|
|
|
 Re: أبو الأسد لأبو الرجالة زاتا .. بس !! (Re: محمد مكى محمد)
|
ولأبو ال politics زاتو
ياجماعة ده الفنان عماد ود عبدالله
he was born in
الديوم الشرقية between محطة التعاون والجامع والفسحة .
وكانت عندهم في الزمانات السمحة غنماية خرطومية جعيصة .
...
وينك يا مواطن ؟
سلامات
والله العظيم مشتاقين .
| |
  
|
|
|
|
|
|
|
|
Re: أبو الأسد لأبو الرجالة زاتا .. بس !! (Re: مجدي عبدالرحيم فضل)
|
يعني سودانيزأونلاين دي حالة عجيبة ..
تلف قدر ما تلف ، تشوف قدر ما تشوف .. تلاقيها هي البتشبهنا
- أو البتشبهني أنا .. يمكن -
من أول الناس و اللغة و الحميمية السمحة و دافية ، لغاية اللون البني العجيب و الأصفر أبو زغللة القاطعو بكري من راسو الكبير ده ..
يخشك حنين حتى لتكنيكها و كلاسيكية التعاطي معاها في الإضافة و الرد و الموضوع الجديد و رفع الصور و الفيديو ..
زمان قبل كم سنة لما المنابر بقت تستخدم آليات جديدة و حديثة في الإدارة و التقنيات ، قلنا ياخي بكري ده اصلو ما بيتطور ؟؟ .. دي شنو الحاجة المن سنة حفروا البحر العاضي لينا فيها دي ؟ .. فضيحة وسط عالم السايبر .. ده اصلو منبر إسفيري وللّا متحف ؟؟ ..
روح يا زمان تعال يا زمان ، و لقينانا بكل الحاجات البكرية السودانيزأونلاينية دي مميزين و مختلفين .. و سودانيين شديد .. سمحين ياخ .
هذه الدار ياها السودان العجيب .. السمح - رغم أنفي و زهجتي و الغلغلة -
ثم اسماء الناس الهنا .. ده كوم تاني ..
الرفاق - ما بتاعت الحقانيين .. الرفاق بتاعت الله و الرسول الواااااحده دي -
رفاق السنين الفاتت بأحداثها و شحنها و فراغها و سخفها و جديتها ..
الشكل و الضرب و الطفنقي و الضحك و المسخرة و صناعة الأحداث و أخبارها ..
سودانيزأونلاين ضالعة - كان دورنا و للا لأ - ضالعة في صناعة الحدث السوداني .. ما بس تأريخو و التوثيق ليهو ..
أنا مؤمن بكده .. عن يقين و تجربة و إختبار ..
لو الإعلام سلطة رابعة ، فالإعلام الإسفيري اصبح رأس لهذه السلطة الرابعة ..
و يتربع هذا الحوش في أعلى السنام من هذه السلطة ..
- من أول أعلى هرم القراء .. لغاية قاعدة هذا الهرم من الكتاب المشوطنين -
سودانيين مشاركين في هذه الحرابة لتحقيق الحلم بوطن وطن ..
وطن جد .. وطن حقنا نحنا ديل و يشبهنا ..
كل زول بي شوفو براهو .. كل زول بي فهمو حقو هو .. و كلهم جارين - أزعم - ورا قيمة ثابتة قدامهم : سودان يليق بنا .
كل اسم هنا عندو طعم و ريحة تولع في الذاكرة .. و تهبش وتر ..
8 سنوات في هذا المكان و ما زال هو هو : ساحراً .. و مختلفاً ..
تحردو و تقول بلا سودانيزأونلاين بلا لمه .. غير العاك عيك و الكبسيبه و الهيلمانات و العميان شايل المكسر مافيو اي شي .. دوشة و وجع راس و حرابات و جوطات و بس ..
تلف تلف تلف .. تجي تلاقيك بتتاوق بالدس من روحك ..
و تلاقي اللون المسترده العجيب - اللي في الاول كان شين و بيزعجك - يملاك شنو ما تعرف .. يمكن حنين لزمن و ناس و أحداث و و و .
البيت .. ده الإحساس . البيت .
......
فيا ناس البيت الهنا ..
ناس بيتنا ، الذين عبروا هنا و اسبغوا عليّ المودات و التراحيب و الكلام الحنين .. حقنا .
ياخي الله يخليكم ..
الواحد طلع كضاب ساكت ، إذ ما تزالون في القلب شامة و علامة ..
فمن هنا لحدي عندكم : المودات المودات المودات ..
و كتير الشكر .
| |
|
|
|
|
|
|
| |
Emad Abdulla
Mahmoud Mustafa Mahmoud
محمد سنى دفع الله
محمد عبدالرحمن
محمد عبد الماجد الصايم
طاهر قرشي
محمد البشرى الخضر
حسبو عكاشة
محمد مكى محمد
Osman Musa
سيف الدين محجوب
الزنجي
حمد عبد الغفار عمر
باسط المكي
مجدي عبدالرحيم فضل
abuguta
محمد يوسف طه
حبيب نورة
فيس بوك
تويتر
انستقرام
يوتيوب
بنتيريست