Quote: شكراً لكل من ساهم في تثبيت الحقيقة المغايرة .. وتطير برج من عقلي!
لاول مرة اسمع الكلام دا في قاعات القراية ام دق ونمر وهي نظرية تدرّس ضمن دروس السلوك التنظيمي وتقع تحت علم النفس الاجتماعي ومفادها بتبسيط غير مخل انو مجموع انتاج عاملين مجموعين في قروب عمل لا يساوي حاصل الجمع الجبري لانتاجهم منفردين، لوجود العوامل النفسية/الاجتماعية ممكن تأثيرهم على بعض يكون ايجابي فيساهم في رفع الانتاج الجماعي .. والعكس صحيح تماماً
هل يمكن اجراء تطبيق للنظرية دي على المشهد الثقافي؟ كتيرين سبقوا وجاوبوا ..
Stay Tuned
-------
شكراً محسن خالد .. فقد حقيت الشكر مرتين مرة مساهمتك في اجلاء اعلاه ومرة تانية في اجلاء ادناه
Quote: واحد زائد واحد لا يساوي اثنين(معادلة عجيبة) عيسى بن مانع
إن أهل الحق في صراعهم مع أهل الباطل يستخدمون أحدى معادلتين. المعادلة الأولى هي المعادلة الرياضية البحتة,1+1=2. وهي معادلة القدرات والطاقات و الإمكانات, أي أن أهل الحق يواجهون بطاقاتهم و إمكاناتهم بدون الاعتماد على الله, يواجهون أهل الباطل بطاقاتهم و إمكاناتهم. وهنا كما ترى يا صديقي أن الهزيمة والفشل من نصيب أهل الحق. فلو قارنت ما يملكه أهل الباطل مع ما يملكه أهل الحق في الجانب الإعلامي فقط لأدركت أن ميزان الحق مرجوح و خاسر. ولو قارنت في الجانب العسكري لما نبست ببنت شفة, ولو نظرت في الجوانب السياسية و الاقتصادية و العلمية و غيرها لما استطاع عقلك أن يقارن. و صاحب هذه المعادلة مسكين و بحاجة لمجهود كبير و طاقة هائلة. فقوم موسى عندما رأوا البحر أمامهم أملت عليهم معادلتهم الفاشلة أنهم مدركون. و قوم إبراهيم عندما رموه في النار فهم يعتمدون على أن النار تحرق كل ما يلقى فيها و هي معادلة فيزيائية ساذجة. و كذلك قوم نوح عندما سخروا منه عند بناء سفينة في وسط البر الفسيح, معادلتهم تلك لم تخبرهم أن الماء يمكن أن يأتي إلى هنا في لحظات قليلة.
ولكن المعادلة العظيمة هي المعادلة الربانية التي يكون الله فيها هو الحاكم و الظهير فيا نعم المولى و يا نعم النصير. المعادلة الربانية هي 1+1>2, أي طاقاتك و إمكاناتك + نصر الله و عونه و تأييده. هذه المعادلة التي أدركها نوح عندما أمره الله ببناء السفينة, فلم يتعجب لماذا يبني سفينة في وسط الصحراء القاحلة. بل أدرك أن الماء سيأتي بطريقة ربانية غريبة لا يدركها المغفلون. "ففتحنا أبواب السماء بماء منهمر" يقول ابن عباس فانهمر الماء من السماء بطريقة لم تحدث من قبل ولن تحدث إلى يوم القيامة وهي أن أبواب السماء كانت مفتوحة ولم يكن هناك سحاب يهطل منه المطر." وفجرنا الأرض عيونا فالتقى الماء على أمر قد قدر". الأرض كلها أصبحت عيوناً تتفجر , لماذا؟ لأن المعادلة ربانية.
و أدركها إبراهيم فعندما كان في الجو يطير ليقع في وسط النار العظيمة, يأتيه جبريل الملك العظيم صاحب الستمائة جناح و يقول له وهو رفيقه في درب العقيدة ونصرة الدين"ألك إليّ حاجة", لم يقل إبراهيم عليه السلام هذا جبريل جندي من جنود الله و رفيقي في الدرب لا يمنع أن أستعين به, كلا بل قال" أما إليك فلا , و أما إلى الله فنعم" لأنه أدرك أن حل المعضلة في المعادلة الربانية التي ستسلب النار قوة الإحراق و تبقي قوة الإشراق. وأدرك أن المعادلة الفيزيائية البحتة لا يمكن أن تحل المسألة.
أدركها موسى عندما أتى هو و أخوه و عصا (قطعة خشب). و أطل على مشارف دولة عظيمة ملكها يقول" أنا ربكم الأعلى" و حرسه الفرعوني الخاص كما في إحدى الروايات يقارب ال600 ألف وفي الرواية الأخرى 100 ألف جندي. موسى عليه السلام عندما وقف أمام أسوار هذه المملكة لم يقل بالمعادلة الأولى السقيمة , "أنا و أخي و عصا ماذا نفعل في مواجهة دولة بأجهزتها و قواتها و ملكها الأحمق؟" بل قال الله "لا تخافا إنني معكما اسمع و أرى" فهنا أصبحت المعادلة معادلة ربانية تنقلب بها الموازين في وجوه الطغاة. و أن قطعة الخشب تلك تقسم البحر العظيم و تجعله طرقاً للمشاة. و يمكن أن تتحول إلى حية عظيمة تأكل ما يفعله السحرة و المشعوذون و رجال المخابرات.
لا أريد أن أطيل عليك , ولكن بأي معادلة تتعامل مع أهل الباطل؟ هل تعتمد على طاقاتك و ما تملك من قدرات أم أنك تعتمد على الله باتخاذ أسباب التأثير و التقدم و النصر؟ اعتقد أن الفكرة وصلت!
لطالما حيرت فكري وشغلت بالي معادلات الدرجة الثانية .. وانت طالع الفكرة شنو وراء الجملة الاثيرة (مرفوعة للقوى خرتمية)؟ يعني شنو بالضبط (قوى) .. طبيعتا شنو الموازي لاعتقادنا في (قوتا) دي؟ بل يعني شنو (واحد) مجرد كدا ذاتو؟
هل (الرياضيات) إله عشان نؤمن بقطعية نتائجها كدا؟
01-04-2013, 02:18 PM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
Quote: "ففتحنا أبواب السماء بماء منهمر" يقول ابن عباس فانهمر الماء من السماء بطريقة لم تحدث من قبل ولن تحدث إلى يوم القيامة وهي أن أبواب السماء كانت مفتوحة ولم يكن هناك سحاب يهطل منه المطر."
ابواب السماء دي وين دي ؟؟؟ والسماء ذاتا وين ؟؟؟ ما يكون قاصدين انعكاس الضوء الازرق في الغلاف الجوي ؟؟؟ مطر دون سحاب دي ما بتجي ... حتجي من وين يعني ؟؟
دي آفة التفسير الحرفي للأعمال الأدبية ...
01-04-2013, 02:50 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: ابواب السماء دي وين دي ؟؟؟ والسماء ذاتا وين ؟؟؟ ما يكون قاصدين انعكاس الضوء الازرق في الغلاف الجوي ؟؟؟ مطر دون سحاب دي ما بتجي ... حتجي من وين يعني ؟؟
دي آفة التفسير الحرفي للأعمال الأدبية ...
نفس سؤالك دا انا موهطو بهناك لأمين ومحسن خالد
Quote: لعل بكة قصد تنبيهك للغة (الايمانية) الواثقة دي .. هل كل المتلقين مؤمنين؟
انا المؤمن دا بقيف ليك في (قصة) نزول آدم دي؟ ادم نزل من وين هو؟ الجنة الطلعوهو منها دي ارضية مية المية! ومافي حاجة (كائنة بذاتها) اسمها (سماء) ذاتو .. تقدر انت ول محسن تعينوها لي؟
---------
مسألة تانية مقلقة جداً لايماني الشخصي .. وان شاء الله تطلع خطأ تاويل من المتدينين ما من اساس الدين .. هي مسألة افضلية اللون (الابيض) على (الاسود) دي
ودي المداخل رقم 1122 في بوست زهرة الغرق ودا توقيتا 14-12-2012, 10:26 PM
منذ نعومة أظافرنا ننشأ على فكرة "الحقيقة المطلقة" التي يلقنها لنا الأب أو الأم أو الأكبر سناً أو معلم المدرسة... ولكن مع تقدم العمر، تثار العديد من التساؤلات ونغوص في العديد من التجارب، لنكتشف ما يناقض ما تمّ بناءه في عقلنا بطريقة تبدو وكأنه قطعة مركبة في دماغنا مع اللحم والعظم والشرايين. ومن أبرز التجارب العملية التي أود الاستشهاد بها هو البحث الذي قدمته لنيل درجة الدكتوراة والذي كان بشأن المشكلات التي ليس لها حلاً تحليلياً بسيطاً ولا يمكن تمثيلها باستخدام نماذج رياضية، ولكن يمكن أن نضع لها نماذج حاسوبية رياضية لحلها. هذا النوع من المسائل يتعامل مع الكميات الفيزيائية أو الاقتصادية أو غيرها من الكميات الموجودة في الحياة. وقد أفردت جانباً من بحثي حول تمثيل تلك البيانات في الحاسوب متناولاً قدرة الحاسوب في تمثيل الحياة. هل يمكن أن نمثل الحياة باستخدام الحاسوب الذي لا يوجد به إلا رقمين 0 أو 1؟ وقد تبين لي أنّه لا يمكننا تمثيل الحياة بالدقة المطلقة في الحاسوب لأن الحياة لا تخضع للتبسيط المطلوب في أرقام الحاسوب. ولهذا كان الحل عندي أن لا نبحث عن الدقة المطلقة لأنها مثل السراب فإمّا غير موجودة أو ليس من السهولة أن نجدها أو من المستحيل الوصول إليها ضمن المعطيات ومستوى التكنولوجيا المتوفر لنا في الوقت الراهن. كما استخلصت في بحثي أنه لا بأس من أن نقلل من الدقة لكي نصل إلى حلّ معقول وليس حلّ مطلق او الامثل. وقد تستغرب أنّ الحاسوب ليس وحده القاصر عن وصف الحياة بالدقة المطلقة بحكم بنائه الثنائي (0، 1)، فنظرية المجموعات(set theory ) في الرياضيات لا يمكنها أن تصف الحياة بأكملها، حيث لا يمكننا أن نصنف جميع العناصر إما أن تنتمي إلى المجموعة أو لا تنتمي. فهناك أشياء تنتمي إلى مجموعة ما إلى حد ما بينما لا تنتمي إليها بشكل مطلق، وتنتمي إلى مجموعة أخرى رغم انها تعتبر مكملة، أيضاً إلى حد ما ولكن ليس بشكل مطلق وقاطع. فمثلاً إذا قلنا أن فلاناً طويلاً؛ أي ينتمي إلى مجموعة أصحاب القامة الطويلة، فهذا لا يعني أنه يخلو تماماً من القصر. فهناك أناس أطول منه، وهناك أناس أقصر منه، وكل منهم ينتمي إلى مجموعة أصحاب القامات الطويلة بدرجة ما، وهناك أناس ينتمون إلى المنطقة الوسطى بين الطرفين. ففلان الذي قلنا عنه أنه طويل، يمكن أن ينعته بعض الناس أنّه صاحب قامة طويلة ولكن قد يكون هناك أناس آخرين يعتبرونه متوسط أو قصير القامة. من هنا جاءت النظرية المسماة نظرية المجموعات الضبابية (fuzzy sets) ويصاحبها علم المنطق الضبابي (fuzzy logic) لتقول أنّه لا يوجد هناك صح مطلق أو خطأ مطلق. فعبارة فلان طويل، التي تشير إلى أنه ينتمي إلى مجموعة أصحاب القامات الطويلة، لا تعتبر خطأ أو صح، بل هي بين الصحة والخطأ تحمل شيء من الصح و شيء من الخطأ. ما أكثر الأمور في حياتنا التي نتعامل معها كمسلمات مطلقة، فلا نختلف فيها أبداً، ونتعامل معها بالمنطق الثنائي (صح أو خطأ). فمثلاً لا يمكن أن يكون شيء في مكانين في الوقت ذاته. هل منّا من يختلف مع هذه "الحقيقة المطلقة"؟ واستناداً إلى هذه المسلمة، نقوم ببناء برمجيات لكشف تضارب المواعيد مثلاً. فالمدرس لا يمكن أن يدرّس طلبة شعبتين في الوقت نفسه. وعلى هذا الأساس نبني برامج التدريس قبيل كل فصل. ولكن، حتى هذه "المسلمة"، التي تبدو بديهية وحقيقة مطلقة، هي ليست صحيحة بشكل مطلق، بل فيها شيء من الصحة وفيها كذلك شيء من الخطأ. منذ ثمانين عاماً، أثبت العلماء أنه يمكن أن تكون الأشياء في مكانين في الوقت ذاته على الأقل بالنسبة للذرات والأجسام تحت الذرية. فهناك تجارب تثبت أن الإلكترون يكون في ذرتين في آن واحد ، وأنه يستطيع المرور من فتحتين في الوقت ذاته(double slit experiment). وتحكم هذه الأجسام الصغيرة قوانين الفيزياء الكمية والتي لا تعترف بكثير مما نراه كمسلمات. من واقع ما سلف أعلاه، يمكن القول أنّه لا أحد يمتلك الحقيقة مهما ادّعى بامتلاكها، ولا توجد مسلمات في العلم، كما لا توجد المسلمات في الشؤون الحياتية اليومية والسياسية والإدارية وغيرها من مناحي الحياة؛ أجل لا توجد حقائق مطلقة. فكل شيء قابل للنقد والنقض والبحث والتحري. لا يوجد شيء صحيح كلياً وشيء خطأ كلياً، فالأمور قد تحتمل الخطأ والصواب في آن واحد. فحتى أغرب الأفكار يمكنها أن تكون صحيحة، وحتى الأفكار التي تخرج عن المألوف وعن المعتاد أيضاً يمكن أن تكون صحيحة. في عملية تدريسنا لطلبة الجامعة، يمكننا أن نتبنى هذه الفكرة، إذ يجب أن نقر دوماً أن الأمور قد تحتمل الصواب كما تحتمل الخطأ، وأنه لا يوجد صح مطلق وخطأ مطلق. فيجب أن نترك المجال للطالب ليفكر بطريقة خلاقة في فضاء واسع، وأن يبدي رأيه دون رهبة دون أن نفرض عليه ما نراه نحن صواب كأنه صواب مطلق وما يخالف رأينا هو الخطأ المطلق. علينا أن نبحث عن الصواب والخطأ في الإجابة في آن واحد، وعلينا أن نطرح المادة الدراسية والأفكار والمعلومات للطالب بطريقة يستطيع أن يرى من خلالها تعدد وجهات النظر وتعدد أطياف الإجابة، وأن نمكنه من أن ينقد تلك الوجهات ليتمكن من بناء وجهة النظر الخاصة به، لنرسخ هنا ثقافة تعددية حقيقية في التفكير وفي طرح وجهات النظر لتكون بديلاً عن الثقافة المتصلبة الجامدة المقيدة للإبداع والخطرة أحياناً. هناك نظريات في علم النفس تقول أنّ الدماغ البشري يتكون من نصفين أيمن وأيسر؛ فالنصف الأيسر يتعامل مع الأمور بشكل منطقي جداً ( المنطق الثنائي) ومتسلسل جداً مرتب للغاية، لكن النصف الأيمن يفكر بطريقة شمولية إبداعية. والناس تستخدم كلا النصفين لكي تقوم بحل المشكلات اليومية، لكن هناك عادتا ميل الى استخدام أحد النصفين أكثر من غيره، وربما يفسر هذا أن بعض الناس يرفض المنطق غير الثنائي في الحياة. نحن نحتاج الى ان يعمل كلا نصفي ادمغتنا نحتاج الى التفكير المنطقي المتسلسل للقيام ببعض الامور و نحتاج الى الشمولية والابداع ايضا.
يقع على عاتقنا كمدرسين في الجامعات ان نطلق ابداعات الطلاب بافساح المجال لهم ان يفكروا بطريقتهم هم وليس بطريقتنا نحن. يجب ان نفسح المجال لهم بان يختلفوا عنا. يجب ان نتركهم يفكروا خارج القوالب الجاهزة المعدة سلفا. يجب ان لا نحول طلابنا الى الات تعمل ضمن قواعد ثابتة لا تتغير. يجب ان لا نحول ابنائنا الى حواسيب لديها قدرة كبيرة على تخزين واسترجاع المعلومات دون فهم محتواها و دون القدرة على انتاج ما هوجديد و خلاق و مبدع. يجب ان لا نعلمهم ان واحد زائد واحد دائما و ابدا تساوي اثنين وان من يخالف البديهيات والقواعد الثابتة يعتبر سفيه او مجنون. يجب ان لانمارس على ادمغتهم سلطة تحدد لهم كيف يفكرون .
Quote: لكن كلام ود حلتنا عادل عاطي جهجاه شديد ما تحرف بوستيك ده ونقعد حكاية السما السابعة دي
مرحب بيك
اصلاً البوست فكرتو قايمة على (الرفض) رفض المسلمات والمعلبات الجاهزة .. غير المفكر فيها كثيراً .. او قليلاً يلا ياخي طلعونا من ضيق الاكاديميا * واسوارها لرحابة الفكر الحر
ما تشيل هم البوست .. هو قائم مفتول خلقة وكل ما يتفتل بستعدل (قالوا: الدبيب مرة سكر .. مشى عدييييل)
-----------
* قيل عن الاكاديميين "اسرى يلهون بالمعلوم" .. وهم سلفية بامتياااز في النقل والعنعنة
الغريبة شيوخي كلهم ما كانوا بحبوهم (من لدن ماركس لي ي ي ود البتولا)
01-04-2013, 06:42 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
قيقراوى...اذيك? كل السنة وانت طيب يا اخى. ما تاخد الحاصل ده بصورة بيرسونال....
4 - 4 = (2 - 2 ) ( 2 + 2 )
2( 2 - 2 ) = ( 2-2 ) ( 2 + 2 ) 2 = (2 + 2 )
2=2(1 + 1 ) 1=(1+1) اذا واحد + واحد لايساوي 2 الخطا فى الخطوة اللى بالاحمر...و فيها قسمتا على Zero انت هنا قسمتا طرفين المعادلة على (2-2)...و هذا لا يصح شرعا...قصدى حسابا
01-04-2013, 06:59 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: قيل عن الاكاديميين "اسرى يلهون بالمعلوم" .. وهم سلفية بامتياااز في النقل والعنعنة الغريبة شيوخي كلهم ما كانوا بحبوهم (من لدن ماركس لي ي ي ود البتولا) Gega
ازيك يا قيقا
من هم الاكاديميون؟ القال منو كلام النقل و العنعنة ده؟ و الغلط شنو في العنعنة و النقل بمفهومها الاكاديمي الصاح؟ رايك شنو في علم الحديث و العنعنة؟ و القال ليك منو ماركس و محسن ما كانو بيحبوهم؟
PS قدر ما حاولت اخت وش ضاحك عشان ابين حسن نية الاسئلة كمدخل لنقاش هاديء، غلبني
01-04-2013, 08:18 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
كما وجد أن العيش بين الأكاديميين يوماً بعد يوم مما لايطاق. وتساءل: من يريد أن يتحدث دائماً إلى الأكاديميين الذين وصفهم بأبي ظربان وهو صنف حيوان خبيث الرائحة. كما كره فيهم أنهم لا يجتذبهم البحث عن شأن ما إلا ليقف حمارهم عند عقبة كل ركن من أركان العالم
Quote: أمَّا الذين هم حقاً أسرى يلهون بالمعلوم، فالعلماءُ والأكاديميون من غير ذوي الموهبة. التي أعرّفها هنا، بمصطلح (الحدس الفلسفي) المعروف والشهير في الفلسفة بشقيها، علومها ومعارفها، معاً. والذي رصدتُه أثناء قراءاتي المستمرة منذ كان جنيناً بين يدي إفلاطون وصحبه وإلى تاريخنا اليوم، الذي هيمنت فيه الأكاديميا المحرّفة و############ة، غيرُ المشتملة على الحدس الفلسفي الذي زرعه فيها مؤسسها إفلاطون، مَنْ وقعت بأرضه خيانة وهو لا يدري. ففيم ستوحشنا هذه الأكاديميا ال########ة لو اختفت، لو كان مبلغ علمها أن تمسك بالفيل الضخم لتحصيه أمامنا، وتأتي لتقول لنا بوجه متأكد (طلع أربعة كرعين وخرطوم!؟) {أسرى يلهون بالمعلوم}. فأكاديميو اليوم هؤلاء، لن يطالوا حظَّ أصغر شاعرٍ يكتب الأغاني. فهم الأسرى حقاً الذين يلهون بالمعلوم، قَيْدَ النَّسق، مَنْ ينقصُ قلوبَهَم النبيُّ، وتعمل أدمغتهم ببرمجيات عناكب يأسرها المسارُ ببغلته لا (المَشَاقَقة) ببراقاتها.
الرياضيات مقدسة? ايوه. الرياضيات بتعلم المنطق. هى اساس (اغلب العلوم). لولا الرياضيات ما كنا طلعنا للفضاء او عرفنا كومبيوتر او انترنت..... لو لا الرياضيات ما كان هناك علم اقتصاد ما كنا سقنا عربات و اسمتعنا بالكهرباء و كل اللى بتجيبه معاه. مع كامل احترامى للعلوم الانسانية ذى الاداب و القانون....لكن العلوم العلمية و فى مقدمتها الرياضيات اساس الحضارة اللى عايشين فيها الان. ___________________________________ معليش على لخبطة البوست. انا ح اتخارج و اخليك تواصل
Quote: الرياضيات مقدسة? ايوه. الرياضيات بتعلم المنطق. هى اساس (اغلب العلوم). لولا الرياضيات ما كنا طلعنا للفضاء او عرفنا كومبيوتر او انترنت..... لو لا الرياضيات ما كان هناك علم اقتصاد ما كنا سقنا عربات و اسمتعنا بالكهرباء و كل اللى بتجيبه معاه. مع كامل احترامى للعلوم الانسانية ذى الاداب و القانون....لكن العلوم العلمية و فى مقدمتها الرياضيات اساس الحضارة اللى عايشين فيها الان. ___________________________________ معليش على لخبطة البوست. انا ح اتخارج و اخليك تواصل
ابداً يا سمات برعي اسمارت محتاجين اراء اسمارت هنا ..
لكن كدي اتخيلي معاي لو كان الحياة في كوكبنا دا اتطورت بشكل مغاير لي الاسي دا .. علوم واديان وكل الشغلات دي .. مش وارد كان نكون اكتر سعادة من الحاصل اسي دا؟
بطريقة تانية لو افترضنا وجود حياة عاقلة في كوكب تاني في الكون الفسيح دا، خلينا نقول مثلاً في كيبلر 22* هل تفتكري انو اخدت نفس المسار الكئيب والسيرورة على الارض؟
حليلنا يا قيقا وحليل زمن الرياضيات كانت بالنسبة لينا علم الله يرحمه البروف عبدالله الطيب نسبت إليه مقولة ان الجامعة علوم وآداب وما سواها مهن تدرس أها انا بضيف للمقولة دي الجامعة علوم و آداب و سكول كمان, وبنتهز الفرصة وبدعو ليك الحبشي كممثل لناس اسكول في الموضوع دا بس ما اظنه فاضي اليومين ديل ههههههههههههه
01-04-2013, 09:37 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: ودعني أحكي لك هذه الحكاية علها توصل ما فشلت عن ايصاله لك : عندي صحبي اسموا صفوت صلاح معاكم في جدة الله والرسول حكي لي ذات مرة بمغص إنو المثقفين السودانيين ديل بفرحوا لامين يقع زول قدامهم ، أها أنا كلام صحبي ده ما رميتو في يوم واطة والله . فشاهدت بأعيني موش الفرح في عيون الناس بل شاهدت الاحتفالات من خلال كيبوردات البعض .
في واحد متذكر كلام د. حيدر علي ابراهيم يناولنا وله اجره؟
----------
يا رحاب برضو لو قعدتي لينا النظرية الانا ما قدرت اتذكرا دي لك ثواب عظيم والله عشرين سنة قصرت الخطى والنظر انا من الكلام د :)
برضو اتذكر زمااان قريت لي مقال عنوانو "ثقافتين أقل من واحدة" او نحو ذلك وكان يعنينا نحن ديل. .. السودانيين الشماليين (بالقديم) عموم!
01-05-2013, 04:24 AM
كمال علي الزين كمال علي الزين
تاريخ التسجيل: 11-14-2006
مجموع المشاركات: 13386
Quote: قيل عن الاكاديميين "اسرى يلهون بالمعلوم" قيقراوي
Quote: أمَّا الذين هم حقاً أسرى يلهون بالمعلوم، فالعلماءُ والأكاديميون من غير ذوي الموهبة. محسن خالد، بوست زهرة الغرق، سودانيات
******************************************************************************** سلامات تاني يا قيقراوي و مشكور علي الرد علي جزء من اسئلتي ما ح استعمل الكيليشيه بتاع لا تقربو الصلاة، لان اظن الصورة وضحت. شوف الفرق بين النقل و العنعنة الصاح، كما في مقال محسن و نقلك و عنعنتك الغلط، نسبت جملة للكاتب خطيرة و تضعه هو ايضا في مجموعة انه اسير يلهو بالمعلوم، لكن الكويس انك جبت الكوت عشان يتضح القصد الاصلي، الكاتب لم يجمل كل الاكاديمين كما فعلت و لكنه تحدث عن الاكاديمي غير الموهوب.
باختصار تكويتك لكلامه يخل من معناه بشدة.
اكيد جملتك عليها كل اعتراض. اما جملة محسن خالد اؤكد عليها من زاوية اني اكاديمية و لن انسب موهبة لنفسي، و لكن علي الاقل الاكاديمين غير الموهوبين جليين لي و لغيري من الاكاديميين و حتي غير الاكاديمين.
ساتيك في نقطة العنعنة و النقل و معني اكاديمي و مقال ماركس و حياته بين الاكاديمين و دوره كاكاديمي في تاسيس العلوم الاجتماعية و هل محسن من قرايتي في المنبر كاره للاكاديميين
و بالمناسبة، جملتك المكوته ادناه دي، و قرايتي السريعه للمقال، يوحو لي بانك لم تفهم الهدف من المقال، لانه الاكاديمية الحقة لا تتعارض مع رحابة الفكر، و القوانين الموضوعة كجزء من الاكاديمية وضعت لتحرر الفكر، مثلا النقل و العنعنة، التفصيل في مداخلة لاحقة كان الله مد في الاجال. الضيق ليس ضيق الاكاديميا و لكن الضيق هو ضحالة الفكر من بعض ممارسي الاكاديميا او من ينسبون انفسهم اليها.
Quote: يلا ياخي طلعونا من ضيق الاكاديميا * واسوارها لرحابة الفكر الحر Gega
شاكرة رحابة صدرك لنقاشات مختلفة في البوست، و عذرا لو تفرعت بجزئية منه. لو تحب، نفرد بوست منفصل للموضوع ده
******************************* تم تعديل المداخلة، لتصحيح من الاخ قيقراوي - مشكورا، عن نسبتي الخطا لمقولة كتبها محسن خالد للدكتور عبدالله "أمَّا الذين هم حقاً أسرى يلهون بالمعلوم، فالعلماءُ والأكاديميون من غير ذوي الموهبة".
تم التعديل حتي لا يتكرر الغلط و تنسب المقولة لكاتب غير كاتبها الاصلي. التعديل لم يضر بروح المداخلة الاصلية و سؤالي لقيقراوي في صحة نسبة خطاب بصورة غلط لكاتبه لدي صورة من المداخلة الاصلية لكل من يريد التاكد من ذلك.
شكرا يا محمد البشرى على الدعوة والأخت سمارت ماقصرت مع قيقراوي ------------------------------ قيقراوي تحياتي المعادلات دي عندها علاقة بالعلوم الإدارية http://www.hindawi.com/journals/ads/2011/745896/
01-05-2013, 11:52 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: أمَّا الذين هم حقاً أسرى يلهون بالمعلوم، فالعلماءُ والأكاديميون من غير ذوي الموهبة. د. عبد الله علي إبراهيم
د. ع ع ابراهيم لم يقل ما نسبته له .. ولا انا نسبت ليو الكلام اعلاه
الكلام اعلاه لمحسن خالد ورابط البوست تحته
وواضح من السياق لأنو سؤالك كان عن ماركس ومحسن خالد (قالو لي الكلام وين!!) د. عبد الله علي ابراهيم هنا راوي فقط لا غير .. ومن الثقات عندي، خصوصاً في شأن ماركس
-----
برضو انا البستعجل في القراية وبعنعن غلط؟
بالمناسبة "اسرى يلهون بالمعلوم" محسن نفسه منصصها (على انها منقولة) وغالباً هي لشيخه -زمان، صراحة ما عارف اسي الوضع كيف- (انطوان شيخوف)
01-05-2013, 12:36 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: د. ع ع ابراهيم لم يقل ما نسبته له .. ولا انا نسبت ليو الكلام اعلاه الكلام اعلاه لمحسن خالد ورابط البوست تحته Gega
كلام صاح، القال الجملة دي و الباراقراف كامل، محسن خالد. و غلطة في القراية مني ما دايرة ليها اي مماحكة. و ساعمل تعديل في نسب الجملة و ما يتبعها حتي لا تنسب بالغلط مره اخري بسببي، و انسب فضل التنبيه لك. تنبيه بسيط لو تقبلته اكون من الشاكرين و لك ان تعمل به او تتجاهله، الرجاء نسب جمل خطيرة و ذات سياق بحثي مثل التي قلت عن الاكاديمين منذ البداية لكاتبها الاصلي لتسهيل النقاش و لمعرفة سياق الكلام. يعني باختصار لو قلت من البداية انه الجملة ده قائلها محسن خالد او دكتور عبدالله، كنت فهمت مباشرة انك فاهم غلط.
و لكن نقطتي التي تستحق الرد منك، ما زالت في مكانها: سؤالي لا زال قائم، سواء كتب الجملة دكتور عبدالله او محسن خالد - انت ما شايف انك غلطت في قراية كلام محسن و حديثة عن مجموعة معينة من الاكاديمين لتنسبه لكل الاكاديميين؟ انت قولت الكاتب كلام ما قاله، او اقتبسته بصورة ناقصة ترمي بغير ما القصد العام من النص، واعادة لكلامي، تحدث عن نوع معين من الاكاديمين، وليس كل الاكاديمين ما اشرت انت في مداخلتك.
*********************
Quote: بالمناسبة "اسرى يلهون بالمعلوم" محسن نفسه منصصها (على انها منقولة) وغالباً هي لشيخه -زمان، صراحة ما عارف اسي الوضع كيف- (انطوان شيخوف) Gega
من غير احتساب ضربات جزاء ما عندها معني في النقاش، اعتقد في نفس البوست نسب محسن الجملة لنوري الجراح:
Quote: من التعابير البديعة والنابهة جداً، التي قرأتُها لنوري الجرّاح وفتنتني للغاية، حينما وصف أنواعاً معيّنة من الشعراء غير المبتدعين بقوله (أسرى يلهون بالمعلوم)، هذه العبارة فاتكة، وبديعة بالجد. محسن خالد في زهرة الغرق، سودانيات
01-05-2013, 12:58 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: قيل عن الاكاديميين "اسرى يلهون بالمعلوم" قيقراوي
Quote: قيل عن الاكاديميين "اسرى يلهون بالمعلوم" .. وهم سلفية بامتياااز في النقل والعنعنة الغريبة شيوخي كلهم ما كانوا بحبوهم (من لدن ماركس لي ي ي ود البتولا) Gega
Quote: و القال ليك منو ماركس و محسن ما كانو بيحبوهم؟
أمَّا الذين هم حقاً أسرى يلهون بالمعلوم، فالعلماءُ والأكاديميون من غير ذوي الموهبة. محسن خالد، بوست زهرة الغرق، سودانيات
وما دخلي انا بالقالو محسن خالد!؟
سألتي سؤال محدد "و القال ليك منو ماركس و محسن ما كانو بيحبوهم؟ " جبت ليك الكلام دا من محسن خالد:
Quote: ففيم ستوحشنا هذه الأكاديميا ال########ة لو اختفت، لو كان مبلغ علمها أن تمسك بالفيل الضخم لتحصيه أمامنا، وتأتي لتقول لنا بوجه متأكد (طلع أربعة كرعين وخرطوم!؟) {أسرى يلهون بالمعلوم}. فأكاديميو اليوم هؤلاء، لن يطالوا حظَّ أصغر شاعرٍ يكتب الأغاني. فهم الأسرى حقاً الذين يلهون بالمعلوم، قَيْدَ النَّسق، مَنْ ينقصُ قلوبَهَم النبيُّ، وتعمل أدمغتهم ببرمجيات عناكب يأسرها المسارُ ببغلته لا (المَشَاقَقة) ببراقاتها.
انت لو قارياهو حب في الاكاديميين، انا لأ .. المافي شنو هو يا اخوانا!؟
------
ما عندي زمن اكتر اضيعو في الموضوع دا .. لا هنا ولا في أي مكان تاني وأخد مني اكتر مما يستحق من وجهة نظري ولك الحرية فيما تري
واصلي هنا لو حبيتي .. ابداً ما اتضايقت وانا بلتزم اذا لقيت عندي لسة كلام في الحتة دي تأكدي ح اقولو وإلا فالعذر منك
وكوني بألف خير
01-05-2013, 01:54 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: قيل عن الاكاديميين "اسرى يلهون بالمعلوم" قيقراوي
Quote: أمَّا الذين هم حقاً أسرى يلهون بالمعلوم، فالعلماءُ والأكاديميون من غير ذوي الموهبة. محسن خالد، بوست زهرة الغرق، سودانيات
*********************************************************** ده سؤالي يا قيقراوي كان جيت راجع ليه ولا سبته، ح يكون كده معلق في البوست و للقاريء. و ارجو ان يحضرنا فيه اي من المتداخلين لو شافو انه سؤالي ما في محله.
سالتك سؤال بسيط عن كلامك "عمن يلهو بالمعلوم"، القولته لمحسن. باختصار تاني، محسن تحدث عن بعض الاكاديميين و انت تحدثت عنهم كلهم في نسبة مقاله عمن يلهو بالمعلوم. اقول ليك انا المافي شنو: المافي اعترافك بصراحة انك غلطت في نسبة جملة لكاتب بصورة لا تستقيم مع مقاله.
الكلام الباقي ده كلللللللله، الانت منزله في مداخلتك الاخيرة ما جيتك فيه راجعة لسه، وقفت ليك فقط في النقطة الاولي دي ولا يهمني بكثير قرايتك لكلام محسن او ماركس عن حبهم او كرههم للاكاديميين.
مش بوستك ده عن المراجعة و الخطا و الاعترافات؟ اهو احنا فيها! و اتقبل بكل رحابة صدر تصحيحك لي في اي غلط كما تقبلته سابقا، بل و اشكرك عليه.
و مع قلة زمني و مرضي حاليا، لا اعتبر نقاشي معك هذا مضيعة لوقت. ساواصل متي ما استطعت لذلك سبيلا، سواء حبيت تواصل في ردودك ام لا.
01-05-2013, 02:57 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
ده سؤالي يا قيقراوي كان جيت راجع ليه ولا سبته، ح يكون كده معلق في البوست و للقاريء. و ارجو ان يحضرنا فيه اي من المتداخلين لو شافو انه سؤالي ما في محله.
ونعم الحكم نخليها على حصافة القارئ العلاقة شنو بين (قيل) ومحسن خالد تحديداً!؟
لا دا ما كان سؤالك .. بل (وين قالوا لي -في اضاني- انهم ما بحبو الاكاديميين). ومن الجبتو ليك نسلتي سؤالك اعلاه.
نصصت فقط التعبير "اسرى يلهون بالمعلوم"، والباقي كلامي انا دا .. واتحمل مسئوليتو انا دا. مع اني انا لمن قلت كلامي قلتو من الذاكرة، ولمن رجعت للكوت اعلاه لقيتو فعلاً بعمم (اكادميو اليوم)
واقول ليك بصراحة لاول مرة انتبه لانو صاحب العبارة الاصلية كان بقصد الشعراء (في لحظة كتابة الجملة البقت الموضوع دي!!) من اقتباسك، لمن قلت ما قلت وعلى الذاكرة كنت معتقد انو بتكلم عن الاكاديميين (التنكير في قيل راجع ليو هو مش محسن خالد):
Quote: من التعابير البديعة والنابهة جداً، التي قرأتُها لنوري الجرّاح وفتنتني للغاية، حينما وصف أنواعاً معيّنة من الشعراء غير المبتدعين بقوله (أسرى يلهون بالمعلوم)، هذه العبارة فاتكة، وبديعة بالجد. محسن خالد في زهرة الغرق، سودانيات
اعتراف رقم (2) نعم كنت مخطئ مرفق اعتذار واضح وصريح .. غير ذي عوج
تكسبي يا ستي خلصنا؟
اجيب ليك رأي (رسل) في كل التعليم النظامي؟
-----
شفيع يا رااقل و الحبشي آسف على تأخير الرد بجيكم كان الله هون الزمن
لكن الموضوع كان شنو هو؟
01-05-2013, 05:13 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: لا دا ما كان سؤالك .. بل (وين قالوا لي -في اضاني- انهم ما بحبو الاكاديميين). ومن الجبتو ليك نسلتي سؤالك اعلاه. Gega
انا اعرف بسؤالي منك يا قيقراوي ما نسلت ولا لخبطت ولا اتلكعت ولا دورت ولا اتلفت! في الحقيقة انا سالتك جملة اسئلة و للان محتارة انت ربطت سؤالي المكرر دعشمية مره بس بالنقطة ديك ليه، و دي مداخلتي الاولي مكررة تحت. كل سؤال من ديل قائم بذاته ويخص نقطة كنت اود مناقشتها.
Quote: ازيك يا قيقا من هم الاكاديميون؟ القال منو كلام النقل و العنعنة ده؟ و الغلط شنو في العنعنة و النقل بمفهومها الاكاديمي الصاح؟ رايك شنو في علم الحديث و العنعنة؟ و القال ليك منو ماركس و محسن ما كانو بيحبوهم؟ Rihab on her first post in this thread
**************************
Quote: نعم كنت مخطئ مرفق اعتذار واضح وصريح .. غير ذي عوج تكسبي يا ستي خلصنا؟ Gega
كسبت انت يا قيقراوي قبل القاريء.
خلصنا؟ لا، لسة ما خلصنا. شاكرة مرة اخري رحابة صدرك في الرد!
**************** شكرا لامنيات الشفاء
01-05-2013, 05:31 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
ارد فقط على ما يخدم خطه ,, وغير ملزم بأي اجندة اخرى فتح البوست مجاني بالمناسبة للداير يناقش حاجة تانية!
باقي اسئلتك لا تهمني هنا ولا شايف فايدة ليها (معليش على الصراحة)
------ لما فتحتو
عموماً انا ذاتو نسيت اسي ,,او لم تعد لي رغبة في المواصلة في الفكرة الاساسية والهي كان عندها علاقة بالتحرر من ربقة الاستعباد لاي حاجة وفك اسار القيود والقفز على الاسوار ,, والهم فرض طريقة تفكير واحدة كواحد صحيح، لا يقبل القسمة على اكتر من واحد
الداير يناقش اي حاجة فيو فليتفضل
01-05-2013, 05:40 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
و الله بحاول قدر قدرتي انه ما اصل حد المساخة و القطامة في ردودي، و لسه بحاول، لي نفسي دي بالاول مش انا فاتحة بوست عن المياسرة? و الله فتحته عشان احاول اقوم الحته دي عندي.
ده منو القال ليك سبب فتح البوست شنو اسي؟ و مين القال ليك ترد علي شنو و تسيب شنو؟ ما هو انت شغال بكيفك و تفط بكيفك، في زول من المتداخلين ولا حتي انا سالك ليه ما رديت عليه ولا علي اسئلته؟ سؤالي عن لخبطتك في الكلام و تربيطك للكلام بصورة غريبة.
انتو البوستات دي لمن بتفتحوها بكري قال ليكم هاكم طبلتها، تناقشو عجبكم، و الما يعجبكم تقولو ليه امشي محل تاني؟ دعوتك لتحرير الفكر؟ الن تتبعها بتطبيق؟ طيب ياخ، اعتبرني انسانة استحق ان تصرف علي دقائق من وقتك الثمين لتعليمي، و علمني
و بنفس الصراحة التي تحب، يعني انا تفتكر لو بيهمني رايك انه اكتب هنا ولا لا، او يهمني رايك عن ما هو يخص البوست ولا لا، كنت واصلت من اول رد ليك هنا؟ ما تشوف ظرافتي دي اني سالتك لو حابي اطلع من البوست ولا لا
لا ياخ، الصراحة مهمة و الله جدا و اصلها ما تستاهل الاعتذار. و لو كانت دي اجابتك من البداية علي اسئلتي، انها غير مفيدة، كنت ساقول ليك جدا و الله، وجهة نظر برضك منك، و كنت تفضلت ووضحت ليك بالتفصيل الممل، كما ساوضح اذا الله اداني وقت و عمر اهميتها.
تفتحو الموضوع و لما ينفتح نقاش جادي، تقلبها اجندات اخري و حاجات تانية؟ اجندات شنو و حاجات تانية بتاعة شنو كمان؟ غايتو لو تصحيحك عن كوتك الغلط ده يبقي حاجة تانية، كان كدي البوستات دي كلها مدورة عن حاجات تانية!
استراتيجيات نقاش عجيبة: شي، انتقائية في الرد شي، تحريف لكلام ناس قالوه و لف و دوران حول تفسير ذلك!!! وشي، قطيع و لصيق و شي، من انتم و اجندتكم الخاصة شنو؟ و شي، كرهتونا اطلعو من البوست ده شوفو بوست تاني و شي، انا حردان ما داير ارد
و الله صحي علي قولك، المافي شنو؟
********************************** انت افتح و انسي او افقد رغبتك، و تاكد الناس بتواصل و كان بيريحك اكتر، اطلب من بكري يشيل البوست
01-05-2013, 06:47 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
نيابةً عن نفسي واصالةً عمن معي: سلام على قدر عدد الجماعة .. لكن ما بضمن ليك انو يكون مساوي تماماً للعدد فينا طاقة سلبية مهولة .. واهو البوست دا أكبر دليل! اللهم وقنا شح انفسنا .. ومن وق شح نفسه فقد فاز فوزاً عظيماً
ياخي انت اشطر زول في الرياضيات هنا، بعد الحبشي طبعاً، وقبلي مباشرةً واتوقع انك -على ما لمسته من روحانياتك العالية- تكون فاهمني بقول في شنو؟
------
صراحة زمان كنت قايل نفسي اشطر زول!!
ودا ممكن تعتبروهو اعتراف رسمي برضو
01-06-2013, 10:37 AM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
Quote: شكرا يا محمد البشرى على الدعوة والأخت سمارت ماقصرت مع قيقراوي ------------------------------ قيقراوي تحياتي المعادلات دي عندها علاقة بالعلوم الإدارية http://www.hindawi.com/journals/ads/2011/745896/
فعلاً سمارت برعي سمارت ماقصرت معاي كلو كلو
Quote: الخطا فى الخطوة اللى بالاحمر...و فيها قسمتا على Zero انت هنا قسمتا طرفين المعادلة على (2-2)...و هذا لا يصح شرعا...قصدى حسابا
سمارت برعي سمارت .. وبالعكس
ولا في الاحلام ما كنت متخيل (مهندسـ/ـة) يصيغا لي كدا!
------
خليك معانا..
نشوف منو الماسك ضنب الككو .. ومنو المتلبلبو
وغايتو لحدي اسي مراصدنا رصدت ناجي وحيد .. وأوحد
Quote: ابواب السماء دي وين دي ؟؟؟ والسماء ذاتا وين ؟؟؟ ما يكون قاصدين انعكاس الضوء الازرق في الغلاف الجوي ؟؟؟ مطر دون سحاب دي ما بتجي ... حتجي من وين يعني ؟؟
عادل عبد العاطي
01-06-2013, 11:07 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: لانه الاكاديمية الحقة لا تتعارض مع رحابة الفكر
كلام سليم يا رحاب اما اذا كانت رحابة الفكر بتعني الكلام سااااي دون منطق ولا مسؤولية، فالأخ قيقراوي -في هذه الحالة- ليه حق..
____ معليش يا خوانا، كلام الأحسن علوم ولا آداب وفنون بيشبه هلال مريخ في سذاجته واستهلاكه.. مع اختلاف انه العلوم والآداب بتكمل وتثري بعض، بينما الهلال والمريخ الإتنين سجمانين.. ده تلتخ بيه ده
____ في ناس في البورد ده يا رحاب شكّكت في قيمة التعليم ذات نفسه قبل كده .. خليك من الأكاديميا الحقة والعميقة ده زمن الحنك والتقهقر للخلف بسرعة ماكوكية..
01-06-2013, 02:34 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: كلام سليم يا رحاب اما اذا كانت رحابة الفكر بتعني الكلام سااااي دون منطق ولا مسؤولية، فالأخ قيقراوي -في هذه الحالة- ليه حق..
شكراً استاذة نجوان
لو بختلف معاك في حاجة فهي في (منطق) و (مسئولية) دي ذاتا انا شايف الناس مفروض يختلفوا فوقا بدون تسفيه وتحقير للمغاير، طالما هو مغاير .. ول شنو؟ المهم ما يتناقض اساس المعرفة مع محتواها عندي.
ببساطة زول يقول دا تور -لانو شايفو تور- ما مفروض نجبروا على انو يحلبو لأننا شايفنو بقرة.
بالمناسبة دي بهمني رأي الناس في (انثوية العلم -ليندا جين شيفرد)
Quote: أنثوية العلم : العلم من منظور الفلسفة النسوية
الفلسفة النسوية من أهم تيارات الفكر الغربي الراهن والفلسفة المعاصــــــــــرة. وظهرت فلسفة العلم النسوية كاتجاه واعد بالجديد في فلسفة العلوم، يرفـــــض اعتبار التفسير الذكوري هو التفسير الواحد والوحيد للعلم، فليس الرجل هـــــــو الإنسان، وليست الذكورية مرادفة للإنسانية، وليست المـــــــرأة جنساً آخــــــر أو نوعية أدنى من البشر. الذكورة والأنوثة هما الجانبان الجوهريان للوجود البشري، لكل منهمــــــــــــــــا خصائصه وسماته ودوره، وتتكامل جميعها في سائر جوانب الحضـــــــــــــــــــارة الإنسانية، وعلى رأسها أمضى الجوانب وأشدها فاعلية وحسماً، أي العلـــــــــــم. وحين نكشف النقاب عن حقيقة العلم والممارسة العلمية، العلم بوصفـــــــــــــــه كياناً تتكامل فيه سائر الخصائص الإنسانية الإيجابية، الذكورية والأنثويــــــة على السواء، وليس الذكورية فقط كما هو سائد الآن، سوف يغدو العلم أكثــــــــــر جاذبية وكفاءة، يؤدي إلى حصائل أكثر سخاء وتوازناً وأقل أضراراً جانبـيــــــــة- من قبيل تدمير البيئة وتصنيع أسلحة الدمار الشامل، واتخاذه أداة لقهـــــــــــــر الثقافات والشعوب الأخرى. لا تطرح هذه الفلسفة تفسيراً نسوياً مقابلاً، بل تعمل على اكتشاف الأنثويـــــــة كجانب جوهري للعلم، لا بد أن يقوم بدوره في صياغة قيم العلم وأهـــــــــدافه و مناهجه وشرائع ممارسة البحث العلمي. إنها نظرة تكاملية ترسي أسس فلسفــة للبيئة وأخلاقيات جديدة للعلم، تجعله أكثر إبداعية وإنتاجاً، وأكثر مواءمـــــة لتحقيق الأهداف المجمع عليها. إن الفلسفة النسوية بعامة قامت لترفض مركزية العقل الذكوري، أي التفســـــير الذكوري الواحد والوحيد المطروح للحضارة، وبالمثل ترفض فلسفة العلم النسوية التفسير الذكوري المطروح للعلم، وتحاول تقديم تفسير آخر يبرز دور الـــــــمرأة وقيمها الأنثوية.
-----
Quote: في ناس في البورد ده يا رحاب شكّكت في قيمة التعليم ذات نفسه قبل كده .. خليك من الأكاديميا الحقة والعميقة ده زمن الحنك والتقهقر للخلف بسرعة ماكوكية..
المسألة ما مقصورة على البورد بس.. من البيت لو لقيت زمن ممكن انزل مقطع من كتاب بتضمن اراء قريبة
01-06-2013, 11:06 AM
Bushra Elfadil Bushra Elfadil
تاريخ التسجيل: 06-05-2002
مجموع المشاركات: 5252
يا فتح الرحمن قيقراوي عندي طلب أن تكتب باسمك الحقيقي . وعن كتابتك أعتقد أنك تخلط الجد بالهزل بطريقة يتعذر فيها مناقشتك في اي موشوع.وعندك طريقة مبتكرة لهذا الخلط هو استخدام متلازمة اسلوبك هنا التي اعترف بأنها بديعة ( المافي شنو) مثل استخدام تبارك ل(المهم) .هي بديعة لكنها تقليعة وكذلك استخدامك للكلام تحت الخط بعد انتهاء مداخلتك الأساسية.ف ي الفكاهة هذه مغهومة مثل متلازمة ناجي العلي حنظلة لكن في النقاش الجاد هذه الفوت نوت غير مبلوعة والمداخلة لا ينبغي أن تحتاج لمثل هذا الخلط بين المزاح والجد. المافي شنو في كتابتك؟ المافي في كتابتك هو جديتّها.
01-06-2013, 11:48 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
وتحية خاصة لاستاذنا د. بشرى الفاضل وبالجد سعيد بشوفتك هنا (في واحد من بوستاتي المهببة دي) بالنسبة للكتابة بالاسم الحقيقي يسأل بكري وانا غير ملوم رسلت ليو اسمي الكامل (فتح الرحمن خلف الله عبد الكريم حمودي (قيقراوي)) كإمتحان اختار الاخر ..
اذكر اني كاتبتو بعدها لتغيير معرفي لـ(فتح الرحمن حمودي) .. ولا حياة لمن ناديته.
في قصة طريفة جداً بالخصوص دا، مرة صديقنا الشاعر الجميل مجاهد عيسى طرح نفس الطرح دا في واحدة من لمات البورداب، فسألتو عن (فتح الرحمن خلف الله)؟ قال لي: والله الاسم دا ما غريب علي يا (قيقا)!
-----
اها الوش دا في ذمتك ما (مستحق) هنا؟
برجع ليك تاني لبقية المداخلة .. ورأي المحترم جداً عندي بخصوص (مشاركتي) هنا في اسافير الله دي
بالمناسبة الاسلوب (بنطلون وقميص) انا واخد عن دينا خالد، عن (نجوان) الفوق دي في رواية مجيدة.
01-06-2013, 12:14 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
* بالمناسبة ما في خطا -مع اعتراف واضح وصريح بضعف لغتي الانقليزية- لكن انا وشيطاني حاجة واحدة (1+1=1) انا المتكلم (ودا السالب الساهمت بيو في انو 1+1 لا تساوي 2)
01-06-2013, 01:42 PM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
يا قيقا ياخ ما تاخد فى نفسك كتير زوايا الشوف متعددة شديد (وده بوست مؤجل)
القصة لا واحد لا اتنين والقال للحقيقة وجه واحد غلطااااااان للحقيقة عند الناس عدة وجوه !!!!!!
يا قيقا الدنيا يا ما فيها بلاوى وامتحانات كنت قد حدثت اخانا فى الانسانية هيثم ساى ان صاحبكم عاوزنا نحن الصوفية ديل بنفهم كلامه سمح و بنساعده تماااام :) شفت كيف...
المشكلة يا قيقراوى انو الناس بتخش بزاوية شوفها بس وده عادى و مفهوم و من حقهم عديل كده و يقعدوا يزاحموك فى زاويتك و يطلعوها ليك فشنك وده عادى ومفهوم بس يحرموك منها ده الما من حقهم
لو جينا يا كمال على الزين نتكلم عن الماورائيات هنا فى البوست ده عليمك الله قيقا ده اول زول ح يجن بس اخير نسكت وزى ما قال اخونا كبر ... او كما فهمت من مداخلته انو بعض الناس ما بتقدر على كلام زى ده عشان كده بتحاول تقمع اى محالة لاخراجه على الملأ
يا رحاب قيقا ده قال الرووووووب :) :) :)
قيقا يا ولدنا كلم رحاب قول ليها اننى والله شطاااارة ساكت ابعض الاكاديمين فى هكذا كلام حتى ولم لم يبعضهم الكاتب ... وكده بتخلص :) :) :)
لولا الاكاديميا وصرامتها لما تقدمنا شبر لقدام و كده ولولا الما ورائيات لما تاقت ارواحنا لرحابة الفكر والعلم ... شفتو كيف!!!!!
01-06-2013, 05:19 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: لولا الاكاديميا وصرامتها لما تقدمنا شبر لقدام و كده ولولا الما ورائيات لما تاقت ارواحنا لرحابة الفكر والعلم ... شفتو كيف!!!!!
حتى انت يا بروتس ماسكة ضنب الككو دا ما حصل يوم فكرتي في (صرامت) دي بتشبه ليك منو!؟
لا بالجد كدا ما حاسة انو العلم دا صفاتو رجال رجال كدا؟
------
عيبوا لي مدخل الانثوية في العلم؟
فاصل ونواصل:
الرحابني، فيروز، جبران خليل جبران
وتلاقت قممٌ يا مرحى!!! مقاطع من قصيدة المحبة لجبران خليل جبران
وظلّ المصطفى، المختارُ الحبيب الذي كان فجراً لذاته... ينتظرُ سفينتهُ ...في مدينة اورفليس وفي السنة الثانية عشر، في السابع من شهر الحصاد صعِد الى إحدى التلال ونظر صوب البحر، ورأى سفينته غافيةً فصلّى في سكون نفسه، وقال في قلبه :"كيف امضي عن هذه المدينة ....واعبر البحر من غير كآبة؟" وعندما دخل المدينة ... استقبله الشعب ، كانوا يهتفون :"لا تفارقنا، لا تفارقنا، فالمحبة لا تعرف عمقها...إلا ساعة الفراق"
حينئذٍ قالت الذكرى ، حدّثنا عن المحبة، فقال:
"إذا المحبة اومت اليكم، فاتبعوها... إذا ضمّتكم بجناحيها، فأطيعوها... إذا المحبة خاطبتكم، فصدّقوها.. المحبة... تضمكم الى قلبها كأغمار حِنطة... المحبة... على بيادرها تدرسكم لتُظهر عُريكم المحبة ...تطحنكم فتجعلكم كالثلج انقياء المحبة... لا تُعطي إلا ذاتها المحبة ...لا تأخذُ إلا من ذاتها لا تملكُ المحبةُ شيئاً، ولا تريد ان احدٌ يملكها لأن المحبة مكتفية بالمحبة، بالمحبة..." وقالت الذكرى ثانيةً، حدّثنا عن الزواج، فقال: " وُلدتما معاً، وتظّلان معاًُ حتى في سُكون تذكارات الله ومعاً حين تُبددكما، اجنحةُ الموت البيضاء... كونا فرحين، غنّيا فرحين... انما اتركا بينكما بعض فسحات لترقص فيها، رياحُ السماوات ..." ثم قالت له امرأةٌ، حدّثنا عن الأولاد فقال: " اولادكم ليسوا لكم، اولادكم ابناء الحياة، والحياةُ لا تُقيم في منازل الأمس " وكان المساء... وكان المساء....فصعِد الى السفينة وقال وداعاً يا ابناء اورفليس... الريح تأمرني ان أفارقكم، وسوف اعود ثانيةً اليكم... الريح الريح تأمرني الريح وسوف اعود ثانيةً اليكم...
وعندما اشار... ورفع البحارّة المرسات... وصوب الشرق ابحرت السفينة...
أما انت اذا احببت فلا تقل الله في قلبي ...لكن قل انا في قلب الله....
01-06-2013, 01:38 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: ضيق أخلاقك خلاك تخسر 10/0 صفر عاود المحاولة ..وكل سنة وبالك أطول ياخ ..
صدقت وانا من الخاطئين
خلينا نسغفك في الكورة (والرجاء التصويب يا ابا حتوت وحمودي لو دقست) ..
تعرفي ثلاثي الوسط -في الخطة الكلاسيكية 4 3 3 - هم هاف ماش، ديب سنتر فرود (فوروورد) - ان سايد ساقط
بهمني الاول هنا .. لانو وظيفة كل واحد بتختلف من التاني، الاخير بسند الهجوم والوسطاني بصنع الالعاب (مايسترو، كابتن سامي عزالدين، كندورة، البرنس ...) والاول مهمتو يخرمج.. اي والله يبوّظ هجمات الخصم .. بس
زي منقستو في هلال 1987 العظيم .. كان بكون (أحسن) لاعب في المبارة بقياس الفعالية (تحقيق الهدف)، والفاعلية (كفاءة الاداء)
رغم كدا بكون الناس الما مثقفين زيكم كدا شايفنو اتبشتن ساااي!
مجنونٌ من ظن ان الاشياء هي الاشياء!
-----
دا كلو كوم ومسك ضنب الككو كوم
بستغرب جداً لمن القى لي نساء بدافعو عن صنم العصر المسمى (علم) دا! ما ملاحظين انو الرجال صمموا (الإله) دا على هيئتهم ومسكوكم ضنب الككو دا يا مؤمنين ومصدقين؟
01-06-2013, 12:47 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: عن نفسي الوش مناسبتو خاطرة شيطانية كانت بتقول لي:
I rest my case* رحاب نقول ليها اشرحي لينا النظرية (نظري)، تشرحا عملي!؟ طلعت كل طاقتا السلبية في اثبات المثبت (اسيرة تلهو بالمعلوم بالضرورة) ياخي هل بيضنة قيقراوي بتحتاج كل الجهد دا؟ Gegarawi
بالمناسبة، انا نقطتي الكنت عاوزة اوصلها ليك بخصوص اقتباساتك الغلط، وصلتها لك و للقاريء الباقي التحت ده اعتبره زيادة خير. *******************************
يا قيقراوي يا بتاع الفكر الحر و الوشوش الخضراء هو الفكر الحر ده بيجي كيف في الحياة الحقيقية؟ مش التنظيرية حقتك دي! خلي نفسك طويل و بالك اطول. و ما تستهزا بكلام محاوريك و اعطي اعتبار لكل من يتناقش معك بتهذيب، و ابعد عن الاتهامات و سارع بالاعتراف بغلطك (كلنا بنغلط) و صحح اغلاط الاخرين بهدف تعليمهم ما تيسر و لا تخلط الجد بالهزل.
طاقتي السلبية يعني شنو؟ في اعتقادي انا الطاقة السلبية اتت منك و ما زالت، لعدم صبرك علي النقاش وعدم اقرارك من البداية بغلطك و لولوتك في تصحيح نفسك، و اتهامك لي بان لي اجندة و همزك و لمزك في مداخلات تلت بعد توقفي عن الكتابه، و اصراري ان ارد بموضوعية كان محاولة مني لتحييد الطاقة السالبة الطالعة منك دي. و لسه بحاول.
بعدين ياخ، مش انا حرة اجاوب علي سؤالك الانصرافي الفوق ده ولا ما حرة؟ الغريبة لما فطيت جزء من اسئلتي و مداخلات العالم و الخلق دي، و مافي زول سالك، براااك نطيت و قلت، مش انا حر ولا ما حر؟ هو في زول سالك اصلا؟
طيب زعلان ليه عشان رحاب ما جاوبت سؤالك القاطعو من سفنجاتك ديل؟ الحرية دي قسموها ليك انت براك؟
بيضنة قيقراوي و الله بتحتاج، لو ما عشان قيقراوي و حقه كانسان انه يفهم، من حق كل قاريء و مشارك، بل و كاتب استشهدت غلط بكلامه. شفت انه المعلوم ده مرات مجهول كيف؟ اسي عليك الله يا فتح الرحمن، اسري يلهو بالمعلوم دي انت فهمت منها شنو؟
ده كللله ما مهم، المهم الان ياريت تشرح لينا لماذا قلت الجملة دي? عشان نبدا النقاش و نشوف انت فاهم شنو اصلا - مش انت قلت مخترع جملة انه الاكاديميون "اسري يهلون بالمعلوم". شرح محسن لها و ربطها بشريحة معينة مفهوم بالنسبة لي، لكن انت فهمك شنو لمن قلت انه الاكاديميون كلللهم يلهون بالمعلوم?
PS يعجبني استثمارك لوقتك، من لحظة ما قلت انه ما عندك وقت لمواضيع تعتبرها ما من صميم البوست!
you use the term "I rest my case" when the previous discussion encapsulates your argument or your argument is proven right, and none of this took place. The only proof we have now is you failing to make an argument, let alone resting an entire case
____ عذرا يا سهام علي الوشوش الخضراء، عجبتني مداخلة ود البشري و لقيت روحي ببتسم :)
01-06-2013, 01:46 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: على السريع يا شباب.. وسنة سعيدة عليكم جميعا
Quote: لانه الاكاديمية الحقة لا تتعارض مع رحابة الفكر
كلام سليم يا رحاب اما اذا كانت رحابة الفكر بتعني الكلام سااااي دون منطق ولا مسؤولية، فالأخ قيقراوي -في هذه الحالة- ليه حق.. ____ معليش يا خوانا، كلام الأحسن علوم ولا آداب وفنون بيشبه هلال مريخ في سذاجته واستهلاكه.. مع اختلاف انه العلوم والآداب بتكمل وتثري بعض، بينما الهلال والمريخ الإتنين سجمانين.. ده تلتخ بيه ده ____ في ناس في البورد ده يا رحاب شكّكت في قيمة التعليم ذات نفسه قبل كده .. خليك من الأكاديميا الحقة والعميقة ده زمن الحنك والتقهقر للخلف بسرعة ماكوكية.. Najwan
و سنة سعيدة يا نجوان باذن الله
ده محور مهم من النقاش في نظري يا نجوان، و هو الانضباط في تاؤيل المصطلحات و المسميات. مصطلحات كرحابة الفكر و الحرية الفكرية دي علوم مؤسسة وصل فيها النقاش لدرجات متقدمة تضبط معناها.
التشكيك في قيمة التعليم ساي كده بس مشكلة. ولا اقصد بالتعليم هنا التعليم النظامي الفي المدارس فقط، نقطة سهام المجمر عن الادارك مهمة. من الاشياء البتغيظ فعلا في بلدنا، فكرة انه الواحد بيعرف في اي حاجة و يقدر ينظر في اي حاجة، و يلقي كلام بصورة غير مسئولة و مرات يصوره كنتائج مسلم بها (الكلام ده ما مقصود بيه انت بصورة خاصة يا قيقراوي، لو قاصداك بجيك بالدرب عدييل - و اعتقد وصلت نقطتي البسيطة).
الغريبة البراكتيس بتاع التشكيك و التمحيص في قيمة العلم و العلماء و العلوم جزء اصيل من دراسة العلوم بانواعها في الانجلو ساكسون كونتيكست، من اجمل ما قرات كتاب لساندرا هاردينق تتحدث فيه عن العلوم اسمه، علم من؟ و معرفة من؟ لكنه تشكيك بهدف المذيد من التعلم و ليس تشكيك بهدف الهدم. جملة محسن الانتقادية جميلة و في اعتقادي مضبوطة. تشاركت و زميل لي في جامعة اوكسفورد لتمحيص علوم المحاسبة من الباب ده. من ناحية قيمتها و سلطتها و سلطة العلماء في المجال ده و عملنا جزء خاص بدورية اوروبية عنه، الرابط ادناه و سالحق الملخص للعدد الخاص بالدورية تحت: European Accounting Review 2009 - Khalifa & Quattrone كتبت (بضم الكاف) مقالات جميلة و جريئة في العدد الخاص، لكن ما اقدر امدكم بيها هنا لحقوق النشر و الكلام ده. انا مع انتقاد و فهم اصول العلوم دي و الاكاديميين، و لكن بطرق صحيحة بهدف الفهم، لا الهدم.
شكرا علي النقاط المحفزة للتفكير.
Philosophy and sociology of science have devoted significant attention to processes which define what counts as valid scientific knowledge thus making the producers of such knowledge legitimate academics at the expense of those who do not conform to the cliché. In accounting, too, a vibrant debate has augmented our understanding of the conditions which make certain kinds of accounting knowledge more acceptable than others. The debate included, but was not limited to, issues such as, the institutional arrangements of accounting academic associations and doctoral training regimes and how these shape journals' editorial boards and the selection of published articles. This introduction aims to reopen that debate on the two realms of institutions and practices. In terms of institutional arrangements, we note relevant changes in the forces which contribute to define the quality and relevance of accounting knowledge. We discuss the institutional space towards which accounting departments and scholars are increasingly migrating, that is, business schools. These are often separated from universities and operate under pressures which are sometimes only marginally academic in nature. In terms of practices, we observe changes in academic training regimes which favour the proliferation of opportunistic behaviours. These changes call for a debate on the governance of accounting academia, if academia is to be a knowledge and ethical, and not simply rather a business enterprise.
01-06-2013, 02:47 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: PS يعجبني استثمارك لوقتك، من لحظة ما قلت انه ما عندك وقت لمواضيع تعتبرها ما من صميم البوست!
بركة الفي حاجة عجبتك اخيراً(مافي وش مادي لسانو؟)
تعرفي والله العظيم ثلاثاً مافي استثمار اجمل لوقتي -الضيق بالجد بالجد انت ليه ما مصدقة؟ انا محاسب والدنيا ميزانية*- ياخي البوست دا بالجد اسعدني جداً
انت فهمك شنو للحرية والسعادة؟
انو الناس يحلبوا التور لانو تور في رؤيتك الالهية العلمية المطلقة التي لا يأتيها الباطل من اي مكان؟
يا رحاب من حق اي زول يعيش بكرامة ومحترم ويؤمن بما يؤمن ويكفر بما يكفر .. بغض النظر عن وضعو الاقتصادي او التعليمي او معتقدو وجنسو ولونو ... دي طواغيت من ابتكارات البشر .. واصنام كرستا الاديان وجايين انتو تتموا الناقصة بدينكم الجديد دا
لا قداسة لأي شئ بشري
--------
* اتزامنت الميزانية السنة دي مع حادثتي محسن خالد وهشام آدم بالجد الحادثتين ديل دخلوني في كرب لا ليهو اول ولا آخر.. فكونو اضحك هنا زي الاول .. والله العظيم دا اجود ما يمكن استثمار الوكت فيو المافي شنو؟
ما جبرت زول يشاركني .. البقبلني على علاتي دي مشكور والبرفضا معذور
بعدين حتة غريبة في كلامك اللايص اعلاه ما ريحتني كلو كلو ابداً لم اطاعن ولم اعني بي (اجندة) اكتر من اسئلتك الرصيتيا لي هنا دي بدت لي زي (اجندة) القدد .. دي ما اجندة؟ ومسألة تقويلي ان قولت محسن خالد او غيرو اي كلام فدي في خيالك لكن لو عاوزاني اعتذر عنها بعتذر والله نحن كريمين وانتو تستاهلو ( في الفيديوالمطوع قال لا اله الا بشار عدييييل كدا) بعدين مش انت حكمتي عزيزك القارئ؟ الخرخرة ليك شنو تاني؟
النسألك تفتكري اني ما بقدر اكتب زي كلامات [المعولق] و العن منها!؟ وافتلا ليك من دقن مداخلاتك؟
والله العظيم ثلاثاً اني على ذلك لقدير..
لكن ليه بس!؟
اخرب استثماري الجميل دا .. معقول؟ خلي مزاجك راااايق يا قيقا رايق بعدين كدا ذاتو بتناقض مع الجزء الجاي من البوست .. حسب اجندتي الخاصة
01-06-2013, 04:09 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20359
Quote: بركة الفي حاجة عجبتك اخيراً(مافي وش مادي لسانو؟)
تعرفي والله العظيم ثلاثاً مافي استثمار اجمل لوقتي -الضيق بالجد بالجد انت ليه ما مصدقة؟ انا محاسب والدنيا ميزانية*- ياخي البوست دا بالجد اسعدني جداً
انت فهمك شنو للحرية والسعادة؟
انو الناس يحلبوا التور لانو تور في رؤيتك الالهية العلمية المطلقة التي لا يأتيها الباطل من اي مكان؟
يا رحاب من حق اي زول يعيش بكرامة ومحترم ويؤمن بما يؤمن ويكفر بما يكفر .. بغض النظر عن وضعو الاقتصادي او التعليمي او معتقدو وجنسو ولونو ... دي طواغيت من ابتكارات البشر .. واصنام كرستا الاديان وجايين انتو تتموا الناقصة بدينكم الجديد دا
لا قداسة لأي شئ بشري
--------
* اتزامنت الميزانية السنة دي مع حادثتي محسن خالد وهشام آدم بالجد الحادثتين ديل دخلوني في كرب لا ليهو اول ولا آخر.. فكونو اضحك هنا زي الاول .. والله العظيم دا اجود ما يمكن استثمار الوكت فيو المافي شنو؟
ما جبرت زول يشاركني .. البقبلني على علاتي دي مشكور والبرفضا معذور
بعدين حتة غريبة في كلامك اللايص اعلاه ما ريحتني كلو كلو ابداً لم اطاعن ولم اعني بي (اجندة) اكتر من اسئلتك الرصيتيا لي هنا دي بدت لي زي (اجندة) القدد .. دي ما اجندة؟ ومسألة تقويلي ان قولت محسن خالد او غيرو اي كلام فدي في خيالك لكن لو عاوزاني اعتذر عنها بعتذر والله نحن كريمين وانتو تستاهلو ( في الفيديوالمطوع قال لا اله الا بشار عدييييل كدا) بعدين مش انت حكمتي عزيزك القارئ؟ الخرخرة ليك شنو تاني؟
النسألك تفتكري اني ما بقدر اكتب زي كلامات [المعولق] و العن منها!؟ وافتلا ليك من دقن مداخلاتك؟
والله العظيم ثلاثاً اني على ذلك لقدير..
لكن ليه بس!؟
اخرب استثماري الجميل دا .. معقول؟ خلي مزاجك راااايق يا قيقا رايق بعدين كدا ذاتو بتناقض مع الجزء الجاي من البوست .. حسب اجندتي الخاصة
Gegarawi
يا قيقراوي
انت اسي القال ليك انا ما مصدقة شنو قصة استثمارك دي؟ انا ما عندي شك انك مستمتع بالبتكتب فيه ده كله، بل و انك بتشوف انه ده استثمار و يصب في موضوع البوست اكتر من نقاشي معاك في كلامك الجبتو انت الغريبة، ما كلام اي زول تاني. كونك حاسي انك مستثمر لوقتك ده، اصله ما عندي فيها اي شك، هل انا مستغربة للفهم ده؟ اكيد مستغربة. هل قلت ليك ما تفكر كده؟ برضك لا. كل ما احاول فعله هو محاولة تفهميك انه الكلام الجبته ده ما صاح في حق مجموعة كبيرة، بما فيهم الكلام النسبتو لناس ده.
انت قايل نفسك براك الحر يا قيقراوي في الكتابة دي ولا شنو؟ احنا زاااتنا ولدتنا امهاتنا احرارا، و نكتب كما نريد بس بدلائل. فشنو، كلامك عن الحريات و السعادة ده نقاش تخلقو انت لتناقش نفسك فيه، لاني ما ذكرته لك، بل انت مرة اخري في البوست ده تجاوب علي افكار بتجيبها بنفسك و تنسبها لغيرك.
ايوه، كلامك في حقي معولق، دي وجهة نظري، انه كلام معولق لانه لا يستند علي اي شيء غير افكارك الغريبة و اتهاماتك الباطلة الما عندها معني دي، داير امثلة عن عولقة كلامك في حقي؟ هاك امثلة عن الكلام المعولق:
Quote: يا رحاب ما عارف عاوزة تصلي لشنو من النقاش دا؟ ************** وأخد مني اكتر مما يستحق من وجهة نظري ************** ومن الجبتو ليك نسلتي سؤالك اعلاه. ************* تكسبي يا ستي خلصنا؟ ************ وغير ملزم بأي اجندة اخرى ************ فتح البوست مجاني بالمناسبة للداير يناقش حاجة تانية! ************ يا شباب ما تخل،نا نعترف زي الناس ياخي ما قلنا ليكم قررونا ,, ديل شنو ديل ياخي ************ رحاب طلعت كل طاقتا السلبية في اثبات المثبت (اسيرة تلهو بالمعلوم بالضرورة) *********** لانو تور في رؤيتك الالهية العلمية المطلقة التي لا يأتيها الباطل من اي مكان؟ *********** كرستا الاديان وجايين انتو تتموا الناقصة بدينكم الجديد دا *********** كلامك اللايص *********** **************************** قيقراوي في بوستيه ده، بناقش فيني!
كلام معولق جد من حقك تقوله؟ اكيد ياخ بي فهمك لحرية الفكر دي من حقي ارد ليك؟ طبعا، مش دي حرية فكر؟ من حقك ترد تاني؟ اكيييد من حقي ارد علي ردك؟ ليه لا؟ و الفورة دعشمية! ما هو انت قلت ما عندك وكت ترد علي، البخليك تفرد لي المساحات الكبيرة دي شنو، ما الياها نفس الخرخرة؟ بالله كلمة عولاق دي الزهجتك؟ امال انا اعمل شنو في اللستة الرصيتها ليك فوق دي - اتبخر بيها؟
01-06-2013, 04:42 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: كل ما احاول فعله هو محاولة تفهميك انه الكلام الجبته ده ما صاح في حق مجموعة كبيرة، بما فيهم الكلام النسبتو لناس ده.
ودا بالضبط الرافضو انا
لاننا منطلقين من ارضيتين مختلفتين لا جدوى لحوار زي دا وزمني اغلى منو ( صادقاً اتمنى ما يزعلك الكلام دا)
لكم دينكم ولي دين
اتمنى نتفق في ذي
-----
للمرة المليون الكتبتو هنا مسئول عنو انا ولا علاقة للكتاب الذكروا الا في حدود الاكوات المقتبسة و المنصصة من كتاباتهم وآراءهم وافكارهم (الفهمتا انا بمزاجي الخاص جداً دا والراييييق دا)
اتخيل لي كدا فيييير للجميع
كوني بخير
جاييكم يا ناس هلاريخ ,, جايكم انا منكم وانتم مني ح نمشي من بعض وين بعرجنا العلمي العلينا دا
01-06-2013, 06:38 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: لم افهم شيئا من البوست الا تشبيه قيقراوى نفسو بى منقستو .. الامر الذى ارى فيهو ظلم شديد !!
اها برضو راجينا اعتذار لمنقستو؟
------
ابداً والله ,, البعرف الفضل، بعرف اصحابو
مهمتي هنا اسوط الراكد ,, واهز المسلمات ما اكتر ما مهتم باني اقنع زول ,, او افهم التاني دي مهمة انبياء ,, ولم تكلمني السماء كفاحاً بعد (رغم الاربعينية الاوانطة دي) حتى ديل قالوا ليهم (لست عليهم بمسيطر)
لكن كان لقيت زول يفهمني (سماء) يعني شنو ما باباها (واعتقد عادل برضو عاوز يعرف) وهابيل وقابيل اتفتنوا في شنو اصلاً؟ وهل في الكون الشاسع دا غيرنا؟ ول ياهو البذار القالتو الدكتورة اللادرية في كونتاكت؟
01-06-2013, 07:13 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
لاننا منطلقين من ارضيتين مختلفتين لا جدوى لحوار زي دا وزمني اغلى منو ( صادقاً اتمنى ما يزعلك الكلام دا)
لكم دينكم ولي دين
اتمنى نتفق في ذي Gegarawi
يا قيقراوي
ما من حقك ترفض محاولاتي لفعل اي شيء، دي في حدود حريتي انا، خصوصا عندما اتحدث بتهذيب.
من حقك جدا انك تقول، ما عاوز تتكلم في موضوع او ما عاوز تفهم او تسد اضنيك و عيونك، و ده لا يعني انه ح اقيف من كلام، ولكن ساحترم و اتفهم رغبتك في عدم تداخلك معي.
ارضيات شنو المنطلقين منها؟ انت بتتصور و تصور للقاريء انه احنا مختلفين في قضية او بنتناقش في موضوع مكتمل، و ده ما صحيح و ما دقيق، انا فقط صححتك في نقطة صغيرة، كما ذكرت. جبت كوتك ابو اربعة او خمسة كلمات و قارنته بكوت، و الموضوع انتهي بعد اعتذارك و عملت ليه شخيت في المداخلة لو ملاحظ. اين هو الحوار البتتكلم عنه ده؟
كما وعدت سابقا، اذا الله هون ساعود لنقاش نقاط كتبتها انت عن العلم و العلوم. لانه سواطة الراكد و هز المسلمات (to borrow your m e t a ph o r s) تاتي بالمعرفة، و ليس بالامنيات و القاء الكلام علي عواهنه. و لك في كارل اسوة حسنة..
كان مما أخر صدور الكتاب أخذ ماركس لنفسه بالشدة في تحصيل المعرفة. ففي انجلترا عكف على دراسة الاقتصاد السياسي الذي اشتهرت به ليستكمل معارفه المستحصلة من الفلسفة الألمانية والسياسة الفرنسية. وأحسن الفرنسية حتى أنه راجع مترجم كتابه فيها. فأخذ عليه هنات في بعض فقراته وتولى ترجمتها نيابة عنه. وكان ماركس ممن يتعلم خلال الخدمة أي خدمة الكتاب وتأليفه. فقد توقف عن التأليف ليدرس اللغة الروسية حتى يتمكن من دراسة نظم تملك الأرض عند الروس. وتوقف كذلك ليدرس الرياضيات مرة وحركة أجرام السماء. فقد اعترضته في 1857 أو نحوها مسألة رياضية اضطر معها لأخذ كورس عاجل في الجبر لتخطيها. وقال إن هذا التعليم خلال الخدمة لازم لمن يريد أن يرتاد بالناس آفاق المعرفة.
وقال إن هذا التعليم خلال الخدمة لازم لمن يريد أن يرتاد بالناس آفاق المعرفة.
سلام وتحية يا قيقا معترف ومثلهم لرحاب و لكل من مر بالبوست بعد قراية البوست (بالاضنين طبعاً) لا بد من الاشادة بروح قيقا واختنا رحاب رغم ايو حاجة فوق لاننا اعتدنا من كتار جدا هنا اول ما الاراء تبقى صريحة ويكون فى نقد حتى لو كان موضوعى البونية تدور وهاك يا سب ولولوة وكلام شين ..وتصنيفات غريبة وجماعة من هنا واخرى من هناك وعجاجة تقوم فى البوست وتمتد وتتلاحق للبوستات المجاورة والخ الخ الخ
نكرر التحية والاشادة بروح قيقا ورحاب رغم انف منقستو
01-06-2013, 09:50 PM
Waly Eldin Elfakey Waly Eldin Elfakey
تاريخ التسجيل: 07-27-2005
مجموع المشاركات: 2142
تحيات لصاحب البوست .... و المشاركين بوست جميل و اجمل ما فيه انه يناقش موضوع صعب في قالب بسيط يا قيقراوي من بدري بعتقد مصطلح العلم نفسه يحتاج لي تعريفات و تصنيفات لكن ايضا من بدري اعتقد ان العلوم نوعين علوم تكون غاية في حد ذاتها كالاداب و ما شاكلها و علوم اخري تعتبر وسيلة لتسهل حياتنا دي زي الحساب و غيره و الكلام ده طبعا ما بتعارض مع كلام بروفيسر عبد الله الطيب لو صح عنه ( كما نقل في الصفحة الاولي من هذا البوست) انت رايك شنو ؟ و بعدين يا قيقا ( الناس كلهم بقولوا ليك كدة للتخفيف) ما دام المنبر ده ما دورية علمية طريقتك دي اجمل طريقة للنقاش و انا برتاح ليها برضو من بدري...... و كلنا متمردين علي المسلمات فقط تكون في محلاتها و منتظربن منك و من البوست كتير و متابعين ودي
01-07-2013, 11:02 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
وان شاء الله يكون طاب ليك المقام في (بلدنا) الحرام فيها كل حاجة دي*
اما بعد
Quote: و اجمل ما فيه انه يناقش موضوع صعب في قالب بسيط يا قيقراوي من بدري بعتقد مصطلح العلم نفسه يحتاج لي تعريفات و تصنيفات لكن ايضا من بدري اعتقد ان العلوم نوعين علوم تكون غاية في حد ذاتها كالاداب و ما شاكلها و علوم اخري تعتبر وسيلة لتسهل حياتنا دي زي الحساب و غيره و الكلام ده طبعا ما بتعارض مع كلام بروفيسر عبد الله الطيب لو صح عنه ( كما نقل في الصفحة الاولي من هذا البوست) انت رايك شنو ؟
بخصوص ما دار محور سؤالكم عنه (ياخي والله رفعت معنوياتي عديل كدا بسؤالك وتواضعك معاي دا .. جمهوري انت؟ ..سؤال ممازحة ساي ليس للاجابة)
انا رأي انو الدنيا كلها بسيط .. وما بسيطة كلو كلو لكن انواع العلوم اللتنين -عندي- لدني .. وانساني بحت .. ودا بضم كل نوعينك ديل يبقى اتومتيكلي اترفع التعارض السألت عنو لوحدة المصدر، ومحدوديته .. ونسبيته
عني شخصياً علومي اللتنين لم يقدموا لي اجابات مقنعة عن الوجود والنشوء ومآلاتنا وجدواه .. خصوصاً انو العلم اللدني ما متاح للبسطاء الزينا ديل الا بالنقل!
عشان كدا قلت كلامي عن لا جدوى التعليم .. مؤخراً لم اقرأ كتاب، او اطلع على رأي .. الا وزادوني جهلاً على جهلي، وحيرة فوق حيرة! فتوقفت ..
فيكم من يلومني؟
Quote: قال العلامة انشتاين بعد أن لاحظ و جرب و ساير العلم في خطواته : " إن أعظم جائشة من جائشات النفس و أجملها تلك التي تستشعرها النفس عند الوقوف في روعة أمام هذا الخفاء الكوني و الظلام. إن الذي لا تجيش نفسه لهذا تتحرك عاطفته حي كميت ... انه خفاء لا نستطيع أن نشق حجبه و ظلام لا نستطيع أن نطلع فجره، و مع هذا فنحن ندرك إن وراءه شيئاً هو الحكمة .. احكم ما تكون، و نحس وراءه شيئاً هو الجمال ... أجمل ما يكون. و هو حكمة وهو جمال لا تستطيع أن تدركه عقولنا القاصرة إلا في صورة لهما بدائية أولية. و هذا الإدراك للحكمة، و هذا الإحساس بالجمال في روعة هو جوهر التعبد عند الخلائق. و إن الشعور الديني الذي يستشعره الباحث في الكون هو اقوى حافز على البحث العلمي و أنبل حافز" و يقول العلامة انشتاين ايضاً ان ديني هو إعجابي في تواضع بتلك الروح السامية التي لا حد لها. تلك التي تتراءى في التفاصيل الصغيرة و القليلة التي تستطيع إدراكها عقولنا الضعيفة العاجزة، و هو إيماني العاطفي العميق بوجود قدرة عاقلة مهيمنة، قدرة تتراءى حيثما نظرنا في هذا الكون المعجز للافهام. إن هذا الإيمان يؤلف عندي معنى الله (1)
-------------
* "الإيمان بالله و الجدل الشيوعي" – فتح الرحمن احمد الجعلي – دار الفكر - الطبعة الثالثة ص 26 & 27 * ( 1 ) صفحة 260 – 266 " مع الله في السماء " تأليف دكتور احمد زكي.
بالمناسبة فتح الرحمن الجعلي دا ما انا .. انا هنا فقط فتح الرحمن قيقاراوي ودايرين واحد يحقق كلام انشتاين .. هل قالو، ول كل (فتح الرحمن) بقول ساي؟ محمد حسبو قبل كدا شكك فيو!
------
مع اعترافي اعلاه بالجهل المطلق لم يعد لدي الى الدعوة لدين المحبة كقبلة تسع صلواتنا جميعاً غير مطلوب ايمان .. لكن مطلوب تواضع وكفر بالطاغوت كشرط صحة ووجوب
المحبة... تضمكم الى قلبها كأغمار حِنطة... المحبة... على بيادرها تدرسكم لتُظهر عُريكم المحبة ...تطحنكم فتجعلكم كالثلج انقياء المحبة... لا تُعطي إلا ذاتها المحبة ...لا تأخذُ إلا من ذاتها لا تملكُ المحبةُ شيئاً، ولا تريد ان احدٌ يملكها لأن المحبة مكتفية بالمحبة، بالمحبة..."
تحياتي وعظيم امتاني على كلامك الما بستحقو والمحبة كيمان كيمان .. حتى لمن ابى المافي شنو؟
01-07-2013, 09:16 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
احمد اللمين مين مين .. حتى ادريس همسلف تورت نفسنا ياخي! محتار انا في بذار بكري وهرقو للباندويث في الاسامي دا طيب ما كان يكتب لي (فتح الرحمن خلف الله عبد الكريم حمودي) يعني دي اطول من دي(احمد الأمين على إدريس) ول سيف النصر محي الدين مين مين اللخ اللخ؟
Quote: نكرر التحية والاشادة بروح قيقا ورحاب رغم انف منقستو
قيقا طاير فرررررررر
لكن منقستو ما برضى فيو والله
في حياتنا الظالم دي كتير من مظالمي الهوى، والمظاليم ساي شر بس من التانين منقستو لاعب حريف جداً ولعب دور كبير جداً في وصول هلال 1987 لنهائي افريقيا .. طارق -رغم محبتي العظيمة ليو واعتراف بانو ما ح يجي زيو وزير دفاع امين- لكن كان مستفيد من وجود منقستو قدامو، ومجدي مرجان وراه .. نعم الرجال!
ح اجي احكي ليكم عن حسوبة وهو أحد "خبيرين كرويين في عموم افريقيا، مين كدا صالح الوحش في مصر! وحسوبة في السودان" والكلام ليه هو همسلف وتنكير محمود الوحش من عندياتو.
ياخي بالمناسبة دي داير اشيد بنفسي انا ذاتي المجد لي والله .. انا ذاتي مندهش، واشيد بي تماماً في الحتة دي!
ياخي ناس حسوبة ومنقستو ديل اعظم منحة ربانية .. هم ملح الارض والطعم الحقيقي للحياة
Quote: ومقدمتي هذه تقصد فرز "الوعي" عن "الفكر" و"المعرفة"، فالوعي عندي هو "الخلاصات الخيِّرة فقط" التي يستخلصها الإنسان من عموم تجاربه الإنسانية وفكره وخبراته حيال هذه المعارف وهذه الأفكار، سواءً الشرير منها والخيّر. ووصفة الخيِّرة ذاتها، هي وصفة زَلِقَة، لأنَّ الثقافات الجزئية والجغرافية للإنسان تلعب دوراً كبيراً في ابتنائها وتعريفها. فبعض ما هو خيّر في الثقافة الإسلامية على سبيل المثال، نجده شريراً في الثقافة البوذية أو المسيحية أو غيرهما من الثقافات والجغرافيات. وفي رؤيتي الأخلاق لا يقوم معناها إلا في محيط الاصطلاح العالمي، أو الإنساني في شموليته، ما يعني استبعاد الثقافات الجزئية، والارتهان إلى تعريف الشر والخير من خلال فكرة "العدوان" لأنَّها الوصفة الوحيدة من دائرة الأخلاق التي يمكن الاتفاق عليها على المستوى الإنساني في إطلاقه.
01-07-2013, 11:33 AM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
غايتو يا قيقا لو فى زول ممسكنا ضنب الككو تكون انت ده زاااااتك :) :) :)
__________________________
د. ولى الدين الفكى يعنى صيعت اولادى و جاى تتصور فى المطارات لما حسام جاتوا اول اتاااك ازمة ما عرفت اقبل بيهو وين!!! انا لله كان يووووووم اعاد على اوجاع و اوجاع بس الله يجازى الكان السبب عشان يلز ويلز فيكم للهجرة من السودان ربنا يجعل ليك مورد رزق حلال طيب كما تستحق ونحن لينا الله
01-07-2013, 11:48 AM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
مالك ومال عبد القادر الهيل الفيتوري ده مجننو .. جنس كتيحكم ده البجيب ليكم الأكل ..لووول
يا قيقا انت و د.رحاب عندي ليك معزة اسفيرية خالصة ..فبعيد عن المديدة الحارة والتعافي الخ في حاجة بيناتكم خافية علينا؟
المهم دايرة اغرق زمتي شوية ..من حقك تماما يا دكتورة أن تدافعي عن العلم والعلماء الموهوبين ..ومن حق قيقراوي أن يقتبس ما يتماشى مع فكرته ..وعلى المتضرر اللجوء للقضاء ،بصورة تاني دفاعك عن فكرتك أكثر قوة من دفاعك عن أفكار الغير حتى لو في رايك جاءت مجتزئة ..ما امينة الخ..، عن نفاد الصبر شايفهواي قيقراوي استعاد لياقته والأمور مشت على خير ..
وعموما نحن في المساطب بنشجع اللعبة الحلوة ..
و كامل الاتفاق مع مداخلات سهام الحكيمة ..
01-07-2013, 01:06 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
سلام يا احمد الامين و ضحكتني بالقراية بالاضنين دي ليك وحشة و باقي الرائعين، لوول *************************************** سلامات يا داليا
تشكري علي المعزة الخالصة يا كريمة و لك مثلها من زمااان ربنا يديمها و شاكرة حسن ظنك فينا الاتنين لطرح السؤال.
ابدا، قيقراوي اخ كريم تناقشت معاه في بوستات كتيرة قبل دي، اخرها اعتقد بوست لايزابيلا عن مركز الخاتم عدلان و بحضور كمال الزين، لا استحضر اسم البوست بالضبط، و ما حصل وقفتنا نوع نقاشاتنا دي من التداخل في بوستات تانية. يخيل لي دي حاجة صحية لحد ما.
سؤالك ده يا داليا انا بسالو لنفسي لما الاقيني ما بتداخل مع شخص بصورة متكررة خصوصا في مواضيع تهمني، بالذات لمن يكون كان في تداخل قبل كده.
ما عندي مشكلة اي شخص يقتبس اي حاجة او يفكر حاجة، ده ما اشكالي، بس اعفيني ما اشرح تاني عشان حاسة اني شرحت كتير بقي الكلام مكرر، و قد تقوم عجاجة تزهجكم تاني :)
و ان شاء الله برجع اوضح باقي الكلام في مداخلات بصورة اوضح.
01-07-2013, 11:45 PM
Waly Eldin Elfakey Waly Eldin Elfakey
تاريخ التسجيل: 07-27-2005
مجموع المشاركات: 2142
Quote: عشان كدا قلت كلامي عن لا جدوى التعليم .. مؤخراً لم اقرأ كتاب، او اطلع على رأي .. الا وزادوني جهلاً على جهلي، وحيرة فوق حيرة! فتوقفت ..
فيكم من يلومني؟
انا شخصيا ما بلوم زول في الدنيا المشربكة دي ....... و الاحداث المتلاحقة دي البتخلي الزول ممكن يغير قناعاته في 100 حاجة يوميا و ما داير اتفلسف اقول ليك الحاصل ليك ده قاعد يحصل لي ناس كتيرين لكن قلة منهم بهتم .... و اقل بكثير بكون متصالح مع نفسه وببحث عن الحقيقة عن نفسي بعتفد حاجتين انه ده تطور طبيعي لاي انسان متطلع للاحاطة بخفايا هذا الكون ...... و انه هذا التطور نفسه لا يحدث الا لمن خطا خطوات كبيرة وواسعة في مجال المعرفة و التجربة الانسانية بدليل انك كنت بتقرأ و الان قلت انك توقفت فانا اعتقد انه لو لا قراءاتك ما كان و صلت للموقف ده اهو برضو درجة من درجات العلم و التعلم.......... و السعي نحو المعرفة
. . . . من اذنك يا قيقا العزيزة جدا سهام المجمر ..... اولا تحياتي ليك و لي اولادك وابوهم و الله يحفظهم جميعا من كل شر
Quote: د. ولى الدين الفكى يعنى صيعت اولادى و جاى تتصور فى المطارات لما حسام جاتوا اول اتاااك ازمة ما عرفت اقبل بيهو وين!!! انا لله كان يووووووم اعاد على اوجاع و اوجاع بس الله يجازى الكان السبب عشان يلز ويلز فيكم للهجرة من السودان ربنا يجعل ليك مورد رزق حلال طيب كما تستحق ونحن لينا الله
و الله يا سهام ما تتخيلي الموضوغ بالنسبة لينا مر كيف ...... الوليدات ببكوا و ببكونا كل يوم نسال الله ان تكون مرحلة انتقالية و الله يخلي السايبر و بورد بكري ده و رد الله غربة السودان
كلام اينشتاين ده ما ظنيتو صحيح، اما هو منسوب اليه ساكت كعادة الاعراب في تقويل الناس ما لم يقولوا او أن المترجم لم يكن امينا في ترجمته و تصرف في الكلام بحسب ما راق له. تشهد على ذلك أراء اينشتاين و اقواله و مراقفه المرصودة بدقة و الموثقة بعناية. سلامنا لسارة و العيال.
01-09-2013, 10:45 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: كلام اينشتاين ده ما ظنيتو صحيح، اما هو منسوب اليه ساكت كعادة الاعراب في تقويل الناس ما لم يقولوا او أن المترجم لم يكن امينا في ترجمته و تصرف في الكلام بحسب ما راق له. تشهد على ذلك أراء اينشتاين و اقواله و مراقفه المرصودة بدقة و الموثقة بعناية. سلامنا لسارة و العيال.
لووووووب
في اللول ياخي انت زميلة البورض التي لا تدخل بوستاتها كثيراً وينا مختفية؟ بلغها التحايا النواضر مني ومن سارة .. ويصل سلامك لسارة والعصابة (قيقاقانق)
اما بعد الثابت في الاثر عن شيخنا انشتاين انو (اسبينوزي) .. باعترافه همسلف، مما يصنفه (واحدي) بامتياز ويصنف -ايضاً- كواحدي وتوحيدي في سرج واحد مع القطب الغوث سيدي بن عربي. بما لا يتناقض مع الكوت، الا في حتة شكر (الاديان) دي، واعتقد انها محشورة! الثابت انو هو لا ديني، ورأيو في المسيحية (انها خرافات نبيلة) او نحو ذلك.
-------
شفت فيلم contact؟
01-09-2013, 08:58 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: .ونرجو جميعاً أن نتوقف عن فتح أي صفحات جديدة عن بوست محسن خالد ونتمنى أن يعود هو إلى سابق عهده في الكتابة الابداعية ويواصل مشروعه الكتابي ولنساندنه جميعاً مهما رأى مفتشو النوايا غير ذلك حتى لو راى محسن نفسه غير ذلك. في هذا العالم لا يصح إلا الصحيح.و(أي فكرة صحيحة على الخدود تنباس)
كدا افحمت حتى عادل عبدالعاطي يا دكتور*
لكن مافي زول يقدر يمنع زول من الكتابة.. كمال له حق فيما ذهب اليه وانا -بالمناسبة انا طلعت من البوست قبل ما تطلب مني اتوقف- لكن باقي في النفس شيئاً من حتى
ابسطا:
Quote: ياسيدي أعمال أدبية بتاعت الساعة كم? محسن تنكر لإعماله الادبية وتخلي عنها -وقال حرفيا إنها لم تعنيه في شئ! - راجع بوست عماد بليك ! وبالتالي فقد قام بفصل مرحلة ماقبل إشهار توبته بالمنبر ومابعدها - حينما حاول بعضهم ربط حادثته الاخيرة بإعماله الادبية! وحقيقة ماكنت لأتداخل لو إنكارك الصريح لحقيقة أن محسن أدعي النبوة!!
وياسيدي منو القال (الكاتب) عندو سلطة على (المكتوب) بعد اطلاقه. واستقلال النص بذاته؟ محسن خالد لا يملك الحق دا، خصوصاً في زمن السايبر العلينا دا .. كان زمان زمن المشافهة الكلام دا! راجع كلام د.حسن موسى هنا في حادثة هشام آدم لو حبيت يا كمال:
ما علينا وما علينا .. ولا على ندى القلعة ما ممكن نتناقش بدون حدة وباحترام كامل للآخر، واحترام حقو في انو يكون مغاير (نفسو) .. وبدون تبادل السباب؟
المبارزة
تنهزم الأفكار ، نعم لكن بالأفكار يحتكّ المنطق بالمنطق ، والحجة بالحجة ، والبرهان الساطع بالبرهان نتجادل حتى ينثلم الرأي الأوهى في وجه الرأي الأقوى نختلف كما يختلف الناس ، ولكن يا للخزي ، ويا للعار إن أفلسنا حتى ضقنا ذرعا بالرأي الآخر.
------
* نبوءتي الخاصة
عادل انسانو أكبر من كل شواطين الانس والجن ويحمل قلب طفل (غر)
(سامعني يا د. بشرى؟)
01-11-2013, 01:04 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: غايتو يا قيقا لو فى زول ممسكنا ضنب الككو تكون انت ده زاااااتك :) :) :)
ابداً والله
ياهو دا الككو الذي لا اخطئ غرته ابداً (او كما قال)
Quote: لولا الاكاديميا وصرامتها لما تقدمنا شبر لقدام و كده ولولا الما ورائيات لما تاقت ارواحنا لرحابة الفكر والعلم ... شفتو كيف!!!!!
وريني منو في ادناه اكاديمي:
- ارسطو - ابن رشد - ابن عربي - رابعة العدوية - الحلاج - اقليدس - كوبرنيوكس - جاليليو - نيوتن - ماركس - انشتاين - برتراند رسل * - محمود محمد طه - المستشار محمد سعيد عشماوي
بالاضافة لكل الانبياء
منو من ديل كان اكاديمي؟
-------------
انتبهوا التصحيح بنظام silly mistake .. و zero is a number
بخرة:
Quote: وقد كان يعاني من صعوبة في الاستيعاب، وربما كان مردُّ ذلك إلى خجله في طفولته. ويشاع أن أينشتاين الطفل قد رسب في مادة الرياضيات فيما بعد، إلا أن المرجح أن التعديل في تقييم درجات التلاميذ آنذاك أثار أن الطفل أينشتاين قد تأخّر ورسب في مادة الرياضيات.
[... ولم يقف نشاط (رسل) الفلسفي عند هذا الحد، بل وقف افكاره ونظرياته في سبيل الانسان وحريته الاجتماعية والسياسية وانقاذه من طغيان التقاليد وظلم الحكومات، كون النظم السياسية والاجتماعية الموجودة في كافة انحاء العالم - على اختلاف العصور - ليست سوى مؤامرة طاغية يقصد من ورائها الحد من حرية الفرد وتكبيله بالقيود، وشحن ممتلكاته العقلية، ومشاعره واحاسيسه بكل ما يحد من انطلاقاته وحريتته. ويرى (رسل) أنه بينما تستهدف الحكومات جميعاً اخراج رجال من طراز يؤيد الانظمة القائمة، ترى ابطالها من رجال الماضي الذي تحاول الحكومات ان تمنع ظهوره في الحاضر. فالامم الغربية جميعاص تبجل المسيح، مع انه لو عاش اليوم لكان - يقيناً- موضع ريبة من رجال البوليس السري في انحلترا. ولامتنعت عليه الجنسية الامريكية على اساس نفوره من حمل السلاح!]
الدكتور مصطفى غالب بيروت 25/9/1979م
تصدير مؤلفه "برتراند رسل" - منشورات مكتبة الهلال (في سبيل موسوعة فلسفية)
01-12-2013, 10:29 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: وعن كتابتك أعتقد أنك تخلط الجد بالهزل بطريقة يتعذر فيها مناقشتك في اي موضوع.وعندك طريقة مبتكرة لهذا الخلط هو استخدام متلازمة اسلوبك هنا التي اعترف بأنها بديعة (المافي شنو) مثل استخدام تبارك لـ(المهم) .هي بديعة لكنها تقليعة. وكذلك استخدامك للكلام تحت الخط بعد انتهاء مداخلتك الأساسية. في الفكاهة هذه مفهومة مثل متلازمة ناجي العلي حنظلة لكن في النقاش الجاد هذه الفوت نوت غير مبلوعة. والمداخلة لا ينبغي أن تحتاج لمثل هذا الخلط بين المزاح والجد. المافي شنو في كتابتك؟ المافي في كتابتك هو جديتّها.
د. بشرى الفاضل (بتحرير قيقاراوي)
نجي للجد*
لماذا نكتب؟ وهل الكتابةالاسفيرية هي نفسها الورقية (مواقع التواصل الاجتماعي تحديداً)؟ (السؤال بطريقة تانية: هل الواقع الافتراضي دا مجرد كتاب (باااارد) بس!؟)
يا سيدي ما انا بكاتب .. من فترة قررت خوض الحياة دي كما هي، باحباطاتها الكبيرة. ونجاحتها الممكنة. واجتهد في الزام نفسي بالواقع قدر المستطاع، والمحاولة لتحقيق اقصى احتمالات الطين. بدون مغالطة لحقائق وجودي .. لا لست كاتباً، نعم انا قارئ -في معكوس النص النبوي تماما، ًبدئذٍ- قارئ ممتاز جداً. بالكتير كدا ممكن تعتبرني راوي .. راوي سوبر لكن .. (قيقاراوي). ابطال الروايات بيأسروني اكتر من الرواة، والكتاب .. مع انهم كلهم من طين (باي ديفلوت) احتمال لانو [عقلي مقلوب، وقلبي عاقل] .. ابوي وعمي مسمني (سيد الطيش) .. ودي ليها قصة طريفة ودونا نشوف سباق هجن، الناس كلها كانت مركزة مع المتنافسين على المركز الاول، وانا كان شاغل بالي متابعة (الطيش) .. ماشي برااااو .. براحة براحة .. ولا خصاهو!! وشبكتم ليك -دون ملاحظة الملاحظة اعلاه- شوفوا الطيش .. شوفوا الطيش!! (حسوبة) شخصية حقيقة -مشهورة في كوستي، زي جميل كوستي، وكشيب، وعلي بابكر- بشبه كتير ابطالك يا دكتور .. زول ما قرأ، مع ذلك ورغمه -وهو مدرب كرة القدم بمدرسة كوستي القوز الثانوية- مستحيل تقدر تغالطو في اللستة بتاعة اللاعبين، والاحتياطي! لو زهج منك بديك ليها طاااخ: بالله شوف دا! .. انا عندي اطناشر بنطلون وقميص، تتكلم معاي انتا!؟
شايفكم بهناك اتوزعتوا اقصى طرفي بعد التقييم بخصوص (جيفارا)! طوبى لجيفارا وكل الابطال الاشكاليين عاشوا الحياة -حياة الفكر والشعور- كما يجب .. عرض وطول وناموا ملْ العين عن شواردها .. وخلوكم فيهم تختصموا في [احتمال أخير] للطين اكتر من كدا!؟
آي دونط ثينك سوو (او كما قال مالكوني في هوم ألون)
------
بمناسبة الواقع الافتراضي دي وبمناسبة الاسلوب (بنطلون وقميص) .. للمرة التانية، الحقوق الحصرية في الاسلوب لدينا خالد .. احتمال كبير يكون نتيجة اعجاب -غير منكور**- واحتمال انو اكون لقيت نفسي فيو .. [مندري! د. حسن موسى] والاحتمال الاكبر انو (عدم الجدية) دا يكون تدبير نفسي غميس لمجابهة الواقع البذيئ الانحنا فيو دا .. [إإتوني بما هو اكثر بذاءةً مما نحن فيه] مظفر النواب في استهلال "ثلاث امنيات على بوابة السنة الجديدة"
[ حدثنا يحيى بن بكير قال حدثنا الليث عن عقيل عن ابن شهاب عن عروة بن الزبير عن عائشة أم المؤمنين أنها قالت أول ما بدئ به رسول الله صلى الله عليه وسلم من الوحي الرؤيا الصالحة في النوم فكان لا يرى رؤيا إلا جاءت مثل فلق الصبح ثم حبب إليه الخلاء وكان يخلو بغار حراء فيتحنث فيه وهو التعبد الليالي ذوات العدد قبل أن ينزع إلى أهله ويتزود لذلك ثم يرجع إلى خديجة فيتزود لمثلها حتى جاءه الحق وهو في غار حراء فجاءه الملك فقال اقرأقال ما أنا بقارئ قال فأخذني فغطني حتى بلغ مني الجهد ثم أرسلني فقال اقرأقلت ما أنا بقارئ فأخذني فغطني الثانية حتى بلغ مني الجهد ثم أرسلني فقال اقرأفقلت ما أنا بقارئ فأخذني فغطني الثالثة ثم أرسلني فقال اقرأ باسم ربك الذي خلق خلق الإنسان من علق اقرأ وربك الأكرم]
اقول في دفاعي، وبي فهمي -القدر ظروفي- اصلاً لا يمكن الفصل بين الكتابة والقراية في عصر السايبر دا حيث لا فكاك، ومفهوم الجودة انتقل من ضيق احتكار (ضبط الجودة) الراسمالي الامريكاني، لرحابة تكنيك (TQM) الياباني .. حيث الكل CUSTOMER، والكل SUPPLIER والعملية الابداعية كل واحد. اقرا ما جاء في الثورة الثقافية في أدب الحزب الشيوعي السوداني (الماركسية وقضايا الثورة السودانية): ["بإشاعة الحرية للإبداع يخرج من اعماق الشعب مئات المبدعين خلقاً فنياً، والملايين من الجماهير التي تتلقى بابداع ..."] رواية قيقاراوي عن (مبادئ وموجهات لتجديد البرنامج - الاستاذ/ م أ نقد)
اي نعم بكتب، لكني لست (كاتباً).
"اذا لم تتأكد انك قد اجدت القراءة، فلا تشرع في الكتابة ابداً" خالد ماسا (صلاة الشوق عليه)
"- ليه انت بتكتب اربعة افكار في السطر الواحد؟ - انت اسي مش فهمتني؟ - انا كاتب - انا ما كاتب طيب - ما تكتب طيب ... ببساطة!" محسن خالد وانا .. في اضاني لكن يا رحاب .. والله على ما اقول شهيد
Quote: هل يمكن اجراء تطبيق للنظرية دي على المشهد الثقافي؟ كتيرين سبقوا وجاوبوا ..
Stay Tuned
لسة مستيين .. ول ننسى؟
-----
دايرين ننتقل للمبحث التاني .. او (في المؤاساة Vs العدوان) المصدر التاني لدين المحبة .. التالت لسة ما (فكرت فيو) صراحة اخوكم مفكر بارتايمر ؤ كدا بي وين وانا محض ترس في المؤامرة الرأسمالية الرسمية المتوحشة المسماة نظام دي؟
01-15-2013, 02:04 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
سور هو التعب الذي أرخى ملامحه بكل براءة عند المغيب سور هو التأريخ عند بداية لم نتفق حولها بعد .. و لم نبتعد من جورها بعد و لم نقترب منها- لنعرف ما بها- بعد سور يطوق رغبة أن نعري عقلنا للشمس أو للبحر أو للمسألة سور هو الوعي المزيف حين ينتج مهرجان المهزلة ....
الطين في احتماله الاخير... د.تاج السر جعفر**
--------
بالمناسبة (الجوز) ديل هم كتابي المفضلين على الاطلاق .. بنين وبنات وهم ما اخوان .. ما تغشكم مسألة (جعفر) الظاهرة على آخرهما دي ساي
مش غريبة انو الاديان والعلم واساطير الاولين وخرافاتهم كلها متفقة على (حقيقة) تانية (كااااملة) غير (الموت)!؟ وهي انو (الارض) هي امنا .. منها واليها!
هل للطين احتمالات اخرى .. أبعد من البناء؟ فيما يلي ح اعرض نموذجين اسفيريين، ثقافيين جداً لهدم .. ما قدرت افهمن كلو كلو .. يبدو انها مسألة ثقافية غميسة جداً جداً حتى آدم همسلف!!
01-16-2013, 09:19 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
مداخلة مهمة من الصديق الجميل العارف بالرياضيات سيدنا شهاب كرار همسلف
Quote: سلام قيقا متابع بوستك في سودانيز اون لاين... السبب وراء اليقين الذي تقوم عليه الرياضيات هو ان المعادلة الرياضية لا تقول شيئا جديدا، بل هي مجرد لغة لا تحمل اي معنى في ذاتها، فالمعادلة الرياضية 1+1=2 هي تعريف لعملية الجمع الجبري ليس إلا، وهي جملة انشائية وليست خبرية - انت تعرف الفرق - ويمكن طبعا ان نوجد نظم اخرى للجمع يكون فيها واحد زائد واحد لا يساوي 2 دائما مثل علمية الجمع المتجهي، البرهان الرياضي الاستنباطي هو مجرد منطق رمزي لا اكثر ولا اقل وصحته من عدمها يحدده بناءه المنطقي فقط كما قال اية الله العظمى رسل، اي ان الرياضيات يمكن ردها بالكامل الي الاصول المنطقية، فالمنطق الارسطوطاليسي يمكن ان ترد اليه كل الرياضيات الما قبل كلاسيكية، والمنطق الديكارتي والكانتي يمكن ان ترد اليه كل الرياضيات الكلاسيكية، وعلوم المنطق الحديثة مثل المنطق الضبابي Fuzzy logic والمنطق متعدد القيمMulti-valued Logic يمكن ان ترد اليه الرياضيات الحديثة، والغريبة يا قيقا ان الرياضيات تتطور اولا ثم يكتشف الاصول المنطقية للتطور الرياضي لاحقا. اختلف مع اسمارت في ان الرياضيات علم، الرياضيات ليست علما بل مجرد اداة الاستفادة منها تتوقف على من يستخدمها بمهارة.
-----
اها يا سمارت برعي سمارت تعالي دافعي عن وجهة نظرك اذا بتريدي (مهندس) يقابل (مهندس)
(عدل بواسطة قيقراوي on 02-21-2013, 04:28 PM) (عدل بواسطة قيقراوي on 02-21-2013, 04:29 PM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
محمد البشرى الخضر
Abdel Aati
وليد التلب
smart_ana2001
Rihab Khalifa
كمال علي الزين
الشفيع وراق عبد الرحمن
Mohamed E. Seliaman
طارق جبريل
Siham Elmugammar
داليا حافظ
محمد عبد الماجد الصايم
نجوان
Bushra Elfadil
محمد حيدر المشرف
احمد الأمين على إدريس
Waly Eldin Elfakey
سيف النصر محي الدين
فيس بوك
تويتر
انستقرام
يوتيوب
بنتيريست