|
|
|
 Re: قرف يقرفك ويقرف يومك ياخ (Re: علاء الدين يوسف علي محمد)
|
Quote:
ينعل ابو اليوم العملوك فيهو مدرب
|
عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .
تخريج الحديث
الحديث أخرجه البخاري و مسلم .
معاني المفردات
السب : الشتم أو التقبيح والذم .
الدهر : الوقت والزمان .
يؤذيني : أي ينسب إليَّ ما لا يليق بي .
وأنا الدَّهر : أنا ملك الدهر ومصرفه ومقلبه .
ألفاظ للحديث
جاء الحديث بألفاظ مختلفة منها رواية مسلم : ( قال الله عز وجل : يؤذيني ابن آدم يقول : يا خيبة الدهر ، فلا يقولن أحدكم : يا خيبة الدهر ، فإني أنا الدهر أقلب ليله ونهاره فإذا شئت قبضتهما ) .
ومنها رواية للإمام أحمد : ( لا تسبوا الدهر فإن الله عز وجل قال : أنا الدهر الأيام والليالي لي أجددها وأبليها وآتي بملوك بعد ملوك ) وصححه الألباني
ومنها أن سبه قد يتضمن الإشراك بالله جل وعلا ، إذا اعتقد أن الدّهر يضر وينفع ، وأنه ظالم حين ضر من لا يستحق الضر ، ورفع من لا يستحق الرفعة ، وحرم من ليس أهلاً للحرمان ، وكثيراً ما جرى هذا المعنى في كلام الشعراء القدماء والمعاصرين ، كقول بعضهم :
يا دهر ويحك ما أبقيت لي أحدا وأنت والد سوء تأكل الولدا
وقول المتنبي :
قبحا لوجـهك يـا زمان كـأنه وجه له من كل قبح برقع
وقال آخر :
إن تبتلى بلئام الناس يرفعهم عليك دهر لأهل الفضل قد خانا
فسابُّ الدهر دائر بين أمرين لا بد له من أحدهما : إما مسبة الله ، أو الشرك به ، فإن اعتقد أن الدَّهر فاعل مع الله فهو مشرك ، وإن اعتقد أن الله وحده هو الذي فعل ذلك ، فهو يسب الله تعالى
ومنها يا نهار اسود يا نهار اغبر يا نهار مش باينلو ملامح
نسال الله العفو و العافية
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
 
|
|
|
|
|
|
|
|
Re: قرف يقرفك ويقرف يومك ياخ (Re: Al-Shaygi)
|
يعلم الله فوت ليه ندوة شعرية
ولا أروع...فيها ثريا العريض
شخصيا,,,,
وكنت ساكون برفقة اصدقائي
ابوبكر...ووداب سن الاصلي
هسي عليك امان الله انا زي الجيت الطيش...
فالهزيمة سببها مازدا...اللاعبين بنفس
مهارة التونسييين ان لم بكونوا أفضل
لكن التدريب..وين يقيفوا...ومتين يرجعوا...
والهجمة يكونوا فيها كم لاعب دي كلها عند مازدا
ياخ طبق الفكر التدريبي زي ما بتعرفوا يا مازدا
وبعدها ان شاء الله يغلبوك 17 صفر ما مهم
فريال مدريد انهزم 6 صفر قبل كده...
ومانشستر يونايتد انهزم من مانشستر سيتي
6 -1 قبل اقل من شهر...وجو نفس اللاعبين
انتصروا لفكر تدريبهم.......
لا ...مازدا دا حدو الشارقة وبس
| |
|
|
|
|
|
|
|
|
|
Re: قرف يقرفك ويقرف يومك ياخ (Re: علاء الدين يوسف علي محمد)
|
علاء
اي نعم مازدا ما نافع لكن ولا مورينيهو مع اللاعبين الشفتهم ديل بينفع
ممكن تقول لي كاريكا كان بيعمل في شنو ولا خط الدفاع كله لحظه دخول الاهداف
بعدين هيثم مصطفى نقل اللف والدوران بالكوره من الهلال الى المنتخب وباصات تنال تصفيق الجمهور المسكين مع انها للخلف ولا تشكل خطوره على المنافسين
علاء الدين يوسف الغائب ليهو سته شهور رجع بكل عيوبه وكان المفروض يطرد من الشوط الاولى
ديل غايتو الشفتهم في المباراه الباقيين ما اظن كانوا موجودين
يمكن نقول انو نزار حامد لاعب يرجي منه لكنه ليس خارقا وبعد شويه راح يبقي زي اخوانه
لت وعجن
علاء
هسه يجيك مناضل يقول ليك كيف تتطور الكوره في الوضع الحالي والبلد فيها احتباس حراري
التقول كنا ابطال افريقيا ثلاثه مرات متتاليه
| |
|
|
|
|
|
|
|
|
|
Re: قرف يقرفك ويقرف يومك ياخ (Re: فدياس نجم الدين)
|
يا جماعة ممكن تورونا الجماعة اترشو كم والا لا؟
نحن بعيد عنكم غير ام بي سي 2 واكشن ما قاعدين نغير الريموت
ثم متوقعين شنو من Mazda3 - يا قول العزيز وهبة-
غايتو اخر مرة بعرف انه مازدا
ان غيرتوهو وغيرتو عاطف القوز وطارق احمد ادم وتنقا من الدفاع
وحمد دفع الله ومانقستو وبدر الدين مصطفي من الوسط
والريح كاريكا وابراهومة وجلال كاددقلي من الهجوم
وجبتو ناس تانيين يبقي خلوني نائم
لو غيرها فوروني اترشو كم
اليشوفك زعلان كدة يا علاء الدين يوسف يقول ما عشت عهد الرياضة الجماهيرية مع نميري البيطبقو فيها ناسكم ديل تحت مسمي جديد اسمو الوساطة والمحسوبية الرياضية
ــــ
عموما سؤال جادي حاصل شنو ولعبو وين وانغلبو كم؟ وفي بطولة شنو؟؟ ( غايتو ان قلتو لي كاس العالم يااادبي الحا اقول يا ليييل ما اطولك :) *_^
| |
|
|
|
|
|
|
|
|
|
Re: قرف يقرفك ويقرف يومك ياخ (Re: فدياس نجم الدين)
|
ظاهرة غريبة فعلا.
علاء الدين يوسف يحتج ويهيج علشان هزيمة فريق الكرة السوداني، ولكنه في نفس الوقت يؤيد حكومة المجرمين في السودان التي تقتل وتعذب وتشرد المواطن السوداني يوميا والتي هي مسئولة أيضا عن تخريب كل شئ في السودان بما في ذلك الرياضة وكرة القدم. معقولة بس.
فمباذا يمكن أن نسمي مثل هذه الظاهرة؟
| |
|
|
|
|
|
|
|
|
Re: قرف يقرفك ويقرف يومك ياخ (Re: علاء الدين يوسف علي محمد)
|
الأعزاء ، علاءالدين يوسف ، المستشار/ نزار حسبن
ده أمر طبيعي جداً لى وضع متأزم لأكثر من 30 سنة ! .....
إنهارت البنى التحتية للسودان ! وهدم الساس والأساس الذي قامت عليه الأشياء !
بعد أن انهيت أو انتهت نلك المراحل المزدهرة من تاريخ الإنسان السوداني الحقيقي !
الرياضة دليل صحة وعافية .... ولكنها ودعت البلد منذ عام 1977 !
وانهارت كل الأساسات والأعمدة ! ...... ثم لم تقم لنا قائمة من بعد !
لا مدارس سنية ! لا تعليم صاح ! لا تغذية صاح ولا أى حاجة صاح من 30 سنة !
فما تشيلو لومكم ساكت وترموهو في ( مازدا ) ! فهو الحيطة القصيرة ! كعادة أى فشل كروي
أقرب شى يشيلوا اللوم ويرموهو في المدرب !!! أى نعم هو سىء ولكنه واحد من ملايين السؤات
في المنظومة السودانية الحالية ، والأزمات المستفحلة !
Quote: فالهزيمة سببها مازدا...اللاعبين بنفس
مهارة التونسييين ان لم بكونوا أفض |
اُقدر زعلك وغضبك الشديد ، واستياءك المبرر عزيزي المستشار نزار ،،
ولكن لا يانزار ، اللاعبين ليسوا بمهارة التونسيين ! صدقني يا نزار .. كما
أنهم ليسوا بمهارة فريق رابطة من روابط الناشيئن أيام زمان ! ... خلي عنك
فريق السودان !
السودان هزم تونس أيام مجدها الكبير ، حين وصولها لكأس العالم بذاك الفريق الخرافي !
أيام طارق دياب وتميم .. وهى أحسن فرقة أتت بها تونس على مدى تاريخها الطويل !
الذي شهدناه اليوم هو نفس الوضع الذى كان عليه السودان في الستينات والسبعينات ! لاعبون حرفا
متمكنون وباقي الناس أشباح ! ( الوضع الآن تماماً بالمعكوس ! ) ..... حينما كان السودان القمة ،
وباقي الفرق تلعب لتتعلم من أساتذة في اللعبة وعمالقة في العالمين العربي والإفريقي !
هدف الشرميطي وتمكنه وتألقه وإكتماله الذهني والبدني هو نفسه كأنه هدف من أهداف كمال عبدالوهاب
أو محسن جكسا ،، أو كسلا ،، أو أحمد أبكر ،، أو صلاح إس برابطة العباسية ! .. هذا على سبيل المثال !
ياسادة ماعلينا إلا أن نترحم على ماضينا العريق !
لا إعتراض في حكم الله
| |
|
|
|
|
|
|
|
|
|
Re: قرف يقرفك ويقرف يومك ياخ (Re: مامون أحمد إبراهيم)
|
أخونا علاء الدين
الحكومة لا تدعم الرياضة وتعتبرها من الكماليات والعشوائيات لدرجة أن عينت لها في
فترة ما حاج ماجد سوار .
طالب معي الحكومة بالإلتفات للرياضة ودعمها لأنها سفارة الشعوب ولما يحصل دا كلنا
بنكورك معاك .
البشوف زعلك دا يقول المنتخبات والأندية السودانية الما مدربا مازدا قاعدة تجيب حاجة
من برة .
في الشهر الماضي عادت الرياضة السودانية من الدوحة بفضائح ما أنزل الله بها من سلطان
ودا يؤكد أن ما يحدث في الكورة والرياضة عموما هو انعاكس حقيقي لتردي الأوضاع في السودان.
| |
|
|
|
|
|
|
|
|
|
Re: قرف يقرفك ويقرف يومك ياخ (Re: طلحة عبدالله)
|
قطاع الرياضه مثله مثل بقية القطاعات في السودان والتى شهدت جميعها انهيارا منذ مجيئ حكومة الإنقاذ وحتى الآن
كيف نطالب رياضينا وفرقنا بتحقيق نتائج او إنجازات بينما الرياضه مجرد لعب ولهو عند ولاة الامر ومن آخر اولوياتهم
المشكله ما في مازدا المشكله في الفيل الكبير ذاتووووووو
| |
|
|
|
|
|
|
|
|
|
Re: قرف يقرفك ويقرف يومك ياخ (Re: منتصر الامين)
|
طيب يا علاء
لو الليله تعاقد الاتحاد مع جوزيه موررينو،،يعني حا نجيب كاس الأمم الأفريقيه ؟؟؟ياخ اللعيبه ذاتهم حالتهم صعبه ...
مفروض يصدر قرار جمهوري بعدم السفر للنهائيات ..
تحياتي
| |
|
|
|
|
|
|
|
|
|
Re: قرف يقرفك ويقرف يومك ياخ (Re: Magdi Algorashi)
|
علاء الدين يوسف سلامات
Quote: لو كنت المسئول
لاصدرت قرارا فوريا باقالتك
وحرمانك من تدريب اي فريق ولو كان نجوم بليل او سهم الجريف
بل ولمنعتك من دخول اي إسناد كرة قدم او حتى سلة او طايرة |
الحاصل شنو .. في شنو
هو الفريق القومي كان لاعب ولا شنو ياجماعة
إن لله وإنا الية راجعون
.
.
دخلت البوست افتكرتو سياسة قلت ياربي المزعل علاءالدين يوسف دا منو
الاقيها كورة قدم وفريق قومي كمان انا الناس ديل خلاص رميت طوبتهم من زمان
وممكن اشاهد اي حاجة تانية بدل كرة القدم انتو ياجماعة موش في مسلسلات تركية
( خريف الحب ) ( بائعة الورد ) غايتو البني ادم دا اصلو ما بعرف مصلحة نفسو وين
.
.
تعرف ياحبيبنا علاء الدين مشكلتنا ماعايزين نعترف انو في غلط كبير وكبير جدا حاصل
طبعا في حالة زي دي ما بتقدر تلوم المدرب ولا حتى اللاعبين لان كثيرا هنا بنقول
مشكلتنا على مستوى الدولة ليس الاتحادات المحلية ولا الاندية
الناس خلاص قلوبها اتصبغت بال###### والقرف وممكن الواحد يبيع نفسو من اجل المادة بكل سهولة
اقول ليك حاجة ياعلاء الدين الان نفسي امشي بورتسودان واشوف الحاصل فيها شنو من اعمار
لان صراحة سمعنا قالو بقت جنة ودا طبعا مجهود ناس بتشتغل بضمير اكيد
ياخي انت اكل واشبع بس كمان ادي معاك حاجة للغلابة وهم المواطنين موش تقشها كلها
بعدين نحنا اكبر شعب في العالم بنجامل بعض وما عندنا ثقافة تقييم الامور ومحاسبة القائمين عليها
علاء الدين يوسف بالله انت طلعت زول بتاع كورة كمان ..
كنا فاكرين نحنا برانا بنزعل في كرة القدم
| |
|
|
|
|
|
|
|
|
|
Re: قرف يقرفك ويقرف يومك ياخ (Re: وليد عبد اللطيف)
|
مهما كانت الأسباب فالاعبين لا يتحملون عبء الخسارة ولا الإدارة
بس انا نفسي أسأل مازدا دا سؤال واحد بس (ماذا كنت تفعل طوال هذه الفترة في المعسكرات والتدريبات والتمارين والمحاضرات)
يا مازدا ياخ ليه ليي هسي نحن بتجي فينا اقوان نفس الأخطاء الدفاعية القديمة
يا مازدا ياخ ليه لي ما بتكلم اللاعبين المهاجمين انهم ما يرجعوا لي وراء
يا ماددا ياخ ليه اللاعبين بتاعنك تايهين عن الهدف المطلوب من المباراة
يا مازدا ياخ ليه ما بتحاضر اللاعبين عن التركيز في الملعب وقراءة سير المباراة
يا مازدا ياخ طلعت روحنا وحشيت افكارنا يا مازدا ياخ
ياخي نحن بقينا ما بنتحمل كل هذه الهزائم والشتائم والسخرية
ياخي اصحوا
ياخي درب الناس ديل بي ضمير ولو ما بتعرف اتكلم عديل
يا مازدا ياخ انت قاعد تعمل في شنو عليك الله كلمني انا بس
عذاب والله
الصادق
| |
|
|
|
|
|
|
|
|
 Re: قرف يقرفك ويقرف يومك ياخ (Re: الصادق صديق سلمان)
|
الثلاثيات الماذدية تزيد
معاناة الكرة السودانية
ماذدا دا زول مصرفي بتاع مصرف الخرطوم أنا ما عارف الدخلو في الكورة شنو في ناس درسوا الرياضة والتربية والرياضية واخدوا الشغلة دى مما كانو طلبة في الجامعة بيدرسوا تربية رياضية
انا شائف على الكرة السودانية في ماذدا
اطالب اتحاد الكرة بإقالة ماذدا فورا
| |
|
|
|
|
|
|
|
|
|
Re: قرف يقرفك ويقرف يومك ياخ (Re: Hisham Ibrahim)
|
Quote: انتو ياجماعة موش في مسلسلات تركية
( خريف الحب ) ( بائعة الورد ) غايتو البني ادم دا اصلو ما بعرف مصلحة نفسو وين
. |
يا وليد عبد اللطيف
سلام مربع
عليك بمسلس - العشق الممنوع - شايف د/ الشفيع خضر روج ليهو في اللقاء الصحفي
| |
|
|
|
|
|
|
|
|
|
Re: قرف يقرفك ويقرف يومك ياخ (Re: Asim Fageary)
|
وصلتني هذه المشاركة من خارج المنبر بالإيميل:
Quote: اخي الفاضل - تحية واحترامأ
اولا اطلب منك الاعتذار لاني راسلتك بدون سابق معرفة -لكن عزيزي الفاضل وجدت مقالا في احد المواقع السودانية (سودانيز اون لاين يخص المنتخب القومي وحيث لا املك اشتراك في هذ الموقع لذلك السبب اعذرني ثانية في ذلك)
المهم - مشاكل الكرة السودانية تتلخص في الاتي
1. الثقافة المتدنية للاعب السوداني
2. الثقافة المتدنية لمحرري الصحف الرياضية
3. عدم وعي المشجع السوداني وذلك من قبل التضليل عبر الصحف الرياضية السيارة
4. اتحاد كرة منغلق علي نفسه وليس في تقافته ان كرة القدم هي تجارة الشاطر
الثقافة المتدنية ليس المقصود بها الشهادة الدراسية وانما هي التفاعل مع العالم وليس الانغلاق حول النفس
صدقني هذه الاشياء ترسب عقد وتجد المشتغلين بالهم الكروي عدوانين وضعيفي الشخصية وشي طبيعي ان ينهزم ويكون في موخرة الركب-
الحل -
1. ان نتصالح مع انفسنا في تغير خطابنا مع بعض اولا
2. نقنع انفسنا باننا متخلفين
3. ان يمر اللاعب او الاعلامي بمناطق الحضر اولا لكي يتفاعل مع المدنية
4. ان تهتم بمظهرنا وهندامنا
5. ان لانبخس الناس اشيائهم
6. يجب ان يربي النشا الكروي علي الخبرة الاوربية فقط لاغير لكي يكون هناك مد تسلسلي للنهج السليم في تعاقب الاجيال
عزيزي ارجوا مخاصا نشر اراي ربما اكون علي غير صواب
محمد احمد
دبي الامارات
|
| |
|
|
|
|
|
|
|
|
|
Re: قرف يقرفك ويقرف يومك ياخ (Re: عبد اللطيف السيدح)
|
اخي علاء الدين
مسكاقمي
يا قريبي عايز المنتخب يفوز وحارس مرماه بهاء ملوووص
وقدامه علاء شلاليت وفي الوسط جدو هيثم العجوز الفي غابرين (منتهي صلاحيته)
ومهاجمه كاريكا الاحوص يشوت عكس اتجاه المرمى ودا ان شات
والله دوول لو دربهم كارلس البرتو ما ينفعوا
مازدا مسكين المستحملهم زينا
علاء الدين الرشاشة
كويس كدا وحلو لمن تكتب في الكورة
ذكرتنا ايام زمان
لك ودي
| |
|
|
|
|
|
|
| |
علاء الدين يوسف علي محمد
Al-Shaygi
nazar hussien
فدياس نجم الدين
HAIDER ALZAIN
Deng
مامون أحمد إبراهيم
منتصر الامين
Dr.Elsadig Abdalla
وليد عبد اللطيف
الصادق صديق سلمان
المكاشفي الخضر الطاهر
Hisham Ibrahim
Asim Fageary
الطيب عبد الرحيم خلف الله
عبد اللطيف السيدح
فيس بوك
تويتر
انستقرام
يوتيوب
بنتيريست