وجّه خادم الحرمين الشريفين الملك عبدالله بن عبدالعزيز، وزارتي العمل والداخلية بمنح المخالفين لقوانين العمل مهلة ثلاثة أشهر لتصحيح أوضاعهم في البلاد على أن يُطبّق النظام بحق المخالفين بعد المهلة المقرّرة.
04-06-2013, 05:34 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
وبالمناسبة دي الواحد يكلم بورضاب الخرتوم من حسي .. أبقوا جاهزين للاستقبال وبالمرّة كمان شوفو لينا شغل يكون خفيييييييف ومرتبو ماااااااااكن!! أيوا ياخ .. معقولة بعد عشرين سنة غربة تاني نجي نبقى في جرجرة!!
04-06-2013, 05:49 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: وبالمناسبة دي الواحد يكلم بورضاب الخرتوم من حسي .. أبقوا جاهزين للاستقبال
ود الصائم حبيب الملايين. والله عجبني موقفك في بوست مريض مدني الله يرحمه. وكنت مصر للنهايه انك تقدم الخير. والخرطوم بلدنا بس الوضع اصعب وامر. انت مكانك معانا هنا(أوربا) وقول خير وانشاء الله تكون معانا.
04-06-2013, 06:22 PM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
زيزفوني شنو الله يهديك يا وضاحة ود الصايم ده باني عمارتين في الخرطوم وسايق ليهو كاديلاك اسكاليد 2012 لكن تقولي شنو طمع دنيا شوفي طريقة لاخوك وما عندي ليك ولا 25 ريال :)
04-06-2013, 06:33 PM
Artiga Gilani Artiga Gilani
تاريخ التسجيل: 02-16-2013
مجموع المشاركات: 1073
غايتو ناس ابومتعب ديل الله مرقنا منهم قبل 9 سنين .. الله لا عادها ايام .. غايتو الله يمرقك منهم بى ال 2*1 بتاعتك دى لانو لو لمو فيك ضحكتك دى بتفارقا فراق الطريفى لى جملو معانا بى هنا ... لانو وظيفتك الدايرا دى لا يمكن الوصول اليها حالياً ..
اتوكل ودز لى وضاحة قبل يبقى ليك بمبى
ارتيقا
04-07-2013, 05:58 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: انت مكانك معانا هنا(أوربا) وقول خير وانشاء الله تكون معانا
أنجض عبارة مرّت على البورض من سنوات طويلة!!
_ بالنسبة لمريض مدني ـ رحمه الله غايتو دي مأساة واختبار لإنسانيتنا .. يمكن نكون جبنا فيهو تقدير (جيّد) لكن في ناس سقطت فيهو عديل! جاني إحباط بالجد من قصة التعقيدات الخشت في الموضوع دا!!
الله يهون يا عمر..
04-08-2013, 06:39 PM
welyab welyab
تاريخ التسجيل: 05-08-2005
مجموع المشاركات: 3891
التحية للجميع كان هنالك اخبار وشائعات كثيرة تداولتها الجاليات المقيمة في السعودية من جراء تطبيق الاجراءات الاخيرة التي اربكت سوق العمل والعمال وبعث الهلع في نفوس كثير من المقيمين منها ما قيل ان ارتكاب جرائم قتل وخلافه وليست هنالك جهة اكدت أونفت صحة ما يقال من شائعات منها ما تم نشره في صحف ودوريات ومواقع خارج المملكة ..
Quote: ود الصايم ده باني عمارتين في الخرطوم وسايق ليهو كاديلاك اسكاليد 2012
يا هندسة .. العمارتين خلّهن .. الاسكاليد دي شنو؟
تعرف يا معلم .. يمكن نحن الاتنين متفقين في قصة السودان قرّب! أها أنا واحد من الناس بكون قافل عديييل على أي قرار يرجع الناس دي فجأة كـدا ونبقى زي مغتربين الكويت الزمان .. عشان تقطع الأمل نهائي!!
ياخ لمتين يا هندسة! 20 سنة بالتمام والكمال غربة وكل سنة نمطّق نفسنا بأسبوع أسبوعين وسط أهلنا الحلوين؟!
النجيضة: أخلّص ديوني وأعمل مصدر دخل ثابت! بمش براااي لمكتب العمل وأديهم إقامتي
سلام ودالصايم والله فعلا لمتين ، احنا قلنا الروب غربة طالت سنين وسنين . وتانى وضاحة عاوز ناس السعودية يبداء صفحة جديد في الاغتراب ، قليها كفايةومليون كفاية على البشر دي . والان نشوف ود الباوقة حا اعمل شنو في المرحلة القادمة .
04-07-2013, 07:09 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: وجّه خادم الحرمين الشريفين الملك عبدالله بن عبدالعزيز، وزارتي العمل والداخلية بمنح المخالفين لقوانين العمل مهلة ثلاثة أشهر لتصحيح أوضاعهم في البلاد على أن يُطبّق النظام بحق المخالفين بعد المهلة المقرّرة.
أخيرا عرفنا سر الضحكة الكبيرة دي :)
04-07-2013, 08:39 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
هع هع هع هع هع تلاتة شهور بس .. يا معلم ما سمعت قصة قريبا قالوا ليهو ليـ 40 سنة هنا قاعد لمتين؟ قال ليهم لحدي الملكـ يقول دا آآخر ريـال عندي نقسم معاهو النص بالنص ونبقى راجعين!!
04-08-2013, 08:46 AM
abuguta abuguta
تاريخ التسجيل: 04-20-2003
مجموع المشاركات: 8276
Quote: تعرف يا معلم .. يمكن نحن الاتنين متفقين في قصة السودان قرّب! أها أنا واحد من الناس بكون قافل عديييل على أي قرار يرجع الناس دي فجأة كـدا ونبقى زي مغتربين الكويت الزمان .. عشان تقطع الأمل نهائي!!
اود الصائم انت براك المزنوق ,,وزير العمل برضو كان زيك منتظر قرار زى دا
خلاص ود الباوقة قال ليك بعمل ليك واسطة بهناك زميلى فى التصالات,,اعمامو والبكونو خلف البشير فى نفاشا واى مفاوضات خارجية ,,الولد كان مروق,مرة (مودا) ومرة( موفا) يعنى عريتو فيها استكرين زيك كدا,,مهندس مشاريع,, جاءت امو زيارة,,قالت ليه اعمامك يتوسطو للغرباء الماعندهم زول فى الحكومة وانت قاعد فى الغربة دى,,مشى اشتغل مع ناس الجهاد الاكترونى,,اها المظاهرات ذاتها وقفت,,,اها زولنا دا بقى لافى ساى,,شغال شغلة مو مقتنع بيها دحين شوف ليك واسطة زى دى,,حتى لو كانن النسوان المكان الكانن فى نيفاشا بنقلن الملفات,,ارجع ارشيف سجيمان
04-08-2013, 10:08 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
هههههههههه@ أبقوتة! في حسن من كـدا ياخ .. اشتغل أي حاجة المهم يكون فيها قروش ماكنة! ثم .. مالو ياخ .. نمشي مع الوحد دا ونجي مع دا ونتفاوض مع دا بدون ما نعرف بنتفاوض في شنو ولشنو وعلى حساب منو زاتو!!
هوي .. كلّم زولكـ دا يشوف لينا طريقة!!
04-07-2013, 06:05 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: غايتو ناس ابومتعب ديل الله مرقنا منهم قبل 9 سنين .. الله لا عادها ايام ..
أهنيكـ والله يا أرتيقا .. أهني سيدي الرئيس زاتو!!
يمكن إنت قدرت تتخارج سريع .. قبل ما تولف على البلد! لكن نحن نقول شنو القاعدين هنا أكتر مما قعدنا في بلدنا بسنوات؟ ياخ بأبسط الحسابات .. لو كل سنة بتمشي شهر معناها في عشرين سنة بتكون قعدت أقـل من سنتين في بلدكـ ..!!
النجيضة .. المرقة مااااا بتجي بأخوي وأخوكـ!!
04-06-2013, 06:26 PM
السمانى عمارة السمانى عمارة
تاريخ التسجيل: 10-02-2009
مجموع المشاركات: 2059
Quote: الهجمة الاستثمارية من كل انحاء العالم واخيرا الجماعة جايين والله شوية كدة محل تخط رجلك ما تلقى
عمنا السماني .. الصحة والأخبار ياخ! ثم .. إت قايلني من بورضاب كـندا؟ ياخ الخرتوم دي لو بالغت منها بيكون ستة شهور! لكن فعلا كل مرّة الواحد بتهجم ويتقهّم .. ويعمل خروج ويتوكل!!
اللهم فرّج علينا!!
04-07-2013, 06:11 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
اين الحل لوانت شغال في مؤسسة مصنفة بالاحمر وما على كفالتها ماذا تفعل! لا يمكنك نقل كفالتك عليها ويجب ان تترك وظيفتك للبحث عن عمل لدى كفيل مصنف بالاخضر الحل هو العاء النطاقت طالما يتم تحصيل مبلغ 2400 ريال سنويا عن العمالة الاجنبية مهلة 3 اشهر هى وورطة لسبب بسيط مشكلة مستعصية لعدة سنوات لا يمكن حلها في ثلاث اشهر حسب قانون العرض والطلب وعنصر الوقت الضاغط ستكون المرتبات ضعيفة بسبب قلة الوظائف في المؤسسات المصنفة بالاخضر وهى قليلة مقارنة بالتى هى مصنفة بالاحمر همذا يقول المنطق جنى
04-06-2013, 08:48 PM
الشامي الحبر عبدالوهاب الشامي الحبر عبدالوهاب
تاريخ التسجيل: 09-24-2008
مجموع المشاركات: 17541
حياك الله ود الصايم الامر الملكي كان متوقعاً لمحو الآثار السالبة لقرار وزير العمل الذي اساء لسمعة المملكة على صعيد حقوق الانسان واساء لعلاقات جوار مع دول الروابط معها مهمة
تعرف يا جني .. قصة (المنطق) دي الوحيدة الماف في البلد دي كلو كلو!! كـدي أديني حاجة واحدة منطقية في الإجراءات المتلتلة ضد الأجانب؟!
غايتو أنا شايف الحل يلغو ووزارة العمل
النجيضة .. طالما القصة جابت ليها تصحيح أوضاع .. المفترض التصحيح يبدأ من الصفر عديل .. أول حاجة أقفل باب الاستقدام شوف التخصصات المحتاجة ليها البلد فعليا .. ألغي نظام الكفالة وخلّي الدولة هي الأساس كما الحال في الإمارات أو غيرها ثم بعدين تعال شوف المخالف منو والنظامي منو!!!
لكن وينو المنطق؟
04-07-2013, 06:28 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: الامر الملكي كان متوقعاً لمحو الآثار السالبة لقرار وزير العمل الذي اساء لسمعة المملكة على صعيد حقوق الانسان واساء لعلاقات جوار مع دول الروابط معها مهمة
حبيبنا الشامي .. غايتو بقت علينا من جاه (الضغوط) نلوكـ!!! معقولة ياخ كلّ مرة الواحد يكون تحت رحمة قرار ارتجالي!!
اللهم خارجنا
04-06-2013, 08:56 PM
احمد عمر محمد احمد عمر محمد
تاريخ التسجيل: 01-10-2013
مجموع المشاركات: 1273
للاسف القرار سوف لا يخدم من يريد ان يحسن موقفه او وضعه لان في هذه الفترة سيقوم الكفلاء باستغلال العمالة النادرة والخبرة الممتازة بابخس الاثمان خاصة في المجالات العملية الطبية والهندسية فمن يطلب اجر بقيمة 10 الف ريال يسعرض عليه فقط 3 الف ريال
الاخت وضاحة بالغتي لمن حسبتيها بالراس فالراس للقطيع من البهائم بينما البشر بالافراد والاشخاص
Quote: للاسف القرار سوف لا يخدم من يريد ان يحسن موقفه او وضعه لان في هذه الفترة سيقوم الكفلاء باستغلال العمالة النادرة والخبرة الممتازة بابخس الاثمان خاصة في المجالات العملية الطبية والهندسية فمن يطلب اجر بقيمة 10 الف ريال يسعرض عليه فقط 3 الف ريال
كلام نجيض يا أحمد .. والأنجض منها إنو الكفلا زاتم بقو خايفين على أوضاعهم وما عارفين القرارات الممكن تصدر لقدام ح تكون شنو!!
(أغلب) المغتربين حاليا لا يعملون لدى الكفلاء وديل بشيلوا عن الكفيل أغلب المصروفات المالية .. خاصة الـ 2600 ريأل! أها كل الالتزامات دي مفروض تتحول للكفيل لما تبقى معاهو رسمي! عاد السعودي دايرنو يقبل بالخسارة كيفن!!
04-07-2013, 06:48 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: مشكلة مستعصية لعدة سنوات لا يمكن حلها في ثلاث اشهر
تسلم يا جني
الإصرار على نظام الكفيل هو المشكلة السعودية قادرة على إلغاء نظام الكفيل . . . وإدارة دفة العمل والعمالة بصورة تصحح هذا الهرج والمرج الحاصل من الكفلاء عموما. والعامل هو من يدفع التمن في النهاية
قرار متوقع مع الربكة الكبيرة الحصلت مع الحملات لكن من يستطيع الاستفادة منه ستكون اعداد قليلة نظراً لوجود قوانين اخرى تصعب نقل الكفالة مثل نسبة السعودة والنطاقات وتعديل المهن الحمد لله نحنا نظاميين لكن اكتشفنا كمية من المعارف مهولة وصلهم رأس السوط وياريت يكون الجميع جادين في الاستفادة من هذه الفرصة وبعدها لن يكون هنالك عذر
04-07-2013, 06:13 AM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
هههههههههههههههههههه@ راشد! يا زول أنا هيّن .. أها دكتور مصطفى دا يودي العيادات بتاعتو دي وين!! غايتو إلا يفتح عيادة خاصة في البيت ويجيب المرضى لحدي عندو غير كـدا عمكـ بضيع
أها النضحككـ زيادة .. قبل كم يوم كلمني واحد دايـر ليهو محرر وصفيف يشتغلوا في خدمات طالب! يعني في الواجهة .. وبدون نقل كفالة!!
طبعا ما قدرت أرد عليهو .. لو رديت كان لحدي الليلة قافل نخرتو من الألفاظ!!!
أها بعد التلاتة شهور دي إلا نلبد في السفارات دي بس!! ما عندكم طريقة يا معلم؟
04-07-2013, 06:16 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: غايتو استخدمنا كلّ المراقات الممكنة!! تعرف يا أبو حميد .. السعودية فيها سر عجيب اسمو (المرأة)! عندكـ أي مشكلة في الإقامة أو مخالفة في العربية خت المرة على اليمين وانطلق!! لو المرة قعدت تخرخر من المشاوير سوق الشفّع .. منها فسحة ومنها زوغـة!!
يا صايم الله يفضحك ياخي ,,, فضحته الامة العربيه ... وافشيت سرهم ههههههههههههههههه
الله معاك يا زعيم .. ونتقابل في ارض الطيبين بعد 3 شهور حسب كلام المعلم الكبير جني ,,, !
04-07-2013, 07:14 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
ود الصايم يا حبيب اليومين الفاتو الشوارع في جدة خفيفة وأغلب الناس لابدة في بيوتها ياخي كنت بصل المكتب في 25 دقيقة بقت 12 دقيقة بس سأكون أول المبادرين لتصحيح الأوضاع والمملكة عايزه تمسك العصا من النص عايزا ترضي مواطنيها وفي نفس الوقت تحسن اقتصادها المسؤولين عارفين كل الحاصل ولكنهم يدفنون رؤوسهم في الرمال نظام الكفالة معطل رئيسي للتنمية
04-07-2013, 07:17 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: غايتو استخدمنا كلّ المراقات الممكنة!! تعرف يا أبو حميد .. السعودية فيها سر عجيب اسمو (المرأة)! عندكـ أي مشكلة في الإقامة أو مخالفة في العربية خت المرة على اليمين وانطلق!! لو المرة قعدت تخرخر من المشاوير سوق الشفّع .. منها فسحة ومنها زوغـة!!
وهذا دليل على أن المرأة في السعودية - أيا كانت - تحظى باحترام خاص!
بالمناسبة لا أدافع عن النظام السعودي بقدرما أردت الإشادة بهذه النقطة!
04-07-2013, 07:28 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: اليومين الفاتو الشوارع في جدة خفيفة وأغلب الناس لابدة في بيوتها ياخي كنت بصل المكتب في 25 دقيقة بقت 12 دقيقة بس
حبيبنا جعفر .. دا كان حال أغلب المدن في السعودية! في الرياض هنا .. وخاصة فترة الصباح بتلاقي تلاترباع المحلات مقفلة! حتى الشركات قافلة الأبواب وشغالين جوه المكاتب .. حتى النظاميين!!
ربنا يسهل أموركـ يا حبيب .. وأمورنا كلها!
04-07-2013, 07:31 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
Quote: قوانين العمل السعودية تؤدي الى تحيز كثير ضد (الوافدين)، والعمال حقوقهم مهضومة في أحايين غالبة، هل تسمى قوانين الهيمنة والتسلط قوانين؟ أي حياة هذه التي يتوجس فيها الانسان قلقاً من غرابة الأشياء في ما حوله من قوانين تم تفصيلها خصيصاً للسيطرة والاستغلال؟
ناجي يا حسنين .. حبابكـ ياخ! ونحن ليه نلوم دولة تُحاول توفير فرص العيش الكريمة لمواطنيها؟ إذا كان حكومة بلدنا ما قادرة تلمنا فدا ما خطأ الدول التانية يا حبيب!!
ياخ خليكـ من إنها تلمنا! على الأقــل تنصفنا بعد عشرين سنة اغتراب! ولو بتصديق عربية بدون جماركـ!!
04-07-2013, 07:41 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا بركة , الثلاث شهور ما بتعمل اى حاجة فالناس تستغلها فى جعل المغادرة مرتبه يعنى تلقى ليك وقت عشان اولادك يكملوا العام الدراسى , تحصيل الديون (الما هالكة) بيع ما يمكن بيعه ترتيب الوجهة الجديدة البيحاول يعمل حاجة لتصحيح الاوضاع هنا بيكون بيضيع فى زمنه بس
* السيكويا انا بشتريها (راسمالها - الاستهلاك) بس تشيل استيكراتك من القزاز * بعد تمشوا بهناك اتعهد ليك بجردل كنتاكى كل اسبوع بطيارة ناس , تسليم المطار لحد ما الاولاد يتاقلموا على الاقاشى والقراصة
04-07-2013, 08:31 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: * السيكويا انا بشتريها (راسمالها - الاستهلاك) بس تشيل استيكراتك من القزاز * بعد تمشوا بهناك اتعهد ليك بجردل كنتاكى كل اسبوع بطيارة ناس , تسليم المطار لحد ما الاولاد يتاقلموا على الاقاشى والقراصة
ههههههههههههههههههههه@ أحمد التجاني! غايتو مصائب قوم عند قوم فوائد!!
أها أديكـ النجيضة .. أمس لقيت لي بوست مكتوب فيهو أسعار الجمارك للعربات .. تصدّق وتآمن السيكويا ما مكتوبة كلو كلو! يعني لو مشيت يا طخوكـ بمليار .. يا قالوا الداهي دي شنو!!
بعدين أعلى محرّكـ مذكور في الكتيب 4400Cc! ياخ قول ليهم الـ 5.7 دي نقع بيها وين؟!
أما فيما يختص بـ كنتاكي .. فالدنيا اتطورت بهناكـ ياخ! بقى عندهم (ماكدولار) .. فممكن أنا زاتي أمش أعمل (حنكاكي)!!
يا وضاحة انت ما عندك موضوع قطر شنو وكتمة شنو وقناة الجزيرة شنو وكذب شنو احنا نسيب البلد الواسعة الفيها مكة والمدينة والشوارع الواسعة والبنزين الرخيص والايجار الرخيص واهلها الطيبين عشان نجى نندفن . بالله شوفي ليك شغلة ولو عاوزة تجينا هنا مرحب بيك ومستعدين نساعدك من غير فلوس .
04-07-2013, 03:03 PM
مجاهد محمد الهادي مجاهد محمد الهادي
تاريخ التسجيل: 01-14-2013
مجموع المشاركات: 1665
الرائع ودالصايم الان الدور دورك لتكوين لجنة تشمل كافة التخصصات المطلوبة لمساعدات اخواننا السودانين ، لجنة في الرياض ، جدة ، الشرقية وغيرهما. اننا شعب يعمل بجهده ولاينتظر خيرا من الحكومة ولا من السفارة وواجبنا يحتم علينا نشل اخواننا السودانيين الغير نظاميين والمساعدة على توظيفهم في المدة المحددة نظاماً . أمل ان يجد اقتراحى قبولك وان تقوم بتكوين اللجان المتخصصة لمتابعة الموضوع . وعن نفسى تجدنى رهن المساعدة في اى وقت . وكلى ثقة في تصدرك لهذا الموضوع وسجلك حافل بالمبادرات الطيبة . مع احترامي
04-07-2013, 07:51 AM
Mubarak kunna Mubarak kunna
تاريخ التسجيل: 11-14-2006
مجموع المشاركات: 499
فتح العليم يا حبيب .. خليكـ جادي ياخ! مش قالوا فاقد الشيء لا يُعطيه .. وتيب؟
غايتو لو الناس اتفقت على كلامكـ دا أنا معاكم لكن النجيضة فيهو شنو؟ القصة كلها إجراءات عقيمة يا الله تخارج نفسكـ!! أما قصة التوظيف دي فبقت قضية عديل كـدا! نحن طبعا عندنا نظام جمعيات أبناء المناطق .. يعني نظام دار للسكن والميز وكـدا .. والله تمشي تتحسر على الشباب القاعدين بدون عمل .. ويا هو كلهم فيزا حرة فيزا حرة وجو مارقين على السعودية!!
ياخ أشكركـ كتير على الثقة وكلامكـ الطيب .. لكن كمان ما عندي تصوّر معين للحاجة دي .. ومستعد للتعاون مع أي لجنة أو جهة تساعد في إنهاء المشكلة دي!
04-07-2013, 08:51 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: برضو الرحمة حلوة الفاتح جبرا الكافل هو العائل، كفله يكفله وكفله إياه وفي التنزيل العزيز: (وكفلها زكريا) كما أن الكفل يا أحبتي هو العجز، يقولون (وإنها لعجزاء الكفل) وقد برع شعراء الحقيبة عندنا في توصيف (الكفل) هذا أيما براعة فها هو شاعرنا الكبير ابراهيم العبادي يذكره في قصيدته (يا موفورة النفل) قائلاً: ياموفورة النفل بالهيبة الكست الحفل أتمايح غصنك رفل ميل سنده الكفل والكافل يأتي أيضاً بمعني (الكفيل) والجمع أكفال، ولا يشتق منه فعل ولا صفة. ونظام الكفيل هو نظام مستمر منذ عقود بدول الخليج العربي يخضع له حوالى 20 مليون انسان، نسبة كبيرة منهم من دول عربية حيث يصبح العامل أو الموظف بموجب هذا النظام تحت امرة كفيله، لا يملك قراره في الحركة والتنقل دون موافقته، وربما يتحول الى شبه سجين اذا اختلف مع هذا الكفيل لأي سبب من الاسباب وهنالك قصص واقعية تحكي حول هذا الأمر. سبب كتابة هذا المقال رسائل عدة تلقيتها عبر بريدي الإلكتروني ومهاتفات كثيرة تشكو سوء المعاملة التي يجدها الرعايا السودانيين بالشقيقة (السعودية) بعد أن تم إصدار قرار بترحيل كل مقيم لا يعمل تحت مظلة كفيله . إذا نظرنا إلى الموضوع من (أساسو) فالعبدلله يري أن المتسبب فيه هي السلطات (السعودية) التي تمنح كل من لديه (سجل تجاري) أو رخصة تجارية ما شاء من (فيزات) تعلم تماما انه يقوم ببيعها في (سوق الله أكبر) عبر السماسرة الذين ينتشرون في كافة العواصم العربية والأجنبية، وقد حكي لي من لا اشك في صدق حديثه أن أحد الأفراد (السعوديين) في كفالته أكثر من ألف شخص !
كان على السلطات (السعودية) أن تلزم من يطلبون هذه (الفيز) من مواطنيها تخديم من يستقدمونهم في مؤسساتهم؟ وفرض عقوبات على من يستخدم هذه الفيز كتجار؟
أقول قولي هذا لأنني أعتقد أن هؤلاء الذين تقوم السلطات (السعودية) بترحيلهم (دون إعطائهم فرصة حتى لحمل أغراضهم) قد دخلوا إلى البلاد بصورة شرعية وأن عدم شرعية عملهم مع جهة غير التي استقدمتهم هو شيء داخلي تساءل عنه تلك الجهات التي قبضت ثمن الاستقدام بآلاف الريالات (وفكت) المستقدم – بفتح الدال - عكس الهواء! نحن هنا لسنا بصدد تقديم النصح للإخوة المسؤولين بالمملكة فالطبع لكل دولة الحق في إصدار وتنفيذ أي قرارات من أجل ضبط أمن بلادها وإستقرارها، لكننا فقط نرجو ونلتمس من إخواننا أن يقوموا بتنفيذ هذا القرار بصورة مرنه تعطي الشخص الوقت الكافي لتصفية حساباته مع من كان يعمل عنده فكثير من الاشخاص لديهم حقوقا لدي مخدميهم تركوها كما تركوا حتي أثاث منازلهم وسياراتهم ومعظم مقتنياتهم وهذا لعمري ظلم ما بعده ظلم ! العبد لله يري أن نظام (الكفيل) يجب أن يلغى وان يستبدل بنظام اكثر عدالة يقوم بحفظ حقوق العامل الاجنبي أيا كانت جنسيته، ويحقق له الاستقرار النفسي والعملي ويزيح عنه هاجس (الترحيل) وما أدراك ما الترحيل! .. أن نبينا عليه أفضل الصلاة والسلام يدعونا إلى الترفق واللين وأن يحب المرء لأخيه ما يحب لنفسه بل يمضي رسولنا الكريم إلى أكثر من ذلك إذ يقول ان الدين المعاملة ... وبرضو يا أخوانا (في الدين) الرحمة حلوة .. وللا مش كده ؟
كسرة: بينما كان يسير في السوق .. سأله الشرطي عن (هويته) ولأن صاحبنا لم تكن لديه (إقامة) فقد تم وضعه بالسجن ثم ترحيله للبلاد .. بينما كان يسير بشارع الجمهورية لمح في نهاية إحدى البرندات (العقال) الما بغباهو فجري نحوه مسرعاً وأمسك بتلابيبه قائلا: - هويتك .. هويتك الهوا اليشقك !
كسرة ثابتة (قديمة) : - أخبار ملف خط هيثرو العند النائب العام شنو(وووو وووو وووو وووو)+(و)
كسرة ثابتة (جديدة) : - أخبار تنفيذ توجيهات السيد الرئيس بخصوص ملف خط هيثرو شنو(و)؟
04-07-2013, 09:36 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: غايتو نحن لو لقينا طريقة لقطر بنمش طووووالي!!!
قرقرقر وين يا معلم ماشي مخلي اخووووك ..؟ عفانة منك بس .. ياخ انا المعسل الفي قاسمو معاك .. الشية الفي ضاربنها مع بعض .. الكوارع الفي مجلعنها مع بعض .. تمشي تخليني ..؟ كلامك دا قولو لي زول ما عندو حديدة .. .. التلج يا معلم .. بعد كدا اقع التلج .. لانو لو مشيت قكر دي غالبـا ناس كيكي وخليل .. وهارون .. ونادوس .. يكفلوك .. وكفالة السوداني للسوداني .. اخير منها الشرا في القندول .. .. اقعاكه التلج يا معلم .. على الاقل تمشي لي ناس عبد الماجد مرتين .. يفكها فيك ذات ليلة شتوية .. يحننك لي الكفيل وايام الكفيل والكبسة والمندي .. .. غايتو شريكك يا معلم .. يا نمشي الرج سوا .. يا نمشي التلج سوا اصلا اصلـن ما عندي ليك حل غير كدا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد الماجد الصايم
محمد إبراهيم علي
اسامة عثمان السيد
نافع الكوماوي
osman righeem
وضاحة
أيمن التوم حسن
عمر نملة
Artiga Gilani
welyab
فتح العليم محمد أبوالقاسم
محمد جلال عبدالله
علاء الدين حيموره
abuguta
السمانى عمارة
عبداللطيف شريف على
محمد عوض السيد
حمد عبد الغفار عمر
ابو جهينة
jini
الشامي الحبر عبدالوهاب
احمد عمر محمد
Mohammed Abuzaid
زول ساكت
الحاج حمد الحاج
عبدالله كع
saidahmed shami
جعفر محي الدين
حامد بدري
احمد التجانى احمد
مجاهد محمد الهادي
Mubarak kunna
tmbis
فيس بوك
تويتر
انستقرام
يوتيوب
بنتيريست