|
مطبخ (بيتنا) يبدو خاصا بالمنقنقين واولاد المصارين البيض!
|
اتابع تلفزيون السودان كثيرا واكثر ما يستفزني فيه برنامج (بيتننا) وهو برنامج لحد ما جيد ولكن يبدو لي في غالب فقراته يتناسب وشرائح اجتماعية محددة ذات دخل عال واكثر ما يستفزني فقرة (المطبخ) وهو مطبخ منطلق من تلفزيوننا القومي اي تلفزيون الشعب السوداني وهو للاسف يقدم عرضا مترفا لوجبات دسمة وانيقة وغالية الثمن ليست واقعية تتناسب وظرفية شعب جل اهله من الجياع حيث تقريبا 95% منه تحت خط الفقر وهنيئا للسودانيين (المنقنقين واولاد الراحات) بهذا الطهي الانيق المتناسب مع جيوبهم المترعة بالمال حلاله وحرامه والاخير هو الغالب !
|
|
|
|
|
|
|
|
Re: مطبخ (بيتنا) يبدو خاصا بالمنقنقين واولاد المصارين البيض! (Re: هشام هباني)
|
كلامك وقع لي في جرح يا هباني
موضوع الفاهيتا وسلطة البيكاتو
وحاجات كدا زي اسامي الادوية...
هو دا طبعا تلفزيون حيكومة.. وحيكومات تجي وحيكومات تغور فليعملوا العاوزنوا
رايك شنو نحاول هنا نعمل بوست للاكلات السودانية الشعبية الجد جد ناس الويكة بكافة تفرعاتها من ام رقيقة وتقلية..الخ والعصيدة بكافة انواعها والاكلات الشعبية الحاصة ببعض مناطق السودان زي الويكاب والكول..الخ
وكل زول يدلو بحلتو هنا احسن ما التلفزيون يفقع مرارتنا
| |
|
|
|
|
|
|
Re: مطبخ (بيتنا) يبدو خاصا بالمنقنقين واولاد المصارين البيض! (Re: اشرف السر)
|
حبيبنا اشرف
تحياتي
ياخي الكيزان اولاد الهرمة ديل لخبتو ا علينا بلد نا لخبتة شينة جدا غيروا سلوك الناس ومظهرها ما عادت الجلابية سودانية ولا الطاقية ولا العراقي ولا الضحكة ولا المشية وحتى الاكل حقنا عاوزين احيرونا فيهو يا حليلك يا الموليتا ويا ملاح ام شعيفة وام تكشو وملاح المرس وملاح الروب وام دقوقة وام بقبق والكجيك والويكاب! مودتي
| |
|
|
|
|
|
|
Re: مطبخ (بيتنا) يبدو خاصا بالمنقنقين واولاد المصارين البيض! (Re: هشام هباني)
|
Quote: يا حليلك يا الموليتا ويا ملاح ام شعيفة وام تكشو وملاح المرس وملاح الروب وام دقوقة وام بقبق والكجيك والويكاب!
|
دي شنو اللغاويس بتاعتك دي يا هشام.. ياخي البرنامج ليس للسودانيين.. يعني مفروض توصي أخونا نشأت الإمام يكلم ناس تلفزيون السودان يعملوا برنامج مطبخ للأكلات الشعبية علشان يخلوك تتفرح كيف يطبخوا اللغاويس بتاعتك دي..
فاهيتا دي شنو ذاتها؟ دي أكله سودانية ولا حاجة بشربوها برضو وأنحنا ما عارفين إسمها؟!!
قال فاهيتة قال.
| |
|
|
|
|
|
|
Re: مطبخ (بيتنا) يبدو خاصا بالمنقنقين واولاد المصارين البيض! (Re: عزيز عيسى)
|
الحبيب عزيز عيسى
Quote: دي شنو اللغاويس بتاعتك دي يا هشام.. ياخي البرنامج ليس للسودانيين.. يعني مفروض توصي أخونا نشأت الإمام يكلم ناس تلفزيون السودان يعملوا برنامج مطبخ للأكلات الشعبية علشان يخلوك تتفرح كيف يطبخوا اللغاويس بتاعتك دي..
فاهيتا دي شنو ذاتها؟ دي أكله سودانية ولا حاجة بشربوها برضو وأنحنا ما عارفين إسمها؟!!
قال فاهيتة قال. |
المصيبة يا عزيز الليلة نفس الشيف شايفو جايب ليهو اكلات اجنبية ونوع من الجبنة اول مرة اسمع بيهو نحن في امريكا ما سمعنا بيها لكن كيفتني ليك سيدة فاضلة من دارفور ضربت ليهم وقالت ليهم عاوزين اكلات من دارفور واكلاتكم دي دسمة يعنى ما بنقدر عليها ولا بنعرفها قاموا الجماعة اتكبكبوا والشيف عامل ابو العريف ووعد المره االجاية اعمل لينا اكلة دارفورية...... ولو ما جابوا المرة الجاية اكلات من دارفور.....كل القوه خرطوم جوه!
| |
|
|
|
|
|
|
|