|
لماذا لا تجهّز هالة عبد الحليم نفسها لرئاسة الجمهورية؟؟
|
واحدة من أميز الكوادر النسائية خوضاً للعمل السياسي في ثوبه الجديد .. في كل المحافل السياسية كانت حضوراً.. وكانت مواقفها واضحة إما من خلال البيانات التي تصدر عن حزبها أو عن طريق المشاركة في الندوات والملتقيات والمنتديات .. لا أدري ولكن لا أشعر أن هالة عبد الحليم تخطط وحزبها للتربع على الكرسي الرئاسة أو خوض أي معارك إنتخابية ربما لقلة العضوية داخل حزبها وربما لدوافع متعلقة بسياسات الحزب أو ربما للقناعة بعدم جدوى هكذا خطوة والتي ربما تجعل الحزب مكشوفاً .. الإنتخابات على الأبوبا وكالعادة وبنفس إستقبالنا لرمضان وللعيد كونه مفاجأة دون أن نستعد له هكذا تتعامل أحزابنا السياسية مع الإنتخابات ثم ما أن تعلن النتائج لصالح المؤتمر الوطني حتى وبدأنا في إيجاد المبررات من تزوير وغش و و و .. أشعر أن الفترة القادمة ستشهد موضة ترشح النساء للرئاسة في السودان فلا أستبعد مريم الصادق المهدي ولا أستبعد ندى القلعة كونها ستقول أن القانون يكفل لها فبعد أن ترأست نادي بيت المال الرياضي فها قد حان الوقت لرئاسة السودان .. وبما أن التسابق الرئاسي ربما يصل مرحلة الإستهتار فيتقدم الجميع للرئاسة بفمهو أن لي الحق في الترشح كمواطن تنطبق عليه الشروط والمواصفات فعلى من يمسكون بجمرة العمل السياسي في ثوبها الجديّ تجهيز أنفسهم منذ الان ..وحينها لكل حادثة حديث ..فقط عليك أن تعمل وتجتهد .. نتمنى أن تقوم هالة عبد الحليم بترشيح نفسها و أدعوها للتحلّي بالشجاعة لطرح برنامجها الرئاسي منذ الآن ..
تخريمة : الرسول فيكم كان تجيبو سيرة دينا خالد ..
|
|
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: cantona_1)
|
والله يا كانتونا ما عشان معانا هنا وقد تقرانا لكن البت دينا دي فعلاً راسها بيوزن بلد ولو إترشحت وفازت بتنفع السودان كتيير بناءَ على الاراء وطريقة التفكير البنشوفا ليها هنا ولي معرفتي بي إمكانياتها .. بس مشكلتها إنها مشهورة على نطاق سودانيز بس ما مرقت لي برة وطرحت أفكارا ..وناس سودانيز ديل وقت الحارة بتاعت الانتخابات بيعملوا يع ومااا عليهم تكلة .. :)
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: سامى عبد المطلب)
|
طبعاً يا أساسي أخوك النصيييحة فيهو حبببة رقشة كده فيما يتعلق بي الضلمة والإشعاع .. ولمن الموضوع يتعلق بالمرأة بميّل على جهة كيدهن عظيم .. النصيييحة وما أكضب عليك انا الدين بتاعي حببة وجني وجن الإعتماد على القوقلة في تثبيت الفتاوي وصحة الأحاديث و و .. وصراااحة انا مقر ومعترف إني مقصر في الحتة دي لأنو الموضوع ده موضوع عايز بحث ودراسة وتمحيص وهنا ما بقصد حديثك انت ده لأ بقصد عموووم الامور الدينية البيتم طرحها في المنبر .. وزمااان انا فتحت بوست مفاده انو المنبر ينقص شخص متفقه في الدين علما ومنطقا وبحثا وتجويد.. معظم الهنا بيعتمدوا على القوقلة واللفحي والقشرة بي معلومة .. صراحة يا اساسي دينيا ما بقدر اناقشك وكلام حبيبنا المصطفى متى ما ثبت صحته وصحة تفاسيره ف أكيد ما بيكون عندي قول .. لكن على المستوى الدنيوي فحاليا كتييير من النساء يحكمن العالم بقبضة من حديد ومعظم الانظمة العربية الحاكمة تديرها النساء في الظل اما بتحديد ولي العهد واما باصدار قرارات.. المانيا الاقوى اقتصادياً على مستوى العالم تديرها إمرأة وهي ليست كومبارس بل في كااامل قوتها وجبروتها في ظل ضعف كل الدول الأوروبية التي يحكمها الرجال.. في حاجة لفتت نظري في الفتوى بتاعتك المتعلقة بي إنو أحياناً الرئيس بيحتاج يشارك في الحرب !!!!! النصييييحة دي ما شوفتها قريب وما اظن اشوفها مرورا بي صدام والقذافي نهاية بي حكومتنا الرشيدة..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
أبداً والله يا وليد ما بتاع مشاكل لكن انا بحكم الخبرة هنا ففاهم المنتيلتي بتاعت البورداب كوييس فقلت بدري بدري أكتل ليهم الدش في يدهم .. جمييل جداً لمن تبييخ الحاجات للناس بدري بدري عشان يبقا القول ما عندو معنى لأني ما بي صدد الاتجاه في المسار التاني داك..
تخريمة : اها انت عملت شنو في برنامجك؟؟ ولا بس تدفع قروشك المحراقك ديييك وتنزل رئيس بعد ما حاولت المرة الفاتت عضو برلمان..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
ياسر يا طيفور.. الحي بيك ياخ ...ووينك يا وديع .. طبعاً أخوك حلاوة سياسة دي مااا بالحيل عليها ..وشغال فيها بي نظرية إستفت قلبك.. اها من خلال مشاهدة هالة في حلقة في التلفزيون اضافة لي بعض القرايات ادتني انديكوتر بتاع إنها بت بلد وزولة قلبها على الناس وحاجاتا واااضحة وما بتعرف اللولوة ..طرحها واضح ومواقفها ثابتة .. النصيييحة سوار الدهب دي ما بعرفا ليكم ..لكن مالو يترشحو الاتنين وواحدة تبقا الرئيس والتانية نائبة فإن نست واحدة ذكرتها الأخرى :)
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
عمر الفاروق...
من دواعى سرورنا انه هالة عبدالحليم تبقى رئيسة جمهورية... بعد ما السودان بقى زريبة هوامل.. أى خروف ولا نعجة.. ممكن تحكمه.. المؤسف فعلا فى كل السيناريوهات الهآيفة عن السودان.. أنه السودان ماعنده حبيب... ولا عنده وجيع.. والسكاكين شّغالة فيه تقطيع..
أنا من رأيى ندا القلعة برضو تخش المنآفسة... أشمعنى يعنى؟ مش الشريف بى جلالة قدره مبسوط منها؟
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
نور يا تاور.. ما عارف لكن مداخلتك بي طريقتها دي بتدي إحساس ما يعرف بي الذم بما يشبه المدح.. يعني دي زييي لمن تكون بت بتوصف لي صاحبتا في زولة شينة تقوم تقول ليها ياااخ والله هناية دي من شدة مااا شينة ..إنتي أسمح منها .. هالة تحكم السودان ما عشان السودان بقوا يحكموهوا النعاج والخراف.. ولا عشااان بقى مهزلة وكل من هب ودب يترشح نوووو هالة تحكم لأنها جديرة بي دكة الحكم دي بناء على افكارها وشخصيتها السودانية الأصيلة .. هالة تحكم بي عقلها ورحابة صدرها.. هالة تحكم بي قوتها وإرادتها ..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: محمد البشرى الخضر)
|
عمر الفاروق....
هالة تحكم لأنها جديرة بي دكة الحكم دي بناء على افكارها وشخصيتها السودانية الأصيلة .. هالة تحكم بي عقلها ورحابة صدرها.. هالة تحكم بي قوتها وإرادتها .. ....
لما السودانيين يتعاملوا مع الآشياء بتجّرد.. وبدون أنفعالات... وردود أفعال.. يبقى حآلنا حينصلح..
أما حكاية قوتها وأرادتها ورحابة صدرها..الخ فما افتكر أنت جمعتك بيهامواقف سياسية فى السودان... زى تجربتنا... عشان تطلع بالكلام دا.. كلامك شكلوا كدا طالع من أنطباع... وشوية مواقف.. دى الخّلتك تطلع بالقرار دا.. فهالة تعرف شنو عن السودان ومشاكله؟ .. وبعدين أنا قلت السودان.. ومن كتر البهدلة الحآصله ليه على يد أبنائه... بقى زريبة هوامل... والزريبة دى ياأخى أى أنسان أو حيوان بيدخلها.. وهالة أمرأة سودانية... قررت... أو قررتو أنتو أنها تحكم الزريبة دى.. .... كلامى فى محّله ما بتغير.. لآنه رأيى فى هالة.. ثابت ما بتغير..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: nour tawir)
|
نور تاور:
Quote: عمر الفاروق...
تتخطانى عشان قلت رأيى؟ ما كنت تعّلق.. عشان أشرح ليك بتفاصيل التفاصيل... السودان دا بقى زريبة هوآمل كيف.. لغاية ماهآلة واللى زيها يحكموه..
أتوا بتلعبوا ولا شنو؟
|
انا لحدددي اسة ما فهمت المداخلة دي ..والله خشيت اكتر من خمسة مرات وتاني قفلت لأنو ما فهمت أرد اقول ليك شنو في الحتة الفوق دي!!! قصدتي شنو بي إتخطيتك ؟؟ حاولي اقري البوست من الأول لحدددي ما كتبتي كلامك ده وتعالي بعد داك وريني قاصدة شنو عشان اقدر اكمل معاك ..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
نور تاور:
Quote: فهالة تعرف شنو عن السودان ومشاكله؟ |
حسب علمي هالة متواجدة في السودان ولفترات طوييييلة قد تتخللها أسفار.. وحسب علمي نور تاور موجودة خارج السودان لفترة طويييلة قد تتخلها زيارات للسودان .. المعادلة دي بالمنطق والعقل كافية لي إنو مفروض هالة تعرف عن السودان أكتر منك بإفتراض إنو التساؤل بتاعك بيوحي إنك تعرفي عن السودان ما لا تعرفه هالة .. رأيك في هالة من حقك ..زي ما رأيي في هالة من حقي..زي رأيي إكس و واي سواء كان إيجابي أو سلبي.. بالتأكيد لم ولن تجمعني المواقف بهالة فانا لست بسياسي فقط وفقط سيجمعني بهالة ندوة أو برنامج تلفزيوني أستمع فيه إليها أو حوار صحفي ثم أخرج بإنطباع كما خرجت من قبل عن السيد الصادق وعن النميري وعن عمر البشير فقط من خلال مواقف استمع اليها لا أشهدها بنفسي !!!
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: nour tawir)
|
يا نور تاور
كدي خليك من عمر الفاروق
انا ده شايف هالة زولة كويسة .. شوف ساي زي عمر الفاروق ده لو نزلت رئاسة بديها ولو نزلتي انت ضدها بديك انت
لكن لو نزل عادل عبد العاطي ضدها بدي عادل
لكن لو نزلت رئيسة اللبرالي الحالية بدي هالة
فعليك الله .. اشرحي لي انا ده هالة مالها .. عشان لو فيها عيب او طق سياسي نعرفوا وما نصوت ساي
ولا كيف ؟
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: nour tawir)
|
Quote: أتو الديمقراطية البيكوركو ليها السودانيين دى.. حّارة ليه؟ |
انا واحد من الناس اصصصصلو ما بنادي بي الديموقراطية عشان تحكمنا في السودان لأننا شعب فوضوي ما ينفع معاهو إلا الديكتاتورية .. بس عموماً ده ما موضوعي .. حالياً مستغرب للهجمة والنفس الحار الخشيتي بيهو وإنتي بتفترضي علي إنو مفروض أوول ما إنتي خشيتي اقوم أوقف ردود الناس التانيين وأرد عليك إنتي وزعلتي لمجرد إني رديت على ناس قبلك .. ويبدو في الحتة دي إنو عندك تضخيم لي ال(انا ) وحب الذات أو ربما هي عقدة داخلية ..صراحة غلبني لحدي أسة أفسرها وبرضو إنتي غلبك توريني كنتي قاصدة شنو !!! مداخلاتك الأخيرة يا نور تاور تنضح منها فكرة شكل النسوان في الجزر بعيداً عن الخوض في الأفكار السياسية ..وغالباً ما أتوقع في مداخلاتك التالية لو إستمريتي بهذه الطريقة أن تتحول ل ردحي أكتر من كونها رأي في شخصية قيادية .. ..
محمد عبد الرحمن الزول البيريدني وما قادر يصصصرح لمممن خووفني والله وبقيت شاااككي !!! يا زول مالك ؟؟؟ شفقتني ..صدق!!! الواحد بقا لمن يشوفك بيقرر أول شي يلبس ليهو برمودة حديد حتى يجي داخل البوست بتذكرني بي الإداريين والمدربين بتاعين الكورة وأساتذة المتوسط ..خيير عسا ما شر؟
فاتني أن أنوه بأن معظم الأمريكان يرشحون الرئيس بناء على ربطة عنقه وتسريحة شعره وإبتسامته و و .. ياخ انا هالة دي عا########ي ساااي كده بي تيابا وسماحتا الفي التلفزيونات دي ..(حسب اللقاء الحضرتو معاها في قناة أمدرمان كانت سمممحة النصيييحة وتسريحتا موباااالغة وشعرا ناااعم )
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: حيدر حسن ميرغني)
|
يا خالد أروى الربيع كوورتا فككت زيي سارة أبو .. بقت مسيييخة ومكررة وماسكة ليها مليون درب بين الموسيقى والدلوكة والسياسة والتراث وال وال وال.. هالة دربها واااحد ياخ ..يا كافي البلا يوم واحد ما شوفتها في التلفزيون بتتكلم عن غنا البنات .. زولة مالية مركزة ..وانا بتعجبني المرا المالية مركزا ..
تخريمة : يا حيدر هالة رمز القلب ..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: قاسم المهداوى)
|
حسدوني في حبك.. عزالي ... من بدري لاموني غير خبره.. وجهلوني.. لو تدري
حسدوني في حبك وجهلوا.. جليل قدري لكني ما بهتم ما دام .. رحب .. صدري يا جالب الافراح .. زيد الوشوني جراح.. ان قالوا اسمك مين .. قول ليهم البدري
بعدك نحل جسمي وقربك جبر كسري وشوفتك ترد الروح وليمك يفك اسري يا من لقاه رباح .. انا دمي ليك مباح .. بس قول لي .. امتى تبين .. يالحاذق العصري
مهما .. يطول بعدك .. ومهما يحل زجري شوفتك ترد الروح وليمك يفك اسري يا زهرة التفاح ... زاكي وعبيرك فاح ... زي نفحة الياسمين في طلعة العصري
املي وحياة روحي ..في خدك الزهري بيك السعادة تتم وبيك يبتسم دهري يا من لقاه رباح .. ظاهر بغير .. ايضاح صحي انت نور العين .. ما احلى فيك سهري [/IMG]
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
هاهاهاهاهاهاهاهاهاهاهاهاهاهاها
والله يا عمر مودي الليلة متسلطن .. شغال في التقديم الالكتروني وخاتي السماعة في اضاني
من الصباح بديتها بود الجبل غلبني اسمع محمود غنية واحد وقفلتو قلت بخرب مودي بعد داك مشيت على الخواجة محمود على الحاج ثم نسرين نمر بعدها عمر جعفر وهسع فاتح محمد احمد عوض
بغني في ليك حق ما تحني لي وانت في ديناك ديه
متسلطن للدين
لو عندك اي حاجة عاوزها مني اطلبها هسع تنفذ على طول
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: وليد محمد المبارك)
|
يا سلاااام يا وليد ياخ.. غايتو لو بتسمع في الخال محمد احمد عوض فياخ اديني من : عشمتيني في حبك ليه..انا في حبك ليه.. ما دام ناوية تجني عليي.. ومادام ناوية تجني عليه ..
ياخ الأغنية دي بتذكرني حلتنا ايام الصبا وقعاد المحطات ..
طبعاً انت سيد العارفين ونحن متفقين في صوتك النااادر عرفتو .. ياخ يا وليد خلينا نطلع في البوكسي الكاشف ونوزع صور هالة دي ونحن مشغلين محمد احمد عوض في المكرفون ..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
يا سلام عليك يا واعي هاك .. الليلة يوم الكتابة
وببسم في عيونك ديمة وأهديك كل يوم ترنيمة.. وأوقد روحي ليك نديمة.. يا حالمة وحنونة حليمة...
بقارنك بي نجوم الليل.. والبدر الظهر في الليل.. والبرق البعقبو السيل.. وألقاك أحلى من كل ديل...
ومهما قصدك تزيدني ألم أحب حباًّ بقلبي ألم.. وأعشق صبري ما بندم.. ما دام زولي البريدو حكم...
وعشمتسنس انا في حبك ليه مدام ناوية تجني عليه ؟!
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: وليد محمد المبارك)
|
يا عمر ياخ اكاد اجزم بان صوتك النادر جوهرة كنوز الغناء السوداني ... هي ومعاها كفاية نوح يا عين
صوتك النادر .. سمعته وعشت نبراته بشعوري .. فيه عبراتي ودموعي ومنه افراحي وسروي
صوتك !! اجمل من ينابيع عذبة تجري
صوتك !! اقيم من كنوز يخفيها عمري
بلقى فيه .. من امانيا الرضيعة نور حياتي .. ضوء فجري
صوتك يحمل ذكريات عاشت معانا بتلمس الماضي بحنانا تطرق الحاضر في قبله وتروي من انهار دمانا
ذكريات .. لو كنتي تدري !! كيف بحافظ ليك عليها كنتي ساهرتي الليالي وعدتي لي اشواقنا فيها
وكان .. مؤمل .. تبقي لي ... وابقى ليك وابني عرش الحب .. بشعري بين ايديك ..
واسقي قلبك من ودادي وتحي في روضة فؤادي
غير ان .! البين طوانا وبدد امالنا في هوانا رحت اقنع .. لما اسمع.. صوتك النادر .. يمتع بالحديث انسان ..سوانا
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
جابتني حمد لبد دي وهالة
ياخ خمسة حمد في مداخلة واحدة
Quote: تراجي مصطفي ونجاة محمود |
الزول دا ما عايز الحرب الأهلية دي تنتهي أصلو في السودان
هالة تستحق تكون رئيسة
بس لكن يا عمر زي هالة دي عايزة ليها بلد هادئ واقتصادو مستقر زي اليابان موش كمسيبة زي الحاصلة عندنا دي
تسلمك حتة حُكم ما حصل أصصصلو
وهاك هاك البزقلي دا
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: nour tawir)
|
نور تاور.. سؤالي كان بسييط وما عايز اللولوة دي كلها .. إنتي قصدتي شنو بي إنو انا ما رديت عليك وفطيتك ؟؟ يا إما بالجد لمن كتبتي كلامك ده ما كنتي واعية يا ما شايفة !! زولة تكتب المداخلة وتجي في المداخلة اللي بعدها مباشرة تقول ليك إنت ليي فطيتني؟؟؟
Quote: أما حكاية أنى لو أترشحت برضو ممكن تدينى صوتك.. |
ثم وإنو فعلاً إنتي بتكتبي ما شايفة وما واعية ولا كمان انا البكتب ما واعي وما شايف !!! وين انا قلت الكلام ده ؟؟؟ يبقا يا نور يا تاور أرجعي أمسحي أييي كلام كتبتيهو تعليقاً على النقطة ومتعلق بي انا ..حلوين؟؟
النقطة الوحيدة القلتيها صاح ..انا فايق ورايق وبجي اضييع وقتي هنا فقط من أجل ملء الفراغ وفرتقة الزهج ليس إلا .. بالنسبة لي نسوان الجزر فأنا في ظني إنهم بيتفوقوا عليك في نقطة جوهرية شديييد ..إنهن نسوان واضحاات وبيرموا ليك الحاجة بب كده ..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
الاستاذة نور تاور
تحية وتقدير ياخ عليك الله امسحيها لي في وشي , عمر الفاروغ دا ما يمسك بيك زمن ساكت الفاروغ دا حده يسالوهو من نجاة غرزة صوتها كيف في الزنق , ممكن يجيبوهو يتكلم عن صولات ايمن الربع والنضارة البلبسها اثناء عزفه للاورغ هل هي متسقة مع الستارة الوراهو والاديداس اللابسها , بالكتير ممكن يتكلم ليك عن الشدرة الكانو بنطوا منها في خور ابوعنجة في الخريف وانها بتشبه شجرة العنب الرامية في بيتهم الجات في اغنية خاينة يا دنيا , لو بالغ واتقطع وما خلي حاجة ممكن يسهب في تياب نسرين نمر وهل هي مناسبة لبرنامجها حالة استفهام وشكل البوديوم البتقيف وراهو عشان تقدم الحلقة .. غير كدا يا استاذة نور عمر الفاروغ ما عنده في السياسة العند حبوبتي . ما اكضب عليك هو زول صحبي واكتر زول ممكن افتشوا في البورد لمن يكون ما عندي موضوع وداير اضيع وقت اجي اشوفو وين عشان يضيع لي وقتي فيما لا يفيد ولا يضر وهو استاذ في هذا الضرب من ضروب تضيع وقت العباد والحديث عن اكل الرز بالجداد
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
عمر الفاروق...
يا إما بالجد لمن كتبتي كلامك ده ما كنتي واعية يا ما شايفة !! .... ترد على ولا تفّطّنى... ما دام دا المستوى. بتاعك... وما دام قلت عندك وكت ورايق وفآيق.. وجآى تضيع وكتك هنا.. يبقى مباراتك تقليل قيمة وليس ألا..
وبعدين وآضحة جدا... الردحى دا بتاع منو؟؟ والكتابة بدون وعى.. حقة من..
يا عمر الفاروق.. حوش بكرى دا لآمى.. والمصّبرنا عليه ما شويه... والفرق بين العنده قضية... والعنده وكت دآير يضيعه.. هو بالضبط الحآصل فى بوستك الهايف دا..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: Hussein Mallasi)
|
Quote: واكتر زول ممكن افتشوا في البورد لمن يكون ما عندي موضوع وداير اضيع وقت اجي اشوفو وين عشان يضيع لي وقتي فيما لا يفيد ولا يضر وهو استاذ في هذا الضرب من ضروب تضيع وقت العباد والحديث عن اكل الرز بالجداد |
الفرق بيني وبينك يا أساسي إنو انا لمن يكون ما عندي موضوع وداير أضييع وقت بجي البورد مباشرة دون الإنتقاء .. بالمناسبة نسرين النمر بتعرف تختار البلوزة البودي التحت التوب بعناية فائقة تحسد عليها ..
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
Quote: الفرق بيني وبينك يا أساسي إنو انا لمن يكون ما عندي موضوع وداير أضييع وقت بجي البورد مباشرة دون الإنتقاء .. بالمناسبة نسرين النمر بتعرف تختار البلوزة البودي التحت التوب بعناية فائقة تحسد عليها .. |
ممكن يا عمر تسهب لينا شوية فيماهية الفرق بين البلوزة البودى والكارينا , وهل هما جنس واحد او يوجد هناك فرق ام ان الكارينا هي واحدة من ماركات البودي ؟
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: اساسي)
|
Quote: اما سمعت بالتياب الجوبير والتياب الشك والمطرز بالكمبيوتر ؟ جايب لينا توب بتاع بوليستر ولا ترفيرة ما تعرف وتتغزل فيهو ؟ |
اساسي سلام وطالباك ترسل لي توب العيد ، شكلك عزااااااااال ما شاء الله رغم إني نص الوصف الفوق ده ما سمعت بيه لووولز لكن في دي شكلك محترف جد جد وبما إنه إنت في جدة ، بتكون شنط العرسالن الفي السنوات المضت كلهاااااااااا إنت العازلها دحين توب العيد عليك من هسه حتى إختيار الألوان
وعمر الفاروق عليك الكارينا ام 300 ريال والله قال بي قولك تجيب لي من ابو شوال بي 40
سلام للجميع والتحية للأخت هالة ولكل الأخوات وكل زوار البوست
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: اسماء الجنيد)
|
سلام يا اسماء وصلتي تب يا اسماء , ياخ خليك من اسماء التياب وموديلاتها المطرزين زاتهم الواحد بقي خبرة فيهم المطرزين البيعملوا التياب شفتي كيف , 13 سنة في جدة شي شيلات و تياب هدايا للسودان وطلبات واجازات , كمان جدة جدة قصة انه الناس تمشي تشترى من باب شريف تقريبا خلوها اهل البلد بقوا البيمشوا السوق ناس الشارع ساكت او البتجيبهم العمرة او البيجو مارين بي جدة , بقي في موضة اسمها البازارات ودي يا استاذتنا بالعربي عرض ازياء تياب سودانية لمصممات التياب والبقو اكتر من المشتريات زاتهم , دا بالاضافة لانه الثياب زاتها بقوا النسوان هنا يبتكرن التوب الدايرنه ويمشوا للمطرز يعملوا ليهم حسب وجهة نظرها الواحدة , اها اساسية خبرة في المجال دا ويصلها اليوم طلبك دا مشفوع بتزكيتنا وخبراتنا في المجال
ـــــــــــــــ دا البناخده منك يا عمر الفاروغ الواحد دخل ينتخب رئيسة السودان اكتشف الدلالية الجواهو
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: اساسي)
|
أها النديك الحنك الما خمج يا اساسي ..ياخ لمممن بقيت أحن على الرجل السوداني من هكذا بازارات .. عندنا في الرياض النسوان بيعملن البازار فيضطر الرجال لي توصيلهن ..فبقت من أهم شروط البازار إنو يكون قريب من منطقة فيها شقق مفروشة .. الرجال ينزلوا النسوان في البازار ويمشو يأجروا الشقة لي يوم كااامل ويجيبو ليك الكشاتين والضمنة ويدووورا ليك كدااا لي الصباح ..أها بعد شوية تسمع التلفونات تطاقش ..طبعاً في النوع الحريف البيعمل تلفونو هزّاز وفجأة كده يقول ليهم عن إذنكم أصلي الصبح قدام ..
بالجد انا بستغرب الناس بتمشي البازار ده كيف؟؟؟ النسوان السودانيات ديل معولقااات في إبتكار التياب ..ياخ أقول ليك حاجة غريبة ؟؟ أحسن مصمم تياب في الرياض دكتور صيدلي ..
تخريمة : أيوة كده يا أساسي ..ويلكوم باااك :) :)
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: Yassir Tayfour)
|
Quote: عمر وأساسي اخجلو ؛) |
شوف دا بالله , عشان ما عندكم بازارات ولا باب شريف , ما قاعد تشتري تياب من الهنود والصومالين قايلنا فيها ما عارفين ^_^
Quote: أسماء يا جنيد.. عليك بي تياب الحراير...رااايقة وإنتي زولة رايقة..وأبعدي من التواتل :) :).. بالمناسبة عايزين لينا وزيرة للحب والجمال ..أها نرشحك؟ |
يا عمر كلامك منطقي بس في ملاحظة توب الحرير مرات بالصباح ما بتلبس يعني كل وقت عنده توبه , المطرزات مهما كان عندها هيبتها ياخ وابهتها , وما كل النسوان بتناسبهم تياب الحرير خليك منطقي ياخ وما تفرض وجهة نظرك
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: عمر الفاروق)
|
Quote: عمر واساسي معليش شديد اخوكم غايب سنين ومامتابع طيب خلوني مع ناس البوكس والمكرفونات |
يا حيدر كلامك دا ما تقوله لينا كلامك دا قوله لجهاز شئون المغتربين ما عندنا ليك شفاعة
اتذكرت النكتة الحقيقية حكاها الوالد رحمة الله عليه : قال ليك في واحد عنده ولد ما بيرضي فيهو الهبشة مدلعه دلع شديد , اها يوم الود قام اتشالق وطلع في راس البيت , اها حبوبة الولد اللهي ام ابوهو قامت شاكلته ونهرته وفكت فيهو مركوب ولا عصايا ما عارف الود جا واقع من الحيطة كسر يده , اها ابو الولد جاي راجع من الشغل قابلوهو الشفع قالو ليهو ولدك يده انكسرت , ابو الولد قبل ما يصل البيت لف طوالي علي النققطة مشي فتح بلاغ وطلب اورنيك ثمانية , اها جا راجع البيت الام خجلانة دايرة تكلمه : بدات تقول ليهو والله قبيل من غير ما اقصد الولد قلا ادبه وطلع في الحيطة قمت نهرته بس . قام قال ليها والله يا امي انا ما عندي معاك مشكلة بس كلامك دا قوليهو في النقطة .
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: خالد عبد الله محمود)
|
Quote: دا البناخده منك يا عمر الفاروغ الواحد دخل ينتخب رئيسة السودان اكتشف الدلالية الجواهو
|
لووووووووووووووووولز والله لكن يا أساسي نورتني لي بزنس جد جد طبعا لقيتك خبير و محترف عديييل في انواع وماركات والوان التياب ما شاء الله , بالتأكيد محتاجين دعم اساسية الأساسية وفي رواية اخرى إن كيدهن عظيم.. نقوووووووم أساسية وأنا نشيل افاكرك النيرة ونعمل بزنس بين جدة وأوربا,, ما تقول هنا معلمين الله من التياب ؟ اها شن قولك في الفكرة دي ؟ وحقك محفوظ في الحفظ والصون ، بس اختا لي عمر اب راسا مدوقس ده
Quote: سوما دي ما شكلها ناوية تدفع حاجة !! |
والله لكن يا خالد لقيتك بخيل وحراااااش مالك علي قاطع نصيبي ومحرش على اساسي
عشان كلامك ده عليك باقي الحاجات البتخص لبسة العيد من إكسسوارات و ( شنطة وحذاء) وماركة معروووفة ،، شفت يا خالد شلاقتك ؟ لووووووولز
| |
|
|
|
|
|
|
Re: لماذا لا تجهّز هالة عبد الحليم نفسها لرئاسة الجمهورية؟؟ (Re: احمد التجانى احمد)
|
والله يا وليد ياخ النوبة يستاهلوا ... ومعليش غايتو أسمح لينا نقولا ليك مع إنو بعد ده ح نتورط وما ح نقدر ممط من كلامنا ..لكن مش زمااان بيقولوا ليك فلان ده أمو راضية عليهو ؟ أو زول يكون الناس عارفنو رمممة ورمتااالي لكن بعد داك يقولوا الزول ده ربنا بيريدو؟ أها انت غايتو ربنا بيريدك وأمك داعية ليك .. النوبة في الزمن ده عملة نادرة وانت وقعت ليك في نوبة شكلهم أصصصلي ما تجميع ..ودي شكلها دعوة والدة ساااي يا اخوي ..نوبة ضكرااانة وشكلها بي زي مليون جعلي كده وخمسة مليون دونقلاوي .. بس النصيييحة الشناف بتاعا ده مااا بقدر عليهو ..الشفع ديل تراهو الواحد بيجازف وتتمها الوان وتغشهم ..لكن نقع ليها في البوهية حقتا ؟؟ بتنجججضني نجااااض.. فعشان كده خليني انتظر لمن النوبة بتاعننا يرجعوا وبعد داك نشوف قصة التحويل من الشفع للكبار دي .. خصوووصا وانو هي الفضلت والنصييييحة طااالباني رسسسسمي بعد الشاي والعصير :) :) :)
| |
|
|
|
|
|
|
|