|
|
 ضرورة إستيضاح الشرطة السودانية عن ربّاطة جامعة الخرطوم !
|
تسجيل الفيديو المنتشر في الانترنت يمثل احراجا كبيرا للشرطة السودانية
يتوجب علي المحامين الوطنيين او اي فصيل من فصائل قوي الاجماع الوطني او منظمة حقوق انسان
ان تسأل جهاز الشرطة عن كيف يسمحون لمدنيين مسلحين بسلاح ابيض ( الرباطة) بمهاجمة محتجين و هم طلاب جامعة الخرطوم و توضيح ان هذه الممارسة غير قانونية وتوضح ان شرطة مكافحة الشغب تعمل علي حماية الجريمة المنظمة
اولا دستوريا الاحتجاح بالتظاهر حق مكفول للناس
ثانيا ما هو دور الشرطة في حماية المواطنين فهمنا قصة الممتلكات العامة
كيف تسمح الشرطة لمدنيين يحملون سلاح ابيض بالمكشوف بمهاجمة مواطنين آخرين
هم ليسو اكثر من طلاب جامعة الخرطوم
و سيقف تسجيل الفديو دليلا دامغا علي حضور الشرطة للحادث لا بل حماية الرباطة
طه جعفر
|
|
  
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: طه جعفر)
|
يا طه جعفر ما يحدث فى الجامعات من قمع وبطش خارج اطار الشرطة
المنحــــط القــــــذر عبد الغفار الشريف هو من يخطط ويوجه
هذا المعتوه ..المريض الذى كان يستمتع برؤية اعضـــاء المعتقلين
فى بيت اشباح شارع الجمهورية ..سيكون له حساب مختلف
انا شخصيا لامن الم فيهو اول حاجة بشيل نضارتو ..بعد داك ربنا
بسهل
| |
|
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: طه جعفر)
|
حريات)
جلس (ج ، و) البالغ من العمر(20) عام بصعوبة بالغة فجسده النحيل يحتمل الآم عظيمة بقدر عظمة شجاعته ، تحدث الى حريات وهو ممتلىء بروح قتالية لاتتناسب وما تعرض له من تعذيب وسرد لنا تفاصيل تعذيبه بأحد البيوت بأمدرمان بعد الجمعة الماضية فقال:
( كنت راجع من ودنوباوى وحاصرونا رباطة حوالى 8 كده فقاومناهم وردمناهم بالحجارة فهربوا لكن لحقونا ناس الشرطة وكانوا كتار حوالى 16 شرطى وكنا نحن تلاتة بس فقدروا يقبضونا وسلمونا للرباطة فى البوكس بتاعهم .. وضربونا ضرب شديد بخراطيشم السوداء .جاء واحد شكلو ضابط نهرهم انه مايدقونا هنا فى الشارع قال ليهم: دقوهم لما تصلوا زى ماعاوزين لكن ماتلفتوا نظر الناس فى الشارع ” فطوالى الرباطة قالوا لينا أقلعوا قمصانكم غطوا بيها وشوشكم وطوال الوقت كانوا بيضربونا لو رفعنا رأسنا لحدى ماوصلونا لى بيت عبارة عن ثلاثة طوابق وفيهو مكاتب مفروشة بفخامة. كانوا طوال الوقت بيسألونا “أسمك منو وقبيلتك شنو؟” فى الطريق كانوا بيقولوا لينا “انتو ماعارفين انه الخروج ضد الحاكم حرام وانتو لو موتوا بتكونوا فطايس لكن انحنا شهداء. وشالو مننا تلفوناتنا كلنا. ولما وصلنا البيت بتاع التعذيب ده كانوا بيكبروا والناس الجوه برضو قابلوهم بالتكبير.
أول ما دخلنا قبل مانكشف وجوهنا بدأ الضرب..ضرب عنيف مابتتخيلوهو عشرات بتلمو فى واحد ويضربوهو فى اى حته . قام جاء ضابط قال ليهم ضرب ظاهر ما دايرين انتبهوا فقاموا وقفونا صف ووجوهنا للحائط وكل واحد يضربنا ويمر بالخرطوش الأسود علينا واحد واحد وبيضربوا بس فى الألية والأفخاذ. ظلوا يضربوا فينا لحدى المغرب بعد داك طالبنا بانه نصلى فطلعنا لنجيلة صلينا فيها وأول ما انتهينا ضربونا فى ناس كانت لسه بتسلم نزلوا فينا ضرب قالوا لينا “نجستوا النجيلة” .
بعد الصلاة بدأ التحقيق وقفونا صف وجاء زول ضخم كده بيسوقنا زول زول لى المكاتب فبيمررنا على 7 مكاتب تقريبا، فى كل مكتب بيسألوك نفس الأسئلة وطول الوقت بينبذوك بى ألفاظ بذيئة فى حق نفسك وحق أمك، فى واحد من المكاتب لقيت سفرة فيها أكل من كل صنف جداد مشوى وسلطات ولحوم وفى زول قاعد يأكل بعد ما انتهى قال لى” انتو طالعين عشان جعانين تعالوا اشتغلوا معانا تأكلوا أكل زيى ده”. وفى واحد جانا يناقشنا انه كان زينا وبعد مادخل الأمن أوضاعه اتحسنت وإشترى بيت فى بانت غرب وعربية.
بعد انتهى التحقيق أجلسونا فى الواطة دائرة وبقولوا لواحد مننا يردد هتاف معين والتانين يضربوه لانه قال الهتاف ده مثلا يقولوا لينا قول أنا شيوعى وانت بتلف فى الدائرة ولما تقول كده يضربوك التانين يقولوا ليك شيوعى ###### نجس وكلمات بذيئة يعف اللسان عنها. كانت فى إهانات وتهديدات جنسية مقرفة زى انه يقولوا عن واحد انه بشبه بت الجيران “وأحلى منها كمان” وكنا بنستغرب مش فى تحرشاتهم لكن كيف بيقولوا كده عن بنات حلتهم الناس ديل ماعندهم عرض خالص.
فى رائد لونو أصفر وتخين جاء قال لينا اهتفوا “الله البشير وبس، ولما رفضنا ضربونا ضرب شديد فى أى حته فى جسمنا، وبرضو كان بيطالبونا نهتف نموت نحنا ويحيا البشير. وواصلوا فى الضرب لحدى نص الليل ولحدى الوقت داك ماف أكل وجابوا لينا موية تلج مابتتبلع قالوا لينا الداير يشرب يقوم لكن ماف زول قدر يروى عطشه.
دخلونا أوضة فيها مكيف كبير جداً وهى اوضة صغيرة ومافيها اى عفش الأرضية سراميك بارد لدرجة شديدة وماكان فينا زول قادر يرقد على ضهره ولا حتى يجلس فى ناس كانت بتين من الوجع وناس بتبكى عديل كلنا كنا موجوعين من الذلة والله… طوال الليل كانوا بيجونا يضربونا ويشتمونا ويحققوا معانا ماخلونا نرتاح خالص جونا حوالى 16 مرة كده. فى هدوء الليل كنا بنسمع اصوات تعذيب ناس تانين.
أساليبهم كانت مختلفة فى واحد جانا وقعد معانا وإدعى انه طيب وعنده رأى فى البيحصل لينا وحاول يسمع ونستنا وكلامنا. فى إسلوب تانى انه يطلبوا من واحد يتكلم فى موضوع كأنه خطيب ويصروا انه يقول فى الموضوع ده كلام كتير ويدقوهو لو سكت واثناء كلامه يستنتجوا انه اتجاهه السياسى شنو . وينبذوا قيادات حزبه فمثلا يقولوا انه الصادق المهدى ود حرام وإنه “على محمود” ملحد .
الساعة 6 صباحاً وقفونا صف ورفعوا لينا يدينا والبتنزل يده يضربوه وواصلوا كده لحدى الساعة 11 صباحاً. بعد فترة خلونا وجاء واحد بجدية سألنا دايرين تأكلوا وأصر انه نحدد صنف معين فقام فى واحد قال ليهو سمك فقاموا ساقوهو ورجع متأثر شديد ضربوه ضرب شديد.. جابوا لينا صحن فول وعيشة لى كل واحد ففى اتنين قالوا مادايرين يأكلوا فقالوا لينا ياتقنعوهم انهم يأكلوا معاكم أو ما تأكلوا كلكم فقلنا ليهم خلاص مانأكل فشالوا الصحن ورجعوا تانى للتحقيق بالضرب .
صورونا بى كاميرا واحد واحد وسألونا العنده قروش مواصلات منو القال عنده خلوهو والقال ماعنده ضربوه ضرب شديد قالوا ليهم انتو ماعندكم قروش مواصلات البخليكم تظاهروا شنو…بعد داك كتبونا تعهدات فيها الاسم والسكن والأمضاء وقالوا لينا أمشوا كلموا اهلكم انه المرة الجاية حنقبضهم هم لو انتو طلعتوا مظاهرات.
حوالى الساعة 6 مساء غطوا وشى وركبونى ركشة وصلتنى لحدى الشهداء نزلونى هناك ومشوا.أكتر لحظات مؤلمة لما واحد معتقل أدانى تلفون والدته وطلب منى انه أطلب ليهو العفو منها..
رغم كل الحصل لى أنا والشباب المعاى لسه راكزين وما حنتنازل عن تغيير حالنا ..نحنا شباب ماعندنا مستقبل دايرين نحلم زيى الشباب فى الدنيا ..رأينا مابتغير بالجلد وحنفضل نطلع.
اعلاه نقلا عن صحيفة الشرفاء حريات
إفادة هذا الشاب الجسور
تدين الشرطة التابعة للمؤتمر الوطني
حزب الفاسدين
الذي يقوده المتهم بجرائم الحرب و الابادة
و الذي تهتف ضده الجماهير
لن حكمنا لص كافوري
لن يحكمنا لصوص كافوري
طه جعفر
| |
|
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: Amani Al Ajab)
|
رسالة عقيد من الخرطوم ... ماذا يجري اليوم داخل أجهزة الشرطة ؟
مازجت مابين النقاط التي افادني بها القائد العام الشهيد فتحي أحمد علي وماتوصلت به من قارئ كريم أرسل لي بالبريد الاليكتروني رسالة كل سطر فيها يمثل ملحمة من الشجاعة النادرة . فالرجل قال أنه "ضابط برتبة عقيد" أورد رسالته في نقاط متسلسلة . أول نقاطه قال فيها ( أرجو ان يتذكر الناس اننا مثلهم ..أبناء هذا الشعب بل واكثر من اكتوى بنار النظام فى حروبه المجنونة فى فى كل اصقاع السودان ) . قال انه عمل في دارفور وفوجئ هناك ان ( النظام يقوم بالاستعانة بالمتشردين والشماسة ٠ كشرطه شعبية وقائدهم "منسق عام" وهو سياسى يدير العمل العسكرى . هذا المنسق العام كان يقول عن قوته هذه ديل متعهدين عمليات فهم مجموعة من المرتزقة لا اصل لهم ولا مستقبل ..شعارهم الميت شهيد والحى يستفيد..حسب علمى أنهم من يتم الاستعانة بهم الان بالخرطوم لمواجهه الاحداث) !
واصل العقيد ليقول ( شرطة العمليات اليوم هى مجموعة اخرى تتشكل من الشماسة وبعض صف الضباط من اصحاب الكفاءة المحدودة واصحاب المخالفات و غير المتعلمين وهم اكثر الناس طاعة و فيهم من يعتبر الاحداث وقمع المظاهرات مسرحا للسلب والنهب ولديهم مقولة مشهورة يوم خروج ، أو الدعوة لخروج مظاهرة أو تجمع معارض من أي نوع يقولون " ده يوم المولد" اى يوم سلب ونهب)!
ويمضي (عملياتيا ، تم توزيع عناصر الامن على الاحياء بالمدن وواجبهم التبليغ عن أي تحرك أو حركة تجمع للمواطنين بشكل دورى ومتواصل غض النظر عن وجود هدوء أو خلافه). ويضيف العقيد (الزي الشرطي لايعني ان المشاركين هم من الشرطة بل فيهم منسوبين من جهازالامن وبعضهم من الدفاع الشعبى . هذه القوة المموهة كبيرة ويقدر حجمها الاجمالي 10 ألف وهي مكلفة جدا لأن النظام يعتمد عليها كمليشيا حزبية ويصرف عليها كثيرا من الاموال لشراء ولائها )
ويمضي ليكشف ان تكلفة اعاشة الفرد يوميا هي 5 جنيهات للوجبة .
يقول ايضا أن هناك مليشيا خاصة شكلها الجاز ونافع يتم استخدامها الان في الجامعات (وهم أساس مايعرفون بالرباطة. ففي الاصل كانوا يريدون ان يكون هؤلاء دبابين لكن بعد انتهاء زخم العمليات الحربية بالجنوب ارتخت هذه القوة وأصبحت تعاني من ضعف الاعداد والتدريب والتجربة القتالية بل وحتي من تدني الاندفاع النفسي للعمل والاستشهاد . ) كما ذكر . يورد العقيد في احدي نقاطة المتسلسلة ، ان الجيش تم تدميره وبالذات في طبقة صف الضباط (الذين يعانون من ضعف المرتب والبدلات مقارنة مع افراد جهاز الامن الوطني . اما الضباط فهم فى حرج كبيرمن سياسة الحكومة وتدخل المدنيين فى عملهم واستمرار الحرب وانتشارها علي مسارح عمليات شملت الان الجنوب وجنوب كردفان والنيل الازرق بل ودارفور وكردفان . فالجيش يدفع اليوم ثمن تلك السياسات دماءا وشهداءا وهو غير مقتنع بتلك المغامرات بل يدفع لها دفعا رغم تدني الاستعداد ) وللتدليل علي ذلك الاهمال يمضي قائلا (فمثلا ، سلفية المبانى تقارب المليار جنيه وتصل بالتحديد الى 800 مليون جنيه بالنسبة لضابط بالجهازمن رتبة الرائد أما فى الجيش فالعقيد يحصل علي 170 مليون فقط . هذا رغم ان تضحيات الجيش والاستشهاد اثناء آداء الواجب بالميدان هي الاكبر. فمثلا الدفعة 40 ، وهم ابناء نظام الانقاذ منذ متحرك صيف العبور فى التسعينات وصلوا اليوم الي رتبة العقيد واستشهد من هذه الدفعة 104 ضابط !!)
يختم هذا الضابط الوطني الشريف رسالته قائلا ان المظاهرات يجب ان تستمر يوميا اذا اراد الناس مخاضا سريعا مشيرا للحالة النفسية التي تحدث عنها الفريق أول فتحي أحمد علي عندما تطول فترة الاستعداد . فيقول أي المظاهرة مهما قل عدد افرادها يجب ان تبرز لكي تصبح خبرا في وسائل الاعلام ونبه لضرورة تسليط الضوء علي المعتقلين ومايجري لهم من تعذيب في المعتقلات وتثبيت اسمائهم في المواقع الاسفيرية الوطنية الشريفة والمطالبة باطلاق سراحهم مضيفا (تذكروا ان هذا النظام يسعي للبقاء بأي ثمن ولا تهمه أي تكلفة أو معاناة لأن سقوطه يعني ارسال أكثر من 50 من قادته الي محكمة الجنايات الدولية وتذكروا أيضا انه يخاف جدا ويخشي من الاعلام والفضائيات والصحافة الاليكترونية والصور لانها النور الذي من خلاله يري المجتمع الدولى حقيقة مايجري في السودان....واصلوا عملكم وسيأتي الدور علينا بعد حين )
LikeUnlike · ·Follow PostUnfollow Post · Yesterday at 10:08am
منقول من الفيسبوك
المعلومات الواردة في الرسالة مهمة
يا اخت اماني العجب
و توضح ان الرباطة و عناصر الامن الجبناء يتنكرون في زي الشرطة
المهم هو وضع الشرطة امام مسئولياتها بالضغط باسلوب الرسالة و البيان و المخاطبة
عن طريق الاحزاب السياسية
المنظمات النشطة في حقوق الانسان
المهنيين
آباء الضحايا.
من أكثر من يقض مضاجع الطغاة و الرسميين هو الرسالة المعنونة و الموقعة
هذا امر معروف و عليه تجربته و ستكون له مردودات مذهلة
المطوب وضع ادارات الشرطة امام مسئولياتها
لان الشرطة من اجهزة الدولة ذات التقاليد و تتوفر علي روتين قديم و معروف
و الشرطة باقية و يجب ان تحافظ علي استقلاليتها و قوميتها
الشرطة باقية حتي بعد ذهاب النظام و الرباطة و كلا ب الامن
يا استاذة اماني علينا السعي بالمحاولة
علينا السعي و أسألوني عن النتائج
طه جعفر
| |
|
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: طه جعفر)
|
ما تمارسه الشرطة من حماية للرباطة
و ما تمارسه الشرطة بفكرة السماح لغير افرادها
بلبس زي الشرطة
بالاضافة الي القمع الوحشي للمتظاهرين
جميعها ممارسات غير قانونية
تنفي استقلالية و قومية الشرطة
و هي ممارسات غير مهنية
وتكشف مدي انهيار جهاز الشرطة بعد فصل كادرها المدرب
وتشريدهم و احلالهم بقوات موالية
لحزب المؤتمر الوطني الفاسد المجرم
يا ضباط الشرطة الوطنين انقذوا شرطة السودان
| |
|
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: طه جعفر)
|
سلام لجميع المتداخلين ...
النظام لايتوقع ان يقوم الشعب او اي جهات باتخاذ خطوات قانونية ...وبالتالي ستدخل هذه القضايا في حيز السوابق قضائية و الجنائية ... حتي وان اعدمت من اضابير الشرطة ..هناك تجربة بفتح بلاغات قامت بها رابطة طلاب كلية العلوم ضد كيزان قاموا بالاعتداء علي طلاب من الكلية بالضرب بالسيخ ابان بعض الاضطرابات السياسية .وادت لتوريط عدد من طلبة الاتجاه الاسلامي .. واضطرت الشرطة لاتخاذ اجراءات ضدهم ..وطه اعلم بالتفاصيل ... مع العلم بان تركيبة جهاز الشرطة الان مختلف لحد ما ..الا ان هذه الخطوة قد تؤدي لتحييد ومن ثم فرز بين صفوف الشرطة .
| |
|
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: فايزودالقاضي)
|
Quote: ياطه ناس الامن مامحتاجين يلبسوا لبس الشرطة
الناس ديل كلهم واحد كان بقوا في الشرطة ولا الامن ولا الجيش
دي مؤسسات تابعة للنظام وكل مؤسسة هي صورة من الاخرى
ضباط الشرطة وضباط الجيش وضباط الامن هم على شاكلة واحدة
ويمثلون النظام ..
|
الاستاذ فايز
شرطة السودان باقية حتي بعد سقوط النظام
لان جهاز الامنو المخابرات سياسي و الواجب ان يكون غير ذلك
سيتم حله و محاكمة منتسبيه علي كل الانتهاكات الي مورست في عهد حكم الاسلاميين اللصوص
في حزب المؤتمر الوطني الفاسد المجرم
و كما تعلم لقد تمت حيازة العديد من الادلة علي جرائمهم.
المقصود من هذه الخطوة تنبيه الشرطة الي مسئوليتها
عن طريق الوسئل الاتية
البيان السياسي الذي يدين هذه الممارسات و فيالبوست الان بيان بهذا المعني من مجوعة محامين
"رصد" و بيان حزب الامة.
فضح هذه الممارسات عن طريق المخاطبات السياسية
و ان يقوم احد آباء او ذوي ضحايا عنف الرباطة بفتح بلاغ ضد مدنيين مسلحين ينزلون من سياراتهم للاعنداء عليالمحتجين امام اعين الشرطة التي يجب انتكون ساهرة من اجل امن المواطنين و ممتلكاتهم و الممتلكات العامة
هذه الاعمال ستؤدي في نهاية لاستجابة الشرطة و احتمالات استجابة الشرطة هي الاتي
ان تنكر الشرطة الحوادث و تطعن في صحة الصور و تسجيلات الفيديو
ان تسعي الشرطة لادانة الشاكين بتهم مثل اشانة سمعة الشرطة
ان تستجيب الشرطة بصورة ما للضغوط بشكل ايجابي
اي من المواقف اعلاه يتطلب معالجة و خطوة ثانية
ان تتجاهل الشرطة البلاغ و تتعامل معه اسلوب مستهتر
خلال هذ العملية سيتكشف لبعض افراد الشرطة فداحة ما يتم و سيتم فضح قيادات الشرطة التابعة للمؤتمر الوطني المجرمبالادلة الثابتة
الهدف من هذه الاجراءات سياسي بالمقام الاول
و كما تعلم يا فايز فالشرطة تحكمها قوانين و لها تقاليد عمل تختلف عن عصبجية جهاز الامن و المخابرات الوطني و غلأا لتم الاعتقال و تعذيب السجناء ليس في بيوت اشباح بل في مراكز الشرطة! لماذا خاف النظام منذ البداية و كون جهاز امن مجرم بهذا الشكل القبيح.
جميعنا يذكر حادثة الشهيدة عوضية و في النهاية الاجراءات القانونية التي اتبعت وضعت الشرطة ووزارة الداخلية في حرج باين رغم عدم جدوي الاجراءات التي قاموا( الشرطة و وزارة الداخلية) بها لكن الوضع ليس كما لو كان الناس قد يئسوا من البداية و تركوا الموضوع.
طه جعفر
| |
|
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: طه جعفر)
|
تطور نوعي آخر : ألف من المحامين يرفعون مذكرة احتجاجية علي الانتهاكات
July 16, 2012
( حريات )
إحتشد مئات المحامين والمحاميات صباح اليوم 16 يوليو أمام المحكمة الجزئية بالخرطوم لتسليم مذكرة تندد بانتهاكات حقوق الانسان علي خلفية الاحتجاجات الشعبية الاخيرة ,حيث واجهت الاجهزة الامنية الاحتجاجات بعنف غير مسبوق ,بقنابل الغاز ,والضرب بالسيوف والسكاكين والهراوات,وباعتقال حوالي الفين من النشطاء يتعرض غالبهم لسوء المعاملة والتعذيب .
ورغم الحشود الكثيفة للشرطة والرباطة الا ان المحامين /ت كسروا الطوق الأمنى وتجمعوا داخل المحكمة وفى الشوارع المحيطة بها وهم يحملون لافتات ويرددون هتاف” حرية سلام وعدالة” ” وثورة ثورة حتى النصر” .
وتلا الأستاذ محمد الحافظ المذكرة المقدمة لرئاسة الجمهورية ليعم التصفيق والهتاف المحكمة والشوارع التى إحتشد بها المئات من المحامين والناشطين .
وخاطب عدد من القيادات الحشود من بين الهتافات الداوية .
وحاولت الاجهزة الامنية تفريق المحامين الا ان قيادات التحالف واللجنة المنظمة تصدت لهم بأن المحامين يعلمون حقوقهم ولن يسمحوا بإنتهاك حق التعبير فإكتفت قوات الأمن بمحاصرة المكان منعا لزيادة الحشد وخوفا من تحركه.
وإلتقت ( حريات ) بالأستاذ محمد الحافظ الذى صرح بان وقفة المحامين/ت اليوم تؤكد ان المتظاهرين والثائرين ليسوا شماسة أو شذاذ آفاق بل هم ثوار من نخبة المثقفين والمتعلمين فى هذه البلاد واضاف ان العدد الذى شارك بالوقفة يتجاوز الألف محامى وقال ان العريضة التى تقدم بها وفدهم لرئاسة الجمهورية هى الخطوة الأخيرة لتنبيه الحكومة لعدم قانونية ماتقوم به تجاه المواطنين . وان المحامين كانوا متحمسين للخروج فى موكب الا اننا أرجأنا الأمر للتنسيق ليكون موكبا معبرا عن كل الشعب السودانى وهو أمر نعمل عليه , و يستعد المحامون الآن لقيام نقابة شرعية تمثلهم وسبق ان قام المحامين بهذه الخطوة فى العام 1996م حيث تكفل لهم لائحة النقابة ان يتم سحب الثقة بتوقيع 150 محامي ولقد جمع المحامون توقيع 250 محامي يطلبون سحب الثقة عن النقابة التى تمثل الانقاذ ولا تمثلهم فكان الرد بإعتقال كل اللجنة التى كانت تنشط فى هذا الأمر وأنا منهم وحاليا نسعى للقيام بذات الخطوة فى الطريق الى نقابة تمثل المحامين وتعبر عنهم اذ لازالت اللائحة تتيح ذلك.
وحول محاولة الشرطة تفريقهم ذكر الأستاذ محمد الحافظ ان الدولة تفقد وصفها كدولة ان لم تتقيد نفسها بالقوانين وحسب وثيقة الحقوق بالدستور يجب على الدولة ان تحمى المظاهرات لا أن تتعرض للمتظاهرين وتعتدى عليهم وتعتقلهم دون مسوغ قانونى. كما يجب على الدولة التى تود من مواطنيها إحترام القانون ان تضرب مثلاً بسلوكها ونحن رفضنا تماماً الإنصياع لأوامر الشرطة بالتفرق لاننا كقانونيين نعلم حقنا فى التظاهر والتعبير الذي يكفله لنا الدستور ولن نسمح بإنتهاكه.
( نص مذكرة المحامين أدناه )
بسم الله الرحمن الرحيم
السيد/ رئيس الجمهورية
السلام عليكم ورحمة الله تعالي وبركاته ,,,,
يخاطبكم التحالف الديمقراطى للمحامين اليوم من منطلق مسئوليته وواجبه وإلتزامه الوطنى والمهنى والإنسانى والأخلاقى حول التجاوزات والإنتهاكات إلتى شملت المواطنين فى مختلف أنحاء البلاد، متمثلة فى التصدى الوحشى والعنيف للمواكب السلمية إلتى عمت البلاد عقب الإجراءات الإقتصادية القاسية إلتى أتخذتها الحكومة مؤخراً برفع الدعم عن المحروقات، ورفع أسعار السلع الغذائية، والعلاجية، وكلفة التنقل، بطريقة فجائية وغير مسبوقة، فضلاً عن هبوط سعر صرف العملة الوطنية الذى عاد بنتائج وخيمة لكلفة الصناعة والزراعة والخدمات كافة، وأثر سلباً على فرص الإستثمار والتنمية، وكفالة مصادر العيش الكريم للمواطنين، خاصة الفئات الفقيرة والمهمشة إلتى ما عادت قادرة على الوفاء حتى بحاجيات المأكل والمشرب، ناهيك عن كلفة التعليم والدواء والتنقل والملبس، وضاعفت من ندرة فرص العمل وكسب العيش الشريف.
السيد الرئيس ,
كما تعلمون، إن حقوق الرأى والتعبير والتجمع السلمى وسماع صوت الجماهير جميعها حقوق مقدسة كفلتها مواثيق الشرعة الدولية لحقوق الإنسان، إلتى أنضم إليها السودان وأعتبرها جزءاً من دستور البلاد بموجب المادة 27(3) منه، كما نصت عليها صراحة عدد من نصوص الدستور، فضلاً عن أنها ضرورية، وغير قابلة للإنتقاص فى جميع النظم الديمقراطية. وقد اكد عدد من كبار المسؤولين منكم فى الآونة الآخيرة على كفالة تلك الحقوق، مع تحفظهم، وبحق، أن لا يشمل ذلك التخريب أو التعرض للمنشآت العامة والخاصة.
السيد الرئيس ,
إن التحالف على يقين إن الجموع الهادرة إلتى عمت انحاء البلاد المختلفة، بشكل عام، خاصة الأحياء فى المدن الثلاث، لم تخرج لتخرب أو تدمر أية منشآت أو مبان، أو لتلحق الأذى أو الضرر بالبشر أو الحجر أو الشجر، بل كانت تجمعات سلمية خرجت بدوافع تلقائية وسلمية، تعبيراً عن المعاناة إلتى تسببت فيها الإجراءات الآخيرة، وأحتجاجاً على إخفاق الحكومة بإعتراف عدد من منسوبيها فى إدارة الشأن الإقتصادى بالطرق العلمية والعادلة إلتى تضع المواطن ورفاهيته وكرامته فى أعلى سلم أولوياتها. غير أن ردة الفعل الرسمية لتلك التجمعات جاءت عنيفة وغير مبررة، لم تتوقف عند حد الأساءة والقذف ومحاولة التشهير بالمواطنين المغلوب على أمرها، بل أخرجت قواتها من أمن، وشرطة، وقوات خاصة، وما يوصف بالدفاع الشعبى، وآخرى مدنية، لتسوم المواطنين، رجالاً ونساءاً وأطفالاً وعجزة، بطشاً وقمعاً بالهروات الحديدية، والرصاص المطاطى، وقنابل الغاز المسيل للدموع الذى نشر حتى داخل المساجد، لينجم عن كل ذلك عشرات الجرحى والمختنقين بالغاز، الذين رفضت بعض المستشفيات حتى أسعافهم!!، كما صاحب ذلك دخول الحرم الجامعى فى عدد من تلك المؤسسات، كما المنازل، والمساجد، لإعتقال ألوف من الشباب والنساء والسياسيين والمهنيين وناشطى حقوق الإنسان، أحتجز بعضهم خارج السجون فى أماكن مجهولة، حتى لذويهم، بمخالفة صريحة للقانون والأعراف ولتعاليم الأديان السماوية، ذلك دون تدوين أية بلاغات جنائية ضدهم، أو التحقيق معهم أمام الشرطة أو النيابة، أو تقديمهم للمحاكمة وفق ما تقتضيه أبسط قيم العدالة فى ضوء سيادة حكم القانون.
السيد الرئيس
إننا فى تحالف المحامين الديمقراطيين إذ نستنكر كل هذه الممارسات المخالفة للمواثيق الدولية، ودستور البلاد، وللقوانين وللقيم الأخلاقية والدينية، نطلب إلى حضرتكم التدخل بإتخاذ القرارات الفورية اللازمة لوقف إستخدام العنف ضد المظاهرات السلمية، وأطلاق سراح جميع المعتقلين والمعتقلات، مع ضرورة تقديم كل من قام بأرتكاب جناية للتحقيق والمثول أمام القضاء، مع كفالة حقه فى الدفاع عن نفسه أو بواسطة محام يوكله، تأكيداً على مبادىء إحترام الحق الدستورى والقانونى فى التجمع السلمى، وحرية التعبير، ورفع الحظر عن الصحف ووسائل الإعلام كافة فى نشر أنباء ما يدور على ساحة الوطن.
والله ولى التوفيق،
التحالف الديمقراطى للمحامين
الخرطوم16 يوليو2012
نقلا عن حريات الباسلة
| |
|
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: طه جعفر)
|
الشرطة ترفض فتح بلاغ لسارة نقد الله في مواجهتها وجهاز الامن
July 16, 2012
( حريات )
تقدمت الأستاذة سارة نقد الله بشكوى جنائية ضد جهاز الأمن والشرطة امس 15 يوليو لتهجمهما على منزل أسرتها بودنوباوي يوم الجمعة الماضية.
وقالت الأستاذة سارة نقد الله لـ(حريات) إنها ذهبت برفقة الأستاذة منال عوض خوجلي المحامية من مكتب الأستاذ نبيل أديب، وقدمتا شكوى لمكتب نيابة الجنايات أم درمان شمال، وجاء في الشكوى رقم (113- 15/7/2012) أنه (في يوم الجمعة 13/7/2012م حوالي الساعة 3:00- الساعة 4:00 تهجمت علينا قوة فيها أفراد من الشرطة والأمن في منزلنا بمنزل الأمير نقد الله منزل رقم 263 مربع (1) الحارة (3) بودنوباوي جنوب، وضربوا حوالي 20 غاز مسيل للدموع، وضربوا البيت بالطوب. عدد 20 عبوة غاز مسيل ضربت داخل البيت والبيت فيه مرضى وسيدتين مريضات بالقلب وفيه طفل عمر 3 شهور، وحصل إغماء لعدد 3 أفراد من البيت وانضرب رصاص مطاطي ولكن بحمد الله لم يصب أي شخص، وانكسر زجاج عربية من العربات الموجودة داخل البيت، الزجاج الخلفي للعربة، وهي عربة كليك بالرقم 16633خ3 واتلفت عدد من اللمبات في المنزل).
وبعد تقديم الشكوى أشر عليها المسئول في النيابة بأن تحول للشرطة لإجراء تحري أولي وفقا للمادة 47 من قانون الإجراءات الجنائية.
وقالت سارة إنهم لما ذهبوا للتحري في قسم شرطة أم درمان شمال على مقربة من مكتب النيابة قال لهم الضابط المسئول إنه لا يمكنه التحري في بلاغ مفتوح ضد الشرطة وأوصى (بتحويل الشكوي لرئاسة الشرطة والجهاز للاختصاص).
واكدت سارة إنها سوف تتابع هذه القضية حتى الاقتصاص من الجناة.
نقلا عن حريات
الباسلة
طه جعفر
| |
|
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: طه جعفر)
|
Quote: شاهد في الدقيقة 4:28-4:49 بعض عربات
الشرطة مسرعة صوب تجاه طلاب جامعة الخرطوم
تهديداً بدهسهم 11 يوليو 2012 .. |
سلامات يا طه
بعد توفر وسائل التوثيق الحديثة يمكن ان يحاسب اي فرد
علي جرائمة فمثل هذه العربات المسرعة التي تحاول دهس
الطلاب معروفة بتاريخ تحركها واوامر تحركها ومن
يقودها والضابط النبطشي في هذا اليوم والدقيقة، وبالتالي
فان المحاسبة ممكنة .
خالص الود
| |
|
|
|
|
|
|
|
|
|
Re: ضرورة إستيضاح الشرطة السودانية عن ربّاطة جامعة الخرطوم ! (Re: على عجب)
|
Quote: سلامات يا طه
بعد توفر وسائل التوثيق الحديثة يمكن ان يحاسب اي فرد
علي جرائمة فمثل هذه العربات المسرعة التي تحاول دهس
الطلاب معروفة بتاريخ تحركها واوامر تحركها ومن
يقودها والضابط النبطشي في هذا اليوم والدقيقة، وبالتالي
فان المحاسبة ممكنة .
خالص الود
|
الاستاذ
علي العجب
لن يهرب بفعلته أحد
سنحاسبهم
| |
|
|
|
|
|
|
| |
طه جعفر
معاوية عبيد الصائم
Amani Al Ajab
saif massad ali
هشام هباني
فايزودالقاضي
فيس بوك
تويتر
انستقرام
يوتيوب
بنتيريست