|
|
 Re: إنحنيت (Re: Nagat Sid Ahmed Elshiekh)
|
بالله ما تضحكوا علي يا عبد الغفار والست نجاة سيد أحمد
كنا في طرابلس الغرب في ثمانيات القرن الماضي. زرت جماعة أصدقائي أطباء في مستشفيات الضمان الإجتماعي في ليبيا. كانت اشرطة الكاسيت هي المشهورة في ذلك الزمان. الجماعة كلهم عاملين مثقفاتية وبسمعوا محمد وردي والكابلي وود الأمين. وبتكلموا كلام كبار كبار عن الحاجات الشنو وشنو داك.
قلت للرجل الذي كان يشغِّل الريكوردر ولا نعرف بعضنا، من فضلك ما عندك خلف الله حمد؟ نظر لي الرجل شذراً وقال لي: الأخ شغال وين؟ قلت له: في شركة البريقة لنقل المواد البترولية. شغال شنو في الشركة دي؟ قلت له: كابتن. كلمة كابتن بلغة السواقين تعني سايق شاحنة جرار بها تنك وقود.
إلتفت الرجل للجهة الأخرى مصهيناً مني. ضحكت في سري. صادف أن تقابلت عيناه مع وزير من وزراء اليوم وكان طبيباً ذلك الوقت. غمزت له بعيني فصمت. بصراحة نانسي دي مع أن والدها كان صديق أو قل صاحب ونحضر كل حفلاته مع محمد الأمين في سبعينيات القرن الماضي لكن غناها زي بعسمني وما بفهم فيهو التكتح. وكمان غنى واحد مرحوم لكن ما بجيب اسمه .. حيقوموا لي الجماعة الطيبين.
تحياتي.
كبـّاشي الصـّـافي
| |
  
|
|
|
|
Nagat Sid Ahmed Elshiekh
cantona_1
فيس بوك
تويتر
انستقرام
يوتيوب
بنتيريست