|
|
|
 Re: باركوا لأخيكم نجاحه فى امتحان البورد الامريكي للتخصصات الصيدلانيه (Re: محمد علي شقدي)
|
Quote: عزيزاتى واعزائي بالمنبر ..
وصدقا أقول أنكم بمثابة عائله ممتده لى .. تشرفت كثيرا بوجودى بينكم .. واستفدت الكثير
وقطعا تكونوا جزءا من هذا النجاح |
خلاص بعدين ماتنساني في إقتسام الثروة،،
وماتنسانا من دعوات الأهل والحبان والجيران،،
وماتنسانا من دعواتك الخاصة !!
عودتنا على الفرج بنجاحك ولم يحدث أن فاجئنا تفوقك!!
إلى الأمام يادكتور ،
وربنا يوفقك كمان وكمان،،
that's it
| |
 
|
|
|
|
|
|
|
|
Re: باركوا لأخيكم نجاحه فى امتحان البورد الامريكي للتخصصات الصيدلانيه (Re: وليد محمد المبارك)
|
هذا ويقولو ليك بعد ما شاب ودو الكتاب !!
وأقول .. كلما تشيب يا زول.. أسعى ليك قراءة ..
فالشهادات المهنيه المتخصصه عندما تضاف للخبرات المتراكمة بتشكل اضافة مهمة للممهنية بتاعتك ..
وأهلا بالصحاب ..
أهلا بالصحاب ..
محمد فتوحلى يا صديقى .. وينك آ زول !
عبدالله ودالبوش .. "ما تابعت باقى حكاياتك ياخ "
العريس صبري طه .. الرجل اللطيف كما النسمه والتقنى الابرز
احمد بن عوف يا صديق .. أشرف الملك قيد بحثى الآن .. وفاقد تلفونه بس بجيبو الليله "نتيجتو معاى"
محمد على شقدى .. الزول الصاح وبراحه
كمال كرار .. طولنا من مفاكراتكم ياخ ..
أستاذى عبداللطيف .. وبي مدخل خاص .. ياخ كتر خيرك وخير كل الذين علمونى حرفاأو معنى من معانى الحياة ..
واقول لاصدقائي فى العمل .. ونتشارك جميعا فى حب فيروز .. أقول لهم أن أستاذى للغة الفرنسية .. هو من عرفنى بجارة القمر .. وإن كنت أعزو بعض الأغانى للمدام .. جنها فيروز يا استاذ .. ولولا المعرفة المتقدمة التى منحتنى اياها .. كان احتمال كبير ما اصمد فى أول ايام لاقيتها .. ههههههههه تحياتى يا استاذ
فيصل المفتاح .. حبابك عشرة يا صديقى وكتر خيرك
عمارعبدالله عبدالرحمن .. الزول المريح والقريب للروح فى تفاصيلها التى تعلم ..
وليد يا فرده .. وانا بعرف فردى كويس آ وليد ..
| |
|
|
|
|
|
|
|
|
Re: باركوا لأخيكم نجاحه فى امتحان البورد الامريكي للتخصصات الصيدلانيه (Re: فيصل محمد خليل)
|
هدير الزين حبابك عشرة وكيف الحال..
والاورام لانى شغال فى المركز الوطنى لعلاج وابحاث السرطان فى قطر ومنذ 2006
ولدى خبرة جيده فى المجال ..
هذا هو السبب يا عزيزتى
سيف الدوله الكامل ..
كتر خيرك كتير يا عزيزي .. وشاكر هذه المشاعر الطيبه ياخ
ااووو نصرالدين عثمان .. وينك مختف يا راجل .. مشتاقين
الأمين البشارى .. والله صحى و المداخلات المليانه التى نختلف او نتفق حولها .. بس ملانه
ود البشرى ..
تسلم يا صديقى وكتر خيرك ..
وانت أحد الذين اتقاصهم فى هذا المكان ..
استاذنا اسماعيل عباس ..
شاكر لكم هذه المشاعر النبيله .. واليوم بالفعل مميز 12-12-12
خالد عبدالله محمود "الرشاشه الانيق" .. كتر خيرك يا خالد .. كتر خيرك ياخ
وليد التلب .. ازيك يا صديقى, عاوزك ياخ تعمل لى ابديت بالموقف مع الاخوه الاعدقاء .. انشاء الله ربنا هداهم ياخ .. فالطريق سالكه لمن يريد ..
الشيخ سيد أحمد ..أو the famous alshiekh sid ahmed .. وكنا قد خلعنا عليك هذا اللقب إبان الأزمة ..
شكرا جزيرا يا عزيزي ..
فيصل محمد خليل .. شكرا جزيلا يا رفيق ..
سأغيب قليلا قبل أن أعود ..
| |
|
|
|
|
|
|
|
|
|
Re: باركوا لأخيكم نجاحه فى امتحان البورد الامريكي للتخصصات الصيدلانيه (Re: ABUHUSSEIN)
|
الأخ الكريم المشرف
سلامات وتبريكات وزداك المولى الكريم بسطة في العلم والمعرفة
وريني شن طعم الدروس
ما دام بكانا مشي قطر
وكيف ذاتا ترتاح النفوس
تقبل قرايةً في سفر
زينوبة كر من حالى كر
قاعد لى فوق كيمان جمر
غربة وكمان حالاً فقر
عذبني قبل اصل القبر
زينوبة كل ما افتح كتاب
القاك في اول سطر
القى الجداول والصحاب
القى الجناين والتمر
زينوبة دنيا الاغتراب
خلتني زي ورق الشدر
انحت من عدم الشراب
عم الاراضى وانتشر
كيف زاتو يا نبع الحنان
انجح من الام السهر
يا يمة حان الامتحان
من وقتو بس فاضل شهر
ما اظنِي من جور الزمان
انجح واجيب ليكم نمر
عمرك سمعتيلك ########
خاض المعارك وانتصر
في الحصة عقلى انا قام سدر
يمه المدرس لو فكر
كان يلقى قاعد فوق ككر
في الدونكا(المطبخ) لسع ما فطر
يسمع كليمة يا عشاى
واغلى الحكم عند الضجر
وانا قلبي كلو على جناي
وقلب جنايا على حجر
والله مش لو كان نهر (يعنى المدرس)
لو كالني بسيطان بقر
ما دام عقيل الجن سدر
ما اظنو من عندك حضر
بذاتو ابوى تلقاهو قام
فاتح كتابو مع الفجر
يقرأ ويرتل في كلام
ما بفهمو الناس الكفر
الشوق متل شوك الكتر
طعن الجسم لمن خدر
والله لو ما منجبر
ما كت بفارقك بي شبر
الغربة اصلوا طعيمة مر
لكني بعقد بالجبر
لمن سنين الهم تمر
يا ربي الهمني الصبر
ليس أجمل من كلمات العبقري الفذ حميد عليه الرحمة وله المغفرة وعقبى الدار
حين كتب حميد القصيدة كان مكان الدراسة لا يتعدى بضعة أميال بقطر كريمة القاصد الصعيد ، وانت الآن في غربة متباعدة يسعدن أن يكون حصادك فيها مزيدا من المعرفة
الف مبروك مجددا ونفعك الله بالعلم .
| |
|
|
|
|
|
|
|
|
 Re: باركوا لأخيكم نجاحه فى امتحان البورد الامريكي للتخصصات الصيدلانيه (Re: elhilayla)
|
أشهد الله أن هذا البوست من أجمل البوستات.
يا دكتور أنا في واقع الأمر لا أعرفك معرفة شخصية لكن الصورة التي تطل بها علينا ( في البروفايل الشخصي) الخاص بك توحكي بأنك رجل فاضل.
ويراعك و ما مداده يعبران بشكل مطلق عن نضج .
وزاد الأمر نوراً علي نور بهذا الإنجاز الأكاديمي المهم .
إذاً أنت إنسان .... وكفى
ألف مبروك و نحو مزيد من النجحات ....
| |
|
|
|
|
|
|
|
|
|
Re: باركوا لأخيكم نجاحه فى امتحان البورد الامريكي للتخصصات الصيدلانيه (Re: معاوية المدير)
|
الزميل العزيز محمد حيدر المشرف
تحياتي مقرونةً بأجمل التهاني وأجل الأماني لك بالتوفيق قُدماً نحو العلا
ونسال الله أن ينفع بعلمك وتخصصك وما قد يكون مستقبلاً بإذن الله ذاتك ووطنك وعشيرتك
والأماني القلبية نزفها لك في هذا التميز في مهجرك الإختياري والله ندعو أن تتهيأ لك البيئة في المليون ميل السابقة وتتجول في جامعاته تنثر المعرفة والعلم لطلابة كافة وبدون تأشيرة دخول .
كما لا يفوتي أن أهنئ الأسرة الكبيرة والصغيرة هنا وهناك وتمتد التهنئة لزملاء المنبر
بحيراوي
| |
|
|
|
|
|
|
|
|
|
Re: باركوا لأخيكم نجاحه فى امتحان البورد الامريكي للتخصصات الصيدلانيه (Re: رانيه محمد الشيخ)
|
مثلك ياصديق ........فقط عليه ان يقرر الجلوس للشهادة ........وسيؤاتيه النجاح من حيث يدرى ...............لذلك نجاحك لم يكن مفاجاءة بقدر ان جلوسك للامتحان هو المفاجئ ........
عودو الينا بارفع الدجات العلمية ، واغنى التجارب الثورية ...........
الف مبروك ..............
ــــــــــــــــــــــــــــــــــــ
بالله ياودالمشرف نفترض انك رسبت كيف يكون حالك قدام صغارك ؟؟؟؟؟؟والله تحدي صعب شديد
| |
|
|
|
|
|
|
| |
محمد حيدر المشرف
Mohamed Foto7li
هشام هباني
عبدالله ود البوش
أحمد ابن عوف
محمد علي شقدي
Kamal Karrar
الرفاعي عبدالعاطي حجر
د.محمد بابكر
عمار عبدالله عبدالرحمن
وليد محمد المبارك
سيف الدولة كامل
نصر الدين عثمان
الامين موسى البشاري
ismeil abbas
محمد البشرى الخضر
خالد عبد الله محمود
Hadeer Alzain
وليد التلب
الشيخ سيد أحمد
فيصل محمد خليل
عاطف مكاوى
خضر حسين خليل
ABUHUSSEIN
khaleel
صديق الموج
كمال مبارك
nabielo
صديق محمد عثمان
معاوية المدير
elhilayla
البحيراوي
Siham Elmugammar
عمار محمد ادريس
حيدر حسن ميرغني
عبد المنعم سيد احمد
غادة مكى محمد
wadalzain
ibrahim alnimma
الطيب شيقوق
أمير عثمان
محمد طاهر تكنه
كمال عباس
Rawia
نصرالدين صلاح
abdelrahim abayazid
الشفيع وراق عبد الرحمن
Kostawi
الفاتح سليمان
Mahjob Abdalla
بدر الدين احمد موسى
عباس محمود
Muna Khugali
عاطف عمر
حمد عبد الغفار عمر
اسماء الجنيد
يحي قباني
حمزه بابكر الكوبي
Ahmed musa
عبدالمجيد المقابل
أسامة البلال
Elsanosi Badr
داليا حافظ
علاء الدين حيموره
saadeldin abdelrahman
Elmosley
Elmoiz Abunura
smart_ana2001
عمر عبد الله فضل المولى
رشا سالم
طارق جبريل
احمد التجانى احمد
فيس بوك
تويتر
انستقرام
يوتيوب
بنتيريست