خشن ذاكرتك شوية .. و اتعرف على ما لا يقل عن تلاتة بزانسة في الصورة اعلاه؟
--------------
اصورة لدفعة 1991م ؤ فيها على الاقل 3 بورداب :
مطلوب حضور : - بكري الجاك - سامر حسن محمد عثمان ( سامير ؤسمان) في رواية اسفيرية - صداح وراق - كابتن جعفر سومي - ابو عبيدة النعمان ( الشخيت) - البرلوم محمد عبد الرحمن - نادر ابكدوك - مها عبد الله و آخرين .. لا تعلمونهم الله يعلمهم ثم قيقا
09-30-2011, 10:31 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
لا هذا و لا ذاك .. 1991 انا مجند كهنة ساااي في الدفاع الشعبي الجامعة فتحت بالضبط 11 ابريل 1992م .. بعد اقفالها على خلفية المقاطعة و الاحداث اللاحقة، و استشهاد طارق في 17 يوليو 1991م.
كلو بجي ذكره في حينه
لكن الدفاع الشعبي دي براها كوووم
واحد من الزملاء البزانسة - البورداب برضو - كان ليو موقف جميل جداً في احداث مظاهراتنا في معسكر القطينة
بالنص قال عليها [ دي حلقة من سلسلة الصراع التاريخي بين المثقفين و العساكر ]
طبعا انا واحد من الناس الحصل لينا انفصام في المدرسة (بزنس) احنا دفعه 90 وقاطعنا فلا عرفنا نفسنا مع اصدقائنا القدامى وللا الدفعة الجديدة فآثرنا بنشات المين والتسكع مع الكيزان وجهاز الامن.
كده النسألك، انا بخت ليك صورتي قريبا، كدي قول لي شوفتني قبل كده في محاضرة، عشان اقرب ليك المنظر، يوم شوفت رشاد عثمان في محاضرة
انا والاولاد بشرى ويحيى في مسجد قباء
09-30-2011, 12:09 PM
أحمد ابن عوف أحمد ابن عوف
تاريخ التسجيل: 04-26-2010
مجموع المشاركات: 7610
سيد البوست و ضيوفه الكرام عندما دخلت الجامعة كان ليمون بزنس بقرشين و نص يعني الشلن بيشتري ليك اتنين كانت علبة البرنجي بسعين قرش و علبة سجاير الناشونال بخمسة و ستون قرش في ذلك الزمن كان الدولار الواحد بجنيه واحد والناس شايفين ده تضخم شديد خلاص بنات الجامعة لم يكن يستخدمن الطرحة او غطاء الرأس و القليل منهن يلبسن التوب بس في مناسبات كان لبس البنات كله اسكيرتات و بلوزات الاسكيرت بصورة عامة كان الطويل فيهو الي منتصف الساق وفساتين انيقة مع احزمة رقيقة، الماكس هو رداء السهرة الاكثر شيوعا
طه جعفر
09-30-2011, 12:31 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: طيب انت ما دفعة .. نحن اقرب جيران ليكم وكنا عيلة واحدة في يوم من الايام لكن تقول شنو الاباء ياكلون الحصرم والابناء يضرسون ..
انا دفعتك من ناس الانثرو اقرب الاقربين ليكم و بيني وبينك بس محل الليمون ...
واصل تحياتي ليك ولي ليمون بزنس
يا عبد الله سلامات ياخي ..
ياخ دي مناسبة ذاتو نسألك ..
انتو ناس الانثرو ديل تابعين لياتم في الاهل من الكليات!؟
ما تقول لي اقتصاد بس!!
مش الاقرب ليكم الاداب بفلسفتها و تاريخها و علم نفسها و لغوياتها!؟
الشعلة دي محيراني من زمااان ..
و الزول الوحيد البعرفم منكم هو استاذنا قاسم حسين مصطفى .. و ناس صراصر - الجابوا لينا البشير - ديل منهم جفلة .. ما بتقدر تصدقم طوااالي .. و البركة في دفعتنا " سفيان علي بابكر" و في روية سفيان الدابي .. و قيل الدهنون
------------
شكراً يا جار .. ( مفروض تدفعوا لينا ايجار ياخي .. مزاحمننا في المبنى الضيييق دا!)
قاسم مرة بسلم على زولة لقاها معانا : ازيك يا اميرة نبهناه انو دي ما اميرة - الله يرحم زميلتنا اميرة كرار - فقام صلحا سريع سريع : انو قاصد برنسيسة يعني ما اسم!
و قريبم البشير يقول لعمو الترابي اذهب للسجن حبيساً ديل ناس بتصدقوا ديل!؟
خليك معانا بجاي .. لسه ما حكينا عن " الدابي الكان رصد للزول بعيقو " سفيان"
Quote: سيد البوست و ضيوفه الكرام عندما دخلت الجامعة كان ليمون بزنس بقرشين و نص يعني الشلن بيشتري ليك اتنين كانت علبة البرنجي بسعين قرش و علبة سجاير الناشونال بخمسة و ستون قرش في ذلك الزمن كان الدولار الواحد بجنيه واحد والناس شايفين ده تضخم شديد خلاص بنات الجامعة لم يكن يستخدمن الطرحة او غطاء الرأس و القليل منهن يلبسن التوب بس في مناسبات كان لبس البنات كله اسكيرتات و بلوزات الاسكيرت بصورة عامة كان الطويل فيهو الي منتصف الساق وفساتين انيقة مع احزمة رقيقة، الماكس هو رداء السهرة الاكثر شيوعا
طه جعفر
بالنسبة لينا زي ما شايف دخلناها في الزمن الغيهب دا .. كلو شئ تغير .. للأسوأ طبعاً الحاجة الوحيدة الما قدروا عليها هو تزييف طعم ليمون بزنس .. ظل كما هو شاهد على الزمن الجميل تم تصفية السكن و الاعاشة في 1992 و برزت المافيا الاسمها " صندوق دعم الطلاب"
الغريبة سعر كباية الليمون دي الوحيدة الما قادر اتذكرها كلو كلو قدر ما حاولت انعش الذاكرة
لكن طلب الفول - في السفرة كان بـ 7 جنيه، و في دار العاملين بـ 10 جنية ( الصورة الجماعية دي قدام دار العاملين ) كباية الشاي بـ 50 قرش، و كذلك السجارة البرنجية على العموم البرجوازية - زيي - كان بكفيهم 50 جنية في اليوم .. اما بقية البروليتاريا بتراوح مصروفهم بين 30 جنيه - ومافي كلو كلو! و الاخيرين ديل الواحد من منهم بعدي يومو (قص) ساااي!!
-----
اعتقد انو بجنية واحد فقط لا غير .. صراحة ما كنت قاعد ادفع انا!
لفترة كدا كنت اظن في نفسي الفهلوة .. و ظن غيري بي الظنون .. لمن سموني Mr. Cheat ( قول واحد يا صبري )
الكفتريا كان بديرها مواطني " المنا " من تندلتي .. و لمن لا يعرف الجغرافيا تندلتي بتقع في محافظة كوستي (بالجديد) .. و هي المدينة الوحيدة ذاتو الدخلوها معانا .. الباقي ام دبيكرات و الطويلة و الوساع .. الفاششوية و ما جاورها .. و العباسية
يا سلام يا فتح الرحمن يا حنين للأماكن والأزمنة ،،،، وسلام لكل البزانسة والبيزنسيات البورداب منهم والبوردابيات ، المغتربين منهم والمغتربات ، والقابضين علي الجمر في الداخل والقابضات كالطيب ع الله وأبو الشناكل وأبو الأقراش و قرنوف وود الرضي وود جاروط ،،،،، الخ بعدين التحية للمشاركين في هذا البوست ومنهم الزميل طه جعفر الخليفة والأخ صبري الشريف .
يا قيقراوي الليمون ده بالمناسبة بيديك أنطباع بالشباب ولا غرو في ذلك فبيزنس كلية شابة خرجت من رحم أمها أقتصاد بقشر ليمونها، وبقامة تتجاوز أشجار اللبخ الظليلة . وبمناسبة قاسم يوسف أحمد المصطفي فالراجل ح ش ونزل في دائرة طابت ضد أخو البشير .
Quote: وبمناسبة قاسم يوسف أحمد المصطفي فالراجل ح ش ونزل في دائرة طابت ضد أخو البشير .
يا سلام يا صداح ياخي!!
صدق اظن بعد الاربعينية و البعد عن الليمون الملح الزول بدا في الزهايمر .. دا بخصو الاسم .. ياخ (يوسف) دي راحت لي كلو كلو .. ما عارف جبت (حسين) دي من وين انا!؟
اما حكاية الح ش دي عارفا .. و سفيان برضو
لكن برضو ضلاليين
09-30-2011, 02:27 PM
ندى صالح الطيب ندى صالح الطيب
تاريخ التسجيل: 04-29-2010
مجموع المشاركات: 602
Quote: لبن بودرة بديه اللون الابيض والرغوة و اظنه ده سر الطعم اللذيذ !
التفاصيل دي دايرا ليها حساسية جندرية طبعاً
كلامك اوله ما عارفو غايتو .. لكن من ناحية لذيذ دي .. لذيذ جداً جدان حتى آدم همسلف
-----------
لكن الشفتو بعيني . .
انو القشرة ما بشيلوها كلها .. ببقى فيها كتير مما تحتها ( الابيض) دا غير الخلاطة .. و كنت بعتقد انو اللون و الرغوة جايية من هنا!
لكن اهل مكة ادرى بشعابها طبعاً .. تكسبي يا ستي
قلت لي من زمنو البي 10 قروش .. و ما نسألك من سنة كم!؟ لا اطمني عارفين سنة كم؟ دا مش زمن الدستة فيها 13؟ و جوز الحمام كان تلاتة؟ و الجامعة ذاتا كان اسمها كلية غردون التذكارية!؟
09-30-2011, 04:19 PM
الصادق الزين الصادق الزين
تاريخ التسجيل: 09-18-2009
مجموع المشاركات: 2690
Quote: قيقراوى هل انت الزول التليع الواقف وسط البنيتين ديل؟
تبقى فعلا كنت Mr. cheat!!
دا عارف كرار ( اقتصاد) .. (عائدون) .. من روسيا
داك ما كان حوار يا اخوي .. و البوست ذاتو ما فيو بشاشا! انت بليتني و اتخارجت يا زول!!
------------
انا واحد من الانين الشايلين القلم .. و التاني سامر حسن (صهر الزول البليتو دا .. فاعمل حسابك! ) غايتو .. النك نيم اتطور لـ " الزعيم" من تالتة و انت جايي لي جاي
09-30-2011, 05:26 PM
ALazhary2 ALazhary2
تاريخ التسجيل: 09-06-2003
مجموع المشاركات: 4966
قيقراوي .. ايوة ياخي الانثرو تابع لاقتصاد معقول اولاد عمتكم ما تعرفونا شايتين على وين ( اصلا بعد ما انتو طالبتوا بحق تقرير المصير و اخدتوهو طبعا ، الكلية الام (اقتصاد) زرعت ليكم قسم الانثرو عندكم هناك نظام غواصة وكده ) ... لانكم من يومكم الانفصلتوا مشيتو اتعصرتو على سكول اوف ماث وعلوم وقعدتوا تفرفروا بيهناك ولاسباب خاصة بالامن القومي تم زرع الغواصة .. ذكرتنا عارف كرار ياخي رجل جميل جدا ... زمن والله
---------------------------------------------------------------- وبالمناسبة ياخي اجابة على سؤالك الانثرو علاقتو كبيرة جدا بالادارة بتاعتكم ، دراسة المجتمعات الريفية / القبلية / البسيطة كلوا في النهاية الغرض منو ادارتها وتنميتها بشكل صحيح (عكس ما يحدث في السودان بالطبع ) بالاضافة للانثروبولوجيا الحضرية والانثروبولوجيا الصناعية وكلاهما مهمان جدا لعالم الادارة او الاداري على مستوى الادارة الحكومية والتخطيط وعلى مستوى البيئة الانتاجية والصناعية ( المصانع الكبيرة التحويلية التي تستخدم العمالة الموسمية والعمالة المهاجرة غير الماهرة ) دراسة الانماط الاقتصادية والسياسية والثقافية للمجتمعات البسيطة والريفية فهو اقرب للاقتصاد والادارة من الآداب لكونه يهتم بالحياة اليومية العادية والانشطة البشرية على عكس الفلسفة والاداب ، وعلاقتو بالعلوم الانسانية ككل قوية جدا بشكل عام وهو لا يتمحور فقط حول الثقافات والاجناس حسب ما يعتقد البعض .
تحياتي
09-30-2011, 07:13 PM
أحمد ابن عوف أحمد ابن عوف
تاريخ التسجيل: 04-26-2010
مجموع المشاركات: 7610
Quote: ياخي أنا اتذكرتك بعد ماشفت صورتك بالقميص التركواز
اي ياخ .. لو عاوز تظهر .. البس تركواز
لكن فاجاتني بحكاية انك بعد بتلاتة اربع دفع دي!!؟
الزمن دا كلو صورة الازهري دي تخليني اقررررب اقول ليك يا عمو!!
وحد من المشاكل - وكانت سياسة متعمدة للاخوان الشياطين لتقيع اوصال الوحدة الطلابية - كان اختلال الكليندر بعد المقاطعة. بالذات نحنا في بزنس كنا بننزل عكس الناس .. و بنأجز عكس .. اوكات كتيرة بنكون براااانا في الجامعة و لفعاتنا حتى في اقتصاد، قانون، آداب كان في مشكلة تانية بتاعة تفريق في السكن .. ديل رموهم في شمبات دايماً كان الاقرب هم ناس هندسة، و اسكول،علوم ، اعدادي علوم (احياء) في السنة الاولى بس ديل
عمك قيقا
09-30-2011, 07:37 PM
الصادق الزين الصادق الزين
تاريخ التسجيل: 09-18-2009
مجموع المشاركات: 2690
Quote: ايوة ياخي الانثرو تابع لاقتصاد معقول اولاد عمتكم ما تعرفونا شايتين على وين ( اصلا بعد ما انتو طالبتوا بحق تقرير المصير و اخدتوهو طبعا ، الكلية الام (اقتصاد) زرعت ليكم قسم الانثرو عندكم هناك نظام غواصة وكده )
الاخ عبد الله ادريس تحياتى..
يا خوى هم ديل اتفصلوا و شالوا ابيى الغنية بالنفط اقصد الليمون معاهم! اصلا المبنى كله يتبع لكلية الاقتصاد, و كانت العلوم الادراية و المحاسبة المالية شعبة من شعب كلية الاقتصاد العديدة و على قولك لما اتفصلوا الجماعة ديل كوعوا على اراضينا!! العلوم الادارية منحت اماكن خارج سور الجامعة جوار شعبة العلوم السياسية ناحية مبنى الدراسات العليا و مكتب القبول و اظن مبانيهم اكتملت الان لكن يا خوى عشم الوحدة مازال قائما لان الكلية الام ظلت معزولة و من دون موارد فلابد من اعادة الوحدة يا مؤمنيين.
تخريمة:
قيقراوى والله انا كنت فاكرك من الناس القدام, اكيد انتو الدفعة الورانا دفعة ما بعد المقاطعة! عارف هذا اتذكره جيدا بس الاسم راح , انا ياخوى ناس تركوازى و ساركوزى ديل ماشايلهم, الا هسه عرفتك تحياتى لك و لصهرك و يالله و رينا ذكريات الايام الجميلة, ايام دقنا للكيزان, مخير الله اسه بقوا يتفاصحوا جهارا نهارا و زمان مافى كوز بقدر يقول انا كوز و الله الكوزنة كانت منكورة زى العجب هم زاتهم ماكانوا تامين 100 و لا شنو رايك؟ دقنا ليهم ما لل100 ديل لا لكل كيزان الخرطوم بما فيهم مجمع شمبات و التربية و طلاب الاسلامية و النيلين و القران الكريم و السودان وحتى ناس اللجان الشعبية كانوا كلهم بتجمعوا ياخدوا علقتهم و يتخارجوا.
09-30-2011, 08:27 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: يوم احتفال الدفعة بالتخريج على ما اعتقد كان في نادي الاطباء، المسيرة على الارجل خرجت بدأت من المين روود سيرا على الاقدام الى نادي الاطباء
ياتا فيهن!؟
الحفلة الكان بالباشكاتب ام خالد الصحافة؟
اللتنين كانوا في دار الاطباء .. 1995 و التانية 1996 و دي حفل تخريج دفعتنا طبعاً 1991 اللتنين ما كنت خريج فيهن انا، اتخرجت 1996 ملحونا ساااي برا تخريج طبعاً
----
انت دفعة تاج السر المتكسي؟ و ناس خالدة،تيسير،نبيل و بقية الاكستيرنال مش؟
09-30-2011, 08:33 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
لا حولااااااااااااا تعرف يوب عرفتك بعد جيت الصق الصورة!! كيفك يا ابو حميد ياخي مع انك قلت لي رشاد عثمان .. لكن اصلو ما وقع لي .. رشاد عثمان مشهور ياخي و علاقاتو واسعة!!
---------------
معاي بجاي خالد الامين (العمبلوق)، عبد الجليل هجو، نجم الدين (بري) و كمية من الشباب
لا حولاااا ياخي!!
بعدين نموذج الزول الما بحضر و لا محاضرة في السنة ما هو رشاد عثمان .. رشاد اقل حاجة بجي الجامعة .. (فائق) ما كان بجيبو الا الامتحانات بس!! ( واضح في الصورة .. اطول زول)
09-30-2011, 08:35 PM
أحمد ابن عوف أحمد ابن عوف
تاريخ التسجيل: 04-26-2010
مجموع المشاركات: 7610
على ما اعتقد 95 هههههههه انا جادي يا قيقراوي تسالني سؤال زي دا، هو قال ليك انا عارف
المتكسي سينيرنا بي سنة والى الآن على تواصل معه from time to time، انا دفعة رشاد عثمان وخالد كمية ونبيل والحاج انا قلت ليك يا قيقراوي، ما ح تتذكرني لاني قاطعت الاكاديميات تماما، ونادرا ما بدخل المكتبة او المحاضرات اتخرجنا كيف زاتو ما عارف
09-30-2011, 08:47 PM
أحمد ابن عوف أحمد ابن عوف
تاريخ التسجيل: 04-26-2010
مجموع المشاركات: 7610
Quote: لا حولااااااااااااا تعرف يوب عرفتك بعد جيت الصق الصورة!! كيفك يا ابو حميد ياخي مع انك قلت لي رشاد عثمان .. لكن اصلو ما وقع لي .. رشاد عثمان مشهور ياخي و علاقاتو واسعة!!
اها انا ورشاد دا شريعتنا واحدة محاضرات نهي، الجامعة ابوابها عندنا بتفتح الساعة 12 ظهرا
09-30-2011, 09:32 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: وبالمناسبة ياخي اجابة على سؤالك الانثرو علاقتو كبيرة جدا بالادارة بتاعتكم ، دراسة المجتمعات الريفية / القبلية / البسيطة كلوا في النهاية الغرض منو ادارتها وتنميتها بشكل صحيح (عكس ما يحدث في السودان بالطبع ) بالاضافة للانثروبولوجيا الحضرية والانثروبولوجيا الصناعية وكلاهما مهمان جدا لعالم الادارة او الاداري على مستوى الادارة الحكومية والتخطيط وعلى مستوى البيئة الانتاجية والصناعية ( المصانع الكبيرة التحويلية التي تستخدم العمالة الموسمية والعمالة المهاجرة غير الماهرة ) دراسة الانماط الاقتصادية والسياسية والثقافية للمجتمعات البسيطة والريفية فهو اقرب للاقتصاد والادارة من الآداب لكونه يهتم بالحياة اليومية العادية والانشطة البشرية على عكس الفلسفة والاداب ، وعلاقتو بالعلوم الانسانية ككل قوية جدا بشكل عام وهو لا يتمحور فقط حول الثقافات والاجناس حسب ما يعتقد البعض .
و انا واحد من البعض ديل .. فعلاً ما وقفتا فيها كتير .. لاني باخد الانثرو كلها على محمل الانثروبولجيا الثقافية قريبة الفلكلور ديك!
بالمقابل (الادارة) في مقتبسك هي (الادارة العامة) في الغالب .. لا (ادارة الاعمال) ست اللسم ( بزنس) مدرسة العلوم الادارية بعد انفصالها في 1986م *عن كلية الاقتصاد، اتفتحت بشعبتين (ادارة اعمال، و محاسبة) على ان يتم انشاء الشعبة الثالثة (ادارة عامة)، على ما اذكر كان استاذنا د. آدم الزين شغال في الحاجة دي.. لكن توقف المشروع دا ليه ما عارف. بالمناسبة الفرق شنو بين (كلية) و (مدرسة)!؟
تشكرات كميات ياخي على المعلومات التنويرية دي
الان فهمتكم .. انا فهمتكم ( او كما قال)
--------
لولا الانفصال دا انا شخصياً ما اظن اكون سمعت بيها .. او اتخيلت اني ح ادرس فيها لحدي نص 1991 نحن ساكين الطب من جامعة اقليمية لمنح خارجية .. لمن حفينا ذاتو!!
10-01-2011, 03:23 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
فى اعتقادى ان ثمة علاقة بين طعم الليمون وعيناها والعساكر وتخرجى بترس
.....
هو زمن لن يعود حتى مواده الطبيعية نفدت من هذا الزمن الالوان النسيج الضوء الظل صوت الريح الجدار حفيف الشجر حتى الغبار العالق على النوافذ كان نظيفا ورحيما ليس لنا غير الذكرى لو كنا مؤمنين .
زيكو
10-01-2011, 10:22 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: هو زمن لن يعود حتى مواده الطبيعية نفدت من هذا الزمن الالوان النسيج الضوء الظل صوت الريح الجدار حفيف الشجر حتى الغبار العالق على النوافذ كان نظيفا ورحيما ليس لنا غير الذكرى لو كنا مؤمنين .
هي حاجة زي كدا يا زيكو!
بتلاحظ اني هنا مركز على دفعتنا و حواليها .. هل دا مجرد انحياز لا واعي .. و لّ بسببٍ ما من خصائصها، و تركيبتها و ظرفها الموضوعي الاوجدنا فيها ما عارف غايتو .. لكن
احسب معاي :
- اول دفعة في القبول بكميات تجارية (367) دوز واحد! و كل الموجودين وكتها ما يجيبو نص العدد .. الدفعة البعدنا الجماعة حبسوا الحقنة شوية .. و قللوا العيار لنص سيسي تقريبا! - صادفنا المقاطعة و ما ترتب عليه من ( ديسمسد، اكستيرنال، ريبيت ) - قفل ملفات العلاقات الثقافية، و ما ترتب عليه من عودة غير طوعية ( العائدون) .. و حكمة الله القاري طب، ما لقو ليو قراية قريبة الا بزنس او اقتصاد .. ؤ دا بالذات البأكد الربط العلمي الموضوعي في علاقة بزنس بالطب طبعاً! .. (سامعاني يا تايسا!؟)
التركيبة الرهيبة دي خلقت ثقل نوعي - في تقديري- اعاد ترتيب الامور في نصاب موضوعي مختل، و مخاتل جداَ اتسبب فيو (عدو) واااحد في كل الحالات.
المهم ...
دا عربون لنضمي كتيييير .. و وقود و منصة مناسبة جدا لحكي قادم
10-01-2011, 09:43 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
قبل 5 يوم كده كنت مع واحده صحبتى شديد فى مكتبها طلبت لى عصير وانا اقول ليها يا بت الايام دى قالو التيفود حايم اها حلفت على جاك الصير يا قيقراوى والله من شوفتى للونه قلت الليلة كان تايفود كان حرقان الليمون ده الا اشربو قلت كدى قطعت ربع الكباية اتلفت عليها قلت ليها والله ليمون بزنس الخالق الناطق صدق زولتك عديل كده الدمعة فرت منها
قالت لى ياخ بالغتى ..وبعدها انا لا مشيت لانى مستعجلة لا هى شافت شغلها وغرقنا فى كوم من الذكريات عجيب مرقت منها والله وانا ببكى فقد تذكرنا صديقنا مجدى الذى كان يعشق زيدان وكل ما نتلم لازم يغنى داوى نارى والتياعى وتمهل فى وداعى وبعدها نمشى نضرب البوش فى كفتيرة علوم ونجى نحبس بالليمون فى بزنس ياخ معقوله ياخ القاها من منو والا من منو ؟؟؟ فى مقولة اخرى منو=قيقراوى بكرى ابوبكر شكيتك للخلقك
10-01-2011, 11:42 AM
هيثم التوم هيثم التوم
تاريخ التسجيل: 04-30-2010
مجموع المشاركات: 1977
هيثم التوم حبابك في رحاب النستولجيا - بنكهة الليمون المميزة - دي :
Quote: غايتو مكتبتكم الساندوتش ديكـــ
كان عندي فيهو مطر ودموع ...
فتشت ليك صور للمكتبة - و انا في المكتب - ما لقيت غير دي :
و دي الـBNT *
------
* ( قاعة النيل الازرق ) - اكبر قاعة محاضرات في بزنس - و الحقوق محفوظة لبزنس مش للقناة!! (حتى BNC محفوظة لسيمنا النيل الازرق التابعة للجامعة طبعاً، لا مؤسسة الدولة للسينما)
حقوق الصورة محفوظة لدكين .. ؤ
Quote: بزنس..
الى مروة التي ماسمحت لنا بسوى اسمها ..
شكراً مروة إذ جعلت هذا البهاء ممكناً
10-01-2011, 11:51 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: احيانا كثيره و تأثرا بالفكره التى تدعو للاستغفار بعد الضحك اقول يمكن يا جماعه نحن ما استغفرنا... كنا من اواخرالدفع التى تخرجت فى المستحليه ..لفظتنا كما النفس الاخير....لم نتوقف للوداع لم نذرف الدموع و نبكى على الايام الخوالى و لم ننتظر تبادل العناوين الدائمه...و على عجل ركضنا بعيدا خوفا من العدوى... ظننا ان الورم الخبيث الذى اصابها فى رحمها لن يلحق بنا...و جرينا جرينا شديد ...قلنا نندس وراء مكاتب الوظيفه ..الا اننا فى غمرة ركضنا لم ننتيه ان السرطان كالخطبوط له الاف الازرع ..و كالمهجوم تلفتنا فى كل الاتجاهات بحثا عن المخابىء.. ناس ربت الدقون وناس ادعت الجنون وناس اتملت بيها السجون... .. و تششتت بينا الدروب و انبهلت... واااااااااااااااااااااخ يا بلد انا من شلة الاخدرانى مجدى سيد قاسم المختلطه..من البنيات ايناس خيرى السمينه الحسها دايما مقروش و قطره العيون ملازماها و بالمناسبه لا تخلو شنطة ايناس خيرى فىاى و قت من ابرة خياطه و لكم ان تسرحوا... وامانى حسن الحلفاويه اللذيذه رئيسه الشله الحنينه ذات الضحكه العاليه و الصديقات بنات الخدور صاحبات النكته الحاضره و الاصوات الرخيمه و دقاقات بنقز درجه اولى (ما بحبن ادللاليك) و من الوليدات الصادق صلاح يا تمرجى شايل السلاح تاح تاح تراح يا تمرجى (معليش اسمو طويل) منفلت اللسان اللذيذ عازف الاورغن....علاء جيولوجيا العفوى خفيف الدم ود امبده و لامبده قصه( مره واحده من حناكيش علوم و اقفه معاهو فى الجنكشن و هو مبهول يضحك فيها شى نكت شى قفشات المهم الحنكوشه ماتت من الضحك و بعدين سألتو انت يا علاء بيتكم وين؟ رد صادقا فى امبده ضحكت شديد و ما بين شهات ضحكها قالت ليهو ياخ انت مالك جنك هزار كده انا بسألك بالجد) عندما قابلته بعدها بساعات و جدته قاعد ممحن و اول ما شافنى قال بت المجمممممممممر الحقينى انا ما مورود....و امير احمد البشير الولد القصير كما كنا نغنى له...الغشانا كلنا و عرس اخت أمانى الجميله. نجيلة المعمار...الميدان الشرقى كانت اوكارنا نلجاء الليها ليلا.. يحتوينا الطرب و زيدان الجميل...غنينا يا ابوالامجاد داوى نارى و التياعى و تمهل فى وداعى.... لكن انا عندى ليك سؤال مالك انت ما اتمهلت وبخلت نفسك ان تهب لنا بضع لحظات سراع...يا الله يا الله.... يا بنات الخدور شيلن ايناس انتى ما بتعرفى صفقى بس الصادق انت بكر ه جيب الاورغن... امير اصبر بعد شويه بنغنى الحقيبه...ويا علااااااء قديتنا بثنائى العاصمه.. اين منا ذلك الزمان الجميل
-------
الحمد لله ..
طلعتي زولتنا تب .. ؤ ما (مهندسة) كلو كلو
كتابة ندية و سمحااااااااااء كدا ياخ!
10-01-2011, 11:55 AM
بخاري عثمان الامين بخاري عثمان الامين
تاريخ التسجيل: 10-25-2007
مجموع المشاركات: 3456
ههههههه حقيييييييييييبة الفن قال ليمون قال يازول قوم لف يازول نحنا ( الفراعة ) ضربنا السمك والكبده مع ناس زراعة لما غنوا لينا الفراعة الفراعة كرهتو الزراعة
10-01-2011, 02:22 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
صدق مرة، علي حمودي جيت ليو ليمون. لمن اكتشف الحقيقة، رجعو ليو!!
بس ما في الكباية
--------
سر الاستاذ دي اسأل منها فارس السر .. كرهنا مبارة اسبانيا و هولندا ذاتو! مش ياها المبارة الكانت يوم عرس اللول!؟ .. و لّ دا كان النهائي؟ المهم مبارة اسبانيا الصعدت بيها للنهائي ديك!
نتم الباقي بالسلك
10-01-2011, 01:36 PM
Sidig Rahama Elnour Sidig Rahama Elnour
تاريخ التسجيل: 09-01-2004
مجموع المشاركات: 3420
Quote: إذ أنا خارج المنزل إذ بالمطر ينزل إذ بي أعود للمنزل إذ بي تحيرتُ .
سوفي ناب @ انت عارف انو اخوك موهوب طبعاً .. لكن تعرف انا اتخليت عن موهبتي الشعيرية عشان الناس المتهجمين ديل!! ياخ زمن بزنس .. كان عننا ابو خليل عندو قصيدة غزل عصماء كدا ( في الحقيقة حار نقاد ذاك الزمن و من تبعهم في تجنيسها ذاتو ) المهم انا ح اطرح مطلعها ليكم هنا و انتو اتصرفوا ..
سرب الظبى الجاني .. مالو كان حياني!؟
بالمناسبة دا اكتر جزء متماسك فيها .. الباقي كلو من جنس : يا نيل يا طويل يا ملولو .. انت ماشي وين بالليل دا؟
اللذيذ انو حاسب روحو في زمرة الشعراء .. مع وجود حسن عثمان الحسن و خالد كمية وكتها ! الجماعة بفيكوهوساااي .. وهو مصدق و خاشي في الدور تمام التمام .. دور ( شاعر ) رسمي ؤ كدا
و الله لو دا المستوى .. الواحد يرجع يشوف امكن يلقى موهبتو الشعرية نمت شوية بما ينافس الهزال دا ... المافي شنو!؟
العزيز قيقا سلام ومحبة الإقتباس أعلاه طبعاً أنت كتبتو في بوست تاني في الربع الفات وكنت ناوي أقابلكـ عشان أقول ليكـ يا اخي انا بعرف أي زول في المقتبس دا إلا أنت هههه تتخيل ؟؟؟ وحتى الجمهور البسمع في الخزعبلات دي أنا بعرفو لكن انت كنت مدسي وين ما عارف ؟؟؟ بالمناسبة الشاعر أسمو أبو الريح مش ابو خليل أنت ذاكرتكـ عاوزة ليها زيادة قيقا ...
تحياتي لناس بيزنس (الشاعر حسن عثمان ) وعاطف إبراهيم بخيت ، وبيبا الجاكـ التي أصبحت فيما بعد زوجةً لعاطف ، وزميلة البورد المختفية نادية السر ، ومنى معاذ درويش ... وغازي ... ومحمد إبراهيم أبن كوستي ، وسليمان من أبناء الفاشر ... وأخرون كثر تضيق الذاكرة المهترئة بإستدعاء أسمائهم في هذا المقام شكرً قيقا ...
10-01-2011, 02:03 PM
بابكر عثمان مكي بابكر عثمان مكي
تاريخ التسجيل: 06-11-2006
مجموع المشاركات: 879
ميزة ليمون بزنز انك تشربه وانت تشعر بحب انيمى حاد فيسرى فى العروق مجاورا للدم جرعة واحدة تعتبر مضاد حيوى شامل الفعالية لكذا سنة اغتراب وهذا من اهم اسباب احتمالنا لهذه الرمال الصفراء
غير ان آثاره الجانبية حنين مجهول المعالم .. حنين غامض لزمن نادر وصحبة وفية وضفيرة مجدولة كتفت عضلة القلب منذ امد بعيد
.... اوعك ياثيورى تجى ناط
زيكو
10-01-2011, 02:35 PM
Sidig Rahama Elnour Sidig Rahama Elnour
تاريخ التسجيل: 09-01-2004
مجموع المشاركات: 3420
طبعاً نحن الفراعة ديل كنا فارزين ناس بزنس وناس إقتصاد وناس قانون وأداب أكتر من ناس جامعة الخرطوم أنفسهم ويرجع ذلكـ لوجود طلاب كسلا في كل كلية وإرتباطنا الوثيق ببعضنا البعض ...
كانت ايام والله .. الغريبة انا قيقا دا شايفو بحجمو الصغير دا قائلو فارق من جيلنا كتير لكن لقيتو قريب شديد خلاص مننا ... هههههههههه
10-01-2011, 03:14 PM
بخاري عثمان الامين بخاري عثمان الامين
تاريخ التسجيل: 10-25-2007
مجموع المشاركات: 3456
Quote: العزيز قيقا سلام ومحبة الإقتباس أعلاه طبعاً أنت كتبتو في بوست تاني في الربع الفات وكنت ناوي أقابلكـ عشان أقول ليكـ يا اخي انا بعرف أي زول في المقتبس دا إلا أنت هههه تتخيل ؟؟؟ وحتى الجمهور البسمع في الخزعبلات دي أنا بعرفو لكن انت كنت مدسي وين ما عارف ؟؟؟ بالمناسبة الشاعر أسمو أبو الريح مش ابو خليل أنت ذاكرتكـ عاوزة ليها زيادة قيقا ...
تحياتي لناس بيزنس (الشاعر حسن عثمان ) وعاطف إبراهيم بخيت ، وبيبا الجاكـ التي أصبحت فيما بعد زوجةً لعاطف ، وزميلة البورد المختفية نادية السر ، ومنى معاذ درويش ... وغازي ... ومحمد إبراهيم أبن كوستي ، وسليمان من أبناء الفاشر ... وأخرون كثر تضيق الذاكرة المهترئة بإستدعاء أسمائهم في هذا المقام شكرً قيقا ...
كنت كادر سري
في الغالب كنت راصد اكتر من مشارك ..
بعدين ياخ اسم الشاعر بتاع سرب الظباء دا انا قلبنتو قاااصد .. تجي تفتو، و تكرمش مشاعر الشاعر بعد 20 سنة!؟
--------
طبعاً بزنس دي ما طلّعت نجوم كورة غيري انا و كابتن جعفر سومي على مر تاريخها الما طويل دا!!
ما تسمع اسماء ح تتقال هنا زي محمد الزين آدم عديلة .. لوووووول
ياهو الزول المتلصق فيني دا ذاتو ..
غايتو ديل فرد يعني ممكن نديهم درجة مقبول :
الطاهر ارتولي .. و عارف قرنوف
الطاهر ارتولي دا من المعز و لي جاي
بمناسبة المعز يا وليد (الرجافة)
منتخب بزنس - بعد الانفصال و فرز عيشتو - رش منتخب هندسة زي الترتيب في دوري الجامعة و الله صحي ..
Quote: منتخب بزنس - بعد الانفصال و فرز عيشتو - رش منتخب هندسة زي الترتيب في دوري الجامعة و الله صحي ..
ســلام يا صاحب بزنس، ذكريات بطعم الشهد و الليمون البلم النحل ( و الظاهرة دى لى هسة ما لاقى ليها تفسير ، لى النحل العندو ملكة كتير جداً جنب الكشك داك؟؟)..
أنا من هندسة نفس الدفعة، و لعامل الداخلية، و قرب بزنس من الميين، و الكم شهر القضيناها برانا فى الجامعة، الواحد بذكر معظم الأشكال، لكن الأسماء ما بذكر إلا (صــداح و ود
الزين)..
المهم زعلتنى حكاية رشينا هندسة دى، الكلام ده ويين ياخ؟؟ و كأنك ناسى الثمانيات، (8) عديل كدة. ( ليمون بس ما أكتر) كانت إحدى الشعارات حينئذ..
التحية لك و للجميع أينما وجدوا، لقد حركت ذاكرة راكدة..
10-01-2011, 05:40 PM
هيثم التوم هيثم التوم
تاريخ التسجيل: 04-30-2010
مجموع المشاركات: 1977
Quote: بابكر يا زيكو سلام ومشتاقين يا ناس إقتصاد ....
طبعاً نحن الفراعة ديل كنا فارزين ناس بزنس وناس إقتصاد وناس قانون وأداب أكتر من ناس جامعة الخرطوم أنفسهم ويرجع ذلكـ لوجود طلاب كسلا في كل كلية وإرتباطنا الوثيق ببعضنا البعض ...
كانت ايام والله .. الغريبة انا قيقا دا شايفو بحجمو الصغير دا قائلو فارق من جيلنا كتير لكن لقيتو قريب شديد خلاص مننا ... هههههههههه
صديق رحمة ازيك ياخ ومشتاقين .. طبعابتذكرك يوماتى فى تمارينى البدت من اول يوم فى رمضان ويبدو انو كلامك طلع صاح والموضوع موضوع جتة وكتلة جسدية مستحيل تغييرها ، ماف اى تحسن فى الوزن اعتقد انو فكرتك بتاعة انو نحنا عضمنا فاخر دى صحيحة ، ياخ انا كل يوم بمشى حوالى 5 كيلو اضرب 5 كيلو فى شهرين يعنى 5×60= 300 كيلو يعنى مشوار من مدنى للقضارف وبعده كيلو واحد مانزل ، والغريبة زمان ننتح فى ليمون بزنز وبعد ده ضعاف ورشيقين ، امس مشيت لبتاع صالة رياضية قال لى يجب انو المشى ده يصاحبو نظام غذائى عشان الشحوم تتحرق والا كدة لو مشيت من هنا لنجران ماف فايدة ماحتبقى رشيق ابدا .
مشيت طوالى بعد كلامو ده ضربت لى مكرونة بالباشميلى كيتا فى مشوار ال 300 كيلو .
اشواق بحر والله .
زيكو
10-02-2011, 07:18 AM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: بتعرف الطيب عبد الله (الفنان) بالمناسبة!؟ و لا سفيان علي بابكر!؟
ما قلت ليك مسغفاتي!!
قيقا
أخوك مسغفاتي كبير و بيعرف ليهو كمية خلق كتيرة، عارف فترة كده انا كنت اساسي في بيزنس، على كانت ايام جميلة وطبعاً أنت متأكد إنو اتلاقينا واكيد شفتك زي دلشيون مرة. لكن واضح إنك الايام ديك كنت (ما مسغف) عشان كده ما اشتغلت بيك كتير
10-02-2011, 08:36 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: أخوك مسغفاتي كبير و بيعرف ليهو كمية خلق كتيرة، عارف فترة كده انا كنت اساسي في بيزنس، على كانت ايام جميلة وطبعاً أنت متأكد إنو اتلاقينا واكيد شفتك زي دلشيون مرة. لكن واضح إنك الايام ديك كنت (ما مسغف) عشان كده ما اشتغلت بيك كتير
دا استوساخ سغافي بااااين بينونة كبرى
-----
يا شباب بزنس هوي جابت ليها تمنيات كمان!؟ تعالوا ردوا على تخرصات (المهندس )ابو ذر عمر دي!!
غايتو في واحد فينا طقاو الزهايمر المبكر
بعدين ليمون بس ما اكتر دا تصحيف و مجاراة لـ :
مسطرة بس و ما اكتر .. قاشرين بيها في السنتر
و ودوا الورشة .. عاوز عمرة
جاييك يا هيثم التوم
بعد الاستعانة بصديق .. المافي شنو!؟
محااااايدون .. نعممممممم
و ردد الساوند الإيكو : ام ام ام
10-02-2011, 09:09 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
ههههههه ذكرتني واحد من ظرفاء الشعبية بحري ( حيدر الجقدلي ) مره وهو راكب الحافلة قال انتو عارفين جامعة الخرطوم دي عملوها في الشارع لي شنو عشان مافي زول يقول انا ماعارفها وماشفتها تذاكر تنكرب تدخل او تمشي الشارع هههههههههه
. . ياخي زمان اي حاجة بخيرها تكون بتعرف طلاب باقي الجامعات طبعا دوري الجامعات عمل على توطيد العلاقات غير الحراك السياسي والمنتديات الثقافية اها نحنا كنا ناس كورة بس القراية دي غايتو الا امتحانات امكن تمشي الامتحان من معسكر الكورة ياخي كنا بنتعصر كدا لما تستغرب لاننا ماحاضرين محاضرات طبعا كنا عاملين احتلال لمكتبة كلية الزراعة وبيطرة والقهوة عند امونه تحت الشجرة اكلنا شرابنا معاهم تكسر تاخد ليك خفسة معاهم شوية رست تتكل في اقرب سرير وترجع تاني تكسر ... بالله شوفو المفارقات دي زمان تمشي الجامعة مفلس تاكل وتشرب الليمون وترجع ومعاك قروش في جيبك المافي شنو كان ياقيقا
Quote: لك أجمل التحايا وللفرع قلعة الصمود والعلم الانحناءة
وهذا لا يمنع من أنك تقوم تاخد لك لفة طويلة وتقول يا ريتني
لو كان ( شديت ) حيلي ودخلت جامعة الخرطوم ...
هه هه هه زمان لو سالونا ومامتذكرين بنقول ليهم لو كنا بتذكر كنا قرينا جامعة الخرطوم الحمد لله بقينا فراعة عشان مانبقى في جنس بكاكم دا وحقيبة الفن الناكت لينا منها قيقا صور زمن البوليس لابس ردا المافي شنو ياقيقا عرفنا في جامعة الخرطوم حاجتين الاستاد الشرقي والغربي وجرادل الليمون ...الطازجة وكان يهتف جمهور الفراعة لجمهور جامعة الخرطوم الساعة سبعة جات يالله ياجداد
. . تخيل ياقيقا بمناسبة حارس الهلال الراكوبه ياخي حتى الكورة في جامعة الخرطوم كانت كُتر وبالمناسبة في يوم عملنا توثيق للاعبي جامعة الخرطوم من زمن منقستو لاعب الموردة ومرورا بحبايبنا واخوانا محمد المتوكل وحاتم معني
10-02-2011, 10:05 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
تحياتي الشديدة ليو ياخ .. و هو برضو خريج بزنس .. بس "الاهلية"!
Quote: يا قيقا الواحد هنا مفروض يرسل تهنئة بالزواج الميمون لأحد أعمدة بيزنس والدفعة الشبلي أبوالقاسم .
اضف الى ذلك انو اهم اعمدة المنتخب الكروي لبزنس .. بعد الانفصال عن منتخب الشقيقة اقتصاد
الف مبروك يا شبلي ياخي بيت مال و عيال و ربنا يهنيكم يا رب
بمناسبة 8 (المهندس) ابو ذر عمر (المزعومة دي، ما تسال لي الشبلي من الكلام دا .. دا مع اعتقادي بانو كلامنا اللتنين - انا و ابوذر - صحيح لاننا تقريباً بنتكلم عن مباراتين مختلفتين .. احدهما بإسم اقتصاد على ما اذكر و هي ابو 8 دي
بينما البقصدا انا في الدورة الملغاة للكليات اعتقد في 1993 او 1994 م!! و دي انا لعبت فيها شوط كاااااامل كـ(باك لفت) لفريقنا، من مباراتنا مع شمبات .. و حمدت الله المتفرد بالشكر على المكاره على الغاء الدورة!! كمان ياخي الفضيحة و السترة مباريات ياخي!!*
-------
* و دي ليها قصة .. قد تأتي و قيل لأ! الحنك مرات بورط سااي .. عملنا انتفاضة "المغمورين" ضد " المشهورين" و كتها بس .. اكتشفنا انو الشهرة متاعب بس ( بكسر الباء) دي كمان دايرا ليها درس عصر اسي!؟ لكن يبدو اننا كنا محتاجين درس عصر .. في الميدان الشرقي!!
10-02-2011, 10:24 AM
mekki mekki
تاريخ التسجيل: 06-15-2003
مجموع المشاركات: 3434
Quote: أنا من هندسة نفس الدفعة، و لعامل الداخلية، و قرب بزنس من الميين، و الكم شهر القضيناها برانا فى الجامعة، الواحد بذكر معظم الأشكال، لكن الأسماء ما بذكر إلا (صــداح و ود الزين)..
كويس انك بتتذكر ود الزين .. الشبلي كيف!؟
ديل الناس الغلبوكم ..
لحدي ما صداح يجيب لينا النجيضة من الشبلي العريس ..
لي وكتها ياخ "ترهاقا" .. و قيل " تهراقا" دي ما دايرة ليها بوست براها ياخ!
صراحة ح يكون نسخة " بنين" فغط!
لا مانع من التشفير فيو
-------
ح افرعا ليكم هنا بحكي عن " جريدة ترهاقا" .. ما بتعرف "الطيب عبد الله" طيب بالمناسبة دي!؟
الطيب عبد الله ياخي!؟ استاذ / الطيب عبد الله .. المناقل!
اول من دق ركن نقاش في ترهاقا ياخي!؟ دا بعد قرار مصادرة النشاط .. و اثناء الفراغ الدستوري و تجميد الاتحاد و اول من بشرنا بـ " لوح التلج دا قررررررب" .. و مرر كلتا يديه على سطح لوح تلج من خيالو
لاحقاً نواحي العام 2003 لمن سألتو من تلجو دا قزاز و لّ كيف لي اسي قاااعد!؟ و اديتو عدد واحد قوس : بقيت تغمبلا و لّ شنو يا الطيب كمان!؟ اعترف انو قرا الكلام دا للسيد الصادق .. هو المسكنا ضنب الكوكو دا!!
10-02-2011, 05:57 PM
ALazhary2 ALazhary2
تاريخ التسجيل: 09-06-2003
مجموع المشاركات: 4966
ياقيقا الزول الواقف في يمين الصورة ولابس ملابس رياضية ياخي أتذكر إنه أسمه عثمان من بيزنس زول مرح جداً وقلبه أبيض من قطن الجزيرة ، بالله أكد لي المعلومة : ياهو عثمان بيزنس ولا لا .
إبنكم الأزهري2
. .
10-02-2011, 07:23 PM
جمال خضر جمال خضر
تاريخ التسجيل: 06-18-2011
مجموع المشاركات: 3959
البرلوم قيقراوى وبقية البرالمة لكم التحية أجمعين خرجنا من الجامعة بعد الهزيمة النكراء للكيزان عسكريا بفضل برالمة الدفاع الشعبى والذين كان لهم القدح المعلى فى ذلك الإنتصار . وقبلها كانت الهزيمة السياسية الكبرى عندما إنسحبت التنظيمات السياسية من المعركة الإنتخابية فى اللحظات الأخيرة من بدء الإقتراع لصالح المحايدين الذين اكتسحوا الانتخابات وترأس الإتحاد حاتم محمد المهدى وترأس المجلس الأربعينى هاشم أحمد محمد لهم التحية. معذرة للمقدمة السياسية ولكنى تصرفت كسنير مع برالمة ويحق للسنير ما لا يحق للبرالمة. أما ليمون بيزنس فقد كان لنا معه غرام عجيب وأقسم أننى منذ مفارقتى الجامعة لم أتذوق ألذ وأطعم وأحلى وأنكه من ليمون بيزنس وكنا من مدمنيه وكان لنا كود معين نستخدمه عندما نود الذهاب لتناوله يا لها من أيام جميلة لم يعكر صفوها سوى الدماء التى أُريقت أمام ناظرينا من ما يسمى بالإنقاذ ومنسوبيها. معذرة لخروجى عن النص
يا قيقا وهيثم الزول بتاع عطبرة ده ياسر شريف ولا انا غلطان الراجل كان فردة ياهيثم ؟؟ هو والماظ الجندي كانوا منتسبين لاقتصاد وهو دفعة ناس خضر / هندسة و فوكس ووليد حارس سكوول وعاصم زين العابدين كانو شلة لمن كانوا برالمة وهم ورانا بسنتين يا هيثم مش سنة ..
تحياتي ليهم جميعا ..
10-03-2011, 07:22 AM
هيثم التوم هيثم التوم
تاريخ التسجيل: 04-30-2010
مجموع المشاركات: 1977
Quote: يا قيقا وهيثم الزول بتاع عطبرة ده ياسر شريف ولا انا غلطان الراجل كان فردة ياهيثم ؟؟ هو والماظ الجندي كانوا منتسبين لاقتصاد وهو دفعة ناس خضر / هندسة و فوكس ووليد حارس سكوول وعاصم زين العابدين كانو شلة لمن كانوا برالمة وهم ورانا بسنتين يا هيثم مش سنة ..
تحياتي ليهم جميعا ..
كلامك كلو صاح ...
انا والله كنت خجلان من نفسي لانى نسيت اسم ياسر شريف دا... دا زووووول فردة صاقعة كيف نسيتو انا يااااخ !! منعول ابو الغربة زاتو ... الكفيل ما خلى لينا حاجة.. ياسر شريف دا كان زول جنو قرقرة وضحكــ كتر خيرك يا عربي لسة ذاكرتك منتعشة يبدو لي كنت بتكتر من ليمون بزنس
على كدا يا عربي قيقراوي دا دفعتنا عديييييل واللا شنو؟ بس كيف انا مل عرفتو ما عارف؟؟ فتشت البوست عشان اعرف اسمو الحقيقي لقيت ناس ساءلين برضو لكين ما في اجابة!!
10-03-2011, 08:38 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: دا ما فريق و لا حاجة!! .. اخير منو اتحاد علي بابكر دا*
و عمنا على بابكر هو المساعد الطبي لمركز صحي حي النصر بكوستي و لا يصح ذكر اسم الفريق الا مقترناً بصاحبه هكذا " اتحاد علي بابكر" .. لا يجوز لانو هو المالك .. رئيس الفريق .. المدرب .. رئيس دائرة الكرة و مديرها .. و السمسار. و للاخير قصة طريفة، لمن تجي معوق، اثناء الكشف براودك عن لعبك لكرة القدم.. اذا وافقت بتكون كدا تم انضمامك لاتحاد علي بابكر رسمياً كلاعب (ليق) المهم .. عمرو ما بارح الليق -كفريق- لكن فرّخ لعيبة درجات ذات مرة من المرارير - و اكيد تكونوا اتوقعتوا انو الممرات كتيرة لفريق بالمستوى دا- عمنا علي بابكر اتاخر في الشغل، و فريقو لاعب ماتش. وصلتو، سأل عن النتيجة، فاجب اقرب لاعب انو مغلوبين 3 يا ريس .. فهتف - بانفراج اسارير واااضحة - ما بطال!.. حافظوا على النتيجة!!
------
اسي يا ولي كان شفنا لينا معان اي تمانية من المتداخلين في البوست دا، و وقفنا سهام المجمر في القون - اوع تقولوا كاني ماني - يعني المعز احسن منها؟ ما اي كورة جاية بين التلاتة خشابت قون!؟ الحارس الله
و غادة مكي عشان ما تزعل، انتي اتولي مهام التدريب .. المافي شنو!؟ يعني خلااااس ميشو هو المقطعا!؟
اسي فريقنا دا - بنكهة الليمون كمان! - ما بلعب احسن من هلال امس دا!؟
البركة في مهند الطاهر .. و شوية كدا كاريكا و سادمبا .. الباقين ديل .. لم ينجح احد غثاء ساااي غايتو!!
10-03-2011, 12:15 PM
Fadl Karrar Fadl Karrar
تاريخ التسجيل: 12-04-2004
مجموع المشاركات: 1904
قيقراوي سلام عليكم هيجتني الذكري وزادت بي شجوني ثم تحية شديدة للدفعة أحمد بن عوف وسلام حار لبرلومنا صداح وراق والزميل بابكر زيكو
وبقية المرور الكرام
من ذكريات زمان ألذ حاجة تطبق كباية الليمون وعلي وين ؟ تحت سلاللم الأنثرو القوات الأمريكية في العراق ما تمرقك
وكان الفطور بتاعة شلة وبدون إتكيت تمشي السوق الشعبي بتاع هندسة مرة كنا 18 واحد وواحدة مشينا السوق الشعبي عملنا فتة زي كم وتلاتين عيشة بس أها نظام الأكل كان بالدور زي البساتم ( جمع بستم ) نص يغطس ونص يرفع
أيام يا زمان
10-03-2011, 04:10 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
أحمد بن عوف كان ( حكمدارنا ) في الدفاع الشعبي شفت ليك حكمدار حنكوش بس يا هو أحمد بن عوف وزي ما قال لينا أحد العساكر القدام في ذات مرة من مراير الإدارة الداخلية إنو الجيش خرب من دخلوه ناس ( لؤي وتامر وهيثم )
10-04-2011, 08:36 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: أحمد بن عوف كان ( حكمدارنا ) في الدفاع الشعبي شفت ليك حكمدار حنكوش بس يا هو أحمد بن عوف
وزي ما قال لينا أحد العساكر القدام في ذات مرة من مراير الإدارة الداخلية إنو الجيش خرب من دخلوه ناس ( لؤي وتامر وهيثم )
و نحنا كان حكمدارنا في السرية الاولى الكتيبة الاولى (اخوات نسيبة)*.. هو زميل البورض "امير مصطفى" (اقتصاد) .. كنا ساكنين في نفس الخيمة .. يا صداح انقر منو كان معانا تاني؟
الزميل شريف ود كوستي همسلف و الزميل احمد آدم عيسى (بزنس) .. حلو عبد العاطي (آداب) .. و ديل كلهم من كوستي و عز الدين ابو ضراع الديامي ( جامعة السودان)
--------
* غالباً التسمية لتضاءل دورنا في احداث معركة "لا للظلم " و ما تبعها من هجرة كدارية، مقارنة بطابور الكتيبة التالتة، الخامس .. فسبحان من اسرى بالمجندين الكهن ليلاً، و كداري (على الـ11خ)، من القطينة للسوق العربي عدييييل!!
قادرين تتخيلوا انو البوعزيزي بتاع الثورة دي سلفي |( و بقدم برنامجي تلفزيوني عدييل اسي)!؟ و جه العجب انو "لا للظلم " قيلت على خلفية "محاكمة الهنقر" الشهيرة .. التي حكمت على طالب بالجلد لسبه الدين!! لكن لو عرف السبب لبطل العجب!!
انا غايتو ما من المهاجرين .. لكن من الانصار العبوا حناجرهم بالهتاف .. كنا بنفتش في ملح لهجرة معاكسة صوب كوستي لا الخرطوم .. لحدي ما جا سعادتو مقدم "النو" حنكنا و حندكنا بعشاء و مبيت و الصباح نحن احرار في المغادرة او البقاء .. هذا او نواجه ضواري المنطقة في انتظار فضل ظهر قد لا يجئ!
يا صداح ياخي المايك معاك .. تم باقي القصة دي .. مروراً باجتماع المكاشفة الشهير البداهو مقدم النو بـ : نحن في الجيش ما بنحل مشاكلنا بالمظاهرات .. و فتح الباب مشرع للنقد و المطالب
انت قلت شنو يا بو الصا!؟
10-03-2011, 08:32 PM
محمد قسم الله محمد محمد قسم الله محمد
تاريخ التسجيل: 06-13-2011
مجموع المشاركات: 2793
Quote: صراحة الجالسين فلتت اسمائهم .. ما عدا الزميل الصاقعة "ديفيد قارنجنق"[/QUOTE أظنك تعني الأخ قرجنق ملوط قرقور.. من أبناء النيل الأبيض .. درس في الدويم الريفيه وكان فيها من الطلاب المثاليين. تحياتي.
10-04-2011, 02:02 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا اخوانا ما تجيبو صور، عشان لا يتشابه عندنا البقر
هسع انا وقيقراوي دا ما خلينا صورة شينه ما جيبناها ولقدام برضو ح نكتب قصص شينة لووووول
مرة يا شباب طالع من محاضرة بالنهار من ال بي ان تي، وسلكت الباب اليمين، وفجأة ما لقيت الا واحدة زميلة من النوع السمح داك، والدنيا حر قلايه بس، ومافي حل الا ليمون، حلوين لحد هنا... حلوين
اخوكم كانت ضارباني ليك فلسه، ولا امتلك غير ماركه وااااااحده بتاعت ليمون، هسع نسوي شنو، المهم، سلام وحق الله بق الله، قلت يا زول اخير تبادر بالفيك (مثل سوداني) قطعا لم يذكر لمثل هذه المواقف المهم، قلت ليها يا زولة .. يلاكي نديها ليمون بارد وانا غايتو عندي ماركة والقلب خلاص دق الواطة وجاء راجع في انتظار الاحراج الدولي، لكن ربك ما كريم، قالت لي وهي بتفتح في شنطتها انا زاتو عندي ماركة اشتريتها والزحمة كانت شديدة وجيت احصل المحاضرة
ياخي الزحمة ما فيها الرحمة
نصيحة .. ما تمشي على ليمون بزنس لو ما كان عندك حق كبايتين او تلاتة على الاقل
يستثنى قيقراوي ... قال كان عنده واسطة
10-04-2011, 09:07 PM
محمد قسم الله محمد محمد قسم الله محمد
تاريخ التسجيل: 06-13-2011
مجموع المشاركات: 2793
Quote: اقصد "ديفيد قارجنق"* .. (اعتذر عن الطباعة الخاطئة، لم انتبه لها الا الان)
و ليت متاكد من بقية الاسم، و التفاصيل الذكرتها .. بالتالي ما عارف لو كان من ذكرته والده ام لا؟
قرجنق ملوط قرقور .. هو من تعنيه غالب الظن .. وهو كما قلتُ من أبناء الدويم .. درس في الدويم الريفيه .. كان في سنه تالته .. وكنا في سنه أولي .. وكان قرجنق مميز جداً أكاديمياً .. وجدته هنالك و قد سبقنا لمدرسة العلوم الإداريه .. هو في تالته .. ونحنا برالمه .. .................................................................................. أسأل عن أخ عزيز في جامعة الخرطوم علوم إداريه .. من أبناء جبال النوبه .. تصادقنا بحق.. ثم افترقنا منذ أيام الطلب وحتي لحظة كتابة هذه السطور .. لم أجد له خبراً .. حتي الفيس بووك عجز عن الأتر والخبر. راسخ تيمو ثاوث كنده .. من يعرف عنه شيئاً رجاء الإفاده .. مع التقدير.
10-04-2011, 09:34 PM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
Quote: منتخب بزنس - بعد الانفصال و فرز عيشتو - رش منتخب هندسة زي الترتيب في دوري الجامعة و الله صحي ..
والله يا قيقا انتو لما كنتو لابسين الاردية ولبس الكديت اى قبل ان تأتو لتنفصلو نحن ناس الهندسة ديل رشيناهم 5 خمسسسسسسسسسسسسسة وسيرناهم الى بلاعتهم ليقبرو فيها
10-04-2011, 09:40 PM
محمد عبدالرحمن محمد عبدالرحمن
تاريخ التسجيل: 03-15-2004
مجموع المشاركات: 9059
مرحب قيقراوى ..وسلام كل البزانسة فى كل بقاع الدنيا .. كنت قد قررت عدم الولوج الى هنا ..فاننى اصبحت لا اقوى على مثل هذه الذكرى ..فهذا العمر الذى مضى لايحتمل وحشة (النستلوجيا) ومرارتها ...والحقوق محفوظة فى المصطلح لمها زكريا التى عبرت منها يوما ما ..
قررت لا ادخل حتى رايت اسم (يفيد قرجن مويل ) و(راسخ تيمو ساوث ) ..ياسلام ياخ ..ياسلااااااام ...ياسلام على المحبة والتسامح والسلام ...ياسلام ..على ديفيد ياسلام ..ولراسخ مليون سلاااام ... فى نهارات رمضان الخرطوم الحارة ..كنا نترجاه (ياديفيد ياخ افطر ..نحن مقدرين شعورك واحساسك .. امشى افطر ياخ ...فى مطعم قريب من مكتب القبول ..) ويقابلنا ديفيد بابتسامته البرئة ..ولايذهب لاى مطعم ..ينتظر حتى انطلاق اذان المغرب ليفطر معنا وهو مسيحى الديانة ... يا الله ...اول درس عملى فى التسامح و التعايش الممكن بين الاديان كان على يد استاذى فى علوم التسامح والمحبة ديفيد قرجن مويل ... الفتى الابنوسى الجميل الذى لم تحتمله الخرطوم بكل انسانيته وشفافيته وآثرت ان تسحب منه جنسيتها وتدفعه لاستبدالها بأخرى ..ولم يعلموا اهل نيفاشا ان ديفيد اكثر انتماء ومحبة للتراب ..من حلفا ولنمولى ..لم يعلموا ذلك .. قرروا ان يحمل ديفيد كل ذكرياته ومحبته لنا ..ان يحملها ويذهب الى مكان آخر ..ويحمل اوراق ثبوتية واخرى ..قرر اهل نيفاشا ان ديفيد قرجن مويل اصبح مواطنا اجنبيا فى الخرطوم و يعامل معاملة الاجانب ...بينما يتمتع الطيب مصطفى ونافع بكامل الحقوق كمواطنيين ..! كيف ستحتمل نهارات الخرطوم وامسياتها غياب ديفيد يوما ما عنها ..وكيف يحتمل راسخ .!؟ ..ومن يستقبلنا عند عودتنا ؟..من يحملنا بسيارته ويطوف بنا هنا وهناك ..من ينشر لنا محبته مشرعة بغير ثمن ...الاسئلة لاهل نيفاشا او من ينوب عنهم وما اكثر من ينوب عنهم ...
طوبى لنا ....
10-04-2011, 10:42 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: قررت لا ادخل حتى رايت اسم (يفيد قرجن مويل ) و(راسخ تيمو ساوث ) ..ياسلام ياخ ..ياسلااااااام ...ياسلام على المحبة والتسامح والسلام ...ياسلام ..على ديفيد ياسلام ..ولراسخ مليون سلاااام ... فى نهارات رمضان الخرطوم الحارة ..كنا نترجاه (ياديفيد ياخ افطر ..نحن مقدرين شعورك واحساسك .. امشى افطر ياخ ...فى مطعم قريب من مكتب القبول ..) ويقابلنا ديفيد بابتسامته البرئة ..ولايذهب لاى مطعم ..ينتظر حتى انطلاق اذان المغرب ليفطر معنا وهو مسيحى الديانة ... يا الله ...اول درس عملى فى التسامح و التعايش الممكن بين الاديان كان على يد استاذى فى علوم التسامح والمحبة ديفيد قرجن مويل ... الفتى الابنوسى الجميل الذى لم تحتمله الخرطوم بكل انسانيته وشفافيته وآثرت ان تسحب منه جنسيتها وتدفعه لاستبدالها بأخرى ..ولم يعلموا اهل نيفاشا ان ديفيد اكثر انتماء ومحبة للتراب ..من حلفا ولنمولى ..لم يعلموا ذلك .. قرروا ان يحمل ديفيد كل ذكرياته ومحبته لنا ..ان يحملها ويذهب الى مكان آخر ..ويحمل اوراق ثبوتية واخرى ..قرر اهل نيفاشا ان ديفيد قرجن مويل اصبح مواطنا اجنبيا فى الخرطوم و يعامل معاملة الاجانب ...بينما يتمتع الطيب مصطفى ونافع بكامل الحقوق كمواطنيين ..! كيف ستحتمل نهارات الخرطوم وامسياتها غياب ديفيد يوما ما عنها ..وكيف يحتمل راسخ .!؟ ..ومن يستقبلنا عند عودتنا ؟..من يحملنا بسيارته ويطوف بنا هنا وهناك ..من ينشر لنا محبته مشرعة بغير ثمن ...الاسئلة لاهل نيفاشا او من ينوب عنهم وما اكثر من ينوب عنهم ...
و اضف عندك .. منوت الدفعة القدامنا و استاذي و سنيري في بانقا و قاسم .. و الشاب الخلوق دفعتنا اينوك دانيال
شكراً لبزنس و البزانسة اينوك دانيال، و محمد الزين آدم عديلة .. و الزميلة حواء عبد الرحمن
10-05-2011, 07:56 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: اسي يا ولي كان شفنا لينا معان اي تمانية من المتداخلين في البوست دا، و وقفنا سهام المجمر في القون - اوع تقولوا كاني ماني - يعني المعز احسن منها؟ ما اي كورة جاية بين التلاتة خشابت قون!؟ الحارس الله
و غادة مكي عشان ما تزعل، انتي اتولي مهام التدريب .. المافي شنو!؟ يعني خلااااس ميشو هو المقطعا!؟
عامل لينا بطولات وهمية سيد البلد وسيد اللبن اها شوف كلام سهام المجمر التحت دا كيف ( خمسة خمسة يامفتري
Quote: والله يا قيقا انتو لما كنتو لابسين الاردية ولبس الكديت اى قبل ان تأتو لتنفصلو نحن ناس الهندسة ديل رشيناهم 5 خمسسسسسسسسسسسسسة وسيرناهم الى بلاعتهم ليقبرو فيها
ياقيقا وسهام اذكر قبل كدا مشينا مع اولاد شمبات ناس هندسة ظعمطوهم ليك وسيرهم متل سيرتكم لناس قيقا وشبكوهم ليك (جزمة باتا ولا الشمباتا )
10-05-2011, 10:18 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
أسوأ أيام في حياتي أيام الدفاع الشعبي ومعسكر القطينة (دمر الله خيمه ) لكن لقيت خيمتكم ما خيمة نُصاح شريف أقتصاد (شخشياً) وأحمد أدم الرجل الهادئ الصامت ،يعني خيمتك دي يا قيقا مثال حي لوحدة وتساكن الأضداد (شريف وأحمد) وش باش
وبالمناسبة الوشوش الضاحكة دي ماشغالة ماعارف أجيبا من وين ؟
10-05-2011, 10:37 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
Quote: اعتقد انو تيم اقتصاد البتتكلم عنو سهام دا فيهو "حاتم معنّي" و لّ لأ يا سهام؟
هلا يا قيقا التيم الادا هندسة خمسة الجابت خبرو البيييير سهام ده فيهو حاتم معني وانور ام دوم ومحمد السيد وابرة واسماعيل حسن واخريين من السكرتيرات الرعاديد وهي خمسة يتيمة فلتت من التاريخ وقلبت التربيزة بتاعة النظام الكروي في الجامعة الذي كنا ورغم سمستر صلاة النبي فووقنا الجكس فينا مكسر صلاة النبي فووقنا..وكانت هندسة هي من تدوزن عصب احداثيات الميدان الشرقي الاشتر وتمتع الجماهير عبر محمد المتوكل وبهاء الدين والباك الاسطوري ايمن وكوكة ومرتضي
واه يا زمن وحبابك يا قيقا با برلوم القانوني الضليع عثمان النعيم الجعلي واه مرة اخري من ليمون بزنس الذي يمكن ان اقول براااحة بعد عقدين من الزمن ونيف وبعد كم برميل كده من ليمونات مشروبة في مدارات كثيرة في هذا الكون اتت عقب اخر كباية ليمون في ضاحية بزنس نواحي المين رود .. اقول بكل ثقة بان ليمون بزنس اجمل والذ ليمون في العالم.. وتحياتي لناس بزنس وللصادق محمد عثمان الذي كان قادينا بزنس بزنس بزنس والذي بفضل اريحيته وكرمه ارتوينا من ليمون بزنس حتي الثمالة وسكرنا بروعته واعجب كيف كان بنا سكر
10-05-2011, 11:28 AM
ابوعبيدة حسن محمد ابوعبيدة حسن محمد
تاريخ التسجيل: 03-02-2004
مجموع المشاركات: 483
Quote: وهي خمسة يتيمة فلتت من التاريخ وقلبت التربيزة بتاعة النظام الكروي في الجامعة الذي كنا ورغم سمستر صلاة النبي فووقنا الجكس فينا مكسر صلاة النبي فووقنا..وكانت هندسة هي من تدوزن عصب احداثيات الميدان الشرقي الاشتر وتمتع الجماهير عبر محمد المتوكل وبهاء الدين والباك الاسطوري ايمن وكوكة ومرتضي
مسطرة بس و ما اكتر .. و قاشرين بيها في السنتر
الكان بتمع الجماهير اكتر من تيمكم هو اللاعب رقم (12) .. اوركسترا التشجيييييع .. ابو من غير Cheerleader حيث لا جكس هناك لوووووووب رغم كدا برضو ضاااربة .. بفضل ابداعات الخير المساح و هتــافات كاس العالم 1994 م و الامواج المكسيكية .. و بقية العدة
يا سلام ياخي!!
لكن قطعاً الخمسة دي ما بيضة ديك .. من ديك و لي زمنا .. حصلت تاني .. منتظرين الخبر من ابو الاشبال العريس .. لي وكتها اسمعا مني .. الخبر الاكيد: قالوا الهندسة اترشت .. بس ما في واديها (اقرأ الميدان الغربي) .. بل في وادينا ( الميدان الشرقي) و لا اخبار مؤكدة عن (عشاء) للمهندسين ليلتها في رواية قيقا راوي
-----------
* ياخ كفتريتكم اسمها "السوق الشعبي" .. وين لي بزنس، بيت القزاز، الداون تاون، بيت النملي .. اللخ اللخ
ابوعبيدة يا مراحب يا صديق .. نورت ياخي
10-05-2011, 02:15 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
يااااااااااااسلام امانة التعليم مع الكورة ماسمح تاني المافي شنو بعد داك مره لاعبين معاهم ياقيقا شبكونا ليك بليد بلاده وجابو ( حمادة) المقصود بحمادة ايام الديمقراطية محمد الميرغني ( ايام القوائم لو تذكرها حزب الامه دخل ناسو الجامعة والديمقراطي دخل جماعتو الجامعة ) ومانت حادثة مشهور طلعنا فيها مظاهرات وتاني شبكونا ليك (لاعلم لاكوره والله مامعقوله ) ياخي محمد السيد للان بخرخر لينا هنا في السعودية
10-06-2011, 08:25 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: أسوأ أيام في حياتي أيام الدفاع الشعبي ومعسكر القطينة (دمر الله خيمه ) لكن لقيت خيمتكم ما خيمة نُصاح شريف أقتصاد (شخشياً) وأحمد أدم الرجل الهادئ الصامت ،يعني خيمتك دي يا قيقا مثال حي لوحدة وتساكن الأضداد (شريف وأحمد) وش باش
ماشي بعيد ليه؟ انا و شريف الشحمة و النار، ما بنتلم كلو كلو .. غايتو الا في خيمة دفاع شعبي!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
أحمد ابن عوف
غادة مكى محمد
Abdullah Idrees
طارق جبريل
طه جعفر
ندى صالح الطيب
الصادق الزين
ALazhary2
الصادق اسماعيل
بابكر عثمان مكي
Siham Elmugammar
هيثم التوم
بخاري عثمان الامين
وليد عبد اللطيف
Sidig Rahama Elnour
رشا احمد
Abuzar Omer
mekki
جمال خضر
Nader Abu Kadouk
Fadl Karrar
محمد قسم الله محمد
محمد عبدالرحمن
عبدالكريم الامين احمد
ابوعبيدة حسن محمد
فيس بوك
تويتر
انستقرام
يوتيوب
بنتيريست