|
السودانيات خادمات ..!! .. شن الجدِّ !! الملاية ! ولا كيس المخدة!؟
|
وكانما السودانيات لا يعملن خادمات !!! هسع وكت ما حا يشتغلن في بيوتكم بقى شغل السودانيات عييييب !!!
اغلب المعترضين ستجد انه كانت لهم خادمة ( خدامة ) في وقت من الاوقات تقش الحوش وتغسل العدة وتغسل الهدوم وتاكل فضلات الاكل ... الخ
الخدمات السودانيات شغالات في بيوتكم انتم السودانيين من زمن بعيد .. ما شفنا زول فيكم فتح خشمو وقال يا بغم
معلوم للجميع ان هنالك قبائل سودانية اعوزتها الحاجة فامتهنت الخدمة في بيوت قبائل سودانية اخرى قسرا بسبب الضنك وملوم للجميع انو بدوهم ملاليم قصاد الشغل المضني ده
الان كان اشتغلن في السعودية سيكون المقابل افضل من الذي تعطوهن اياه
الان الشغل في البيوت اصبح عيب !!! عشان البيوت الحا يشتغلن فيها ما بيوتكم ؟
يشتغلن في السعودية خدامات ، لانو الشغل ده ما جديد على السودانيات ، قاعدين يشتغلنه في السودان مع اسر سودانية ..
هسع شن الجدَّ ... الملاية ولا كيس المخدة ؟!
الشايف انو شغل السودانيات عيب يبدا من بيتو .. من حلتو .. من حارتو ثم مدينو
حتين بعد داك شوفوا السعودية
|
|
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: وليد محمد المبارك)
|
ولي كيفك
ياخ بقرأ فى الفيس بوك وحدة كاتبه كلام عن حكاية السودانيات يشتغلوا خدامات وزعلانه شديد زي معظم الاخوان هنا غضب شديد جدا دون اي مراعاة لانو دي مهنة زيها زي اي مهنة فى الدنيا دي مسحو بالمهنة دي الارض عديل ومن غير ما يشعروا ده اسمو عدم احترام للمهن كلها مش مهنة الخدامة بس. ما بقنعني واحد ويجيني ويقول لا انا بتكلم عن وضع الخدامة فى السعودية وما قاصد مهنة الخدامة جبتها من الآخر يا وليد ده شغل ناس خايفه على البرستيج بتاعه لانو فاكرين البرستيج ده حيتأثر ياخ ما يتأثر فى نظر اي سعودي ولا امريكي ?so what البلد وضعها زي الزفت فى ناس ظروفها ما بتتوصف ذاتو وزي ما قلته فى سودانيات خدامات فى السودان وبالوجبه بس كمان والله.
السنجك
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: alsngaq)
|
ايوه يالسنجك كل الشغل الحلال ... حلال
وكلن حسب امكانياته .. البشتغلن خدامات ده ياهو البعرفنو .. عشان حكوماتنا المتعاقبة قصرت معاهن وما رفعت من مستواهن
ونحن عودناهن على كده .. على شغل البيوت .. الطشت يطاقش الطشت .. والمكوة تلاحق المكوة
ده البعرفنو والما علماناهن غيرو
دا يرين يغتربن هن .. حا يشتغلن شنو يعني .. اميرات !!!!
ما حا يشتغلن الشغل الشغلناهو ليهن هنا زمان
ولا كيف يالسنجك
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: وليد محمد المبارك)
|
Quote: كل الحاصل انو البرستيج حق المغتربين حا يتخرب |
ما عهدناك هكذا يا شفت ... لما كل هذا الإختزال المخل للموضوع
كل دول العالم المصدرة للعاملات المنزليات للخليج والسعودية خاصة توقفت عن إرسال العاملات
الفلبين إندونيسيا وغيرها .. لذا فإن الإعتراض على ذلك مبرر لمن يعايش واقع عمل الخادمات في الخليج والسعودية
خاصة وإساءة المعاملة التي يلقينها لا تخفى على أحد .
ثم إنو بقيت مستغرب واحد من الناس ( لغرض في نفسه ) يفك ليهو كضبة لا يسندها أي دليل
ثم يترك الناس تكتب البوست تلو البوست والمداخلة تلو المداخلة . . وأصلاً ما في موضوع .
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: السيد أحمد إبراهيم)
|
Quote: كل الحاصل انو البرستيج حق المغتربين حا يتخرب |
مرحبا وليد لاغضاضة في العمل الشريف,,, ولا يوجد برستيج للمغتربين .. فكل يحمل إقامة لا تخوله غير مرتب يناله جزاء عمله
الرافضين للعمل في السعودية يدركون تماماً معنى العمل الشاق في المنازل غير محدد الساعات حتى السائقين أنفسهم يشتكون من هذا ... عادي ممكن طفلة تصحيك آخر الليل عشان توديها المول لتشتري لها شوكلاته .. نحن مختلطون بهؤلاء تماماً
أرجو أن تقف عند شروط الفلبين ... تجدها في البوست المعني
عندها ستدرك أيهما الفرق
التي تعمل معك في المنزل في السودان عادي ممكن تخليك وتذهب بيتها
ولكن من لتلك التي تعمل في الخليج ؟؟؟
هنا مربط الفرس
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: السيد أحمد إبراهيم)
|
مرحب السيد حبابك ياخ
والني للنار يا اخوي .. في مواضيع تفتح كده توشك بدون مواربة .. فاعفي لي يا اخوي
متابع الموضوع ده لي كم يوم .. اكثر الناس س######ة المغتربين .. والمغتربين في السعودية خصوصا
اساءة السعودة لمعاولة الوافدين ما جديدة .. وما حكرا على الخدامات بيحقروا في الوافدين ومن بينهم السودانين رجال ونسوان .. موظفين كبار وخدم
ما سمعنا لينا زول يوم قال يا موظفين السودان ما تغتربوا في السعودية عيب .. السعوديين ما بحترموا الناس
وحقيقي السعوديين ما بحترموا الناس
مودتي واعفي لي
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: الصادق صديق سلمان)
|
الموضوع ده بجر جرة شديدة وبفتح ابواب شديدة الحرج ,, بالجد والله ما شفنا ,, كضاب لو قلت شفت ,,, لكن سمعت وفات اضاني وضع بعض الأسر في الاغتراب الزواج المرتب للاغتراب شبكات وغيرو ببقا امر الخدامات ممكن ولكن بضوابط احكي ليكم عندنا في كوستي انتشرت قبل سنوات الخدامات في البيوت من قبيلة محددة , وحصلت تجاوزات من الخدامات ومن المخدمين وصار عمل الخدامة بابا لتجاوز بعض البنات اجتمع اهل تلك القبيلة ووضعوا ضوابط للخدامات ,, والمخالفة تحاكم وتحاكم اسرتها ,,, والمنفذ لتلك الضوابط هم ذكور القبيلة المعنية ,, فكان عادي جدا تشوف ليك واحد ماشي شغلو ويشوف ليهو بت في الشارع دون المواصفات يبطل شغلو ويوديها لي بيتهم طيب هل المغتربون حريصون علي انسانية الخدامات ,,أكيد بقدروا يتابعوهم ,, اقصد كجسد شعبي وليس حكومي العمل هناك يعني دون شعارات حياة لإطفال ومسنين هنا
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: عبدالحفيظ ابوسن)
|
عبد الحفيظ ابو سن
شكرا لمداخلتك
Quote: عندنا في كوستي انتشرت قبل سنوات الخدامات في البيوت من قبيلة محددة , وحصلت تجاوزات من الخدامات ومن المخدمين وصار عمل الخدامة بابا لتجاوز بعض البنات اجتمع اهل تلك القبيلة ووضعوا ضوابط للخدامات ,, والمخالفة تحاكم وتحاكم اسرتها ,,, والمنفذ لتلك الضوابط هم ذكور القبيلة المعنية ,, فكان عادي جدا تشوف ليك واحد ماشي شغلو ويشوف ليهو بت في الشارع دون المواصفات يبطل شغلو ويوديها لي بيتهم طيب هل المغتربون حريصون علي انسانية الخدامات ,,أكيد بقدروا يتابعوهم ,, اقصد كجسد شعبي وليس حكومي العمل هناك يعني دون شعارات حياة لإطفال ومسنين هنا |
يظن البعض ان العمل كخادمه ترف يتم اختياره
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: الصادق صديق سلمان)
|
مرحب الصادق حبابك
ما يهندا انتو السعوديين مضطهدنكم وحاقرنكم .. في زول فيكم رجع ؟! ما عشتو تجربتكم بخيرها ومرها ..
حتى هنا الخدامة حاقرنها تغسل وتكوي وتمسح وتنكف بلاعات وتمشي المراسيل وتاكل بعد كما ال###### وتاكل ما تبقى من الطعام كالقطط الضالة
وبعد ده يدوها ملاليم .. شغل زي ده بدوها فيه 300 جنيه سوداني كان بالغت 400
هسع في السعودية حا يدوها 1000 ريال .. يعني 2200 جنيه يعني قدر مرتبها حق 6 شهور
فعلا ماف مقارنة يا الصادق يا صديقي
لكن المقارنة لصالح السعودية بالمناسبة الشغالات في السودان يحصل ليهن نفس البحصل في السعودية ما تكبروا كومكم ساي
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: الصادق صديق سلمان)
|
مرحب الصادق اخبارك ياخ
في ناس عندهم نفس المبررات لعمل المرأة من اساسه
شغل الخدمة من اساسه يا الصادق ما حاجة مرغوبة ، هي حاجة بتفرضها الظروف فرض ... يعني بتستدعيها اسباب .. الاسباب دي الان موجوده في السودان
تزال الاسباب ماف زول بقبل انه يشتغل خدام عن زول
لكن ما يجي زول يدو في الموية الباردة ويقول لا فلان ما يشتغل خدام ، عشان انا حريص عليه اكتر من روحو
وريه المخاطر وهو بعرف بختار او ساهم في رفع الاسباب الادت لاخياره العمل كخادم
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: وليد محمد المبارك)
|
ساءة السعودة لمعاولة الوافدين ما جديدة .. وما حكرا على الخدامات بيحقروا في الوافدين ومن بينهم السودانين رجال ونسوان .. موظفين كبار وخدم ما سمعنا لينا زول يوم قال يا موظفين السودان ما تغتربوا في السعودية عيب .. السعوديين ما بحترموا الناس
أُثني على كلامك ده يا وليد, الرافضين فكرة السودانية تشتغل خادمة في السعودية ليهم اسبابهم منهم الشايف التجبر و الذلة بتاعة السعوديين على كل خلق الله, عامل, موظف, طبيب .. الخ, فما بالك بالخادمة في بيوتهم. و منهم الخايف على البرستيج
المهم, اغلب السعوديين في جميع المناصب بتعاملو تعامل غير انساني مع الاجنبي عموما إلا من رحم ربي, بغض النظرعن وظيفة الاجنبي كانت شنو, و الكلام ده عن تجربة بروف سوداني رئيس قسم في واحدة من أكبر مؤسسات التعليم العالي في السعودية, شغال هناك قريب ال 30 سنة, بحكي لي عن تجبر السعودي و عدم احترامه للاجنبي قال عميد الكلية " سعودي الجنسية" , اتخيل ده مديره و ليس كفيله, في ذات يوم طلب منه يألف كتاب في مادة تخص المرحلة الثانوية, تخيل الثانوي و هو مدير قسم في جامعة, ما كده و بس هدده في حالة عدم تأليف الكتاب يجهز نفسه الاسبوع الجاي عشان يترحل للسودان قلت ليه اها و عملت شنو ؟ قال لي انا عشت نص عمري في السعودية و عندي اولادي بقرو في الجامعات و بصرف عليهم لو اترحلت اجي السودان اعمل شنو و اولادي يعيشو كيف ؟ كتب الكتاب و الكتاب اتوزع بأسم الدكتور السعودي كمؤلف, و العائد سنويا بجي للسعودي تقول لي شنو و تقول لي منو ؟ السعودية يا معلم حيث البل الذي لا يخطر على قلب بشر
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: حسبو عكاشة)
|
عمل المراة كخادمة امر يقرره صاحب الرأي اي الخادمة و يكون لذلك اسباب و معلوم حسب كلام الاخ وليد عمل المراة السودانية كخادمة داخل السودان و تتقاضي مقابل ذلك الاجر الزهيد.ولا اعتقد ان السبب المباشر هو البرستيج الذي يخاف عليه ولكن اعتقد كاتب بوست ابو فهد اورد من ضمن ما اورد الاشتراطات التي طلبتها دولة الفلبين لحماية رعاياها و دولة كالفلبين معروفة انها تقف مع مواطنها في اموره وذلك راجع لاسباب منها ان تحويلاتهم تتم عبر البنوك والتي يستفيد منها الاقتصاد الفلبيني وفي ظني فأن كل هذا لا يردع السعوديين من ان يلتزموا بما يقرروا به امام السفارة في الاشتراطات ويكفي ان العلاقة بين الكفيل و المكفول تعاقدية و لا اعتقد اصلاً ان هناك كفيلاً يقوم بواجباته تجاه مكفوله الا ما ندر وضع خطوطاً كثيراً تحت ما ندر هذه. و قد ذكر احدهم هنا حتى خيلاناهم ياتون في اجازة الاسبوع ليقضوا وطرهم وسمعنا ان بعضهم سيتقدمون الخادم وفي نيتهم الهاء ابناءهم بهن و يكون غالباً من طرف الامهات يبقى ان الامر فيه من الريبة الكثير ولكن كون المراة السودانية قبلت بان تعمل في هذا المجال وان الدولة هي التي ستكون طرفاً في الموضوع فأن المهم هو ان تكون حريصة في ان تضع اشتراطات تحفظ به حقوقهن المادية و حمايتهن من التغول عليهن و متابعتهن عبر استمارات ترسل لهن في مواقع عملهن يتم تعبيتها بانفسهن ليتقصوا من احوالهن و لكن للاسف هذا ما لا يمكن ان يكون و انما ببساطة ان يتم الامر بصورة غير مرتبة وغير محفوظ فيها اي حقوقهن لهن و تضيع حقوقهن هدراً و لا كرامة يجدها الانسان بين السعوديين الا قليل من المحظوظين فالسعودي بطبعه فاقد للاحترام بسبب التنشئة و فاقد الشي لا يعطيه الا القلة منهم من حقها ان تعمل خادمة ولكن من حق الدولة ان تبصرها و ترعى لها حقوقها . الاخ وليد اخذ الامر كانه استعداء للمغتربين و برستيج و ما الى ذلك من المناكفات الاخوة الذيم ذكرو ما ذكروا الا بسبب الخوف على اللواتي سيقدمن لهذه المهنة و التي ليس فيها اي حماية او رحمة فاذا كان الموظف الكبير و المهندس و الطبيب يعاني و لا يجد من يحفظ له حقوقه الا اجتهاده الشخصي فمابلك بتلك المسكينة التي تكون بين اربعة جدران لا ترى الشمس و لا تبارح الببيت وربما تحرم من وسائل الاتصال الا باذنهن و بوجودهن حال كلامها نسأل الله ان يحفظ الجميع في اعمالهم و وظائفهم
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: احمد عمر محمد)
|
شايلك الحماس يا وليد، معليش اسمح لي... انت ما عارف الوضع بي جاي للشغالات كيف,,, الشغالة دي ما عندها اي لحظة في اليوم حقتها، الدوامه دي بتستمر لمدة سنتين... وتعمل المطلوب منها ولا على كيفها ليل نهار صبح ظهر ما شغلتهم, الشي ده ما بحتملو بشر واحنا بدل نستفيد من تجارب التانين، حكومتنا السمحة ماشه لي ورا.. اندويسيا محيّرة السعوديين ليها قريب تلاته سنين بسبب المهانات الحصلت، وفي النهاية أملت شروطها عليهم... رغم انه الاندويسيات اثبتوا انهن صبورات وما ارتكبوا جرايم كتيرة... الاثيوبيات فشلوا فشل ذريع والكينيات برضه لانه حقارة السعوديين ما احتملوها فعملوا كمية من الجرايم وبقت وصمة في الشعب الاثيوبي كله انه شعب مجرم... طبعا مافي زول بقول البغلة في الابريق... السيناريو نفسه اتوقعه للسودانيات... واعتقد انه لو كان جهة العمل اي مكان غير السعودية الوضع ما بكون زي ده... في نقطة تانية مهمة جداً، النظافة بتاعت السودانيات في السودان ما ليها اي علاقة بي البعملوه السعوديات في بيتوهن هنا... الشغاله هناك بتغسل العدة وتنظف البيت وتمشي... هنا مطلوب منها تكون أم عديل... بكل تفاصيل المسؤولية... من تربية وطبيخ ومتابعة ولعّيب... وده دور بكون مستمر 24 ساعة لأطفال ما مؤدبين.. عشان كده الاثيوبية لما في النهاية يفيض بيها بتمسك الشافع وجخخخخ تضبحه وترتاح منّه.... الخدامة في السودان لو زهجت من ست البيت وحست انها ضايقتها بالحكحكة والنظافة بتشاكلها وتلبس سفنجتها وتمرق، هنا تمرق تمشي وين زاتو!! سجن لمدة سنتين ده... الخدامة في السودان عندها يومها حقّها، تستحمى وتغير وتتمسح وتقشر وتمرق تعيش آدميتها وتغيّر جو وتتفسح وتشوف اولادها او اهلها وتجي راجعة وتشيل قروش المواصلات، هنا ممكن تقعد السنتين، المرتب العاجبك ده زاتو ما يدوهو ليها... حياة الخدامة في السعودية مأساة.. ولو احنا كمطلعين عليها وسمعنا بالخبر ده وما عملنا اضعف الايمان (الاعتراض)، ما اعتقد انه فينا خير زاتو...
عشان كده اسمح لي اقول ليك انك ما عارف حاجه والله... وانت زاتك كان جيت وسمعته البنسمعه ونشوفه عن الخدامات ما بترضى اي واحده تجي البلد دي.. والله تقضي يومك ضبح!
حقارة الكفيل كوم وحقارة مرة الكفيل واولاده حاجه تانية خالص!
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مريم بنت الحسين)
|
Quote: شايلك الحماس يا وليد، معليش اسمح لي... انت ما عارف الوضع بي جاي للشغالات كيف,,, الشغالة دي ما عندها اي لحظة في اليوم حقتها، الدوامه دي بتستمر لمدة سنتين... وتعمل المطلوب منها ولا على كيفها ليل نهار صبح ظهر ما شغلتهم, الشي ده ما بحتملو بشر واحنا بدل نستفيد من تجارب التانين، حكومتنا السمحة ماشه لي ورا.. اندويسيا محيّرة السعوديين ليها قريب تلاته سنين بسبب المهانات الحصلت، وفي النهاية أملت شروطها عليهم... رغم انه الاندويسيات اثبتوا انهن صبورات وما ارتكبوا جرايم كتيرة... الاثيوبيات فشلوا فشل ذريع والكينيات برضه لانه حقارة السعوديين ما احتملوها فعملوا كمية من الجرايم وبقت وصمة في الشعب الاثيوبي كله انه شعب مجرم... طبعا مافي زول بقول البغلة في الابريق... السيناريو نفسه اتوقعه للسودانيات... واعتقد انه لو كان جهة العمل اي مكان غير السعودية الوضع ما بكون زي ده... في نقطة تانية مهمة جداً، النظافة بتاعت السودانيات في السودان ما ليها اي علاقة بي البعملوه السعوديات في بيتوهن هنا... الشغاله هناك بتغسل العدة وتنظف البيت وتمشي... هنا مطلوب منها تكون أم عديل... بكل تفاصيل المسؤولية... من تربية وطبيخ ومتابعة ولعّيب... وده دور بكون مستمر 24 ساعة لأطفال ما مؤدبين.. عشان كده الاثيوبية لما في النهاية يفيض بيها بتمسك الشافع وجخخخخ تضبحه وترتاح منّه.... الخدامة في السودان لو زهجت من ست البيت وحست انها ضايقتها بالحكحكة والنظافة بتشاكلها وتلبس سفنجتها وتمرق، هنا تمرق تمشي وين زاتو!! سجن لمدة سنتين ده... الخدامة في السودان عندها يومها حقّها، تستحمى وتغير وتتمسح وتقشر وتمرق تعيش آدميتها وتغيّر جو وتتفسح وتشوف اولادها او اهلها وتجي راجعة وتشيل قروش المواصلات، هنا ممكن تقعد السنتين، المرتب العاجبك ده زاتو ما يدوهو ليها... حياة الخدامة في السعودية مأساة.. ولو احنا كمطلعين عليها وسمعنا بالخبر ده وما عملنا اضعف الايمان (الاعتراض)، ما اعتقد انه فينا خير زاتو... عشان كده اسمح لي اقول ليك انك ما عارف حاجه والله... وانت زاتك كان جيت وسمعته البنسمعه ونشوفه عن الخدامات ما بترضى اي واحده تجي البلد دي.. والله تقضي يومك ضبح! حقارة الكفيل كوم وحقارة مرة الكفيل واولاده حاجه تانية خالص!
|
ده كلام مظبوط وتصوير حقيقي للواقع شكرا مريم عبرتي عني تماما ...
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: usama Babiker)
|
وليد .. إن لم تفتح هذا الموضوع لفتحته أنا
رغم أن له أكثر من زاوية
أتفق معك تماما أن من كن يعملن خادمات في البيوت السودانية هن سودانيات
وأن لهن أهل وقبائل ظلت تشعر بمثل ما نشعر نحن به الآن
ولم نكن نشعر بما يشعرون به .. لقرون
مما أحوجهم لأن يستعملوا أي وسيلة لإسماعنا صوتهم ..
"أننا سودانيون مثلكم .. لنا حقوق متساوية
أما إن لم نكن سودانيين درجة ثانية أو دونها
فلن يستمر ذلك مستقبلا .. بأي ثمن"
هذه النقطة الأولي
وأفضل لنا نحن أهل الوسط أن نتعلم منها أن فهمنا لكلمة سوداني وسودانية.. كان قاصرا ومشوها .. وأنعكس ذلك على تعامل مجتمعنا وحكوماتنا مع معظم السودانيين مما تسبب في معظم مشاكل السودان وما لم نغيره .. ربما يتهدد وجود السودان نفسه كبلد ولا ننسى أنه فقد مسبقا جزءا منه ..
ثانيا
هنالك وجه للإعتراض فيما ورد في الإعلان الذي قرأته حيث يذكر أنهن خادمات "جميلات" وهذه دعارة
ثم أن نفس الإعلان تظهر فيه صورة فتاة تنظف نافذة وهي كاشفة الشعر وهذا فيه إيحاء بالرق .. حيث تمنع الإماء من تغطية رؤوسهن
ثالثا التحرش الجنسي بالخادمات هل هو وقف على الخادمات في السعودية وحدها؟ فقد قرأت في هذا البورد من يدافع عن إغتصاب بعض السودانيات - الشئ الذي لم أقرأ مثله في أي مكان بأي لغة -
فلنراجع مفاهيمنا ولنقف ضد الدعارة والتحرش الجنسي والرق كما يجب علينا أن نقف ضد التمييز بين السودانيين
"أحارب من أجل ذاتي"
الباقر موسى
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: usama Babiker)
|
معليش لا برسيتج لا حمار نوم وين البرستيج ول ايه يفيد البريستيج مع هو زول خرج او اخرج من وطنو القصة وما فيها ان المغتربين في الخليج يعلمون ومن خلال تجارب الاخرين معنى ان تذهب الواحدة للخليج للعمل كخادمة حتى الدول التي تخصص دبلوماسي لخدمة مغتربيها فشلت في حماية عمالتها المنزلية لذلك قررت سحبها وبل واصدار تصاريح العمل كخادمة في الخليج نحن عارفين البئر وغطاها وعارفين راس حكومة المشروع الحضاري اذلوه الخليجين ووارجوعه الى حيث اتتي من اجواءها ءء وعارفين والي المغتربين الانتهازي كرار التهامي حتى الان وبحسابات داخلية السعودية مجرد وافد يحمل اقامة يجددها سنويا مقابل دفع مبلغ معين لكفيلو هل تسطيع دولة حكومتها بهذه المواصفات ان تقول للكفيل بغم نهاهيك عن دولة الكفيل والله العظيم كفاية معاناة اخوان نسيبة !!! رحم الله امة عرفت قدر ولاتها وبعدين منو القال الامر من المر ان تقوم حكومة المشروع الحضاري بارسال بناتنا للعمل كخادمات لدي العروب الاحلى من الامر من المر ان تعود هذه الحكومة لرشدها توقف الحروب او تجبر على ايقاف حروبها العبثية تقلل الصرف على الامنجية يقولون والعهدة على الرواي ان نصف الشعب الفضل امنجية ويقتاتون بروس على اموال الشعب عارفين كيف تفكر حكومة كرار التهامي المسالة بالنسبة لهم مجرد مضاعفة الجباية من المغتربين زذلك برمي مزيد من المواطنين للعمل في الخليج وغير الخليج
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: usama Babiker)
|
الفاضل وليد المبارك التحيه لك.
وشكرا انك اتبدرت هذا البوست الهام......والخطير.
ومطلوب من الجميع الكتابه بمسؤليه شديده لانه في ورطه كبيره حتحتصل علي قطاع محدد من شعبنا.
وكل السبب بالحكومه. وهذا كلام حقيقي......فلولا هؤلاء المنحطين لما وصل بنا الامر ان نغترب في السعوديه مخادمات ونحن للاسف دوله بها بترول مثل بترولهم. لكنه الفساد...البخلي بلادنا تمتلي بالخادمات الفلبينيات و الاثيوبيات و تخيلنا ننحن بعض يغادر بمهنة خادمه.
نجيك بهدؤ لفهم لماذا اعترض البعض علي ما قلت كانت تمارسه اعداد كبيره من شعبنا!!
وده بيجرعنا لقضية هامش و مركز فهم لم يحزنوا يوما للفئات التي اجبرت ان تمتهن هذه المهن لقلة التعليم باقاليمهم و انعدام التنميه او غير توازنها. وده الادي لكل الحروب الدارت دي.
الان السودانين الشمالين غاضبين...خلينا نخت الامور في نصابها لانه الحيشتغلوا خدامات ديل بالمناسبه شماليات في اغلبهن. هذا سبب الحساسيه.
فصدقني لا نازحات دارفور ولا كردفان ولا النيل الازرق هن من سيعرفن حتي دروب الاعتراب هذه الوظائف ستخرج فيها شماليات اذلتهن هذه الحكومه.
ومش شماليات و بس بل ومتعلمات ايضا فصدقني للاسف غالبا ستخرج فيها مائات الخريجات اللائي لم يجدن وظيفه بل ورفضن الجوع الذي يذل ورفضن احتراف الدعاره فالتحيه لهن وهن خادمات وباذن الله شريفات.
واتمني الا يخرج كلامي من سياقه واتمني ان يفهم كما هو. فعندما تحدثنا عن التهميش كان يدعي كثير من الشمالين هنا انه انحاء كثيره من الشمال مهمشة.
طيب اتفقنا وهاهي ظواهر و مرشرات التهميش قد بدأت تظهر شمالا. فهل سيقبل الشمالين ان نناقش الامر ام سيحرصوا ان يشحروننا في كورنر العصريه بحجة اننا لسنا منهم؟!
انا لا استئذن احد علي فكره انا فقط اردت تنبيه الجميع انني مدركه تماما لدوافع كل واحد عايز ينلط لي في حلقي.
يبقي فالنتفق انه في فئات مهمشه بكل السودان ولنبدأ بتناول هذه الظاهره دون خوف او وجل او تنميطات مسبقه.
والكلام القاله وليد كله حقائق. وحاجيها براحه.
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: Tragie Mustafa)
|
اولا
وقبل ان نبحر في تحليل الامر ادعو سفارة السودان بالسعوديه و(مع كامل تحفظي عليها) انها تتحمل مسؤليتها التاريخيه ولو لمره بان تبصر هؤلاء القادمات دون تميز جهوي بينهن بكل المتوقع حدوثه لهن بتلك البقاغ التي للاسف غير مباركه اطلاقا بل صار يقطنها شيطيان في شكل بشر.هداهم الله.
ثانيا: وكالات المستخدمين وكل المتورطين في هذه التجاره القذره اتمني ان يتقوا الله في بناتنا و امهاتنا و اخواتنا اللائي سيتقدمن لهذه الوظيفه ويعلموهن الحد الادني من حقوقهن وكيفية التقاضي وكيفية تأمين انفسهن وان تشرح لهن كامل التحيدات المقرونه بهذه الوظيفه والا تتوهم اي منهن انه سعودي لو تحرش بها هذا بداية ود و احلامه بانه سيتزوجها...وانما عليها ان تفهم عقليته برؤيته لها كجاريه يحق له التمتع بها. وان ينبهن لكمية الامراض خاصه انه الايدز منتشر جدا في السعوديه و البلاد وحكومتها متكتمه علي الامر.
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: Tragie Mustafa)
|
نرجع لما اورده وليد باختصار عن انه الحال هنا لم يكن يسر ببلادنا فيما يختص باوضاع الخادمات.
وهذه حقيقيه
لكل من حاول ان يتوهم غير ذلك.....ويا مريم بنت الحسين لم تكن الاحوال دوما ورديه كما قد اكون كنت اظنها و تظنينها كبنات للطبقه الوسطي التي كانت تستطيع شراء عرقهن.
فما علمته لاحقا انه الاغتصابات علي قدم وساق كانت ببلادنا ايضا تمت بحق هذه الشريحه. وما ذكره علي دفع الله بالتفصيل انه هنالك قبائل محدده بدأت تضع شروط وتتابع بناتها هذا حدث عندنا في الشرق ايضا في فترة ما. وتجاه قبائل محدده...بالذات البناتهن ملامحهن مثل ملامح من سموا (انفسهم اولاد البلد) فهؤلاء بناتهن اكثر عرضه للاغتصاب اا عملن بالمنازل.
يبقي فعلا ليس علينا تصوير انفسنا كملائكه فقد تمت تجاوزات ببلادنا حقيقيه قد تكون بشاعتها لا تصل لمرحلة السعودين ولكنها تمت,ونقطة وليد اننا لم نفعل حيالها شيئا وظللنا نعتبرها حوادث متفرقه ولا تتطلب الغاء هذه المهنه. يبقي كلامه صاح ليس علينا رفضها (اي رفض المهنه ككل) حينما تتم من قبل الاخرين.
هذا لا يمنع رؤتي لكامل الفرق الذي كتب حوله اخوتنا المقيمن هنالك انه من حقهن الخوف بزياده علي السودانيات من هذه الشريحه لانهن لن يجدن نظام قضائي عادل ..وانها غربه مخيفه...وانها اسر فسدت تماما بالتدليل لابناءها و بناتها مما ادي لعنف مبالغ تجاههم من قبل العاملين معهم من جنسيات آخري مما اضطرهم للتفكير بنا؟!
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: Tragie Mustafa)
|
السؤال المفروض ينطرح لماذا رغبت السعوديه في خادمات سودانيات؟!
لماذا لم تقل مصريات؟!
هل لا يوجد (فقر) بمصر؟! يجعل آلاف المصريات يقبلن ب هذه ال (1000) ريال كاجر؟!
اعتقد لانه المصرين باكرا منعوا خروج المصريات للسعوديه ليس كخادمات بل حتي كزوجات مالم يكون بضمان قوي جدا.
فما اذكره اثناء تواجيد بمصر ...انكانت هنالك موضه اني يىاتي سعودي عجوز ويطلب زوجه من بنات فقراء مصر و يعقد عليها
ويطمع اهلها بامواله و غالبا ريفيه مسكينه و يسافر بها.....وبعد اول شهو ينقطع الاتصال و يكتشف الاهل انهم لا صلة لهم بانتبهم
ويبدوأن في الجري للسفاارت و للدوله للشكوي...ووين وووين حتي يتمكنوا من اخارجها ليكتشوفا ان السعودي العجوز بعد ان قطع وطره منها
جعلها جاريه لكل العائله يتعمل فيها صغار ابناءهم الجنس ..,وانها مجرد خادمه......وحتي لو حملت وولدت فان ابناءها يعملون اسؤ معامله
واذا طلبت المغادره يحجوزن صغارها منها......وهي تعرف بانهم لم يعاملوا يوما معامله جيده و انما عوملوا كابناء المصريه الزانيه التقول كانت بتزني مع الشيطان وليس رجال العائله الشيطانيه و ليست الكريمه؟!
بعد تكرار هذه الحوادث منعت مصر حتي زواج السعودين
ومالم تضع قرابة ال 250 الف دولار تأمين لدي الدوله المصريه في حالة اصابتها باي ضرر..... لا يحق لك زواج مصريه و ان احبتك هي ......!!
فتخيلوا كيف حمت مصر نسائها...ونحن سفارتنا القاعده بلا ـاهيل لا تعرف حتي كيف تدرس تجارب الشعوب الاخري في التعامل مع هؤلاء السعودين.
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: محمد جمعه الخير)
|
Quote: هسع شن الجدَّ ... الملاية ولا كيس المخدة ؟!
الشايف انو شغل السودانيات عيب يبدا من بيتو .. من حلتو .. من حارتو ثم مدينو
حتين بعد داك شوفوا السعودية |
تسلم يا وليد واتذكر زمان قلته الكلام دا هنا طلعونا اننا عايزين لبناتنا المهانة والذلة
لا عيب مطلقاً في العمل ..... باب رزق لهن فتحه الله .. ويبقى الخيار متروك لكل واحده وهي بس البتقدر تقدر ظروفها ... الغريبة يا وليد الكثيرين هنا يؤجرون خادمات من جنسيات اخرى وخصوصا السودانيين العاملين (اقصد المرأة والرجل) ما دام الامر كذلك على السفارة القيام بدورها في تفقد اخبار الخادمات
بس روق شوية وسيب النفس الحاد دا عشان يتم مناقشة الموضوع بحكمة وروية
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: الامين موسى البشاري)
|
Quote: المرتب العاجبك ده زاتو ما يدوهو ليها... حياة الخدامة في السعودية مأساة. |
هذه حقيقة معروفة .. وهي ام الكوارث .. يعني كأنك يا زيد ما غزيت ..
اذن لا بد أن تستفيد الحكومة من تجربة اندونيسيا والفلبين في تأمين ورعاية حقوق مواطناتهم في هذه المهنة ..
ولا أظنها ستفعل ....
غايتو فعلا الحكومة دي دخلت الشعب كلو في .............. او كما قال أخرون دخلت الـ ........... في ........... الشعب ..
الله غالب بس ...
تحياتي يا وليد ولكل زوار البوست الكرام
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: الامين موسى البشاري)
|
وليد ود حاج المبارك أخوي تحياتي يا خي أنا ممكن أشتغل غسالة ومربيه ومديرة منزل وناسة لكل الاعمار بس أختي لا ليه لانو قالو لينا عيب وعيب ليه عيب والله صادق ما عارف أمكن خوفنا علي بناتنا في الخارج بعد ما سمعنا ما يحدث للعمالة الاسيوية في بيوت الخليج وتاني قالوا أنتو كلاب وكمان أي زول يخلي أختو تمشي تشتغل في الخليج ديوس عديل كدا وثالثا أنتو كان فيكم خير أشتغلوا جيبوا خير يغطي الحرائر القاعدات في البيوت القصة في السودان لقمة وبس رابعا في أعتقاد قوي أنو الحكومة دي ح تبيع أي شيء ناس وضان وأراضي و نسوان لانها عايز قروش خامسا أنت ما سوداني لوموافق علي الوضع دا يا خليك عندك كرامة مرة واحدة قول لا في حياتك
جيت هنا لقيت البوست حقك دا بقيت ما فاهم حاجة غير نسوانا ما يمشوا ما يمشوا قررنا نحن أولياء نعمة نساء السودان كدا
أحد أعضاء جمهورية تيران عصر الفيس بوك أخوك فهمت وضعوا .......! لك كل الود
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: الامين موسى البشاري)
|
وليد ازيك ياخي
ببساطة يا وليد الناس ديل خايفين علي السودانيات بسبب الشافوه في الخدامات من الجنسيات الاخري من ذلة وقهر وحقارة واستعباد وتحرش وقلة ادب بدون ما يكون عندهم دفاع عن النفس والحقوق لانه نظام الكفيل نظام استعباد بالذات العمالة المنزلية ليس لديها عقود او حقوق اقلاها حق السفر بدون شروط ( صادفت في المطار فلبينية تم حبسها في البيت لمده شهرين لمجرد انها احتجت علي ظروف العمل المزرية لمدة 18 ساعة يوميا والتحرش وحجز الراتب وغيره
يعني الموضوع ما برستيج ولا حاجة مجرد خوف وشفقة عليهم
احسن الواحد يتبهدل في بلدو ولكن بكرامته
ولا شنو ؟
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: بكري عباس علي)
|
مريم كيفك
اسمحي لي اختلف معاك وليد ما شايلو الحماس ساي، يا مريم في عدد كبير من السودانيين هنا أطباء مهندسين محاسبين (اولاد خال فاطمة وبنات مهيرة) قدموا تنازلات كبيرة جداً تفوق تنازل المسكينة العايزة تشتغل خدامة دي. لمن تجد مهندس او طبيب او محاسب الخ سوداني يعمل بجانبه لبناني او فلسطيني وخبراتهم حتى لا ترتقي لمستوى خبرات السوداني والاتنيين(البناني والفلسطيني) بيياخدو راتب ومخصصات اعلى منو وهو ساكت والسبب خائف على العندو خايف يفقدو كأنو ما بستحقوا ما يتجرأ والله يعترض يا مريم انا بتكلم عن السواد الأعظم وانتي متأكدة انو كلامي صاح البخلي جنس النوعية دي موقفها مبرر بينما موقف التى تختار عمل خادة فى السعودية غير مبرر شنو؟. يا مريم ما تقولي ديل وضعهم ارحم لا ما ارحم ولا حاجة لمن خبراتك العملية بتيح ليك تعيش وضع من حقك ،انت خائف تطلبه وراضي بالتعامل الدوني ده ( وكتير من السودانيين ده حالهم) اعتقد موقف زي ده لا يختلف كثيرا فى مضمونه وشكله عن موفق من تختار ان تعمل خادة فى السعودية. السواد الأعظم من السودانيين هنا لا يختلفوا كثيراً في حجم التنازلات التى يقدمونها للكفيل سوا كان فرد او مستشفى او مؤسسة وفي النهاية مافي زول هاجمهم فى نمط حياتهم المهني ده لانو باختصار قلنا دي أمور بقدرها صاحبها وماهية ظروفه الخاصة. وما حصل في واحد وضع الشريحة الكبيرة دي في محك كرامة وكيف تدير حياتها المهنية وخياراتها رغم انو واضح حجم التنازل بأسم القناعه (وهو خوف وتنازل ليس الا). احترم جداً اي حديث عن الآليات والخطوات التي حفظ حقوقهم كخادمات ودا شغل سفارة السجم بتاعتنا دي وكونها انها سجم ده برضو ما بدي اي واحد الحق في الهجوم العنيف دا. الفلبين والهند ما فشلوا بس السعوديين عايزين الأرخص والفلبين والهند وضعهم المعيشي افضل من السودانيين وبالمناسبة الأندونسيين في الطريق عشان كده وضعوا ضوابط لاستقدام الخادمات من ضمنها اجازة أسبوعية أوقات دوام محددة اجازة سنوية الخ كل المطلوب مننا نطالب سفارتنا انها تضع ضوابط صارمة تحفظ حقوقهم مش نهاجم المهنة في حد ذاتها ولانو مرة الكفيل حقها امر من حق الكفيل. الشى البزعل هنا انو فشلنا في مواجهة الحكومة هذه وإجبارها على انو تحترم مواطنيها او تشتت خلانا نلجأ للنفخة الكدابة ديه .اتفقنا او اختلفنا الوضع فى السودان ما ترك خيارات كثيرة للكل.
السنجك
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: alsngaq)
|
الموضوع شائك، وشائك جداً أخي وليد..
و في البدء دعنا نحييك ونحيي ضيوفك الكرام و نتفق معكم على الآتي:
أن هناك نسبة من التناقض داخل كل واحد منا: أنا وأنت وضيوفك، بل لا يخلو مجتمع من المجتمعات في المراكز أو داخل الهوامش نفسها من وجود تناقض ما.
و نعم، هناك سودانيات من الهوامش ومن المناطق التي ضربتها الحروب والكروب اضطررن بعد تدمير مناطقهن وموارد رزقهن ورزق عوائلهن للقدوم للعاصمة المثلثة وغيرها من مدن يعملن "شغالات" في البيوت، ولا بد أن هناك نسبة كبيرة منهن تتعرض لشتى ظروف الظلم وصنوف القهر.
و اتفق معك بأنه لا ينبغي أن تكون هناك حدود تقيدك – ذكراً كنت أم أنثى- بحدود جغرافية معينة، بل أنا ضد فكرة (جواز السفر) نفسها، ومؤمن إيماناً لا يتزعزع بحكاية أن ( لا وطن للعمال) وأن من حق المواطن والمواطنة الجنوب سودانية، ومن حق البنغالي والبنغالية والفلبيني والفلبينية أن يعملوا في اي بقعة من بقاع السودان أو غير السودان في وجود قانون واضح ومجتمع يحمي هذا العامل وهذه العاملة.
ونعم لدينا في السودان بقايا عنصرية، وهناك واقع اجتماعي مقيت عجزت الحكومات – أو لم ترد- تغييره، كما عجزت النخب المثقفة السودانية عن تغييره، لظروف وأسباب موضوعية لا يتسع المجال هنا لاستعراضها. ونواصل ....
... .. .
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: alsngaq)
|
غير أن اختزال المسألة كلها في ما أسميته (البرستيج) فأظنه (وكما أكّد الأخ السيد أحمد إبراهيم) تبسيط وتبسيط شديد للموضوع.
وإن كان الأمر كله "برستيدج" فلماذا إذن كانت المعارضة الشديدة من داخل السودان لإعلان "الموارد البشرية" الذي مررتـه الوزيرة (إشراقة محمود) لصحيفة "الانتباهة" والخاص بتصدير سودانيات "بمواصفات خاصة" إلى (دُبــي) ولماذا لا ندرجه – أخي وليد- هو الآخر تحت نفس التصنيف، تصنيف البرستيدج؟!
نحن أخي وليد أمام حكومة بلا أخلاق، بددت كل ثروات وموارد البلد، وباعت أراضيه ومؤسساته، ولم يعد في يدها ما تبيعه سوى البشر.. فالموضوع هنا ليس عن حرية العمل من عدمه، بل هو الرفض لأن يتحول البشر في السودان إلى سِلع تعرض في سوق النخاسة، وأن تصبح الانثى السودانية تحت رحمة سماسرة الحكومة تصدرهم وتبيعهم لكل من يعرض لها دولاراً أخضراً، و بلا أية ضوابط، وبلا أية حماية، وبلا أي قانون ولا يحزونون.
ونواصل ....
... .. .
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: وضاح عبدالرحمن جابر)
|
في الشايفه حكومة السودان ستسمح بإرسال سودانيات للعمل كخادمات في السعودية بأي ظروف عمل كانت (طالما أن دخلها من ضرائب المغتربين حيزيد) وأن كثير من البنات السودانيات سيتزاحمن المناكب في السفارة السعودية (عملا بقانون أيه الجبرك علي المر)
ونحن هنا (كرأي عام) لا نملك إلا أن نطالب حكومة السودان وحكومة السعودية بحماية هؤلاء البنات المسكينات بقوانيين عمل إنسانية ومراقبة تطبيقها من قبل السفارة والشرطة والأمن وجهات الإختصاص السعودية
ونرجع نراقب وندين ونشجب ونستنكر هه!!!!!
(وفي عين الخيال شايف الحكومة مادة أصبعها الوسطاني للذين يعتقدون أن الحكومة حتجي تشاورهم : رأيكم شنو يا شباب نحن دايرين نرسل بناتنا ديل يشتغلن خدامات في السعودية)
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: الصادق عبدالله الحسن)
|
مرحب الصادق عبد الله
سلامات
متفق معاك في كتير من كلامك
مختلف معاك هنا
Quote: وإن كان الأمر كله "برستيدج" فلماذا إذن كانت المعارضة الشديدة من داخل السودان لإعلان "الموارد البشرية" الذي مررتـه الوزيرة (إشراقة محمود) لصحيفة "الانتباهة" والخاص بتصدير سودانيات "بمواصفات خاصة" إلى (دُبــي) ولماذا لا ندرجه – أخي وليد- هو الآخر تحت نفس التصنيف، تصنيف البرستيدج؟! |
اولا الاعلان كان للكويت ما لدبي تانية المقارنة معدومة .. داك واضح انه اعلان لاغراض اخرى غير الخدمة .. ثانيا صيغته في الاساس عنصرية جدا وغير مقبولة
العمل في الخدمة على وضاعته عمل شريف .. العمل في ما اشار اليه اعلان الكويت ضمنيا عل غير شريف .. ولو سلمنا جدلا ان لا توجد اشارة لحاجة ما كويسة الاشارة الى الالوان وما اليه ده تمايز وعنصرية غير مقبولة بتاتا
مودتي
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: Nasr)
|
تحية وسلام بيئة العمل للشغالات في السعودية صعبة وفيها ضغوط رهيبة البيئة دي خلت شغالات اثيوبيات يفقدوا صوابهم ويشيلوا سواطير وينزلوا جزر في البيت كلوا ولم يستثنوا حتى الاطفال حتى صارت جرائم عاملات المنازل من الثيوبيات ظاهرة وسارت بها الركبان والسودانية أعتقد لها نفس (النفس القصير) حق الاثيوبيات ... جنسيات اخرى كالفليبينات والاندونيسيات في احلك الظروف بيحسبوها بالعقل ويحاولوا يضبطوا مشاعرهم لكن نحن يميزنا بعض التهور والواحد في لحظة الغضب والضغط ما بيشوف قدامو
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مهدي صلاح)
|
لب المشكلة أخي وليد هي في غياب القانون وانعدام الحماية هنا وهناك، وليس في البرستيدج:
فنحن الآن في عالم مفتوح، فأصغر طفل في الخليج وغير الخليج، يعرف أننا أبعد ما نكون عن (البرستيدج) ويعرف أننا لن نستطيع أن نخفي عنه شيئاً أو نضيف لمعلوماته جديداً فيما يتعلق بالسودان.
والكل يعرف أن "سلة غذا العالم" هي سلة فارغة مخترقة ومهترئة، بل يعرفون أن "الدولة الرسالية" ، التي وعدت شعبها بتمزيق الفواتير واسترداد الكرامة، هي الآن أكبر متسول على وجه الأرض.
... .. .
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مهدي صلاح)
|
فماذا سيضيف استقدام "شغالات" وهم يعرفون أننا نتسول الدولار ، ونتسول الدواء، ونتسول الملابس، ونتسول الطعام. وقد رأوا مساكننا وقطاطينا البسيطة المبنية من القش في الجزيرة، وفي دارفور وفي الدمازين وفي أبيي ، رأو أجسادنا العارية في معسكرات اللجوء.
وعن أي برستيدج تتحدث وهم و من خلال البث المباشر، شاهدوا بؤسنا وعرارقينا الممزقة والمتسخة، ورأوا بيوتنا وهي تذوب كالشيكولاته عند أطراف الخرطوم تحت اقل رشة مطر، وشاهدوا عوائلنا و "محارمنا" في العراء في الشرق والغرب وفي قلب الخرطوم. شاهدوا عورة العاصمة نفسها وشموا نتانة رائحتها وهي تحاول انتشال نفسها من وسط بِـرك المياه الآسنة.
... .. .
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مهدي صلاح)
|
أهل الخليج يعرفون (البئر وغطاها) بلا مكياج ولا برستيدج، بل يعرفون أبعد من ذلك، يعرفون عن عجزنا عن حل مشاكلنا في الداخل، ويعرفون فشلنا بعد أن تدفق الوسطاء والغرباء بيننا وأخذونا وإلى مشاكوس وإلى ابوجا، وإلى أديس أبابا، وإلى أسمرا، بل إلى ضفاف الخليج في الدوحة عدة مرات .
ويعرفون أننا بسبب ضعفنا تم إرغامنا على توقيع الاتفاقيات في نيفاشا ووقعنا مذعنين، وما يزالون يواصلون ابتزاز رئيس نظامنا وترقيصه متى شاءوا وهم يلوحون له بمحكمة لاهاي، يعرفون أن ذلك الرئيس الذي يمتن على شعبه بأنه آمنه من خوف وأطعمه من (هوت دوق) هو نفسه مطارد وملاحق مثله مثل تلك الـ(دوقـز) الضالة والمسعورة التي تمتلئ بها صحارى الخليج بسبب أيغاله في القتل، وتلويث أياديه بدماء شعبه.
... .. .
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: الصادق عبدالله الحسن)
|
اخوتي لكم كل الود والتحية الموضوع بالجد حساااااااااااااااااااااااااس اولا : هل الموضوع جدي ام اشاعة؟؟ لا كنت في السفارة بالرياض قبل اسبوعين تقريبا وكان في سعودي في الصف سال الموظف اريد ان استقدم خادمة من السودان، الامر الذي ازعج كل الحاضرين ورفضوا مجرد الفكرة جملة وتفصيلا، الا ان رد الموظف كان لا يوجد استقدام لخادمات من السودان. ثانيا : هناك من يقول بان قوانيين مكتب العمل السعودي يمنع استقدام الخادمات من الدول العربية، ولا ادري ما صحة ذلك؟ بس في النهاية لم نسمع بخادمة من لبنان ولا سوريا ثالثا : اخي المبارك ان تخني الذاكرة ذكرت بانك احد الموظفين الكبار، فهذا يعني قد تكون لديك خادمة او شغالة بالبيت من اي الجنسيات لان اغلب الموظفين الكبار هنا لديهم شغالات لاعانتهم على شؤون المنزل خصوصا ان كانت الزوجة كذلك عاملة (طبية ، معلمة ... الخ)، وبما انك سوداني تعاملك مع الشغالة سيكون بكل ادب وخلق وسماحة وستعتبرها احدى بناتك او اخواتك وستخاف عليها اكثر من خوفها على نفسها، فانت تنطلق من هذا المنظور في الغالب الاعم. ثالثا : اتفق مع الاخت تماما وهذا ما يحصل
Quote: شايلك الحماس يا وليد، معليش اسمح لي... انت ما عارف الوضع بي جاي للشغالات كيف,,, الشغالة دي ما عندها اي لحظة في اليوم حقتها، الدوامه دي بتستمر لمدة سنتين... وتعمل المطلوب منها ولا على كيفها ليل نهار صبح ظهر ما شغلتهم, الشي ده ما بحتملو بشر واحنا بدل نستفيد من تجارب التانين، حكومتنا السمحة ماشه لي ورا.. اندويسيا محيّرة السعوديين ليها قريب تلاته سنين بسبب المهانات الحصلت، وفي النهاية أملت شروطها عليهم... رغم انه الاندويسيات اثبتوا انهن صبورات وما ارتكبوا جرايم كتيرة... الاثيوبيات فشلوا فشل ذريع والكينيات برضه لانه حقارة السعوديين ما احتملوها فعملوا كمية من الجرايم وبقت وصمة في الشعب الاثيوبي كله انه شعب مجرم... طبعا مافي زول بقول البغلة في الابريق... السيناريو نفسه اتوقعه للسودانيات... واعتقد انه لو كان جهة العمل اي مكان غير السعودية الوضع ما بكون زي ده... في نقطة تانية مهمة جداً، النظافة بتاعت السودانيات في السودان ما ليها اي علاقة بي البعملوه السعوديات في بيتوهن هنا... الشغاله هناك بتغسل العدة وتنظف البيت وتمشي... هنا مطلوب منها تكون أم عديل... بكل تفاصيل المسؤولية... من تربية وطبيخ ومتابعة ولعّيب... وده دور بكون مستمر 24 ساعة لأطفال ما مؤدبين.. عشان كده الاثيوبية لما في النهاية يفيض بيها بتمسك الشافع وجخخخخ تضبحه وترتاح منّه.... الخدامة في السودان لو زهجت من ست البيت وحست انها ضايقتها بالحكحكة والنظافة بتشاكلها وتلبس سفنجتها وتمرق، هنا تمرق تمشي وين زاتو!! سجن لمدة سنتين ده... الخدامة في السودان عندها يومها حقّها، تستحمى وتغير وتتمسح وتقشر وتمرق تعيش آدميتها وتغيّر جو وتتفسح وتشوف اولادها او اهلها وتجي راجعة وتشيل قروش المواصلات، هنا ممكن تقعد السنتين، المرتب العاجبك ده زاتو ما يدوهو ليها... حياة الخدامة في السعودية مأساة.. ولو احنا كمطلعين عليها وسمعنا بالخبر ده وما عملنا اضعف الايمان (الاعتراض)، ما اعتقد انه فينا خير زاتو... عشان كده اسمح لي اقول ليك انك ما عارف حاجه والله... وانت زاتك كان جيت وسمعته البنسمعه ونشوفه عن الخدامات ما بترضى اي واحده تجي البلد دي.. والله تقضي يومك ضبح! حقارة الكفيل كوم وحقارة مرة الكفيل واولاده حاجه تانية خالص! |
اظن غير من اللائق تكرار جملة او كلمة قبائل محددة ولا قبيلة بعينها امتهنت او تمتهن، فنحن نتحدث عن الاستقدام بالسعودية وليس بالسودان وامشي شوف مكاتب الاستقدام كيف يتم فيها اختيار الخادمة؟
انا عن نفسي وحسب ما عشته هنا وسمعته ارفض مجرد الفكرة؟
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مني عمسيب)
|
سلامات
معليش يا جماعة ارد على صاحبي نادر ده واعفوا لي شغال مدروش في ورشة بجيكم فردا فردا
مودتي
يا نادر كفتني الانستاذة سلمى الشيخ عناء الرد هاك كلام سلمي
Quote: يا نادر ، وليد ما شغال سخرة ولا قاعد فى السعودية شغال فى بلاده وغصبا عن اى حكومة يشتغل ، الكلام الناس القاعدين فى السعودية ولا الخليج وبقولو انهم مستعبدين ، هنا الفرق ، لانهم مشو للاستعباد بايدهم وشديدهم ما فى زول اجبرهم ، |
فيا صديقي انا ما شغال عند الانقاذ انا شغال موظف في جمهورية السودان وانا كفيل نفسي مودتي التي تعلم
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: وليد محمد المبارك)
|
سلامات ياوليد
حسب تصوري عن حرارة قلبك، انت ذاتك لو عرفت البيعرفوهو الناس الشغالين في الخليج حاتكون اكبر معارض لعمل السودانيات هناك كخادمات! عليه ان ادعوك انت وكل اللذين يعارضون معارضتنا على عمل السودانيات كخادمات في السعودية تحديدا انهم ياخدو بعض الوقت ويبحثو عن عواقب المسألة دي وبعد داك يجو يقولو رايهم، ماممكن تفتي بدون ماتكون عارف البيحصل شنو هناك صاح؟ المسألة ممكن اختصارها كالتالي: انا اوافق على ان تعمل اختي خادمة في السودان او في اوربا مثلا، ولكني اعارض جدا جدا ان تعمل في الخليج والسعودية تحديدا! ارجو انك تقرا مداخلة مريم بت الحسين كويس ففيها الكثير من الحقيقة
اخر الكلام، وقالو الكلمة اطول من العمر، لو اتنفذ الكلام ده والسودانيات مشن واشتغلن خادمات في السعودية، حانشوف الكثير من الرؤوس السودانية تتدحرج في ساحات القصاص بتهمة قتل الكفيل او الكفيلة او اولادهم
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: وليد محمد المبارك)
|
Quote: شايلك الحماس يا وليد، معليش اسمح لي... انت ما عارف الوضع بي جاي للشغالات كيف,,, الشغالة دي ما عندها اي لحظة في اليوم حقتها، الدوامه دي بتستمر لمدة سنتين... وتعمل المطلوب منها ولا على كيفها ليل نهار صبح ظهر ما شغلتهم, الشي ده ما بحتملو بشر واحنا بدل نستفيد من تجارب التانين، حكومتنا السمحة ماشه لي ورا.. اندويسيا محيّرة السعوديين ليها قريب تلاته سنين بسبب المهانات الحصلت، وفي النهاية أملت شروطها عليهم... رغم انه الاندويسيات اثبتوا انهن صبورات وما ارتكبوا جرايم كتيرة... الاثيوبيات فشلوا فشل ذريع والكينيات برضه لانه حقارة السعوديين ما احتملوها فعملوا كمية من الجرايم وبقت وصمة في الشعب الاثيوبي كله انه شعب مجرم... طبعا مافي زول بقول البغلة في الابريق... السيناريو نفسه اتوقعه للسودانيات... واعتقد انه لو كان جهة العمل اي مكان غير السعودية الوضع ما بكون زي ده... في نقطة تانية مهمة جداً، النظافة بتاعت السودانيات في السودان ما ليها اي علاقة بي البعملوه السعوديات في بيتوهن هنا... الشغاله هناك بتغسل العدة وتنظف البيت وتمشي... هنا مطلوب منها تكون أم عديل... بكل تفاصيل المسؤولية... من تربية وطبيخ ومتابعة ولعّيب... وده دور بكون مستمر 24 ساعة لأطفال ما مؤدبين.. عشان كده الاثيوبية لما في النهاية يفيض بيها بتمسك الشافع وجخخخخ تضبحه وترتاح منّه.... الخدامة في السودان لو زهجت من ست البيت وحست انها ضايقتها بالحكحكة والنظافة بتشاكلها وتلبس سفنجتها وتمرق، هنا تمرق تمشي وين زاتو!! سجن لمدة سنتين ده... الخدامة في السودان عندها يومها حقّها، تستحمى وتغير وتتمسح وتقشر وتمرق تعيش آدميتها وتغيّر جو وتتفسح وتشوف اولادها او اهلها وتجي راجعة وتشيل قروش المواصلات، هنا ممكن تقعد السنتين، المرتب العاجبك ده زاتو ما يدوهو ليها... حياة الخدامة في السعودية مأساة.. ولو احنا كمطلعين عليها وسمعنا بالخبر ده وما عملنا اضعف الايمان (الاعتراض)، ما اعتقد انه فينا خير زاتو...
عشان كده اسمح لي اقول ليك انك ما عارف حاجه والله... وانت زاتك كان جيت وسمعته البنسمعه ونشوفه عن الخدامات ما بترضى اي واحده تجي البلد دي.. والله تقضي يومك ضبح!
حقارة الكفيل كوم وحقارة مرة الكفيل واولاده حاجه تانية خالص! |
هذا الراى السديد بالاضافة الى العديد من الاراء الاخرى ..التى وردت ممن عاشو وتعرفو عن قرب على البيئة التى سوف تشتغل فيها المواطنات السودانيات فى وظيفة الخادمة ...بيئة ليست كريمة اطلاقا ...نعم ليس من عيب فى اى عمل شريف سواء ان كان داخل او خارج الوطن ...ولكن فى بيئة سليمة وصحيحة وعادلة وامنة وهذه ليست متوفرة للخادمات فى السعودية والخليج والدليل واضح وضوح الشمس من محاضر الشرطة....ومن منع الدول التى كانت تصدر مواطناتها للعمل فى هذه المهنة من السفر للسعودية والخليج ..عبر سفاراتها ....رغم ان العائد المادى من هذه المهنة كان رافد اساسى من اقتصاديات هذه الدول الا ان البيئة السيئة جدا جدا وامتهان كرامة الخادمات جعلها توقف ارسال مواطناتها كخادمات الى دول الخليج .... اذن اخى الكريم الموضوع ليس برستيج ...الموضوع بيئة غير صالحة للعمل تمتهن فيها كرامة هذه الفئة ..وارجو ان لايكون عدم المامك ومعرفتك بهذه البيئة ...سببا فى دفعك لمواطناتك للوقوع فى هذه الكارثة ...
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: بكري عباس علي)
|
بكري عباس ازيك يا حبة
Quote: احسن الواحد يتبهدل في بلدو ولكن بكرامته
ولا شنو ؟ |
نعم لكن ده ما قرار جماعي ده قرار الشخص المعني وحده
الناس يوعوه ينصحوه لكن ما يقرروا عنو كما يحدث الان
الجوع كافر يا بكري ودردرت الابناء ماف اقسى واذل منها
عرفوا الناس بالمخاطر ودعوه يقرروا لوحدهم
حا يعملوا مفاضلة بين وضعهم الاني ونسبة المخاطر المحتملة واكيد الانسان حا يكون حريص على نفسو
مودتي
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: Tragie Mustafa)
|
كاتبة كويتية: السودانين ارجل الرجال ومناها تكون زي المرأة ال...طلب خدامات سودانيات للذين يؤيدون عمل السودانيات خدامات في السعودية : 1- المسألة مسألة عرض وكرامة قبل كل شيء . فهل ترضون ان تعيش اخواتكم او نساءكم مع رجال اغراب في نفس البيت ؟ وهولاء الرجال يكونون في مختلف الاوضاع . مرة عراة ومرة شبه عراة مرة نائمين ومرة خارجين من الحمام وغيرها من الاوضاع والخدامة نفسها تعيش نفس الاوضاع 2- ومبررات ان الخدامات موجودات في السودان وان المغتربين خائفين علي البرسيتيج دي مبررات ساذجة جدا اي شخص طبيعي وغيور علي شعبو بعمل المستحيل لازالة اي رزيلة في بلدو اي ان يعمل علي الارتقاء بشعبه وابعاده عن المهن ال########ة . ومهنة الخدامة سوي في السودان او خارجه يجب ان يعمل الكل لاجتثاثها اما تايدها والتبرير لها فهذا شيء غير طبيعي ولا يخلو من غرض او مصلحة 3- لماذا تطلب السعودية من دول معينة ولا تجرؤ علي الطلب من دول اخري ؟ لماذا لا نكون من ضمن الدول التي لا تجرؤ السعودية علي طلب للخدامات منها ؟ هل نقل كرامة عن اي دولة من دول العالم مهما بلغ شأنها ؟ 4- علينا ان نجتهد لازالة الرزائل من مجتمعنا بدلا من تكريسها وتثبيتها تحت حجج واهية وساذجة 5- ولعلمكم السعودين يعتبرون الخدم من ما ملكت اليمين ( يعملوا فيها كل شيء حتي الزنا بها حلال ) لهذا عندما تستنجد الخادمة بالقانون لا تجد عونا 6- والسودانية اذا عملت خادمة وحصل لها اي شيء ربما يؤثر عليها الشيطان ولا تستنجد باحد وسوف تسكت وترضي خوفا من ان يكتشف انها بتعمل خادمة ودي فضيحتها ربما تكون عند البعض اكبر من فضيحة الزنا زاتو 7- الما بترضا لاسرتك لا ترضاه لبنات بلدك .. والكيزان همهم الدولار . لا عرض ولاكرامة بتهمهم
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: صلاح جادات)
|
اخونا حسن ام في المساطب الشعبية تحت شكرا للمداخلة القيمة اخوانا هنا ثقافة وروهم ودعوا لهم الاختيار دي ما عندهم الدمقراطية بطالبوا بيها في الحكم بس في امر زي ده امسك لي واقطع ليك ما تمشي يعني ما تمش وطوالي طبعا الكلام وكت سخن بقينا في الاستجدا بتاع العرض وكانو الشغلات ديل خلن لبتساتن في مطار الخرطوم ولو صبرت شوية اعتى المعارضين للدين في المنبر ده حا يستدلوا ليك بكم اية اغرب حاجة اخوانا المغتربين صوروا لينا الاسرة السعودية اسرة منحلة تماما الاب شايل عضو التناسلي وحايم الام ########ة ما عندها مانع في البسويه راجلها الاولاد عاملين قد في الباب وبتفرجوا البنات مستنين دهورهم ناس بالوساخة دي انتو شغالين وعايشين معاهم كيف!!! خلاصة الكلام اشرحوا الحاصل وضحوا المخاطر والخيار ما حقكم حقهم هم
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مريم بنت الحسين)
|
المأساة الكبيرة في الموضوع ده كله انه احنا ما بنملك نعمل اي شي في سبيل انه الحكومة تقفل الباب ده، او انها تضع شروط كريمة تضمن لبناتنا حقوقهم.... لكن اضعف الايمان، لا يمكن اشجع لي واحده تجي للحال ده... ممكن يجو يشتغلوا في النظافة في المؤسسات كعاملات نظافة... لكن عمالة منزلية، حرام علي اقولها والله يحاسبني بيها ليوم القيامة....
اضعف الايمان انه نكتب كلامنا ده، عسى انه يطشق اضان زول ويغيّر رأيه قبل ما يحصل الندم!
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مريم بنت الحسين)
|
Quote: حاجة تلقى ست البيت السعودية ماشة يدها فاااااااااضية اما الخدامة تكون شايلة شنطة سيدتها وابن سيدتها وشنطة السفر وتمشي وكأنها ستموت انت يا وليد عاوز تقارن بي شغل الخدامات السودانيات في السودان وخارجه |
دي بشوفو في مطارات عاملنو سودانيات للشغالات انا شخصيا لو بقى رئيس الشعبة سعودي في بلد اجنبي ما بشتغل فيها لان اعرف الجهل والغباء وبلادة الشعور العند السعودي الذكر العاقل في وضع القوة
وجربتها في موضوع طالب مسكين سوء طالعه قاده الى جامعة مديرها سعودي ينظر لعالم من خرم بيئته المتخلفة وبلده الذي لا قانون فيه الا قانون الكفيل ويتعامل م ع الطلاب والموظفين كأنه كفبل لعنة الله تغشاه محل يمشي وقبح وجهه شقيس يقبل,, ظلم هذا الطالب ظلما بائنا لكن هذا الطالب الشجاع وصل مشكلته لاعلى مكان في ماليزيا... ولكن هذه خيارات للناس تشوفها قدر ظروفها وامكانياتها.. موش ممكن النساء ديل يعزتهن وقوتهن يغيرن الطريقة التي يتعامل معها البيت السعودي مع الخادمات
في قصة بحكوها عن زغاوي في لبيا يعمل في متجر يمتلكه ليبي فكان كل يوم يورد له القروش وداك ياخدها يختها في الخزنة ولا بعدها الى ان توفي الليبي وجا ولدو قال للزغاوي القروش ناقصة ما كان من ذلك الزغاوي الا ان شال طبنجة وفرغها فيهو قيل من ذلك الزمن يحسب للسوداني الف حساب في لبيا لا احد يشكك في مصداقيته ..
انا متأكدة مافي سوداني يعيش في وضع زلة ..
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: alsngaq)
|
الخدامة نفسها لو خيرت ما بتشتغل خادمة في أي مكان , وتسعي في شقاوتها حتي تجنب اولادها ذات المصير وضع السودانين في السعودية سئ كما تفضل الاخوة بذكره , وهو وضع اجبروا عليه , ما داير اقول كلام كعب وشين انو الناس الحريصين علي وضع المرأة في السعودية لم يستطيعوا حياة المجابدة والمكابسة في السودان وكان من اسباب هجرتهم مجابهتم للنظام ,, واحد تخطوا في الترقية ,, ضيقو عليه في العمل ,, فصل فصلا تعسفيا فحزم اغراضه مطمئنا نفسه انو ادي واجب نضاله لسودان جديد ودي واحدة ولا في نظري اهم اسباب تأخر الثورة في السودان , هجرة واغتراب المثقفين والمتعلمين ,, طيب ماياهو نفس وضع المرأة التي لن يكفيها راتب الشغاله هنا ,,, 200 ج في الشهر وبرضو في شغالات اريتريات وفلبينيات في السودان ولهن مكاتب استقدام يكون في قمتها احد المحاسيب وبياخدن رواتب اعلي ده وضع انتحروا فيهو الرجال وأكيد خلو اسره فهل تنتحر المرأة ولا تشوف ليها حل الانتهاكات للمرأة داخل السودان موجودة وبدون مقابل كمان ورحم الله دكتور علي فضل لامن شاف الخدامة بتعرف القراية والكتابة علمها حتي صارت محامية ذكرت اقتراح سابق هنا في مداخلة ولكن يبدو ان المغترب عاجز عن انتزاع حقوقه هو نفسه
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: alsngaq)
|
نحمد الله والله يا وليد وسلمى نحن ما شغالين سخرة السوداني في أي مؤسسة في البلد دي رافع رأسو فوق جل السودانيين في السعودية (تحديداً في المنطقة التي أعمل فيها في شرق السعودية) في مناصب مرموقة، ويشكلون أعمدة لشركاتهم من واقع تميزهم المهني والأخلاقي، وكفالاتهم على شركات أو مؤسسات ودونكم ما نشرته أمس عن د. هشام وغير د. هشام هناك الآلاف ممن لا يتسع المجال لحصرهم، فيما عدا ذلك الغالبية العظمى من السودانيين الذي تتبع كفالاتهم لأفراد أو مؤسسات صغيرة لا يمكن أن نطلق عليهم كلمة (سخرة) فالسوداني معروف لدى جميع الجنسيات إنو عزة نفسو دي ما بيرهنا عشان قرش، والله يكترو يقللو يقلب ليهم الطاولة ويعمل خروج أو يقول للكفيل أديني نقل كفالة ولا على كيفك، وهذا طبعاً لا يعني أنه لا توجد قلة قليلة تشذ عن ما قلت. الواحد يا وليد وسلمى الشيخ سلامة، لما يتكلم عن موضوع أنا بفتكر من الواجب يتكلم من واقع معرفة حقيقية ومعايشة مش ينقل أفكار مسبقة قد تصح وقد لا تصح، ليس كل ما يقال عن واقع السعودية بالسوء الذي يتناقله الناس فيما يتعلق بهذه الجزئية تحديداً، وأنا عايش في السعودية قرابة الخمسة عشرة عاماً حتى الآن، ويا وليد أنا أول زول لو الوضع سخرة على قول سلمى كان زماااااان يا قاتل يا مقتول، بعدين والله يا وليد وجهة النظر دي ولا بتشبهك ولا حاجة، الناس بتنقل ليك واقع معاش تقوم تصر إنو دافع الناس برستيدج وخلافه!!!! بديهي لما يكون في جدل حيال أمر بتكون وجهة نظر الشخص المعايش التجربة هي الفيصل، عشان كده في القانون في حاجة أسمها شاهد عيان، الشغل ما عيب، العيب بي دربو، ونحن صغار ولغاية الجامعة في الإجازات كنا بشتغل (طُلب) رفعنا مونة وشلنا طوب وأسمنت لمن آمنا، وده حال السودا الأعظم من السودانيين وأنت أكيد اولهم يا وليد ببساطة يا وليد قانون يحمي الشغالة ويحفظ حقوقها من خلال عقد منصف بينها وبين مخدمها، لأنو دي أنثى وفي بيئة عمل مختلفة عن كلام الكفيل واللواج الكتير ده، ولو رجعنا لي ورا شوية يا وليد، وعشان التاريخ ما يعيد نفس الماساة الصاحبت تأشيرات (عامل مواشي) و(راعي) التي من خلالها تم استقدام ألوف السودانيين الذين عاشوا ظروف انسانية غير مقبولة من خلال عقود العمل (الصورية) الغير منصفة التي جاءوا بها نحن نقول ذلك، وغاية الأمر أن تتم صياغة عقد يحفظ حقوق الشغالة، لا مخدة ولا كيس ولا يحزنون.
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: عمر عثمان عبد الوهاب)
|
Quote: يا نادر ، وليد ما شغال سخرة ولا قاعد فى السعودية شغال فى بلاده وغصبا عن اى حكومة يشتغل ، الكلام الناس القاعدين فى السعودية ولا الخليج وبقولو انهم مستعبدين ، هنا الفرق ، لانهم مشو للاستعباد بايدهم وشديدهم ما فى زول اجبرهم ،
فيا صديقي انا ما شغال عند الانقاذ انا شغال موظف في جمهورية السودان وانا كفيل نفسي مودتي التي تعلم |
اخي وليد لانك بالسودان لا تعلم حقيقة الامر هنا وكيف تعامل الخادمة المنزلية، فلا يوجود من يعترض اي عمل ما دام انو شريف بس الوضع هنا غير ويجب ان تعلم لا يوجد اي احد يعترض علمها بس المعالمة هنا وخاصة لهذا الشريحة غير مقبولة بالنسبة لنا
مودتي
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: محمد تقل)
|
موضوع الخادمة المنزلية او المربية وغيرها استغل في الفترة الاخيرة من قبل السودانيين بالسعودية لاستقدام زوجاتهم كمرحلة من مراحل دخول المملكة وبعدها يتم نقل كفالة الخادمة او المربية الى كفالة زوجها وهو الغرض الاساسي في الموضوع .. لا توجد سودانية تعمل كخادمة في السعودية بالمعنى المتعارف عليه ، والعمل ليس عيبا .. لكن هذه الاشياء لازال مجتمعنا لم يتصالح معها بعد . وفي نظري انا ارفض حتى حكاية استقدام الزوجة كمربية او خادمة .. لان الموضوع ايضا فيه شئ من حتى
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مصعب عوض الكريم علي)
|
Quote: al Siddig · 294 من المشتركين بينما نحن نناقش هذا اللامر ب كل جوانبه واحتمالاته يكتب احدهم في سودانيز اون لاين ان المغتربين خايفين على بريستيجهم نعن انا من كتبت هذا الموضوع وربما اخريات ....اهكذا الامور تتُناول بكل سطحية ؟بريستسيج شنو؟ نحنا نتكلم عن قوانين عمل وضمانات حقوق لعاملات في ظل مجتمع معروف مستوى تعامله مع العمالة وهن في الاصل خارجات من وطن لايحميهن ولن يحمي حقوقهن ..فعن اي بريستيج تتحدثون ...بعدين موضوع الجديد شنو- دا سؤال غريب الجديد ان وضع المرأة يسير من سيء الى اسوأ ... .يعني اذا اتكلمنا عن غلاء الاسعار مثلا ....ممكن واحد يجي يقول لينا الجديد شنو ماهي الاسعار اصلها بترتفع من زمان؟ مثلا ؟ هل وجود ازمة او مشكلة في الاصل هي موجودة يمنع الحديث عن استفحال و تفاقم هذه ازمة ..بعدين ياخي مقارنة البرسيتيج دي ماموفقة لانه ناس الربيستيج .اصلا ما شغالين بي قضايا الاخرين وملهيين في بريستسجاتهم .وبعدين اذا الموضوع برستيج ليه ما اتحدثنا عن الحنانات الموجودات في الخليج .....عارف ليه ...لان الحنانة تعمل بحرية ولا احد يستطيع ان يتعتدي عليها او على حقوقها وهي تعتبر من الاعمال المنتشرة .....ثانيا لم نقل ان ان العمل عيب ولكن العمل تحت اي ظروف ووفق اي شروط وقانون .....انا مهندسة وكثيرا ماتستوقفني مواطنات في الامارات ويسالنني انتي بتحنني ،فاعتذر بكل ذوق ولا احس ان هذا الامر يمس وضعي او يقلل من احترامي .فلماذا لم اكتب من قبل واعترض على وجود حنانة ....مثلا..... وما فهمت يعني دا انحياز لي منو . للمسكينات ديل ..ولا للسعوديين ولا لي حكومة العار دي ...نعم انا اعتقد انه اشد اذلالاً من الوضع الحالي في ظل هذه الحكومة هو الدفع ببناتنا نحو مصير لايحفظ فيه حقوقهن ...نقطة اخيرة قضية عمل السودانيات كعامات منازل داخل الوطن تقع ضمن قضايا الانسان السوداني المتعلقة بالتمنمية والتعليم والتهميش والتي تظل متعلقة باسقاط هذا النظام واقامة نظام ديمقراطي تحل فيه كل قضايا الانسان رجل وامرأة ..لكن هذا لايعني ان نلجا للحلول المذلة رد · · منذ 57 دقيقة |
التحية ليك يا درة الصديقات باشمهندسة اقبال صديق .
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مني عمسيب)
|
Quote: Salma Salama · الأكثر تعليقا · Cedar Crest College ما أنت برضو عارف عيوب الحكومة دي وشغااااال معاها في زول قال ليك ما تشتغل! يا نادر ، وليد ما شغال سخرة ولا قاعد فى السعودية شغال فى بلاده وغصبا عن اى حكومة يشتغل ، الكلام الناس القاعدين فى السعودية ولا الخليج وبقولو انهم مستعبدين ، هنا الفرق ، لانهم مشو للاستعباد بايدهم وشديدهم ما فى زول اجبرهم ، شكرا يا وليد شكرا جدا على كلامك الواضح الدغرى رد · · منذ 21 ساعة |
حبيبتي بت سلامة .. ليك وحشة يا منوره .
كلام في لب الموضوع والله انور عليك . ولي قدام .
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: وليد محمد المبارك)
|
Quote: فاخيلوا لماذا يقبلوها للسودانيات اليوم؟! |
السلام عليكم جميعا
كدى ما تقوموا سدارى ساى , فلنتحقق اولا هل هذا الموضوع اصبح واقعا معاش بمعنى انه حكومة السعودية طلبت من السودانية تصدير عمالة منزلية وهل حكومة السودان وافقت وشرعت فى شحن الراغبات للعمل , ام الموضوع ملفوح من طرف
حسب علمى وخلال فترة اقامتى بالسعودية لم تستقدم العمالة المنزلية من الدول العربية , سرت قبل فترة نفس هذه النغمة عن استقدام شغالات مصريات فقامت الدنيا ولم تقعد من جانب المصريين على لا شى حيث تبين انها مجرد احاديث لا اساس لها
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: صلاح جادات)
|
Abdallah Mohammed Abdallah
الاجابة نعم
مثال بسيط عشان تقدر تستوعب انا بقول في شنو ( يوم الجمعة الماضي ركزت في موضوع معين من الساعة 9:20 ..وحتى الساعة 12:00 طرق الباب 4 مجموعات من المتسولين .. الاربعة كانوا نساء
المؤلم فيهن الاولى سيدة مع خمسة اطفال اكبرهم عمره تقريبا عشرة سنوات واصغرهم تحمله في صفحتها
تحضر بصورة راتبة كما علمت تتسول بقايا طعام وملابس )
بعد ده لو فهمتني قاصد شنو خير وبركة ما فهمتني يبقى نحن مختلفين وكل زول فيهموا براه
تحياتي
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: صلاح جادات)
|
وليد .. ازيك يا شفت وانت الصادق شغل البيوت ما جديد على السودانيات دا في العموميات دون التنميط ولاكن يا وليد الان الخادمات للتصدير ما بفرق بحصرية الخادمات في السودان لان الحاجة والفقر لامس السواد الاعظم من السودانيات والمناضلة تراجي هبشت الحتات المهيجة الناس دي ورافضة التصدير للخادمات السودانيات في الخليج .. الجديد شنو السواق الخاص في السعودية خادم بدرجة امتياز هو الخادم دا إلا يغسل ويكوي
استوقفتني مداخلة للاخت الكريمة / مريم بت الحسن :-
Quote: وليد ازيك تاني... قبل ما ترد علي تاني خليني اوضح ليك انه عندك خلط بين موضوعين... موضوع العمل في السعودية والكفيل وموضوع شغل الخدامات في البيوت.... حسي انا مثلا كنت شغاله في الجامعة لمدة اربعة سنوات... بعقد داخلي وتابعة في الاقامة لزوجي... يعني كفيلي نادر... لو في اي لحظة حسيت بحقارة (وحصل)، ممكن امشي لمكتب العمل اقدّم شكوى رسمية... وممكن اهيج في الادارة من اولها لآخرها واقعد في بيتي احتجاجاً على الشي الحصل لي (وحصل)... وممكن ارفع قضية في الجامعة باعتباري انظلمت (وقربت تحصل).... وممكن امشي ديوان المظالم او الامارة واقدّم شكوى... وممكن اعمل السبعة وذمّتها عشان احصّل حقي... وحصل ... واخدته حقي تالت ومتلّت.... لاني بتعامل مع مؤسسة... واي زول بتعامل مع جهة اعتباريه بالمستوى ده بقدر يختار يحارب عشان حقو او يطاطي راسي ويمشي جنب الحيط، وده حال موجود في العالم كله ما السعودية براها (انك تواجه او تطاطي)... في زول تاني ممكن يكون بتعامل مع كفيل (فرد) حاقر بيه في الشغل ومديه مرتب قليل ومتعبه في كل الاجراءات العايز يعملها (استقدام زوجة مثلا)... الزول ده الحقارة دي بتدوم كم ساعة، تسعة ساعات خلال الدوام... مرات بسيطة كل كم شهر، المهم هو وضع بايخ بقدر انه يتعامل معاه واخر يومه يقعد في بيت العزّابه يلعب كوتشينه ويحمد الله انه في نهاية الشهر حيرسل قروش للأهل في السودان يباصروا بيها حال طابور العيش..... |
طالما انتي على كفالة زوجك غير مصرح لك بالعمل اطلاقا وبالتالي كل عقد تم على هذا الاساس يعتبر عقد عمل غير شرعي ولا يحق لك المطالبة كما تدعي في هذه المداخلة ولا تستطيعي الذهاب الى مكتب العمل وتقديم شكوى لان تأشيرتك ودخولك للبلد جاء على اساس زوجه وليست مستخدمة للعمل .. الان تصحيح الاوضاع في البلد دي دي من ضمن المعالجات هو تنظيم العلاقة العمالية على مستوى الافراد والكفالات الفردية وبالذات عمال وعاملات المنازل بتحديد ساعات العمل والاضافي والاجازات وغيرها وما ينطبق على المؤسسات ينطبق ايضا على الكفالة الفردية وعمالة المنازل
المهم في الموضوع نحن كسودانيين معطين انفسنا اكثر من حقها ونتباهى على الفاضي وكان للذل والاهانة والحقارة خموا وصروا جنس ذل واهانة وما اكثرها في طاش ما طاش
الشغل الحلال ما عيب عيب الحرام .. والخادم والمخدوم هما طرفي تعاقد ويختلف مسمى الخادم بنوع العمل والوظيفة وفي نهاية هو خادم وكل خادم يمر بلحظة ذل وحقارة ول مش كده يا ولي
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: مريم بنت الحسين)
|
ويا وليد حتى الوجبات الذكرتها دي فى ناس ما بتقدر تدفع سعرها والله
وليد الناس البره دي ما تقعد تتفلسف ليك ساي خاصة زي جنس المهندسة الفي الفيس بوك البتقول ليك بسألوني عن الحنة وما بخجل من السؤال والله الحنة دي لحدي لوقت قريب جدا ويمكن الى الآن السودانيات نفسهم بنظروا لصحبتها بدونية والمغتربين نفسهم عدد كبير جدا منهم بنظرو لزوج الحنانة كأنو ما راجل ذاتو(السعودية مثلا). والحنة نفسها سوقها راج والحنانة بقت رأس ماليه يعني دخلها ما بقل من دخل المهندسة صحبتنا دي واكتر منها ممكن كمان ووضع الحنانة من حيث الاستايل اصبح مقبول جدا اجتماعيا (الامارات مثلا) فما تقعد تنظر وتقول لينا ما بخجل لمن يعتبروني حنانة مثلا. قرأت كلامها كله من اوله لاخره عبارة عن غضب ومقارنة مهن المرأة السودانية كطبيبة وكمهندسة بكونها خدامة ليس الا !!!!!! ده عدم احترام للمهن بلف ودوران كمان التغير فى نوعية الحياة بحصل من خلال اي مهنة ما حكر على مهنة معينة ونوعية معينة مالو الخادمة دي والله لمن تؤدي عملها بصورة صحيحة تستيطع ان تحسن من نوعية حياتها ونوعية حياة كل من حولها زيها زي اي مهندسة او طبيبة او معلمة. يا وليد حتى مسألة البرستيدج دي انت لمن قلتها ما من عندك وانما الرفض والهجوم العجيب والغير مبرر هو الفرض الاحتمالية دي. البوست ده من بدايته الى نهايته مافي اي واحد رافض الفكرة دي كان رفضه يتضمن ما يوحي باحترامه لهذه المهنة ولكن بمجرد ما انتبهوا لحجم الاساءة الموجه للمهنة فى حد ذاتها (بدون ما يشعروا) بدأ كل واحد يخص السعودية بالرفض ده . يجيك واحد ويتكلم ليك عن اختزالك للموضوع فى البرستيج ومش عارف ايه ياخ ما تقوموا تلفو كده ولا كده بلد فقران فى ناس عين ابو اهلها طالع من الجوع الجوع عديل و الاستغلال حاصل للمرأة السودانية من زمان وجوه السودان مش بره. الموضوع فيهو جانب واحد انو نتمنى اذا اصبح واقع سفارتنا دي ربنا يهديها وتضع قوانيين محددة تحفظ حقوقهم وخلاف ذلك نعول على كون المرأة السودانية عندها القدرة انها تفرض اسلوبها واحترامها على اي اسرة سعودية مهما كانت ده شئ والشئ الثاني مجتمعنا كسودانيين فى الخارج ما يعمل برزخ بينه وبينهم خاصة الاوساط النسائية يعاملوهم كأنداد واصحاب مهنة لهم حقوق اجتماعيه زيهم زي باقي صاحبات المهن الاخرى. السؤال هل نحن كمغتربين/ات مستعدين لحاجة بالشكل ده اذا دعت الحاجة لذلك؟
السنجك
| |
|
|
|
|
|
|
Re: السودانيات خادمات ..!! .. شن الجدِّ !! الملاية ! ولا كيس المخدة!؟ (Re: وليد محمد المبارك)
|
اكرر خيار العمل في السعودية هو خيار العاملات فقط هن من يحددن ذلك
من يريد فليرفع مخاطر هذا العمل ويوضحها .. ودعوهن يعملن مقارنة بين مخاطر معيشتهن هنا وهناك
يعني ذي الام الشايلة شفعها بتشحد بيهم في رابعة النهار دي .. هي وحدها التي تستطع ان تقيم ايهم اقل ضررا لها... الشحدة ام العمل في السعودية بمخاطرها
لا نحن ولا انتم من يقرر عنها هي من تقرر حسب ظرفها الخاص جدا
| |
|
|
|
|
|
|
|