|
|
|
 Re: صورة الموسم لاقيف ( رباطين) في المنبر! (Re: هشام هباني)
|
هسي عليك الله يا ود هباني بدل العوارة والعلقنة القاعد تسوي فيها دي ..لو فتحت ليك بوست
لجمع التبرعات من الناس الفالقننا نضال نضال ديل .. ياخ ان شاء الله 50 دولار ترسل لجهة معلومة في الخرطوم
زي مركز الخاتم عدلان أو مركز د.حيدر علي ابراهيم لدعم أسر المعتقلين الله بحاسبك ؟
ياخ اعمل ليك عمل خير واحد في حياتك بدل عاك عوك القادينا بيها دي ..
شوف راوية العباسي كاتبة شنو Quote: لايماني بعدالة خروجهم
وللبعد المكاني والظروف التي تحول بيني وبين مشاركتهم الخروج والتظاهر
وللرغبة الاكيدة في الدعم
ستصل مني 100$ لصديق أثق في طريقة تفكيره
ليصرفها على شراء ماء لشرب المتظاهرين أو أي بند يراه مناسب
هذا الاعلان ليس بمنة مني
وإنما تحفيز لفعل المثل او إقتراح أشكال دعم أخرى
...... أتمنى لو أستطيع فعل الاكتر من ذلك |
Re: زبدة الكلام اى مغترب يا يقيف مع سودانيي الداخل يا يسكت على خيبته!
بالله عليك الشابة دي مش أرجل من ستين واحد زيك انت وناس عاطف مكاوي وباقي المناضلاتية الحايمين هنا ؟
إنتو متين بتشعروا بالمسئولية وتبقوا رجال وتدخلوا يدكم في جيبكم ؟
ياخ نحن المساكين ديل سوينا اكتر من قدرتنا وقطعنا من قوت عيالنا ...
عليك الله يا ود هباني حاول كبر دماغك شوية وإذا ما قادر أقيف من الكتابة على الاقل اليومين ديل
بوست زي دا الناس تستفيد منو شنو ؟ ما معقول ياخ الانصرافية بتاعتك دي
أففففففففففففففففففففففففف
لو فيك فايدة صحي صحي أفتح بوست لدعم الاسر وداير اشوف تبرعك
عليك الله موقف راوية دا ما خلاك تحس بالخجل، دا طبعا إذا انت لسه قاعد تحس !!
عندك 48 بوست في المنبر، كتبت في اي حاجة إشمعنى حكاية الدعم دي عملت منها ميت
إخس على الراجل لمن يبقى دلقان
| |
  
|
|
|
|
|
|
|
|
Re: صورة الموسم لاقيف ( رباطين) في المنبر! (Re: عبدالوهاب علي الحاج)
|
قائمة المناضلاتية البتنادي فيهم في الرابط التحت دا
هؤلاء المناضلون المحترمون مطلوب حضورهم فورا لأسباب وطنية!
لو قدرت جازفت من كل واحد منهم 20 دولار فقط والبساوي عندك تمن سندوتش بيرقر + قنينة بيرة
ممكن الجهة البتستلم التبرعات تقدر نشتري لكافة اسر المعتقلين موية رمضان دقيق وشرموط وزيت وبصل وملوة بلح
الاسعار ولعت والجوع ما برحم ...
لكن دعمكم بتاع (اليافطات) دا ما بسد ليهو جوع زول ونحن حالنا ما افضل من المعتقلين ورغم ذلك ساهمنا مساهمات خجولة
بالله يا ود هباني تبنيك للمشروع دا ممكن يعيد ليك انسانيتك الضيعتها في طرابلس مرة تانية ...
رمضان باقي ليهو يومين تلاتة يلا همتك ومصداقيتك والزمن ما في صالح الاسر المستهدفة بالدعم
| |
|
|
|
|
|
|
|
|
 Re: صورة الموسم لاقيف ( رباطين) في المنبر! (Re: عبدالوهاب علي الحاج)
|
وينك يا كضاب الخلا
خاطبناك باعتبارك أكبر المناضلين سناً عشان تتبنى المشروع الإنساني دا تقوم تكب الزوغة ؟
يا زول المعتقلين ديل عندهم أسر بياكلوا وبشربوا ... أنتو عايزين الناس دي تسقط ليكم الحكومة وما دايرين تساهموا ؟
وبعدين ياخ ما طلبنا منك ملايين قلنا انت وقطيع المناضلاتية دايرين من كل واحد ما تيسر 50 أو 20 دولار
وممكن مراكز الاستنارة بالداخل تتبنى توزيع الاموال دي حسب الحوجة ...
انتو قايلين لمتكم كل ويكند شايلين ليكم لافتات وشابكين الناس عيك عاك دي بتنفع بحاجة ؟
يلا يا كبير اخوانو افتح البوست واتوكل على الله .. الناس هنا منتظرة منكم دعم حقيقي وملموس .
هسي واحد زي خالد بحر دا ممكن يستفيد شنو من حكاية انك انت وتراجي وآخرين خاتين صورتو في بروفايلاتكم ؟
هل وضع الصورة في البروفايل ممكن يسد جوع أهل بيتو علما بأنه هو العائل الوحيد لأسرته ..
أختشوا يا مناضلين واهو الزميلة راوية العباسي ابتدت ليكم الشغلة بــ 100 دولار ..
يلا يا شباب خلوا عندكم همة ونخوة ومصداقيتكم على المحك ..
| |
|
|
|
|
|
|
|
|
|
Re: صورة الموسم لاقيف ( رباطين) في المنبر! (Re: عبدالوهاب علي الحاج)
|
قلت لي جمعة المهمشين .. كمان نفسك فاتحة وبتسمي الجمعات يا فطقة ؟
استمرار الجمعات يعني المزيد من المعتقلين .. يعني المزيد من الجوعى ممن هم في كفالة اولئك المعتقلين
وأنتوا لا جديد شايلين الدلوكة وحايمين عليكم الله سووا لينا الجمعة الفلانية، حرائق وبمبان وانتو (جمعتكم في شمبات)
حلاة الجمعة يومها وحلو شمبات مقيلها .. مش ياها دي شغلتكم يا حكامات الثورة ؟ هسي انت فرقك شنو من الحكامة الباتيل
حتى "الباتيل" دي عندها غنية غاية في العقلانية بتقول فيها " بلا المال ما انقضن غروض ..... بلا الخريف ما انملن رهود "
على النعمة انا غلطان وستين غلطان لما اتوسمت فيك الخير وقلت الخال دا ممكن يتبنى المشروع الانساني دا لكن لقيتك مرخرخ
ودا الحالة نحن كنا عايزنك تجي تقود الثورة دي على الهواء مباشرتن .. تقوم تطلع لينا منفنس الـ 20 دولار ما داير تمرقها من اجل أسر المعتقلين .
يا زول صُم خشمك عليك لا حاجة لنا ببوستاتك ومظاهراتك بتاعة السيتي هول ...
قال السيتي هول قال قوم لف كدا بلا يخمك راجل قليل مروة وعديم نخوة
عليك الله انت هسي ما خجلان من كلام راوية دا ؟
Re: زبدة الكلام اى مغترب يا يقيف مع سودانيي الداخل يا يسكت على خيبته!
أفتح الرابط الفوق دا وأقرا كان ضميرك يصحى عشان تقدر تصحي باقي الضمائر الماتت
وشبعت موت من أكل البيرقر وشراب البيرة الساقطة يا مجموعة كذابين ..
__________
أشكر كل من اتصل وأبدى رغبة في المساهمة ، بس الشغل دا عايز زول معاكم في امريكا وكندا عشان يقدر يتابع
وممكن تنسقوا مع واحد من المراكز المذكورة أعلاه لاستلام المبالغ ..ومن ثم توزيعها حسب الحوجات
وياريت واحد من ناس امريكا يفتح البوست بدل الدلقان المرخرخ دا .... الا هل بلغت اللهم فاشهد
| |
|
|
|
|
|
|
| |
هشام هباني
عبدالوهاب علي الحاج
فيس بوك
تويتر
انستقرام
يوتيوب
بنتيريست