|
|
|
 Re: صورة لأتفــــــه وأحقــــــر سوداني في الـتاريخ ( من غير زعل)!! (Re: هشام هباني)
|
حين كان البغاءعيبا وفي البلاد (منازل احرار) وبضع مواخير
كان العهر اختيارا لا اضطرارا كما اليوم في زمن (البشير)
وكان الوطن سمحا لا يحكمه بغاة واشباه رجال طراطير
وما كان دين الله أفيونا لغش الناس بالتخدير والتزوير
كان دينا موهطا في قلوب الناس مسهلا كل الامور
وكان الشعب مطمئنا غير مشرد في المنافي في القبور
ما كان شعبا ذليلا تائها جائعا لا يملك شروي نقير
ما كان شعبا من نعاج داجنات ترضي بالحال العضير
بل كان شعبا رمز عزة يخيف الطغاة وكل محتل مغير
من انتم يا بغايا العصر وقد احلتم البلاد الي سجن كبير
وسجنتم العباد في وحل المظالم ومجاهل الرزق المرير
من انتم يا سرطان البلاد ايها الاوغاد يا الة القهر الشهير
من اي ارحام ولدتم ام تغوطوكم في فلاة كروث حمير
لوثتم البلاد بعهركم وفسادكم وابدا ما رفقتم بالقوارير
( المايقوما) عطر الجمال كانت وما كانت بؤرة الحال العهير
وكانت ( سبع بيوت) اشرف من وطن صار مبغي لعمر الحقير
جعلتموه ماخورا كبيرا باسم الله لاغراب وبعض صراصير
وكان يزهو بعاره الاصغر بين الناس مختالا المواطن( ادم) سفير
لم يرتكب كل المعاصي بل كان قــــوادا اصغر من صغير
لم يقتل لم يغتصب ولم يسرق ويكتنز مالا في بلاد ( مهاتير)
وكان بعاره اشرف اليوم من اي سفير واي مدير واي وزير
واشرف من كل التنابلة التقاة الملتحين الصامتين بلا دين ولا ضمير
واشرف من كل سادتنا الصغار الخانعين لهذا الحاكم الوغد الاجير
واشرف من كل موارب ومنافق يهاب وقفة الحق في هذا المسير
فالشرف ليس انسابا والقابا بل وقفة عز في لحظة الحسم الخطير
والشرف كلمة الحق في وجه ظالمنا حتي لوكان( منكراو نكير)
فاال ت ع ر صة صارت مهنة اليوم وبالصوت الجهير
فان لم تكن (م ع ر ص ا ) أكلتك الضباع في ركب المشير
أين شرفكم يا تجار الوطنية المزعومة يا ارباب النذالة والغرور
مزقتم الوطن وبعتم الجنة والحوروالدين في سوق (المواسير)
تاجرتم بدماء ( الفطايس) فراحوا طعاما للضباع والصقور
حلايب والفشقة احتلوهما( رجالة) و الجيش أضحي في الخدور
ما عاد جيشا لحماية السودان بل لحماية الكيزان والظلم المرير
صار جيشا لقتل النساء والاطفال عاجزا في الزود عن كل الثغور
ف(اليوناميد ) تزني ترابه كل يوم حتي غدا الوطن شيئا كالسرير
وطائرات صهيون تقصفنا بكل زهو في المساء والظهيرة والبكور
والمشير (العلق) لا زال يمتهن التسول من مليك الي شيخ الي امير
و ( ال م ع ر ص و ن ) باعوا الارض والعرض بكل عهر وفجور
وما قدروا ان هذه البلاد نهضت بتضحيات روتها دماء المغاوير
وما قدروا ان سمعة هذا الشعب الابي كنز لامع في كل العصور
ففاقد الشرف لا يعرف قيمة الشرف كبعير لا يري عوج البعير
ومن تربي في كنف الاخلاق لن يرضي االعيش في دنيا الشرور
ومن يعرف قيمة الاوطان سيفديها بالروح بالدم والمال الوفير
ومن يعرف قيمة الانسان لن يعذب الناس مثل كلـــب عقور
ومن يعرف خالق الانسان سيخشي الاخرة و نار السعير
ومن يعرف عزة السودان سيرفض ظلم حاكمنا العوير
وسيدرك الف مرة ان ادم سفير كان اشرف من هذا ( القشير)
ـــــــــــــــــــــــــ
هشام هباني
| |
  
|
|
|
|
|
|
|
|
Re: صورة لأتفــــــه وأحقــــــر سوداني في الـتاريخ ( من غير زعل)!! (Re: هشام هباني)
|
مشير شنو وبشير شنو
انت يا عمر البشير
سفاح البلد رباطي البلد
وكمان رقوك لرتبة مشير
رقوك في زمن السجم
وات همك بس تصير
شاويشنا شاويش السجم
جزارنا معدوم الضمير
قدر الله قد جابك عديل
رئيسا اهبلا فاضي وعوير
لا طايوق لافهم لاخلقة لا اخلاق
بس قعونجة تحت الزير
والله يا عوقة لو طرت السما
وغسلوك بمطر السما
وصبوك من دهبا نقي
وسووك انسانا سوي
بل سووك كمان نبي
برضو عند شعبي الامير
انت احقر من حقير
مجرم حرب سفاح خبير
واولاد الهرمة المعاك
هم افة البلد الكبير
خرابة البلد الموكح بالسجم
نهابة الشعب الفقير
جلابة الدين الضلام
ماهو دين الله القدير
همباتة الرزق الحرام
عنقالة الكضب الختير
اولاد الحنوت اولاد الحرام
زبالة الزمن العفن
مومس الحال المرير
تف يا عفطة الزمن الكعب
وعوع من دقسة الحال الضهب
وتف لغفلة الناس الحيارى
عندما غابت الناس البصارى
وماتت الناس النوارة
فجاة قد جيت رئيس
تيسا خرتوك من دكة تيوس
وجيتنا في زفة تيوس
ناسا حتالاتا نجوس
همهم خم الفلوس
والكل يحلم بالعروس
عينة من بشرا رخيس
نهابة البلد التعيس
بالغدر والعمل الإنسان رخيص
وبقيت رئيس
وبقيت عريس
وانت القايد وانت الرئيس
خليك عريس
همك الليلة الرقيص
كل دلوكة داقة وقالو دقة للرئيس
ما ات وحدك الرئيس
وات وحدك العريس
والماتو في الغابات فطيس
مشير شنو وبشير شنو
والله لو طرت السما
برضو عند شعبي الامير انت احقر من حقير
والله ما شفنا زولا بترقى في زمن الهزيمة
وما شفنا زولا مهزوم ادوه قيمة
والبلد في زمانك والله قد صبحت وليمة
من سقط لقط دخلت جيوشا
جبتوها للبلد الغنيمة
وغردون جبتوه تاني بالعفانات القديمة
وفشودة جبتوها تاني بالخسارات والهزيمة
يا حليلك يا بلد امة قد كانت عظيمة
باعوك انصاف الرجال بالجبن والحالة الازيمة
باعوك برخس التراب اهدوك للاغراب وليمة
لانهم عشاق كراسي وما عندهم للشعب قيمة
مشير شنو وبشير شنو
والله لو طرت السما
انت عند شعبي الامير
انت احقر من حقير
مهازل يا بلد ستين مهازل
حت (رواندا ) العفينة
الغرقانة في بحر المشاكل
ونيجريا سمعة حروبها قد ملت المحافل
تهدي فينا وكنا تيجان المحافل
تهدي في بلدي المناضل
والذي كان حلال المشاكل
بلد قدر السما
وتاريخها مليان جمايل
سديناها عين الشمش
بسمح المكارم وحلو الشمايل
وشعبي السمح كان بسمحو صايل
وشعبي البطل بمجدو هايل
بلدي يا سجم ما جابت حوا غيرها
فيها ترهاقا ونمر والمهدي ربان المسيرة
فيها رابحة وفيها تاية ونحن منك يا مهيرة
صانوها بدم الكرامة والشرف قد كان ضريرة
قلعوها من خشم العدو بالعزة والروح الجسورة
ما سرقوها في قومة دغش ونهبوا خيرها
وما باعوها بالنص والتشاشة والفزرة والروح الكسيرة
صانوها بالسيف والكرامة والهمة والنفس الكبيرة
دي بلد شعبي المعظم براهو ليهو حق تقرير مصيرها
مصيرنا وحدة شعب واحد ودم واحد مابنرضى غيرها
شعب اصلي شعب يغلي وشعب جبار كسيرة
اسالوا السفاح حليفكم يوم ليلة النصر الشهيرة
ليلة مايو راحت (لعب ترتير جهال فوق الدميرة)
واب عاج امامكم شردلاسيادو مكسوفا عضيرة
وحق المظاليم ما بروح واطافي دنيا ازدادت شرورها
ودم الشهيد ما ببقى موية
طالما الاحرار هناك في راس المسيرة
واهلي الغبش في الحارة زي موج الدميرة
شايلنو ريدك يا بلد قدر الله ما خلق
واداهم العافية الوفيرة
مشير شنو وبشير شنو
والله لو طرت السما
برضو عند شعبي الامير
انت احقر من حقير
بلدا هاملة فاقدة وجيع
وجيعا شايف دم البلد السمحة قاعد اضيع
وخابر الناس الماكلة حقوقنا
وسكنو القصر العالي منيع
وسرقوا لبن الشافع اللسة رضيع
بلدا هاملة فاقدة وجيع
اقش الدمعة وافش غبينة الشعب المابي اطيع
بلدا هاملة فاقدة وجيع
دم الشفع لبن الشفع شربو الكوز الفاسد والله فظيع
هذا الكوز نهب الدنياوحجز الاخرة
هذا الفاسد هذا الكاسد ملك البيع
باعو البلد السمحة وابدوا نهما اصلي شنيع
مشير شنو وبشير شنو
والله لو طرت السما
انت عند شعبي الامير
انت احقر من حقير
الزول بترقى يوم نصرو
يوم اعمل مفاخر
وعزة الزول السمح عندما يعمل مآثر
وات شبعان هزايم مليان وداشر
والليلة قد بعت البلد لكل طماع وماكر
والتيوس الانت فيهم
جز دقونها جاي باكر
جاي من وجع الغبش
منهوبة الرزق يادوب تدافر
جاي من ذل المظاليم
هناك في جو الدفاتر
جاي من زعل المغابين
من زمن للحق تعافر
جاي من وجع المساجين هناك في ذل المهاجر
جاي من دم الشهيد كتلوه في زمن المساخر
جاي من مهتوكة عرض
مودرة وحيرانة ودايرالها ساتر
جاي من وجع الارض وهي دنسها العساكر
والتيوس الانت فيهم جز دقونها جاى باكر
ورقيص شنو وعرضة شنو ات يا سجم العساكر
والبلد مكندكة بالفقر والجوع قد طق البنادر
رقيص شنو وعرضة شنو ات يا سجم العساكر
والشعب قد سكن المقابر
والفاشر الحبيبة قادلة فيها اغراب من عساكر
طامعة في البلد الجنازة والشعب مسكين وصابر
وانت راقص ماك شايف ماك خابر
يا رئيسنا ويا عريسنا انت ياكبري الكباير
مشير شنو وبشير شنو
والله لو طرت السما
برضو عند شعبي الامير انت احقر من حقير
قال سلام وقال كلام فاروقنا جلاب الهزيمة
رئيسنا وعريسنا ورقاصنا معدوم العزيمة
في نيفاشا جابوك بارك شان توقع للهزيمة
وصدقت انك حمامة للحب والسلام
وماك داري انك كت متيس زي بهيمة
وفي دارفور عصروك تاني
وقلت (الروب يا الله للكوز والحكومة)
وفي شرقنا العصرة حصلت
وماك مصدق انو اوشيك الهوين
الليلة مليان بالعزيمة
وبعد ده كلو رقوك مشير رتبه ما عارف لزومها
لاحس لا شعور جاري في الدنيا ونعيمه
وكيف الله بنصر ملة الشر اللئيمة
وكيف الله بنصر صاحب اليد الاثيمة
بكرة شعبي المظفر يمسح اهاتو الاليمة
بالكفاح الاصلي فيهو
والشموخ الفيهو ديمة
وتاني ترجع ام در تغني
وتعانق الفاشر التميمة
وجوبا السمحة ترقص لوحدة البلد العظيمة
وكسلا بشوتالها شايلة
فطرة البلد السليمة
تطرد الهم من بلدنا
وترجع ايامنا الحميمة
لا مشيرا فينا يأمر
ولا بشيرا عندو قيمة
ولا دقونا فينا قادلة
بالاساطير القديمة
وتاني ما بننخم ليها
بعدما شفنا الجريمة
وشعبي شايل تارو جاهز
حقو برجع بالعزيمة
ونحن ما بنغفر ذنوب الباعو دينن
وباعوا بلدي الحرة الكريمة
والمسامح وحدو الله
وما بنسامح الولعوا نار الخصومة
والبجامل في حقو تاني
ابقي زولا واطي ديمة
والبجامل في عرضو مرة
مصيرو للذلة وجحيمها
بشير شنو ومشير شنو
والله لو طرت السما
برضو عند شعبي الامير
انت احقر من حقير
انت يا عمر البشير
هباني
| |
|
|
|
|
|
|
| |
هشام هباني
hanadi yousif
معاوية عوض الكريم
فيس بوك
تويتر
انستقرام
يوتيوب
بنتيريست