|
|
|
 Re: كفارة ليك يا زوولة .. وسلامتك يا نجاة (Re: ترهاقا)
|
نجاة الف حمد الله على سلامتك ، والحمد لله الطلعتي من المستشفى حاولت اتصل بيك من الصباح بس الرقم ما برد ، احتمال سارية ادتني الرقم خطأ ارجو ان ترسلي لي رقمك الصحيح لاطمئن عليك ، اكثر ، وعشان اقول ليك حلمت بيك طول حلمة ..
| |
 
|
|
|
|
|
|
|
|
Re: كفارة ليك يا زوولة .. وسلامتك يا نجاة (Re: عشة بت فاطنة)
|
السلام والمودة
ألف مليون سلامة ليك يا بيان
وان شاء الله بسيطة
اللهم أذهب البأس
وطمنونا
ست البنات .
ملحوظة -
سلام يا عشة ???
وين الحى بيكم ?
وكتر خير الباقر السمعنا صوتكم
واتحققت مقولة أسمعكم وماب تسمعونى
زى زول أخونا فى القاهرة جاب شنطو وسكن مع ناس فى شقتهم ، ولمان جات مواعيد دفع الأيجار طفش وخلا شنطو ، ولمان سألتهم منه قالوا لى دى اسمها أرحل بى جسمك وشنطك معانا !!!
الله يديك الصحة يا أخى مطر قادم جودة
وتحياتى للأخ بيرق والضغار .
والشوق كتير با عشة ، واسألوا عننا .
تخاريم -
مشينا سوق الخضار فى الخرطوم أنا وصاحبتى وكنت لابسة كسكيتا من الشمس ، قام واحد من الحايمين فى السوق ديل شال الكسكيتا من رأسى فجأة ، وما أشوف ليك الا وصاحبتى شايلة سكين فى ايدها وتقول ليهو ختها فى مكانها ، وفى أمان الله لبسنى كسكيتاتى فوق رأسى ومشينا !!!!!!!( كان زماان )
ست البنات .
| |
|
|
|
|
|
|
|
|
|
Re: كفارة ليك يا زوولة .. وسلامتك يا نجاة (Re: ست البنات)
|
ست البنات السكرة ، يسأل منك الخير ، والله مشتاقين ليك ولحكاويك الفلتة ، ويا حليل زمان ويا حليل الضحك والحكاوي ، والشكل في منو البغسل العدة ومنو البغرف البلاعة ما بين ناصر وبانت ، وبس ما تقولي صاحبتك الفي سوق الخضار دي انا ، ووحاتك السكينة جيت بيها الخليج ، وما قدرة اديح بيها كديسة .. بس لكن انتي كنت بتجي من القاهرة سمحة سماحة ، الرسول ليوم الليلة بقلعو طاقيتك ؟؟
| |
|
|
|
|
|
|
|
|
|
Re: كفارة ليك يا زوولة .. وسلامتك يا نجاة (Re: عاطف عمر)
|
الاخت الفاضلة عاشة بت فاطنة والدكتورة النخلة نجاة
الف حمد لله على السلامة
قمت بتنزيل بوست منفرد في الرابط
ألف حمد لله على السلامة د نجاة ( بيان )
ومن حبنا للدكتورة لم انتبه لهذا البوست ولكن رزق الدكتورة وسلامت وبياض نيتها ونقاء سريرتها ومحبتها للناس وحب الناس لها شفعا لها تكاثر الدعاء والحمدله
واختصارا للمشوار هذه بضع كلمات كتبتها هناك
علمت ان الدكتور نجاة ( بيان ) كانت طريحة الفراش بالمستشفى والان تماثلت للشفاء والحمد لله
الدكتورة بيان احدى نخلات بلادي الشامخة العالية ذات قلم انيق وخلق رفيع وادب جم
تدهشك بثقافتها الواسعة وعلمها الغزير مشعل من مشاعل العلم والمعرفة في بلادي تعرفها المنتديات والمنابر السودانية والافريقية والعربية والعالمية علم ونور على نور
الف حمد لله على السلامة يا دكتورة وانشاء الله ما تشوفي شر وربنا يديك الصحة والعافية
| |
|
|
|
|
|
|
|
|
|
Re: كفارة ليك يا زوولة .. وسلامتك يا نجاة (Re: Agab Alfaya)
|
الاحباء اصدقائى و اسرتى الكبيرة
كم سعدت بدعواتكم واهتمامكم.. كنت طيلة الفترة فى المستشفى افكر فيكم
و احسست اننى افتقدكم واننى احبكم فردا فردا.. لقد قدمت اقتراح للمستشفى
فى فورم يوزع على المرضى لتحسين الخدمات ان يكون هناك نت كافى.. لانى جد
افتقدتكم
شكرا لكم على هذا الدفء.. من اكون بغيركم احبتى
اود اشكر هنا العزيز الباشمهندس على الحسن وشباب هجليلج
الذين قالوا انهم افتقدونى.. ما تفقدو عزيز
| |
|
|
|
|
|
|
|
|
|
Re: كفارة ليك يا زوولة .. وسلامتك يا نجاة (Re: Agab Alfaya)
|
عاطف عمر شكرا على مرورك الباهي ، وكلماتك الطيبات .
العمدة اشكرك نيابة عن صديقتي نجاة على رهافة حسك واحساسك بناس البورد ، واشكرك لانك نقلت روحك وبوستك بجاي اهنيك على الروح الطيبة .
سيف الدين جبريل اشكرك يا ود ملوك النيل
رودا شكرا على طلتك والسؤال
خضر عطا المنان شكرا ليك وطلتك مقدرة وتسلم من كل شر
استاذ الشريف /تسلم من كل شر
بت الاحفادالله سلمك ، واسمع منك رب الكون يا ذات الوجه الصبوح
جني-لا باس عليك -دي حسي اصرفهاكيف ، ولا يهمك انشاالله ما تبقى من البؤساء ولا الرؤساء ..
عجب الله يسلمك
| |
|
|
|
|
|
|
|
|
 Re: كفارة ليك يا زوولة .. وسلامتك يا نجاة (Re: عشة بت فاطنة)
|
الأخت العزيزة عشة بت فاطنة
تحية لك وللأسرة وكل ناس مسقط، مع الشكر وأطيب الأمنيات بالشفاء للأخت العزيزة الحبيبة بيان "نجاة".. والسلام موصول لزوجها الأستاذ إبراهيم، وأخيها الأستاذ عادل محمود أمين الذي أفتقده كثيرا..
يا عشة الصور روعة.. بالله دي مسقط؟؟ تسلمي، وتقبلي سلام إلهام..
| |
|
|
|
|
|
|
|
|
|
Re: كفارة ليك يا زوولة .. وسلامتك يا نجاة (Re: Yasir Elsharif)
|
اهلا بيك يا ياسر كيف حالك
وشكرا على المرور
قت لي الصور حلوة ،طبعا وبلد نظيفة ، دا ميناء مطرح في مسقط وانا بحب اتمشى في هذه المنطقة واشتري السمك طبعا ، منطقة فعلاجميلة ، دا بحر العرب ، البلد دي كانت صحراء حسي اخضر من السودان حيث الامطار والانهار وحكومات تجي وحكومات تمر ..
تحياتي ليك ولالهام وانشاء الله اشوفكم قريب جاية المانيا عشان اصوركم والصور الراين ..
| |
|
|
|
|
|
|
احدث المقالات بسودانيزاونلاين اليوم
| |
عشة بت فاطنة
bayan
Elmosley
Ishraga Mustafa
ترهاقا
sari_alail
ابو جهينة
المكاشفي الخضر الطاهر
Tumadir
almulaomar
tmbis
AnwarKing
Agab
Bashasha
ست البنات
ملكة سبأ
عاطف عمر
Saifeldin Gibreel
خضر عطا المنان
elsharief
bint_alahfad
jini
Agab Alfaya
Bushra Elfadil
أبو ساندرا
يازولyazoalيازول
Abdel Aati
فتحي الصديق
Yasir Elsharif
فيس بوك
تويتر
انستقرام
يوتيوب
بنتيريست