|
|
|
 Re: أحد المعتقلين معنا كان إبن فريق فى الامن !!!!!! (Re: محمد إبراهيم علي)
|
Quote: حمد لله على السلامة يا معتصم
والعقبي للبقية من المعتقلين
|
تسلم ياحبيب
| Quote: تاني ما في واحد يقدر يقول ليك مناضل كي بورد لووووول |
ياحبيب عندى رصيد سابق يخلينى اورجغ سنة ..مافى زول بيقدر يفتح خشمو
لكن ان جيت للجد ناس الكى بورد شغالين نضال اكتر من ناس جوة ...
الناس نائمة نومة اهل الكهف
ودى
| |
  
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: دينا خالد)
|
| Quote: أحد المعتقلين معنا كان إبن فريق فى الامن !! |
هسه دا معتقل ولا غواصة ؟؟ لووووب
ود الجمام سلامات
وحمدلله الف على السلامة ..
نقص الهم واحد ...
الزول دا اوووع تكون اديتو اخركم ...
ــــــــــــــــــــــــــــــــــ
انت كنت معتقل علاقات عامة ؟ شنو الله يسلمكم الله يسلمكم
والمطايبه البتعمل لينا فيها دى ... احكى احكى عن ظروف اعتقالك
وكنت معتقل وين ؟ والكان معاك منو ؟ شفت منو جووه ؟ وما شفت منو ؟
وسمعت شنو عن الماشفتهم ؟ وووووووو احكى ياخ خلى سلامنا دا ...
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: دينا خالد)
|
| Quote: انت كنت معتقل علاقات عامة ؟ شنو الله يسلمكم الله يسلمكم |
الله يسلمك
_____________________________________________________
عارف انتظاركم صعب فى مثل هذه الحالات ..فحنتخطى ليك حتة
الترحيب والمطايبات ..وندخل ليك على الموضوع...
****كل المتداخلين الله يسلمك*******
لسان طالع لدينا
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: elhilayla)
|
تحياتى
الف حمدالله على السلامة
ستكون ذكريات خضراء دائما
نستمتع بها وهى مهمة!!
بعضها شخصى جدا وبعضها يمكن وان يقال بعيدا عن شبهة (التسول بها)!!
ولكن المهم ان تحكى للذين يريدون مشاركتك تلك الايام التعيسة,,للوجه الحقيقى للانقاذ!!
غايتو لو كنت منتظرنى عشان تقول !!!اها جينا
KOFI
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: د. ياسر عبد القادر)
|
يا كلّ العالم هل تسمع؟
إنّا أقسمنا لن نركع..
لن نركع أبداً لن نركع
ما دام بنا طفلٌ يرضع
قد نبكي شوقاً لا حزناً
يا كلّ العالم كي تسمع
فالعيش بِذُلٍّ لانقبل
والموت بفخرٍ ما أمتع
قبضاتنا أصلب من حجرِ
أجسادنا سدّ بل أمنع
دموع رجالنا محرقة
للطاغي بل موتٌ أفظع
يا كلّ العالم هلتسمع؟
ننبيك بأنّا لن نخضع
قد عاد النجم يجاورنا
والحق غداً شمساًتسطع
وبلالٌ قام يؤذّن في أحياء القدس..
أجراس العودة فلتقرع
ما عدنا نخاف البطش
ولا قصف المدفع
يا كلّ العالم هل تسمع
قد نبكي شوقاً لا حزناً
ياكلّ العالم فلتسمع
إنّا باقون إلى الأبد
.. لن نركع أبداً
.. لن نخضع
وحمدالله الف على السلامة وعقبال الاخوات والاخوان القابعين فى سجون الطغاة
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: خضر الطيب)
|
الاخوة الاعزاء شكرا جزيلا لحضوركم الباهى الكريم
ومعذرة لعدم تواجدى معكم فى الفترة الماضية وذلك لعلة اصابة
كمبيوترى جعلته بطيئا..وإن شاءالله ساقوم بالتعقيب على مداخلاتكم
وإيراد التجربة التى مريت بها ..وأعد ان يكون ذلك فى القريب العاجل
حال إنقشاع تلك المعضلة وساذكر كل الاحداث التى مرت بى وسأكون أمينا فى سرد تلك الوقائع
اكرر إعتذارى ..ونلتقى
مع خالص ودى
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: خضر الطيب)
|
الاخوة الاعزاء شكرا جزيلا لحضوركم الباهى الكريم
ومعذرة لعدم تواجدى معكم فى الفترة الماضية وذلك لعلة اصابة
كمبيوترى جعلته بطيئا..وإن شاءالله ساقوم بالتعقيب على مداخلاتكم
وإيراد التجربة التى مريت بها ..وأعد ان يكون ذلك فى القريب العاجل
حال إنقشاع تلك المعضلة وساذكر كل الاحداث التى مرت بى وسأكون أمينا فى سرد تلك الوقائع
اكرر إعتذارى ..ونلتقى
مع خالص ودى
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: معتصم مصطفي الجبلابي)
|
أولا نبدأ بأول (جمعة) احضرها فى السودان واعنى جمعة ثورية
كان وصولى السودان فى يوم (30 يونيو)..اى بعد يوم
من جمعة (لحس الكوع )..ففات على شرف المشاركة مع
الاخوة الاحباب فى تلك الملحمة ..برغم انى سعيت مابوسعى
أن ادرك تلك الجمعة ...
دى جمعة نافع ..انا بالنسبة لى الحكومة دى كلها كوم
ونافع ده كوم براهو .. فلو منحت الحق فى محاسبة
اهل الانقاذ فبحاسبهم كلهم الا نافع ده بكون رأس
انا حارقانى رجولتو الزائفة البيعمل فيها ...
جنى وجن اشباه الرجال لما يعملو رجال ....
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: معتصم مصطفي الجبلابي)
|
وأنا فى طريقى الى الجامع مررت بعربة يحرسها كلاب امنهم
إقتربت من العربية(البوكس)..فلمحت كمية من العصى والبولسين (خرطوش الموية الارضى الاسود)
وقفت عندهم وقلت لهم (بخراطيشكم)..أراد أحدهم ان يوقفنى
قلت ليهو النصلى بعد داك بنتلاقى ...
الساعة الثانية ظهرا والجامع إحتشد بالمصلين أتى الصادق المهدى تتبعه
هتافات الانصار الهادرة المتحمسة المعبأة للثورة والانتفاض....
حدثت نفسى سرا ..كيف لى أن اجد كل هذا الولاء وكل هذه الجماهير الملتهبة
المشاعر المستعدة لخوض الوغى ..المتعطشة للجهاد والخروج الى الشوارع
أنصار متأهبون لان يأكلوا النار كيف لى أن اجد تلك الجموع ..ولا أقوى
على (سحق) هذا النظام الفاسد الذى سكن فينا سنينا؟؟؟؟؟!!!!!!!!!
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: معتصم مصطفي الجبلابي)
|
إنتهت الصلاة وبدأت الجموع تدافع نحو الابواب كالموج الهادر
وتهتف راعدة ...الشعب يريد إسقاط النظام .....
خرجنا الى الشوارع شارين هتافنا وتلقتنا
الشوارع بالبسالات المضادة للعساكر والمساخر والخنوع
خرج الالاف متوجهين الى ساحة المسجد الخارجية
وتلقتنا جحافل من الجيوش وارتال من كلاب الامن
وتحول الهتاف فى لحظة الى (سلمية ....سلمية)
لم تمر لحظات بل هنيهات لم تتعدى الخمسة دقائق
وإلا وأطلق البوليس رصاصه المطاطى والغاز المسيل للدموع
تحولت السماء الى دخان كثيف وجو خانق ..وكان الهتاف
مع ماريل
ها مرة اخري سنصعد فوق هذا الاختناق
الى عناق البندقية
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: معتصم مصطفي الجبلابي)
|
خلونى اوصف ليكم البمبان الكيزانى
حقيقة الواحد قبل كده تعرض لمثل هذه المواقف
منذ ان كنا صغار وفى عهد نميرى كان البمبان
يتسرب الى حجراتنا ونحن فى مأمن ...
حتى فى بدايات الانقاذ كان البمبان مختلف ..
يعنى بمبان زمان بالنسبة للبمبان الحالى داك
ممكن تتعطر بيهو وما تجيك حاجة ....
البمبان (الكيزانى) ده شكلو براهو ..اول حاجة
بيحصل ليك إنهيار كامل فى الاعصاب .ولاتقوى على حمل
نفسك ولا تستطيع أن ترى أمامك..الحاجة التانية
تصاب الرقبة بحالة سخونية حادة كان نار وإشتعلت فيها
خلاصة القول أن هذا البمبان غير طبيعى ولا يصح أن يطلق
عليه مسيل للدموع بل هو غاز أعصاب ...لاتفوق منه الابعد تلت الساعة
او نصفها هذا اذا ابتعدت عن مكان الحدث لمسافة بعيدة
أما إذا فضلت قريبا من مكان إطلاقها فبدون شك سيغمى عليك
وستفقد الوعى تماما
| |
|
|
|
|
|
|
|
|
|
Re: أحد المعتقلين معنا كان إبن فريق فى الامن !!!!!! (Re: معتصم مصطفي الجبلابي)
|
بعد إطلاق البمبان تفرق الناس وأصبح كل واحد يفتش ليهو فى مخرج
من داك الدخان الخانق ..فمن الناس من إنتشر فى شوارع ودنوباوى
وازقتها ومنهم من دخل الى البيوت المجاورة التى كانت تفتح ابوابها
إستعدادا لنجدة المتظاهرين ومنهم من عاد أدراجه الى المسجد
ظن منهم أن من دخل بيت الله فهو آمن ..لكن بوليس السجم وحكومة الدمار
بتعرف بيت الله والا بتعرف حرمة المسجد إستمر إطلاق البمبان والرصاص المطاطى حرم
المسجد وداخل صحن الجامع ..وفى مبانى خلوة الامام عبدالرحمن لتحفيظ القرآن
وولجنا نحن احد المنازل المجاورة وبقينا فيها قرابة نصف الساعة ..
ثم رجعت الى المسجد وكان الناس محاصرون لايستطيع أحد الخروج منه والبوليس
من الحين الى الاخر (يديهم رشة بمبان) ..إستطعنا أن نتسلل مع بعض المتواجدين
الى منزل الامير نقد الله (أنعم الله عليه بالصحة والعافية) وكان البيت يعج
بالثوار ..مكثنا لقرابة الساعة او مايزيد وعندما بدأت الاوضاع تهدأ
بدأ الناس يتسللون واحد تلو الاخر ..كان برفقتى صديقى حسن إسماعيل ..
حسن كادر مشرم وصعب الامساك به من داخل الشارع الفرعى نادى على صاحب ركشة ..
وبسرعة ركبنا الركشة وذهبنا الى حالنا وكنا كل مانمر بدفار بوليس نلقى فيهم ناس
واقفين وناس نايمين ..قلت لحسن الناس ديل ظاهر عليهم مساهرين سهر شديد
الناس لو واصلت كده حتنهكهم اكتر ..وبعد شوية ما بكون عندهم قدرة لصد المتظاهرين
| |
|
|
|
|
|
|
| |
معتصم مصطفي الجبلابي
محمد إبراهيم علي
Khalid Kodi
أمجد الزين
محمد البشرى الخضر
نجلاء سيد أحمد
خضر الطيب
وضاحة
الامين موسى البشاري
معاوية الزبير
عباس محمود
Zakaria Joseph
Elmoiz Abunura
نيازي مصطفى
Hani Arabi Mohamed
خالد العبيد
Imad Khalifa
قاسم المهداوى
Bushra Elfadil
Nasr
abdelrahim abayazid
محمد المسلمي
Siham Elmugammar
Omer Abdalla Omer
Asim Fageary
Yassir Tayfour
دينا خالد
العوض المسلمي
othman mohmmadien
صديق الموج
Albino Akoon Ibrahim Akoon
aydaroos
نجلاء قرافي
محمد علي البصير
nazar hussien
Zomrawi Alweli
Yasir Elsharif
elhilayla
احمد خليل
ABDALLAH ABDALLAH
mekki
فيس بوك
تويتر
انستقرام
يوتيوب
بنتيريست