|
|
 زيارة عمر الحبر للدوحة .. (توثيق بالصور+ التعليقات)
|
بوست توثيقي بالصور .. وبتوصية خاصة من الحبر لاغاظة المخرج الكوتش
فيما يلي نستعرض ..
الزيارة الماكوكية التي يقوم بها الحبر لبعض دول الخليج
حيث بدأ الزيارة بالدوحة ونتمنى أن يطيب له المقام فيها
المشهد الأول .. منظر عام للدوحة ..
(1) الدوحة من بعيد ثم..
(2) زووم لتقريب الصورة..
و(3) الصورة من قريب لرؤية جمال الدوحة
|
|
 
|
|
|
|
|
|
|
|
Re: زيارة عمر الحبر للدوحة .. (توثيق بالصور+ التعليقات) (Re: صلاح ليون)
|
تحرك الحبر مع أهله بالدوحة إلى أسباير
ولما مشينا نسوقو من هناك كانت المفاجأة الأولى..
الحبر الذي لم يلعب كورة لما يزيد عن العشرين عاما
كان قد تمرن ولمدة 40 دقيقة في اسباير..عجبتو الميادين شديد..
لكن بقينا في الشد العضلي والنفس القايم .. وغايتو العشا حنتمو كيف ما كنا عارفين..
| |
|
|
|
|
|
|
|
|
|
Re: زيارة عمر الحبر للدوحة .. (توثيق بالصور+ التعليقات) (Re: صلاح ليون)
|
شكرا يا ليون وانا ابدأ صباحى بهذا الجمال
وهذه الاوجه الطيبة .... وسلام كتييير ياناس
الدوحه فردا فردا وتحيه قلبيه ........
وطبعا يا ليون الحبر حيشرفنا بالامارات الاسبوع القادم
وبرضو معانا الايام ده بالامارات السيد معاويه عابدين عوعو
وشكرا للزمان و المكان الذى اتاح لنا ان نلتقى بامثال هؤلاء
تحياتى و احتراماتى لكم من على البعد
الكوتش
| |
|
|
|
|
|
|
|
|
|
Re: زيارة عمر الحبر للدوحة .. (توثيق بالصور+ التعليقات) (Re: صلاح ليون)
|
نجي لي قصة الصورة .. وهي في مدينة عطبرة وكانت سنة 1987 .. مجموعة من دفعة الحبر
الاولى .. ترينن زيرو ما كان اخدوهو في الكلية ولما وصلو سنة تالتة مشو عطبرة لمدة شهرين
اخدو فيهم البيسك ترينن وكمان ترينن زيرو .. ويظهر في الصورة الحبر .. وناصر سيد أحمد
ويوجد باشمهندس ثالث معنا في الدوحة لم يستطع الحضور بسبب ظروفه وهو ..عمر نوري
هنا الصورة في يد عاطف جلال..
وهنا ختيناها في الطاولة وصورناها وطلعت
احسن من الصورة نفسها ..
| |
|
|
|
|
|
|
|
|
|
Re: زيارة عمر الحبر للدوحة .. (توثيق بالصور+ التعليقات) (Re: صلاح ليون)
|
نجي للقفشات
الحبر لما مشى يلعب كورة في اسباير
كان معاهو كمية من اهلو وناس الدوحة
وطبعا هو كان بيروج للهلال عند الاجيال الجديدة
وبيلمع في صورة الهلال للناس القدام وخلال الماتش
كان عامل فيها هيثم .. وكل ما يمسك الكورة الناس
المشجعين يكوركو الحبر الحبر وتحصل جوطة شديدة
حتى لمة مجموعة من الجنسيات الاخرى لمشاهدة لمسات الحبر
اها..
جا فاول من النوع العايز شوتة موزة ديك .. وطبعا الحبر
قام تصدى للشوتة وقال حاوريكم ((هيثم)) بيعملها كيف ويلا
الناس دي اتلمت مشجعين ولاعبين عشان يشوفو المهارة الفائقة دي
اها..
قام الحبر وتوووش شات الكورة طبعا بدل ما تمشي على القون
الموزة لفت شديد وطلعت اقرب للجدعة ..
والحبر طبعا صافي الذهن وما بتلفت..
قال للجماعة .. لا طلعت هيثم طمبل.. هههههههههههههههههههههه
| |
|
|
|
|
|
|
|
|
|
Re: زيارة عمر الحبر للدوحة .. (توثيق بالصور+ التعليقات) (Re: صلاح ليون)
|
ليون سلامات
وتحيات لكل الشباب
دايما تلقاني منحشر فى اي موضوع بتاع هندسة ,, بالله اقبلوا تحشري لانكم بتثيروا في نفسي شوق لا يوصف لايام الجامعة وكمان بتخلوني اقدر فيكم هذا التواصل المدهش والمحبة الجميلة بيناتكم والتي لم يعمل فيها الزمان زعزعة ابدا.. الصور اكثر من رائعة والاروع اني اعرف معظم الشباب ربنا يديم لمة الشلة .
امس وبالصدفة المحضة قابلت الاخ الحايم بين امريكا والدوحة نزار فقيري فى مطعم فى بانكوك وتعال شوف الاحضان والشوق الجارف وكمية من الاسئلة فلان وين وفلانة وين وعاملين كيف؟وعرفت منه انه سيغادر الي الدوحة صباح اليوم 8/7 بعد ان إطمئن على صحة والدته التي حضرت معه لاجراء فحوصات والعلاج بالله لما تلاقيه بلغه تمنياتي لوالدته دوام الصحة والعافية.
ربنا عاوز يكرمني فى بانكوك بزيارة الزول الطويل بهاء الدين فى الايام الجاية
بالله يا ليون شففني وقول لي الحاجات البيحبها بهاء بخيت عشان احسن استقباله وضيافته هو واسرته الكريمة.
خالص ودي وتقديري
| |
|
|
|
|
|
|
|
|
Re: زيارة عمر الحبر للدوحة .. (توثيق بالصور+ التعليقات) (Re: صلاح ليون)
|
تحيات كتار كده
علم وسينفذ
من اول ماشفت صور زيارة عمر الحبر للدوحة حضرت الكاميرا واظن الطويل اول ما ينزل من الطيارة بيلاقي الفلاش فى وشو على طول...
بس القميص الاحمر ما فيش ليه طريقة لان المعارضة هنا عاملة مشاكل وشعارهم اللون الاحمر واي زول بيلبس احمر بيعتبر عدو للبلد وللملك عند ناس الحيكومة.. عشان كده ساحضر ليه تي شيرتس بكل الوان الطيف ماعدا الاحمر .. حلو الكلام يا ليون؟
| |
|
|
|
|
|
|
| |
صلاح ليون
ابراهيم محمد الحسن
إسماعيل حسن
Hisham Magzoub
فيس بوك
تويتر
انستقرام
يوتيوب
بنتيريست