|
بالله أي واحد بيحب الزول الجميل دة يجي يكتب عنه ولو سطر
|
زول سمح ياح ياخي الله يسعدك زي ما قاعد تسعدنا.. يعلم الله شخصيا قاعد اريدك.. ياخي في حياتي ما شوفتو عابس ولا زهجان... سنين قاعد يطرب فينا ويمتعنا.. زول حلو ياخ.. بيديك أمل إنه البلد دي فيها حاجات سمحة ياخي.. بالله لو في زول عنده وسيلة اتصال بالزول الجميل دة يرسلها لي في الخاص... عايز اضرب ليه اقول ليه: ياخي الله يخضر ضراعك ويديك قدر الفرح البتدينا ليهو ونحن بنحبك كدة لي الله
|
|
|
|
|
|
|
|
Re: بالله أي واحد بيحب الزول الجميل دة يجي يكتب عنه ولو سطر (Re: خالد المحرب)
|
البورتسوداني الجميل محمديه له المحبه و التقدير. هذه ايام مجد مدينتنا كانت ترفد شعبنا برجال مثل (محمديه) و (عبد الكريم الكابلي) السواكني المنشأ ينثرون الفن و لالابداع على المستوي القطري!
فاغفروا لنا يا شعبنا ان تحول الزمن وصارت مدينتنا ترميكم ب برجال مجرمين و كوارث مثل صلاح قوش وكمال عبيد و آخرين أكثر اجراما!
| |
|
|
|
|
|
|
Re: بالله أي واحد بيحب الزول الجميل دة يجي يكتب عنه ولو سطر (Re: خالد المحرب)
|
والله يا طارق كنت محتار من العنوان قلت من وين في زمن العكننه و المدن الضبابية والاجواء الترابية دي ممكن تجيب زول يجمع السودانيين على حبه ...
لكن لقيتك اتوفقت تماما
شخص يستطيع ان يقف في نفس المسافة بعدا من جميع الناس ..
وكل الاعمال الخالدات للعمالقة الراحلين تجده ساهم في بنائها وجزء من تكوينها بل هو اللون الرئيسي الذي تنبثق منه باقي الالوان ..
| |
|
|
|
|
|
|
Re: بالله أي واحد بيحب الزول الجميل دة يجي يكتب عنه ولو سطر (Re: اسماعيل يوسف محمد)
|
ياريس انت ماحنين ورهييييف عشان كده الكمنجه دي بتهبش كل اوتارك وبتجهجه حنانك
بس عليك الله شوف كلام ده حلو كيف..
مشكلته الوحيدة أنه يسرق قلوب كل السودانيين ليضعها داخل هذا الكمان ومن ثم يرجعها لهم وهي مغسولة بالفرح !!!! والقلوب التي يغسلها الفرح لاتحتاج الى تروية ولاتصدأ0000 !!!! ولاتتفاعل كيميائياً مع اليأس !!!
يديك العافيه ياابو حراز ويطول في عمرك
ولي صاحب الكمنجه يطول عمرك مع العافيه
وليك ياود حلتنا دوام العافيه
| |
|
|
|
|
|
|
|