|
Re: ام احمد زعلانه منى وانا بعتذر على الملا (Re: محمد البشرى الخضر)
|
Quote: اب احمد اعتذار اليوتيوب سمح واي شي لكن كمان طعّموا بزيارة لسوق الدهب |
ود المحرب ما تسمع كلام أبوحتوت ده، لأنو على المدى الطويل فيروس الزعل سوف يكتسب مناعة ضد كل الأدوية دون الدهب.. ____ كحل رومانسي وغير مكلف، أم أحمد لامن تصحى تلقى الفطور قدامها، ومعاهو وردة ؛)
| |
|
|
|
|
|
|
Re: ام احمد زعلانه منى وانا بعتذر على الملا (Re: هشام هباني)
|
Quote: شيخ العرب ود المحرب
افو افو الله لا دام الزعل بين الاحباب تزعل الدنيا دي كلها الااختنا الكريمة ام احمد بت ودابو حريرة ما بنرضى فيها تب!
تحياتي ليها وللوليدات والحفيدة والله يسعدكم ويحقق كل الاماني
امين |
اه جنس الكلام يا الناظر بخليها ترضى تحياتى لى الوليدات احمد ونضال وامهم
| |
|
|
|
|
|
|
Re: ام احمد زعلانه منى وانا بعتذر على الملا (Re: جمال السنوسي)
|
Quote: شيخ العرب
تحية صباحية
وكمان مساهمة مني
مممكن تهديها الرابط ده
يا تشوفو هنا
يا ترسلوا ليها في ايميل
الرابط |
حبيبنا جمال السنونى شكرا على الرابط الرومانسى يازول نحن اصلو مابينا اميلات نحن على الهواء شكرا جدا يا اهل جده سعدنا بلقاك فى الاسابيع المنصرمه واتنمى ان اراك قريبا فى جده او الرياض
| |
|
|
|
|
|
|
Re: ام احمد زعلانه منى وانا بعتذر على الملا (Re: خالد المحرب)
|
Quote: هى زميله فى المنبر عشان كدا انا بعتذر ليها فى المنبر ليس سذاجه منى ولكن حبيت اقدم اعتذارى على المكشوف انشاء الله اعتذارى يلقا القبول من ست الحبايب هرمنا ولكن لس بنحب بعض الان هى نايمه وزعلانه والله |
شيخ العرب/ الحرب
سلام
سويت كلام ناس البندر,,, إلا صحي خطوتك زينة..
تستاهل ترضيها الزينة وان شاء الله ترضى عليك كمان..
وما ترجع اليد فاضية.. ولو بالورد ده:
| |
|
|
|
|
|
|
Re: ام احمد زعلانه منى وانا بعتذر على الملا (Re: خالد المحرب)
|
الاخ الغالي ابواحمد انت جد زول راقي ونرفع لك القبعة
مع انو باين انو غلطيك كبيرة عشان كده الإعتذار لازم إكون كبير وإكون على الملأ
وانت ما قصرت ابدا في الاعتذار والباقي على ست الناس الغالية بت ابو حريرة
تجي وتقبل الإعتذار وانا متأكدة انو صديقتي وحبيبتي الغالية ما ها تخذلنا وها تقبل الإعتذار
والله الواحد كل يوم بشكر الله ثم بكري ابوبكر على انو إتعرف على ناس راقيين وفاهمين مثلكم
ودي هدية بسيطة مني للغالية ام احمد
| |
|
|
|
|
|
|
Re: ام احمد زعلانه منى وانا بعتذر على الملا (Re: ساميه حامد)
|
المحرب ياجنا ها.............سلام زول شنبو قدر الاورتشى يتعضر للحروم افووووو يا ابوشنب جيبلك صوت وامشى عليها قال اعتذار قال هييييييييييييييييع انا الشافو خلو.......... خربتوا علينا العوين ديل بكلامكم الفارغ ده.. تانى هييييييييييييييع ماشفت ناس الانقاذ ببتنوهن كيفن يسمعوك ناس نافع والطيب مصطفى كان يقيمو عليك الحد.. لوووووووووووووووووول،،،،
| |
|
|
|
|
|
|
Re: ام احمد زعلانه منى وانا بعتذر على الملا (Re: صديق الموج)
|
Quote: خربتوا علينا العوين ديل بكلامكم الفارغ ده.. تانى هييييييييييييييع ماشفت ناس الانقاذ ببتنوهن كيفن يسمعوك ناس نافع والطيب مصطفى كان يقيمو عليك الحد.. لوووووووووووووووووول،،،، |
خالى صديق الموج انا عارفك فتان ياخ القوارير لازم نرفق بهم العشره ما بتهون ناس الانقاذ جلدهم للنساء بلاقيهم بالتاكيد
| |
|
|
|
|
|
|
Re: ام احمد زعلانه منى وانا بعتذر على الملا (Re: ساميه حامد)
|
يا اب احمد الله يسعد أيامك يا سمح،
شوف أم احمد هنا كتبت شنو..
تصفية حسابات..
شايف الفارسات بيقولن شنو؟
قسما أدمعت عيناي لما قريت كلاما في الحته دي
Quote: وقدر الحياه ما تقسي وتشتتك ويتكالب عليك وجع الغربه ووجع كتير يخليك تتحسس شريكك
ممكن يطلع مني ما يرجع |
ودالبشرى (أبوالنسب) : الناس الأغلى من الماس لايزينها الذهب.
وبعدين بالطريقه دي في ناس سيشهروا إفلاسهم .
ياسر طيفور: الجديد شديد.
| |
|
|
|
|
|
|
Re: ام احمد زعلانه منى وانا بعتذر على الملا (Re: الصادق ضرار)
|
لك يا بت البطانة الراقية
بت ابوحرير الأصيلة وراسية الزوق الأدب حايدا ماك حاسية قولي العفو بطبعك ماك قاسية والبعفى المسيح بضوق العافية
ماتسمع حديث ودالموج يا محرب راضيها وماتغلط فيها ست بيتك .. وإن شاء الله نسمع بيكم صافين وما أحلى صافية لبن
تحياتي أهل بيت طيبين خالد المحرب وعفاف ابوحريرة
تحياتي ومودتي
| |
|
|
|
|
|
|
Re: ام احمد زعلانه منى وانا بعتذر على الملا (Re: الطيب شيقوق)
|
Quote: ام احمد عافي منك دنيا واخرة
وكان عايزة زيادة عفو ارضى عنو _ الزل دا خلاص قال ليك الرووووووووووووووووووب
امشي فاصحها تاني عامل شنبك الماكن |
الطيب اخوى انا مسكين جدا والله مسالم بالذات مع اسرتى الصغيره لكن امس جيت زهجان من العمل وكان عندى ضغوط شديده جدا من العملاء الغير مريحين
| |
|
|
|
|
|
|
Re: ام احمد زعلانه منى وانا بعتذر على الملا (Re: ساميه حامد)
|
Quote: وانت ما قصرت ابدا في الاعتذار والباقي على ست الناس الغالية بت ابو حريرة
تجي وتقبل الإعتذار وانا متأكدة انو صديقتي وحبيبتي الغالية ما ها تخذلنا وها تقبل الإعتذار
والله الواحد كل يوم بشكر الله ثم بكري ابوبكر على انو إتعرف على ناس راقيين وفاهمين مثلكم
ودي هدية بسيطة مني للغالية ام احمد |
ساميه حامد انا جبت الورد ومعاهو بطيخ محل الورد قريب لكن البطيخ اليومين نادر شديد ولكن اتيت به انا عارفك واسطه قويه دحين ماتقصرى يا وزيرة الخارجيه
| |
|
|
|
|
|
|
Re: ام احمد زعلانه منى وانا بعتذر على الملا (Re: خالد المحرب)
|
Quote: انشاء الله اعتذارى يلقا القبول من ست الحبايب هرمنا ولكن لس بنحب بعض الان هى نايمه وزعلانه والله |
ياسلام عليك يا أبو أحمد والله أنا لو فى مكان ست الحبائب كنت سامحتك وقبلت أعتزاك بعد فتح البوست دا على طول ، ربنا يخليكم لبعض ويديكم العافية والصحة، تسلموا .
ملحوظة
ود الموج يجازى محنك انا بضحك لحدى ما شايفة الحروف طشاش يا خى الكلام دا بتجيبوا من وين ، وسجم خشم أم أولادك لو زعلت منك هههههه.
| |
|
|
|
|
|
|
Re: ام احمد زعلانه منى وانا بعتذر على الملا (Re: فيصل محمد خليل)
|
خالد المحرب اخوي الراجل الشوفوه خلوهو ام احمد دي زعلها ذي ما انت عايز ولمن تصحى من النوم او امشي صحيها وادفرها وطلعها برا البيت والله الف من يتمناك يا خالد اخوي اصلك راجل دغري وكلامك ما بيقع الواطة اصلك ما تتراجع ولا تعتذر هييييييييييييع الراجل الضكر ام سكين في الضراع قال يعتذر قال
| |
|
|
|
|
|
|
Re: ام احمد زعلانه منى وانا بعتذر على الملا (Re: عبدالمجيد الكونت)
|
Quote: :ام احمد زعلانه منى وانا بعتذر على الملا
|
قولة : معليش , أسف , أعتذر , حقك علي وغلطان. الإعتذار بي كلمة طيبة حنونة ومسؤلة , طالعة من جوه الجوه. الكــــــــلام الطالع منك ده بالدنيا وكل دهبها وجواهرها. تقديرك لي رفيقة دربك وحرصك علي رضاءها وعدم زعلها وإصرارك علي إعتذار علني , حاجة لا توصف ولا تقدر باي ثمن . الله ..الله ..الله عليك ياخ.
رببنا يخليكم لي بعض , ويديم المحبة والتقدير والإحترام بينكم ..
| |
|
|
|
|
|
|
Re: ام احمد زعلانه منى وانا بعتذر على الملا (Re: هواري نمر)
|
ام احمد بت القبائل بت ابوحريرة بت الشيوخ النارهم ما بينطفي بت شيوخ البطانة غايتو ابواحمد دا ما عنده نظر اول ما شفتكم وفي اول لقاء للبورداب افتكرك بنتو غايتو في الزمن دا في ناس ربنا بيعطيهم النعمة ولكن ما بيصونوها اصلك ما تقبلي اعتذارو الله يحفظك ويبارك في ذريتك انت بتعرف الملخبط افكار ود المحرب منو واحد اسمو صديق الموج
| |
|
|
|
|
|
|
Re: ام احمد زعلانه منى وانا بعتذر على الملا (Re: هواري نمر)
|
جنيا لود النمير راسو قد المدير قالوا كدايا من كدايا بدلا ما اقولو حاضر يا سيد قام قالوا كدايا من كداي اها ما بتشوفو اباري بالحدايق . . . قسما احاسبني بيهو رب العالمين : اجمل زوجين صديقين اراهما في حياتي اب احمد وام احمد ربنا يحفظهما ويكفيهم شر حاسديهم
| |
|
|
|
|
|
|
Re: ام احمد زعلانه منى وانا بعتذر على الملا (Re: ودقاسم)
|
Quote: ام احمد بت القبائل بت ابوحريرة بت الشيوخ النارهم ما بينطفي بت شيوخ البطانة
|
الأخ الجميل خالد المحرب
أنت و بت القبائل اختي عفاف ابوحريرة مثال ممتاز للعشرة و الحياة الزوجية السعيدة .. و بيني و بينك و يشهد الله ان بت القبائل لا تستحق اي حاجة تعكر صفوها..جمعتني بكم أسعد و اجمل لحظات في حياتي أحسست من خلال هذه اللحظات كم السعادة التي بينكم و اعجبني جدا التفاهم الكبير بينكم .. معزرة ساكتب هذا الموقف جلست في رحلتي الاخيرة مع الصديق خالد المحرب اذكر بان الوقت كان متاخر جدا بعد ان حضرنا من الجلسة التي اعدها بورداب الرياض لي في حدائق السلام جلسنا انا و اخي المحرب نتجاذب اطراف الحديث حتي الساعة 4 صباحا فجاة و بدون اي مقدمات في حوالي الساعة 4 و نص صباحا دخلت علينا بت القبائل تحمل لنا كمية من المشويات الساخنة و لو تذكر قلت لك يا المحرب تحمد الله علي هذه المراة الكريمة لان في مثل هذا الوقت لو ابوك العمدة ذاتو المرة ما تقوم تعمل ليك عشاء في هذا الوقت المتاخر بالله عليك يا خالد المحرب ان تراضي اختي بت المحرب بكل السبل تحياتي الي بت القبائل و كل الحلوات و تحية اكثر خصوصية للحفيدة الولوفة منه
| |
|
|
|
|
|
|
Re: ام احمد زعلانه منى وانا بعتذر على الملا (Re: Asma Abdel Halim)
|
سعدت جدا بكل حرف كتب هنا وكل كلمه نابعه من القلوب الطيبه لكم منى الشكر والعرفان والتقدير ونحن فى هذه الواحه الظليله نستظل بها جميعا انا وزملائى الاعضاء فى كل انحاء العالم . والتحيه الخاصه للريس بكرى الذى كان سببا فى بناء هذا الصرح الذى يجمعنا بكم دوما وشارك فى ربط علاقات وصلت الى المصاهره ودى نعمه كبيره جدا شكرا مره اخرى احبكم جميعا من جوه قلبى
| |
|
|
|
|
|
|
Re: ام احمد زعلانه منى وانا بعتذر على الملا (Re: Sana Khalid)
|
ياحبيبنا ود المحرب بس قول ليها : ليك بقـدم اعـــــتذاري من وداد في دمي جــاري من نسيمات أرض البطانة وروعة النيل في العصـاري من وجـــيع ما ليا غـيرك ومن ربيـعي وازدهـــاري ليك بقــدم اعتـــــــذاري ..
وعموما يظل الاعتذار ثقافة راقية ويقف بلا منازع على قمة التحضر الانساني
فلك ياسيدي ولها تحياتي وسلامي خضر
| |
|
|
|
|
|
|
Re: ام احمد زعلانه منى وانا بعتذر على الملا (Re: ابوبكر قسومة)
|
بعد اهداء بت ابوحريرة للشيخ العرب
اغنية زول بريدك ذى مافــــــــــي
انقطع الكلام ، لا عزاء للشمات ناس ود شيقوق
ومن لف لفهم.
بت الرجال حاشاها مى زعالــــــــــــــــــه
ما سويت شين ما لاموها قط فى قوالـــــــــــه
بت بيت اللبن ست العيوش كيالـــــــــــــه
اولادى الصغار قالوا فى حق النسيبه لابد من غاره
ياود المحرب إن زعلتها تانى ما بينا دبــــاره
| |
|
|
|
|
|
|
|