|
|
 كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن !!
|
الإخوة الجنوبيون بالمنبر العام
تبث قناة هارموني منذ أيامها الأولى أغنية من أداء فرقة نجوم البالمو,الأغنية من
تراث الجنوب , بعد بحث علمت إن الأغنية عن المناضل الجنوبي دينك اويل وهي بالنسبة للجنوبيين بمثابة أغنية عزة في هواك .وعلمت انه حيثما بثت الأغنية ينخرط الجنوبيون في بكاء مرير من شدة التأثر بكلمات الأغنية, أول مرة تؤدى فيها الأغنية في الخرطوم كانت إبان زيارة وفد الحركة الشعبية الأولى للخرطوم بعد توقيع اتفاقية السلام بقيادة باقام اموم يومها قيل الأغنية اذكت في باقان ورفاقه حماسة هائلة حتى أضحت عيونهم في لون الدم وقيل إن مستقبليهم من جماعة المؤتمر الوطني قد فروا من وجوههم.
أود ما يشدك في الأغنية الإيقاع الحربي المنتظم القوي والكلمات التي (تحس) بقوتها وصرامتها,تؤدي الفرقة الأغنية بغضب شديد ورجولة باذخة,وتلمح رجال غاضبون جدا يلحون بالحراب في وجهك في رقصات حربية عارمة, باختصار بعد سماعك الأغنية تتولد لديك استعداد ورغبة عارمة في الفتك بأعدائك.
في الأيام الأولى ظللت أتسمر لساعات أمام الشاشة في انتظار بث الأغنية,وما أن تبدأ حتى اشعر بآلاف الأشواك تنغرس في جلدي,واجد ملامحي قد تحولت إلى غضب شديد في تلك اللحظات أتمنى لو كان لي فعلا أعداء لانطلق إليهم رافعا حربتي لا ألوى عن شيء.
وبعد أن استمعت للأغنية مرات عديدة بت (اشعر) بأن الأغنية التي ألهبت حماستي هي في الواقع ضدي تماما,وان الكلمات التي انتشلتني من الاستلقاء بخمول تحت المكيف البارد إلى آفاق الفروسية والدواس هي كلمات تلعن سنسفيل أجدادي.
انتظر أن يتطوع احدهم بشرح وتفسير هذه الكلمات عسى أن أتصالح مرة أخرى مع هذه الأغنية التي أتمنى أن أتصالح معها,وسوف احتفظ بتفسيري الخاص إلى حين.
|
|
 
|
|
|
|
|
|
|
 Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
Quote: تقول كلمات المقطع- بحسب ظني)
يا عرب يا خولات
انظروا لهذه الأرض السمراء
هل تشبه سحناتكم الخلاسية؟
اشتموا رائحة هذه الأرض
ستجدونها تحمل رائحتنا
أيها الرعاة الحفاة
لقد جئتم إلى أرضنا تطاردون تيسا شاردا
فاحتويناكم في أرضنا
نحن باقون في هذه الأرض إلى يوم القيامة وما بعد القيامة
(يصدح المؤدي الرئيسي في الفرقة بهذا المقطع وهو يغرس حربته في الأرض)
إذا رأينا أحدكم يهوب ناحيتنا
سوف أهشم رأسه بهذه الحربة
أيها الأعراب الأوباش |
دينااااااااااااااااااااك 
بالغت عديل يا ود حسن.
قطعاً الفى بالك ده ما ياهو مضمون الأغنية.
شول اشوانق
__________________________________________
الأغنية هى عبارة عن مدح من إمراة للسلطان كواج كواج (سلطان منطقة شميل... منطقة قريبة جداً من مدينة أويل حاضرة ولاية بحر الغزال).
لو شلت الصبر هنجيك بالترجمة.
سمح يا حلو?
فدوى قلت لى red bull و baison كمان
| |
|
|
|
|
|
|
|
|
 Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: شول اشوانق دينق)
|
Quote: __________________________________________
قطعاً الفى بالك ده ما ياهو مضمون الأغنية |
شول ,,تحياتي
انت فين من الصبح!!
الجماعة حاصروني حصار كلب في طاحونة
Quote: الأغنية هى عبارة عن مدح من إمراة للسلطان كواج كواج (سلطان منطقة شميل... منطقة قريبة جداً من مدينة أويل حاضرة ولاية بحر الغزال).
لو شلت الصبر هنجيك بالترجمة |
طبعا دا يناقض ما وصلني من معلومة انو الاغنية في مدح مقاتل يدعى دنيق اويل
عموما شكلك عندك فكرة عن الاغنية
في انتظارك بالترجمة وقصة مراة السلطان دي
شكلها حكاية
في انتظارك ,,
,,
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
Quote: يالهوي !!
ياخ دي اغنية سيرة ياخ !! |
معاذ يا حبيب.. مال مكوا..مال اجوك..مال فويندو..جن اثن..
شفت يا معاذ سوء ظنك؟؟
اها البنت ناديه قالت ليك دى الشيخ سيرو بالرطانه..
تخريمه يا ابن جبل وطلاع الثنايا:
قالوا واحد جنوبى اتزوج ،لقى ليك العرس ده كذبه كبيره
وبعدين اتذكر البقر راحت والشغلانه ماجايبه همها.
قعد بره القطيه بتاعتو وبدا يغنى:
دايرين نعرس قالوا جيبو مية بقرة...
جبنا مية بقرة ادونا واحد مرا..
لقينا واحد بقرة اخير من مية مرا..
الجندريات ماتزعلن دى نكته، ينكت راسكن وشحمكن ولحمكن..
لكن برضو احبكن،،،،
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
الأخ معاذ حسن
لك التحية
ضحكت كثيرا من الترجمة والله
تعرف ليه
لانى تذكرت موقف فى اوائل الثمانينات حينما كنت اعمل فى مدينة الرنك وهى بالمناسبة تعتبر شمالية لطبيعتها ولقربها من الشمال فهى شمال الجنوب ورمية حجر من الجبلين ..
المهم فى يوم وانا ماشى فى الشارع لاقانى واحد جنوبى عاين لى بى حقارة شديدة جدا ثم قال لى بعربى مكسر طبعا : شم تراب ده حقك ؟؟؟؟
طبعا اخوك اتخارج بالخطوة السريعة جدا خوفا من ان اسبب مشكلة بين الشمال والجنوب
وذلك قبل المشاكل الاخيرة حالتو .....
عشان كده انا بقول ترجمتك دى معقولة جدا ومنطقية حتى تفسير نزيه ومحايد وعادل ...
فى اغنية سيرة بالشكل ده يا نادية ؟؟؟؟؟
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
Quote: طبعا دا يناقض ما وصلني من معلومة انو الاغنية في مدح مقاتل يدعى دنيق اويل
عموما شكلك عندك فكرة عن الاغنية
في انتظارك بالترجمة وقصة مراة السلطان دي
شكلها حكاية |
أول حاجة المدح كان للسلطان كواج كواج (كواج مييل) وليس عن المقاتل دينق اويل
قبيل انا ذكرت فى مداخلتى الأولى عن إنو المدح السلطان إمراة ولكن فى الحقيقة صاحب المدح ليس إمراة بل رجل (معليش تشابه علينا البقر ).
عزراً للخطا.
الترجمة جاية فى الطريق (ترجمة زول ما محترف ترجمة يعنى بطلوا ضحك و... )
شول اشوانق
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: قرشـــو)
|
اولا خالص الشكر والتقدير للعزيز / شول
الي المدعو ( معاذ حسن ) االيس من الاجدر البحث عن معلومات ومصادر عن الاغنية ومعانيها قبل الخوض واطلاق احكام غير موضوعية وحقيقية عنها ؟
انا مثيانق شريلو يل كواج مثيانق من اسمي يمكن لك ان تلاحظ ان الشخص الذي تتحدث عنه هو ( جدي ) والد والدي وقد استفزني كل ما قلته عن الاغنية ، ساترك امر ترجمة الاغنية ل ( شول ) وساقوم بتقديم حقائق تاريخية عن الاغنية والظرف التاريخي لها .
ولكن قبل ذلك ارجو منك ( الاعتزااااااااااااااااااااااااااااار ) لشخصي ولكل اعضاء المنبر لما كتبته عن السلطان ( كواج ) الذي يعد من رموز الوطن بمعني اخر لكل ما هو غير صحيح فيما اتته فيه لحظة كتابتك عن الاغنية ؟
ساظل مصرا علي موقفي بضرورة ( الاعتزار )
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: مثيانق شريلو)
|
Quote: ولكن قبل ذلك ارجو منك ( الاعتزااااااااااااااااااااااااااااار ) لشخصي ولكل اعضاء المنبر لما كتبته عن السلطان ( كواج ) الذي يعد من رموز الوطن بمعني اخر لكل ما هو غير صحيح فيما اتته فيه لحظة كتابتك عن الاغنية ؟
ساظل مصرا علي موقفي بضرورة ( الاعتزار ) |
الاخ مثيانق شريلو..تحياتي
تعرف اتجاوت مداخلات العالم دي كلها عشان اعتذر ليك
النية سليمة يا حبيب ,واسف جدا لو اذيتك بكلمة من غير قصد.
اعتذاري للرمز الوطني السلطان(كواج) ولحفيده مثيانق وللجميع.
وانا كان ما غبيان البشبكني مع اولاد السلاطين شنو.
بعدين كما انا مدين لك باعتذار انت برضو مدين لي بشكر , لانو كان في التباس انو الاغنية دي عن مقاتل جنوبي يدعى (دينق اويل) والكلام دا نشر في جريدة الصحافةوقراهو الشعب السوداني كلو,حسي من خلال البوست عرفنا عن السلطان (كواج) .
واهم من كدا عرفناك ولد سلطان عشان الناس دي تعمل حسابها.
| Quote: وساقوم بتقديم حقائق تاريخية عن الاغنية والظرف التاريخي لها |
يا مثيانق في انتظارك,,
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
Quote: تعرف اتجاوت مداخلات العالم دي كلها عشان اعتذر ليك
النية سليمة يا حبيب ,واسف جدا لو اذيتك بكلمة من غير قصد.
اعتذاري للرمز الوطني السلطان(كواج) ولحفيده مثيانق وللجميع |
العزيز معاذ حسن
تحياتي يا جميل ..
كالمعتاد تفاجئنا كل مرة بما لا يخطر على بالنا .. منتهى المتعة .. وانا أتابع هذا البوست الأنيق بأناقتك يا لذيذ
هههههههههه
قلت لي الترجمة دي جبتها من وين ..!! يجازي مش محنك بس يجازيك انت زااااتو ...!!
طيب نتكلم جادين شويه
أن تبادر لإعتذار للزميل حفيد السلطان الوطني ذاك لعمري من شيم الأفاضل وأنت منهم برغم ابتداره لحديثه بما لا يجوز طالما أنه حفيد السلطان وكنت أرجوه أن يتخلق بأخلاق السلاطين ولكن للغضب ثوراته فله العتبى ولك مثلها ولنا أن نقول لاااااا فكاك منك وأنت تبهجنا كل مرة بالجديد المبتدع ..!!
ألذ شئ في البوست دا انو خلاني أركز في أغاني اخوانا الجنوبيين بعد أن كنت أمر عليها مرور المسطحين ..!!
معاذ .. انت ود بايسون عدييييييييييل كدا ..
تقديري .. !!
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: شول اشوانق دينق)
|
اولا خالص الشكر والتقدير للعزيز / شول
الي المدعو ( معاذ حسن ) االيس من الاجدر البحث عن معلومات ومصادر عن الاغنية ومعانيها قبل الخوض واطلاق احكام غير موضوعية وحقيقية عنها ؟
انا مثيانق شريلو يل كواج مثيانق من اسمي يمكن لك ان تلاحظ ان الشخص الذي تتحدث عنه هو ( جدي ) والد والدي وقد استفزني كل ما قلته عن الاغنية ، ساترك امر ترجمة الاغنية ل ( شول ) وساقوم بتقديم حقائق تاريخية عن الاغنية والظرف التاريخي لها .
ولكن قبل ذلك ارجو منك ( الاعتزااااااااااااااااااااااااااااار ) لشخصي ولكل اعضاء المنبر لما كتبته عن السلطان ( كواج ) الذي يعد من رموز الوطن بمعني اخر لكل ما هو غير صحيح فيما اتته فيه لحظة كتابتك عن الاغنية ؟
ساظل مصرا علي موقفي بضرورة ( الاعتزار )
في انتظارك يا معاذ
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
| Quote: اولا خالص الشكر والتقدير للعزيز / شول |
ياخ ما احرجتنى عديل كده.
لا شكر على واجب
| Quote: انا مثيانق شريلو يل كواج مثيانق من اسمي يمكن لك ان تلاحظ ان الشخص الذي تتحدث عنه هو ( جدي ) والد والدي وقد استفزني كل ما قلته عن الاغنية ، ساترك امر ترجمة الاغنية ل ( شول ) |
حفيد كواج مييل شخصياً... والله ده سعادة لا توصف
| Quote: وساقوم بتقديم حقائق تاريخية عن الاغنية والظرف التاريخي لها . |
بس! امسك فى ده قوى عشان انا قاعد ليك هنا وداير نسمع الغنا العظيم ده مناسبته شنو عشان انا عندى إعتقادى خاص بى حاوريك ليهو بكل صراحة بس ما قدر حقت ود حسن الشترو ده
Quote: ولكن قبل ذلك ارجو منك ( الاعتزااااااااااااااااااااااااااااار ) لشخصي ولكل اعضاء المنبر لما كتبته عن السلطان ( كواج ) الذي يعد من رموز الوطن بمعني اخر لكل ما هو غير صحيح فيما اتته فيه لحظة كتابتك عن الاغنية ؟
ساظل مصرا علي موقفي بضرورة ( الاعتزار ) |
مثيانق يا اكوماديد الزول ده ما قاصد ... الزول ده بيهظر بس زودها حبتين.
يلا يا معاذ تعال طيب خاطر مثيانق
شول اشوانق
__________________________________________________
بعدين يا مثيانق لو غلطت فى الترجمة وللا كتابة الأغنية صوبنى أخوك ما عندو مشكلة أهو الجماعة ديل يعرفوا عننا شوية OK؟
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: صديق الموج)
|
عزيزي معاذ...
تحية و تعاطف معاك علي سؤ الظن
أولا أنا مت عديل من الضحك علي الموقف الانت إتختيت فيه ومن طريقة وصفك
ومن سؤ ظن الجماعه فيك.. والمحيرني برضوهو كيف كل زول بيقرأ
وبيفسر علي كيفه و الله حاجه جد غريبه؟؟؟؟الغالبيه كدي
هسه شوف كم زول فسر علي كيفه؟
و هسه شيل شيلة الراجيك بالرغم من إنو أنا أحمد ليك فهمك إنو الاغنيه حماسيه
و إجتهادك في إنك تترجم لغة الجسد القريتها مع الموسيقي مع نبرة الصوت و طريقة الإلقاء
أها دي كلها مافي زول شافها وبدو في زرزرتك
ودي ملاحظاتي في سودانيزاونلاين الناس بتقرأ طرف الموضوع بس و بيبدأ الهجوم من أجل السبق
تحياتي و شكرا علي الروح الفكهه
صادق التعاطف والتآزر
مهـــا
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
العزيز مثيانق شريلو..
سلامات وتقدير..
حتى قبل أن يأتي معاذ ويعتذر. لك العتبى إن ظننت أن هذا البوست يمس جدكم العزيز أو يقلل من شأنه.
مثل الآخرين لم أشك للحظة أن: لا علاقة للأغنية بالترجمة المرفقة بتاعت معاذ.
ولأني أتابع ما يكتبه معاذ دائما. فكل كتاباته نفاجا لعوالم أرحب.
فها نحن الآن نتعرف على أغنية حماسية جميلة سنتعرف على معانيها (قريبا من شول)
وستكون فرصة ولا كل الفرص للحديث عن تراثنا المدفون
التحية لروح الجد كوانج..
ودي للكل
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
أشوك لويل أبا ضييل جوبا
إذا قيل الكلام حتى تم إيصاله إلى جوبا (آآآآى جوبا الواحد ده)...
رآن أطيق رآن أطيق ... وآر أيى يوب فينج رض
هذا الإنسان (يقصد السلطان) يحترم ... يضرب الحذاء فى الارض بقوة (يقصد هنا يقف له إنتباه "بتاع العسكر")
آيى يا أطيق فان أكوم
إنها إحترام الحكومة
كواج أشى بين أقو ماج ييج يال
جاء كواج فيتم تحريك السلاح (المقصد هنا عندما يحضر كواج يقوم العسكر بسلام سلاح "ركزوا يا ناس الجيش")
كى يج يال فان جيج ... كى يج يال فان أكوما
يحرك السلاح فى بيت الجيش ... يحرك السلاح فى بيت الحكومة (يقصد سلام السلاح يكون فى الوحدات العسكرية والحكومية)
قو ماج أرييب لوى
هذا التجريك له صوت رهيب
شا بنج مووض إ نآق
سلمت على الريس بالريش (الريش الذى كان يضع على طواقى العسكر "الحرس الجمهورى" زمن الرداء)
نونق شول اليو ثن كى نونق مبيور بن
ليس بها ريشة سوداء كلها ريش بيضاء
رآن أطيق رآن أطيق وآر أيى يوب فينج رض
هذا الإنسان (يقصد السلطان) يحترم ... يضرب الحذاء فى الارض بقوة (يقصد هنا يقف له إنتباه "بتاع العسكر")
وين العرب هنا يا ولدنا
شول اشوانق
___________________________________________
إعتزارك جميل لمثيانق تشكر عليه "ما تشبكو لينا ود السلطان كويس"
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: شول اشوانق دينق)
|
العزيز ميثيانق
تحياتي,,
اعتذاري نزل بعد مداخلتك مباشرة ويبدو انك لم تطلع عليه
اسف مرة اخرى
Quote: الاخ مثيانق شريلو..تحياتي
تعرف اتجاوت مداخلات العالم دي كلها عشان اعتذر ليك
النية سليمة يا حبيب ,واسف جدا لو اذيتك بكلمة من غير قصد.
اعتذاري للرمز الوطني السلطان(كواج) ولحفيده مثيانق وللجميع.
وانا كان ما غبيان البشبكني مع اولاد السلاطين شنو.
بعدين كما انا مدين لك باعتذار انت برضو مدين لي بشكر , لانو كان في التباس انو الاغنية دي عن مقاتل جنوبي يدعى (دينق اويل) والكلام دا نشر في جريدة الصحافةوقراهو الشعب السوداني كلو,حسي من خلال البوست عرفنا عن السلطان (كواج) .
واهم من كدا عرفناك ولد سلطان عشان الناس دي تعمل حسابها.
|
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: شول اشوانق دينق)
|
يامعاذ كلامك قريب للصاح
شوف ترجمة شول ده
Quote: نونق شول اليو ثن كى نونق مبيور بن
ليس بها ريشة سوداء كلها ريش بيضاء |
ليه يدو السلطان ريشة بيضاء بس ..؟
ياهو ده الكلام البيخلى الجنجويد يتمرد ويخلى معاذ يتمادى في سوء الظن..
...............................
بالمناسبة يامعاذ
بوستك ده ادانى فكرة حقو نقدما لى هارمونى كمقترح
اغانى التراث دى ممكن تترجم
خاصة انو هارمونى تميزت بيها ، وبقت تجيب كل لهجات السودان تقريبا
لو ترجموها بتكون احسن
عشان العرب الزيك ديل مايكونو طرش في الزفة ...
ويجو يقولو الناس كلام ماقالو ......
...............ز
نديك اربعة وعشرين ساعة تسجل الاغنية دى وتنزلها هنا
لو ماعندك امكانيات اتصل بالصحافة 30 او تمبس
كدة يمكن حفيد السلطان - ميثيانق - يسامحك
مودتى
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
شول اشوانق سلام ليكم بعربى جوبا..
الله لا ولاك على ايتام!!
كان كتلتهم بالجوع..
هسه مشحتف روحنا ومقعدنا تلاته ساعات
عشان تترجم الاغنية بالطريق دى؟
مافاهمين حاجه برضو شوف ليك لغة تالته ترجم بيها!!!
وبعدين دينق الفصيح داك ماتناديه عشان يساعدك..
مثيانق ود السلطان انا حاسس شول ده ترجم غلط وظلم جدك
يعنى ما اوفاه حقو..
شبكنا عساكر وسلام سلاح
بالله فى سلام معاه سلاح؟؟
شول تاخد 1 من 10 فى الترجمه
اعد وقابلنى...احى منك هسه الواحد ما يرفدك!!!
عشان زعلت ناديه!!
ناظر البورد
صديق الموج
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
| Quote: شول اشوانق سلام ليكم بعربى جوبا.. |
سلام تاكم يا الناظر ما سلام ليكم(0/100)
Quote: الله لا ولاك على ايتام!!
كان كتلتهم بالجوع..
هسه مشحتف روحنا ومقعدنا تلاته ساعات
عشان تترجم الاغنية بالطريق دى؟
مافاهمين حاجه برضو شوف ليك لغة تالته ترجم بيها!!!
وبعدين دينق الفصيح داك ماتناديه عشان يساعدك..
مثيانق ود السلطان انا حاسس شول ده ترجم غلط وظلم جدك
يعنى ما اوفاه حقو..
شبكنا عساكر وسلام سلاح
بالله فى سلام معاه سلاح؟؟
شول تاخد 1 من 10 فى الترجمه
اعد وقابلنى...احى منك هسه الواحد ما يرفدك!!!
عشان زعلت ناديه!! |
ما قلنا ليكم ما متخصصين وما عارفين عربى ولا إنجليزى زى الناس يا | Quote: ناظر البورد صديق الموج |
شول اشوانق
_________________________________________________________________________________________________________________
تعرف يا الناظر انا حاولت ترجمة الأغنية ده بدون ما أعرف الصياغ التاريخى ليهو إلا بس إنو كان مدح للسلطان القدير كواج!
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
محاولة للترجمة (وقع الفهم على كيفك )
1- أشوك = حتى ولو
2- لويل = قيل
3- أبا ضييل = يتم إيصالها إلى
4- جوبا = جوبا
5- رآن = الزول
6- أطيق = يحترم
7- رآن = 5
8- أطيق = يحترم
9- وآر = حذاء (جمعها ور)
10- أيى يوب = يضرب
11- فينج = الارض
12- رض = صوت ضرب الرجل بالأرض
13- آيى يا = إنها
14- أطيق = إحترام
15- فان = بيت
16- أكوم = الحكومة
17- كواج = السلطان كواج
18- أشى بين = جاء (فعل ماضى)
19- أقو ماج = حتى السلاح
20- ييج يال = إتشقلب
21- كى يج يال = يتشقلب
22- فان = 15
23- جيج = جيش
24- كى يج يال = 21
25- فان = 15 و 22
26- أكوما= 16
27- قو ماج = 19
28- أرييب = صوت
29- لوى = أصدر (عمل = ليس بمعنى شغل)
30- شا بنج = الريس
31- مووض = سلمت
32- إ نآق = نآق = جمع نوق وتعنى الريشة
33- نونق = ريشة
34- شول = أسود
35- اليو = مافى
36- ثن = فيه
37- كى نونق = إنها ريشة
38- مبيور = بيضاء
39- بن = كلها
40- رآن أطيق رآن أطيق وآر أيى يوب فينج رض = مكررة (5– 12)
الناظر: صحح لو سمحت ... وراجيك
شول اشوانق
________________________________________
الكلام أهو قدامكم يا ناس الترجمة إتصرفوا (بس بعد الصياغ التاريخى للغنا)
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: شول اشوانق دينق)
|
الاخ العزيز /معاذ حسن
الاخوان المتداخلين مثيانق شريلو.. وشول اشوانق وصديق الموج وكل المتداخلين
لكم التحية والاحترم ..
اولا : قالوا يغني المغني وكلاًًَ يفسر علي هواه..
رغم انو موضوعك اثار كل المتداخلين وغير المتداخلين يا معاذ لكن عتبي عليك في اختيار الكلمات ياعرب (....)يا اخي البورد ده بطلعوا عليه ملاين البشر وماتكتب يعكس في كثيرا من الاحيان عن شخصيتك ..
الشي الثاني قد تكون انسان ضاحك او مرح .. لابأس لكن بحذر..
يا مثيانق مازلنا نتظر الجانب التاريخي ..الاعتذار وتم ...ام هذا من باب التشويق
لك الود التحية ..
ياشول اشوانق ...الموج ماهو ناظر البورد ..لكني ظنيته ناظر هارموني .او( ناظرة) هارموني ...لك وله التحية والاحترام...
يا اخ شول ننتظر منك والاخوان الكثير عن تراث الجنوب...
وللجميع التحية والاحترام
عثمان الجيلي
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: محمد عبد الماجد الصايم)
|
يقال ان كواج منقار جوك (حفيد السلطان كواج"إبن إبنه") ... تربى على يد جده كواج مييل اويد.
عندما بلغ السلطان مرحلة متقدمة من الكبر لدرجة انه لا يستطيع الحركة ولا يستطيع السمع جيداً حتى إذا إستعصى الحكم على السلاطين فى محاكم القبيلة يحضرون إلى السلطان كواج لحل المشكلة المستعصى عليهم.
فى إحدى الأيام إنتقل حفيد السلطان (كواج منقار جوك) إلى الديار الأعلى مع العلم ان إبن السلطان كواج والذى يدعى كواج (أبو كواج منقار جوك) كان قد إنتقل إلى الديار الأعلى قبل إبنه... عندها قرر كبار المنطقة عدم إخبار السلطان كواج بالفاجعة لئلا يلحق به هو ايضاً ولكن ... جاء أحد عبطاء المدينة واخبره بالخبر المشئوم والذى كان نهاية السلطان القدير كواج.
عند وفاة الرجل اقيم مهرجان كبير دامت شهراً من الزمان (لا تستغربوا فهى عادة من عادات الدينكا خاصة لكبار الأعيان فى حالة وفاتهم وبالذات عندما يكونون أجداداً) ويقال أن المهرجان حضره الكثير من زعماء وسلاطين القبائل الجنوبية وكان من بينهم دينق اروب كوال (دينق مجوك) زعيم دينكا نقوك أبيى ويقال إنه أتى على ظهر جواد.
لا اعرف بالضبط التاريخ الحقيقي للاغنية ولكن بالاشارة الي بعض الفترات التاريخية يمكن لكن ان نتلمس تاريخيتها فوالدي ولد في العام 1952 وكانت الاغنية تنشد قبل مولده بكثير وهذة الاشارة تقودني الي ان الاغنية ربما غنت في ما بين بداية العشرينات او ربما قبلها من القرن الماضي .
خليكم متابعين ..... في شوية تفاصيل اضافية حيكون امتداد لي كلام شول
يا شول ومعاذ والبقية لو متابعين ارفعوا البوست عشان اتم الباقي
للمرة التاني شكراااااااااااااااااااااااااااااااااااااااااااااااا يا شول
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
| Quote: الاغنية نزلهاحيدر يلا تعالي ادينا رايك |
لا لا لا لا والف لا يا معاذ... دى ما ياها الغنية يا صديق!
تاااااااااااااااااااااانى
وينكم يا ود الصايم وود البشرى
شكراً للاستاذ حيدر على إنزاله للغنية سالفة الذكر وهى إحدى أغانى الجيش الشعبى.
ياخ الجيش الشعبى من 1983م وأغنية كاونج كواج عمره!!! عيييييييييييييك خلى مثيانق يجيك بس لو ماطالبك بإعتزار تانى
شول اشوانق
___________________________________
الغنية النزلو استاذ حيدر ده باللغة العربية "تصدق الناس الفى الفيديو بعرفهم معرفة شخصية وقابلت معظمهم فى أويل السنة الفاتت"
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
الباقر كيف يا قريبى؟
Quote: هذه الإغنية لم تغن أول مرة عندما حضر وفد الحركة
أذكر هذه الإغنية منذ الخمسينات والستينات
-عندما كان هنالك ربوع السودان وبرنامج مخصص للجنوب -
ويلاحظ فيها اداء المجاميع البوليفوني
كما أخبرني أصدقاء جنوبيون أنها في مدح شخص |
حلو والغنية ابدر من كده.
Quote: أخبرني عبد الرحن أبو سبيب
أنا شاعرنا الأكبر المجذوب
عندما أعطاه المذيع في مقابلة إذاعية
فرصة طلب أغنية
طلب الإستماع إلى أغنية كوانجي كوانج |
هسع عليك الله المجذوب ده لو كان سمع ولا قرا ترجمة معاذ الناجرو من داقوسو ده كان طلب يسمعه
شول
______________________________
ما تغيب كتير!
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
بلدى كثير بالخيرات
وفيه الثروات الزراعية والحيوانية
أخير اموت عريان ... أخير أموت جعان
أخير اموت مرضان بدون دواء فى بلدى
***
يا شباب الدنيا ... يا ثوار إفريقيا ...
أسمعوا صوتى أنا فى مدينة كرمك أرض الانقسنا
أسمعوا صوتى كمان فى مدينة كبويتا أرض تبوسا
***
وانا سودانى ... وسودان إفريقيا
وانا جندى انا وجندى أسود اللون
كما تسمى بلادى ... إنه لونى انا
وجندى شعبى لتحرير السودان
***
يا شباب الدنيا ... يا ثوار إفريقيا ...
أسمعوا صوتى أنا فى مدينة كرمك أرض الانقسنا
أسمعوا صوتى كمان فى مدينة كبويتا أرض تبوسا
***
وزمان الإستعمار وحق المصير
وزمن طويلة اخدنا المصير
وانا رفعت السلاح
وانا قادم قدام
لجنوب بلادى
ولشمال بلادى
ولغرب بلادى
ولشرق بلادى
وانا انادى العدالة فى الثورة
***
يا شباب الدنيا ... يا ثوار إفريقيا ...
أسمعوا صوتى أنا فى مدينة كرمك أرض الانقسنا
أسمعوا صوتى كمان فى مدينة كبويتا أرض تبوسا
...... إلخ
شليــــــــــــــــــــــــــل ويــــــــــنو؟
قريبى الباقر ... تحية للإنسانية أينما وجد.
معاذ يا قريبى لا قرشو لا إنت بيجيكم عوجة إنشالله... سمح؟
شول اشوانق
____________________________________________________
معاذ يا أخوى شيل كلام الباقر ده نصيحة لى قدام OK
| |
|
|
|
|
|
|
|
|
|
Re: كوانج كوانج أغنية جنوبية تبث على هارموني رجاء فسروا لينا الكلمات قبل أن أتمادى في سوء الظن (Re: معاذ حسن)
|
Quote: يا شول يا حبيب،
ياخي شكلو الشريط كلو مسجل في ملف واحد!!!
لي زي ساعة انا في ملف واحد... مستمع شديد، لكن ما عارف دي أغنية واحدة، ولا الشريط كلو؟ |
أنور كينق إزيك؟
الغنية ده غنية واحد بس.
مدتها 6:04 دقيقة وحجمه 5.62 ميقابايت.
تشكر يا جميل
رجاء يا لذيذ
Quote: شكرا ليك كتير على الترجمة وإثراء البوست بكل هذه المعلومات والأغاني التراثية الجميلة..
ولا زلت عند رأيي الأول بأنه أجمل بوستات المنبر |
شكراً على الكلام الجميل ده وعلى الإنطباع الجيد الأخدتو..
لكم ودى
شول اشوانق
_______________________________________________
ود الصائم خليك رافع معاى البوست ده كده ... سمح؟
| |
|
|
|
|
|
|
| |
معاذ حسن
اندرو كوات
Ahmed Yousif Abu Harira
فدوى الشريف
مدثر محمد عمر
شول اشوانق دينق
محمد عبد الماجد الصايم
AnwarKing
صديق الموج
Raja
قرشـــو
ابوالقاسم ابراهيم الحاج
الطاهر ساتي
محمد البشرى الخضر
Elbagir Osman
JOK BIONG
محمد أبوالعزائم أبوالريش
حيدر حسن ميرغني
شهاب الفاتح عثمان
عبدالفتاح أبوشيمة
فيس بوك
تويتر
انستقرام
يوتيوب
بنتيريست