|
|
|
 Re: الدكتاتور ابراهيم عبود ...معبود الجماهير ( صورة لذيذة)!! (Re: هشام هباني)
|
نكت الصوره دى من وين يا هشام ؟؟!!
الصوره فيما يبدو أظنها فى نهاية الخمسينات أو بداية الستينات .
أكثر ما أسعدنى إنى وجدت عمى عبد الوهاب الجعفرى ( شقيق الوالد الأكبر )
وهو الثانى على اليسار من الواقفين وطبعا تميزه الشلوخ ال ( T ) .
ومن فى الصوره أيضا تعرفت على الفنان سيد خليفه والفنان أحمد المصطفى
والفنان محمد أحمد عوض .
ضرورى بالله بجوا العجايز يورونا الباقين ديل منو . شكرا يا هشام .
| |
 
|
|
|
|
|
|
|
|
Re: الدكتاتور ابراهيم عبود ...معبود الجماهير ( صورة لذيذة)!! (Re: كمال سالم)
|
سلامي لك الناظر هشام هباني
صورة شيقة جداً
كمال سالم أستخرج منها:
1-عبد الوهاب الجعفرى
2-سيد خليفه
3-أحمد المصطفى
4-محمد أحمد عوض
أضيف عليهم:
5-محمد وردي خلف عبود يرتدي فيونكة
6-وعلى يمين وردي مباشرة عبدالعزيز داوود
7-يمينك في أعلى الصورة بجوار الكمنجة يظهر جزء من وجه الموسيقار محمدية
8-جلوساً في أسفل الصورة وأمام الرئيس يجلس أمير العود حسن عطية
9-الخامس من اليمين يظهر وجه الشاعر والممثل والمخرج إسماعيل خورشيد
أيضاً مشبه أكثر من ثلاثة لكن حتى أتأكد
نعود مرة أخرى
| |
|
|
|
|
|
|
|
|
|
Re: الدكتاتور ابراهيم عبود ...معبود الجماهير ( صورة لذيذة)!! (Re: كمال سالم)
|
جدي كمال
كيفنك يا جدو................وعرفت كمان انك كنت صاحب الاستديو الذي حظي بشرف التصوير لهذه الصورة الفخيمة وكنت قاعد تنظم الجماعة واحد واحد ومعاها هرشات ونفخات.... وشايف الشاب ود البادية شماشي شماشي في الكورنرالشمالية الغربية وكانو بتصور اول مرة...
المستعجب ليها انو كل فنانيننا الكبار كانت ماسكاهم (ام فريحة) شديدة في الصورة جنب الريس متناسين انه اول غاصب سلطة شرعية ومقوض اول ديموقراطية تحلقوا حوله باندهاش وفرح عظيمين وكان لهم شرف ( التصور) مع سعادة الدكتاتور اللذيذ وكأنه ثائر عظيم او بطل وطني صانع لتاريخ البلاد.... وعندما تتامل في الصورة تتخيل اننا بالفعل ظلمنا عبود ظلم الحسن والحسين والا لما تحلق حوله كل مبدعينا الكبار وبهذه الفرحة الكبري................. غايتو نحن شعب انتيكة بالجد!
| |
|
|
|
|
|
|
|
|
Re: الدكتاتور ابراهيم عبود ...معبود الجماهير ( صورة لذيذة)!! (Re: Ahmed musa)
|
الزول دا شكلو ما غريب عليّ !هههه..
عارف يا كمال عندنا جدا لينا كان حاضر مناسبة اجتماعية ..
جاء داخل عبود لابس جلابية وعمة الناس القاعدة قاموا يسلموا عليهو..
بعد قعد جدنا سأل الجنبو ( الزول دا منو ؟ شكلو ما غريب عليّ؟!)..
معقول تور الجر بابتسامتو العريييضة ما عرفتو ! التاني يمين الصورة..
سلامات يا ود الناظر كانو كووولهم سبعة بس ..
لو صبروا عليهم شوية كانت البلد على الاقل قفزت اقتصاديا.
| |
|
|
|
|
|
|
|
|
|
Re: الدكتاتور ابراهيم عبود ...معبود الجماهير ( صورة لذيذة)!! (Re: محمد على طه الملك)
|
1-عبد الوهاب الجعفرى
2-سيد خليفه
3-أحمد المصطفى
4-محمد أحمد عوض
5-محمد وردي خلف عبود يرتدي فيونكة
6-وعلى يمين وردي مباشرة عبدالعزيز داوود
7-يمينك في أعلى الصورة بجوار الكمنجة يظهر جزء من وجه الموسيقار محمدية
8-جلوساً في أسفل الصورة وأمام الرئيس يجلس أمير العود حسن عطية
9-الخامس من اليمين يظهر وجه الشاعر والممثل والمخرج إسماعيل خورشيد
هشام هباني:
| Quote: وشايف الشاب ود البادية شماشي شماشي في الكورنرالشمالية الغربية وكانو بتصور اول مرة , كده تأكدت منه وكنت شاكي فيه |
10-صلاح بن البادية (الكورنر الشمالية الغربية)
محمد على طه الملك:
| Quote: معقول تور الجر بابتسامتو العريييضة ما عرفتو ! التاني يمين الصورة.. |
12-عثمان حميدة (تور الجر)
بالمناسبة صلاح بن البادية يغطي جزء كبير من وجه الفنان أحمد الجابري , ولكن هذا الجزء المتبقي كاف للتأكد من شخصيته
13-أحمد الجابري (يغطي جزء من وجهه صلاح بن البادية)
| Quote: كدي ورونا الغاب منهم منو وفاتو شرف الصورة الفخيمة! |
حتى الآن ولاشك الغائب الأكبر هو الفنان الذري إبراهيم عوض
مازال المشوار طويل...
| |
|
|
|
|
|
|
|
|
|
Re: الدكتاتور ابراهيم عبود ...معبود الجماهير ( صورة لذيذة)!! (Re: المعز ادريس)
|
العزيز المعز
سلامات
اوافقك الرأي فقط في سياق افضل السيئين اذا سلمنا ان الاوضاع في السودان في حالة انحدار منذ 1956. الي اليوم....سنجد ان المرحوم عبود افضل العساكر باعتباره اقلهم اجراما وفسادا واكثرهم انضباطا
ولكنه دكتاتور مثلهم قوض اول ديموقراطية بعيد استقلال البلاد وكان رائدا للانقلابات العسكرية التي ادخلت الوطن في ( كستبانة)!!
| |
|
|
|
|
|
|
| |
هشام هباني
كمال سالم
أسامة العوض
المعز ادريس
nour tawir
Ahmed musa
محمد على طه الملك
فيس بوك
تويتر
انستقرام
يوتيوب
بنتيريست