|
|
 متى سنخرج من جلباب كنا
|
جدنا المهدي وعثمان دقنة والمك نمر وعبدالفضيل الماظ والنجومي و و و و ،،، انهم من جميع السحنات القبائل السودانية، كانو اسودا ضواري وكانو نجوما تضوي، كان اجدادنا وكان اجدادنا، كان اجدادنا للحارة واقفين، كان اجدادنا للفرقة سدادين، وقد كانو وانحنا لازلنا واقفين في محطة كنا برغم ضياع وطنا، انني علي اتم اليقين لو علم هؤلاء الابطال بأن احفادهم سيكونون بهذا الخضوع والخنوع لقطعو اجهزتهم التناسلية حتي لا يأتي من بعضهم اقوام للباردة هم راقدين وفي الحارة اول الجاريين.
ياجماعة الي متي سوف نجعلهم يتألمون وهم في رقادهم الابدي.
|
|
 
|
|
|
|
|
|
|
|
Re: متى سنخرج من جلباب كنا (Re: عبدالعزيز عبدالله محمد)
|
لقد جعلنا وطنا يتراجع الي الوراء من جميع النواحي بداية من الوعي والاقتصاد والترابط وحتى المساحة ,,, ونحن منهمكين بالجري وراء اشياء لا تسمن ولا تغني من جوع
تركنا وطنا فريسة لكل عابث
تركنا قيمنا تقهقرها موجات التطلع لكل ما هو تـافه
تركنا اخلاقنا ينهشهاالطمع
تركنا ترابطنا يفرقة التراخي
الي متى
| |
|
|
|
|
|
|
|
|
|
Re: متى سنخرج من جلباب كنا (Re: عبدالعزيز عبدالله محمد)
|
| Quote: متى سنخرج من جلباب كنا |
دا الجلباب الوحيد الفاضل لينا يا عبد العزيز
السودان في مرحلة المعاش الاختياري ...!!
الواحد لما ينزل معاش بكون عايش علي انجازاتو السابقة
و غير الركلسة و الحوامة لتضيع الوقت ما عندو شي
يا هو دا حالنا ... و من فارق جلبابو قلت سعادتو
زمان خليل فرح قال: عزه قومي كفاك نومك
اسه لو جا راجع حا يقول : عزه وينها؟؟؟
يا زول ما تقلب علينا المواجع ... موضوعك دا طويل و معقد
و لو اتكلمنا 3 سنين ما حا ينفع.
| |
|
|
|
|
|
|
|
|
|
Re: متى سنخرج من جلباب كنا (Re: ناصر احمد الامين)
|
والله يا ابو النصر الضرب على الميت حرام
لكن ياخ انحنا تمت تعبأتنا داخليا بأننا احسن ناس وناس الحارة ديل اهلي... ياخ انا والله زاتي بقيت ما عارف الحارة دي شكلها كيف
وزي ما بتقول النكتة لما عمك سأل الزول قال ليهو السكين دي خاتيها في يدك لي شنو؟؟ قال ليهو لليوم الاسود ... كان رد عمنا في يوم اسود من كدة ...
حقيقة لما يتم التغني: ولمثل هذا اليوم قد عملنا ... والله اظن الجماعة الناضلو ودفعو روحهم من اجل العزة لو عرفو انو اليوم الزي دا حيجي كان نامو في ضل الضحى...
ويبقى الالم
| |
|
|
|
|
|
|
|
|
|
Re: متى سنخرج من جلباب كنا (Re: عبدالعزيز عبدالله محمد)
|
| Quote: لكن ياخ انحنا تمت تعبأتنا داخليا بأننا احسن ناس وناس الحارة ديل اهلي |
دي هواجة ساكت بالمناسبة ... الرجالة ما كلام و لا تخيين صوت و لا نطيط و لا صرصرة وش.
في العصر الجاهلي كانت الرجالة طلعان خلا. سيفك في يدك و حصانك تحتك، و في الليل يقولو شعر
انا الذي .. و انا الذين .. ما كان عندهم شغلة!!
تخيل معاي انو لي هسه نحن عايشين بي فقه العصر الجاهلي دا، و ما عارفين انو معاير القوه واستعراضها
و حتي الفخر بيها اتغيرت تماما.
لي هسه نحن بنقول المك نمر و هو (في وجهة نظري) زول غدار ساكت، عزم الخواجات و سكروا و بعد ما نامو
قام حرقهم ...... دي رجالة دي ؟؟؟ تغدر بي زول وثق فيك و اديتو الامان؟
من الاخر يا عبد العزيز (نحن اكعب ناس)
| |
|
|
|
|
|
|
| |
عبدالعزيز عبدالله محمد
ناصر احمد الامين
فيس بوك
تويتر
انستقرام
يوتيوب
بنتيريست