|
|
 يا حليل قرفتنا وتمورنا - ويا حليل طابنا ودليبنا !!
|
سلام يالحبان - ويا أخياتى وأخيانى فى كل بوكان - والله بس اشتهينا التيميرات والرطب !
لا دومى نكودها - ولا قريريصى مخمرة تعصر جوفنا !
ويا حليل الترمس أب صحنا كبير وفوق وشيهو المدينييى !
واشتهينا لبينتنا المقننى فى براد الصينى أب تصويرة سيدى على الميرغنى !( يلحقنا وينجدنا ويزح الغومى من فوقنا !)
ويا حليل لوبا جروفنا - ويا حليلو برود بطوننا !
ويا حليل عناقنا وعبورنا ينقزن فوق كوم براسيمنا وقشوشنا !
ويا حليل كباشتنا البيسون باع ساعة الضيفان يقولوا سلام !
ويا حليل طابنا ولعوبنا ويا حليل طارنا و دليبنا !
ويا حليل قولة سلام من ناسا مندليين تحت شايلين قشوشن فوق ريويساتون جايين من لا
تحت الميغيرب !
ويا حليل كبارنا البيغمتونا التيميرى ساعة يشوفولون ديميعى فوق ويشياتنا ونحنا
سوغويريين ! ونحنا عبنا مشككن تمر !وشايليين دنانيننا وزرازيرنا وطيورنا !ويا حليل ام
قيردونا !
وسلام من تنقاسى للقرير ولأوسلى ومساوى والعفاض - ولا عند نورى وجريفا .
ست البنات .
|
|
 
|
|
|
|
|
|
|
|
Re: يا حليل قرفتنا وتمورنا - ويا حليل طابنا ودليبنا !! (Re: ست البنات)
|
| |
|
|
|
|
|
|
|
|
 Re: يا حليل قرفتنا وتمورنا - ويا حليل طابنا ودليبنا !! (Re: yasiko)
|
Quote: الأستاذة الأخت ست البنات / الناس
سلام وعوداً حميداً
بمناسبة عودتك وبمناسبة كلماتك الجملية أعلاه ، والتي أرجعتني إلى
سنين خلت ، أهديك ما تغنى به الأستاذ عبد الرحمن أحمد محمد
"عبد الرحمن الكرو" ، وأعتقد أنها من كلمات الأستاذ
محمد جيب الله كدكي ، راجياً مقارنتها بعهد التكنلوجيا الذي
نعيشه الآن دون الحكم على الشاعر بمعايير اليوم |
وينها الأُغنية يا أبا سامي؟؟
| |
|
|
|
|
|
|
|
|
|
Re: يا حليل قرفتنا وتمورنا - ويا حليل طابنا ودليبنا !! (Re: ست البنات)
|
Quote: واشتهينا لبينتنا المقننى فى براد الصينى أب تصويرة سيدى على الميرغنى !( يلحقنا وينجدنا ويزح الغومى من فوقنا !)
|
الغالية ست البنات لا حدهن...
آلااااااااااااااف مراحب بي عودتك الجميلة...
وعلي ذكر سيدي علي (اللهم أرضى عنه)... أهديك...
مع كميات مودتي...
أبو الحســـــــــين...
| |
|
|
|
|
|
|
|
|
|
Re: يا حليل قرفتنا وتمورنا - ويا حليل طابنا ودليبنا !! (Re: ملكة سبأ)
|
Quote: لا دومى نكودها - ولا قريريصى مخمرة تعصر جوفنا !
ويا حليل الترمس أب صحنا كبير وفوق وشيهو المدينييى !
واشتهينا لبينتنا المقننى فى براد الصينى أب تصويرة سيدى على الميرغنى !( يلحقنا وينجدنا ويزح الغومى من فوقنا !)
ويا حليل لوبا جروفنا - ويا حليلو برود بطوننا !
|
ست البنات
يايمه انتى تتجازى
اكان جوعتينى وخليتى مصارينى يكركرن
Quote: وسلام من كريمة والبركل وشبا والكرو والدهسيرة
والزومة وحزيمة ومقاشى والحجير
وكل تمرة فى أرضنا الحبيبة
وتسلمى ياست الناس
|
عصام ود على احمد
نان يايابا تنقاسى وينا وابورنات وينا
والغرب كلو وينو ؟
مالك ما بتجيب سيرته ؟
( وشيش كدى من الزعل لامن داير يطرشق )
| |
|
|
|
|
|
|
|
|
|
Re: يا حليل قرفتنا وتمورنا - ويا حليل طابنا ودليبنا !! (Re: ست البنات)
|
أمانى يا الحبان الغربى الله ينعلا قاسى خلاس !
البارح جيت ماشى بالدرب لقيتلى وليدات طالعين فوق شيتا طويل حدو السمى يصلحولون فى راس بيت بس ان وقف يومين مابتشوف حدو ! صنقع لامن رقبتى انعسمت وقول يا ربى ان بعت الشى دا وسفرتو للبلد بس بينفع فى قفييز التمر وحشو ّ!
وكمان لقيتلى شيتا آخر فى الجزر , الجزار بس لا عندو فاس لا خوسى ! ماسكلو شئ بلا الشيطان يقططغبو فى اللحم يجرى زى الرهوان , يكسر العوضام , ويبججن اللحم فى دقيقى ! سعلتهون قالولى دا منشار الليل كهربى !!
دحين ان بيقيت بعتو ونزلبو البلد ماب يسدلى بوكان المنجل الحششا اصابعينا دا ؟؟
ست البنات .
| |
|
|
|
|
|
|
|
|
|
Re: يا حليل قرفتنا وتمورنا - ويا حليل طابنا ودليبنا !! (Re: ست البنات)
|
أريدها وكت تكون قاعدى
وتخييت فى طيويقييى
بعد ما عببت الماجور
وفكت نعجى ملوييى !!!!!
ياسيكو اخوى الهميم الفهيم الهدى ورضى ,
نعلك طييب ؟ وبوطينينك وامهون طيويبيين ؟
نان عاد الغنوى دى مابتقع للزول فى جرح ضوممة !
ربى ياسع ايامك ويعدل طريقك , ويكفيك شر الهوامل والهجايم ,
ويايابا بارك الله فيك .
وشكرا ليك انت باقى جناين زيين ومكمل العيرفى لاى حدها !
ست البنات .
| |
|
|
|
|
|
|
| |
ست البنات
عصام علي أحمد
غادة عبدالعزيز خالد
yasiko
أبو الحسين
ملكة سبأ
على محمد على بشير
خالد علي محجوب المنسي
فيس بوك
تويتر
انستقرام
يوتيوب
بنتيريست