قصة حقيقية وطريفة حدثت أثناء أحداث غزو امدرمان

مرحبا Guest
اخر زيارك لك: 03-29-2024, 04:27 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة زهير الزناتي(زهير الزناتي&zuhair zenaty)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-03-2009, 03:49 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
قصة حقيقية وطريفة حدثت أثناء أحداث غزو امدرمان

    هذه القصة حقيقية بكامل أحداثها الطريفة مع تغيير الأسماء والأحياء ....

    الحاجة نفيسة تعيش في أمدرمان مع زوجها وحيدين بعد زواج البنات الخمس ، في ظروف معيشية بائسة لحد ما ، تفتق ذهن الحاجة نفيسة عن صندوق نسائي لكل نساء العائلة الممتدة والأصدقاء المقربين ، واستطاعت أن تجمع لهذا الغرض ثلاثين إمراءة ، جرت العادة أن يتم تسليم الصرفة في أحتفال عائلي نسائي كبير ، حيث يجتمع شمل أعضاء الصندوق عند الحاجة نفيسة ومنها عبر حافلة مستأجرة لمنزل صاحبة الحظ السعيد لتناول وجبة الغداء والأحتفال بتسليمها الصرفة أو الختة ،،،، تقوم الحاجة نفيسة بجمع مساهمات النساء في أجرة الحافلة وكذلك في وجبة الغداء بواقع جنيه واحد من كل عضو لوجبة الغداء وأجرة الحافلة حسب المشوار ، في ذلك اليوم أجتمعن عند الحاجة نفيسة باكراً بعد الإفطار مباشرة ، وتحرك الركب الميون صوب الكلاكلة قبل ظهيرة اليوم للإحتفال ، كان كل شئ يسير علي ما يرام ، لم يكن هنالك ما يشير لأن حرباً حقيقة قد تجتاح المدينة في الساعات القادمة ، بناتها وبعض صديقاتها تركن أطفالهن حوالي 15 طفل عند الحاج أمين زوج الحاجة نفيسة ، أطفال في مراحل عمرية مختلفة ، وسلوكيات مختلفة ، بعد أن حط الركب الميمون في منزل الأحتفال بدأت التلفونات في الرنين ، وجاء الخبر كالصاقعة ، وأغلقت الكباري بين المدن الثلاثة ، وأحتار المحتفلون في سبل العودة .....

    نواصل المفارقات التي حدثت في المنزلين .........................
                  

02-03-2009, 04:05 PM

haroon diyab
<aharoon diyab
تاريخ التسجيل: 06-20-2007
مجموع المشاركات: 23215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    زهير
    سلام
    واصل يااخي شوقتنا....!!!
                  

02-03-2009, 04:56 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: haroon diyab)
                  

02-03-2009, 04:58 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: haroon diyab)
                  

02-03-2009, 04:32 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    سلام يا هارون
    جاييك بالتفاصيل


    المشهد في منزل الحاج أمين :

    بدأت أصوات الرصاص والمدافع تصم آذان المدينة ، والحاج أمين يستمع إليها بإذن خبيرة فقد كان عسكري في زمن مضي ،
    لم يجد سوي جارته سميرة يستعرض لها معارفه العسكرية :
    - تعرفي يا سميرة دا صوت كلاشنكوف
    ثم يسرد لها أجزاء الكلاش ، وكيفية عمله ومداه وكيف استخدمه هو حينما كان محارباً لا يشق له غبار ..
    - وعارفه دي دوشكا ...
    ويحكي عن الدوشكا وأثرها المباشر وغير المباشر وكيف تغير بفضلها مسار عدد من المعارك خاصة في حرب المدن ومطاردة فلول المهربين .
    - ودا صوت الهاون الما بيغباني ، يا سلام علي الهاون وقوته ...
    وكان يصمت ويدخل لغرفته مباشرة حينما يسمع صوت عربه في الشارع أو أن إطلاق النار قريب ، ويترك سميره وحدها في الحوش تحرس
    الأطفال الذين أجبرهم علي الجلوس متراصين في صالون المنزل وحذرهم من أي جلبة أو أصوات عالية ... ثم يعود مرة أخري بعد زوال الخطر
    لإستعراض معارفه والأستاذة سميرة تستمع له بنصف إنتباهة والنصف الثاني مع أفراد اسرتها الذين تشتت شملهم داخل المدينة او ساحة المعركة ،
    فكل لزم منزل أحد الأقرباء ، ورغم علمها بأنهم في مكان آمن وبعيد عن الشوارع التي تدور فيها المعارك إلا أن قلب الأم لا يتركها تستمع لحاج أمين بكامل إنتباهها ..
    وحينما تغادره لمنزلها عبر النفاج ، يمسك بتلفونه في للحديث مع نفيسة :
    - هوي يا نفيسة إنتو حا تجو كيف ، الأولاد ديل أعمل معاهم شنو ... انا براي ما بقدر عليهم ...
    - هوي يا راجل نجي كيف في الضرب دا ، بعدين ديل ما اولاد بناتك زي ما هم أولاد بناتي .
    وجري هذا الحديث الدائري مرات عديدة دون فائدة حتي موعد صلاة المغرب ، وخليت الشوارع من المارة وأغلقت المحلات ، وأصبحت أمدرمان
    كمدينة الأشباح وهنا صلي حاج أمين المغرب علي أعجل ما تيسر له ،، وبعد الصلاة مباشرة تفاجأ بأن رصيده قد إنتهي ، وكلما يتصل علي
    حاجة نفيسة ، تجيبه بت الكمبيوتر كما يسميها بأنه غير مسموح له بإجراء المكالمة ويلزمه شحن الهاتف برصيد جديد ،،
    ويتمتم بينه وبين نفسه ...
    - عليك الله بت الحرام دي يجيبوا ليها رصيد من وين ما عارفه الدكاكين كلها قافلة ، الله يقفل ...... أستغفر الله العظيم ...
    وبدأت غلبة العيال بعد صمت دام ساعات ، فهذا يريد اللبن ، وذاك الحمام ، وآخر لا ينام (إلا يتعشي فول) ، وعدد منهم بدأ في البكاء بحثاً عن أمهاتهم

    (عدل بواسطة زهير الزناتي on 02-03-2009, 04:39 PM)
    (عدل بواسطة زهير الزناتي on 02-03-2009, 08:12 PM)

                  

02-03-2009, 04:57 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    متابعة يا زهير للقصة المدهشة
    وكامل تضامني مع الحاج امين الواقع تحت وابل اصوات الرصاص بجهة ونقة وفرفرة الشفع بجهة
    ومعا ضد جارتو الرامية لخبير استراتيجي زي عمك امين ده (نص اضانها بس) ههههه
    مع محاولة مني اخفاء حتت انو عمك امين بكب الزوقة لمن الضرب بسخن وح اعمل فيها ما شايفها
    لانو انا من حسع في القصة دي منحاز للعم امين ضد الحاجة نفيسة
                  

02-03-2009, 05:00 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: عبدالكريم الامين احمد)

    هلا يا كيكي كما تحب أن ترحب بضيوفك
    اما المشهد في منزل الأحتفال فقد كان أكثر طرافة أو غرابة ، فأسرة بسيطة تنتظر الصرفة بفارغ الصبر
    وتاتي الصرفة الموعودة ومعها ثلاثين ضيفاً في (فد مرة)،،، يمكن أن يأكلوا الصرفة والصرفة التي تليها ....
                  

02-03-2009, 05:03 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    انا يا عبد الكريم متعاطف مع عمك أمين في حكاية التمباك الخلص دا
    لأنها أحر من الحرب ومن غلبة الشفع ،،،
    دا جهاد مع النفس ما بيقدر علهيو إلا فارس حقيقي
                  

02-03-2009, 05:06 PM

الصادق ضرار
<aالصادق ضرار
تاريخ التسجيل: 11-05-2007
مجموع المشاركات: 2345

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    انت حاري حاجه اليومين ديل و لا شنو يا اخوي ؟!!

    اصلو الجو مسخن و قالوا الباشوات كلهم بهناك
                  

02-03-2009, 05:10 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: الصادق ضرار)

    يا الصادق ما فهمتك قاصد شنو بحاري دي
    لكن للضمان الحاري ولا المتعشي ...

    وما عرفت الباشوات ديل منو ،،،،
    لكن برضو للضمان لو عرفت دربهم بمشي اسلم عليهم ...
                  

02-03-2009, 05:16 PM

حمور زيادة
<aحمور زيادة
تاريخ التسجيل: 03-28-2007
مجموع المشاركات: 12116

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    متابعة و استحضار ذكريات ..
    تعاطفي مع جميع المزرورين
                  

02-03-2009, 05:34 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: حمور زيادة)

    حمور يا مبدع

    القصة دي مجرد ما سمعتها من الرواي تمنيت أن تجد كاتب مسرحي عشان يطلع منها مسرحية مدهشة
    بموضوع جديد وغير مطروق وبه عدد كبير من المفارقات ولهذا السبب اوردتها هنا .,.....


    الله يكفينا شر الزره ...
                  

02-03-2009, 06:54 PM

هشام حسن
<aهشام حسن
تاريخ التسجيل: 11-27-2008
مجموع المشاركات: 557

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    Quote: انا يا عبد الكريم متعاطف مع عمك أمين في حكاية التمباك الخلص دا
    لأنها أحر من الحرب ومن غلبة الشفع ،،،
    دا جهاد مع النفس ما بيقدر علهيو إلا فارس حقيقي


    دي أصعب حاجه.. زرة كلب في طاحونة..
    أنا متعاطف مع ناس الصرفة والله.. عمك أمين زنقتو بتتحله..

    زهير الزناتي ازيك يا عزيز.. متابعين
                  

02-03-2009, 07:40 PM

مرتضى الكجم
<aمرتضى الكجم
تاريخ التسجيل: 02-12-2008
مجموع المشاركات: 409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: هشام حسن)

    يازهير

    متابعين بشغف حتى النهايات البعيدة

    Quote: دي أصعب حاجه.. زرة كلب في طاحونة..


    زرة الكلب قطعة الكهرباء تفكها

    لكن عمك زنقتين

    كامل تعاطفى مع حاج امين
                  

02-03-2009, 07:44 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    توقفت المعارك في شوارع أمدرمان ، إلا من إطلاق نار متباعد ، وبدأت معركة حاج أمين مع جيش الأطفال في المنزل ،
    ووصلت حالة حاج أمين النفسية لحضيضها بفعل صخب العيال ومطالبهم التي لا تتوقف ولا سبيل له من بقالة أو كنتين
    كما أن كيس التمباك المدنكل قد رجع أبيض ثانيةً بعد أن قام حاج أمين بفركه براحتي يديه ، ثم ضربه علي كفه الخارجي مرارا
    ليضمن أن كل ذرة من التمباك قد (حتلت) اسفل الكيس وهكذا فقد حاج أمين آخر سفه في الكيس ،،، فتداعت عليه المصائب من كل
    ناحية ،،، أستعان حاج أمين بقوات صديقة لمواجهة جيش الاطفال ، وكانت الأستاذة سميرة حاضرة كعادتها لتقديم أي مساعدة
    ممكنة ، وتم وضع خطة سريعة ، أولاً حل مشاكل الأطفال الأصغر سناً والذين لم يتوقفوا عن البكاء ... ثم بعد ذلك الأطفال الأكبر سناً ،
    وجدت سميرة لبن بدرة في ركن البيت ومعه عدس وكثير من الأرغفة الناشفة ، أتت بها وتم البحث في مطبخ حاجة نفيسة عن نفس المواد
    السابقة وتم جمعها ، ووضعت علي البوتجاز حلتين من الحلل الكبار ، وبهما كثير من الماء ، واحدة للبن والثانية للعدس ،،
    وفي أقل من نصف ساعة تعشي أولاً الاطفال الصغار عيش بلبن قليل السكر ، ثم الكبار بفتة عدس مدنكلة ، يشكل الماء حوالي 85%
    من مكوناتها ، وتفرغت هيئة أركان الطوارئ لترتيب أمر مبيت الأطفال ، فأتفقت علي أن الأطفال الصغار يذهبوا (بي غادي) لسميرة
    والكبار هنا مع حاج أمين وكل إثنين في سرير ، وتسلل الأطفال لمخادعهم وذهبت سميرة بمجموعتها لمنزلها ، وبقي حاج أمين
    وحيداً علي سريره يجتر ذكريات حروبه الوهمية في ماضي الزمان ، وحربه الحقيقية اليوم ، وكل ما تاتيه نوبة خرمة يلعن
    ابو الصناديق واليوم اللمانا في الصناديق ، ونسي أن الصندوق قد حل كثير من مشاكله ومشاكل بناته ....

    (عدل بواسطة زهير الزناتي on 02-03-2009, 08:15 PM)

                  

02-03-2009, 07:47 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    أعتذر عن التداخل الذي حدث في الجزءين الثاني والثالث

    وعلي موضة اليومين ديل (الله يجازي الهكر)
                  

02-03-2009, 08:12 PM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    متابعين بشدة
    ناس الختة البقى عليهم شنو
    مع ضيوف الغدا والعشا وامكن مبيت كمان

    وووووب عليهم
                  

02-03-2009, 08:23 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    تعرف يا هشام المشكلة الكبيرة مشكلة عمك أمين
    أولاً هو بقدرة قادر لقي روحو في منطقة عمليات بدون مقدمات
    المدينة في ذلك المساء كانت مدينة أشباح ،،، لا حركة فيها
    يعني الخرمة دي حا يعمل معاها شنو ،، لو قوي قلبو شوية ووقف
    في الشارع ما حا يجيهو زول ، اما ناس الصندوق ديلك كانوا في الطراوة
    لكن فعلاً المشكلة الكبيرة كانت مشكلة أهل الدار

    تسلم يا حبيب علي المرور
                  

02-03-2009, 09:04 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    العزيز مرتضي ....

    عمك اليوم داك إتهكر عديل كده زي ما عامل معانا الجوكر الايام دي
    عشان كده يستحق التضامن زي ما نحن بستحقوا الآن .....


    الله في
                  

02-03-2009, 09:05 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    زهير حمد الله علي السلامة
    الحلاك يحل عم امين ياخي
                  

02-03-2009, 09:07 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: عبدالكريم الامين احمد)

    شبكة مساك الله بالخير
    وابعد عنك كل هكر وهاكر ومهكور

    حضري عمود مكرب عشان توديهو لناس الصرفة ....
                  

02-03-2009, 09:13 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    يا هندسة
    يحلو الحلا بله من القيد والمذلة ,,,,,

    تعرف بله دا زول مسكين ، وعقله إتهكر ، بزي كم فايروس كدا ، وفوت السكة ، أهله بدل ما يودوا لدكتور يفهم في السوفت وير بتاع البني آدمين ودوا لواحد فكي مكرب ، عمك الفكي أول حاجة ربط
    ليك بله ربيطة بت كلب ، ووقع ليك فيهو دق ، مع شروق الشمس ومنتصف النهار وفي المغرب ، أكل بالسيسي
    ومويه بالقطاره لغاية ما بله أتكل علي الله ومات ،،، وكان في واحد مربط مع بله ويعاني نفس المعانة ، وتمني الموت الحالة الهو فيها ، فقال قولته المأثورة يحلنا الحلا بله من القيد والمذلة وصارت مثلاً
    معليش جاتني رغبة احكي القصة دي زي ما حكتها لي زينب الأنصارية الله يطراها بالخير ويديها الصحة والعافية ، أصلي مشتاق ليها شديد .. فقلت أتونس بقصتها ابل بيها الشوق شوية ...
                  

02-03-2009, 09:34 PM

معاوية كرفس
<aمعاوية كرفس
تاريخ التسجيل: 03-19-2004
مجموع المشاركات: 1340

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    .

    زهير يا زناتي سلامات

    سعيد أنا بملاقاتك لأول مرة و صدفة

    أمام المركز العام للحزب

    و سعيد لنباهتنا إذ عرفنا بعض من أول لحظة .

    لكن أحداث 10/05/2008 أكيد صنعت معها أحداث مصاحبة كثيرة

    مفرحة مضحكة عادية تعيسة أليمة

    أقرأك الآن أنا هنا و بإستمتاع

    و شماتة في حاج الأمين الداقس الما بيعمل أستوك للصعود

    و منتظر أشوف نهايتو شنو ؟

    .
                  

02-03-2009, 09:54 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: معاوية كرفس)

    كرفس يا معاوية
    إزيك يا ابو الزمل
    اهلنا قالوا القلوب شواهد ، والمدهش في اللقاء العابر ، الألفة القائمة والود المتصل بلا حدود
    ودا سر العلاقة الرفاقية ، تسلم ويسلم حاج أمين
                  

02-03-2009, 10:11 PM

الرفاعي عبدالعاطي حجر
<aالرفاعي عبدالعاطي حجر
تاريخ التسجيل: 04-27-2005
مجموع المشاركات: 14684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    يازهير الزناتي بالله عليكـ في داعي لى كدا

    ما تكمل القصة في يوم 10ـمايو خلينا نشوف

    الحاجة نفيسة مع عم امين والخرمة القاتلة.


    تحياتي لكـ وللزول الشريف محجوب.


    .......................................حجر
                  

02-04-2009, 06:02 AM

haroon diyab
<aharoon diyab
تاريخ التسجيل: 06-20-2007
مجموع المشاركات: 23215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: الرفاعي عبدالعاطي حجر)

    اها يازهير الشفع ناموا
    وعمك امين في خرمته مع الكيس الفاضي
    ناس حجة نفيسة والخته حصل ليهم شنو....؟
    اصلوا الختات دي فيها جنس شبكـ مايحلها الا الله .
    واصل ياعمكـ .
                  

02-04-2009, 06:13 AM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    Quote: وابعد عنك كل هكر وهاكر ومهكور




    امين يارب

    Quote:

    حضري عمود مكرب عشان توديهو لناس الصرفة ....


    ناس الصرفة ديل كان طولوا القعدة العمود ما بكفيهم
    عشان كدا انت احكي سريع عشان يرجعوا بيتهم سريع
                  

02-04-2009, 06:53 AM

محمد الشيخ أرباب
<aمحمد الشيخ أرباب
تاريخ التسجيل: 06-17-2008
مجموع المشاركات: 1366

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: SHIBKA)

    يلا يا زهير منتظرين.. كامل تضامنا مع عمك امين

    في مأساته التمباكيه
                  

02-04-2009, 07:07 AM

abdalla BABIKER

تاريخ التسجيل: 09-14-2003
مجموع المشاركات: 2260

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: محمد الشيخ أرباب)

    واصل متابعين


    ومنتظرين
                  

02-04-2009, 07:46 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: abdalla BABIKER)

    الرفاعي يا صديق
    تحياتي للعيال خاصة صديقتي ربي وأمهم
    وتحياتك وصلت للشريف
                  

02-04-2009, 07:48 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: abdalla BABIKER)

    حاضر يا شبكة الشبكة
    بس أضيف الناس الفي البوست دا
    ناس الصرفة ضيفوا تلاتين نفر
    انا ما أضيف خمسة ولا ستة ناس (كلام بلغة اهل كسلا)
                  

02-04-2009, 07:49 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: abdalla BABIKER)

    يا ارباب
    سلام
    تضامن ملح ساكت ما بينفع مع حاج أمين
    لو لقي مع التضامن دا إنشاء الله سفة ما بطاله
                  

02-04-2009, 07:50 AM

Zomrawi Alweli
<aZomrawi Alweli
تاريخ التسجيل: 08-04-2007
مجموع المشاركات: 3368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: abdalla BABIKER)

    يا زهير يا زناتي ... انتو اخو مرسي الزناتي؟؟؟

    والله الموضوع شيق وجميل

    انت عمك امين دا اليوم داك طبعا بكون فكر في ان الحرب تبقى زي حرب غزة تشطب ناس البص المشو الكلاكلة بمدفع هاون لانو اكيد سميرة من اسمها يدل على انها اصغر من ام البنات ويمكن كان بعاين ليها بقعر عينو ويقول في نفسه انشاء الله البص ما يرجع وينتهي الركاب في كبري الفتيحاب - القلعة ويغنم هو بسميرة الجميلة كسباياحرب غزوة امدرمان.. ولكن جيش الاطفال يقيف عائقا له من اتمام الزواج المتوقع.
                  

02-04-2009, 07:51 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: abdalla BABIKER)

    عبد الله صباحاتك بٌيض
    وإنشاء الله لن يطول إنتظارك
                  

02-04-2009, 07:45 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: محمد الشيخ أرباب)

    يا هارون ...
    خت في بطنك بطيخة صيفي
    نحن ناس النهايات السعيدة زي الأفلام المصرية
    وكل مشكله وليها حل .....

    وحا تجيكم التافصيل ....
                  

02-04-2009, 07:56 AM

عبدالله كع
<aعبدالله كع
تاريخ التسجيل: 02-12-2008
مجموع المشاركات: 4841

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: SHIBKA)

    يازهير ..
    ما في زول في المنبر ده ( كف.. جف ) يكمل قصتو طوالي و يخلينا نشوف البعدو
    وبعدين القصص والحكاوي كميه... شوف ديل كم يا زهير
    ( قصة الضابط الكتلو لسه شغاله . والجوكر . وايام الدفار ونفيسه بخسه )
    دي كلها قصص وحكاوي ومتابعناها وكتابها بشحتفو روحنا ساكت .. ويجيك الهكر ( شكيتو علي الله)
    في نص المعمعه ومجاراة الاحداث يشربك ليك كل الامور وماتعرف انت مع ناس نفيسه بخسه
    والا عبدالله دفار والا عمك الامين ..

    يديك العافيه يا زهير واااصل طوالي ياخي
                  

02-04-2009, 08:01 AM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: عبدالله كع)

    ا
    Quote: يازهير ..
    ما في زول في المنبر ده ( كف.. جف ) يكمل قصتو طوالي و يخلينا نشوف البعدو
    وبعدين القصص والحكاوي كميه... شوف ديل كم يا زهير
    ( قصة الضابط الكتلو لسه شغاله . والجوكر . وايام الدفار ونفيسه بخسه )
    دي كلها قصص وحكاوي ومتابعناها وكتابها بشحتفو روحنا ساكت .. ويجيك الهكر ( شكيتو علي الله)
    في نص المعمعه ومجاراة الاحداث يشربك ليك كل الامور وماتعرف انت مع ناس نفيسه بخسه
    والا عبدالله دفار والا عمك الامين ..




    والعجيبة ياعبد الله
    حقت صبي البنا
    ديك دخلت في السنةالتالتة عديـــــل


    وما بعرف سيدها لو عايز يتمها يلقاها في ياتو ارشفة ما معروف
                  

02-04-2009, 08:19 AM

Hala Hassan

تاريخ التسجيل: 06-25-2008
مجموع المشاركات: 3023

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: SHIBKA)

    زهير،

    مبدئيا كدة،
    متضامنين مع جميع الأطراف،،،


    تعرف الظروف الزى دى،
    بتحصل فيها مقالب كتيرة،،،



    متابعين،،،

    ياللا طمننا سريع اليوم تم كيف؟؟؟
                  

02-04-2009, 07:55 AM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
قصة حقيقية وطريفة حدثت أثناء أحداث غزو امدرمان (Re: زهير الزناتي)

    انت عارف يا زناتي ... عمك امين ده قصتو بتذكرني قصة الحمل والذئب والقش والمركب الما بتشيل غير اتنين منهم والبحر المفروض يقطعوهو .

    راجينك بشغف غير عادي .
                  

02-04-2009, 08:06 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: طارق ميرغني)

    Quote:
    يا زهير يا زناتي ... انتو اخو مرسي الزناتي؟؟؟



    يا زمراوي الراجل ود عمي لزم ....

    تحليك خاطئ ، وعمك أمين نسي المواضيع دي ،،، وعلاقته بحاجة نفيسة علاقة سمن علي عسل

    وما عنده مطامع تانية خالص ، خليك نايم قفا ....
                  

02-04-2009, 08:14 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    زهير يا اخوي عشان ما يجي واحد ناطي لينا
    القصة دي من الليلة حقتي
    السيناريو لي فيلم تلفزيوني
    اها واصل
    عارف اجمل حاجة شنو ؟؟
    انو القصة دي تكون
    شغالة والحرب تكون خلفية بس
    يعني اصلو ما تجي صورة ليهانسمع الضرب
    والقنابل تقرب وتبعد
    الا اذا في حتة مباشرة
    الناس ديل بدخلوا عليهم
    واصل متابعين
                  

02-04-2009, 12:27 PM

Zomrawi Alweli
<aZomrawi Alweli
تاريخ التسجيل: 08-04-2007
مجموع المشاركات: 3368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: محمد سنى دفع الله)

    Quote: زهير يا اخوي عشان ما يجي واحد ناطي لينا
    القصة دي من الليلة حقتي
    السيناريو لي فيلم تلفزيوني
    اها واصل
    عارف اجمل حاجة شنو ؟؟
    انو القصة دي تكون
    شغالة والحرب تكون خلفية بس
    يعني اصلو ما تجي صورة ليهانسمع الضرب
    والقنابل تقرب وتبعد
    الا اذا في حتة مباشرة
    الناس ديل بدخلوا عليهم
    واصل متابعين


    يا ود السني سلاماااااات كتيرات

    يعني انت الما عايز تنط من فوق وتشيل الفيلم الجاهز دا
    ما كفاك العرقي الشربتو في فيلم عرس الزين زمان داك
    والله مشتاقين للونسة يا استاذ
    هل تذكر جسلتنا في الرياض ليلة الاحتفال بالفنان عثمان حسين؟؟
    اشوف قريب هون يا استاذ يا راقي
                  

02-04-2009, 08:08 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: طارق ميرغني)

    يا عبد الله
    والله ضحكت حتي وقعت السفه الما لاقيها عمك أمين دي
    تعرف مشكلة الكتابة علي المنبر دا إنها بتتم علي الهواء
    مباشرة ، عشان كده مرات يكون ما عندك مزاج كتابة ، وبعدين
    الرد والتحية للضيوف بتاخد وقت من الزول ، لكن أوعدك بأنها
    حا تتم في أقرب فرصة ،،، وما حا يكون في إنتظار كتير
                  

02-04-2009, 08:09 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: طارق ميرغني)

    يا شبكة ....
    عليك الله ما تعملي لينا شبكة مع الزول طارق جبريل دا
    أولاً الراجل صاحبي ودفعتي ، وبعدين لسانه طويل مره واحدة
    عشان كدا اهلنا بيقولوا ابعد من الشر وغنيلو ....
                  

02-04-2009, 08:36 AM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    Quote: يا شبكة ....
    عليك الله ما تعملي لينا شبكة مع الزول طارق جبريل دا
    أولاً الراجل صاحبي ودفعتي ، وبعدين لسانه طويل مره واحدة
    عشان كدا اهلنا بيقولوا ابعد من الشر وغنيلو ....



    هو لسانو اليخليهو عندو
    خليهو يجيب اخر الصبي دا
    وبعدين حكاية اللسان دي بنعمل ليها تسوية
                  

02-04-2009, 08:11 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: طارق ميرغني)

    يا طارق أكيد عمك أمين حا يكون الحمل في كل الأحوال
                  

02-04-2009, 08:27 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    يا هالة دا المفروض يحصل التضامن مع الجميع

    حتي ناس ............. ولا أقول ليك ما في داعي للمشاكل

    لأنو ظروف الحرب حقيقة تحتاج لتضامن غض النظر عن أي شئ آخر
                  

02-04-2009, 08:32 AM

Hala Hassan

تاريخ التسجيل: 06-25-2008
مجموع المشاركات: 3023

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    Quote: ما في زول في المنبر ده ( كف.. جف ) يكمل قصتو طوالي و يخلينا نشوف البعدو
    وبعدين القصص والحكاوي كميه... شوف ديل كم يا زهير
    ( قصة الضابط الكتلو لسه شغاله . والجوكر . وايام الدفار ونفيسه بخسه )
    دي كلها قصص وحكاوي ومتابعناها وكتابها بشحتفو روحنا ساكت .. ويجيك الهكر ( شكيتو علي الله)
    في نص المعمعه ومجاراة الاحداث يشربك ليك كل الامور وماتعرف انت مع ناس نفيسه بخسه
    والا عبدالله دفار والا عمك الامين ..



    و متضامنين مع عبدالله كع ذاااتو،،،،،





    يا زناتى،
    فطيتنى مالك؟؟؟

    (نظام شبك برضو...)،،
                  

02-04-2009, 08:33 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    استاذنا السني

    تعرف لمن قلت إنه القصة دي جبتها هنا عشان يلتقطها مسرحي كنت خاليك
    في بالي ، لكن والله خجلته ساكت اقوليك ،،، لكن أنا في رأي إنه القصة دي
    تنفع مسرحية ، وإنت سيد العارفين ، لأنه ما فيها تعدد أماكن ، القصة كلها
    دارت في بيت عم أمين وبيت الصرفة ، وفي المكانيين دار حوار ومفارقات ممكن
    تعمل مسرحية ، زي الحوار الدار بين عم أمين وسميره عن الأسلحة ممكن يطور لنقاش
    عن الحرب ، وعن غزو أمدرمان بالتحديد ، وتكون في وجهتي نظر ، عم أمين مع وجهة النظر
    الرسمية ، ونخلي سميرة متعاطفة مع خليل وناس الهامش ، وكمان الأطفال الكبار ممكن يشتركوا
    في الحوار بالإضافة لشقاوتهم مع أمين الراجل السبعيني اللقي نفسه فجأة مسئول من روضة أطفال
    ويكون مشهد من بيت عم أمين ومشهد من بيت الصرفة وكيف أتصرفوا ناس البيت ، لتلاتين ضيف هبطوا فجأة
    منهم ، ممكن تستعرض الظروف المعيشية للبلد من خلال مجموعة التلاتين وايضاً المفارقات والحوارات ودا
    ممكن نكملوا في باقي القصة

    وليك أكيد مودتي ، والقصة أصلا هي لك .. وأفعل بها ما شئت والحقوق في الأصل ترجع للرواية سميره
                  

02-04-2009, 08:40 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    يا هالة وحياة سيدي الحسن ما فطيتك
    لكن عارفه اليومين ديل المداخلات بقت تتعولق كيفن
    وأمبارح وقت هجمة الهكر زي المساء اتخيل لي الهكر
    دا زي الشيطان ،،، ما عارف ليه ، لأنك بتحارب في
    كائن خفي ،،،
    وبرضو لو لاحظتي الجزء الثاني جاء بعد التالت إلا
    عدلت بعد ما إنتبهت في وقت متأخر ،
    وبرضو أمسحيها لينا في وشنا
    وتسلمي يا ستي علي التضامن مع عبد الله كع ، وأكيد
    مداخلته الجميلة دي محتاجة تاني لي رد ، وعايزه
    ليها تفكيك علي الطريقة الكيكية ...
                  

02-04-2009, 08:44 AM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    الصرفة كم؟
                  

02-04-2009, 08:54 AM

Hala Hassan

تاريخ التسجيل: 06-25-2008
مجموع المشاركات: 3023

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: زهير الزناتي)

    Quote: يا هالة وحياة سيدي الحسن ما فطيتك

    :D :D :D
    خلاص يا سيدى سامحناك،،،
    (الواحد ما يعرف يعمل ليهو شبك اليومين ديل؟؟؟ يا شبكة!!!)،




    Quote: لكن عارفه اليومين ديل المداخلات بقت تتعولق كيفن
    وأمبارح وقت هجمة الهكر زي المساء اتخيل لي الهكر
    دا زي الشيطان ،،، ما عارف ليه ، لأنك بتحارب في
    كائن خفي ،،،
    وبرضو لو لاحظتي الجزء الثاني جاء بعد التالت إلا
    عدلت بعد ما إنتبهت في وقت متأخر ،
    وبرضو أمسحيها لينا في وشنا


    العفو ياخى،

    بنهزر بس،

    و الجاتنا فى بوردنا تجى للهكر فى.....أستغفر الله العظيم
    (على قول عمنا أمين...)

    Quote: وتسلمي يا ستي علي التضامن مع عبد الله كع ، وأكيد
    مداخلته الجميلة دي محتاجة تاني لي رد ، وعايزه
    ليها تفكيك علي الطريقة الكيكية ...

    غايتو كيكى بكون جاهز،،،

    ولا أقول ليك، نفتح للموضوع بوست منفصل،
    لمناقشة أمر الكتابة و محاولة التشويق فى النفوس المنبرية!!
                  

02-04-2009, 09:11 AM

معتصم محمد صالح
<aمعتصم محمد صالح
تاريخ التسجيل: 07-14-2007
مجموع المشاركات: 7293

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: Hala Hassan)

    صديقي ابو الزهور ..

    ابداع والله .. يلا واصل ..



    السني ..

    Quote: الناس ديل بدخلوا عليهم


    اضافة ذكية ومهمة ..

    وانا بقترح مسلسل ممكن يصل لـ 30 حلقة .. ويبدأ بالحلة وناس الحلة ونسوان الحلة .. وشفع الحلة .. ثم الصندوق وبرنامجو .. وينتقل لدارفور ويعود الى الخرطوم .. وتتوالى الاحداث ..
                  

02-04-2009, 09:17 AM

الملك
<aالملك
تاريخ التسجيل: 01-02-2005
مجموع المشاركات: 5756

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
خلى العيش حرام,,! (Re: زهير الزناتي)

    خلوهو يتم ,,!!


    "يخلخل أقول ليكم شنو"

    "تم القصة يا زهير",,,
                  

02-04-2009, 09:52 AM

فيصل عباس
<aفيصل عباس
تاريخ التسجيل: 03-08-2004
مجموع المشاركات: 1345

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ساديه لمن غلط يا زناتي (Re: زهير الزناتي)

    زهير
    القصه ما قاعده ليها في
    كتاب من الكتب الراقده في السوق
    عشان نرتاح من ساديتك دي






    عالم تجرجر الناس في الشلهته وبس
    تحت تحت القصة خطيره خالص وبتشد الزول اكتر مما يجب

    عموما شكرا لساديتك التي برزت هنا....
                  

02-04-2009, 10:11 AM

اسامة الكاشف
<aاسامة الكاشف
تاريخ التسجيل: 06-13-2008
مجموع المشاركات: 911

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساديه لمن غلط يا زناتي (Re: فيصل عباس)

    زناتي
    شحتفت روح البورد كلو
    سناريو محبوك
    يعني بصراحة دي موهبة جديدة
    النص ده سلمو لاستاذنا السني دفع الله
    وعبرك له التحايا فهو ابن مدينتي
    والمشرف علينا ايام الدورات المدرسية مع بشير زمبة
    وصدقني ده موضوع فيلم رائع
    (أنا متعاطف مع سميرة الما لاقيها ليها وجيع
    كيتا في ناس كيكي)
                  

02-04-2009, 10:07 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
شنو حكاية ادخل العنوان دى الواحد الا يدافر الناس القدامو ..!! (Re: زهير الزناتي)

    ..
    .

    الناس البتقاطع الونسة دى دايما
    بتطلعك بره القصة ..
    يا زناتى اسمع كلام الكع و الملكـ كمل ..
    عشان نشوف مشاغلنا ..

    والله جننا وجن بيع القطاعى دا ..
    سعر الجملة ما احسن !!

    __________

    حسي ناس الصرفة جابوا عشا للضيوف من وين برضو
    باقى رغيف ورشوه موية حارة ؟؟؟

    ___سؤال خارج الإطار ___

    شنو حكاية ادخل العنوان دى الواحد الا يدافر الناس القدامو ..!!
    والله يا بكرى الهكر دا .. دقل بيك غايتو
                  

02-04-2009, 10:25 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شنو حكاية ادخل العنوان دى الواحد الا يدافر الناس القدامو ..!! (Re: Tabaldina)

    Quote: يا شبكة ....
    عليك الله ما تعملي لينا شبكة مع الزول طارق جبريل دا
    أولاً الراجل صاحبي ودفعتي ، وبعدين لسانه طويل مره واحدة
    عشان كدا اهلنا بيقولوا ابعد من الشر وغنيلو ....



    كنا بنتفرج من برة قلنا لامن تتم ندخل
    وكتين القصة جابت ليها طول لسان قلنا ندخل نحسمها
    وكمان قصتك معلقة في راس المنبر
    بالله نحن نحكي ونعيد ونكورك بكري دة ما حنة علينا يوم

    وشبكة دي خليها علي انا عندي حاجة بكتب فيها لي يومين كدة:
    (((حفرة دخان سكينة بت ود جيب الله)))
    حا اخليها ليك تتجهجه تب
    ههههههههههه
                  

02-04-2009, 10:30 AM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شنو حكاية ادخل العنوان دى الواحد الا يدافر الناس القدامو ..!! (Re: طارق جبريل)

    Quote: وشبكة دي خليها علي انا عندي حاجة بكتب فيها لي يومين كدة:
    (((حفرة دخان سكينة بت ود جيب الله)))
    حا اخليها ليك تتجهجه تب
    ههههههههههه



    طارق جبرين
    انت عارف مشيت لخالي (جيرانكم) قلت ليهو في قصة كدا كدا كدا
    عليك ناس القصة ديل منو عشان نلقى اخرها
    ما عرف لي الخبر كلو كلو
    ووصلنا لبيتكم لكن خفنا نسال وتاني
    بدينا من دكان رمضان وانتهينا بفاطنة عبد الرحيم
    وبدينا من بابكير لغاية جامعة السودان ما لقينازول يدينا الخبر
    عشان كدا قلت احسن لي النشيل حسك هنا
    امكن تكملها
                  

02-04-2009, 10:36 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شنو حكاية ادخل العنوان دى الواحد الا يدافر الناس القدامو ..!! (Re: SHIBKA)

    Quote: طارق جبرين
    انت عارف مشيت لخالي (جيرانكم) قلت ليهو في قصة كدا كدا كدا
    عليك ناس القصة ديل منو عشان نلقى اخرها
    ما عرف لي الخبر كلو كلو
    ووصلنا لبيتكم لكن خفنا نسال وتاني
    بدينا من دكان رمضان وانتهينا بفاطنة عبد الرحيم
    وبدينا من بابكير لغاية جامعة السودان ما لقينازول يدينا الخبر
    عشان كدا قلت احسن لي النشيل حسك هنا
    امكن تكملها

    لا حولااااااااااااااااااااااا
    والله انت صحي شبكة
    خالك دة منو يا ربي
                  

02-04-2009, 10:37 AM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: شنو حكاية ادخل العنوان دى الواحد الا يدافر الناس القدامو ..!! (Re: طارق جبريل)

    عبد العظيم عثمان عبيد الله
    مربع 3
    خامس بيت من دكان رمضان
                  

02-04-2009, 10:46 AM

sami Alzubair

تاريخ التسجيل: 03-11-2008
مجموع المشاركات: 5

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
أهــــــــــــا (Re: زهير الزناتي)

    في إنتظار الزناتــي



    ألكع يا زول..
                  

02-04-2009, 11:04 AM

جلال عثمان
<aجلال عثمان
تاريخ التسجيل: 09-13-2008
مجموع المشاركات: 1735

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أهــــــــــــا (Re: sami Alzubair)

    يازهير
    ياخ آمنا عديل كدة...........
    تجي تتم القصة دي ولا اكلم ليك عادل الجعلي
                  

02-04-2009, 10:57 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
nn (Re: زهير الزناتي)

    السني كيفك ..

    Quote: زهير يا اخوي عشان ما يجي واحد ناطي لينا
    القصة دي من الليلة حقتي
    السيناريو لي فيلم تلفزيوني


    أول حاجة وين حقي في فيلمك الشلتو من قصتي (اي بت غزالة أخوها أسد) !!

    يا زهير السني ما يستكردك ويقول ليك بعد الإنتاج .. أقبض حقك أول حار حار ..
                  

02-04-2009, 11:21 AM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: nn (Re: ناذر محمد الخليفة)

    يا زهير سلام

    باقى القصة ياخ .. الخرمة الراجل عمل فيها شنو ؟ دى المعركة الكبيرة

    سرد ممتع .. واصل ياخ السنى دايرا فلم كامل ..

    مودتى
                  

02-04-2009, 11:26 AM

اسامة الكاشف
<aاسامة الكاشف
تاريخ التسجيل: 06-13-2008
مجموع المشاركات: 911

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: nn (Re: رأفت ميلاد)

    تعب الخامس هادي حيلك
    أوع تكون فكيتنا عكس الهواء
    ومشيت نمت
    نحن غايتو مقنبرين جنب الكي بورد
    ومنتظرين تكملة السيناريو
                  

02-04-2009, 11:46 AM

ميسرة سيد أحمد
<aميسرة سيد أحمد
تاريخ التسجيل: 09-13-2008
مجموع المشاركات: 3175

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
كمل لينا قصة مشروع المسرحية،،،،،،، (Re: زهير الزناتي)

    يا زهير الزناتي،،،، متابعين
    بس شبكة وطارق جبريل وصالح تبلدينا
    والأستاذ السني دفع الله وكمان جلال،
    كمل ليهم القصة ، علشان أنحنا عندنا
    نيه في الختة بتاعة الناس دي بس كانت
    الختة (الصندوق) كم ، يمكن نكمل
    بيها الدار ،، إلى إنت عارفه،،،
    علشان نريح ناس الرياض شويه،،

    (عدل بواسطة ميسرة سيد أحمد on 02-04-2009, 11:58 AM)

                  

02-04-2009, 12:02 PM

سامي عبد الوهاب إدريس
<aسامي عبد الوهاب إدريس
تاريخ التسجيل: 11-15-2005
مجموع المشاركات: 1509

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كمل لينا قصة مشروع المسرحية،،،،،،، (Re: ميسرة سيد أحمد)

    والله غايتو متابعين...

    النشوف آخرك إنت وجبريلا مع الشحتفة دي

    لكن لقيتكم يا ناس الزقازيق بتاعين جرجرة

    لكن...

    مبدعييييييييييييييييين
                  

02-04-2009, 12:27 PM

Mohammed Ibrahim Othman
<aMohammed Ibrahim Othman
تاريخ التسجيل: 07-21-2007
مجموع المشاركات: 3953

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كمل لينا قصة مشروع المسرحية،،،،،،، (Re: سامي عبد الوهاب إدريس)

    زهير زناتي متابعينك حتى السهرة ..
    بالله ما تتاخر علينا ..
    كهربة ام بدة دي ما مضمونة ..
                  

02-04-2009, 12:21 PM

عبدالله كع
<aعبدالله كع
تاريخ التسجيل: 02-12-2008
مجموع المشاركات: 4841

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كمل لينا قصة مشروع المسرحية،،،،،،، (Re: ميسرة سيد أحمد)

    Quote: و متضامنين مع عبدالله كع ذاااتو،،

    (شيبكه) .. كدا نطقتها صاااح ؟
    الناس دي كلها متملمه دايره ليها حاجه تفك دبرسته وتطلع من جلده
    اه يا( شيبكه )اجوك الناس بتاعين القصص المتسلسله بي البدايه المشوقه الذيذه
    تقعد تتابع باهمال وتتندمج وتعيش الحنك بكل مؤثراته... وفجاءة
    تلقي صاحب المتسلسله مافي نهائي .. ولا قاعد يرد علينا. وبما اننا عجبنا الحنك
    فنبدي ننداح بعبارات الثناء علي الكاتب والتتضامن مع احد ابطال الروايه نحمل هم الصرفه زاااته
    ووووووويذيد علينا الملل والتململ ..نقوم نهتف دايرين النهايه دايرين النهايه
    الكلام ده لي طارق جبريل !!!!
    Quote: وتسلمي يا ستي علي التضامن مع عبد الله كع ، وأكيد
    مداخلته الجميلة دي محتاجة تاني لي رد ، وعايزه
    ليها تفكيك علي الطريقة الكيكية

    مكل مكل يا رفده .. التفكيك لخي بعدين
    Quote: والعجيبة ياعبد الله حقت صبي البنا ديك دخلت في السنةالتالتة عديـــــل

    طارق جبريل بعدما جاهو تهديد من المافيه الاسفيريه تم قصة الصبي البناي في امن وامان
    وريحنا بعد ما سله روحنا
    Quote: وبعدين الرد والتحية للضيوف بتاخد وقت من الزول

    ياريت الرد لو بقي في المؤتمر الصحفي حق روايه ( الصرفه الراحت شمار في مرقه )
    منتظريم
                  

02-04-2009, 12:04 PM

عبدالله احيمر

تاريخ التسجيل: 02-24-2008
مجموع المشاركات: 3012

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
كمـــل يا زناتي (Re: زهير الزناتي)

    Quote: ياشـــباب وقبل زهير ما يواصــل في الحكاية

    دخـل المســرحية أو المســلســل حـق لناس الصـرفة

    وشـوال ود عماري و كيس عطــرون كبير لعـمك أمين

    اتفقــنا

    يلا يا زهيــر كمــل الشـباب موافقين
                  

02-04-2009, 02:55 PM

هشام حسن
<aهشام حسن
تاريخ التسجيل: 11-27-2008
مجموع المشاركات: 557

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كمـــل يا زناتي (Re: عبدالله احيمر)

    Quote: المشكلة الكبيرة كانت مشكلة أهل الدار

    أيوه يا أبوالزهور.. أنا قصدت أهل الدار اللي هم أصحاب الصرفه.. صاااح..

    متابعين..
                  

02-04-2009, 02:59 PM

هشام حسن
<aهشام حسن
تاريخ التسجيل: 11-27-2008
مجموع المشاركات: 557

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كمـــل يا زناتي (Re: هشام حسن)

    الملك..

    Quote: خلوهو يتم ,,!!


    "يخلخل أقول ليكم شنو"
    "تم القصة يا زهير",,,


    ياخي انت عامل زي الزول البيحضر ليهو في كورة وكل مره بتاع التسالي يجي قاطع قدامو..

    يخلخل كيبورداتكم..
    كيف تمام؟
                  

02-04-2009, 05:18 PM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كمـــل يا زناتي (Re: هشام حسن)

    ياجماعة
    سيد القصة


    قال ليكم لو سكتوا بجيكم واتمها ليكم
    اها نسكت وهدوء عشان نتم القصة ونشوف شغلتنا وين بعد داك
                  

02-04-2009, 05:31 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: كمـــل يا زناتي (Re: SHIBKA)

    ياخي الزناتي متعة
    وانا مع تضامني مع عمك امين ضروري اعلن هنا تاني تضامني مع الشفع البكو لانهم متعودين (يتعشوا فول)

    يا السني شوف ليك طريقة تاني القصة دي محجوزة ودافعين فيها مقدم كمان
    لصالح قناة اركلوجيا


    الزناتي بالله فطني ياخي وشوت طواالي
                  

02-04-2009, 05:49 PM

عاصم ابوبكر حامد
<aعاصم ابوبكر حامد
تاريخ التسجيل: 03-03-2006
مجموع المشاركات: 3017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
قصة حقيقية وطريفة حدثت أثناء أحداث غزو امدرمان (Re: زهير الزناتي)

    الحبيب زانتى واصل ما تقطع قلبنا
                  

02-04-2009, 06:04 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قصة حقيقية وطريفة حدثت أثناء أحداث غزو امدرمان (Re: عاصم ابوبكر حامد)

    وصل الركب الميمون الي كلاكلات الوطن البعيدة وهنالك أستقبل أستقبال الأبطال ، كل أهل المنزل علي منصة الإنتظار أمام الباب بعد متابعة دقيقة بالتلفون ،
    يرتدون لأجل المناسبة أجمل ما لديهم من ثياب (عزيزة وبناتها أماني وإحسان) ،، اما الزوج عبد السلام وأولاده حسين والطاهر كانوا خارج المنزل
    في أعمالهم يتابعوا الموقف أولاً بأول ،، فالجميع يعلق آماله علي تلك الصرفة ، وكل الاحلام والمشاريع الصغيرة تنتظر الصرفة الموعودة لتحقيقها ،
    رغم أن الخلافات بين الأبناء حول أولويات الصرف حتي صباح ذلك اليوم لم تُسوي ، فالبنتان تريد الكبري تغيير موبايلها الذي يأتي بمكالمة وتضيع الثانية
    في غياهبه التكنولوجية ، والصغري تنتظر لاجل دفع قسط الجامعة لا يحتمل التأخير ، اما أولاد عزيزة فحسين يتمني أن يستلم خمسمائة جنيه (حتة واحدة) لدفع مقدم ماكنة
    النجارة التي يعتبرها العمود الفقري المفقود لورشته بسوق اللفة مع وعد للأسرة (حا تلعبوا بالقروش لعب) ، في حين أن الطاهر لديه حوجة ماسة رفض الإفصاح عنها مما أضعف موقفه التفاوضي .
    بعد إنتهاء طقوس الإستقبال قامت نفيسة بتسليم الصرفة كاملة لإبنة خالتها عزيزة ، ومعها (الشيرنق بتاع الغدا) ،
    وشرعت في ترتيب أوضاع الضيوف مع أهل المنزل ، ( النسوان الكبار ديل عليك الله يا عزيزة يكونوا في الراكوبة والبنات الصغار ديل في البرندة البهناك والصالون ، والعايزة تنوم تمشي الأوضة دي أو أوضة الأولاد) إحتلال كامل للمنزل من قوات نسائية ، وكانت القهوة جاهزة وكذلك الشاي ، وأثناء طقوس
    شرب الشاي والقهوة ، بدأت الأخبار تتواتر من أمدرمان عن إطلاق نار وحرب حقيقية تدور في شوارعها ، وتحول المنزل لهرج ومرج وتلفونات للإطمئنان
    علي العقاب والديار ، ومما زاد في الهرج وقلق المجموعة مشاهدتهم لاعمدة الدخان تتصاعد من علي البعد ، مع أن إطلاق النار لم يسمع بوضوح في تلك المنطقة ،
    جاء أقتراح باستئجار حافلة أخري والرجوع لأمدرمان مهما كان الثمن ، ، وأوكلوا المهمة لبنات عزيزة للبحث عن حافلة ، وفشل الأقتراح بعد رجوع البنات
    بخفي حنين وبعد وقت طويل ، لرفض كل أصحاب الحافلات الذهاب لأمدرمان لخطورة الأمر ، كما أن الكباري قد أغلقت امام حركة العربات ،، فتقطعت بهن السبل تماماً ، وزجرت نفيسة أي إمراءة اقترحت المشي (كداري ) أو عبر أي وسيلة حتي كبري أمدرمان وتعاملت بقسوة مع الباكيات النايحات واللائي كانت بيوتهن في مناطق العمليات ( هوي يا نسوان حسع ما أتصلتوا وقالوا ليكم ما في حاجة ، ولا عايزين تعملوا لي الناس ديل بيت بكا) ، ومجموعة منهن إستسلمت للأمر وبدأن في متابعة الأحداث عبر الفضائيات والتلفونات ، عند الخامسة بدات المعركة تنجلي وتحسنت خطوط الأتصال ، وقليل من الطمأنينة تتسلل للنفوس هي أقرب للتوجس والحذر .
    توزع الناس علي خمس مجموعات لتناول الغداء ، وكانت المجموعة الخامسة تضم رجال المنزل مع ضيفين تقاذفتهم الأقدار لمنزل عبد السلام ، أثناء الوجبة وبعدها تواصلت حلقات التحليل والنقاش عن الأحداث ، وكالعادة إنقسم الناس لقسمين مع وضد رغم أن الجميع كان في حالة ذهول وإستنكار لما حدث ، واعتقد بأن كثير من الشائعات أنطلقت من ذاك المنزل في تلك الأيام ، الصمت كان رفيق عبد السلام الدائم ، وكان تفكيره في كيفية العمل مع هذا الكم من الضيوف ، وبعد قليل سيرخي الليل سدوله ، ويحتاج الضيوف للعشاء والمبيت ، العشاء قد يحل بكميات من الشعيرية من دكان التوم ، جاره الملاصق ، لأن للتوم باب داخلي بين المنزل والدكان ، رغم أن حظر التجول لم يكن بتلك الصرامة في منطقتهم ، وقبل أن تغيب الشمس تماماً كانت أسرة عبد السلام في حركة دؤوبة في الشوارع لإستلاف مراتب وسراير من الجيران الأقربين والأبعدين ، وأتفق الجميع علي ان يبيت الأولاد وضيفيهما مع عمي التوم ، علي أن يقضي عبد السلام ليلته في الزقاق لحراسة الضيوف ومتابعة الأمور عن كثب .
    وسارت الأمور حسب الخطة الموضوعة ، إلا أن انبوبة الغاز قد تحالفت مع سوء الحظ وتم إكمال طهي الشعيرية بفحم عمي التوم ، وتوزع الناس علي أسرتهم والمراتب المفروشة علي بلاط البرنده ، وعند العاشرة مساء صمت الجميع إلا من شخير هنا وهناك ، ونحيب متقطع من مختلف أركان المنزل .... ومجموعة صغيرة من ناس الشمارات تتابع الأحداث والمشاهد عن طريق التلفزيون في غرفة الأولاد

    (عدل بواسطة زهير الزناتي on 02-04-2009, 06:11 PM)

                  

02-04-2009, 06:06 PM

مازن الجمّال
<aمازن الجمّال
تاريخ التسجيل: 02-08-2008
مجموع المشاركات: 797

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
مات واصل ياخ (Re: زهير الزناتي)

    زهير

    شحتفت روحنا ياخي

    الزول دا ما لقى ليو سفة لسة ؟
                  

02-04-2009, 06:16 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: مازن الجمّال)

    Quote: علي أن يقضي عبد السلام ليلته في الزقاق لحراسة الضيوف ومتابعة الأمور عن كثب .

    وهنا تضامن ثلاث يفرض نفسه...كامل تضامني مع عبدالسلام

    وواصل يا زهير المتعة دي...حرم انا من ايامات هلال 87 وناس كندورة
    ما متعوني الا ناسك ديل...في امدرمان والكلاكلة مع احتفاظي بعمك امين كشخصية اساسية ومحورية عندي
    لحدي حسع ههه
    قوول

    (عدل بواسطة عبدالكريم الامين احمد on 02-04-2009, 06:31 PM)

                  

02-04-2009, 06:29 PM

جمال الباقر
<aجمال الباقر
تاريخ التسجيل: 12-14-2008
مجموع المشاركات: 2237

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: عبدالكريم الامين احمد)

    Quote: فالبنتان تريد الكبري تغيير موبايلها الذي يأتي بمكالمة وتضيع الثانية
    في غياهبه التكنولوجية ، والصغري تنتظر لاجل دفع قسط الجامعة لا يحتمل التأخير ، اما أولاد عزيزة فحسين يتمني أن يستلم خمسمائة جنيه (حتة واحدة) لدفع مقدم ماكنة
    النجارة التي يعتبرها العمود الفقري المفقود لورشته بسوق اللفة مع وعد للأسرة (حا تلعبوا بالقروش لعب) ، في حين أن الطاهر لديه حوجة ماسة رفض الإفصاح عنها مما أضعف موقفه التفاوضي .


    انت الصندوق ده الصرفة فييهو كم ؟؟؟؟؟؟
    متابعين يا زهير
    واصل السرد
    والشفع في امدرمان حصل عليم شنو (الساحر والاطفال )
    في الانتظار
                  

02-04-2009, 06:40 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: جمال الباقر)

    لم ينم حاج أمين ليلته تلك فالهواجس والكوابيس تداهمه كلما غمض عينيه ، ونوبة خرمة كاربة تقلقل مضجعه ، لم يتبين آذان الفجر فوسوست له نفسه هل شمله حظر التجوال ، ام لم يسمعه لغفوة صغيرة ، توضأ وصلي الصبح ، وهو علي سجادة الصلاة سمع حركة سميرة وهي تعد الشاي لأسرتها ، ولجيرته الطويلة لها عرف أن كباية شاي (كاربة) في طريقها إليه ، فتبسم وهو علي وضعه ذاك سرعان ما تحولت لتكشيرة شرسة عندما تذكر السفة ، فلعن بسره مرة أخري الصناديق والنسوان ، وفجأة تذكر خليل والحكومة وهما سبب ما حدث ، فلعنهما معاً والسياسة والحرب ، وتوكل علي الحي القيوم وفتح باب المنزل ، فوجد الشارع خالي تماماً ، كأن آخر من مشي به قبل عشر سنوات ،
    - يا ربي منو البسف في الحلة دي غير عثمان الخير الثقيل دا ،
    مرت به خاطرة أولاد عبد الحي الصعاليك ،
    - أكيد بيسفوا خاصة الكبير السكران الحيران دا ، أكيد أمبارح ما بيكون لقي عرقي عشان كده حقو امشي أدق ليهم الباب.
    وعندما هم بالخروج تذكر حظر التجول .
    - حسع يجيك واحد صعلوك يعمل معاك شمطة جاي من وين وماشي وين يا زول كدي النصبر شوية.
    رجع لداخل المنزل وجلس علي سريره ، ودخلت عليه سميرة تحمل صينية الشاي به كباية (مدنكلة ) كما توقعها وتغطيها بغطاء علبة مربة .
    - مرحب يا سميرة كيف أصبحتوا .
    بادر هو بالسلام ، جلست سميرة لجواره تتحدث عن الحرب والخسائر التي تكبدها الطرفان ، وأن خليل لا زال في أمدرمان وأن هنالك شائعة تقول بان الحكومة قد قبضت عليه .
    - عليك الله الزوله دي ما مجنونه مالا علي خليل ، خليل طائر والحكومة طائرة .
    وسرح حاج أمين بخياله بعيداً في خرمته وأزمته الخاصة وهي لا زالت تتحدث وتتحدث وحاج أمين يتخيل ويتمني ( يا ربي سميرة دي قاعدة تسف ) . (يا سلام عليها لو بتسف ، دي كانت تكون زوله عجيبة خالص ) (أصلو النسوان ديل ما فيهن فائدة ، لو الواحد أحتاج ليهن في أي حاجة ما يلقاهن) .
    وقطع حبل تخيلاته صوت بعض الصبية من داخل البرندة يتسامرون ، وهنا إزداد هم حاج أمين ، وتذكر طلباتهم التي لا تنتهي .
    خاطبته سميرة :
    - يتخيل يا حاج أمين في ناس متحركة في الشارع .
    مباشرة قامت بفتح باب الشارع ، فلمح حاج أمين إثنين من الماره لم يتعرف عليهم ، فهب مسرعاً نحوهم فوجدهم إنحرفوا في الشارع الجانبي ، لم يشأ أن يتبعهم خوفاً من التبعات ولكنه تحرك كإبن العشرين مسرعاً نحو منزل آل عبد الحي مشي هو أقرب للهرولة ، (وخبط) الباب بكل قوته ، فجاءه أحد أبناء عبد الحي مسرعاً ، ودون مقدمات
    - عليك الله يا ولدي أديني سفة ...
                  

02-04-2009, 06:44 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    شكراً لكل المتداخلين وسأرجع لكم واحداً واحداً ،
    وعميق أسفي لعدم مواصلة الكتابة نهار اليوم لإنقطاع التيار الكهربائي في عموم الخرطوم لساعات طوال ...
                  

02-04-2009, 06:45 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    Quote: يا ربي سميرة دي قاعدة تسف

    هههههه
    دي اوسكار-اوسكار يا زهير
    حقيقي اوسكار
                  

02-04-2009, 06:58 PM

هشام حسن
<aهشام حسن
تاريخ التسجيل: 11-27-2008
مجموع المشاركات: 557

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: عبدالكريم الامين احمد)

    Quote: يا ربي سميرة دي قاعدة تسف


    والله دي قوية يا أبوالزهور
    سيد الرايحة بيفتش خشم سميرة... (وش خرمااان)..
                  

02-04-2009, 06:49 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    تنبيه هام جداً لكل المتداخلين :

    هذه القصة التي كتبتها ، أرويها كما سمعتها ، مع زيادة بعض التفاصيل هنا وهناك
    و لا علاقة لها بأي جنس من أجناس الأدب أو الفنون ،، ولا يجب محاكمتها من منظور إبداعي
    فعلاقتي بالأدب والفنون علاقة متلقي عادي أو أكثر من عادي ،
    ويجب النظر إليها من زاوية واحد براي من أولاد الحلة القاعدين في الخور يحكي ليهم في قصة سمعها

    وشكراً لحسن الظن حتي الآن ....
                  

02-04-2009, 06:49 PM

جمال الباقر
<aجمال الباقر
تاريخ التسجيل: 12-14-2008
مجموع المشاركات: 2237

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    Quote: يا ربي سميرة دي قاعدة تسف ) . (يا سلام عليها لو بتسف ، دي كانت تكون زوله عجيبة خالص ) (أصلو النسوان ديل ما فيهن فائدة ، لو الواحد أحتاج ليهن في أي حاجة ما يلقاهن) .

    هههههههههههههههههههههههههه
    مبالغة لكن
    عمك حنني والله
                  

02-04-2009, 07:16 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: جمال الباقر)

    شبكة باقي المتداخلين السألوا عن الصرفة كم
    أولاً : الصندوق عائلي .
    ثانياً : ما في طريقة لأنو الصرفة دي الصرفة الـ 15 يعني ما في طريقة لأي عضو جديد ... ز
                  

02-04-2009, 07:20 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: جمال الباقر)

    يا هالة مساء الخير ...

    المسامح كريم ، والهكر دا تاني ما بنجيب سيرته لا بخير لا بشر كفاية الخلعة بتاعت أمبارح ....

    بعدين بمناسبة التشويق :
    عجبتني القصة وقلت يا ولد ما تحكيها لناس المنبر ديل ، يمكن يشاركوك الإعجاب ،
    وطبعاً ما في وقت لكتابة في ورق ، ولا تكتبها مسودة وبعدين مرحلة التبييض وكدا ،
    قمت طوالي أتوكلت ليك علي الحي القيوم ومسكت الكيبورد ، القي ليك الناس عليك تم لينا
    القصة ، وما عارف شنو ، يا زوله راسي كبر ، وقلت أعمل فيها تقيل وأشوق الناس
    دي كل القصة يا ستي ، لكن لومك بي أكملها سريع وهي ذاتها قربت النهايات ،،
    لكن أول نضيف الشباب المروا من هنا ، وفيهم ناس في مقام عم أمين لازم نعمل
    ليهم احترامات ...
                  

02-04-2009, 07:25 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    معتصم يا جميل

    ناس منو الدخلوا وعلي ناس منو , يا زول مالك عايز تجيب لينا المشاكل
    عليك الله أقراء المداخلات الأولي كويس وبعدين تعال نتافهم ،،،
    انا غايتو حكيت ليكم القصة ، بعدين إنت وأستاذ السني مخيرين تجيبوا العايزين تجيبوهم ديل


    يا ابو النون القطر فيهو مفتش
    لك الود كله ....
                  

02-04-2009, 07:28 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    الملك يا ملك

    دا طبعنا لا بنغيره لا بنشتري واحد جديد ،،
    الناس دي أصله مقلقه ، وعايزه حاجة تقضي بيها الوقت
                  

02-04-2009, 09:03 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    فيصل عباس

    القصة دي حصرياً علي سودانيز أون لاين ،،
    ويا سيدي لا سادية ولا حاجة بس المسألة
    ظروف السودان العجيبة والجري البلا فائدة
    وشكراً علي المرور والمتابعة ...
                  

02-04-2009, 09:07 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    استاذي أسامة الكاشف
    الله لا جاب الشحتفة ،،،
    وأكيد أستاذ السني ممكن يعمل من الفسيخ
    شربات وله مطلق الحرية في التصرف كما يشاء
    اقترحت عليه المسرحية والكرة الآن في ملعبه
    يا سلام لمن يعمل مسرحية ، ويكتب بخط عريض
    في البوسترات والإعلانات فكرة زهير الزناتي
    طبعاًُ اول حاجة أعملها أظلل ليك القزاز علي
    الجماعة خاصة صلاح الأمين ، ودا طبعاً الزول
    الوحيد ما جا علق علي القصة دي ، ومتأكد
    تماماً حا يقول لي في أول أتصال
    (دي قصة زي ..... ) وطبعاً دا تعليق
    حصري لصلاح الأمين ، عشان كدا سمح القول
    في خشم سيدو ....
                  

02-04-2009, 09:11 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    تبلدينا
    اول حاجة إنت وين ، أوعي تقول لي قراية الكبر ديك
    وبعدين بيع القطاعي ارباحه احسن من بيع الجملة
    وهنا البورد دا كلو شغال بيع بالقطاعي وكمان بالأقساط
    لمزيد من الأرباح ،، بقت علي انا المسكين دا ، ماشايف
    صاحبك طارق جبر.... يا زول صاحبك دا لسانه طويل احسن
    ما نجيب أسمه ...
    والهكر دا انا قلت سيرته ما جيبها كفاية خلعة أمبارح ...
                  

02-04-2009, 09:14 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    طارق جبريل
    حمد الله علي السلامة
    والمرض دا أكيد دي عين
    وعندي ليك فكي كارب في دار السلام
    وكرته معاي ، بس تعال البلد ..
    ولو عندك شكله مع بكري ، شاكله بعيد
    بعيد من بوستي دا ، يا زول ما تجيب
    لينا الهواء ، الراجل ما قصر مع البوست
    وجابه أعلي المنبر ،،
    وبرضك يا جميل نضم صوتنا لصوتك لتوضع
    أعلي المنبر ، وتاج علي رؤوسنا ...
                  

02-04-2009, 09:21 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    شبكة لكن مبالغة
    وما بسألك ، صعبة عديل كدا
    والسماك شبكة ما خاتي عليك
    ذكرتيني صاحبنا عنكبة الله يطراهو
    بالخير ، طبعاً هو عضو بالمنبر هنا
    دا الله لا وراك ليهو ،، إسم علي مسمي
                  

02-05-2009, 06:42 AM

SHIBKA
<aSHIBKA
تاريخ التسجيل: 01-14-2009
مجموع المشاركات: 5759

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    مظلومة يابيه
                  

02-04-2009, 09:22 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    سامي الزبير
    انا بجي ، لكن اعمك أمين دا عندك ليهو شفه ...
                  

02-04-2009, 09:25 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    يا ابو الجل الفتنة نايمة
    والزول دا سمعنا قالوا بقي اسد خالي سنون
    حليل ايام زمان ،،،
    إنت قايل العرس والاولاد ديل حاجة هينة
                  

02-04-2009, 09:27 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    يا ناذر
    شايف البوست بتاعي بقي مكان لتصفية
    الحسابات القديمة ، ونحن من هنا
    ندين ونشجب ونستنكر مثل هكذا افعال
    وإذا عدتم عدنا





    *************

    عايز فرصة استخدم فيها (هكذا) والله عاجباني
    وكما إذا عدتم عدنا
    والله يدينا فرصة كمان لـ (وراء الأكمة ما وراءها)
    نقشر بيها شوية ...
                  

02-04-2009, 09:32 PM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مات واصل ياخ (Re: زهير الزناتي)

    رأفت يا رائع
    تعرف انا احبك لي الله كده ، يتخيل
    لي دي حاجة إسمها القبول ، ودي
    هبة من الله ،،،
    وأوامرك تنفذ علي الفور والتو
    والسني ما بنتوصي عليه ، لكن
    العندنا بنديها ليه والباقي
    علي الله وعليه
                  


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de