|
|
 بكي حميد فابكانا - تعظيم سلام نسرين النمر
|
استمتعنا واستمتع جميع من شاهد حلقة الشاعر محمدالحسن سالم حميد والمذيعة المتالقة نسرين النمر اسالو النيل والتي بثت في الساعة الثالثة عصرا علي قناة النيل في اول ايام عيد الفطر المبارك
بكي حميد حين كان السؤال عن الراحل المقيم مصطفي سيداحمد وعرض اغنية نورة من حفل الدوحة1994م
ساعود بالتفصيل لكل ما قيل في الحلقة
|
|
 
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: باسط المكي)
|
متوكل التوم
و الاصدقاء هنا
كل سنة و انتم طيبين
و الله فعلاً استمتعه بحميد و يا لهو من حكاي وشاعر
و مورخ لاذع .
لكن صراحة اضعف حلقة في البرنامج دا كانت المذيعة
الجديدة نسيرين النمر فقدت كانت تحاول ان توضح لنا
بانها من منطقة حميد و انها تعرف عنه الكتير ولم
تعكس لنا معرفتها هذه في اسئلة افتح لنا حميد اكتر
زايد محاولته القراية معاهو القصيدة الأخيرة بصورة
مزعجة جداً.
لكم الشكر
| |
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: سفيان بشير نابرى)
|
اخي باسط المكي
وانا كذلك تسمرت ولم استطع عمل الاكل الا بعد انتهاء الحلقة
اخي سفيان
متوكل التوم دي ما وقعت لي
اتفق معك في ان المذيعة كثيرا ما قاطعت حميد ورغم انو فتح ليها ابواب كثيرة كان ممكن يطلع منها درر ولكن اظنها كانت في اندهاش كما كنا نحن
عموما الحلقة جيدة بكثير من المقاييس
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: Mutwali Malik)
|
Quote: متوكل التوم دي ما وقعت لي
اتفق معك في ان المذيعة كثيرا ما قاطعت حميد ورغم انو فتح ليها ابواب كثيرة كان ممكن يطلع منها درر ولكن اظنها كانت في اندهاش كما كنا نحن
عموما الحلقة جيدة بكثير من المقاييس |
علييييك الله يا متولي اعفي لي ياخ
والله أنا بلخبط اسمك مع أخونا متوكل
التوم لبخبطة شديده بالرغم أنى بفرزكم
كووويس وبقرأ ليكم حاجاتكم هنا طوااالى
العفو ياخ و كل سنة انت طيب و عيدك سعيد
ولاخونا متوكل التوم تباريك العيد السعيد
إي الحلقة جيدة جداً لكن كان ممكن تكون اوسكر رسممممي
لو المذيعة نسيرين النمر دى ارتفعت فى آدائيها وكانت
محترفة لانو الفرصة القته الليلة مع حميد كان ممكن تخليها
في ذاكرة كل مستمع سودانى لانى متاكد الليلة نسبة حضور
البرنامج دا داخل و خارج السودان كان بصورة خيالية ومبالغة
لكن اهو اكتفت نسيرين النمر أنها تكون في ذاكرة الكتيرين
كمذيعة اضاعت فرصة عمرها أمام عملاق بسط لها من الأرئحية
ما اضاعته في التعتعه و الحذبقة غير المجدية و تبين شايقيتها
و تبين حفظها لقصائده الشعرية بشكل طفولي .
الف شكر لك .
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: Mutwali Malik)
|
Quote: دي بواقي الصيام::)..
|
هاهاهاهاهاهاها
و الله يا متوكل التوم اها
انا رفضته اعدل فى مداخلتى
عشان اوريك انى بتذكرك
هاهاهاهاهاهاها بس انت
يا صاحبى ظنك كعب خلاص
هههههههههههههه
ياخ سنتك سعيدة و عامك طيب
وتضحك سنك ياخ
الحلقة يا متوكل انا قلته رآي
فيها فوق و بتمنى انك تلقاها كلها
وتسمعه عشان رآيك بهمنى والله.
كن بخير
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: سفيان بشير نابرى)
|
اظن ان الجميع قد يتفق معي في مجمل حديث حميد عن الدوحة واهلها من قطريين وسودانيين ولقد حمدت له ذاكرته القوية في ذكر اناس جعلو من حياة مصطفي سيداحمد في قطر سهلة ومرتبة وقدمو له كل مساعدة وذكر اسماء علي عبدالعزيز الكواري وزير الثقافة والاعلام وموسي زينل وكيل الوزارة والذي كان يحضر كل حفلات مصطفي سيداحمد
كذلك لم ينسي الفرقة الموسيقية فردا فردا فذكرهم وهم الاستاذ محمد ادم المنصوري - دفع الله - حسن جيتار - علاء الدين جيتار - محمد بلاش بيز جيتار- عبدالمنعم الفكي ايقاع - معتز القريش اكورديون - ياسر القصاص كيبورد
وقد خص بالذكر الاخوة عبدالمنعم الفكي وبدرالدين الامير لوقفتهم مع ابوثامر وسيداحمد
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: فتحي الصديق)
|
كل سنة وانت طيب يا ود الطيب
كان اللقاء عيدية رائعة
وكانت عفارم تنقل بكل وضوح
رائ الشايقية وتراثهم في الاتفاذ
رغم محاولة التشويه
وحضور البشير في تلك الامسية وعناء محمد جبارة
عاد لي ذكريات ود اليمني عندما غني للنميري
نحن جوة الدائرة نرقص وات برة الدائرة تنقذ
عفارم ... عفارم ... يا شعباً مسالم
يا حر الإرادة ... وجماعي القيادة ... يا وكتين تصادم
بروقك تضوي ... ورعودك تدوي
ورياحك تقصقص رقاب المظالم
كتابك ترابك ... يا أمي إنت عالم
تربط المعاني ... وتفك الطلاسم
أكفك تزاحم ... تبارك تراحم
تعلي السيادة ... وتحلي الشهادة ... بأسمى الملاحم
يا سكر يا طاعم
مسيخ البكان البعيد عن عيونك
مرير الزمان اليخيِّب ظنونك
يا شِرع البراعم
طيورك تناغم ... روائح زهورك
نسورك تحلق ... تلاقي النسايم
نسايم مطورك ... ترشرش غمائم
توشوش سنابل ... بعد ماكا زابل
هشيم المواسم ... تنعوش تناضم
حياتك بلذة ... تبشر في عزة ... عيونك حوالم
تهز ألف هزة ... تقوي المعزة ... تنسي المواتم
يا كاتم دموعك ... على الدنيا باسم
ضراعك صديق ... بنات الفريق
يطمن حبيبة ... ويمجد لخيَّك
بعيد أو قريبة ... وجميعن محارم
بساهر الليالي ... معاك ما ببالي
عشان إنت لازم ... تكون عالي .. عالي
بخيرك توالي ... شعوب العوالم
نماك يبقى بكرة حديث العواصم
حياتك بهمة ... ترود قمة قمة ... تحوز المكارم
يا مبدع سلامك على الوحدة عازم
يا طيب يا صارم
يا خضرة شجر ... نفاسة طيورها وحراسة وكر
جناتك حجر ... في عيون الكجر
بنيتك جسورة ... وليدك ضكر
ندورك نشيداً يضخوا الوتر
يبتق نمتق ... ينضف سمعنا ... ويقوي البصر
يطول عمرنا ويقسي السفر
وتغني العواصم ... في كل العوالم
غناوي السلام ... المحبة ... الظفر
أراضي ومياه ... ونشيد في الجباه
جباه الضراعن يفتل الحجر
وأنا المن عرفتك وعيت النشيج
نشيج الغلاب اليقاومو الظروف
نشيج الفقارا اليعاندو القدر
تبعتك بهمة ... ومخافة ... وحذر
لقيتك تلاقي الكلام اللهيج
مسكتك مسوك الأسامي الحروف
طلقتك طلوق الزهور الأريج
فقدتك فقدت السحاب المطر
بريت الكهوف ... الرموت ... والصور
قريت في الكتاب القديم السور
حريت الحديث ... الأحاجي ... العبر
إذا الشعب يوماً أراد الحياة
فلا بد أن يستجيب الكجر
طويت الكتاب واتبعت الأثر
غرق في الرمال ... كم وحل في بحر
أضيق ما أضيق ... طالما دا الطريق
خطاي يا خطاي ... مرحبابوا الوعر
وكت داهموك يا بنية الحلال
وصرختي إنغليز ... الترك ... والحلب
صحيتبك صرخت الدقون ... العرب
صرخنا وصرخ في الزمان الطناش
دروب الأكنة ومكان الوغر
صحيح يا زنوج ؟؟؟ والزنوج في الهجيج
مضارب طبولا التنجي الخدر
يا نوبي البلاد استباحا الجراد
شجركم عوج والجناين رماد
يزيد لي الكَوَل والقداحة أم سكر
ندوش بالشراب والطعام الزفر
أكورك شريد ...
ألاقي البكان إعتلاهو البقر
أقول للمزيج يا مزيج كم بشر
مزيج البلاد استباحا الفقر
دقون الضلال ... الخمالا ... الكجر
يرد القدر ... والنبي المنتظر
ويسوع اليعوِّض عدالة عمر
ازيد في المزيج مافي ليلة القدر ؟؟
في إيدنا الخلاص ... مافي ليلة القدر ؟؟؟
في إيدنا الخلاص ... المزيج انشغل
بلغو المعوج ... والفتاوي الكتر
غناوي الخيانة ... وكويرة ... وكفر
أرسي الدروب المربط خطاي
أرسي التراث المغلط معاي
بحر للقيامة ... وبحر للبحر
تجنضل جميع الكروش النفاخ
يمرقوا الغلابة ... الفقارا ... ووتر
تصحي الغيوم التجيب المطر
وأحبك ... تحاصر العساكر غناي
يخرِّب غناي بالسهارى القمر
ألبَّك يطلق السهاد بالفؤاد
ويقالد نغيم البخاتي الوتر
وأقولك ...
عفارم ... عفارم ... يا شعباً مسالم
يا حر الإرادة ... وجماعي القيادة ... يا وكتين تصادم
بروقك تضوي ... ورعودك تدوي
ورياحك تقصقص رقاب المظالم
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: سفيان بشير نابرى)
|
سلام لكل المتداخلين وكل سنة وانتم طيبيين
وبالجد الناس محتاجة لبوستات ذي دي ولممارسة النقد الفني
وياسفيان لو وضعت بطريقة كانت حتكون مقبولة جدا وحسع انت
وضعت نفسك ذي العندك راي فى نسرين وفى الشايقية عموما ,ويااخى
مالو لو اثبتت انها من منطقة حميد او قريبتو دا ما شرف ليها ,وطيب لو حافظة
شعر حميد مالو وبتقراها واين الطفولة فى ذلك ؟
والله انا شاييف وقد يتفق معى كثيرون ان الاستاذة نسرين كانت موفقة وكانت اريحية
ولذا كانت الحلقة ناجحة جدا وفعلا استمتعنا كثير بهذا الثلاثى مصطفى -حميد -نسرين
التحية والخلود لهم جميعا ,ولقد ظلمتها كثيرا يا سفيان وياريت لو تعتذر عن ظلمك لها
وانت بترى فى مقدمات البرامج فى النيل الازرق من هى انسب من نسرين النمر ؟
ولك الشكر متوكل
صابر عابدين
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: صابر عابدين)
|
شكرا يا متولي والعيد مبارك عليك عليكم سبقتني
بهذا الخيط لهذا البرنامج الذي اضاف للعيد
ما غيرت وراك الجته ولا بدلت ملامح صوتي
ما غافلني وهادن فني
هو حميد زاتو
الإنسان البسيط
حميد
ياخرطوم وينك وينك؟
يا خرطوم مين هبه وقلبك
سلبك حلبك نوبتك زنجك عربك
حميد
النخله في الليل البهيم
وحيدا بتقاسي الرياح
فارس يدارق في الرماح
لا انه لا رمى للسلاح
لا خان بصيرتو الانتباه
حميد
السرة بت عوض الكريم
مره لا بتلاوز لا بتخاف
زي الضفاف
الماب تهاب
ضنب التماسيح والكلاب
حميد وهو يحلم بأغني البكره
لاها تمني ولا ممنوعة
وإلى حين عودة متمهلة
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: Mohamed Abdelgaleel)
|
Quote: وياسفيان لو وضعت بطريقة كانت حتكون مقبولة جدا وحسع انت
وضعت نفسك ذي العندك راي فى نسرين وفى الشايقية عموما ,ويااخى
مالو لو اثبتت انها من منطقة حميد او قريبتو دا ما شرف ليها ,وطيب لو حافظة
شعر حميد مالو وبتقراها واين الطفولة فى ذلك ؟
والله انا شاييف وقد يتفق معى كثيرون ان الاستاذة نسرين كانت موفقة وكانت اريحية
|
اووووو صديقي دكتور صابر عابدين
سلامات وعيدك سعيد
شوف يا صابر انا كلامى الفوق محدد و واضح و ماقلته عندى رآي في الشايقية
قلته نسرين حرصت انها تورينا انها شايقية و انها قريبة حميد (لانو ببساطة
كل خلق الله عارفين حميد شايقي) و قصدي واضح انو نحنا ما بهمنا انها قريبتو
او بت اهلو بهمنا انو وكت البرنامج دا يكون فى مفيد و تغتنم الفرصة في حوار
و اسئلة تطلع بيها بافادات مفيدة من الأستاذ حميد بدل ما تضيع وكتنا و وكت
البرنامج في قصص ما منها فايدة ، إي ما عندى مشكلة انها تتبت انها من منطقة
حميد لكن تمشي تتبتها برا زمنا وزمن البرنامج يا صابر لانو الناس ليها سنين
عديده منتظرة برنامج زى دا فما تضيع لينا دقائق في قصة ميته ساااكت !!!
طيب لو هي اصلا ممكن تحفظ شعر حميد وتجي تقرأ لينا في حضور حميد يا صابر عابدين
شِن فايدة حضور حميد ياخ!!!؟ جايباهو فى للقاء تلفزيونى عشان هى تقرأ ليهو شعرو
يعني!!!؟ مالك كيف تحكم يا صديقي !!!؟
اها جنس مقاطعته لحميد و طنيش حميد ليها ومواصلتو فى الكلام بدلل على انو نسرين
النمر ضيعت فرصة عمرها في اللقاء دا لانو واضح انو حميد كان عايز يحكى و يسترسل
في الكلام كتيييير جداً بس ما لقى الفرصة !!!! عليك الله تاااانى شوف الحلقة دى ولاحظ
حميد بيتكلم ونسرين بتقاطع و هو برضو بيصر و يواصل فى الكلام لاحظ للحركة دى اتكررت
كم مرة عليك دينك .
دا الخلينى اقول انها فشلت في الحلقة دى و كان ممكن نيشوفوا زولة تانية مناسبة
منو هي أنا ما عارف بس نسرين في الحلقة دى فشلت تماااام .
لك المحبة يا صاحبي .
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: صابر عابدين)
|
اخي صابر عابدين
لك الشكر وعيد سعيد
فعلا انا معاك في ان المذيعة نسرين النمر رغم مقطاعتها لحميد لانو انحنا كنا نمني النفس بالاستماع الي حميد الا انها يحمد لها سعيها لاستضافة حميد والذهاب اليه في منطقته واصرار حميد علي التسجيل في الاستوديو فقد كانت عند حسن ظن الكثير من متابعي الحلقة وكانت موفقة الي حدكبير
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: قيقراوي)
|
حلقة حميد في العيد كانت إبانة لا تقبل التأويل
لكثير من الغبشة العالقة .. وكانت نسرين النمر
المقدمة الصاح لتعبيء مع حميد ساعتين ضبطتـــا
المزاج العام وجعلتا للعيد لونا ورائحة .. فقد
بدأ حميد بالتذكير بغناء السلام ضد الحرب عشـان
نطيب للعازه خاطر .. ثم جاءت إختياراته للمقاطع
التي قرأها من بقراره أو بطلب من نسرين في صميم
إكتمال لوحة الحلقة التي عبقها صوت الراحل المقيم
مصطفى سيدأحمد بـ نوره .. آه والفنان الضيف الآخر
الرائع حد الروعة.
كان حديث حميد حول التشاكس السرمدي بين المبدع
والسلطةولو جاز للإنسان أن يسأل .. فسأقول:
هل يظل المبدع مبدعاً إن ترك قضايا الجماهير وانحاز
للسلطة؟! فضمير المبدع يحصنه ضد الإنحراف بكل أشكاله
شكرا نسرين النمر، وشكرا حميد ما قصرتو معانا تب
فقد كنا بحاجة ماسة لمثل لقائكم في النيل الأزرق
أول أيام العيد لخلق الوطن الإفتراضي الذي لا تغشاه
الهزائم.
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: Mutwali Malik)
|
سوقني معاك يا حمام
سوقني معاك يالحمام
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
بهذا النيل كم تغايا
وتيرابا النرميهو قام
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام
درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
بطانة الشيطان قديمِة
وبعد دا منو العرشو دام
إذا الإنسان ما لو قيمِة
علي إيش خلَّفُو سام وحام
تعالوا الدم ما هو مويةِ
تعالوا نحانن بعضنا
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
بساطه أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام
ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام
حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
فلاحة العالم تعمر
محبّة مودة ووئام
يقص الايد التدمر
تشمِّر ساعد السلام
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام
حميد
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: Mutwali Malik)
|
طبعاً كلنا متابعين الإعادة
و لسه أنا مصر أنو نسرين
اضعف حلقة في الحلقة دى
واضاعت فرصة عمرها فى حوار
قامة زي حميد .
و تابعوا مقاطعته و عجلتها
لاظهار انها تعرف عن حميد
الكتير فواصلة مقاطعته
اكتر من مرات ومرات كما
انها مافي إي فرق بينها
وبين عمر الجزلى أو حسين
خوجلي أو السر قدور لما
يطلبوا بمذاجهم أن يسمعوا
أغنية محدده تعجبهم هم
فيطلبوها هكذا عملت حين
طلبت تسمع ست الدار فاعتذر
حميد فاصرت أن تسمعها حتى
لو تحضر له لاحقاً وتسمعها
هذه الأشياء تذهب بالحوارات
و تنسفها نهائى لكن ماذا
نقول وماذا نفعل هولاء هم
مذيعي و مذيعات بلادنا الذين
يطلونا علينا دون تدريب .
معليش يا جماعة لكن الكلام البيحصل دا ما مقبول
و ما بقدر امررو ساااكت كدا عشان أنا بحب حميد
او لانى فرحته جاء في تلفزيون الأنقاذ.
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: مامون أحمد إبراهيم)
|
هزى سعن البينا كنك!!!!!!!!!!!!!!!
اذا كان العكار من طين كمان من طين يجى الرواق!!
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام؟؟
كل عبارة من اشارات حميد الغميسه تحتاج لمؤتمر كامل
التحيه لحميد المبدع ولنسرين النمر التى ما استطاعت
ان تخفى انتماؤها هى وحميد لذات المنطقه واحتفائها بحميد
بان تملكتها نشوى تكاد تنطق وهى تردد معه بعض ابيات
قصائده بفرح طفولى وحق لها فسيرة حميد تطربنا كلنا
ونشعر بذات الفخر لان حميد صديقنا،،،
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: صديق الموج)
|
معاك يا سفيان..
أفسدت نسرين النمر اللقاء تماما على الكثيرين بالمقاطعة..
أنا فضلت إغلاق التلفزيون.. متمنية ان اجد مقاطع متفرقّة للحلقة لا أسمع فيها نسرين كل ثانيتين..
المشكلة يا سفيان انه البقية زيها وربما اسوأ..
عدم دراية وتسرّع..
عندما يستضاف مبدع حقيقي .. خاصة كقامة حميد وتفرده.. يجب ان تكون هناك حصافة في الحوار..
لترك المبدع في حاله .. ليسترسل ويروي ظمأ المشاهد الذي أصيب بسوء تغذية وجدانية من سخف ما تأتي به شاشاتنا..
كانت هذه فرصة توثيقية غاية في الأهمية.. تحولت بقدرة قادرة لفرصة للفح كلام وختفه من خشم الضيف..
مرارا وتكرارا.
____
Quote: ولنسرين النمر التى ما استطاعت
ان تخفى انتماؤها هى وحميد لذات المنطقه واحتفائها بحميد
بان تملكتها نشوى تكاد تنطق وهى تردد معه بعض ابيات
قصائده بفرح طفولى وحق لها |
حق لها.. اخي الموج.. ربما إذا استضافت حميد في بطن بيتها..
لكن على جهاز إعلامي.. المهنية تحتّم إدارة الحوار بصورة أكثر ذكاء وضبط للإنفعال..
معليش.. فهذا لا يدرسونه لهم في مبنى تلفزيون أمدرمان والأزرق..
يا لتدني المعايير!
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: عمر عبد الله فضل المولى)
|
Quote:
Quote: ولنسرين النمر التى ما استطاعت
ان تخفى انتماؤها هى وحميد لذات المنطقه واحتفائها بحميد
بان تملكتها نشوى تكاد تنطق وهى تردد معه بعض ابيات
قصائده بفرح طفولى وحق لها
حق لها.. اخي الموج.. ربما إذا استضافت حميد في بطن بيتها..
لكن على جهاز إعلامي.. المهنية تحتّم إدارة الحوار بصورة أكثر ذكاء وضبط للإنفعال..
معليش.. فهذا لا يدرسونه لهم في مبنى تلفزيون أمدرمان والأزرق..
يا لتدني المعايير! |
سلام يا صديق الموج وتحياتي
الحمد لله الأخت نجوان ردت
بالضبط الرد الكنت عايز اقولوا
و بحذافيره .
سلامات يا نجوان وتحياتى و اتفق معك في كل نقطة
كتبتيها و ازيد انو نسرين ضيعت على نفسها فرصة
تاريخية .
| |
|
|
|
|
|
|
|
|
|
Re: بكي حميد فابكانا - تعظيم سلام نسرين النمر (Re: عمر عبد الله فضل المولى)
|
هو حميد ذاته ...
وكما قال ود بادي ...
(وياني حِمّيد القديِّم ...
علا بس فاقد حجابي وراح سواري ...)
أكثر ما يشدني فيه ... عفويته ... وتلقائيته ... وبساطته ...
وذلك الشجن الغريب الذي يتوشحه ...
وأرجوكم لا تقسوا على نسرين النمر ... فهي تقدم أفضل الممكن ...
في وطن المستحيل ... وتجربتها تعد قليلة بحساب تجارب الإعلام عموماً
وأظنها يمكن أن تستفيد من نقدكم .... فلا تنسوا أن منبركم هذا
مثل صائح الأتراح في أرياف الشمال ... يحمل الخبر في ضحوية من مروي
إلى كريمة ...
أما مصطفى ...
فهو شليلنا الذي راح ...
| |
|
|
|
|
|
|
| |
Mutwali Malik
wadalzain
باسط المكي
سفيان بشير نابرى
فتحي الصديق
abdelrahim abayazid
Mohamed Abdelgaleel
إبراهيم عبد الحليم
Siddig A. Omer
قيقراوي
نورالدين الفحل
مامون أحمد إبراهيم
صديق الموج
نجوان
عمر عبد الله فضل المولى
عبد الباقي الجيلي
احمد محمد بشير
فيس بوك
تويتر
انستقرام
يوتيوب
بنتيريست