|
|
 الي العوض المسلمي في شأن النظام العام
|
Quote: حضرنا الان ومستعدين لاي تكليف ..
قالها اخي العوض المسلمي في بوست مجاور
اهلا بحضورك العوض
من قبيل وانا خجلان لاني شايف حضور بورداب الخرطوم ضعيف
خضر وانعام وبدر الدين اسحق وبيناوي واخرين لكن المفروض اكتر
لانو دي مظاهرتنا نحن البتهمنا بشكل مباشر
ناس كتار هنا كتر خيرن قاعدين في بلادا مافيها بوليس زاتو
مكابرننا ومكابرين اهلن وبلدن
عافي منهم
اها يالعوض اخوي
بندورك اول شي تندهلنا الناس ديل
فيهن ناس اقلامن سنينه تب وبنحتاجلها هني معانا
بعدين حتي ان بقو مع الحيكومه مالو
مافي حرج
هندااااك بدر الدين اسحق قدامنا ضد اممارسات النظام العام
هسع اا العوض ياخوي دحين وليدك النجح داك مو قعد يجي هني في بيت الفنون
وبنيتك الجابت النمر السمحات ديك
مش سويتولا الحفله هني يوم الغبار داك
اها ان كان جاكم ناس غلاد دقوهن
وقالولن ونعلولن خاشن
مي حاره العوض؟؟؟
في ذمتك مي حاره؟؟؟
والله حاااااااااره اخوي
اها دحين انده اخوانك لاننحرج مع ناس بره المنكربين معانا ديل
وقولهن في قوله الحق مافي عوجه بتحصل
وان حصلت حبابا
مي يانا خيان البنات
وخيلان الوليدات الدقوهن ديل
بعدين بي خاترك الطايب دا
امسك لنا الزعلانين ديلاك
القالو المظاهره وقفتلهن قرايتن للمنبر
قولهن الصبر الصبوووووور
بعدين ان بقيت ماك دار تفتح لك بوست
اها ارفع لنا بوستات الناس ديل
واختي بوستات ناس بيجو وهباني فيشان باكر لايسووك مناتل معاهم
اها العوض اخوي ودعتك الله
وابقي عشره
صوتك في الحق محتاجنو طبب
انشالله الباقين يسمعو
المهم بركه الجيت وعقبال الباقين
|
|
 
|
|
|
|
|
|
|
|
Re: الي العوض المسلمي في شأن النظام العام (Re: elsawi)
|
الاخ طارق سلام ..
الله يعينكم على ديل ..
ناس قدر الله قاعدين البيوت زى الكلاب الشول
وفالحين لى مساوقـــــــة الحديــــث والقــــــول
وواحديـــــن فى الغروب يـا شمـــة تامين حــول
كُـــــــــسر فوق دبـــــابيكن بكتـــــلوا الــــــزول
وقال
ناس قدر الله قاعدين فى الفريق ماب ختروا
ومن كُـــبى وكشف حال الحــــــريم ما بفتروا
اٍلا اختر براى أسد الرضــــــيمة بنُـــــــــترو
وصاحبى اٍن زلَ ما بفــــــــشاه ديمة بـــــسُترو
| |
|
|
|
|
|
|
| |
فدياس نجم الدين
فايزودالقاضي
خضر حسين خليل
الرفاعي عبدالعاطي حجر
Sidig Rahama Elnour
mayada kamal
محمد عادل
ابن النخيل
MOHAMMED ELSHEIKH
Safia Mohamed
اسماء الجنيد
اشرف السر
أحمد الصديق
HAYDER GASIM
elsawi
عفاف أبو حريرة
فيس بوك
تويتر
انستقرام
يوتيوب
بنتيريست