غايتو العريبي بتاع البريدانة ده ان حاول اقلد الوليدات ديل يمين الله انكسر كسرة تاني اردب ترمس واردب بلح وصفيحة سمن ما يجبرو! تقول لي اولاد السودانيين بعرفوا الرقيص!
06-22-2013, 07:37 AM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
Quote: غايتو العريبي بتاع البريدانة ده ان حاول اقلد الوليدات ديل يمين الله انكسر كسرة تاني اردب ترمس واردب بلح وصفيحة سمن ما يجبرو! تقول لي اولاد السودانيين بعرفوا الرقيص!
ههههههههههههههها مسنووووووووووووووح
نان وين افلام القضيم يا العشاء ؟ عنكوليب ساي ؟
06-22-2013, 09:46 AM
garjah
garjah
تاريخ التسجيل: 05-04-2002
مجموع المشاركات: 4702
ات دحين قايل براك المتحبشن ....ياخي اماتنا وحبوباتنا لهسع رابات مع ظار بشير يوسي الحبشي! ولا اقول ليك الصحابة في بداية الاسلام قطعوا البحر المالح العريض ده كيفن ما عارف .. الشي لا مشوا الشام ولا فارس ولا مصر بس دقشوا الحبشة طول وفيهم من رجع وفيهم من تحبشن وزاغ كزوغة جدنا المك نمر خرج ولم يعد حتي الان! واما المعارضة السودانية عبر تاريخها لا تروق لها المعارضة ابدا لا في تشاد ولا في افريقيا الوسطي بس الحبشة بس؟ وحتي الحكومة الرمة دي لا تروق لها المحادثات مع المعارضة الا في الحبشة بس... الحج حبشة و ليشهدوا منافع لهم! واقترح علي اهلنا في البريدانة لقربهم المعلوم جدا من الحبشة ان يكونوا لنا حزبا سياسيا سودانيا باسم حزب ( المحابيش) السوداني الديموقراطي واهم اهدافه الوحدة مع الحبشة وكتروا للشعب السوداني من جلب الفرق الحبشية والرقيص والظار في كل الفيافي والامصار وكده ياشيقه انا بضمن ليك حكم السودان لمائة عام حبشية سيعم السلام فيها كل نواحي السودان وسيتحبشن السودان بعودة اكسوم مرة اخري عبر ثوار البريدانة بقيادة الزعيم المتحوبش شيقه ومستشاره سعادة المتحبشن الاكبر مولانا ود المرتضي!!
06-22-2013, 01:11 PM
هشام هباني
هشام هباني
تاريخ التسجيل: 10-31-2003
مجموع المشاركات: 51288
رحم الله صاحب فكرة حزب البهجة في السودان فقد كانت فكرته صائبة ولو استمر في التبشير في فكرته لكان صاحب اكبر حزب في السودان ..فانت قايل بقية الاحزاب التانية العاملة ظيطة وظمبريطة دحين قايل عندها افكار ولا خطط ولا برامج بس ورق مكتوب وشوية كضب ونقة وبري بتاع مثقفاتية ساكت والجماهير المسكينة مخمومة ساكت تهتف في الفاضي وتقوم تنتفض وتداوس الطغاة وتموت بالالاف وتنتصر الانتفاضة واجوك الكضابين الغلاد اسرقوا الانتفاضة واقضوها بعد داك كضب وشكل ومشاكل ومزايدات لحدي ما انط فيها عسكري.. واهو كان في احزاب بالجد بالجد وين جماهيرها وين قياداتها و الشارع لليلة ما قادر اطلع عشان اقوم بثورة ضد اولاد الكلــــــــــــــــــــــب ديل... فانا متأكد لو ان سعادة الريس الحبشتوني شيقه فكر بجد في مقترحي وهب من بكره في التبشير بالفكرة الحبشنة وسط هذا الشعب الموبوء بالالام والاحزان قطعا ستتبعه الملاييين....الناس قرفت من الجلاكين الكبار ديل وعاوزة تغيير ولو هجيج ... يعني بالجد الشعب السوداني عندو ( نفسيات) محتاج ليهو حبة فرفشة عشان اطلع من حكاية الغم والهم دي ويا الله برا ميرغني ولا ابو كلام ولا الترابي ولا لمه.
06-22-2013, 07:01 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: واقترح علي اهلنا في البريدانة لقربهم المعلوم جدا من الحبشة ان يكونوا لنا حزبا سياسيا سودانيا باسم حزب ( المحابيش) السوداني الديموقراطي واهم اهدافه الوحدة مع الحبشة وكتروا للشعب السوداني من جلب الفرق الحبشية والرقيص والظار في كل الفيافي والامصار وكده ياشيقه انا بضمن ليك حكم السودان لمائة عام حبشية سيعم السلام فيها كل نواحي السودان وسيتحبشن السودان بعودة اكسوم مرة اخري عبر ثوار البريدانة بقيادة الزعيم المتحوبش شيقه ومستشاره سعادة المتحبشن الاكبر مولانا ود المرتضي!!
جاييكم حزب المحابيش البرداني اصبروا بس اصلو السودان دا صار ما عندو وجيع وكل دولة مجاورة عايزة تخمش القوم المتاخمين لحدودها النوبا مع صعيد مصر ودارفور مع شاد والشرق مع ارتيريا ونخليكم انتم ناس النيل الابيض تتلفتوا في الصقيعة خلى الكيزان يلعبوا بيكم شلوق .
الشلقة ال ..........
06-23-2013, 11:49 AM
هشام هباني
هشام هباني
تاريخ التسجيل: 10-31-2003
مجموع المشاركات: 51288
لو عاوز حزبك ده اكسح الانتخابات في السودان وناس البريدانة احكموا السودان فالقصة ما عايزه ليها ايديولوجيا والا نقة سياسية ولا استقطاب فكري ولا وجع راس....انت عاوز بس جمهور يحشي صناديق الانتخابات بالاصوات والقصة ساهلة.. عين في حزبك الجديد في منصب نائب رئيس الحزب السيدة الفنانة الاثيوبية صاحبة الجنسية السودانية ( تيقيست) والتي بعد ان توطنت في السودان صارت من اشهر فنانات السودان الي درجة انها تسافر من الخرطوم الي دبي والخليج لاحياء حفلات سودانية وقد نشرت برنامج ( الحبشنة) والذي هو برنامجكم المجيد وسط جماهير السودان وهم الان مئات الالوف وقطع شك سيكونون سندا لهذا الحزب المتسق مع وجدانهم ونفسياتهم....فبدل تعمل ندوات ونقة سياسة فاضية زي بتاعة ابو كلام الماجايبة غير التكتح والفشل والخيبات كتر في الحفلات واصلو الشعب عندو نفسيات و( ظااااار) عشان كده سيكون حزب ( البريدانة) حزب السودان الاول وبعد كده يا شيقه حظك رئيس بلد احسن من (الميرغني والمهدي والترابي)...
06-23-2013, 11:15 AM
هشام هباني
هشام هباني
تاريخ التسجيل: 10-31-2003
مجموع المشاركات: 51288
واول حاجة يا سعادة الريس (شيقة) اول ما تصل كرسي الحكم ما تنسي لازم تعلن الوحدة الاندماجية بين السودان والحبشة وايضا ينبغي توحيد المناهج الدراسية بين القطرين الشقيقين ولا بد ان يتعلم السودانيون في مدارسهم كل لغات ( الجعز) وهي لغات الحبشة لان تعلم اللغة ستساعد في انسجام وتفاهم وبالتالي انصهار الشعبين الشقيقين ولمن لا يعرف تاريخ لغات ( الجعــــــــــــــــز) عليه ان يطلع علي الرابط التالي:
والسؤال الاهم الي كل المتحبشنين : كيف نفسر خروج المسلمين المضطهدين في مكة في بداية الدعوة الاسلامية مستجيرين بارض الحبشة المسيحية والتي قطعوا لها فيافي وصحاري وبحرا عريضا ولم يذهبوا الي الشام او مصر او بلاد فارس وفي ذاكرتهم لستين عاما الي الوراء صورة الملك ابرهة الحبشي المسيحي الاشرم صاحب الفيل الذي حاول هدم الكعبة الشريفة....فكيف يستجيرون ببلد اصابهم منها عدوان عظيم؟!
06-23-2013, 05:02 PM
هشام هباني
هشام هباني
تاريخ التسجيل: 10-31-2003
مجموع المشاركات: 51288
انا في اعتقادي ان (ابرهة) لم يكن حبشيا بل ربما كان صوماليا او كينيا او سودانيا وذلك حسب توصيف الناس لسيدنا بلال والذي قيل انه طويل اسود بالرغم ان امه هي بنت اخت ابرهة وقد اسرت بعد حرب الفيل وهذه الملامح التي وصف بها سيدنا بلال ليست ملامح الاثيوبيين سكان الهضبة وايضا سكان الهضبة لا يربون الافيال فالافيال تعيش في السهول والغابات وهي اما بيئة صومالية او سودانية او كينية ولذلك ارجح ان يكون ابرهة غالبا ما يكون صوماليا وذلك لقرب اليمن من الصومال وايضا لقسوته والتي اقرب الي الصوماليين من الاحباش وعليه ارجح ان ( ابرهة) كان صوماليا!
06-23-2013, 07:39 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: الجعزية (and#4877;and#4821;and#4829; وتلفظ [and#609;and#616;and#661;and#616;z])هي لغة سامية جنوبية و تعرف أحياناً بالإثيوبية، اللغة الجعزية ظهرت في ما يعرف اليوم بإثيوبيا و جنوب أريتريا و منطقة القرن الأفريقي ، ثم صارت اللغة الرسمية ل مملكة أكسوم و القصر الإمبراطوري الإثيوبي . تكتب بالحروف الجعزية و هي ليست حروفاً بالمعتى المعروف لكلمة حرف و لكنها أقرب أن تكون مقاطع حيث يمثل كل ( حرف ) صوت ساكن مع حركة معينة . اللغة الجعزية لا تستخدم اليوم إلا في كنيسة التوحيد الأورثوذكسية الإثيوبية و كنيسة التوحيد الأورثوذكسية الإريترية .و في الكنيسة الكاثوليكية الإثيوبية و أيضاً تستعملها المجتمعات اليهودية الإثيوبية . اللغة الجعزية هي المصدر الذي تفرعت منه معظم اللغات التي تعرف باسم اللغات السامية الإثيوبية أو الأفروسامية . خاصة اللغتين الأكبر الأمهرية و التغرينية باقي اللغات مثل لغة الغراغي و اللغة التغرية و غيرها .
البردانيون يسمون هذه اللغة بلغة العنكوليب
هسه لغات الله المليون دي ما تكّجت إلا في اللغة دي ؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة