|
|
 نادي القصة القصيرة..رياضي ..إجتماعي..ثقافي..
|
ليس من باب المحاكاة لبوست الأخ العزيز عمر الفاروق عن الشعر الحر ولكنها فكرة كانت تراودني منذ فترة لكشف الوجه الآخر لي مناضلي هذا الوطن البتاع أي زول ما عندو وطن..هذا الوطن الهامل سودانيز أون لاين..
شايف نوادي كتيرة مفتوحة في النت وكلها حوالين السجانة والديم والسوق الشعبي الخرطوم..لكن أكيد نادينا ح يكون مختلف..
الأخوان اللي كانوا أحرار في الشعر مطلوب منكم فقط صورتين وقصة قصيرة دون دفع الرسوم..
الأخوان الأول مرة ح يجونا مطلوب منكم خمسين ألف بالقديم رسوم أورنيك زائدا عشرين ألف رسوم نفايات زائدا ألفين جنيه ما عندها أييييي بند عشان ما يجونا الرفاعي وأساسي يشبكونا حركات المغتربين المقطعين ديلك ..
|
|
  
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: عمر الفاروق)
|
أحبها وهم دفعة في الجامعة..سافر الخليج لجمع المال..طال سفره وكبرت المحبوبة وأكتشف هو أن الجكس في السودان بقا نضيييف..حاول التخلص منها بعدة مسببات إلا أنها تحملته..أرسلت له شريط زواج أخيها..قرر مشاهدته في الجمعية..كانت ترقص بهدوء..نزل الكبينة مسرعا وأتصل عليها قائلا :
آآي أقعدي أرقصي لي بي ضنبك ده كده!! ثم أغلق الهاتف واختفى
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: سلمى الشيخ سلامة)
|
منظر أول:
شنو يا حسن ياخ ،إنت كل يوم تقعد تتبكى لينا هنا وتكمل لينا شربتنا كلها، شنو يعني لو خلتك؟؟
يا أحمد ياخ إنت ما جربت الموضوع ده ياخ، والله حار، هسي أميرة لو خلتك والله تعمل أكتر من كده..
منظر تاني: (اتنين من نساوين الحلة قاشرات ماشات سد مال)
بسسسسسسم الله!!! إنتي يا بت أمي، ده منو المبشتن القاعد فوق راس بيت ناس نفيسة ده؟؟
ده ما أحمد ولد نفيسة، ليهو كم يوم كده قاعد في راس البيت بيتكلم براهو لا بياكل لا بيشرب ، يعاين للماشي والجايي.
يا حليلو يا ختي ، الله يشفيو. ارحكي سريع النلحق سد مال أميرة دي قبل ما الشمس تغيب، أمها لواااامة..
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: Salah Abdulla)
|
كان يقف بمحازاة روحه المحبطة .. وروح الوطن الطالعه ونازله ..فاجأه البص بأنين الركاب وقلت المقاعد ..
فإمتطى صهوة الظروف ممسكاً بشماعة البص بقرب فتاة حسناء ..تهذب أزهاير كبكبتها الظاهرة ..
نظر إليها فإبتسمت اشر لها بإيمائة تعني أنزلي المحطة الجاية .. فرحة بخبث ونزلت فور توقف البص ..
جلس في مقعدهاً .. وقال : دقست ..
شتاء 1993م
الأرباب
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: Salah Abdulla)
|
قال الراوى
كان عبد الصمد متزوجا من هنية وكانا يعيشان فى عاصمة من عواصم الاقاليم
كان عبد الصمد يشتغل ويشتغل ويعود منهكا من الشغل فينام
تاركا هنية تبكى كل يوم وهى تردد"سجم الدلكتو "
كانت هنية لها عقلية عبقرية
فلجات لحيلة "قوية "
تجذب انتباه زوجها الذى ماكانت له فى حياته بها ادنى رغبة او شهية
قامت هنية ببحث القضية وتوصلت الى نتيجة ذات اهمية لتجعل من زوجها لها محبا ولحياته الزوجية
بحثت فى امر زوجها الذى لا يغارعليها قط
وتيقنت انها بهذه الحيلة ستجعله يحس
قال الراوى فسعت الى جارها الذى كان يفتح دكانا فى قعر دارها
طالبة حضوره الفورى لامر ضرورى
فلما جاء الى بيتها ادخلته الى حمامها النظيف وجعلته يتجمل
حتى انها حين راته قالت يا لطيف
فلقد بدا وسيما وتمنت لو كان معها مقيما زوجا يغار ويعرف معناها
فدخلت به الى مخدعها
وفى ذلك السرير الوثير ، بغتة سمعت "كركبة بالباب"فقالت له "ادخل الدولاب"
بغتة ظهر زوجها امامها فطاب لها البكاء حينها
بكت وبكت وقالت له بين دموعها التماسيحية الكثيرة
فلم يمسح لها دمعها لكنه قال لها
ـ هسى سببك الببكيك شنو يا وليه ؟
فقالت له
ـ متين آخر مرة جبت لى هدية ؟
قال لها
ـ افتحى الدولاب دا وحاوريك ، وبدا ينكش فى الدولاب ويقول
ـ فى ذمتك الملوية ما جبت ليك الفستان دا يوم عرس بت خالتك صفية ؟ والتوب دا يوم خطوبة بت عمك سنية ؟
ولم يكترث بالامر فقال فى برودة اعصاب
ـ عبد الله ، انت زح شوية
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: عمر الفاروق)
|
إتصلت على سائق الركشة والساعة تشير للواحدة صباحا طالبة أن يقلها مشوار..
وقفت الركشة أمام الباب..خرجت في كامل أناقتها تفوح منها رائحة الخمرة..ثم تبعها أخوها قرب الباب..فخاف سائق الركشة وأرتجف قبل أن يسمعه يقول: عليك الله جيبي لي معاك باسطة وإنتي جاية يا سلوى..
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: عمر الفاروق)
|
تذكر فجأة أنه لم يبكي عليها حينما هجرته .. قبل 25 عاماً ..
صحي في يوم عادي .. ليجد خطاباته ردت إليه .. بحجت أنها ماعادت تحبه ..
حزن بصمت .. بل حاول أن يقول ضاحكاً ..
عادي .. مافي مشكلة .. نحنه أخوان ..
لم يكن يدري أنه يحترق ..
يوم أن زفت إلى آخر إختارته بعناية ..
قال لها مبروك ..
كان ثابتاً كالأبطال ..
لكنه لم يكن يدري أنه يحترق ..
جزع كل أصحابه من حوله ..
خافوا عليه ..
لكنه كان يطمأنهم بضحكة يخرجها من قلبه ..
دون أن يدري أن يحترق ..
مزق كل صورها وخطاباتها ..
وأحرقها ..
لم يلحظ حريقه سوى صديقه محمد ..
الذي قال ..
ياخي مالك عامل في نفسك كده ليه ..
فسوخة وإتخطبت ..
ضحك ..دون أن يدري أنه يحترق ..
توفي محمد قبل عام ..
ومازل هو يحترق ..
تعمد أن يهرب من لقائها .. دون أن يدري ما السبب
تعمدت هي أن تحاصره كلما رأته .. دون يدري ما السبب
عندما تعرف عليها لم يكن يعرف أنثى غيرها ..
ولم يكن يرغب بأن يعرف أنثى غيرها ..
إكتفي بها .. حتى تركته ..
فإذا به يحس بخواء عاطفي .. جعله يتعلق بكل أنثى تطرق نظره ..
عرف بعدها نساء بعدد شعر رأسه ..
لم يتعرف عليهم بجسده ..
إكتفى بأن يحسهم بعاطفته ..
لكنهم مع الأسف لم يشبعنه عاطفياً ..
لم يفلحوا في ملاء فراغها الذي تركته بداخله ..
رغم تجمله وإصراره على أن هجرها له عادي .. ويصبر أحبابه قائلاً ( نحنه أخوان )
طرق كل الدروب .. بحثاً عن أنثى تشبهها عاطفياً ..
لكنه لم يكن يدري أنه يحترق ..
قالت له ذات يوم بعد أن أحكمت عليه الحصار ..
أنظر إلي .. في وجهي ..
لم يستطع أن ينظر إليها .. وهو الذي كان يقبل محياها بطرفه صباح مساء ..
قالت : لماذا لم تعاتبني أو تسألني لماذا تركتك ..
لم يستطع أن يرفع رأسه من الأرض .. ولا أن يجيب ..
وضعت كفها على كفه ..
فإنهمرت دموعه كما المطر ..
فأدرك بعد أكثر من 25 عاماً .. إنه يحترق .
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: عمر الفاروق)
|
فى قمة غيظو من مؤذن الجامع الذى يجاوره حيطة بالحيطة " الليل كلو يكح " وطير لى القزازة فى راسو رسل لى
"نص" تانى بعد الساعة 4 بدت تربط معاهو الساعة خمسة قام المؤذن بى كحتو ديك للنباه صاحبنا قنع من سكرتاً فيها
ولابد لى جارو المؤذن يجى البيت اول ما سمع جوطتو فى شاهى الصباح جا عليهم دق الباب فتح البنية المسكينة
قال ليها ابوك اب خبيتة دة فى ؟؟
الباقى ونسة ودى قصة حقيقة
--------------
ما دايرين اى نقد عجبتك صحتين وعافية ما عجبتك ignore و عزيزى القارئ قاعد !!!
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: ابراهيم عوض عمر)
|
أكمل لبسه والهاتف الجوال بين أدنى كتفه وصدغه، خرج مسرعاً ، وتناول علبة برنجي من الدكان، وولج صيوان الحفلة.
محبوب الجكس وصل، وإنضم للشلة، ورقّصوا البنات، واستلم صاحبنا دفة مبادرات الرقيص والونسة مع الجكس، وهو واثق من
وسامته وقشرته. حينما رجع الى البيت اكتشف وهو يخلع ملابسه إنو البنطلون مشروط من ورا زي شِبِر كده..
| |
|
|
|
|
|
|
|
|
 Re: نادي القصة القصيرة..رياضي ..إجتماعي..ثقافي.. (Re: Salah Abdulla)
|
صلاح يا عبد الله..
هاك دي قصة حقييييقييية حصلت لي صاحبي وود حلتي وكنا حضور في الحفلة.. وصاخبي ده زول شييين شديد.. إسمو أيمن..
إنتهت الحفلة..سحب كرسي وجالس أجمل فتيات العرس وهو المعروف بلسانه العذب..قال ليها عايني أهم شي الناس تكون صريحة في الحياة وصريحة في بداياتا العاطفية..إسمك منو؟ قالت ليهو سالي..وإنت إسمك منو؟ قال ليها :أيمن..
فقالت ليهو :أهاااا بدينا الكضب؟
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: Salah Abdulla)
|
عاد من بلاد...لاتوجد فيها زهرة سمراء .. كان يعشق السمار
وجد كل بنات الحلة قد تبدلت جلوهدهن الاهي ظلت سمراء اصيلة كأشجار بلادي
فقرر خطبتها ....حدد الميعاد
وسوست لها صويحباتها بان تستعمل كريم مبيض
جاء يوم الخطوبة لم يتعرف عليها
غادر الكرسي ليبحث عن سمرة لا تتبدل
لندن شتاء ٢٠١٢
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: Salah Abdulla)
|
كان يمشي بصحبة ابنه عندما شاهد رجلا ثائرا يرغي ويزبد و يصيح في وجه آخر و يعنفه باقسى الالفاظ و الآخر لم يرد عليه او تفارق الإبتسامة شفتيه
فحدث ابنه عن طولة البال و كظم الغيظ وما إلى ذلك و اثنى على قوة تحمل الرجل و صبره
في المساء ارسله والده للدكان ليرى هناك ذات الرجل الصبور يطلب حجار بطارية لسماعه اذنه ويخاطب عمك بتاع البقالة قائلا:
البتاع دا مش شغال من الصباح , و الناس بتقول في إيه مش عارف انا بس بهز ليهن راسي و اتبسم
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: عمر الفاروق)
|
قرر السفر ليتمكن من الزواج منها.. نفس شلته الانتحارية الذين احتفلوا بسفره واوصلوه الى المطار
كانوا في استقباله بالمطار بعد خمسة سنوات..ودعوه على أن يلتقوا مساءً (ويقعدوا) للونسة ..
فقد إتصلوا بصديقتهم وطلبوا منها الحضور واحضار بعض صديقاتها معها، وجهّزوا الشراب والأكل..
قابل محبوبته وصافحته في يده بأدب ، فهذه عادتها، مثال للادب والعفة، بثها لواعج قلبه، وروى ظمأه.
في المساء قطع الكبرى والتقى أصدقائه ودارت الاحاديث والكاسات..
دقّ الجرس ، وصلت النساء، تفاجأ بخطيبته تتقدمهم.
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: عمر الفاروق)
|
اجتمعن كجارات في حلقة الدرس الديني الذي تقدمه لهم تلك الداعية الدينية في منزل احداهن والذي لا يخلو من بهرجة الطعام المقدم والمصاحب عادة لتلك الجلسات الدينية. تنقل الحديث ما بين الحلال والحرام والترهيب والتخويف من اهوال العذاب والحساب . وانتهى الدرس بتعهد من الكل امام الداعية بانهم لن يصافحوا الرجال وسيضربن بالنقاب على وجوههن خوفا ورعبا من اهوال العذاب ، وبعد التعهد اكلن وشربن ثم غادرن جلسة الوعظ التي كان يتواجد فيها جارتين في حالة خصام ازلي . وخرجوا كما دخلوا بدون مصافحة بعضهم البعض. مع سعادة بالغة بالوصول لقرار النقاب وعدم مصافحة الرجال .
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: maia)
|
نسي كيس التمباك على تربيزة النص وغادر البيت
قفل راجعاً وجد شقيقته وزميلتها الوجيهة من الجامعة
وقف على الباب سلم، حك راسه وادخل يده في جيبة
عرفت اخته مايريد ولكن بخبث الاخوات سألته... بتفتش في شنو؟
فقال لها بعين غامزة
كيس الباسطة الكان هنا وين؟
ردت ليه في التلاجة
ــــــــــــــــــــــــــــــــــ
م. الكيس فعلا كان في التلاجة
وس سؤال ماهو سر وضع كيس التمباك في التلاجة ؟
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: khaleel)
|
سافر واغترب .. خمس سنين طويلة مرت ليلة ليلة، كان همه الوحيد الذي عاني من أجله
أمرين الغربة هو شراء دفار، وأخيرا اشتراه وركب أول طيارة عائدا تراوده الأحلام الوردية
وعندما نزل من الطائرة وإستنشق هواء بلده أحس بطعنة خفيفة، و ..... وكان أن حمله ذلك
الدفار جثة هامدة لا مكان لها سوي المقابر.
| |
|
|
|
|
|
|
|
|
|
Re: نادي القصة القصيرة..رياضي ..إجتماعي..ثقافي.. (Re: طلحة عبدالله)
|
صراحة مستوى القصص في إرتفاع..رووووعة والله يا قصاصين..إنتو عمر القصاص بيبقا ليكم شنو؟؟خصووووصا مايا..ياخ إنتي موهبة مدفونة ..غايتو بعدين في كتابك إتذكرينا..
يا قلب مثلك أوجه السؤال لصلاح عبد الله عن كيس الصعوط..
طلحة ياخ خوووفتنا..ماف قصة أفرح من دي؟انا دفاري يسمع فيييي قصتك دي..
تخريمة
يا ابو خلييييل دايما بتجيني في محل ما متوقع..:-)
| |
|
|
|
|
|
|
| |
عمر الفاروق
قيقراوي
طلحة عبدالله
طارق جبريل
محمد البشرى الخضر
سلمى الشيخ سلامة
Khalid Saeed
القلب النابض
khaleel
ود الخليفه
فيس بوك
تويتر
انستقرام
يوتيوب
بنتيريست