|
|
 ملطشة البورد لعام 2011
|
على غرار الأفضل والأسوأ فاعتقد أن ملطشة البورد لعام 2011 هو أنا دا (طلحة عبدالله) والعياذ بالله من (الأنا) ومن أن اكون ملطشة..
أما الدلائل على أنني ملطشة هذا العام بجدارة وإستحقاق فهي كثيرة جدا لكن أنصعها وأقواها على الإطلاق هي وصفي من قبل المدعو أساسي أو أيا
كان إسمه بأنني الأسوأ، علما بأن هذا الدعي ظل وما زال منذ بداية هذا العام الأسود عليه تختة تنشين يتعلم فيها المستجدين والسناير فن الرش والشرشحة
وما إلى ذلك، وقديما قيل: الغلبو هناي يحاول أن يؤدب كلاي .
يتبع ..
|
|
 
|
|
|
|
|
|
|
|
Re: ملطشة البورد لعام 2011 (Re: طلحة عبدالله)
|
لا عليك يا طلحة فلا شيئ شخصي في هذا الامر كل ما هنالك اني استشعرت مسؤليتي امام الكلمة المكتوبة ووجدتك من الاسوأ هذا لا يقدح في انك حاولت واجتهدت ولكنك فشلت فشلا زريعا مؤسسا فبساطة امكانياتك وضحالة ادواتك هي من المواهب التي يمنحها الله لعباده فان حرمت من موهبة الكتابة فهو امر مقدر لك لن تستطيعه بالصراخ والعويل اعلاه سيظل قلمك عاجزا خانعا محدود الامكانية ما دمت اتبعت هذا السبيل واعتبار الامر شخصي يوجب تصفيه الحسابات من اجله وستظل قابعا في قائمة الاسو الي حين اشعار اخر , مالم تستطيع فكاكا منه بتطوير ادواتك وزيادة اطلاعك ومحاولة انفاق المزيد من الوقت في القراءة والتصفح بغية التعلم والتجويد وانا هنا صادقا اتمني انصلاح قلمك وحال كتاباتك
مثلا الاخ ابو الحسين من اعز الاصدقاء الي نفسي الذين خرجت بهم من هذه الاسافير له في قلبي معزة خاصة وهو من القلائل الذين افخر بمعرفتهم معرفة شخصية وانسانية , كان في السابق من اقرب الاقلام الي قلبي ولكن هذا لا يمنع مطلقا انه هذا العام انفق كثير من جهده ووقته فيمن اعتقد انهم لن يزيدوه الا خسارا وجانب قلمه الصواب في الكثير من المداخلات التي تحسب انها شخصية لذا لم اجامله ابدا في تصنيفي ووضعته في القائمه وانا علي يقين انه قادر علي اقتلاع قلمه من هذه الحفرة التي قبع فيها فترة طويلة فالرجل اذا حادثته وجدت ان له رؤية ثاقبة ونظر ذو دراية لمآلات الامور الا ان انغماسه في المستنقع الذي جر اليه جرا يحسب عليه ايضا لذا اضفته الي قائمة كتابي المشار اليها
| |
|
|
|
|
|
|
|
|
Re: ملطشة البورد لعام 2011 (Re: اساسي)
|
يا اساسي شخصي شنو ياخ الجائي طاير تتفلسف فيهو ؟ عامل فيها الود حريف يعني؟؟؟
ياخ تفتكر أنا فاضي ليك عشان يكون عندي معاك حاجة شخصية واللا جماعية ؟؟
حقو تشوف ليك دبوس واللا شوكة هجليج تطعن بيها ذاتك المنفوخة دي عشان تنفس وتنزل شوية
من وهم القمة الطالع فيهو بالدس دا لأنو حتما ولا بدح يجىء يوم تدق الدلجة تكسر حنكك
واللا حاجة فيك ..
السؤال المهم:
تفتكر يا أساسي تصنيفك لي سلبا أو إيجابا ممكن يقدمني أو يأخرني قيد أنملة ؟؟؟؟؟؟؟
لو بتفتكر تبقي أوهم من موهوم وتحتاج علاج بالليزر على وجه السرعة حتى لا تتضخم
وهمتك فتصبح مثل جبل الموج بتاع البحر، ودا بقودك لمزالق خطيرة نهايتا حتما بتغطس حجرك زيادة.
ولو كمان ما بتفتكر فتبقي ورجغتك دي من أجل الورجغة المرضية أو اللهث وراء الشهرة(أيهما أنسب)..
غايتو يا أساسي لو ما عملت رجيم لنفختك دي يوم ح تطرشق هنا دا في المكان دا لتصبح عبارة
عن وهمات صغيرة متفرقة هنا وهناك نسأل الله أن لا تتجمع مرة أخري في زقاق من أزقة المنابر
والأسافير البقيت فيها غصبا عن أنف أية حاجة مصنفاتي وكمان عندك رأي في (الكبار) ..
غايتو من تالاني بعتبر حركتك دي طنين بعوض في أضان فيل .
| |
|
|
|
|
|
|
|
|
|
Re: ملطشة البورد لعام 2011 (Re: طلحة عبدالله)
|
ثم يا أساسي ياخ إتا لا بتفهم ولا بتقرأ واللا مالك الحاصل عليك شنو ؟؟؟؟؟؟
قلت هنا في مناسبات مختلفة أنو أنا زول مشجع بتاع كورة أنط كل ذات مزاج لأقول كلامي ولا أبالي ..
لم أتطلع لأكون في نظرك أو غيرك أفضل أو أسوأ ولا تهمني الكماليات والترف الكتابي دا لا شوية ولا كتير
ولا أسعي له وبالتالي فلن تكون مفاجأة بالنسبة لي أقف عندها إذا جاء زول كشة مشى زيك كدا قال لى إتا أسوأ
أو أفضل .
بطل اللقافة ياخ .
| |
|
|
|
|
|
|
|
|
|
Re: ملطشة البورد لعام 2011 (Re: طلحة عبدالله)
|
ان كنت حقيقة باحث عن الشهرة وتضخيم الذات لما كتبت فيك وامثالك , ليس لي ما يجعلني اتقاطع معك في خلاف في هذا البوست , كل ما اردته عنك كتبته بتصنيفك في قائمة الاسوأ التي اجد انك تستحقها بل وجدير بها لذا استودعك من لا تضيع ودائعه وانا علي يقين بان الامر بخلاف ما تقول " طنين باعوضة" فمن ذا الذي يفتح لطنين باعوضة بوستا يولول فيه ويجعر باعلي حلقومه كامل تضامني مع محنتك الحالية بحاجة انت لبعض الاخوان يدوك الضل فاللفح كان اكبر من قدرتك علي الاحتمال وان علمت هذا مسبقا لما عرضتك لهذا الهجير وانا اري انهيارك الكامل لاحقا لادواتك المنهارة مسبقا
الي لقاء في مساحات ارحب يا بسيط
| |
|
|
|
|
|
|
|
|
|
Re: ملطشة البورد لعام 2011 (Re: اساسي)
|
ياخ هو فتح البوست دا عايز ليهو كمان مقدمات ولا مؤهلات ؟؟؟
إذا كان إتا دا الما أية حاجة دا تفتح في البوستات وتورجغ فيها ورجغة ما لا يخشي كملان بزاقو فالمانع شنو
يعني نحن نفتح البوستات ؟؟؟؟؟
وبعدين بصراحة عز علي أضيف ليك متابعين في الخرابة بتاعتك الفتحتها عشان تشتهر على حسابنا دي
كما أنو خفت أن يضيع ردي ليك في زحمة ورجغتك عشان كدا شفت أحسن حاجة أجيبك في الصعيقة
دي هنا للغاشي والماشي عشان الماعايز يشتري لا نمنعو الفرجة ..
قلت لي مع السلامة ؟؟؟؟؟؟؟
ههههههههه
هو ياخ أصلا إتا كتا نايم عندي في البيت يعني ..؟ ما ياهو عترت لي في طريقي زيك وزي أية حجر ..
يا اللخو استعمل شوكة الهجليج في طعنك لذاتك فالظاهر أنو مازالت منفوخة .
| |
|
|
|
|
|
|
|
|
|
Re: ملطشة البورد لعام 2011 (Re: طلحة عبدالله)
|
Quote:
غايتو يا أساسي لو ما عملت رجيم لنفختك دي يوم ح تطرشق هنا
دا في المكان دا لتصبح عبارة عن وهمات صغيرة متفرقة هنا وهناك |
قرأت الوارد أعلاه فتبدى لي أساسي شعاراً لقناة النيل للكوميديا بدلاً عن شعارها؛
و الذي لا عمل له سوى الانقسام طوال اليوم لوهمات صغيرة متفرقة هنا و هناك 
| |
|
|
|
|
|
|
|
|
|
Re: ملطشة البورد لعام 2011 (Re: بشير أحمد)
|
يا بشير أحمد خليها ستين صفر لصالح أساسي دي ما مشكلة لكن يهمني أن أؤكد ليك أنو
مافي شخصنة بالنسبة لي في البوست دا ..
زول فتح بوست بعنوان أسوأ كتاب البورد
وانا جيت فتحت بوست بعنوان ملطشة البورد
إذا كان البوست الأولاني شخصي فسؤالك أولي به
وإذا كان لا ما شخصي فلشنو يعني دا شخصي ؟
ع العموم لو اتا أو أساسي فهمتوها كدا فلا حول ولا قوة إلا بالله
كل زول بالطبع مخير في فهمو للحاجات .
| |
|
|
|
|
|
|
|
|
 Re: ملطشة البورد لعام 2011 (Re: saadeldin abdelrahman)
|
من افضل كتاب البورد في 2011 استاذي طلحة.
بالذات في بوستات ريال مدريد،
أما انجاز خروج الهلال على يد الترجي فهو ليس من انجازاته الشخصية.
_______________
شفتو كيف؟ الموضوع في النهاية كورة
طلحة ما عندك موضوع ببوستيك دا
اتوقعت بذكائك وروحك الحلوة تتطلع من البوست دا بحيثياتو دي زااااتها أجمل فتة كوراع من المدعو اساسي وناكل معاك فيها كلنا كمان.
لكن ما عارف بحنبكتك دي مالك دايرني تخليني غير معجب كما كان!
أقول قولي هذا وانا ما عندي اي علاقة بطلحة. لذلك رشني زي ما داير ومطلشني كما يجب
| |
|
|
|
|
|
|
|
|
|
Re: ملطشة البورد لعام 2011 (Re: اساسي)
|
اوسكااااااااااااااار
اتمنى من الاخ بكرى فتح منبر جديد باسم هذا البوست دون الحاجة لنقله للربع القادم ..
اخي اساسي رغم اني من الاسوأ حسب تصنيف سعادتكم بس عندي طلب صغير ...
ممكن تختني في قايمة غير المختوت فيها غواصة الهلال ده ؟!!!
ـــــــــــــ
مشتاقون ياطلحة
| |
|
|
|
|
|
|
|
|
|
Re: ملطشة البورد لعام 2011 (Re: فايزودالقاضي)
|
الاخ طلحة محلل وكاتب رياضي مقتدر ولعله الافضل في هذا البورد وكتاباته وتحليلاته تؤهله لان يكون كاتب عمود في الصحافة الرياضية الحالية واي شخص بامكانه البحث باسمه في ارشيف البورد ليقارن كتاباته بكتابات كتابا الاعمد الرياضية ليصل الى هذه الحقيقة .
الا خ اساسي حكم حكمه انطلاقا من عناوين بعض البوستات لكنه قطعا لم يكن متابعا كل كتابات الاخ طلحة منذ بداية العام ولا اكون بهته اذا قلت انه لم يصدر حكمه الا بمتابعة اخر شهر او اثنين لهذا انصحه بالبحث عن كل كتابات الاخ طلحة منذ بداية العام .
لقد كان الاخ طلحة محللا يجد المتابعة من كثير من القراء
| |
|
|
|
|
|
|
|
|
|
Re: ملطشة البورد لعام 2011 (Re: اساسي)
|
اساسي
| Quote: لا عليك يا طلحة فلا شيئ شخصي في هذا الامر كل ما هنالك اني استشعرت مسؤليتي امام الكلمة المكتوبة ووجدتك من الاسوأ |
السؤال :
من الذي نصبك مسؤلا لتقدح وتذم وتهجو وتؤمن ووووو ....................الخ
ومتى كانت المنابر الاسفيرية في حوجة لجنس كلامك دا ؟؟؟
اعمل ليك منبر واختار ليه افضل الاقلام ولو جاك طلحة او اي من الذين ذكرتهم طوالي استشعر مسؤليتك تجاهم ....
| |
|
|
|
|
|
|
|
|
|
Re: ملطشة البورد لعام 2011 (Re: طلحة عبدالله)
|
محمد يوسف الزين شكرا للمجاملة ياخ
تلطيش أساسي وهمة دا ما عايز ليهو هندسة وحسابات جدوي ..
زي ورجغتو دي بكتبها وأنا نايم .
فايز ود القاضي إتا ذاتك عايز تشتهر زي صاحبك أساسي وتأكد أنو وقت تبزك جائي 
الحبيب عمر فضل المولي أنا شاكر ومقدر جدا والله ثقتك فيني لكن أساسي ملطشة دا رأيو
سمح كعب بالنسبة لي فسوة ديك ما عليك منو.
الحبيب علاء حيمورة ياخ مسألة أنو يجىء يصنفك زول زي أساسي دا فدي حاجة لا تقدم ولا تؤخر
صحيح أنو البوست دا فتحتو رد عليهو لكن ما عشان قال أسوأ واللا أحسن بس عشان أتبز ليهو
نفختو الفاكيها في البورد دا .
علاء الدين يوسف والله العظيم أساسي دا من فترة طويلة أنا كاشف نومتو بتاع وهمة أنو
زول بعرف يكتب ومقددا وحاوي زيو وزي آخرين غيرو لكن أنا بطبعي ما عندي شغلة في
حركات أنو أجيء أعمل فيها أستاذ على غيري إلا إذا هو اتشالق وبدأ.
فيصل نوبي سلامات يا زول
أحمد محمد عمر أتفرج على محن البورد وتصاريف الزمان ..
.........................
أساسي أها عملتا لينا شنو في تبزة ذاتك ؟؟؟؟ عندنا مشغوليات ياخ..
| |
|
|
|
|
|
|
|
|
|
Re: ملطشة البورد لعام 2011 (Re: أبو ساندرا)
|
Quote:
المنبر ده محتاج درس عصر
في العربي
افورقي وجه الطلاب الإرتريين لإجادة اللغة العربية خلال عامين
حقو نودي نص البورد ده اسمرا
كما ان الحفتي بعد ده اقناعهن ساهل |
الغلط شنو ياشيوعي في (زريعة آبرى) دي ؟!!!
هي صحيحة واعتقد كاتبها اراد ان يسخر من اساسي الذى اراد ان يكتب (فشلاً ذريعاً) فكتب ( فشلا زريعا) بحرف الزاي ..
يعني انت واساسي تشوفوا ليكم درس عصر وصبح وضهر ..
| |
|
|
|
|
|
|
|
|
|
Re: ملطشة البورد لعام 2011 (Re: محمد عبد الماجد الصايم)
|
مع انى اشجع المباريات البتكون فيها حرفنه وملعوبه
ومع انى كنت هلالابى الا لكن دى (قسس اجيبا)
الان بشجع فريق طلحه ضد فريق الفيونكات (اسالاسى)*
*هذا الفريق( اسالاسى ) والذى تكون بعد انشاء هذا البوست
حسين ملاسي " الرجل الفيونكة الذي اصبح كاتبي المفضل "
ومنذ تاريخ انشاء الفريق ولا يذكر اسم الاول الا وتجد الثانى قريباً منه متأهباً لتلقى اى ركلة عرضيه
فاعيدت الى المنبر امجاد عهود نادره كالتى كان يهتف فيها المشجعين (حمد والديبه حاجه عجيبه)
------------------------------------
شوووووت يا طلحه شوت وبيّضا ليهو ...........القون ده فتّة طحنيه ما تملطشو
=========================
وكما قال المرحوم الليبى
اضحكوا فرفشوا قرقرو فنجطو بس ما تتملطشو فى بعض
وكل عام وارشفة وانتم بخير
| |
|
|
|
|
|
|
|
|
|
Re: ملطشة البورد لعام 2011 (Re: محمد عبد الماجد الصايم)
|
فايز ولدنا:
Quote: الغلط شنو ياشيوعي في (زريعة آبرى) دي ؟!!!
هي صحيحة واعتقد كاتبها اراد ان يسخر من اساسي الذى اراد ان يكتب (فشلاً ذريعاً) فكتب ( فشلا زريعا) بحرف الزاي ..
يعني انت واساسي تشوفوا ليكم درس عصر وصبح وضهر .. |
لا ياخ ،، انا مع كاتبها
والجلدة لأساسي
بس ، صحيح المقتطف غلط ، كان مفروض اقتطف جلطة اساسي
عمرك شفت ليك شيوعي بيغلط في الكتابة
أو في الراي ؟
اها ، رأيك شنو في درس العصر
وفي أسمرا ؟
| |
|
|
|
|
|
|
|
|
|
Re: ملطشة البورد لعام 2011 (Re: قلقو)
|
الاخ قلقو السلام عليك
والله كل ما أقدر أقولو أنو ردي على أساسي الملطشة ما شخصي ولا أستطيع أن
أسيطر على فهم الناس وقرياتم للبوست ..
من حق أساسي الملطشة دا أنو يقول رأيو فيني (أسوأ) ومن حقي أن
أقول رأيي فيهو (ملطشة وفاكيها في روحو زمبة ) وطالما أنو ردي
لم يخرج عن الدائرة دي ويتجاوزها لحتات تانية فيبقي المفروض يفهم
مقرونا بفهم رأي الملطشة أساسي..
يعني إذا كان الناس شايفا أنو (أسوأ) دي فيها شخصنة فيبقي من حقهم
يشوفوا (ملطشة وفاكيها في نفسو) فيها شخصنة والعكس .
| |
|
|
|
|
|
|
|
|
|
Re: ملطشة البورد لعام 2011 (Re: طلحة عبدالله)
|
| Quote: لكن ياطلحة الشخص الذى يقرأ ردك على أساسى يفهم غير كدة . |
ياقلقو صدقت اولا وفعلا مافي زول بفهم غير كده...بعدين اخونا طلحة زول جميل وحبوب والله بس مشكلته بزعل سريع ويكسر رقبته ويناطح ويقاتل كمن يطلب الشهادة عشان يغطي على زعله لكن مابقدر وحتى تبريره ليك هسه هو ذاتو مامقتنع بيهو وانا ودالبشرى واساسي عارفين انه تبرير بيض ..هههههههههه (الضحكة دي نفاق عشان مايزعل ) ...
انا ياقلقو اذا حبيت زول بهظر معاه لذلك ناكفت اخونا طلحة في بوست كوره مابتذكر عنوانه واخوانا من زعله الباين في مفردات رده رشاني ليك رش اساسي ليهو ، تصدق عملت رايح من البوست عشان احافظ على المحبة ليهو ..وخليت البوست نزل ...
لكن كلامي ده كله لايعني اني ماشايفه غواصة للهلال !!
| |
|
|
|
|
|
|
|
|
|
Re: ملطشة البورد لعام 2011 (Re: اساسي)
|
والله ياجماعة أسمعوا كلامي ده
الناس الداخلين ناصحين، واللابسين كرفتات
أحسن ليكم اتخارجوا سريع من هنا
طرفي البوست ده متونسين بيكم ونسة ألف..
-----
والمعلمين الكبار ، بيضحكوا (بالدس)
على مين أيها الفارات...
| |
|
|
|
|
|
|
|
|
|
Re: ملطشة البورد لعام 2011 (Re: Salah Abdulla)
|
| Quote: اشهدكم باني رفعت اسم فايز القاضي من قائمة الكتاب الاسوأ في المنبر وترفيعه الي قائمة الكتاب المواسير والتي تكاد تشمل عضوية كبيرة جدا من الاخوة كتاب المنبر الاعزاء لا سبيل لحصرهم |
شكراً اخي اساسي على هذا الكرم ...بس المواسير المعاى مقاسات واحدة ولا مختلفة ؟!!
| |
|
|
|
|
|
|
|
|
|
Re: ملطشة البورد لعام 2011 (Re: اساسي)
|
والله ياجماعة أسمعوا كلامي ده
الناس الداخلين ناصحين، واللابسين كرفتات
أحسن ليكم اتخارجوا سريع من هنا
طرفي البوست ده متونسين بيكم ونسة ألف..
-----
والمعلمين الكبار ، بيضحكوا (بالدس)
على مين أيها الفارات...
| |
|
|
|
|
|
|
|
|
|
Re: ملطشة البورد لعام 2011 (Re: Salah Abdulla)
|
ود القاضي
والله كلامي ليك دا جادي جدا ونصيحة أخوية من زول خبرة لي زول برلوم في المنابر فشنو ركز فيهو كويس..
إتا فهمك في النقاش الجاد والهزار واحد لا فرق عشان كدا صعب الزول يتعامل معاك بيهم الاتنين
إلا كان زول مجبور عليك ساي واللا أخلاقو سلبة.. والمشكلة الكبيرة يا ود القاضي يا حبوب إنك
مصر على فهمك دا وقاعد تتداخل في البوستات على أساسو ..
المهم يا زول من الآخر كدا أنا ما مانعك تقول فيني أي كلام وتعتبرو هظار وح اعتبرو ليك أنا
برضو هظار وأجاريك على أساسو بس على شرط تعتبر ردي عليهو أيا كان هظار، عشان نعلب على المكشوف
بدون ما تتحسس مني أو أتحسس منك ..
برالمة متعبين شديد والله العظيم .
..........................
أساسي ملطشة البورد
أها عملت لي شنو في تبزتك لذاتك المنفوخة؟ ورانا شغل ياخ .
| |
|
|
|
|
|
|
| |
طلحة عبدالله
محمد البشرى الخضر
ABUHUSSEIN
Hussein Mallasi
محمد عبد الماجد الصايم
بشير أحمد
saadeldin abdelrahman
محمد يوسف الزين
فايزودالقاضي
عمر عبد الله فضل المولى
علاء الدين حيموره
علاء الدين يوسف علي محمد
فيصل نوبي
أبو ساندرا
محمد زكريا
قلقو
نور الدين عثمان
فيس بوك
تويتر
انستقرام
يوتيوب
بنتيريست