هارون يا حبيبنا، صباح الخير والجمال (طولنا) الغيبة ومشتهين شوفتك ... أنا جاييك جاهز عشان تضمني للقائمة الفوق ديك !!! وأبو برمودا بتاعكم دة مصيره مصير القبلو ، وبعدين نيل الحصاحيصا دة مش بتاع ناس محمد سيد أحمد (ولدكم) ؟؟؟ وزي ما قالوا ليك الجماعة الفوق ديل (الغريق قدام) ... وبعدين يا صاحب :
Quote: والله الجعاناب دي جات في السلك.....!!!!!
الكلام دة بعد شوية بتابوهو إنتو ما عارفين البير (وجمالها) أقصد غطاها ، غطاها (الهوا) شالو وما تنسى البلد داخلة على إستفتاء (ربنا يبقيها موحدة) لكن لو إتفرزت الكيمان لا قدر الله بعدين ما بتعرفو محل تمشو ... قال عادت الروح قال ... هارون تاني صباح الخير ومودتي التي لا تنتهي
08-24-2010, 11:10 AM
haroon diyab haroon diyab
تاريخ التسجيل: 06-20-2007
مجموع المشاركات: 23215
انت يا هارون النيل الحصاحيصا ده مش كان لاعب ب 10 لا عبيين منذ الدقيقه 30 من الشوط الاول ولا انا غلطان؟ قبل يومين برضو اتعادلتو مع الاهلي دبي وهو لاعب ب 10 لاعبيين قرابة الساعه وبرضو جيتو شبكتونا المريخ و عوده الروح للبطيخ. عمايلكم دي يا هارون اسمها " فرح الغلابه"*
_________________________________________ بالله خلو كروجر ده ينتصر علي فريق مكتمل من بداية المباره حتي نهايتهابعداك تعال كلمونا عن عوده الروح وطائر الفينيق وما الي ذلك
08-24-2010, 07:59 AM
waleed nayel waleed nayel
تاريخ التسجيل: 10-31-2008
مجموع المشاركات: 1170
Quote: • اكد ابراهومة مدرب فريق النيل الحصاحيصا بان حكم المباراة قد تسبب في هزيمة فريقه واشار ابراهومة بان الحكم لم يحسب التسلل
الذي احرز منه المريخ هدفين وتأسف الديسكو علي حال التحكيم منوها ان يكون التحكيم عادلا وامينا وان لم يكن كذلك فان البطولة لن تكون شريفة واشار ابراهومة بانه فريقه يسعي للمشاركة الخارجية فان قرارات مثل هذا الحكم سوف تؤثر علي معنويات اللاعبين وذكر ابراهومة بان فريقه كان تنظيميا وتكتيكيا افضل من المريخ.
ده حالتو ولدكم إبراهومة مدرب فريقكم التاني نيل الحصاحيصا !!! والله مافي شئ مضيعكم إلا التفاؤل الزايد عن اللزوم ده
08-24-2010, 11:05 AM
abas abas
تاريخ التسجيل: 07-27-2002
مجموع المشاركات: 6254
الكلام مش بفلوس.. الروح دي سافرت وين..؟؟ ياودعمي هارون ما تعجبك الستة في الحصاحيصا.. دي والله فورة أندروس.. وبكرة تشوف.. ونرجع للنغمة القديمة: نهواه في كل الظروف..
08-24-2010, 11:53 AM
haroon diyab haroon diyab
تاريخ التسجيل: 06-20-2007
مجموع المشاركات: 23215
Quote: ياخوي الحكام فضلت خيركم حسع عليك الله قون امبارح ده غبر الخط.....؟
أيوه الكورة عبرت الخط.. ولامست الشباك كمان.. وستة من لاعبي هلال الساحل واقفين يتفرجوا بحسرة بعد الهدف.. ما فيهم ولا واحد اعتراض.. إلا هارون دياب القاعد في الدوحة.. وبعدين وين الكاميرا البتجيب ليك الزاوية الصحيحة.. نحنا النصيحة ما شفناها عبرت.. لكن شفنا الشبكة طلَّعت غبار كتير مركون من زمان.. عالم بس تحب الغلاط..
08-24-2010, 11:33 AM
abas abas
تاريخ التسجيل: 07-27-2002
مجموع المشاركات: 6254
أنا خليني رد على كروجر المرمط سمعة المريخ في الارض.
قال كروجر قال
قلنا ليكم مشكلتكم مشكلة لاعبين ما عاوزين تعترفوا
في 2009 و بعد فضيحة المجموعات بالهزائم الثلاثية من كل الفرق لم يعترف الإعلام الاحمر بان الفريق مستواه متواضع. و ارجع الهزيمة من زيسكو للحكم الذي رشاه الهلالاب. و عندالهزيمة من كانو قالوا الحظ و أنهم لعبوا أفضل و رغم الهزيمة و مازال هنالك الامل. بعد معركة 11 سبتمبر المدمرة قالو السبب طرد الباشا
و المضحك جدا كتب الإعلام الاحمر بقيادة الصحاف الاكبر عن رشوة الجيش للحكم في مباراة الرد و كأن الجيش النيجري هو من يملك ملايين الوالي.
وفي الإمارات طبل الإعلام للفريق للهزيمة من الوصل سابع الدوري الإماراتي الضعيف فقط لانه لعب نصف شوط. و ايضا فعل مع الاهلي دبي ثامن الدوري الإماراتي لانه تعادل مع فريق يلعب ناقصا لمدة 50 دقيقة و يجرب في لاعبيه للدوري. و لم يتحدث هذا الإعلام عن سبب سقوط الفريق الاحمر في الدقائق الاولى من المباريات.
و في الحصاحيصا عم الفرح الجميع للفوز على نيلها الضعيف الذي يدربه إبراهومة عضو إدارة نادي المريخ.
المريخ محظوظ طلع من مجموعات الكونفدرالية لانه كان مرشح لتكرار الهزائم الثلاثية السنوية.
الكيشة قدموا و فوتوا
أو كما قال
08-29-2010, 01:47 AM
الصادق يحيى عبدالله الصادق يحيى عبدالله
تاريخ التسجيل: 10-02-2009
مجموع المشاركات: 926
صدق القائل يا "صفـــــــــــــــــــوة" الغرق تم في نهرعطبرة. كان تسمعوا كلام عبدالمجيد عبدالرازق قال ليكم الزول كان عاطل منذ مغادرته المريخ، و لكن لا يطاع لقصير امر
08-29-2010, 06:14 AM
waleed nayel waleed nayel
تاريخ التسجيل: 10-31-2008
مجموع المشاركات: 1170
هارونا سلامات وكل سنه وانت طيب والسنه الجايه انشاء الله المريخ يكون موجود .. بس انتو خلو عندكم امل فوجوده بعطى للشماتا حلاوه من نوع آخر .. وحلاوه يا هارونا يا ديابا
تحياتى يارجل يا لذيذ
09-06-2010, 12:08 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
haroon diyab
waleed nayel
شهاب الفاتح عثمان
Sharif Nasirladeen
جمال محمود
أمين يحيى
mohmed khalail
Omar Bob
خالد عبد الله محمود
abas
Mohammed Ibrahim Othman
أبوعبيدة محمد الأمين
محمد البشرى الخضر
تاج السر محمد حامد
Abdlaziz Eisa
معاوية محمد الحسن
عبدالعزيز الفاضلابى
Mohamed Foto7li
عمار يس النور
ALGARADABI
7abib_alkul
لؤى
الصادق يحيى عبدالله
طلحة عبدالله
فيس بوك
تويتر
انستقرام
يوتيوب
بنتيريست