|
|
 لماذا يعتقد البعض بأن الاعضاء الجدد (البرالمه) صغار السن .
|
معروف لدى الجميع بان الطلاب الجديد وعند انتاسبهم لاى جامعة يطلق عليهم لقب برالمه.
والطلاب الاقدم يطلق عليهم لقب سناير.
ارتبطت الالقاب ارتباط وثيق بعامل السن وذلك لان السلم التعليمى يحتم ذلك .
فدائما الطالب الجديد يكون صغير السن حسب هذا النظام الدراسى والتسلسل التعليمى المتعارف عليه.
اذا جاز ان نطلق على العضو الجديد المنتسب للمنبر لقب برلوم لحداثة انتسابه لهذا الكيان .
فهل يجوز ان نتعامل معه على اساس انه صغير السن .
ومن اين لنا بهذا التقييم .
وما هو المعيار.
| Quote: خاصه للناس الاقل من 18 سنه زي برنسات 2013 |
| Quote: انا التحذير الفوق قاصد بيه البرالم، انت الجابك شنو؟ |
العمود واقف ممنوع الدخول لاقل من 18 سنة أعملو حسابكم يوجد صور وسوءسلوك
|
|
 
|
|
|
|
|
|
|
 Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
| Quote: يجوز يا يا عم بدر ايوه صغااااار السن يا بدر انت معترض مالك يا ؟. |
احمد قلوب
شايف فى كم واحد بيعتقدوا ان قلوب دى جميع قلب ولمحوا ليك بى كده .
وشايفك عملته نايم عجبك الفهم ده.
انا حبيت اوضح للناس دى اصل الاسم لكن غلبنى اوصل المعلومه وطريقة نطق الاسم كيف.
ثم ثانيا نزل لينا صورتك هنا عشان الناس تشوف نموذح حقيقى للبراءه و صغار السن .
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
Quote:
برالمة شليقين :-)
أنا حال علي الحول وبرضو لسة برلوم
انتو اسبوع ما تميتو دايرين تفرنبو :-D and#1632;
بدر انت برلوم شنب ما عندك .. وبتحتج:-) |
يا انقابو انت حاله خاصه دخلت المنبر ده وانت صغير السن وواضح من صورتك.
لكن فى برالمه نزلوا السنة دى شنباتم تقول يا ليل.
................
قلت لى شنب ما عندى خلاص انتظرنى الننزل صورتى .
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
| Quote: رشهم بالله يا بدر .... رش تقيل . والله الناس دي حقارة حقرة - الواحد بيقرأ المداخلة بعد ما يشوف تاريخ التسجيل . حرم لو طلعت من دفعة 2013 لو كاتب (موشحة) ما في زول بيهبب ليك . إنتو (العنصرية )إلا في اللون والعرق والدين والحاجات التانية يا بدر |
اها شوف جنس الغبائن دى .
الشقله جابت ليها عنصرية.
يعنى مصعب ده لو ما جاء اتفشى هنا كان يلم ليك فى اى سنير فى زقاق مضلم يرشو ليك رش الجن بدون ما نعرف السبب زاتو شنو.
...................
قلت لي البوست الدخو ل ليهو حسب الموديل.
خلاص البوست ده برعاية ودالصائم يمكن نقوم الصباح نلقاهو قلب عشرة صحفات.
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
والله كنت عاوز اكتب لى موضوع بالخصوص ده
يديك العافية
وانا باقية على اتين
الاسم والتسجيل الجديد
فى نقاش مع احد الاخوان قال لى (يا ابني)
طبعا الاسم فى ناس كتير ما بدو صاحبو اكتر من كم وعشرين لو خلاااااص جاملوه
وما عارفين انو ممكن فى ناس اسمهم وضاح وعمرهم فوق الاربعين هههههههههههههههه
اها دى يحلوها كيف ؟
قربت اعمل لى موضوع امكتب فيهو هوووووووووووووى .. انا زولا فت الاربعين بى غادى واخت معاهو صورة كمان
تانى قلت ما فى داعى
المشكلة الحقيقه انو فى ناس بتاخد مشاركاتك على غير محمل الجد .. لانو بربطوها بالاسم وطوالى تقدير السن وطوالى يعتبروك شافع سااااى
هههههههههههههه
شفت المصيبه دى ؟؟؟؟
يا ناس هوووووووووووووى .. ده ياهو اسمى .. لكن عمرى فوق الاربعين واولادى فى المدرسة
بالله عليكم .. راعوا الحته دى
هههههههههههههههه
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
يا بدر
بالله بالحته الفيها الحديده ...
انت عارف اخوك مر بالتجربه دى .. وحاسى بالضيم الانت فيهو ..
زمان ... يا دوب لى كم يوم .. جيت خاشى فى بوست وعامل فيها
زول بتاع راى و راى مغاير ..
بالله فى واحد ... الله يطراهو بالخير ... نهرنى ليك وقال لي
يا برلوم يا جااااااهل .. طبعا مـط ليك جاهل دى زى الانا كاتبا دى .
اها يا خوى لملت بعضى... ونميت ثقافتى عشان اتجنب الجهل :-)
فدحيا يا بدر اقعد عافيه
| |
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: خالد عبد الحليم سعيد)
|
بدر و صحبه الكرام و خصوصا البرالمة و انا لست منهم (شفت كيفن)
يا شباب نحن اقدم من كثيرين هنا و خلوا بالكم الفيصل بيننا و بينهم الكيبورد
اكتبوا ما شاء الله لكم ان تكتبوا احس ان اقلامكم رشيدة و آراءكم سديدة.
يا بدر يا اخوى ما ترش لى حمد فتح الرحمن المسنوح دا القال نحن طيور الجنة
رشوا و لا تأخذك به رأفة حتى نرى فيه مقدرة البرالمة اقولك حاجة يا زول
حمد دا كوز عديل اهه قصرت معاك ما اديتك ديس زى العجب على قول الذين
يلعبون الهارت
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: خالد عبد الحليم سعيد)
|
Quote: طبعا الاسم فى ناس كتير ما بدو صاحبو اكتر من كم وعشرين لو خلاااااص جاملوه
وما عارفين انو ممكن فى ناس اسمهم وضاح وعمرهم فوق الاربعين |
بدرالدين سلام يا صديق
وضاح والله انت لذيذ كمان عندك مشكله تانية الحق روحك بالصورة سريع الجماعه بتاعين النضارات ما إلخبتو بينك وبين وضاحة
وصية تانية ليك بدرالدين زول مخضرم اسافير ما تباريهو بعمل مفترعات شرك
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
الغريبة يا بدر انه المنتدى تقنيا لايتعامل مع الجدد كبرالمة يعني مثلا في الراكوبة كان في ميزة المشترك الجديد لا تظهر مشاركته للعامة الا بعد ما تبلغ خمسىة وعشرين مشاركة للعامة ... يعني تسوق في الخلا بس زي مساعد اللوري .لكن هنا من قولة تيت تنزل مواضيع وتشارك وترؤد .. ولما قلت للناس انا جديد وشكرت صاحب الموقع وناس رحبوا بيك يمين ما في حد يعرفك قديم ولا جديد .. لكن في الراكوبة مثلا.
وعندما تظهر للجمهور تظهر بسنونك تكون لك عدة مشاركات .. وفي منتديات اخرى مثلا منتدى نادي الهلال ممنوع تنزل مواضيع جديدة الى تقدم رصيد من الردود يبلغ مائة مشاركة .... يعني لازم تذوق طبيخهم غصبا عنك بعدين تقدم العندك ..
المهم لكل مكان فلسفته وانت ما تآخذ الموضوع بحساسية يعني صغار صغار مافارقة .. انا ومحمد ولدي اعضاء في منتدى واحد .. انا رضيت لكن قلت له اوعى ترد لي في بوست وتقول لي يا ابوي ..
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
سلام ومحبة
للاخ بدرالدين الطائف وضيوفه
الاخ صديق الموج لطش ليهو صورة من لبنان
وجابها حلتهم اها وكت ناس ابوحسين قبضوا
عايز يتخارج قال قاصد البرالمة البرالمة ذنبهم شنو وعلاقة العمر بي لطشتوا شنو ما لقي
حل عايز بدرعا في البرالمة اما الاخ حمد عبد الغفار خاتي ليهو وشوش خضراء
وقال طيور الجنة هههههههه في فرق بين النسور وطيور الجنة
ياخ نحن من زمن حسن والطير وجدادي يلقط الحب واسماعيل والقط والغراب النبيه
العفو والعافية
بس في ناس نص البحر بتقول ليك غبرتني
| |
|
|
|
|
|
|
|
|
 Re: لماذا يعتقد البعض بأن الاعضاء الجدد (البرالمه) صغار السن . (Re: عثمان الشريف اسحاق)
|
ويو ويو البرالمة حرقهم
سلام يا بدر ومرحب بيك ومرحب بكل الشباب الجدد
في واحد قال ليك رش حمد فتح الرحمن غايتو كان رشيت حمد فتح الرحمن دا محمد الصائم حيشرب حجرين شيشة
بعدين أنا في مداخلة طيور الجنة دي في الاول اثنيت عليكم قلت البرالمة شديدين ولضيضين
بعد طبعا لازم نديها كسرة يا أبو علي
وحكاية طيور الجنة دي اللهي ما ليها علاقة بأعمار الناس وإنما بحداثة شهادات ميلادهم في المنبر ولأني كل يوم غصب قاعد اسمعها ومعلقة لي في أضاني جيت فكيتها فيكم
شيئ تاني يا برالمة حكاية متابع المنبر دا لي 5 سنين و10 سنين دا حنك عاضي
يعني هسة الناس البخشوا الاستاد يشاهدوا الكورة بعد خمسة سنين ببقوا زي ميسي ولا هيثم مصطفى حتى
لكم الود
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
Quote:
زمان ... يا دوب لى كم يوم .. جيت خاشى فى بوست وعامل فيها
زول بتاع راى و راى مغاير ..
بالله فى واحد ... الله يطراهو بالخير ... نهرنى ليك وقال لي
يا برلوم يا جااااااهل |
خالد ده افلاس ساى منو .
| Quote: يا بدر يا اخوى ما ترش لى حمد فتح الرحمن المسنوح دا القال نحن طيور الجنة |
جميعابى حمد فتح الرحمن بتاع طيور الجنه ده منو ده.
باقى نحن ما متابعين مع الاولاد .
| Quote: بدر الدين تحياتي ليك ولي و( ولدنا) احمد قلوب ولي كل الناس اللي اتكتب تحت اسمها تاريخ جديد |
ودشقدى بركة الظهرته يازول ولك الاشواق.
بالتاكيد نحن فى حوجه لمساعدة اخوانا الاعضاء المحاربين القدامى امثالكم .
| Quote: بدرالدين سلام يا صديق |
ولك السلام يا عبس .
Quote:
يا شباب
أخدوا الموضوع بي بساطة ، موضوع ( البرلمة ) ده من سنين مدور |
يا كميو تحياتى
فى بساطه اكتر من كده .
عادى جدا موضوع البرلمة والمزح مع البرالمه وصدرنا رحب جدا فوق ما تتصور.
بس حته الفهم بتاع انه البرالمه صغار سن دى العاوزه توضيح .
وناس عمك عطا ما قصروا.
Quote: ياخ نحن من زمن حسن والطير وجدادي يلقط الحب واسماعيل والقط والغراب النبيه
العفو والعافية |
ده الكلام الخلانا نفتح البوست يا عثمان .
نحن عارفين معانا جلاكين ما قبلناها ليهم.
اعتذر للرد على مداخلات الاخوة الكرام والتكويت بالجمله لانه رصيدنا لهذا اليوم لا يسمح.
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
| Quote: ياخ نحن من زمن حسن والطير وجدادي يلقط الحب واسماعيل والقط والغراب النبيه |
و ما زلنا نذكر من درسونا لها و حفظونا لها بعدما لحنوها بأجمل الألحان
كثر من الأعضاء القدامى رحبوا أجمل ترحيب بكل قادم جديد ... و قلة نظرتهم
للقادمين الجدد بأنهم حديثى عهد بالمكان ويجب أن لا يتم التعامل معهم بندية
أكبر عدد منحه الأخ بكرى العضوية هذه الدفعة فى السنوات الأخيرة من خلال
متابعتى للمنبر ( ودا ما حنك عاضى )
رغم مداخلاتنا نحن الجدد قليلة قياساً بتأريخ التسجيل فى المنبر لكن الملاحظ
أن كثير من الأعضاء الجدد ( نجيضين ) و كتاباتنا ما زلت حذره يبدو لى أنه شعور
عام لكل الجدد ( شئ من الرهبة و الخوف )
الرهبة لسمعة المنبر و ما يضمه من النخبه كل فى مجاله و الخوف من أن يتطاول
عليك أحد بأنك أنت البرلوم الليك يومين تداخلت معه .
ما علينا ألا أن نصبر و نتقبل ما يصيبنا من البعض ..
الود و الأحترام للجميع
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: على عبدالله بشير)
|
سلام يا برالمة ....
عايز أطمئنكم إنو الحكاية دي ما مقصورة عليكم بس.
كتير من الناس متصورة إنو دفعة 2002 مثلاً (سناير مطلقين) .... يعني يمارسوا وصاية على المسجلين بعدهم بغض النظر عن السن .... وبي كده، كتير من المرات تلقى واحد يتعامل مع زميل بخشونة تفتقد للذوق أو حتى الأدب، إذا إنتبهنا إنو الزميل ده يكاد يكون في سن والد (المتخاشن).
الحكاية معقدة ومتشعبة .... عشان كده بنقول، الواحد يتعامل مع إسم مستخدم، بمعنى يتعامل مع كلامو وأفكارو، إلاّ في بعض الحالات البتكون فيها المعرفة شخصية.
مرحب بيكم كلكم.
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: الامين موسى البشاري)
|
| Quote: الله البرالمة أو دفعة 2013 حتي لو صغار السن و الله هم كبار في عقولهم |
شكرا الدخرى فهذه شهادة يعتز بها الجميع.
| Quote: كثر من الأعضاء القدامى رحبوا أجمل ترحيب بكل قادم جديد . |
ولهم ولك التقديروالتجله اخى على عبدالله.
وياها المحريه فيهم.
Quote:
ألف مرحب بيكم كلكم فتلك ضجة إنصرافيه فلا تكترث وكل برلوم
سيصير سينير بإذن الله وعليه أن لا يؤذى البلارمه الجدد ولكم جميعا
السلام وما كل ذلك إلا دعابه وكم من برلوم جاء بضروس العقل!!
ولكم جميعا السلام |
وعليكم السلام منصور المفتاح.
وشكرا لتذكيرنا بالغد المشرق.
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: قيقراوي)
|
بدر الدين ازيك لينتنا كنا صغار السن ولم تسرقنا السنين لكي نحقق اماني الوطن
وياريت لم نكبر ويكبر البهم ونسال الله كبر الفهم الكلام علي تدوير الكفر صاح
وركز في العكسيات وليس المعاكسات عشان تهدف كويس
تصدق البرالمة فيهم من كانوفي اتحادات وروابط الكليات في الجامعات
ايام الانتفاضة وتحياتي لكل صغير في السن ومناضل في هذا المنبر
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
Quote:
اوووو حبيبنا الطائفي السهل الممتنع
ياخي دي فرصة الواحد يرحب بيك وبكل القادمين الجدد
والله صراحة كان نفسي ارحب بيك لكن كمان ما بقدر ارحب بكل القادمين ..
ولا بقدر افرز
خصوصاً مع دعوات الاتساق الموجهة ضدنا دي:
الاتساق نعمة .. يا قيقابيش!!
وانت عارف انو القمم مستهدفة
اخوك مستهدف هنا
|
حبيبنا فتحى قيقا بايت.
معقوله لافين لينا اسبوع فى المنبر ده وما شقال بينا .
شايفك بتتعلم فى الاتساق اليومين ديل وما فاضى لينا.
اقول ليك حاجه ود الصائم ده لقى الشيشه ما بتزبط الدماغ براها.
قال احسن اجيب قيقا هميسلف امزمز بيهو عشان الراس يزبط.
شكرا يا حبيب على الترحيب الجميل وربنا يفك أسرك.
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: أيمن الفاضل)
|
مرحب يا شباب ومنورين ومرحب بيكم ونحنا كلنا برالمه وبنكتشف كل يوم حاجه جديدة
التفكير في انكم برالمه ولا اقل من الناس الباقين ماكويس لانها ما حاجه مهمه والزول بي كتابته هي البتصنعه عشان كدا ركزوا عليها وما تشتغلوا بي زول وجودوها وحكموا ضميركم حا تنجحوا في مهمتكم الجيته عشانها واتاكدوا الناس الناس القدام ديل بحترموكم لللأن وحا يتحترموكم لمن تبقوا قدام
ممكن زول يكون قاعد في البورد من تأسيسه ومداخلاته تتجاوز المئات الالاف وما يكون فيها حاجه يجي واحد هسع يكتب ليه سطر يكون خالد أبد تاريخ المنبر
الشيئ التاني ودا انتو برالمه بصراحة فيه ما عارفين جخانين المنبر والبحصل بره المنبر وعلاقات الناس دي بره البورد ود حتات ممكن تدخلكم في دوامه فأكتبوا كتابتكم بي راحتك
والله الواقفين معاكم وداعمنكم من الأعضاء الله اكتر مما تتصوروا
وبرضه اهديكم نصايح كتبتها في بوست للأخ بله موسى إن شاء الله تنفعكم
ما تكضب الكضب حا يجيب ليك الهوى وغير يضرك ما بنعفك وهنا في شفوت وعندهم رادارات بتكشف الكضب وممكن يشوفوا كضبك يعملوا ميتين وهم خبراء غطس في الارشيف يوم تدقس يغطسوا ينكتوه كله يجيبوه ليك قدامك ما تصدق انك زاتك كضبته
ما تهبش خصوصيات الناس لو شفت ليك بسوي السبعة وذمتها وما سألك ما تجي تفته هنا وخلي كل حاجه في مكانها ما للفيس بوك وما للبورد للبورد وأوعك من الرسائل والماسنجر ما تجي تفتها هنا وأمشي أعمل ليك خط أحمر كبير حول خصوصيات اهلك اسرتك اولادك زوجتك اخوانك اصحابك وما تخلي زول يتحشر في خصوصياتك ومن دربك امشي أمن صورك وناسك في الفيس بوك
وتأكد عدم هبيشك لخصوصيات الناس بحمي خصوصياتك ، وأنت زاتك كون حريف ما تجي تحكي عن خصوصيات هنا لأنه يوم ممكن يبتزوك بيها ويبقى ليك الموضوع بمبي ، تاني زح من قدام كمرات البورداب وأتحاشاها قدر ما ممكن
ما تشفق البورد دبنقا بدور ويجيك نصيبك وخليك تقيل ما تنجلط او تندلق وحاول تدفن دقن قدر ما تقدر وزي ما قال الشاعر (دقنك المدفون بدوايك محل ما يلاقيك)
وما تتسرع في نقل الأخبار اتريث واصبر وأتاكد وجيب مصدر قوي لأنه مسك ضنب الككو حار والجرسة بعدين ما بتمرقك وأقلها لو زنقوك ناس وين المصدر
زح من أبوحسين قدر ما تقدر فهو كالطاعون وما تخش بوستات ودالباوقة حا ترفع ضغطك وتجيب ليك السكري أو على الاقل تفقع مراتك او تهيج مصرانك العصبي وما تغشى صلاح جادات حا يشيب بي راسك
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: بدرالدين الطائف)
|
Quote: ما تهبش خصوصيات الناس لو شفت ليك بسوي السبعة وذمتها وما سألك ما تجي تفته هنا وخلي كل حاجه في مكانها ما للفيس بوك وما للبورد للبورد وأوعك من الرسائل والماسنجر ما تجي تفتها هنا وأمشي أعمل ليك خط أحمر كبير حول خصوصيات اهلك اسرتك اولادك زوجتك اخوانك اصحابك وما تخلي زول يتحشر في خصوصياتك ومن دربك امشي أمن صورك وناسك في الفيس بوك
وتأكد عدم هبيشك لخصوصيات الناس بحمي خصوصياتك ، وأنت زاتك كون حريف ما تجي تحكي عن خصوصيات هنا لأنه يوم ممكن يبتزوك بيها ويبقى ليك الموضوع بمبي ، تاني زح من قدام كمرات البورداب وأتحاشاها قدر ما ممكن
|
كلامك فيهو مرارة وكلام زول شق المقابر.
الجاتك فى خصوصياتك سامحتك.
والعاقل من اتعظ بتجارب الاخرين.
شكرا يا عبدالعزيز على النصائح القيمه.
| |
|
|
|
|
|
|
|
|
|
Re: لماذا يعتقد البعض بأن الاعضاء الجدد (البرالمه) صغار السن . (Re: محمد عوض احمد)
|
Quote: الغريبة يا بدر انه المنتدى تقنيا لايتعامل مع الجدد كبرالمة يعني مثلا في الراكوبة كان في ميزة المشترك الجديد لا تظهر مشاركته للعامة الا بعد ما تبلغ خمسىة وعشرين مشاركة للعامة ... يعني تسوق في الخلا بس زي مساعد اللوري .لكن هنا من قولة تيت تنزل مواضيع وتشارك وترؤد .. ولما قلت للناس انا جديد وشكرت صاحب الموقع وناس رحبوا بيك يمين ما في حد يعرفك قديم ولا جديد .. لكن في الراكوبة مثلا.
وعندما تظهر للجمهور تظهر بسنونك تكون لك عدة مشاركات .. وفي منتديات اخرى مثلا منتدى نادي الهلال ممنوع تنزل مواضيع جديدة الى تقدم رصيد من الردود يبلغ مائة مشاركة .... يعني لازم تذوق طبيخهم غصبا عنك بعدين تقدم العندك ..
المهم لكل مكان فلسفته وانت ما تآخذ الموضوع بحساسية يعني صغار صغار مافارقة .. انا ومحمد ولدي اعضاء في منتدى واحد .. انا رضيت لكن قلت له اوعى ترد لي في بوست وتقول لي يا ابوي .. |
ابوالدر يا حبيبنا مشاركتك دسمة ومترابطته ماعرفته اقتبس من وين.
وبعدين انت عملت لى زى البرالمه ديل وحشرتها فى نص البوست .
................
تانى جينا لموضوع الحساسيه.
وانا لااعتقد بأن تناولى للموضوع جاء نتجية حساسية تجاه تعامل معين بقدر ما انه تصحيح لفهم مغلوط او سوء تقدير لدى البعض.
دى كل القصه.
عجبيتنى حكاية انك ولدك محمد بتكتبوا فى بورد واحد .
غايتو كل واحد بيكون خايف من التانى.
| |
|
|
|
|
|
|
| |
بدرالدين الطائف
حيدر حسن ميرغني
أحمد قلوب
Abdo Mustafa
أيمن الفاضل
ناصر حسين محمد
حافظ انقابو
مصعب محمد عثمان
وضاح عبدالرحمن جابر
Waly Eldin Elfakey
خالد عبد الحليم سعيد
امجد الجميعابى
محمد علي شقدي
عباس الدسيس
معاذ الدخري
شمس الدين التوم
Idris Logm
kamal omer
حمد عبد الغفار عمر
على عبدالله بشير
munswor almophtah
محمد أبوالعزائم أبوالريش
طارق جبريل
الامين موسى البشاري
قيقراوي
محمد عوض احمد
فيس بوك
تويتر
انستقرام
يوتيوب
بنتيريست