العناية الإلهية تنقذ إبنتنا من موت محقق !!

لا أصدق ما حدث حتى اللحظة

يقول أهلنا أن الأطفال تحرسهم الملائكة ، وتمنع عنهم الأذى ـ
كنت أتردد في قبول هذا القول ، ولكن ما جرى أمس لا أجد له مبرر سوى التسليم المطلق به

ميّار طفلتنا الأولى ـ لم تكمل 6 أشهر بعد
ولكنها طموحة جداً ولديها رغبة ملحة أن تكون مثل سائر البشر تمشي وتتكلم ،
في سبيل ذلك حققت إنجازات أكبر من عمرها ـ
ما يميزها الأن حركة دائبة ، ونشاط مستمر ، فضول كبير يجعلها لا تكف عن التجول في محيطها ومحاولة إكتشاف كل الأشياء



أنا وزجتى نحملها على أكف الحب
ونحيطها بالعناية والرعاية والإهتمام المتناهي
ونلبي كل رغباتها وطلباتها
فوق انها الطفلة الأولى ، فهي تتمتع بذكاء وقاد وروح مرحة ، وتتجاوب مع كل محاولة للضحك والعبث والمزاح معها

ميّار أصبح نشاطها يزداد يوماً بعد يوم
أكثر ما أصبح يخيفنا ، ويشكل هاجس بالنسبة لنا أنها عندما تفوق من نومها تبدأ تتحرك في كل الإتجاهات دون أن يبدر منها أي رد فعل يشعرنا بصحيانها من النوم ،
فأصبحنا نضع لها الحواجز والمتاريس في مكان ونومها حتى نحول دون سقوها من السرير

وعلى قول المثل المحروسة مقروصة
لم تحول كل هذه الحواجز دون وقوع الكارثة التي كنا نخشاها ونخافها

تابع باقي القصة أسفل

(عدل بواسطة محمد علي البصير on 11-14-2012, 08:48 AM)

(عدل بواسطة محمد علي البصير on 11-14-2012, 08:54 AM)
(عدل بواسطة محمد علي البصير on 11-14-2012, 08:57 AM)

Quote: حمدا لله علي سلامتها .. وربنا يحفظها من كل شر

Quote: ألف سلامة يا محمد على البصير,, نعم تحرسهم الملائكة لكن الحذر الشديد واجب يا صديقى,, الحذر الشديد وأى غلطة غير مقصودة تعد إهمالا,, الحمد لله على سلامة الأمورة..

Quote: شكلو دة الطفل الأول يازول يا ما تشوف وقعات ووقعات ، مرات علي الراس ومرات علي الضهر ، انت يادوب في البداية ... وفي الناس البكونوا شايلين الشافع ويقع منهم وما يكلموك ، الموضوع عادي ما تقلق ساي ربنا حافظهم وحمدلله علي السلامة

Quote: محمد البصيري سلام وتحية وحمدلله على سلمتها أولاً ثانياً ياخي طيرت قلبنا لكن أقول ليك حاجة طالما أنها مولودك الأول فليك حق تخاف لكن الوقوع من السراير دا بالنسبة للأطفال عادي حيث أن عظامهم ما زالت في مرحلة قضاريف وخلي أطباء المنبر يدونا رأيهم لكن أنا كنت زيك كدا في الأول أما الآن فعرفنا أن سقوط الأطفال وإصطدامهم بالحائط وغيره حسب أوزانهم الخفيفة (فيزياء/ ميكانيكا) لا تؤثر عليهم كما نتوقع لك التحية ولميار كل الحب ولها دوام الصحة والعافية

Quote: الف سلامة ربنا يحفظها ويبارك لكم فيها ويغتّي عليها الحبوبات بقولوا ان هناك ملاكا يتلقى الشافع الواقع بجناحه ويكثرن من الدعاء بقولة "يغتّي عليك بجناح جبرين" و الله اعلم

Quote: اااااااامحمد يازول ما تسمع لهلهة الحريم دى وخوفهم على اول طفل الشافع كان ما وقع راسو ما بقوى وبقول ليك مهما حرصتم حا تقع اكتر من مره وده اكتر من طبيعى الحدث لميار دى يازول المهم اعمل حساب الكهرباء والبوتجاز وابعد الادوية عن متناول ايديها الباقى ده عاااادى وربك حفيظ تحياتنا لميار وامها،،،

Quote: كان سؤاله الأول ـ هل تعرضت لإغماء لا هل إستفرغت وقت سقوها ؟ لا ثم أجرى بعض الإختبارات على جسدها فطمأننا بأنها بخير ولا يوجد ما يدعو للقلق

Quote: الف سلامة وربنا يحفظها ليكم.

Quote: سلامات للبنية يا بصير .. ما تشوف شر إن شاء الله ربنا يحفظا ليكم ويغتي عليها _ بعد شوية الموضوع ببقى عااادي .. والله صحي _ روان قبل كـدا وقعت من مسرح مرتفع يمكن متر ونص وعلى راسا .. وديناها المستشفى أربعة غرز طوالي!! أها تخيل أنا واقف وشايف العملية دي كووولها وأقسم بالله لمن طلعت من المستشفى قعدت في العربية نص ساعة على الأقــل عشان أقدر أسـوق! وأنا شايلا وطالع من المستشفى كنت زي الماشي في موية نص غيبوبة ونص مخدر ونص .. المهم كنت حاسي إني داير أقع!! النجيضة .. كنت داير أقع جوه غرفة الخياطة!!

Quote: الف حمداً لله على سلامة بنتكم أخى محمد....نعم أنتم سنة أولى ولادة ولكن الحذر الحذر من ألأهمال المفرط. بالرغم من إنكم أبداً ما مفصرين لكن ألأطفال ديل بعملوا حاجات كده ما متوقعة .أضيف لنصائح ألأخوان وخاصة نصيجة أخونا صديق الموج.اللعبات يجب ان تكون بحجم سنها وأن لاتكون هناك لعبات يسهل أن تدخلها فى فمها وتخلق لها مشكلة تنفس .لأن الطفولة مراحل وكل مرحلة تختلف فى سلوكها وطريقة مراعاتها. ربنا يزيدكم من الذرية ويطرح البركة ويسعدكم. تقديرى وإحترامى.

Quote: اخى الكريم ود البصير الف حمداً لله على السلامة وكما قال الاخوة المتداخلون الكرام ياما تشوف وقعات ووقعات بس شيل الصبر. انا احكيلك قصة قريبة من قصتك دى بس انا قلبى اتبولد ولم اعرها كبير اهتمام لانو الموضوع تكرر واصبح عندى وعند المدام عادى. انا انجبت ابنى البكر وتعال شوف الخوف والرعاية الاكتر من اللازم... ياخى دا لامن يبكى القيامة كلها تقوم الجنا دا مالو القرصو شنو وهو رضيع لم يتعد الثلاثة اشهر ولكنه كان كثير البكاء. المهم لا اريد ان اطيل عليك بل اريد ان اخفف عليك !!! بعده انجبنا محمد وبعده محمود ومن ثم مزمل ولله الحمد والمنة ، والبكر كان اسمه احمد. المهم احمد الآن فى صف ثانى ابتدائى والحمد لله كثيراً ... حصل قبل شهرين وبعد ان اتى من المدرسة وبعد ان انزله البص عند باب المنزل صعد الدرج بشنطته الكبيره التى لا تقوى يديه الصغيرتين على حملها ... سقط احمد لا حظ معى (الباكورة) من على السلم وشج جبهته وسال الدم غزيراً وانا فى المكتب ... اتصلت المدام وقالت انو احمد وقع من السلم وتعال نوديهو المستشفى... والله العظيم احمد دا لامن ولدوهو اشتريتلو سرير الاطفال الذكرتو انت دا ووقع منو مرة وهو صغير لكن لأننا وهو اول العنقود ماخلينا طوارئ ولا اسعاف ولا طبيب حايم. اما الآن وبعد ان وقع احمد من على الدرج الذى ذكرته وشج جبهته كان الامر عادياً جداً ... اتيت واخذته الى الطوارئ وبعد المعاينة سألونى نفس الاسئلة المقتبسة اعلاه ... ثم صور اشعة ورنين مغنطيسى للرأس والحمد لله الموضوع جا سليم.. المهم فى الموضوع هل تصدق انو امو لم تأت معى الى المستشفى بل بقيت مع اخوته وظلت تتابعنى بالتلفون ... وكأن شيئاً لم يحدث. عليه اخى الكريم وزى ما بقولو اهلنا (الما بغتيها الله شمس) فطول حبال صبرك واتمنى من الله ان يرزقك بذرية صالحة ويحفظهم لك من كل مكروه. تحياتى لك بلا حدود

Quote: لله الحمد والمنة من قبل ومن بعد وربنا لطف ويلطف بيهم وبينا يا محمد بحيراوي

Quote: حمد لله على سلامته اخي البصير

Quote: سلامات للبنية يا بصير .. ما تشوف شر إن شاء الله ربنا يحفظا ليكم ويغتي عليها _ بعد شوية الموضوع ببقى عااادي .. والله صحي

Quote: الله يحفظها لكم كلو ولا الاطفااااااااااااااال عليكم بالحرص الشديد ربنا يحفظهم جميعا

Quote: الف حمد الله علي السلامه اخي محمد هي بالضبط عنايه الهيه لكن خلعتنا بي قصة موت محقق دي !

Quote: حمد الله على السلامة لكن يامحمد انتو شفقانين شديد أديك حكاية خالد ابني ذو الأربع سنوات وشيطان حتى ا لنخاع كان يجلس بجانبي في السيارة وفي لحظة انحرافي يسارا داخل الأشارة ا فتح عليه الباب وسقط من العربية!!!! والعربات متحركة داخل الأشار ة. كان شرطي المرور يقف في الأشارة وعندما شاهد الطفل يسقط جرى عليه وخطفه قبل أن تدهسه العربات القادمة, أخذته للمستشفى وعملنا الصور والفحوصات اللازمة ومن ثم قمت بابلاغ امه والحمد لله لم يحصل له خدش!

Quote: ما تشوفو شر يا محمد

Quote: ود البصير سلامات ياخي وحمدا لله على سلامة البنية ها زول خلعتنا خلعة شينة خلاس غايتو انا ما داير اقارن ليك بعروبنا مع انو جسم الانسان اياهو جسم الانسان مع فرق البيئة سراميك ----- دلجة بالكتير باختصار شديد معاك حق ودا حال الطفل الاول لكن زي ما قالوا الجماعة السبقوني بردلب دي عادية وقد تكون اسبوعية بس احذر الكهرباء والنار والادوية والالات الحادة والباقي هين ربنا احفظها واخليها وياما شفنا محن تمحن من الاطفال

Quote: الف حمدالله علي السلامة اخونا ود البصير يااخي بس خلعتك انت اكبر الأطفال تحرسهم الملائكة كما ذكرت وغايتو شفعنا نحن وقعوا جنس توقع بس الله حافظ الف سلامة ليكم

Quote: Quote: سلامات للبنية يا بصير .. ما تشوف شر إن شاء الله ربنا يحفظا ليكم ويغتي عليها _ بعد شوية الموضوع ببقى عااادي .. والله صحي

Quote: سلا يا محمد علي اولا الحمد الله علي سلامة الامورة اقسم بالله العظيم انا بقرا في كلامك ده وعيوني امتلات مويه من كترة حبي للاطفال ومن ما جري لصغيرتكم ربنا يحفظها

Quote: حمدا لله علي سلامتها .. وربنا يحفظها من كل شر

Quote: أديك حكاية خالد ابني ذو الأربع سنوات وشيطان حتى ا لنخاع كان يجلس بجانبي في السيارة وفي لحظة انحرافي يسارا داخل الأشارة ا فتح عليه الباب وسقط

Quote: يا ود البصير السلام عليك وعلى وميار ربنا يحفظا ليكم ويحفظكم ليها ... خلعتنا ياخ التوقع والتخبط وضرب الرأس شىء عادي عند الأطفال .

Quote: حمدا لله على السلامة يا أبو ميار. زماان حبوباتنا قالن الشفع بتحفظن الملايكه, و قد صدقن. ربنا يحفظهاميار من كل شر.

Quote: ربنا يحفظه يارب ويطمئنك عليه دائماً يالبصير وكل افراد اسرتك طيبين ..يارب.

Quote: سلامات يا ود البصير دي بسيطة وبتقويها كمان وزي ما قالوا ليك عظام الأطفال غضاريف، وكمان مرنة وقويه بتتحمل الصدمات ما زي عظام الكبار الناشفة وهشه البتنكسر من هبشه.. بس يا حبيب.. اطفالنا في السعودية وفي دول المهجر خاصة اوروبا وامريكا والعالم المتقدم محتاجين للتراب!! يلعبوا فيهو ويقوي مناعتهم.. يعني شفع السودان تلقاهم طول اليوم في الواطه ومع ذلك - لولا الوبائيات مثل الملاريا والتيفوئيد- تجد مناعتهم افضل من مناعة اولاد المغتربين.. دمت ودامت اسرتك بكل الخير

Quote: ود البصير ألف حمد الله على سلامة الأمورة الصغيرة. سقوط الأطفال من السرير عادي و بيحصل لكل طفل تقريبا طبعا الأهل بيخافو و لكن العناية الإلاهية دائما تحفظهم. Quote: أديك حكاية خالد ابني ذو الأربع سنوات وشيطان حتى ا لنخاع كان يجلس بجانبي في السيارة وفي لحظة انحرافي يسارا داخل الأشارة ا فتح عليه الباب وسقط لهذا السبب فان سلطات المرور هنا في أستراليا تلزم الاطفال و إلى عمر سبع سنوات بالجلوس في كرسي مخصص لهم و مثبت بدقة و عناية.

Quote: سلامات وحمدا لله على السلامة يا أبو ميار. ربنا يحفظها ويجعلها قرة عين لوالديها تحياتى