|
|
 (لا اله إلا الله ارسلها الي 9 وستسمع خبر سار ) تجارة حديثة بالدين
|
(لا اله إلا الله ارسلها الي 9 وستسمع خبر سار )
رسالة قصيرة وردت علي تلفوني عدة مرات من عدة اشخاص
مختلفي الثقافة والتعليم والوضع الاجتماعي
وهي نسخة حديثة وأنيقة وعصرية لرسائل سابقة ظهرت منذ فترة طويلة
كان المحتوي يختلف حيث كانت الرسائل طويلة تمتد لصفحة كاملة
وبها عدد من العبارات الدينية الاسلامية ، ثم تليها تهديدات بان
من لا ينسخ هذه الرسالة ويرسلها لمائة شخص يحدث له مكروه كما
حلم فلان الفلاني حارس قبر النبي (ص) ، ثم تقلص العدد في فترة من الفترات
لعشرة اشخاص مع المحافظة علي طول الرسالة ،،، وكانت تنتشر بين التلاميذ
في المدارس حتي انها تشغلهم عن تحصيل دروسهم الاكاديمية
وغالباً ما تظهر مثل هذه الرسائل في المجتمعات شبه المتعلمة
والتي تقع تحت ضغوط عديدة مثل الحكومات الباطشة والفقر وغيرها من الآفات
وهو سلوك يؤدي لتكريس الوعي الديني الغيبي دون اعمال لصوت العقل ،،،،
مما يسهم في صرف الناس عن مشاكلها ،،،
ويبدو لي ظهور هذه الرسالة في الظرفالراهن ليس صدفة
فإذا تجاوزنا أثرها السياسي لا يمكن أن ننسي أن مشتركي الهاتف
النقال في السودان يزيد عن 6 مليون مشترك فإذا ارسل هذه الرسالة
10% منهم يعني 600.000 مشترك والناتج مضروب في 9 تعني 5.400.000 رسالة
وسعر الرسالة 55 قرش ينتج مبلغ يقترب من الثلاثة مليار جنيه بالقديم
ثلاثة مليون بالجنية السوداني ، ومليون ونصف دولار بالأمريكي
خبر صغير قديم :
باعت الحكومة نصيبها من موبيتل بمبلغ تجاوز المليار ونصف دولار
وحولت الشركة الكويتية المشترية لموبيتل في العام الأول 500 مليون
دولار امريكي من ارباحها حسب تصريحات محافظ بنك السودان حينها...
|
|
 
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
اخذت هذه الرسائل في الأول طابع التهديد لتلعب علي وتر
الخوف في قلوب البسطاء ، ثم تحولت لتلعب علي وتر الظروف
المعيشية للناس ، حيث يتوقع الناس حل لمشاكلهم الكثيرة
من حيث لا يحتسبون ، كما تعمل ايضاً بذات النهج شركات الاتصال بجوائزها المليونية
التي تدغدغ احلام الناس وتحلب كل فلس في جيوبهم ويعود القليل منه في شكل تلك الجوائز
والباقي يذهب في الحسابات البنكية لشركات الاتصال ،،،،
وارجح أن تكون احدي شركات الاتصال وراء هذه الرسالة ، حيث يقوم احد منسوبيها
بارسال هذه الرسالة لعدد من الناس قد لا يزيد عن المائة لتتكاثر المتوالية الهندسية
فشركات الاتصال ليست فوق مستوي الشبهات فلها عدد من الممارسات التي تؤيد مثل هذا
الحديث ،
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
Quote: ويبدو لي ظهور هذه الرسالة في الظرفالراهن ليس صدفة
فإذا تجاوزنا أثرها السياسي لا يمكن أن ننسي أن مشتركي الهاتف
النقال في السودان يزيد عن 6 مليون مشترك فإذا ارسل هذه الرسالة
10% منهم يعني 600.000 مشترك والناتج مضروب في 9 تعني 5.400.000 رسالة
وسعر الرسالة 55 قرش ينتج مبلغ يقترب من الثلاثة مليار جنيه بالقديم
ثلاثة مليون بالجنية السوداني ، ومليون ونصف دولار بالأمريكي |
صباح الخير يا زهير الزناتي
هذه مافية الدين .. يعتمدون على الكذب والخداع للوصول الى السلطة والسطوة ..
ذكرتنى هذه القصة فترة الإنتخابات فى آخر الديقراطية الثالثة .. كنت أسكن إمتداد ناصر .. كان أهل الجبهة يذهبون الى المنازل بعد أن يغادرها الرجال الى أعمالهم .. ويصتادون ربات البيوت الطيبات المؤمنات البسيطات .. يُقرع الباب وتفتح المرأة .. يبادرونها بدون مقدمات "لا إله إلا الله" فتتم المرأة الشهادة بدون تردد .. يعطونها إسم المرشح ورمزه فى بري .. مع عبارات سريعة مروعة بغضب الله فى عدم إمتثالها .. ويغادرون سريعآ بدون ترك فرصة لها للتفكير والمناقشة .. فتصاب بالرعب وتضمر التصويت لهم خوفآ لا إقتناعآ .. والمضحك كانوا يصورون لهن الترابى كناسك فى خيمة فى الصحراء .. يأكل وجبة ناشفة واحدة فى اليوم "ده الترابى" 
إكتشف أهل البرارى الأمر وصارت هناك ورديات حراسة .. هسة الموبايلات دى يحرسوها كيف ؟؟ وحاميها حراميها
شكرآ ليك لفتح نافذة التوعية هذه وكشف هؤلاء اللصوص
مودتى
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: رأفت ميلاد)
|
Quote: اخذت هذه الرسائل في الأول طابع التهديد لتلعب علي وتر
الخوف في قلوب البسطاء ، ثم تحولت لتلعب علي وتر الظروف |
زهير سلام
في السابق كان التهديد محدد بسقف زمني كان تقول مثلا كذبها واحد وفي
ظرف اسبوع توفت زوجته او امه ومات هو وابناءه في حادث .....
كما كانت ايضا تحمل طابع الترغيب ..بان يجلب عليك التصديق مثلا مالا كثيرا
ولكن يبدو ان الامر قد تغير الان ان التصديق يجلب عليهم هم مالا مبالغة كما
تفضلت انت بالارقام..
مثل هذا الزمن يمكن ان تنتشر فيه الخرافة والهوس هذا ان لم نقل هذا زمن الهوس
نفسه....
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
رأفت ميلاد
صباح الخير
اعتقد انه الموضوع اكبر من رسالة موبايل عابرة ...
فهي ظاهرة تستحق الدراسة والتحليل والتقصي (لكن منو البيعمل كده)
ويبدو أن الاعيب شركات الأتصال برضو بتجي من الشمال (كعادة الحاجات الكويسة والبطالة)
قبل مدة طلعت اشاعة قوية بوفاة الرئيس المصري حسني مبارك وفي فترة وجيزة انتشرت الرسالة
في كل بر مصر ، وجنت شركات الاتصالات مبالغ طائلة ،،، وكانت كل اصابع الاتهام تشير لشركات الاتصال
اما الاعيب الانتخابات فهي كثيرة ويا مافي الجراب يا حاوي ،،، واكيد الناس ديل حا يستفيدوا
من كل الأدوات الفي يدهم ومن ضمنها شركات الاتصالات وغيرها ، واكيد الحياة اتطورت كتير من انتخابات
86 ، لكن هل احزابنا السياسية انتقلت من مرحلة الديمقراطية ،،، ولا لسه بتاكل سندوتشات سلطة اسود
وطعمية في محطة قطار الانتفاضة في انتظار شنو يا ربي
لكل مودتي رأفت ميلاد
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
زهير كيفك
الموضوع أصبح يلفت النظر
ظللت متلقيآ لمثل هذه الرسائل البدع عبر الموبايل والإيميل ولم يكن يضنيني في شئ سوى الإكتفاء بمسحها وأنا أضرب كفآ بكف,,حدث أن طلب مني أحد المعارف عنواني الألكتروني {للتواصل قال} ولم يحدث مطلقآ ولمدة شهور طويلة أن بعث لي بما يمكن للتواصل الذي إقترحه لأن يمتن أواصر العلائق بينا لأن كل رسائله التي ظل يبعثها لي كانت من عينة وشاكلة الرسائل البدع والتي ظل يبعثها لي ضمن جوقة عناوين لمعارف وأصدقاء له دون أن يستأذنني في تمرير عنواني لهؤلاء!!,, والذين بدورهم ظل كل واحدمنهم يبعث لي مباشرة على عنواني ضمن جوقة اصحابه ومعارفة لتنتج عملية إعادة تدوير هذه الرسائل مراسلين جدد وهكذا دواليك دون أن أعرف أي واحد من هؤلاء الذي ربما يصل تعدادهم لأكثر من خمسين شخصآ! فما كان مني سوى إلغاء تسجيل ذاك الشخص جملة وتفصيلآ من مدونة عناويني وهو الذي إقترح{ تمتين التواصل }ليرمي لي مثل هذه البلاوي,,هذا من ناحية الإتيكيت ,,فتأمل وبرجع ليك.
إنت عامل كيف?!
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
د.حسن تمام إنتو اخباركم شنو
طبعاً من المفروض الزول يستأذنك في نوع الرسائل العايز
تستقبلها وتلك التي ترفضها ،، ولكنه عدم الذوق
وبالطريقة دي ويملو ليك بريدك الألكتروني وما تقدر تعرف
الرسالة الانت عايزها من الماعيزها وتبذل مجهود ووقت عشان
ما تمسح ،، وتأرشف تاني من جديد ، والله في ناس كتار منهم
ما بيقروا الرسائل البتجيهم دي ، بس يمرروها لغيرهم ، وبي كده
يزيح عنه تأنيب الضمير ، بأنه لا يساهم في نشر راية الإسلام
لكن يتخيل في برامج بتفلتر ليك الرسائل المرغوبة من الما مرغوبة
لأنه في رسائل غير هذه العينة ، انواع كثيرة من كل شاكلة ولون
ممكن تعمل ليك دوشة
لكل تحياتي
ومرحب بالرجعة تاني
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
الصديقة سلمي
ممكن تعملي فلتر للبريد بتاعك
لكن الموبايل ده بس تقولي للزول
ما ترسل لي تاني عديل كده ،
عملتها الأسبوع الفات ، البرسل ليك
مرة ومرتين دي ما فيها حاجة لكن في واحد اتلحني
برضو رسائل زي دي ، فقلت ليهو عليك الله رسائلك دي
مالازماني ،،،
وطبعاً المسألة دي كانت عندنا في الأقاليم
بخط اليد وعندكم بالرونيو ، وفي مرحلة كده
بقت تصوير ،تلقي ناس عمارة الأوقاف غنو منها
وحسي الموبايل ما متعب بس تنش علي تسعة كده
مساكين وترش ليهم الرسالة ،،،
والبيحرني اكتر في ناس متعلمة وتعليم كويس
عليك الله كلام الحبوبات بتاع القلم ما بيزيل بلم
ده ما في محله ،،، والكلام ده بيأكد المقولة
بتاعت إنه التعليم لا يكسب الإنسان الوعي ,,,
وحتي الناس المدينة عارفه تماماً إنه الكلام
ده دينياً ما صحيح
شكراً علي المرور
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
Quote: الأخ زهير
تحياتي
يوميا وكل صباح أجد في ايميلي عشرات الرسائل كالتي ذكرت .لا يمكن أن أعبر عن مدى إمتغاصي من هذه الرسائل. فهي كما قلت تجارة حديثة بالدين ممن يقومون بكتابتها ويسعون لنشرها
وكذلك جهل , جهل كبير ممن يتبادلون هذه الرسائل ويصدقون ما بها, والآن انتقل الأمر الى الهواتف النقالة , وأصبحت التجارة أوسع وأكبر
الى أين نسير ؟! |
مرحب نهال كرار
عارفة من غير ما احبطك اجابة السؤال بتاعك ده
نحن ماشين مزبلة التاريخ ، إذا كان ده تفكير
الناس المتعلمة المفروض تقود مجتمعاتها
نحو التقدم، وفي ناس من غير وعي بيعملوا الحاجات دي
وفي ناس وبوعي تام يعملوا علي نشر الدجل والشعوذة والخرافة
وسط الناس ، لمصالح يعوها تماماً
تشكري علي المرور
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
الاخ زهير الزناتي والمتداخلون الكرام
فعلا المسالة دي كترت شديد ووالبيغيظ فيها حكاية انه لو ما رسلت الرسالة ومررتها ستتحول حياتك الى جحيم واذا مررتها ربنا حيفتحها عليك
بفتكر الناس البيكتبوا النوعية دي من الرسايل ناس فاضية وعاوزة بس تستغل العاطفة الدينية عند الناس
الذ رسالة قريتها بتنتقد الرسايل دي كانت عن قناة سبيس تون space toon وان تقوم بتمريرها لكذا شخص وحينها سترى فلة وابطال سبيس تون في احلامك
واذا اهملتها ستقطع عنك قناة سبيس تون!!
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
Shamael Elnoor
Quote: والشئ البيغيظني اكتر يقوليك لاتدعها تتوقف عندك، طبعا انا لا ادعها تتوقف عندي لاني بعمل ليها delete طوااالي
ولو لاحظت بتجيك من ناس معينين هم الاكثر غباء فى contacts بتاعنك
|
واضح انه الرسائل دي منتشرة خالص وما خلت زول ما هبشته
واقبح ما فيها اسلوب التهديد والوعيد وقد تحول حياة زول
بسيط لي جحيم ، اتخيلي لو الرسالة صادفت انه الزول الجاته
ده نسي يقوم بالواجب تجاهها لأي سبب وبالصدفة حصل ليهو مكروه
او فقد عزيز ، اكيد الرسالة دي حا
تحول حياة الزول المسكين ده لجحيم وتأنيب ضمير ما يطلع منه بالساهل
ربنا علي المفتري والظالم
| |
|
|
|
|
|
|
|
|
|
Re: (لا اله إلا الله ارسلها الي 9 وستسمع خبر سار ) تجارة حديثة بالدين (Re: زهير الزناتي)
|
maia
Quote: الذ رسالة قريتها بتنتقد الرسايل دي كانت عن قناة سبيس تون space toon وان تقوم بتمريرها لكذا شخص وحينها سترى فلة وابطال سبيس تون في احلامك
واذا اهملتها ستقطع عنك قناة سبيس تون!! |
من أسوأء الأشياء قنوات الأطفال دي ، هذه القنوات أولاً تابعة لناس الكامل
وغيرهم من الناس الأتخصصوا في تغييب عقول الكبار وقبلو علي الصغار كمان
وهذه القنوات يرتبط بها الصغار ارتباط عجيب وممكن اليوم كله يكونوا قاعدين
فيها، وفي ظل غياب الرقابة الأسرية ممكن حاجات كتيرة تمرر لعقلية هؤلاء
الصغار ، عشان كده لازم الناس تخلي بالها كويس مما يشاهده صغارهم ،
وحا نجي نفسح مساحة كاملة في مقبل الأيام لهذه القنوات وبرامج الأطفال
عموماً لأنه فعلاً موضوع مهم
| |
|
|
|
|
|
|
| |
زهير الزناتي
رأفت ميلاد
ibrahim alnimma
حسن الجزولي
سلمى الشيخ سلامة
AMNA MUKHTAR
فيس بوك
تويتر
انستقرام
يوتيوب
بنتيريست