|
Re: هدية للعريبي المسيخيت الطيب ود شيقوق! (Re: Abdlaziz Eisa)
|
الناظر ود هباني
البركة المرقت لينا برة من السياسة
والله الناس دى كولها حتى الحمام بسألوا بقولوا عايزين يشوفوا ود هباني مرة واحدة بس برة السياسة
عليك النبي سلمنى المسنوحة بت شرف الدين الجات متلهمة البوست عمياء وطرشاء عشان يوريها ليك النجم بالنهار .
انا يا اخوى هسع مشنق الطاقية في الهامة وبعرض في ناس ود البناء والفرجوني
دحين يا هشام اخوى البنية الفي اليوتيوب الاول فوق داك شايفة بتضحك مع الدوبيت - دحين بتكون ناقشة حاجة ولا زى بت ناس بيومي الخربت برنامج بوادينا ؟
| |
|
|
|
|
|
|
Re: هدية للعريبي المسيخيت الطيب ود شيقوق! (Re: الطيب شيقوق)
|
العزيز ود شيقوق
تحياتي ورمضان كريم
ات دحين يا الغبيان قايل اخوك ود هباني ده زول بندر ساكت ما يغشك الاسم (هشام) ده وعلى الحرام مو عاجبني لكن الله اسامح ابوي.. وبعدين السياسة دي شعرا ما عندنا ليهو عنقرة لكن مرة مرة بنحاول مع التربالة نجادع فيها..وكمان .يا زول نحن ناس بادية ودوبيت وكنا صغار بنسك ( التعليمة والقيلة) ونعضى العقرب في شوكتها وقنصنا للارنب وسط المرخ والطندب واللعوت والتمام واكلنا حتى الورل وكديس الخلا ودودرنا القدالي والغباشي والكحالي والهر وبراق عجينة و(خاله خالة) والدباس والبلوم وام بعيرة وام قيردون واحمر قطان وقدوم احمر واكلنا ( ام مارغيو) من قعر اللعوت.... واكان للدوبيت تعال يا زول نتجادع في منبر الله ده شان نوريك الدوبيت الجد الجد!
ابقى عافية
| |
|
|
|
|
|
|
Re: هدية للعريبي المسيخيت الطيب ود شيقوق! (Re: هشام هباني)
|
الناظر ود هباني
Quote: ات دحين يا الغبيان قايل اخوك ود هباني ده زول بندر ساكت ما يغشك الاسم (هشام) ده وعلى الحرام مو عاجبني لكن الله اسامح ابوي.. وبعدين السياسة دي شعرا ما عندنا ليهو عنقرة لكن مرة مرة بنحاول مع التربالة نجادع فيها..وكمان .يا زول نحن ناس بادية ودوبيت وكنا صغار بنسك ( التعليمة والقيلة) ونعضى العقرب في شوكتها وقنصنا للارنب وسط المرخ والطندب واللعوت والتمام واكلنا حتى الورل وكديس الخلا ودودرنا القدالي والغباشي والكحالي والهر وبراق عجينة و(خاله خالة) والدباس والبلوم وام بعيرة وام قيردون واحمر قطان وقدوم احمر واكلنا ( ام مارغيو) من قعر اللعوت.... واكان للدوبيت تعال يا زول نتجادع في منبر الله ده شان نوريك الدوبيت الجد الجد! |
إيمين من شدة كلامك دا ما كيفني قريتو عدة مرات وفكرت اعمل ليهو برنت آوت واعلقو في الامينة حقت بيتي كمان
جاييك بالمهلة بس اوعاك من قرش ( بفتح القاف وكسر الراء) عضم الورل امانة ما يخليك تتوحوح زى ......
وجاييك لكل مفردة وردت في هذه المداخلة الجميلة
ياخ انت الكلام دا كنت داسيهو وين يا مسنووووووووح؟
قلت لي ( القيلة؟) شكيت محنك
يعني بتعرف الصريف صاح؟
يعني بتعرف الحبيان بالركب؟
يعني بتعرف تتكرّف ال .... رة ؟
| |
|
|
|
|
|
|
Re: هدية للعريبي المسيخيت الطيب ود شيقوق! (Re: الطيب شيقوق)
|
Quote: قلت لي ( القيلة؟) شكيت محنك
يعني بتعرف الصريف صاح؟
يعني بتعرف الحبيان بالركب؟
يعني بتعرف تتكرّف ال .... رة ؟ |
ده كل يا المسينيح عندنا.....................وان شاء الله بتعرف سرقة الطهور وشكلك كده يا المسينيح بكديراتك ديل بتكون (سرقت) ليك عنقريب ولا بنبر ولا حلة ملاح في طهور التوم ود الدعوكي وكيفن دحين شعقيبتكم ! نحن في طهور خالا ا لينا بحكوا لينا اخوانا الكبار انهم سرقوا يوم طهورو شويفعا نايم ممسح في عنقريبو من بيت اهلو وجروا بيهو لبيت الطهور بالليل داك وامو ضربت السكاليب وما كانت مصدقة انو وليدات الطهور سرقوا وليدها ( فيصل) والذي تم اطلاق سراحه من بيت الطهور بفت فريني ( ام قرشين) والشويفع الانسرق ده صديق عزيز لي وهو قريبي وان شاء الله عندكم ( العادة ديك ولا جدادة) و( هرا ود المرة)!
| |
|
|
|
|
|
|
Re: هدية للعريبي المسيخيت الطيب ود شيقوق! (Re: هشام هباني)
|
ود هباني
Quote: ده كل يا المسينيح عندنا.....................وان شاء الله بتعرف سرقة الطهور وشكلك كده يا المسينيح بكديراتك ديل بتكون (سرقت) ليك عنقريب ولا بنبر ولا حلة ملاح في طهور التوم ود الدعوكي وكيفن دحين شعقيبتكم ! |
هههههههههههههههههههههها انا كنت معروف ومتخصص بس في السحارات ، اقوم اتلبّد ليك بالصريف اخلي ليك نامن الواحدة تشيل كويرتا النعومة متروسة رز لاقرب نفساء ، واروح معاقبا ليك واتلهم السحارة اول حاجة اقوم اخمش ليك من الحاجة الشالوها في نعومة للنفساء - انقر بوصلها اولاد الطهور؟ عييييييك اشوف بيها اقرب طرف مطمورة واصنغر بيها آكل زيييييين واجدع الحلة في طرف المطمورة ومحل رهيفة تنقد .
امانة القنيص ما عندكم .
السفروق عندكم برضو؟
| |
|
|
|
|
|
|
|