|
|
 يا بورداب الريــاض ... الطيب صــالح بينكم
|
الروائي الكبير الطيب صــالح موجود في الرياض هذه الأيام ضمن ضيوف مهرجان الجنادرية الذي تجري فعالياته حالياً.
أعتقد أنها فرصــة جيدة لاستغلال وجود هذا الأديب الكبير وتنظيم لقاء للتعرف عن قرب على هذه الشخصــية. الأخوان بلجنة المنتدى في الريــاض: ما هي إمكانية تنظيم هذا اللقاء؟؟
ودمتم.
الحلاوي
|
|
 
|
|
|
|
|
|
|
|
Re: يا بورداب الريــاض ... الطيب صــالح بينكم (Re: ALHALAWI)
|
اخونا الحلاوي:
تحياتنا ...
يا أخوي زماااااااااان ما قالوا ليك ناس بورداب الرياض ديل ناس أكل ورقيص!!!!!!
وفي بعض الأحيان سياسة ..
لكن موضوع الثقافة ده ما شايلنوا...
والعهدة علي الراوي ...
تخريمة :
نحن في الإنتظار نسترق السمع لنكون حضوراً في حضرة هذا الرجل وليت اللقاء يكون على مستوى الجالية ..
عموماً اي زول سمع شمار عن لقاء الرجل العملاق يدينا خبر..
| |
|
|
|
|
|
|
|
|
|
Re: يا بورداب الريــاض ... الطيب صــالح بينكم (Re: عمر الفاروق)
|
الاخ الحلاوي .. شكرا على ايرادك الخبر الجميل بوجود الأديب الطيب صالح بيننا في الرياض .. العمدة ابو جهينة سيتحرك واظنه قد تحرك فعلا لترتيب امر اللقاء وبالله التوفيق ..
عمر الفاروق ( المكاتل ) راجل سياسي فقط وبعيد كل البعد عن الأدباء يعني مش حا تسمع منو كلمة واحدة ارجو الاطمئنان بس انت جاي ولا لا ...
ود الباوقة
| |
|
|
|
|
|
|
|
|
|
Re: يا بورداب الريــاض ... الطيب صــالح بينكم (Re: ALHALAWI)
|
يا ريسنا ويا فرسنا ود الباوقة :
| Quote: بس انت جاي ولا لا ... |
عندكم أكل ؟؟؟؟
في رقيص ؟؟؟؟؟
كان الإجابة نعم بجيكم طوالي ..
أصلو ياها المحرية فيكم 
تخريمة :
والله زولك القلت بيفهم في السياسة ده غايتو إلا اليوم داك تشتروا ليهو اخر طبعة من جريدة الشرق الأوسط وتقطعوها ليهو قصاصات عشان لمن يجي يناقش زول يديهو جزء من الجريدة ..
| |
|
|
|
|
|
|
|
|
|
Re: يا بورداب الريــاض ... الطيب صــالح بينكم (Re: عمر الفاروق)
|
أقترح أن يتم عمل لقاء صحفي معه ينشر في الموقع، تطرح الأسئلة من خلال عنوان جديد يشير لذلك.
ولأكون عملياً سأبدأ أول سؤال يوجه لعمدة أدباء السودان الأستاذ الطيب صالح:
لماذا صدق دعوة الجبهجية للسلام والمؤمن لا يلدغ من جحر مرتين؟.
العوض أحمد الطيب
الرياض
| |
|
|
|
|
|
|
|
|
|
Re: يا بورداب الريــاض ... الطيب صــالح بينكم (Re: الحارث سرالختم عبد الله)
|
الإخوة الأعزاء
تحدثت الآن مع القامة الأستاذ الطيب صالح. و إقترحت عليه إختيار يوم للقاءه.
إعتذر الرجل و قال بالحرف الواحد :
قابلتكم من قبل و كنت أتمنى أن أقابلكم هذا العام أيضا و لكن البرنامج مليء و بطريقة غير منظمة و الدعوات من قِبل المضيفين و منظمي الإحتفال متشابكة .
قلت له : هل يمكن أن نأتيك بالفندق ؟
قال : حتى هذه صعبة للأسباب التي ذكرتها.
قلت له : هل يمكن أن نتلقى أسئلة الأعضاء هنا ثم آتيك بها لترد عليها لاحقاً لننشرها هنا ؟
قال : اللقاء المباشر أحسن .. فأترك الأمر فربما أجد متسعاً من الوقت في أي لحظة مع العلم بأنني ربما أغادر مساء الأربعاء أو صباح الخميس.
شكرته نيابة عن كل محبيه و هو يشكركم شكراً جزيلاً و يبعث لكم بتحياته و يتمنى لقياكم قريباً في فرصة أوسع ..
جلال داود ( أبو جهينة )
للعلم : هو بفندق قصر الصداقة بحى الوزارات لمن يود زيارته رغم أن الرجل مزحوم للغاية.
| |
|
|
|
|
|
|
|
|
|
Re: يا بورداب الريــاض ... الطيب صــالح بينكم (Re: ALHALAWI)
|
العزيز الحلاوي
نكون لجد سعداء لو أبلغتونا بالفترة التي سيفضيها بالرياض (وبرنامجه)
حتى نرى إمكانية توجيه دعوة له لزيارة النادي السوداني بمسقط..أكيد
هذا سيكون شرفاً لا يطال للنادي ولعموم السودانيين بسلطنة عمان..
و لك الود من قبل ومن بعد عزيزي الحلاوي...
أخوك الزاكي
| |
|
|
|
|
|
|
|
|
|
Re: يا بورداب الريــاض ... الطيب صــالح بينكم (Re: الزاكى عبد الحميد)
|
العمدة ابوجهينة .. شكرا على المجهودات المقدرة ولقائكم بالاديب الطيب صالح بغرض تحديد موعد للقاء بورداب الرياض به وان لم يكتب الله لمحاولتكم النجاح بسبب مشغوليات الاديب المتعددة وقصر فترة اقامته بالرياض نتمنى ان توفقوا بالظفر به في مرات قادمات ان امد الله في الآجال ...
ود الباوقة
| |
|
|
|
|
|
|
|
|
|
Re: يا بورداب الريــاض ... الطيب صــالح بينكم (Re: mohamed elshiekh)
|
محمد الشيخ :
| Quote: دى قبيحه جدا منك ..... |
ما حا أزعل منك يا ود الشيخ بقدر ما حا أكون فرحان لأنو قدرت أطلع منك كلام كنت تتحفظ عليه كثيراً لتخرجه لغيري ..
لكن نسوي شنو ما ياها قسمتنا نشيل وش القباحة نحن ..
والفيل يرقد نائماً !!!!!!!!!!!!!!!!!!!!!!!!!!!!
تخريمة :
يا ود الشيخ إنت عارف تماماً انا لمن كتبت الكلام ده كاتبوا لي شنو وقاصد شنو بالضبط لكن زي ما قلت ليك يعجبني فيكم إحترامكم لي كباركم البتربطكم بيهم علاقة طيبة وجميلة وممكن تحلوا مشاكلكم معاهم عبر التلفونات (ده لو فكرتوا فيها) ..
لكن نحن ؟؟؟؟؟؟؟ نحن ما ناس ساي ومارقين للريبا والتلاف ..
| |
|
|
|
|
|
|
|
|
|
Re: يا بورداب الريــاض ... الطيب صــالح بينكم (Re: ALHALAWI)
|
الأخ الحلاوي .. التحية لك
والله ما عندنا حظ في لقاء هذا الهرم الثقافي .. بالأمس مساءاً طلبت من بعض الاخوة في المنتدى الثقافي أن يحاولوا عمل لقاء مع الأستاذ الطيب صالح .. هذا الرجل الذي طالت به قامة وطن
في لقاء له قبل عدة سنوات في تلفزيون أبوظبي .. قال له المزيع: حدثنا عن فكرة دومة ود حامد فأجاب:
لماذا يقطع الناس الأشياء ليضعوا الأشياء فالتبقى الدومة في مكانها ويضعوا جنبهاالوابور هنالك متسع لكليهما للدومة والوابور .
لماذا لم تكتب بالفصحى لتكون أكثر إنتشاراً؟
لأن الزين لا يتكلم الفصحى، وفي الرواية ينبغي أن تُلبس كل شخص ثوبه وإلا لفسدت الحبكة.
أنت تفوقت على نظرائك من الخواجات .. كما ورد على لسان الروائي المصري نجيب محفوظ؟
فأجاب بسخرية هاه ..
فعقب المقدم: والله انا سمعت هذا الكلام من نجيب محفوظ؟ فرد الطيب:
نجيب محفوظ صاحبي وانا عارفه .. بكون قال : الـ ود ده حاطي نفسو مع الخواقات .. بعدين كيف
اتفوق على الروائيين الأوروبيين .. ما ممكن .. الإبداع لا ينمو إلا في مناخات الحرية .. وتعرف حال
الحرية في الوطن العربي ..
فتململ المقدم .. وعرفت لماذا وضع الطيب في قائمة الروائيين الإستثنائيين.
وشكر الله سعيك يا حلاوي
| |
|
|
|
|
|
|
| |
ابو جهينة
عمر الفاروق
albagir altahir
Elawad Eltayeb
الحارث سرالختم عبد الله
الزاكى عبد الحميد
mohamed elshiekh
Mohamed Abdelgaleel
فيس بوك
تويتر
انستقرام
يوتيوب
بنتيريست