بيتك اعراض الناس ماشي ساهل ربنا يغفر ليك بس
ويالصادق اصحا شوية واقرا الكلام الكتبو بريمه وزعل الناس كلها ماسلمى براها
| |
|
|
|
|
|
|
|
|
 Re: سلمي الشيخ سلامة (Re: حامد بدري)
|
Quote: الصادق ماعصرتا علينا شديد
بريمه بلا اي بلا واي شوف رب العالمين جعل الحتة دي تحديدا بي اقرار او بي شهادة شهود وسيلتين اتنين فقط لاغير فلو التزمت بالكلام ده مافي شي بجيك اتا مكابر ولايوق بس وصدقني البترمي بيو الناس ده حيجيك في خشم بيتك اعراض الناس ماشي ساهل ربنا يغفر ليك بس
ويالصادق اصحا شوية واقرا الكلام الكتبو بريمه وزعل الناس كلها ماسلمى براها |
اخونا حامد بدري
غير عصرت علينا شديد دي ما فهمت حاجة 
صدقني ما فهمتك داير تقول لي شنو 
| |
|
|
|
|
|
|
|
|
|
Re: سلمي الشيخ سلامة (Re: الصادق الخالدى)
|
تحياتى المواطن ابو سن
وتحياتى للضيوف من طرف
النديكم النجيضة رغم محبتكم للمواطنة سلمى الشيخ سلامة
للاسف سلمى لن تعود للمنبر ...
عبركم التحية لحبيبو الكل بت الشيخ سلامة ....ويستمر النضال
| |
|
|
|
|
|
|
|
|
|
Re: سلمي الشيخ سلامة (Re: محمد جمعه الخير)
|
من علامات مظاهر الانحطاط الحاصل في كل نواحي الحياة
في السودان انه قامة ذي أستاذتنا سلمي يتطاول عليها عاهة ذي بريمة
-------
معليش يا بريمة صدقاً لم اجد أدق من وصف أخونا حيدر الزين لوصف الحالة الانت فيها
يا عزيزي شخصية ذي أستاذة سلمي من المفترض بل من واجبنا أن نقيم لها تمثال لتكريمها
قطعاً انت لا تعرفها لأنك لو عرفتها أأكد لك انك لن تستطيع أن ترفع عينك أمامها
| |
|
|
|
|
|
|
|
|
|
Re: سلمي الشيخ سلامة (Re: nour tawir)
|
أمين على الشيخ
Quote: معليش يا بريمة صدقاً لم اجد أدق من وصف أخونا حيدر الزين لوصف الحالة الانت فيها
يا عزيزي شخصية ذي أستاذة سلمي من المفترض بل من واجبنا أن نقيم لها تمثال لتكريمها
قطعاً انت لا تعرفها لأنك لو عرفتها أأكد لك انك لن تستطيع أن ترفع عينك أمامها |
مالم تأتى بنقد مؤسس يؤكد ما أخطأت فيه، تظل وجهة نظرك فينى لا تغير في الأمر شيئ ..
أى أبن أمرأة مثلك لا يهز في بريمة شعرة ..
بريمة
| |
|
|
|
|
|
|
|
|
|
Re: سلمي الشيخ سلامة (Re: بريمة محمد)
|
Quote: ففى نهاية الفيلم يتقدم الفتى بطلب الزواج من خطيبته فى حفل كبير
كان لزواج احد اصدقائه
وحين جثا على ركبتيه وصمت الناس من حولهما
صاحت رفيقتى
ـ الخاتم ، الخاتم لابد من الخاتم
كانت سمراء بلون البن
جميلة ، لم تتجاوز سنواتها العشرين بعد
كانت تنادينى ماما واتقبل مناداتها بحب
حين صاحت الخاتم
قلت لها :
هل تتمنين ان تتزوجى ؟
قالت وهى تكاد تصرخ
ـ لا
قلت لها
ـ مازلتى صبية وجميلة "والف من يتمناك "
ضحكت وردت
ــ I`am gay
قلت لها
ـ كيف ؟
ـ الم تلاحظى ذلك ؟ كل زميلاتنا يعرفن امرى
ـ لا لم اكن اعرف
لكنى طرحت نظرة عامة عليها ، وجدتها لم تلبس سوى "الاردية فى كل يوم ، حتى الاردية تجعلها تبدو من خلالها
ملابسها الداخلية كما يفعل الصبيان تماما
ترتدى ودائما قبعة بيسبول ، احذيتها دائما رجالية ، حتى مشيتها كانت تخلو من الانوثة
على الرغم من ان اسمها كان "الحان "
قالت
ـ لقد ظللت وفية لصديقتى منذ خمسة اعوام ولن اتخلى عنها ، ربما ستنجب هى اما انا فلا ...
وظللنى صمت الى هذه اللحظة |
ده الكلام الجا منو عنوان بوست السيده سلمى أم عازه (دهبايه)
ولا أطن بل أنا متأكد تماما ان هذه السيده تعرضت لظلم ماحق لاداعى له
| |
|
|
|
|
|
|
|
|
|
Re: سلمي الشيخ سلامة (Re: ملهم كردفان)
|
Quote: لكنى كتبته فى سياق قصة من واقع عشته
ومازال قائما
وازعم انه كما اشياء اخرى فى حياتنا
من الامور المسكوت عنها
لكن ...نقاسه يقود الى الكثير من نفض الغبارات عنه
|
الكلام لسلمى تشرح وجهة نظرها
| |
|
|
|
|
|
|
|
|
|
Re: سلمي الشيخ سلامة (Re: ملهم كردفان)
|
وتبينر مالاحظته
Quote: اول ايامى فى هذا البلد المعروف باسم بلاد العم سام
وجدت انهم يناقشون ومن خلال البرامج هذه الظاهرة
"المثلية " وبكل اريحية " |
Quote: وبالناسبة كان معاى زميلة فى الشغل هاجرت من ايوا لانها بتقول انه ناس ايوا
"ما بحترموا العلاقة البينا وبين صديقتها "
مشت ولاية فيها التحرر اكبر من ايوا
حتى البنات العندهم علاقات مثلية بدسوها
مافى زول فى ايوا بقدر يقول انه "مثلى او مثلية "
رغم وجود القانون |
تحكى عن تجربة غيرها ...فهل قالت سلمى الشيخ سلامه انها مثليه ؟؟؟
وهل سمعتمر سودانيه تقول انها مثليه وتتبجح بها فى المنتديات ؟؟؟
....
ان السيده سلمى كاتبه تكتب ماتراه بعينيها وتسمعه بأذنيها من خلال تجارب وحكايات الآخرين
لامن خلال ممارسة ...لا اعتقد انها تحتاج الى فضح امرها ان كانت تمارسها ...
Quote: للحقيقة تستخدم الفتيات اللاتى كتبت عنهن هذا اللفظ تحديدا
واذكر ان مقدمة البرنامج التلفزيونى المسمى باسمها
"الان شو "
قالت حين سالوها ذات مرة عن نوع علاقتها "بزوجتها "
انها "gay"
وجدتنى استخدم هذه الكلمة التى ربما وجدن "هن " انها تعبر عنهن
اكتر من غيرها
شكرا لك |
وعنا شرحت الأستاذه سلمى المراد من الكلمه ..منسوبه الى
الفتيات
مذيعة التلفزيون
| Quote: وجدتنى استخدم هذه الكلمة التى ربما وجدن "هن " انها تعبر عنهن |
وجدن هن ...انها تعبر عنهن ..
ممايؤكد ان سلمى انسانه تعرف كيف تكتب ولمن تكتب وما الذى تريد ايصاله ..!!!
Quote: وجدتنى اتعاطى مع واحدة كانت متزوجة لرجل
ولديها حبيبة
من الرجل قالت انها "اثبتت انوثتها " ومن الصديقة
لا اعرف ماذا جنت ؟
لكنه امر محير ويدعو للتامل ، فكيق يستقيم ان تكون واحدة متزوجة ولديها علاقة اخرى بانثى ؟
غايتو حيرونا معاهم |
| |
|
|
|
|
|
|
|
|
|
Re: سلمي الشيخ سلامة (Re: ملهم كردفان)
|
تحية للجميع
وخرج البوست مني ,, ان أكون كاتبه ,, فصار ملك الجميع , وما انا إلا زائرا مثلكم
لكم التحايا والتجلة
وشكر خاص لأبوروضة الذي نسح مداخلات الفيس
وللصديق ملهم الذي نسخ مكان الجدل في البوست مثار النقع
من الواضح والجلي ان سلمي تحدثت عن ظاهرة شاهدتها , وكتبت عنها بأسلوب قصصي شيق , وهذه الظاهرة موجوده هنا ,وتطرق لها احد ولاة الامر هنا واصفا بها الحكومة , أظنه والي او معتمد القضارف
وقرأنا اكثر من مرة في الصحف عن اعتقال شباب يحيون حفلا مثليا
وسمعت أغنية مثلية بلغة فجة ملحنه ولها شيالين واغلبكم سمعها ,
ونحن نعرف اسماء توصم بذلك في الحي والمدينة
وواضحين بسمتهم ولبسهم وصوتهم
وواضح جدا استياء سلمي من تلك الظاهرة
عموما هو سؤ تفاهم صب فيه كثيرا من الزيت الساخن
| |
|
|
|
|
|
|
| |
عبدالحفيظ ابوسن
أيمن محمود
ملهم كردفان
محمد الكامل عبد الحليم
Bushra Elfadil
محمد جمعه الخير
مني عمسيب
حامد بدري
علي دفع الله
وضاحة
omer abdelsalam
nour tawir
ودقاسم
Kostawi
الجنيد حمد
فرح الطاهر ابو روضة
بله محمد الفاضل
بدرالدين بابكر مصطفى
بابكر قدور
HAIDER ALZAIN
بريمة محمد
Asim Fageary
usama Babiker
الصادق الخالدى
وضاح عبدالرحمن جابر
معاوية عبيد الصائم
امين علي الشيخ
فيس بوك
تويتر
انستقرام
يوتيوب
بنتيريست