أم زين .. كلام في الزَمة علي لسان السًرة بت محمود وحامد ود الطًفًح ( نص مسموع)

(عدل بواسطة awad hassan on 05-27-2011, 04:19 PM)

(عدل بواسطة awad hassan on 05-27-2011, 09:41 PM)

Quote: كل الشكر استاذ عوض علي هذا العمل الجميل كل الود والتقدير

Quote: حليمة الطرشه بت مسعود تراك عارف قليبا حنين كل يوم... داقا باب الدّار عليك تنوح ،، صوتا حزين وتر مسفوح ،، مع الحنيّه نبرو وجيع تقول مجروح وطالع من عذاب الرّوح المسكينة تتحسر ويوت تسأل توصف فيك باللّيدين دموعا تسيل وتتوسل ......... لسَ البشرطيبين ياحامد ومتسامحين لِسَ البشر طيبين ياحامد ومتسامحين لِسَ البشر طيبين ياحامد ومتسامحين بحر الطّيبة ما بكمل حبل الخوّه ما بنحل يا بو مروّه ما بتقل درب الِعزّة ما بِقصر إلاّ الجبين ُمنصر من التّجره وكلاب البر ترا العيشه البقت ملالة زادت حر... ترا العيشه البقت ملاله زادت حر...

Quote: دنيا مطلوقة رسن ،، معلوفه من قش الرّياح تريانه من بحر المِحن

Quote: حكاية أم زين لابتضارا ولابتتغابا أوّل بادي جونا ضهابا ساطوا الدّار قلبوها خرابا قاسوا ومتروا دار أم زين زرعوها حرابا قسموا أم زين كومين إتنين واحد للزنج الفي الغابا واحد للعرب العرّابا مابين اللون والدين دقوا الإسفين في صدر أم زين بقينا نشوف الزّول زولين بقينا نشوف اللون لونين

Quote: Quote: حكاية أم زين لابتضارا ولابتتغابا أوّل بادي جونا ضهابا ساطوا الدّار قلبوها خرابا قاسوا ومتروا دار أم زين زرعوها حرابا قسموا أم زين كومين إتنين واحد للزنج الفي الغابا واحد للعرب العرّابا مابين اللون والدين دقوا الإسفين في صدر أم زين بقينا نشوف الزّول زولين بقينا نشوف اللون لونين

Quote: شيخ الخلوه طالق دقنو جاتو البلوه دافن راسو مع التّجار شغّال سمسار ،، بي إسم الدّين باع طين أم زين ،، الممسوخ شهوتو فالته عاوز اتمتّع عرّس تاني بعد التّالته عاوز اتمتّع عاوز اتمتّع تورا لاقي خريفو ويرتع مادّي كريشتو وكاتل حيلو اتل واتفدع ،، كيفن يا شيخنا تشيل اللّوح وتقري الشُّفّع كيفن يا شيخنا تشيل اللّوح وتقري الشًفًع

Quote: حامد نزل ... شارعاً تقول خلية نحل ،، ناس في وجل ناس في عجل حديد يسابق في الأجل الحالة هل.. كيفن.. وعل الهم نزل في الرأس عكل ملك الفِكر شلاهو شل الشّوق لفح ريش القلب شالو ورحل (( شوقاً طال ودمعاً سال ليك يا السّرة كيف الحال ما اخترناها يالسرة ألّا الزّمن إختار ،، ساقنا بعيد رمانا هناك مصيرالقشّة في التّيار!!؟ وصلنا بلد طوانا لحد بلد يا السّرة فبريكا ،، الشركات مفاريكا تشيل منك وتديكا تشيل منك معانيكا تزيدك في ماسيكا تشوف نفسك تقول ضِدّك تقرِّب منها تصدك تبعد منها تردك بلدا كتل فينا الأمل كان للعمل .... نار الجحيم كيف تُحتمل نار الجحيم كيف تحتمل ...... قولي علي يالسَرَة حكايتي الشّينه تسخر مني تتبرا شن الشّغله يا حامد.. ؟؟ مغصةً للقلب تقطع ،، مساهر ليل نهار سقّاد مصاقر مكنة في مصنع ،، مكنة الجّن تقول لهضان لا بتقنع ولا بتشبع ،، أطمِّع فيها بالكرتون أفر واجمع ... أرُص واجدع ،، المسنوحه زي تمساح علي المِشرع يشيل يبلع ،، مره تزن ترِت وتطِن كِريشا تزيد وتتوسع ،، مره تمور تقول تطرش طراش الدّم مره تصِن أقول الرّوح بدت تطلع ،، مره تزيد تمور وتفور تقول شبعان بيترّع ،، ليها صرير مع الجّنزير ترا الممغوص بيتوجّع ،، حال سعران قبل تنطمّ بالكرتون أريت احشاها تتقطّع ،، يوم ورا يوم مصاقر المكنة ليل وصباح علي حالي الحجر يدمع ،، سنين فوق السّنين عدّت واللتعدَ كيف يرجع ،، حكايا طويلة يالسُّره اشكي علي الزّمن واسجع لو الزّمن يرحم ولي يسمع لو كان الزّمن يرجع يعيد حال الدّرت ومطر الصّعيد لو كان الحكم منصف رشيد لو كان الأمل باللّيد ما كُت فتّ دار السُّره بت أم زين بقيت رحّال يا حامد ... وعشت شريد .. ما كت فتَ دار السُّرة بت أم زين بقيت رحّال يا حامد وعشت شريد ـ...... ،،،،،،،،،،،،،،،،

Quote: كيف يالسُّره بت أ م زين شوق وتعب علي حالين ما فارقتك عِنيا إلاّ تفاهة ِدنيا لُقُمة العيش الصّبحت مُنيا مره عساكر ومره جواكر مره جواكر ومره عساكر جور ومناكر وجوعاً كافر لي يوم باكر يفوت دجّال يجي المحتال يفوت محتال يجي الدّجّال سنين من خيبة الامال ضاع العينو في المصنع مساهر ليلو يتوجع من الإهمال وسوء الحال ضاع اللِّيدو في المِنجل فكّ الرِّيق علي الواسوق كرع من موية الجدول مسح من عينو عرقو السّال ضاع العندو د يش أطفال يكد يكدح ليل وصباح وعيشو وبا ل ،،

Quote: حقيقة لدي سئوال للذين مروا من هنا هل التسجيل الصوتي لهذه القصيدة مسموع ? وسئوالي للأخت العزيزة الشاعرة أسماء الجنيدإيضآ.