1200 هكتار تعادل حوالي ثلاثة الاف فدان ب مليون وميتين الف دولار بس!
اخوتي واخواتي السودانيين الاميريكان
زمان اديتكم فكرة زي دي عشان نرغبكم يا ايها السودانيين المستوطنين في امريكا حديثا عشان اجيالكم الجاية والقاعدة باذن الله ومصالحها اصبحت مرتبطة بالبلد دي حتحتاج للتواصل والاستقرار وايضت تحتاج لمستقبل امن ومضمون ومستقر مثلنا ومثل كثير من الشعوب قبلت هذا التحدي والعيش في امريكا ونجحت في ان تحقق نجاحات عظيمة انعكست على كل مواطنيها داخل وخارج المهجر الامريكي واخص بذلك اشقاءنا الاثيوبيين والارتريين في امريكا فقد اثبتوا بتعاونهم وتواددهم ونجاحاتهم التي حققوها على التراب الامريكي واعتزازهم بثقافتهم وحضارتهم انهم امم متحضرة تعرف كيف تقدر نفسها حق قدرها وهي تصون مصالحها بخدمة انسانها اينما كان من خلال مناشط ومشاريع حققت لهم فوائد عظيمة لهم في المهجر ولشعوبهم في اوطانهم الاصلية ونحن لسنا باقل منهم حضارة ولا خبرات ولا مؤهلات بل فقط تنقصنا روح المبادرة والارادة والجدية والتفكير الاستراتيجي وعشان كده اكرر ذات النداء السابق وانا احثكم على التواصل والتفكير الجاد في تسهيل امر هذا لاستقرار زتعالوا نفكر بصوت عال ومسموع حول مستقبلنا ومستقبل اجيالنا في هذا المهجر وعشان نؤكد جديتنا ويكون عربون تلاقينا تعالوا هسع بالجد نشترى الارض اللقطة دي نحن حوالي 1200 زول تحت اسم شركة سودانية يديرها سودانيون اكفاء و كل زول يدفع ( الف دولار) ويكون عندو عدد ( فدانين وشوية ) والداير لحد خمسة افدنة لا مانع كاقصى حد من الملكية وممكن بكرة كمان نبني عليها حلمنا الكبيرة مدينة (نيو سودان)وهذا ممكن في نص المساحة دي والنص الباقي ممكن نزرعو ولا نعملو مزارع تربية ابقار وضان ودواجن واسماك اونعملوا منتجعات صيد وسياحة وهذا حلم مشروع قابل للتحقق اذا حسمنا في دواخلنا هواجس العودة المزعومة للوطن الام وهو امر غير وارد في ظل الاوضاع الراهنة التي يعيشها اليوم وايضا اذا رجحنا بواقعية كفة البقاء في الوطن الثاني والذي يشملنا بكل حقوق المواطنة فيه ولن يسلبنا انتماءنا للوطن الام بل سنكون اكثر فائدة للوطن الام اذا بدانا ننخرط في هذا النمط من التفكير الاستراتيجي الناشد مصلحتنا جميعا كسودانيبن بالمهجر مصحوبين بارادة صلبة ونظرة ثاقبة للمستقبل لتشمل برعايتها احفادنا القادمين والذين قطعا هم مواطنون من هذه البلاد ولذلك نستهدف بهذا التفكير الاستراتيجي مصلحتهم حتى يكونوا اكثر فائدة للوطن الام والوطن الاخر وهم يخوضون هذا التنافس الحضاري حول الصدارة الامريكية حيث البقاء للاقوياء؟ الموافق على الفكرة اتصل على هاتفي:4696825300
(عدل بواسطة هشام هباني on 06-21-2011, 05:08 PM) (عدل بواسطة هشام هباني on 06-22-2011, 01:58 AM) (عدل بواسطة هشام هباني on 06-22-2011, 03:56 AM) (عدل بواسطة هشام هباني on 06-23-2011, 02:10 AM) (عدل بواسطة هشام هباني on 06-25-2011, 06:00 AM) (عدل بواسطة هشام هباني on 06-25-2011, 06:26 AM)
06-21-2011, 08:16 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: Tower Island consists of approximately 1,200 acres of wooded land that comprises a true island in the Mississippi River. The island is located 11 miles north of Caruthersville, Missouri, which is just north of where Interstate 155 crosses the Mississippi River. Tower Island lies in the heart of the Mississippi flyway and some of the best duck hunting this country has to offer. You are able to hunt the tall timber and have ducks dropping almost... more
06-21-2011, 03:13 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
وما المانع في ان نحذو حذو الاثنيات المختلفة التي تعد من المكون الاصيل في تركيبة الدولة الامريكية الحديثة حيث تجمع بعض من اهلها في مناطق اشتهروا بها حينما اسموها باسماء مدن محببة اليهم من مدن بلدانهم الاصلية التي وفدوا منها الى اميريكا كتعبير عن الانتماء والحنين الى بلدانهم الاصلية وهو امر طيب حفظ هوياتهم وثقافاتهم من الاندثار في هذا التلاقح الاثني العالمي الذي تختص به هذه الدولة العظمي والذي هو سر قوتها حيث قبل الجميع من كل شعوب العالم بهذ التنوع الحميد التعايش في هذا السياق الانساني الرائع وبه اثروا الشخصية الامريكية الحديثة بافضل ما انتجته حضارات هؤلاء المهاجرين وهم يعطونها افضل ما لديهم من خبرات وافكار في سجال حضاري متميز بين هذه الحضارات التي تصنع هذه الشخصية الامريكية. الحديثة والمتجددة... ولذلك على المهاجرين السودانيين باضعف الايمان اذا ارادوا مستقبلا الحفاظ على هوياتهم الاصلية في هذا البحر الامريكي العظيم كي لا تندثر بل كي يجعلوها عامل رفد للشخصية الامريكية بوافد حضاري جديد عليهم التفكير الجاد في مثل هذا الامر الذي اطرحه اي تهيئة اماكن للتجمع والاستقرار في البيئة الامريكية اشبه في طقسها ببيئاتنا الاصلية التي وفدنا منها حتى يسهل التعايش فيها وبالتالي يمكن ان يرود هذا الامر المبدعون السودانيون من كافة قبائل الابداع والفكر السوداني ليرفدوا هذا المشروع الوطني بعصارة افكارهم السودانية حتى نؤسس وطنا سودانيا انموذجا مصغرا لوطن لا زلنا نحلم به في بلادنا الاصلية ولم يتحقق فيها ولكن لا موانع تحول دون قيامه في فضاء انساني جديد مليء بكل مقومات تحقيق هذا الحلم الجميل حيث كل السودانيين الجميلين الذين غادروا الوطن حبا فيه كلهم موجودون في هذه المهاجر مؤهلون بخبراتهم وافكارهم ان يوجدوا هذا الوطن الصغير البديل الممتد من رائحة الوطن الجميل قبل الضياع كنوع من تعبير الانتماء للوطن الام واننا ابدا لم ننساه بل نود ان نحياه في مهاجرنا على افضل هيئة مصغرة له وان لم نستطع لتظل فكرة حلما لاجيالنا القادمات في هذه المهاجر كي تذكرها بان لها وجودا حضاريا قبل ان تاتي الى هذه المهاجر وهو امر ينبغي ان تعتز به كي ترتبط بثقافة وتراث شعبها السوداني المهدد الان الان بالانقراض حتى في داخل جغرافيته وحتما ستكون هذه الاوطان الصغيرة الانموذج الذي يعزز الحنين والانتماء للوطن بل سيعمل على الحفاظ عليه من الضياع لو كان هنالك تفكير وطني استراتيجي جاد لسودانيي المهاجر حتى لا يتعرضوا هم ونسلهم ايضا للذوبان والانقراض في مهاجر لا يصمد فيها الا الاقوياء المعتصمون بهوياتهم المعتزون باصولهم والراسخون وحدهم في الحراك الامريكي العظيم وهو يرودونه بخبراتهم وافكارهم حيث لا مكان في هذا الحراك للضعفاء ومنبتي الجذور.
ان اختياري لارض في مناطق ولاية الميسوري ليس امرا نهائيا بل مجرد مقترح من ضمن خيارات كثيرة قد نتناقش حولها لاحقا بعد ان يكتمل العدد المطلوب في حده الا دنى لتحقيق ضربة البداية في تنفيذ هذا المشروع وقد اخترت ولاية ميسوري لانها واحدة من اكثر المناطق الامريكية مشابهة لمناخات السودان ويسهل على جميع السودانيين التعايش والاستقرار فيها لخصوبة الارض وتوافر الامطار والانهار والغابات فيها وهي بيئة نظيفة يمكن الاستقرار فيها بكل امتيازات المواطنة الامريكية وهذا امر يعتمد على وعي وخبرات قاطنيها حيث ولاية الميسوري من الولايات الامريكية التي تعمرها غالبية من اهلنا الزنوج الاميريكان وهم اليوم لا زالوا في اوضاع اجتماعية ضعيفة بسبب عدم تفشي الوعي السياسي والاجتماعي بينهم وذلك بسبب ظروفهم النفسية المحبطة نتاج تراكمات الظلم والقهر التاريخي الذي تعرضوا له في التاريخ الامريكي في فترات الانحطاط واما نحن اخوتهم الافارقة القادمون من ذات الديار السمراء فقد جئنا في زمن افضل من زمانهم الاف المرات ولم نات في سفن العبيد والرق بل اتينا ما بعد الثورات الكبرى المنتصرة لحقوق الانسان الاسود الامريكي ونحن اليوم نحصد ثمراتها كمواطنين افارقة اميريكان بكامل كرامتنا ووعينا الوطني وخبراتنا التي اتينا بها من بلداننا حيث لنا الان كامل الحقوق الامريكية كمواطنين ولا بد من الاستفادة منها الى اقصى مدى وخاصة اننا لحسن الحظ شهدنا صعود اول اسود في التاريخ لسدة الرئاسة الامريكية التي ظلت بيضاء بنت بيضاء ولذلك اعتقد ان قررنا التعايش في هذه البيئة المناسبة سنساهم في اعادة صياغة الشخصية الافريقية الامريكية عل اسس جديدة مفعمة بروح التحرر والانطلاق نحو المستقبل وذلك بالتعاون مع المستنيرين من اشقائنا سود اميريكا ونحن نخلق معا مجتمعا افريقيا فاضلا واسعا في تلكم الولاية قطعا سيمتد اثره بالتاكيد الى كل الولايات الامريكية التي يقطنها كثير من السود اذا حققنا الانموذج الافضل لمدينة التعايش الافريقي الامريكي الجميل عبر هذا الحلم السوداني المشروع وهو بؤرة الانطلاق وهو امرس يخدمنا جميعا نحن افارقة اميريكا واعتقد جازما اننا نحن السودانيين اولى بريادة هذا المشروع الحلم لاننا في ظروف نفسية واجتماعية ومعاشية وفكرية افضل من اخوتنا سود اميريكا الذين لازالوا يعانون اثار القهر القديم وفي حوجة الى من يعيدهم الى واقع الحياة الكريمة الحرة بشيء من الكبرياء الافريقي العظيم والذي لا زال لدى غالبية السودانيين من قاطني المهاجر الذين هجروا الوطن بسبب الضيم العظيم كموقف في حده الادني تعبير عن كرامة وكبرياء.
(عدل بواسطة هشام هباني on 06-22-2011, 01:57 AM) (عدل بواسطة هشام هباني on 06-28-2011, 04:07 AM)
06-21-2011, 05:42 PM
ذواليد سليمان مصطفى ذواليد سليمان مصطفى
تاريخ التسجيل: 12-14-2008
مجموع المشاركات: 9548
اولا اعذروني على لبس قد وقع عن غير قصد حول موقع هذه الارض( الجنة ) فانها تقع حقيقة في ولاية ميسوري المجاورة لولاية المسيسبي حيث يجري نهر المسيسبي متخللا الولايتين ويمر مجاورا لهذه الارض وهذا المشروع الحلم يمكن ان يمر بمرحلتين اساسيتين اذا اتخذنا الامر بجدية ونظرة بعيدة للمستقبل لاجل بناتنا واولادنا واحفادنا اولا بعد شراء الارض اذا تم يمكن استثمار هذه الارض (اللقطة) في عدة مجالات وذلك بعد دراستها ومعاينتها قبل الشراءمن قبل مختصين سودانيين واميريكان فهنالك مجال الزراعة اذا صلحت تربتها وايضا مجال الصيد كمنتجعات سياحية مجهزة للصيد لاحتوائها على كثير من الحيوانات البرية حسبما تم توصيفها في الموقع الذي تعرض فيه في الشبكة العنكبوتية... وبعد ان يتم التاكد على انها تصلح للاستثمار يمكن ان تصلح لاحقا للاستقرار لانها ستوفر دخلا لمالكيها وبالتالي ستسهل امكانية الاستقرار فيها وتوفير مجالات عمل لمالكيها فيها وفي المدن المجاورة لها وهنا يمكن انشاء المدينة الحلم بكفاءات سودانية متخصصة في كل المجالات وحتما ستنهال علينا العروض من المصارف والشركات لمزيد من الاستثمار والخدمات لطالما هنالك بشر مستقرون وهو امر ستشجعه الولاية التي تبحث عن قاطنين ودافعي ضرائب وايضا سيشجعه الحزب الديموقراطي الامريكي الذي يهتم بامور المهاجرين وخصوصا في حالات مواطنين يمتلكون وعيا وافكارا مثل السودانيين لانهم بصراحة يمكن ان يؤثروا مستقبلا في هذه البقعة الحلم بوعيهم وافكارهم وبالتالي يمكن ان يرودوا حركة الوعي الامريكي الافريقي وهم يسهمون في رفع وعي وقدرات اهلهم الاميريكان الزنوج وبالتالي يسدون خدمة عظيمة للمجتمع الامريكي بهذا الجهد الانساني الخلاق وايضا من واقع تطوير حياتهم سيقدمون افضل الخدمات لموطنهم الام اي السودان عبر الكفاءات والخبرات الامريكية من الابناء والاحفاد الذين حتما اذا فكرنا في هذا الامر بهذه النظرة المسئولة سيرودون الحياة الامريكية وسينعكس ذلك ايجابا على علاقتهم بموطنهم الاصلي وهو المطلوب.
06-22-2011, 00:47 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
فكر في الامر مليا ودعنا نتناقش لاجل مصالحنا ومصالح بناتنا واولادنا واحفادنا في هذه المهاجر حتى لا يضيعوا في المستقبل في هذا العالم الامريكي الذي يحتاج لشيء من قوة الارادة والعزيمة كتحصين لنا للاستمرار والاستقرار فيه حيث لا مكان فيه للضعفاء وعلينا نحن طلائع الهجرة السودانية الاولي عبء اخلاقي وانساني حيال اسرنا واحفادنا القادمين في هذه البلاد وهي بلادهم وهو عبء يفرض علينا التفكير في تامين مستقبلهم بشيء من الواقعية و الشفافية حيث يمكن ان نتحاور وكل الامور مطروحة للنقاش والبحث على الهواء مباشرة بلا اجندة وراء الامر ....فقط فكر ان تدفع مجرد (الف دولار) وهي قيمة فـــــــــــــــــدانين وشوية في ارض في اميريكا قابلة للاستثمار والسكني في عالم متقدم راق تحكمه قوانين ومؤسسات عادلة تشجع الاستثمار والاستقرار وتشجع جدا هذا التنوع الثقافي الاثني الخلاق لقاطني هذه البلاد في سياق قوانينها وهو سر قوة وعظمة الدولة الامريكية التي هي الان وليدة هذا التنوع الانساني الخلاق... فلا تضيعوا هذه الفرصة حتى لا يفوتكم قطار الحضارة الامريكية وتضيعون انتم ومن بعدكم ابناؤكم واحفادكم لانكم لم تحسبوا الامر بحساب العقل والمصلحة الاستراتيجية التي تسعكم وتسع (التيراب) .............................
لقد اتصل على منذ الصباح وحتى الان اكثر من عشرة اشخاص من داخل الولايات المتحدة وايضا من كندا يرغبون جدا للانضمام الى هذا المشروع الحلم ومنهم من قال انه على استعداد ان يشتري خمسين فدانا واخر مستعد ان يشتري عشرين واما انا لا املك الا ثمن ثلاثة افدنة ولله الحمد.....فكل من لديه الرغبة للانضمام لهذا المشروع الاستثماري عليه ان يسجل اسمه في هذا الخيط وعندما يكتمل العدد سنشكل لجنة تسييرية على المنبر هنا بكل شفافية للاشراف على هذا المشروع حيث ستشرف على تكوين شركة باسم المساهمين وفتح حساب باسمها لاستقبال مساهمات الراغبين ومن ثم ستعمل على الاتصال بمالك هذه الارض او اي ارض اخرى للتفاوض حول الثمن بعد معاينة الارض على ارض الواقع من قبل لجنة فنية مختصة من خبراتنا السودانية المتواجدة بهذا المهجر الامريكي.
06-22-2011, 01:28 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
ومن الاخبار السارة جدا اتصل على قبل قليل صاحب اول مداخلة في هذا الخيط وهو الاخ ازهري طه ولحسن الحظ الرجل طلع خبير زراعي متمرس في مجال الزراعة ولديه خبرات مفيدة جدا لهذا المشروع وهو يعرف جيدا هذه المنطقة وقد اثنى عليها وقد ايدني في هذا المشروع وقد صحح للعبد لله (تكاسي افندي) معلومة مهمة جدا هي ان acre وهو الهكتار وليس الفدان بل مساحته اكثر من فدانين اي حوالي عشرة الاف متر مربع يعني ( فدانين وشوية) وبهذه المعلومة يمكن ان تمتلك ايها الاخ السوداني الراغب للانضمام في هذا المشروع (فدانين وشنكات بفت الف دولار) يعني عندك اطيان في البلاد الامريكية مشفوعة بكل الخدمات والقوانين المحفزة للاستقرار والاستثمار بدلا من بيع الاوهام في (الوادي الاخضر) حيث ثمن قطعة الارض العجفاء هناك من غير خدمات زائدا ( كيزان) تساوي ثمن50 فدان امريكي في العالم الحر السعيد فلا تضيعوا الفرصة!
06-22-2011, 01:19 AM
azhary taha azhary taha
تاريخ التسجيل: 12-02-2004
مجموع المشاركات: 2326
قي زول نصيح يمشي يسكن في المسيسيبي؟ غايتو أنا حدي جورجيا جنوب جورجيا لو في حدود الباما مابمشي ولو الباما ادوني ليها كووووولها بسكانها وابقى حاكم فيها ماعاوزاها تجي تقول لي مسيسيبي ياخ المسيسيبي دا النهر جف فيها وكمل
______________ بعد الكلام دا كله ياقريبي أول مرة تجيب المفيد ومعاكم في المشروع دا وباكتر من المشاركة المالية بس
06-22-2011, 01:40 AM
معتصم مصطفي الجبلابي معتصم مصطفي الجبلابي
تاريخ التسجيل: 08-28-2006
مجموع المشاركات: 6753
تحياتي ومن هسع حنحجز ليك خمسة افدنة بالفين وشوية دولار بالله شوف الهملة دي يعني لو لقطت اهلك الجبلاب كلهم في السودان وجبتهم امريكا بتكفيهم سكن...حظك الجبلاب وصلوا امريكا وحنعمل ليهم تاشيرات لان ضباط الجوازات والهجرة مستقبلا امكن اكونوا اولاد معتصم الجبلابي او ولد اخونا عكاشة مختار من كالفورنيااللي اتصل قبل شوية وخلا رسالة وقال جاهز اشتري كم فدان معانا!
مودتي
06-22-2011, 01:54 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
خلاص تم اعتمادك يا عزيزتي من مواطني هذه اليوتوبيا كاول عنصر نسائي سوداني قد بادر بالانضمام الي هذا الحلم المشروع واهلا بيك ومن هسع حنحجز لاهلنا (ال العباسي) مربوع كامل بمدينة (نيو سودان) نسميه حي (العباسي) يعني عاوزين ليكم عشرين فدان ب8الاف دولار وبث! واليافطة باسم الحي من هسع جاهزة وحظك ياما حتفتحي كوافير وصالات (جيم) ومطاعم سودانية ومحال( مشاطة) سوداني اصلي.
مودتي
06-22-2011, 01:47 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: اخونا هشام المساحة دي بالهكتار وليس الفدان......الهكتار 10 الف متر مربع بينما الفدان 4200 متر مربع......يعني المساحة مهولة
شكرا اخي العزيز والخبير الزراعي ازهري طه على هذا التصويب المفيد والمشجع لكل من يرغب للانضمام الى هذا المشروع الاستراتيجي والحيوي حيث سيتحول صاحب الالف دولار مالكا لفدانين وحبة.
غايتو انا شكلي كده حاشتري 5 افدنة بحوالي الفين دولار..... حظك يا هباني يا كحيان شكلك حتغني لجنا الجنا وتبقى من اصحاب الاطيان ومش كمان اطيان في نعيمة وفي مطمورة وفي ابقر وقوز البيض دي اطيان في امريكا على ضفاف المسسبي في (الميسوري)!
06-22-2011, 02:12 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
بالله شوفوا سماحة الدنيا في الميسوري حيث الطبيعة الفيها نازل ( دستوري)! هنا صيد ديك الرومي او التركي في غابات الميسوري والتي على شاكلة هذه الارض المعروضة للبيع وهي غنية بالصيد من كل نوع....يعني صيد وزراعة..... غايتو دخلتوا الجنة بنعلاتكم يا السودانيين ولقيتوها من ( جعيبات والحشرو عباس ) الى الميسوري!
06-22-2011, 02:21 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
كعادة بعض السودانيين الذين لا يجيدون الا تثبيط الهمم وقتل العزائم واجهاض المبادرات فقد اتصل على احدهم من معارفي وهو يقول لي في شكل مزاح بالحرف الواحد : انت يا هباني يا اخوي دحين ما لقيت لاهلك السودانيين ارض غير اراضي( التورنيدو) في ميسوري والمسسبي دحين بدور تنتهي منهم وضحك بعدها ساخرا! فكان ردي عليه: دحين يا اخوي ميسوري دي مافي ناس ساكننها تكون مسكونة بشياطين ونحن مو عارفين! ياللخو ميسوري والمسسبي دي مليانة سودانيين وامريكان اولاد زرقاء وبيضاء وكل اجناس العالم والموت واحد والله واحد وسوف يدرككم الموت ولو كنتم في بروج مشيدة.....وكمان يا خوى نحن جينا من بلاد مسكونة ب(الكيزان) شياطين الانس تقول لي ما بنتحمل (التورنيدو) اها البسويهو فينا الله حبابو!
قائمة باسماء الراغبين للانضمام الى هذا المشروع الاستراتيجي الوطني
1/ الدكتور محمد المكي ابراهيم 2/ ازهري طه 3/ راوية العباسي 4/ معتصم الجبلابي 5/ عكاشة مختار 6/ محمد حسن اسماعيل 7/ محمد حسب الرسول 8/ اسامة بلة 9/ عبد الرحمن هباني 10/ صديق هباني 11/ عبدالرسول عمر 12/ عارف محمد عمر 13/دكتور صلاح الدين عبد العزيز 14/دكتورعكاشة مختار 15/ يوسف الامين يوسف 16/ محمود عبد المطلب عالم 17/ احمد شيكاغو 18/ عزيزي عيسي 19اسامة عبدالرحمن الجبلابي 20/ nasr 22/ محمد خليل 23/فيصل عثمان الحسن 24/ Moneim Malik mohmed khalail25 26/عبدالكريم عبدالله 27//سيف النصر محي الدين 28/فضل الصادق 29/عبد الكريم موسي 30/زلفو جابر 31/ على هباني 32/ محمد حسب الرسول محمد ابراهيم 33/يوسف احمد باشري 34/الدكتور أحمد الصائم 35/الدكتور زهير البنا 36/الدكتور يحي إبراهيم 37/الباشمهندس سيد زروق 38/المهندس أحمد زروق 39/الأستاذ سيف اليزل بايزيد 40/الأستاذ مهدي الملك 41/الأستاذ أسامة عبدالله 42/الأستاذ محمد موسى عبدالقادر 43/ عادل نجيلة 44/عوض شيخ ادريس 45/ عبد المنعم ابراهيم الحاج 46/دكتور عبد الماجد عبد الماجد 47/مرتضي الباشا 48/ محمد ميرغني شاطر 49/ نادر عباس زروق 50/ ابراهيم نمر محمد 51/ حامد شارف 52/ عبد الرحمن الزين 53/ راشد خالد 54/حامد الشريف 55/نجلاء ابراهيم حسين 56/عبد الكافي محمد احمد 57/ عبد الرحمن محمد الحسن حسين 58/ عبد العزيز الفاضلابي 59/ دكتور اسامة محي الدين
(عدل بواسطة هشام هباني on 06-23-2011, 01:30 AM) (عدل بواسطة هشام هباني on 06-24-2011, 01:48 AM) (عدل بواسطة هشام هباني on 06-24-2011, 02:09 AM) (عدل بواسطة هشام هباني on 06-24-2011, 08:45 PM) (عدل بواسطة هشام هباني on 06-24-2011, 09:52 PM) (عدل بواسطة هشام هباني on 06-25-2011, 05:45 AM)
06-22-2011, 03:28 AM
Nasr Nasr
تاريخ التسجيل: 08-18-2003
مجموع المشاركات: 10810
واهلا بيك عمدتنا المرشح لمدينتنا وبالطبع كل الخيارات مفتوحة قدامنا وبما فيها كالفورنيا الجميلة يعني ممكن نغير راينا من ( ميسوري) اذا ارتات المجموعة ذلك بالرغم ان ميسوري ماهولة بكثير من اصدقائنا السودانيين الجميلين و(الموت وسط السمحين عرس)! بس ما عايزين نضيع السعر اللقطة ده....يعني نجرب استثمار اراضي لسنة او سنتين لانها ممكن يرتفع سعرها لملايين الدولارات في اي لحظة..بس كدي عليكم الله خلونا نقبض دي ونعلق عليها علم السودان وندق يافطة باسم السودان بالانجليزي والعربي ونمشي كلنا نتصور فيها صورة تذكارية لاول مجموعة سودانيين من المهاجرين الاوائل يدشنون ارضا سودانية باسم بلادهم السودان والزارعنا غير الله اقلعنا.
مودتي
06-22-2011, 09:09 AM
سيف الدولة كامل سيف الدولة كامل
تاريخ التسجيل: 03-29-2009
مجموع المشاركات: 4349
تب خلاص حجزنالكم و ختيناكم في فريق قدام جنب السهريج المقابل دكان ناس اولاد العباسي وان بدور بي غادي في حلة فــــــــــــــوق جنب اولاد ميسوري مافي مانع بس عليك الله ما تنسي كلم معاك اخوانك عيال (هارلم) قولهم المطر شديد عندنا لي النخرة وهنا وزبالة بعر حمير الميسوري ما بتمسك زي بعر حميركم.....خلهم ارساو لنا كم شوال زبالة بالقطر الجااااااي وكم شوال رقيطة من (هارلم).
سلامي للوليدات
06-22-2011, 03:50 PM
Bakhaf Bakhaf
تاريخ التسجيل: 03-06-2002
مجموع المشاركات: 2434
على الرغم من أنني أؤيد الفكرة وأشجع للمضيء قدمًا لتنفيذها وجاهز معاكم.. لكن تكساس دي بأخوي وأخوك ما بعوضها بأي ولاية ثانية.. وليه ماشين بعيد.. في تكساس ممكن تجد أرض مسطحة وجمال طبيعة لا يقل عن أي منطقة أخرى في أمريكا وحتى المياه متوفرة في كل مكان.. ما عندنا مشكلة مع عوامل الطبيعة.. حرائق في الصيف قليلة ولا مشكلة زلازل أو إنزلاق في التربة مثل كاليفورنيا ولا فيضانات كبيرة مثل ما يحدث كل سنة في نهر المسيسيبي.. مشكلة تكساس الوحيدة في الأعاصير ودائما ما تؤثر على المناطق الساحلية.. ومن ناحية المعيشة ما أظن في أحسن من تكساس في الولايات الأمريكية دي كلها.. نعم العنصرية موجودة ولكن على مستوى قليل ومناطق محدودة جدا.
ياخي لما أتذكر فيلم المسيسيبي تحترق Mississippi Buring جسمي يكش من الولاية دي. غايتو المنطقة التي ذكرتها في المسيسيبي يظهر فيها بط كثير ودي تنفع مع أخوانا المصريين.
ما فيش خيار آخر غير المسيسيبي؟
06-22-2011, 04:54 PM
Moneim Malik Moneim Malik
تاريخ التسجيل: 12-12-2004
مجموع المشاركات: 454
خلاص اعتمدناك انت وقريبك واصحابك واصحابو لاننا عاوزين نقفل العدد في 100 بس.. ولو عندك ناس جادين سجلهم بشكل رسمي في المنبر هنا في الخيط ده مع الاسم كامل لاننا عاوزنو عمل شفاف ومفتوح لكل سوداني وسودانية وهو موضوع ذو اجندة معاشية مستقبلية فقط للعيال لا غير وبعد ما تتم البيعة حنمشي ندق خيمنا ونحتفل وندق علم السودان ونقز يافطة قدر الضربة باسم الوطن الســـــــــــــــــودان لاول مشروع اجتماعي اقتصادي سوداني وكمان امكن اغنوا فيهو فنانين وطنيين!
06-22-2011, 09:56 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
كدى اول حاجة روق نفسك وانزل من تورك الفنجاط ده وبعدين نتفاهم ! انت مسجل مسجل تابيدة غصبا عن روما والعيال وارض تكساس دي ملحوقة كدى خلينا النقبض الارض اللقطة دي وبعدين حنتفاهم نشتري في تكساس.
06-23-2011, 07:51 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
هاك الخيار العجيب ده كمان في تكساس يا عزيز.....برضو عندنا فيهو راي والهكتار اقل من 1000 دولار يعني الموضوع فيهو خيار وفقوس في اطيان امريكا اتمنوا فيها اخر الزمن السودانيين الكحيانين المشردين...هملتك هملة يا امريكا غايتو لو ربنا طلع (الكايبويات) من القبور على الحرام ما اخلوا اضان زرقاء فينا....عشان كده الحقوا يا ايها السودانيون هذا المولد الامريكي الكبير حيث الاميريكان وعيالهم مشغولون جدا هذه الايام بالعولمة واخر صيحات الموضة دايرنهم لمن اصحوا القوا اولاد الزرقاء اشتروا كل الارض الامريكية وبعد داك نخلف كراع في كراع نخليهم اجونا باركين عديل اشحدونا الارض شحدة ونقوم كده نحن اولاد الزرقاء اخر قلعصة نمد ليهم طراريمنا وتلاليشنا وشلاليفنا وعاملين فيها اهل اطيان ونرفض ليهم. اها بعد داك احلها الحل بله................ والحرابة والكماجة تقوم والامريكان حالفين يمين ارجعوا اراضيهم من السودانيين الهمل.. وادخل مجلس الامن والوساطات... وشكلنا ما حنفكها الا اهنق حمار الوادي..
06-22-2011, 04:48 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
ياعمدة جيتك راجع حقيقة مشروع مذهل واكثر من ممتاز وفكرة عبقرية وفعلا نحن محتاجين لمثل هذه المشاريع المستقبلية ..... لو سمحت سجل معاى ود اختى واسمه مجدى مدنى--- وشكرا مجددا
06-22-2011, 09:34 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
Quote: وسجل عندك واحد نفر من مونتري الجميلة وسنروج للمشروع بين المونترياب.
شكرا خليل
ده كلام طيب شديد وتكون عملت عمل خير كبير لو قدرت تجيب لينا كل المونترياب السمحين بقيادة شاعر الثورة والامة الدكتور( ود المكي) واسرته الكريمة والذي كنت في ضيافته قبل اسبوعين وتناقشنا في ذات الفكرة التي طرحتها من قبل عدة مرات في خيوط معلومة وهو مؤيد لهذه الفكرة بشكل قوي وبفهم راقي جدا ويا ريت ان يلتئم شمل كل السودانيين السمحين في هذا المشروع الاجتماعي والاستثماري السوداني.
واذا لديك اي صديق متحمس للفكرة بالله الحق اسمه بهذا الخيط لاننا سنحصى العدد والذي ربما سنغلقه عند الرقم (100) مودتي
06-22-2011, 10:14 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
الباسل الصديق فيصل عثمان الف مراحب بيك يا صديق وقطع شك محتاجين في مدينتنالامن وامان ورجل امن اعرف اتعامل مع لياقة السودانيين ولخابيتم عشان كده محتاجين لمركز امن كارب امن وبوليس سوداني مية المية واهو من هسع جانا ضابط قدر الدنيا وحبابك ا لف وماتنسي تكلم لينا ناس عاطف عنتر والطيب مدني وعلى سر الختم وبقية ضباط شرطتنا البواسل ديل من هسع محجوزين للشغل ده لانو لو جبنا (عباس امريكاني ود خالة) ده حيكون ساكن في حلتنا اربعة وعشرين ساعة واقوم اجيب الهواء لناس انداية (البقعة)..الضاربين طراوة نهر المسسبي!
06-22-2011, 10:05 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
واتصل علي بحماس الاخ يوسف الامين يوسف من ميسوري لاعتماده عضوا بهذا المشروع الحلم وايضا اتصل من كالفورنيا الاخ محمود عبد المطلب علام والاثنين جاهزين ( موية ونور)!
06-22-2011, 10:29 PM
عبدالكريم عبدالله عبدالكريم عبدالله
تاريخ التسجيل: 06-20-2011
مجموع المشاركات: 480
Quote: والذي كنت في ضيافته قبل اسبوعين وتناقشنا في ذات الفكرة التي طرحتها من قبل عدة مرات في خيوط معلومة وهو مؤيد لهذه الفكرة بشكل
هلا هشام نعم اخبرني الاخ الصديق سيف جبريل السبت الماضي بأنك كنت في مونتري ولمته على تقصيره في اخبارنا فانا اسكن على بعد اقل من ميل من منزل استاذنا محمد المكيكم تمنيت لو عرفت بوجودكم (على الاقل نقوم بالواجب ياخ)
06-22-2011, 11:51 PM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
Quote: ا عمدة بالله اعمل حسابي في ايكر واحد و الله واحد.
ابو السيوف
تحياتي
اهو الشرك المرة دي قبض ليهو دكتور مرة واحدة ليهو ضل وحظك العيادة راجياك في شارع على عبد اللطيف وكده ضمنا انو المدينة فيها دكتور سوداني وبالتاكيد الدكتور حيجيب دكاترة وممرضات ومرضين مؤهلين وحيتفاهم لينا كمان مع السلطات الامريكية الصحية حول امر الصحة في مدينتنا... وان شاء الله كمان اجونا المهندسين والبياطرة والمحاسبين والميكانيكية وكمان محتاجين في هذه الاجواء الشاعرية لاهل الجمال من الشعراءوالفنانين بكافة شرائحهم و ايضا التكاسة (اهو ضمنت لي كم زبون وشركة تاكسي الخرطوم...ان شاء الله بس المطار اكون بعيد عشان نجيب اجلكم بالعداد!)
06-23-2011, 01:44 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: هلا هشام نعم اخبرني الاخ الصديق سيف جبريل السبت الماضي بأنك كنت في مونتري ولمته على تقصيره في اخبارنا فانا اسكن على بعد اقل من ميل من منزل استاذنا محمد المكيكم تمنيت لو عرفت بوجودكم (على الاقل نقوم بالواجب ياخ)
تسلم يا رجل يا نبيل ما بتقصر المهم في الا مر بلغ ناس مونتري الجميلين التي تضم نخبة من اروع السودانيين بلغهم فردا فردا وبالتالي لا اعتقد انهم سيرفضون مشروعا بهذا الوضوح في الرؤية وحافز الارض الجنة.. ومن يوافق علي الفكرة خذ منه الاذن لارفاق اسمه بالمنبر حتى ننجز هذا الامر الحيوي بكامل الشفافية واعتبر نفسك مالكا للمبادرة والتي هي ملك الجميع
06-23-2011, 04:32 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
الشكر ايضا موصول للاخ شاطر محمود من كندا وهو قد اتصل على متحمسا للفكرة و الف مراحب بيك يا شاطر واتمني ان نوفق جميعا لانجاز هذا الحلم السوداني المشروع لاجل مستقبل افضل لاجيالنا القادمات في هذه المهاجر وبالتاكيد اذا نجحنا في انجاز هذا الحلم هنا في اميريكا وهو امر محتمل جدا بالتاكيد سيكون محفزا لكثير من سودانيي المهاجر الاخري للتواصل في ذات السياق الصائن لمستقبلهم ومستقبل اسرهم
06-23-2011, 06:49 PM
Moneim Malik Moneim Malik
تاريخ التسجيل: 12-12-2004
مجموع المشاركات: 454
اتصل على ايضا من ولاية ( ايوا) الاخوان (عبدالكريم موسي وزلفو جابر) واعلنا بحماس رغبتهما الاكيدة للانضمام لهذا الحلم السوداني المشروع واهلا بهما وبكل الجادين لاجل مستقبل سوداني افضل للسودانيين بالولايات المتحدة الامريكية بل في كل المهاجر حيث نريد ان يكون انموذج امريكا رائدا لهذا الحلم الكبير والذي ربما على طريقه يسير السودانيون بمشاريع مشابهة ومتميزة اينما اقاموا في هذه المهاجر البعيدة. ولا زال الباب مفتوحا للتسجيل والذي سيغلق عند الرقم (100) وهو رقم مناسب حاليا لتنفيذ هذا المشروع حسب اقتراحات بعض من الاخوة المتحمسين للفكرة لانهم في اعتقادهم اذا ظللنا في اتنظار تجميع 1200 شخص فانه سيكون مضيعة للوقت وقد يكون بسببها ربما تفوتنا هذه السانحة والتي بالتاكيد هنالك متربصون بها من عوالم اخري.....ولذا انوه الاخوة الراغبين في التسجيل ان يسرعوا بلا تردد لان هذا الامر سيستمر الى نهايته بهذه الشفافية امام الناس جميعا حتى بعد قيام الشركة المقترحة لادارته باذن الله ستكون الاولى من نوعها بانها شركة شفافة جدا وكل تفاصيلها امام الناس على السايبر مباشرة وذلك لاعطاء الفكرة اكثر صدقية وايضا لواد نظرية المؤامرة التي تعتمل في نفوس كثير من السودانيين الذين لا ياخذون الامر بطوية نظيفة بل دوما يسعون لواد اي فكرة ولو جميلة باحكام استباقية وانطباعية ولي قدام.
06-23-2011, 08:21 PM
عزيز عيسى عزيز عيسى
تاريخ التسجيل: 09-18-2005
مجموع المشاركات: 1459
Quote: كدى اول حاجة روق نفسك وانزل من تورك الفنجاط ده وبعدين نتفاهم ! .
توري دا يا هشام ما قادر لحدى الآن أحوشو.. لو عندك حبل أهلنا الكاوبويات المدور داك تعال حوش معاي.
الحمد لله يا هشام الأرض طلعت في ولاية ميسوري وليس المسيسيبي كما ذكرت آنفا. لأني كنت شايل هم وقلت هشام دا مالو عايز يخلينا نسكن في منطقة محاطة بالمستنقعات والتماسيح؟!
لكن برضو شوف لينا أرض تكساس أعتقد أفضل بكثير من أرض ميسوري.
وفي الختام المسألة عايزه ليها جدية ونوع من الهمة والنشاط وثقة في القائمين الذين سيتم أختيارهم لهذا المشروع لتحقيق هذا الهدف.. وما عايزين أي نوع من الخذلان والتواطؤ أو اليأس حتى لا يبقى كلام مكتوب في السايبر والسلام.
06-23-2011, 08:41 PM
عزيز عيسى عزيز عيسى
تاريخ التسجيل: 09-18-2005
مجموع المشاركات: 1459
يا هشام المسألة لاقت إقبال ورواج كبيرين مبدئيًا سجل عندك أهل مدينة هيوستن وواحد من أوستن وسأتيك فيما بعد بأسماء البقية:
الدكتور أحمد الصائم الدكتور زهير البنا الدكتور يحي إبراهيم الباشمهندس سيد زروق المهندس أحمد زروق الأستاذ سيف اليزل بايزيد الأستاذ مهدي الملك الأستاذ أسامة عبدالله الأستاذ محمد موسى عبدالقادر
أها تاني قصرت معاك.. حقو الواحد يشتغل سمسار.
06-23-2011, 09:06 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
لا اختلاف علي اية مقترحات لطالما واقعية ومفيدة ولكن علينا اولا بتجميع الناس حول الفكرة المقترح والتاكد من حماسهم لها ودعمها وبعد ذلك يمكن تقديم المقترحات وفق راي المجموعة وهو الالية التي ستسير هذا المشروع في وضع شفاف يطمئن اصحاب المشروع علي وضوح الفكرة وبالتالي سيضمن تحقيق تطلعاتهم لطالما هم صناع القرار في هذا الامر الحيوي والذي بالضرورة ان تنفذه وتشرف عليه جهات مختصة من السودانيين المتخصصين في مجالات الاستثمار بجميع انواعه وايضا في مجالات المحاسبة والزراعة والبيطرة والسياحة وبقية التخصصات التي ستدعم الفكرة
سلام الناظر هباني والله الفكرة طموحة ,, وتحقيقها كأمر واقع ليس مستحيلا فقط يحتاج لجدية في التعامل مع الفكرة ,, يعني الموضوع مايكون بوست يتدحرج الي الأرشيف. من واقع تجربتي مع السودانيين في نيويورك وجدت لامبالاة وتنظير محبطين ,, وناس (حشاش بي دقنو مايدوك الدرب) حاولنا معهم فقط اغتناء دارا للرابطة تكون اساسا لتجمعنا لنفكر في مشاريع اكبر فكانت الإستجابة مخيبة للظن لأسباب يضيق المجال عن ذكرها. ومع ذلك انا لم افقد الأمل ,, ولا اريدك ان تستسلم لليأس . وان تبدأ بإعداد تصور بواسطتك للمشروع وترسل منه نسخ لأشخاص يعملون بمثابة مناديب لك في كل ولاية علي ان يعقد هؤلاء المناديب إجتماعات بالجاليات كل في ولايته ويقوموا بشرح المشروع وتقديم تنوير للجالية ويقومون باستطلاع الأراء وتسجيل الملاحظات والأسئلة ثم يختار المجتمعون في كل ولاية لجنة تكون بمثابة لجنة تنسيق واتصال لايزيد اعضاؤها عن ثلاثة وتكون لجنة المنطقة التي يقيم فيها هباني هي اللجنة التي تدير العملية وتتلقي التقارير وتسجيلات العضوية الراغبة في الإشتراك في المشروع وكل المراسلات الخاصة به. ولاننسي ان يتضمن التصور الأولي بالإضافة الي قيمة الأرض , نوع الإستثمار والعائد المتوقع من المشروع وفرص العمل المتاحة في المنطقة ونوعها والمدة التي يحتاجها المشروع ليصل الي مرحلة الإنتاج ...الخ نترك الإضافات لمن يأت بعدنا من الإخوة والأخوات خبراء الإقتصاد. بالتوفيق إن شاء الله كسرة بس ياهباني اوع بعدين تجوا تقولوا لينا انتوا كيزان ماعاوزينكم معانا?
06-25-2011, 00:18 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
والعفو والعافية يا اخي دعك من هذه الحساسيات فهذا المشروع معاشي سوداني شفاف جدا لا يحمل اية اجندة خفية سياسية بل اجندته معاشية واضحة بوضوح فكرته المذاعة في العلن لاجل مستقبل افضل لاطفالنا في هذا المهجر ومرحب باي سوداني يقبل التعايش وسط اهله بلا حساسيات واجندات حيث نريد لابنائنا وبناتنا واحفادنا مستقبلا نظيفا للتعايش في ظروف نفسية واجتماعية تتناسب وتعليمهم وثقافتهم الجديدة من غير اية رواسب كالتي نحملها وينبغي ان نحرص الا نورثهم ما حملناه معنا الى هذه البلاد من ثقافات وانطباعات ونفسيات معطوبة بالكثير من امراضنا السياسية والاجتماعية وهو المطلوب جدا لتحقيق هذه البيئة المعاشية النظيفة لاننا نريدهم صناع حضارة في هذه البلاد محصنين بالعلم والتربية السوية كي نجنبهم عقد الفئات منبتة الجذور التي ظلت تعيش الضياع في هذا العالم الامريكي المهول وهي قد فقدت الارتباط بجذورها الحضارية وفي ذات الوقت عجزت ان تواكب هذا السباق الحضاري المحموم الذي تتنافس فيه كل شعوب الدنيا في هذا المضمار الامريكي العظيم حيث الريادة و البقاء للاقوياء وهو ما نتوخاه للقادمين من الاحفاد ونحن نؤسس لهم هذا العمل الكبير كي يتاهلوا للاستمرار في هذا السباق عبر هذا النوع من التوعية بمثل هذه المشروعات الاستراتيجية الطموحة التي تسعى لتطوير الانسان السوداني وتجنيبه شبح الضياع. مودتي
06-25-2011, 02:17 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: ان تبدأ بإعداد تصور بواسطتك للمشروع وترسل منه نسخ لأشخاص يعملون بمثابة مناديب لك في كل ولاية علي ان يعقد هؤلاء المناديب إجتماعات بالجاليات كل في ولايته ويقوموا بشرح المشروع وتقديم تنوير للجالية ويقومون باستطلاع الأراء وتسجيل الملاحظات والأسئلة ثم يختار المجتمعون في كل ولاية لجنة تكون بمثابة لجنة تنسيق واتصال لايزيد اعضاؤها عن ثلاثة وتكون لجنة المنطقة التي يقيم فيها هباني هي اللجنة التي تدير العملية وتتلقي التقارير وتسجيلات العضوية الراغبة في الإشتراك في المشروع وكل المراسلات الخاصة به. ولاننسي ان يتضمن التصور الأولي بالإضافة الي قيمة الأرض , نوع الإستثمار والعائد المتوقع من المشروع وفرص العمل المتاحة في المنطقة ونوعها والمدة التي يحتاجها المشروع ليصل الي مرحلة الإنتاج ...الخ نترك الإضافات لمن يأت بعدنا من الإخوة والأخوات خبراء الإقتصاد.
شكرا يا فاضلابي على هذا المقترح العملي جدا وهو امر سيوطد عامل الثقة بين المساهمين عندما يشعر كل مساهم بمشاركته في اتخاذ القرار الملائم لمصلحته في هذا المشروع وايضا سيعرفنا على كثير من الخبرات والكفاءات السودانية المتواجدة بكثرة في هذه البلاد ويمكن ان تفيد فائدة كبيرة في انجاح مثل هذه المشاريع لو بالفعل استهدفناها بهذا العمل لفائدتهم وايضا لفائدة المجموع في سياق اهدافنا الوطنية المعاشية المعلنة وايضا ستعرفنا مثل هذه المشروعات على السودانيين الذين رادوا ولا زالوا يرودون كثيرا من المشاريع الاستثمارية في هذه البلاد وبالتاكيد سيفيدوننها جدا بخبراتهم في الاستثمار.
06-25-2011, 04:25 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
شنو ياهباني رفعت البوست بي نقطة ماشفت مداخلتي دي ولا ماعجبتك المداخلة ولا معناها ماقبلت تسجيلي ? نريد رأيك علي وجه السرعة مادايرين نمرق من البلد دي بخفي حنين
06-24-2011, 09:57 PM
Nasr Nasr
تاريخ التسجيل: 08-18-2003
مجموع المشاركات: 10810
قائمة باسماء الراغبين للانضمام الى هذا المشروع الاستراتيجي الوطني
1/ الدكتور محمد المكي ابراهيم 2/ ازهري طه 3/ راوية العباسي 4/ معتصم الجبلابي 5/ عكاشة مختار 6/ محمد حسن اسماعيل 7/ محمد حسب الرسول 8/ اسامة بلة 9/ عبد الرحمن هباني 10/ صديق هباني 11/ عبدالرسول عمر 12/ عارف محمد عمر 13/دكتور صلاح الدين عبد العزيز 14/دكتورعكاشة مختار 15/ يوسف الامين يوسف 16/ محمود عبد المطلب عالم 17/ احمد شيكاغو 18/ عزيزي عيسي 19اسامة عبدالرحمن الجبلابي 20/ nasr 22/ محمد خليل 23/فيصل عثمان الحسن 24/ Moneim Malik mohmed khalail25 26/عبدالكريم عبدالله 27//سيف النصر محي الدين 28/فضل الصادق 29/عبد الكريم موسي 30/زلفو جابر 31/ على هباني 32/ محمد حسب الرسول محمد ابراهيم 33/يوسف احمد باشري 34/الدكتور أحمد الصائم 35/الدكتور زهير البنا 36/الدكتور يحي إبراهيم 37/الباشمهندس سيد زروق 38/المهندس أحمد زروق 39/الأستاذ سيف اليزل بايزيد 40/الأستاذ مهدي الملك 41/الأستاذ أسامة عبدالله 42/الأستاذ محمد موسى عبدالقادر 43/ عادل نجيلة 44/عوض شيخ ادريس 45/ عبد المنعم ابراهيم الحاج 46/دكتور عبد الماجد عبد الماجد 47/مرتضي الباشا 48/ محمد ميرغني شاطر 49/ نادر عباس زروق 50/ ابراهيم نمر محمد 51/ حامد شارف 52/ عبد الرحمن الزين 53/ راشد خالد 54/حامد الشريف 55/نجلاء ابراهيم حسين 56/عبد الكافي محمد احمد 57/ عبد الرحمن محمد الحسن حسين 58/ عبد العزيز الفاضلابي 59/ دكتور اسامة محي الدين 60/ مرتضى عكاشة 61/ عصام الزين 62/ عز الدين محمد عثمان 63/ سيف الدولة كامل 64/ هشام هباني 65/عفراء سند 66/ معروف سند 67/ الفاتح نور الدائم 68/ رشاد مكين 69/ اسامة عبد الجليل 70/ لطفي على لطفي 71/ خالد على لطفي 72/ دكتور جمال البلال 73/ دكتور محمد رجب 74/ مهدى داؤود الخليفة 75/ حسن احمد الحسن 76/ حسن الطيب يس 77/ سيف الدين جبريل 78/انس عمر حامد 79/ محمد حامد 80/ عمر بخيت 81/ دكتور الهادي بليلو 82/ صلاح النصري 83/ محمد علي ود الشيخ 84/ دكتور صلاح الزين 85/ محمد عمر نور الدائم 86/ الطاهر الكباشي بشارة 87/ الفاضل معاوية هباني 88/ محمد الكباشي محمد 89/ محمد جبارة محمد الصديق 90/ محمد عثمان عوض السيد 91/ عباس صالح سمعريت 92/ الصادق ابراهيم عبد الله البشير 93/ سيف الدين جبريل
(عدل بواسطة هشام هباني on 06-26-2011, 09:01 AM) (عدل بواسطة هشام هباني on 06-27-2011, 10:00 AM) (عدل بواسطة هشام هباني on 06-28-2011, 02:02 AM) (عدل بواسطة هشام هباني on 06-28-2011, 07:16 AM) (عدل بواسطة هشام هباني on 06-28-2011, 11:27 PM)
06-25-2011, 03:08 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
ولمزيد من تبصير الناس وتحفيزها بهذا الاستثمار الناشد استقرارنا والذي هو استقرار الابناء والاحفاد لمستقبل افضل في هذه البلاد العظيمة او ان اعرفكم عبر الخيط التالي على فرص الاستثمار وتحديدا في ولاية تكساس وهي الولاية الاكبر بعد (الاساكا) وولاية غنية بالنفط والزراعة وايضا بالمصالح الاستثمارية والتجارية الامريكية الكبري وتحديدا في مدينتي دالاس وهيوستن وهما اكبر مدينتين في الولاية والاخيرة اي ( هيوستن) اكبر ميناء في جنوب الولايات المتحدة وطقس تكساس عموما ربما هو الانسب لنا نحن السودانيين وخصوصا في اواسطها اي في المناطق القريبة من المدينتين المذكورتين وتعد ايضا اسعار الاراضي رخيصة جدا بالمقارنة مع بقية الولايات وذلك بسبب كبر مساحة تكساس وايضا تكساس ليست من الولايات المشهورة بالكوارث الطبيعية وتعد تكلفة المعيشة بها ربما الارخص في كل الولايات المتحدة وايضا السكن بها متوافر ورخيص وايضا فرص العمل متوافرة... واليكم ادناه في هذا الخيط انموذج لاسعار الاراضي الاستثمارية والتي تصلح لمشاريع كبرى يمكن للمختصين منا ان يفيدوننا حول اهميتها وفائدتها وصلاحيتها من عدمها.
Quote: المشروع ممتاز اذا صحت النوايا وعمل الجميع بشفافيه وهمة لصالح ابناءنا المن اجلهم تركنا الديار والاهل..
اتفق معك بلا شفافية لن يكتب النجاح لاي مشروع لانها الطريقة المثلى لحسم اية شكوك ووساويس لدى بعض الناس التي مهياة نفسيا لمثل هذه الشكوك ولكن باعتماد منهج الشفافية في تحديد الاهداف واختيار الافراد المناط بهم ادارة هذا المشروع فهو الطريقة المثلي لانجاح مثل هذه المشاريع الامر الذي سيحفز اخرين للانضمام للمشروع مودتي
06-26-2011, 10:44 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
والف مراحب بيكم اولاد سند وكل (الكوستاويين والتندلتاتويين) الارض ارضكم ونحن ضيوفكم وان درتوا فريق كامل نسميهو ليكم تندلتى الجديدة ولا كوستي الجديدة ما في مانع... تحياتي للاهل
06-27-2011, 04:36 AM
Elfatih Noureldayem Elfatih Noureldayem
تاريخ التسجيل: 03-19-2009
مجموع المشاركات: 21
سلام الناظر ود هبانى تحيات بالكوم والردوم ياهو ده المشروع البيخلى الزول يجى راجع نهائى تعرف محمد اخوى مشى اجازة السودان وبعدين انقرص قرصة تمام هناك في المصاريف والغلاء المستفحش المهم جا راجع قال في الامارات بقيت اشوف الدرهم ذى صينية الحركة وقال من اقواله المأثورة : أنا جيت نهائي ههههههههههه يعنى الناس لمن يمشوا السودان بقولوا رجعنا نهائى ده اقتنع انو السودان بيش وجا راجع الامارات نهائى ههههههههههههه
اها انا من هنا وشايل حبلو وجاييكم امتر في الميسورى اكان ربنا ييسرا علينا ونبقا من الميسوراب احجز لى في حلة ام سعين مشارك بفدان واحد فقط فاطنه ابراهيم ديك بخليها في فرجينيا هي وبتها وبجى اقدل براى انا وعمرو عندكم جايبين معانا حمار ود كرمه وعدد واحد ركشه ارقد عافيه
ود هباني وحاتك الشغل كدة ولا بلاش ده حلم فعلا و لكن تحقيقة ممن في بلد ذي الولايات المتحدة اولا عند الشراء سوف تدفع ضرائب و من اللحظة ممكن تطالب الحكومة بالخدمات و حكومة الولاية دة مشروع مكسب لها في فيعرضها للميزانية للمجالس التشريعية وفي الحصول علي رفع درجات الولاية في التنمية و إيجاد فرص عمل و الكثير سجل عمك سهم و العيال سهم و دعواتنا لكم من اوهايو بالتوفيق
06-29-2011, 10:39 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: ده حلم فعلا و لكن تحقيقة ممن في بلد ذي الولايات المتحدة اولا عند الشراء سوف تدفع ضرائب و من اللحظة ممكن تطالب الحكومة بالخدمات و حكومة الولاية دة مشروع مكسب لها في فيعرضها للميزانية للمجالس التشريعية وفي الحصول علي رفع درجات الولاية في التنمية و إيجاد فرص عمل و الكثير سجل عمك سهم و العيال سهم و دعواتنا لكم من اوهايو بالتوفيق
العزيز حسن
تحياتي
لا مستحيل سيقهر اراداتنا اذا اتحدت بالفعل لاجل مصلحتنا جميعا بهذه الروح الوثابة الطموحة التي تعمر كل الذين بادروا مستجيبين لهذا النداء الوطني في هذا الحلم الاجتماعي الاقتصادي المشروع دم بخير (نحجز ليك فريق كامل زي ما تريد)
06-28-2011, 04:00 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
سعادة العقيد (معاش) بن العم الفاتح نور الدايم تحياتي
Quote: اها انا من هنا وشايل حبلو وجاييكم امتر في الميسورى اكان ربنا ييسرا علينا ونبقا من الميسوراب احجز لى في حلة ام سعين مشارك بفدان واحد فقط فاطنه ابراهيم ديك بخليها في فرجينيا هي وبتها وبجى اقدل براى انا وعمرو عندكم جايبين معانا حمار ود كرمه وعدد واحد ركشه
على الحرام قالوا هنا المطرة حدها النخرة وحتى القمري وابو الخداري والقدالي وطير البقر وام رخم الله عايشين فيها وان زرعناها يا ود اعمي عيش وطماطم ساكت نغني لجنا الجنا و تقول كدي تجي البت ( رمرومة) بعد عشرين سنة في اطيان ابوها سايقة (الهمر) الما خمج وتسال على ابوها حاج الفاتح واقوم ارد عليها (توم ود روبرت الدنقلاوي) واقول ليها (يور داد الفاتح مشي بحمارو الامريكي المكادي لصفاح لاتيشا بت جون الحساني بحي (ام سعين UP)!
06-28-2011, 05:17 AM
Saifeldin Gibreel Saifeldin Gibreel
تاريخ التسجيل: 03-25-2004
مجموع المشاركات: 4084
سجل يا الناظر عدد 2 فدان وبخصوص التورنيدو والنقه المضروبه دى يا صاحبى (المطرانه مابتبالى من الرش) و(اقرع ماببالى من قوب)بس امتلاك الاراضى لغير المقيمين ممكن??
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
azhary taha
ذواليد سليمان مصطفى
Rawia
معتصم مصطفي الجبلابي
Nasr
سيف الدولة كامل
Bakhaf
عزيز عيسى
mohmed khalail
عبدالكريم عبدالله
سيف النصر محي الدين
فضل الصادق
محمد الامين احمد
عبدالعزيز الفاضلابى
isam elzein
عزالدين محمد عثمان
Afraa Sanad
Elfatih Noureldayem
Saifeldin Gibreel
د.محمد بابكر
فيس بوك
تويتر
انستقرام
يوتيوب
بنتيريست