|
|
 أعود الى المنبر هذه المرة لأبشّر بالعرس !!
|
هواجس التقدم في السن لا تبرح تراودني... وبصراحة شديدة كانت أحد الأسباب التي دفعتني (فجأة) للزواج بعد تردد دام سنينا عددا..بعد أن تزوج جميع الأصحاب وأبناء الدفعة وأنجبوا البنين والبنات.
في ليلة العمر... كنت بيني وبين نفسي أعلم إنني أتزوج على كبر..وأعلم ان من بين المهنئين من يقول في نفسه( بالله شوف دا بعد شاب دخلو الكتاب,,,
ومع ذلك..حاولت في هذه الليلة المميزة ان أطرد هواجس التقدم في العمر وأن أصبغ عرسي بصبغة شبابية...ظاهريا لم أجد صعوبة كبيرة في ذلك حيث إنني من النوع (الحجيري) أي الذي لا تعكس ملامحه عمره الحقيقي ومع قصة شعر شبابية وبدلة سوداء وشوية كحل(أي والله الكحل الواحد دا) بدوت في ليلتي عريسا شابا يافعا ...ومرت الامور بسلام واقيمت الافراح والليالي الملاح (بحلة ود العقيد) حتى صدقت الكذبة التي أطلقتها وطفقت أرقص مثل الطيرا فرحا في رياض العاشقين والمغني الذي استجلبته يجاريني في كذبتي و يصدح (جاهل صغير مغرور في أحلام صباهو ...وعريسنا يا ود السرور جبت الشيلة والرفدور ) ويستطرد في أغانيه ممجدا شخصي الشاب الوسيم...حتى خيل اليّ انه يتحدث عن شخص آخر وليس شخصي الضعيف الذي اعرفه اكثر من جوع بطني..
في غمرة هذه المشاعر الشبابية لمحت كهلا أحدبا يبدو في منتصف الخمسينات قصير القامة مكرمش الملامح أشيب أشعث أغبر بفعل السنوات الطويلة التي لا شك مرت على وجوده في هذه الدنيا ...لمحته يحاول ان يشق طريقا وسط الزحام الى العريس الفرحان الذي هو أنا ليعبر لي عن مشاعره في ليلتي هذه,قلت في نفسي يا الله ..انظروا الى هذا الكهل... لعله أحد الأعمام لأقترب منه فلا استطاعة لهذا الشايب لمدافرة ومعافرة الجكس المحيط بي .دنوت منه... فعانقني بقوة ثم فتح فما قد خلا تقريبا من الأسنان ولغلغ بكلام فهمت منه انه يبارك لي ,,,تمتمت ...الله يبارك فيك يا حاج ..تمعنت في ملامحه عن قرب فلم يبدو لي انني قد رأيته من قبل,,يا للذاكرة الخربة عشر سنوات في الغربة جعلتني أنسى أقرب الناس,,لا بد ان هذا العم من الاقارب او الجيران وإلا لما تكبد عناء السهر وجاء ليشاركني في فرحتي,,ولكن من يكون ...قطع العم أفكاري- التي يبدو انها قرأها- بأن جذبني يدي الناعمة مرة أخرى بيده( الحرشة ) مثل زردية قديمة مصدية ولغلغ في أذني بذات الفم الخالي تقريبا من الأسنان...انت ما عرفتني يا عريس والا شنو؟!!! قالها وهو ينظر اليّ وإبتسامة توحي بكثير من الثقة والثبات تكسو شفتيه..ويبدو انه قرر إلا يرحل إلا بعد ان يعرفني بنفسه فقد تأبط عصا كان يحملها وأخذ يصفق بكفية ويتمايل بشتارة واضحة مع الموسيقى الصاخبة المنبعثة في الارجاء ..يا الله من يكون... من يكون...فجأة لمعت صورته في ذهني ..تذكرته ..كنا نراه ونحن أطفال راكبا حماره الأخدر رائحا وغاديا في شوارع البلدة..نعم... انه العم عوض السيد ..كيف نسيته؟ !!
لم يتغير كثيرا ..ذات الفم الخالي من الأسنان وذات الهيئة القديمة..هتفت بنشوة المنتصر ...كيف ما عرفتك يا عم عوض السيد!!
توقف (العم) وأخذت ابتسامته تتلاشي ..وانسحب وهو ينظر اليّ نظرة لعلها شزرة ..(لا اعرف ما هي النظرة الشزرة ولكنها تبدو شيئا كنظرة ذلك الرجل)..ولكن ماذا به؟ وما باله إنسحب هكذا,,نظرت الى من كانوا يتابعون ذلك الحوار من المهنئين فوجدت ذات النظرة الشزرة في عيونهم....الله!!؟...الحاصل شنو...همس أحد اشقائي في أذني ..يا زول عمك عوض السيد الله يرحمو مات ليهو سنين...والزول دا ولدو ربيع!!...كان صاحبك زماااااااااااان وقرا معاك زمان في الابتدائي !!!
دا قرأ معاي أنا ..دا ربيع زميلي...يا حول الله......لا أستطيع ان اقول اكثر من ان (العم ربيع) قد أفسد بعض ليلتي وأيقظ فيّ هواجس نجحت في كبحها لبعض الوقت في ليلة العمر,,, بحمد الله تعالى لم تفهم العروس شيئا من الدراما التي حدثت أمامها للتو...والا لطبّت ساكتة...ومن يومها وأنا أتحاشى معظم (الأعمام) الذين درسوا معي المرحلتين الإبتدائية والمتوسطة في (حلة ود العقيد).
|
|
 
|
|
|
|
|
|
|
 Re: أعود الى المنبر هذه المرة لأبشّر بالعرس !! (Re: معاذ حسن)
|
| Quote: همس أحد اشقائي في أذني ..يا زول عمك عوض السيد الله يرحمو مات ليهو سنين...والزول دا ولدو ربيع!!...كان صاحبك زماااااااااااان وقرا معاك زمان في الابتدائي !!! |
..  .. | Quote: ومن يومها وأنا أتحاشى معظم (الأعمام) الذين درسوا معي المرحلتين الإبتدائية والمتوسطة في (حلة ود العقيد). |
.. والله يا معاذ عليك شتارة عجيبة خلاص .. طريقتك دي جهجهت بيها الزول دا .. تلقاهو كره اليوم الجا فيهو العرس دا زاتووو ..
تعرف يا معاذ الاسئلة الهنا في البلد دي براهـا ممكن تعجل ليك بالعرس .. يا كمان تكون دغيل وبتعرف تمشي امورك ..
يعني الهنود والبنغلاديش اهم حاجة الواحد يسالك ..
سديق إنت في (جواج) ؟؟ 
تقوليهو ايوة في جواج ..
في بزورة ..؟
تقوليهو ايوة في بزورة ..
إنت مدام سوا سوا هنا في ..؟
ايوة هنا في ..
عليك الله لاحظ لي كمية الاسئلة دي كلها لو ما كنت متزوج تتخارج منها كيف لو ما كنت حاوي ..؟
تعرف انا مشيتي السودان دي .. في ناس ما عرفتهم لا بي الاسم ولا بي الشكل .. من ضمنهم واحد درس معاي الابتدائي .. وكان من اعز اصحابي .. وكنا بنلعب في فريق المدرسة .. لقيتو في مناسبة زواج ود جيرانـا .. جا سلم علي شديد جدا .. قدرما عاينت ليهو .. غلبني .. بعد الحفلة انتهت .. سالت أخوى الصغير ياخ الزول اللابس كدا داك اسمو منو ..؟
قالي ياخ دا ما بكري .. 
اها انا كنت اشجع منك .. تاني يوم طوالي مشيت ليك عليهو في البيت .. وعملت زي بعرفو لي مية سنـة وحكيت ليهو عن الحفلة وكيف كانت سمحة والمقارنة بين حفلات هنا وحفلات المهجــر ..
| |
|
|
|
|
|
|
|
|
 Re: أعود الى المنبر هذه المرة لأبشّر بالعرس !! (Re: معاذ حسن)
|
Quote: تعرف انا مشيتي السودان دي .. في ناس ما عرفتهم لا بي الاسم ولا بي الشكل .. من ضمنهم واحد درس معاي الابتدائي .. وكان من اعز اصحابي .. وكنا بنلعب في فريق المدرسة .. لقيتو في مناسبة زواج ود جيرانـا .. جا سلم علي شديد جدا .. قدرما عاينت ليهو .. غلبني .. بعد الحفلة انتهت .. سالت أخوى الصغير ياخ الزول اللابس كدا داك اسمو منو ..؟
قالي ياخ دا ما بكري .. |
العريس تمبسكو ,,
انت اخير مني شوية
تعرف انا لو قعدت بعد الحفلة أسأل عن كل من لم أعرف
عايز لي يوم كااامل
تعرف في نواحينا تلك
يشيب الناس ويكبرون قبل الاوان,,نحن صغار والله بس الزمن جار على زملائنا الفلاحين,,
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: الصادق ضرار)
|
Quote: تقوليهو ايوة في جواج ..
في بزورة ..؟
تقوليهو ايوة في بزورة ..
إنت مدام سوا سوا هنا في ..؟
ايوة هنا في . |
لووووووووووووووووووووووووووووووووول تمبس
عارف بزورة دي ما كنت عارفه معناه شنو لانه سمعت بيها فى السعودية بس
اها فى واحده كانت جنبي فى المدينة سألتني عندك بزورة ؟
قلت ليها لا
وجنبي كان مؤيد وآية
قالت لي طيب ديل بزورة منو ؟ اخوك ولا اختك؟؟؟
آية ضحكت وفهمتها قالت لي بتقصد عندك اولاد؟؟ لوووووووووووول
معاذ عريس الهنا ازيك
مالك يا بوي خالع البنية بعدما اتورطت ؟ لوووووووووووووووووووووول
والله يا معاذ عمك اب سنون ما ضحكني زي ما ضحكتني حالتك انت
ياخ ربنا يهنيك ويسعدك ان شاء الله
بعدين بنيتنا دي قول ليها سوما قالت ليك اخير ليك عريسنا العاااااااااااااقل ده من شفع الزمن الشتر البطلقوا فى الحفلة
سلامي واحترامي ليها بالله ربنا يسعدكم ان شاء الله
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: طارق جبريل)
|
معاذ
يا حبوب :
بزاف مشتاقين
الترابلة ديل مساكين يشيخوا مبكرا والهم والمغسة من
الحصاد البشيلو الغول ، وضيق ذات اليد والرجل زاتو
شنو الما بخليهم يشيخو
تلاقي الواحد منهم تحن على حالك قبل تحن عليهو
لانو قطع أشواط في البؤس والفقر
عموما البنية ما تخلعيها ساي
وطمنا انك زول صغير بس ما حنكوش
ما خايلة وكدا
عموما أنا سعيد بعودتك
ومنتظر الكثير عن التجربة دي
امكن نعملها
بهاء
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: اسماء الجنيد)
|
Quote: اها فى واحده كانت جنبي فى المدينة سألتني عندك بزورة ؟
قلت ليها لا
|
أنا واحد سألني نفس السؤال (عندك بزوره؟)
اديتو (تسالى) تصادف اني كنت اقزقر به ههههههههه
Quote:
بعدين بنيتنا دي قول ليها سوما قالت ليك اخير ليك عريسنا العاااااااااااااقل ده من شفع الزمن الشتر البطلقوا فى الحفلة
|
الله ينور عليك يا سوما
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: عاطف عمر)
|
| Quote: والمغني الذي استجلبته يجاريني في كذبتي و يصدح (جاهل صغير مغرور في أحلام صباهو ...وعريسنا يا ود السرور جبت الشيلة والرفدور ) ويستطرد في أغانيه ممجدا شخصي الشاب الوسيم...حتى خيل اليّ انه يتحدث عن شخص آخر وليس شخصي الضعيف |
| Quote: فعانقني بقوة ثم فتح فما قد خلا تقريبا من الأسنان |
| Quote: دا قرأ معاي أنا ..دا ربيع زميلي...يا حول الله.... |
هههههههههههه.. بس العروسة ما تقرا الكلام ده .. لكن زي ما قالت سومة العريس المتقدم في العمر افضل من الشباب الطايش البطلقوا في الحفلة
الف مبروك .. بيت مال و عيال و ربنا يهنيكم
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: شول اشوانق دينق)
|
| Quote: في غمرة هذه المشاعر الشبابية لمحت كهلا أحدبا يبدو في منتصف الخمسينات قصير القامة مكرمش الملامح أشيب أشعث أغبر بفعل السنوات الطويلة التي لا شك مرت على وجوده في هذه الدنيا ...لمحته يحاول ان يشق طريقا وسط الزحام الى العريس الفرحان الذي هو أنا ليعبر لي عن مشاعره في ليلتي هذه,قلت في نفسي يا الله ..انظروا الى هذا الكهل |
ياخ للدرجة دي حقرتو بينا أنا وحسن الشايقي؟؟
ياخ انت لازم تمشي تاخد كورس في مصلحة الأحصاء وبعدين تجي تهردمنا بالشكل دا؟؟
اسه شفتني مرة شايل لي عصاية ولا قاعد أتوكأ؟؟
انت بالطريقة دي كدا قاعد تطفش الناس موش قاعد تبشر بالعرس!!
قال كهل قال؟؟
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: معاذ حسن)
|
ابشر ياعريس
الف مبروك والله اهم حاجة انك عرست ومشكلة الكبر مش يوم العرس المشكلة بعد العرس لووولز
ماتمشي بعيد قصدي شيل القفة
لانو عندنا واحد معرفة من بعيد عايز يشيل قفتين ماقدر بلع حبة منشطة شالوهو هو والقفتين القفتين مشت البيت وهو مشى الحوادث كااااااااااااك
بيت مال وعيال ان شاء الله طالما انت بهذه الروح فان الشاب معاذ زاتووو
تحياتي
زاتوووو
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: ALZOLZATOO)
|
Quote: صديقي عبد اللطيف
شنو الصلبته دي؟؟
احمد الشايقي متييييين بقي دفعتك
صغير وجاهل |
غايتو يا (متر) معناها اولاد دفعتك صحي كدا مهردمين:
انت كمان لا سنون لا عيون؟؟؟
قلنا حسن الشايقي : موش أحمد الشايقي!!!
=
حسن أعفي لينا ياخ ، اتشابحونا الشباب ديل مرة الكونت مواليد 1980
ومرة العريس معاذ حسن وإسمك دايم حاضر في هذه المحاكمات يا (شيخ حسن)!!
احجز ليك الأردن وأريحهم؟؟؟؟؟هههههههههههه
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: اسماء الجنيد)
|
الأخ معاذ ألف مبروك مره ثانيه وبيت مال وعيال
تخريمه :
طبعا للماعافين معاذ وهو زميل دراسه هو ابنا الثمانينات او قبلها بعام او عامين
ياخي ماتعمل لينا عقد نفسيه لانو نحن اكبر منك ولسه في عز الشباب ومامتزوجين داير تخرب سوقنا مالك ؟
أتصل بي قبل ايام نسيبي من السعوديه وسألني عن الزواج واشوف واحده رومانيه وانا طبعا قلت ليه ياخي انا لو اتزوجت الرومانيه خلاص قفلنا الباب امامنا ومافي واحده بترضي بينا
قال لي :أنا متزوج أختك دي لي كم سنه ؟قلته ليه 31 سنه
قال لي :واسي لو مشيت طلبت اي واحده في عمر ال18 او العشرين بيدوني ليها والله لا ؟قلت ليه أكيد حايدوك قال لي طيب انتي راجي شنو شوف الرومانيه وبعد داك تعال ثني في السودان
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: عثمان محمد كرار)
|
| Quote: طيب انتي راجي شنو شوف الرومانيه |
الصديق وابن الدفعة دكتور عثمان
يا اخوي رومية والا بطرية
الحق روحك يا مان
تعرف قدر ما اسعل من ولد والا بنت من الناس الما عرفتهم
يطلع ولد واحد من اولاد الدفعة,,
أها في عز الحفلة نط شاب تقريا في الطمنطاشر من العمر
وعمل شكلة وقرب يفرتك الحفلة
الجنا بقا لي مو غريب علي سالت دا ود منو؟
طلع ولد زمينا ابن الدفعة ياسر ودالبصير,,
أما الحريم القرن معانا في البتدائي
عليك امان الله بقت حبوبات كبااااااااار
| |
|
|
|
|
|
|
|
|
|
Re: أعود الى المنبر هذه المرة لأبشّر بالعرس !! (Re: معاذ حسن)
|
Quote: شول يا صديقي القديم
مشتاقووووووووون
شكرا وعقبالك والا عرست؟؟ |
لا يا مان
راجيكم لامن تكركبوا وتبقو عجائز وبعد داك نعرس
الاعمام البينكتبو في قصة مشابهة زي دي ناس منو
_____________
كل ما اشوف إسمك بتذكر بوست كوانج كواج الزمااااان داك وترجمتك القردية ديك
| |
|
|
|
|
|
|
| |
معاذ حسن
محمد عبد الماجد الصايم
osman abdala
tmbis
محمد فرح
أحمد الشايقي
EMU إيمو
خالد عبد الله محمود
علاء الدين محمد بابكر
الصادق ضرار
اسماء الجنيد
شرفى عبدالقادر
ابو جهينة
احمد التجانى احمد
Ashraf el-Halabi
طارق جبريل
عاطف عمر
سناء عبد السيد
MOHAMMED ELSHEIKH
شول اشوانق دينق
ALZOLZATOO
احمد محمد بشير
معتصم محمد صالح
Abdlaziz Eisa
omer abdelsalam
فيس بوك
تويتر
انستقرام
يوتيوب
بنتيريست