|
|
 عاجل جدا ...السفاح البشير متخوف جدا من زيارة جوبا!!
|
وهي تخوفات تستند علي منطق يدعمها خاصة وان هنالك معطيات إقليمية في الجوار الجنوبي ترسخ هذه المخاوف وجوبا طرف في هذا الحراك الاقليمي الجنوبي لا اعتقد انها ستغرد خارج هذا السرب الذي يري في المجرم البشير آفة أضرت كثيرا باستقرار تلكم المناطق ولذلك اتوقع سيناريوهات مذهلة !!
|
|
  
|
|
|
|
|
|
|
|
Re: عاجل جدا ...السفاح البشير متخوف جدا من زيارة جوبا!! (Re: هشام هباني)
|
ليس من الحكمة ان ترهن جوبا مصالحها بكائن خبرته مجرما لا يحترم المواثيق والعهود ومهددا بالسقوط في أية لحظة بل مطالب من العدالة الدولية ولذلك اعتقد ان مصلحتها الحقيقية في القاء القبض عليه وتسليمه للمحكمة الدولية او حجزه لديها ومحاكمته علي ارضها المحررة وهي اعظم هدية لشعب السودان في الشطرين اللذين ذاقا ويلات جرائم ومفاسد هذا المجرم الخطير والذي قتلهما ومزقهما ولذلك اتوقع ان يفعل قادة الجنوب هذا العمل البطولي والذي سيرضي طموحات وتطلعات الشعب الواحد في الشطرين لان الرهان ينبغي ان يكون علي الشعوب وهي الباقية وليس علي افراد زائلين....
| |
|
|
|
|
|
|
|
|
|
Re: عاجل جدا ...السفاح البشير متخوف جدا من زيارة جوبا!! (Re: هشام هباني)
|
مشير شنو وبشير شنو
انت يا عمر البشير
سفاح البلد رباطي البلد
وكمان رقوك لرتبة مشير
رقوك في زمن السجم
وات همك بس تصير
شاويشنا شاويش السجم
جزارنا معدوم الضمير
قدر الله قد جابك عديل
رئيسا اهبلا فاضي وعوير
لا طايوق لافهم لاخلقة لا اخلاق
بس قعونجة تحت الزير
والله يا عوقة لو طرت السما
وغسلوك بمطر السما
وصبوك من دهبا نقي
وسووك انسانا سوي
بل سووك كمان نبي
برضو عند شعبي الامير
انت احقر من حقير
مجرم حرب سفاح خبير
واولاد الهرمة المعاك
هم افة البلد الكبير
خرابة البلد الموكح بالسجم
نهابة الشعب الفقير
جلابة الدين الضلام
ماهو دين الله القدير
همباتة الرزق الحرام
عنقالة الكضب الختير
اولاد الحنوت اولاد الحرام
زبالة الزمن العفن
مومس الحال المرير
تف يا عفطة الزمن الكعب
وعوع من دقسة الحال الضهب
وتف لغفلة الناس الحيارى
عندما غابت الناس البصارى
وماتت الناس النوارة
فجاة قد جيت رئيس
تيسا خرتوك من دكة تيوس
وجيتنا في زفة تيوس
ناسا حتالاتا نجوس
همهم خم الفلوس
والكل يحلم بالعروس
عينة من بشرا رخيس
نهابة البلد التعيس
بالغدر والعمل الإنسان رخيص
وبقيت رئيس
وبقيت عريس
وانت القايد وانت الرئيس
خليك عريس
همك الليلة الرقيص
كل دلوكة داقة وقالو دقة للرئيس
ما ات وحدك الرئيس
وات وحدك العريس
والماتو في الغابات فطيس
مشير شنو وبشير شنو
والله لو طرت السما
برضو عند شعبي الامير انت احقر من حقير
والله ما شفنا زولا بترقى في زمن الهزيمة
وما شفنا زولا مهزوم ادوه قيمة
والبلد في زمانك والله قد صبحت وليمة
من سقط لقط دخلت جيوشا
جبتوها للبلد الغنيمة
وغردون جبتوه تاني بالعفانات القديمة
وفشودة جبتوها تاني بالخسارات والهزيمة
يا حليلك يا بلد امة قد كانت عظيمة
باعوك انصاف الرجال بالجبن والحالة الازيمة
باعوك برخس التراب اهدوك للاغراب وليمة
لانهم عشاق كراسي وما عندهم للشعب قيمة
مشير شنو وبشير شنو
والله لو طرت السما
انت عند شعبي الامير
انت احقر من حقير
مهازل يا بلد ستين مهازل
حت (رواندا ) العفينة
الغرقانة في بحر المشاكل
ونيجريا سمعة حروبها قد ملت المحافل
تهدي فينا وكنا تيجان المحافل
تهدي في بلدي المناضل
والذي كان حلال المشاكل
بلد قدر السما
وتاريخها مليان جمايل
سديناها عين الشمش
بسمح المكارم وحلو الشمايل
وشعبي السمح كان بسمحو صايل
وشعبي البطل بمجدو هايل
بلدي يا سجم ما جابت حوا غيرها
فيها ترهاقا ونمر والمهدي ربان المسيرة
فيها رابحة وفيها تاية ونحن منك يا مهيرة
صانوها بدم الكرامة والشرف قد كان ضريرة
قلعوها من خشم العدو بالعزة والروح الجسورة
ما سرقوها في قومة دغش ونهبوا خيرها
وما باعوها بالنص والتشاشة والفزرة والروح الكسيرة
صانوها بالسيف والكرامة والهمة والنفس الكبيرة
دي بلد شعبي المعظم براهو ليهو حق تقرير مصيرها
مصيرنا وحدة شعب واحد ودم واحد مابنرضى غيرها
شعب اصلي شعب يغلي وشعب جبار كسيرة
اسالوا السفاح حليفكم يوم ليلة النصر الشهيرة
ليلة مايو راحت (لعب ترتير جهال فوق الدميرة)
واب عاج امامكم شردلاسيادو مكسوفا عضيرة
وحق المظاليم ما بروح واطافي دنيا ازدادت شرورها
ودم الشهيد ما ببقى موية
طالما الاحرار هناك في راس المسيرة
واهلي الغبش في الحارة زي موج الدميرة
شايلنو ريدك يا بلد قدر الله ما خلق
واداهم العافية الوفيرة
مشير شنو وبشير شنو
والله لو طرت السما
برضو عند شعبي الامير
انت احقر من حقير
بلدا هاملة فاقدة وجيع
وجيعا شايف دم البلد السمحة قاعد اضيع
وخابر الناس الماكلة حقوقنا
وسكنو القصر العالي منيع
وسرقوا لبن الشافع اللسة رضيع
بلدا هاملة فاقدة وجيع
اقش الدمعة وافش غبينة الشعب المابي اطيع
بلدا هاملة فاقدة وجيع
دم الشفع لبن الشفع شربو الكوز الفاسد والله فظيع
هذا الكوز نهب الدنياوحجز الاخرة
هذا الفاسد هذا الكاسد ملك البيع
باعو البلد السمحة وابدوا نهما اصلي شنيع
مشير شنو وبشير شنو
والله لو طرت السما
انت عند شعبي الامير
انت احقر من حقير
الزول بترقى يوم نصرو
يوم اعمل مفاخر
وعزة الزول السمح عندما يعمل مآثر
وات شبعان هزايم مليان وداشر
والليلة قد بعت البلد لكل طماع وماكر
والتيوس الانت فيهم
جز دقونها جاي باكر
جاي من وجع الغبش
منهوبة الرزق يادوب تدافر
جاي من ذل المظاليم
هناك في جو الدفاتر
جاي من زعل المغابين
من زمن للحق تعافر
جاي من وجع المساجين هناك في ذل المهاجر
جاي من دم الشهيد كتلوه في زمن المساخر
جاي من مهتوكة عرض
مودرة وحيرانة ودايرالها ساتر
جاي من وجع الارض وهي دنسها العساكر
والتيوس الانت فيهم جز دقونها جاى باكر
ورقيص شنو وعرضة شنو ات يا سجم العساكر
والبلد مكندكة بالفقر والجوع قد طق البنادر
رقيص شنو وعرضة شنو ات يا سجم العساكر
والشعب قد سكن المقابر
والفاشر الحبيبة قادلة فيها اغراب من عساكر
طامعة في البلد الجنازة والشعب مسكين وصابر
وانت راقص ماك شايف ماك خابر
يا رئيسنا ويا عريسنا انت ياكبري الكباير
مشير شنو وبشير شنو
والله لو طرت السما
برضو عند شعبي الامير انت احقر من حقير
قال سلام وقال كلام فاروقنا جلاب الهزيمة
رئيسنا وعريسنا ورقاصنا معدوم العزيمة
في نيفاشا جابوك بارك شان توقع للهزيمة
وصدقت انك حمامة للحب والسلام
وماك داري انك كت متيس زي بهيمة
وفي دارفور عصروك تاني
وقلت (الروب يا الله للكوز والحكومة)
وفي شرقنا العصرة حصلت
وماك مصدق انو اوشيك الهوين
الليلة مليان بالعزيمة
وبعد ده كلو رقوك مشير رتبه ما عارف لزومها
لاحس لا شعور جاري في الدنيا ونعيمه
وكيف الله بنصر ملة الشر اللئيمة
وكيف الله بنصر صاحب اليد الاثيمة
بكرة شعبي المظفر يمسح اهاتو الاليمة
بالكفاح الاصلي فيهو
والشموخ الفيهو ديمة
وتاني ترجع ام در تغني
وتعانق الفاشر التميمة
وجوبا السمحة ترقص لوحدة البلد العظيمة
وكسلا بشوتالها شايلة
فطرة البلد السليمة
تطرد الهم من بلدنا
وترجع ايامنا الحميمة
لا مشيرا فينا يأمر
ولا بشيرا عندو قيمة
ولا دقونا فينا قادلة
بالاساطير القديمة
وتاني ما بننخم ليها
بعدما شفنا الجريمة
وشعبي شايل تارو جاهز
حقو برجع بالعزيمة
ونحن ما بنغفر ذنوب الباعو دينن
وباعوا بلدي الحرة الكريمة
والمسامح وحدو الله
وما بنسامح الولعوا نار الخصومة
والبجامل في حقو تاني
ابقي زولا واطي ديمة
والبجامل في عرضو مرة
مصيرو للذلة وجحيمها
بشير شنو ومشير شنو
والله لو طرت السما
برضو عند شعبي الامير
انت احقر من حقير
انت يا عمر البشير
هشام هباني
| |
|
|
|
|
|
|
|
|
|
Re: عاجل جدا ...السفاح البشير متخوف جدا من زيارة جوبا!! (Re: هشام هباني)
|
دعونا نفترض ان جوبا القت القبض علي السفاح البشير بعيد زيارته المزمع القيام بها غداً الجمعة وأعلنت امام العالم عن رغبتها في تسليمه الي المحكمة الجنائية الدولية باعتباره مطلوبا للقضاء العالمي وانه متهم بقتل مئات الالاف من الجنوبيين في حروب الهوس الديني .... ما هو السيناريو المتوقع كردة فعل محلية وإقليمية وعالمية لهذا الحدث الكبير والذي سيكون اهم حدث في العالم وسيكون حديث كل وكالات الانباء العالمية؟
| |
|
|
|
|
|
|
|
|
|
Re: عاجل جدا ...السفاح البشير متخوف جدا من زيارة جوبا!! (Re: هشام هباني)
|
هل لدي جيش المؤتمر الوطني القوة الرادعة والكاسحة التي تمكنه من اجتياح كل الجنوب ودخول عاصمته جوبا لاطلاق سراح الريس المخطوف كإجراء عقابي تأديبي لحكومة الجنوب اذا أقدمت علي مثل هذه الخطوة المتوقعة والجريئة جدا والتي ستجد ترحيبا محليا وإقليميا ودوليا باعتبار حكومة الجنوب الفتية التزمت بقرار شرعي دولي في القبض علي مجرم دولي مطلوب للعدالة وهو متهم بإبادة شعبه؟
| |
|
|
|
|
|
|
|
|
|
Re: عاجل جدا ...السفاح البشير متخوف جدا من زيارة جوبا!! (Re: هشام هباني)
|
في امكان جوبا ان تقوم بهذه الخطوة الجسورة والتي ينبغي ان تواكبها أيضاً تحركات في الشارع السوداني لتصعيد االانتفاضة الشعبية باعتبار ان هذا الخبر سيخلق حالة ارتياح عامة في الشارع السوداني وفي ذات
الوقت سيخلق ربكة عظمي في داخل مستنقع السلطة في الخرطوم وهو وضع سيصعد جدا حدة التوتر بين الطامعين في خلافة السفاح ولن يندموا علي اختطافه بل سيتهافتون لوراثة الصولجان لحماية انفسهم ومصالحهم
وهنا سيسهل الانقضاض عليهم!
| |
|
|
|
|
|
|
|
|
|
Re: عاجل جدا ...السفاح البشير متخوف جدا من زيارة جوبا!! (Re: هشام هباني)
|
والواضح حسب اعتقادي وحدسي من معطيات الواقع الراهن علي خلفية سيرة الطغيان ان ردة الفعل الشعبية والرسمية لهذا الحدث الفرضي ستكون سلبية ليست أبدا في صالح السفاح المختطف فلا اعتقد ان الشارع سيموج غضبا احتجاجا علي خطف قاتله و ظالمه ومعذبه ومفقره ومشرده بل سيموج فرحا وتهليلا وايضا علي المستوي الرسمي سيجدها فرصة اولئك المتربصون بالعرش للاستيلاء عليه وهذه المرة تحت أقنعة ويافطات وشعارات جديدة ستدغدغ مشاعر الشعب النسااااي الي حين ولكن سرعان ما يزول اثر (بنج) الفرحة ليجد ذات الشعب انه محكوم بذات الافاكين بقناع جديد وهو الامر الذي سيشعل الغضب الثوري عارما هذه المرة لاكتساح الطغاة وحشرهم في مذابل التاريخ !
| |
|
|
|
|
|
|
| |
هشام هباني
Sulaiman Adam
فيس بوك
تويتر
انستقرام
يوتيوب
بنتيريست